المقدمة:
كانت عم تتفرج من الشباك على المطر و عم تغني انا لحبيبي وحبيبي الي يا عصفورة بيضا لا بقا تسألي ......كان صوتها بجنن بمجرد ما يسمعو الشخص بموت بحبها
سالي بنت طيوبة من جوا بس من برا قوية وقد حالها رشيقة شعرها اسود لامع و طويل وعيونها ملونين بشرتها حنطية و متوسطة الطول عمرها ١٧. كانت انتيمتها الوحيدة لسالي هي ريم .... ريم البنت يلي كانت معها من صف الخامس للبكالوريا الهن ٨ سنين مع بعض شو ماصار بيحكوا لبعض و ولا وحدة بتخفي عن التانية شي هنن متل الاخوات و بحياتهن يوجد بس مرح مافي مكان للزعل...... ريم شعرها خرنوبي وعيونها عسليات بيضة و متوسطة الطول متل سالي.... طيوبة كتير وبتتأثر من اي كلمة بتجرحها وكمان عمرها ١٧.
Telegram:@rwayate
الجزء الاول:
سالي:خخخخخخخخ (عم تتاوب) شووو هاد الساعة ٦:٤٠ يا الله كيف هيك رح اتاخر عن المدرسة خليني قوم البس بسرعة..... ماما ماماا ماماااااااا
ام سالي: اي اي شبك شوفي ليش عم تصرخي من الصبح.
سالي:ماما اتاخرت عن المدرسة ليش ما فيقتيني هلئ باكل بهدلة من المديرة يا الله
ام سالي:اي يلا يلا روحي البسي.
راحت سالي لبست بلوزة صفرا صوف عريضة شوي ولبست عليها بنطلون اسود وحطت شال اسود وبوط اصفر داخلو خط ابيض حطت ميك اب خفيف واخدت شنتايتها.
سالي: يلا يا روحي بدك شي.
ام سالي: الله معك يا البي تعي كلي لقمة.
سالي:والله اتاخرت يلا سلام ادعيلي
ام سالي:الله يوفقك ويحميكي يا رب.
وصلت سالي على المدرسة ومن حسن حظها انو المدرسة عم تنبه عن اخد الموبايلات فا ما حدا حكاها..
ريم:لك وين كنتي يا دبة لهلئ ااه لهلئ الساعة ٧:١٥ يعني لازم نكون مبلشين من ربع ساعة بس من حسن حظك انو المدرسة عم تعطي تنبيه.
سالي: اي اي شبك بلشت فيني متلي اللي قاتلتو قتيل شو صار يعني واذا اتاخرت...
صارو يضحكو التنتين😂
خلص دوام اليوم وكانوا هلكانين...
ريم: سالي شو رأيك نروح ناكل بوظة كتير هافة على نفسي بوظة من عند بكداش.
سالي:امممممم.... ستني لقول لامي
ريم:ماشي.
راحو سالي وريم لياكلوا بوظة عند بكداش بس ع قد مو المحل مليان عم يدفشو دبان وجهن😂
ريم:لك شو هاد المحل مليان.
سالي:يلا الا ما تفضى شي طاولة انا رايحة جيب البوظة خليكي هون لتلاقي طاولة
ريم: اوك
مشت سالي لتجيب بوظة طلبتهن ومن الفرحة خبطت ب تيم
تيم شب مثقف و واعي عمرو ٢٠ سنة شعرو اسود عيونو بنيات طويل وابيضاني.
سالي:اسفة اسفة والله ما كان قصدي
تيم: لا عادي حصل الخير يلا ما بأسر
سالي: عنجد مو قصدي.
تيم: خلص صدقتك (ضحك)😂😂... بالمناسبة شو اسمك
سالي: انا سالي وانت شو اسمك
تيم: انا تيم😊
سالي: اتشرفت بمعرفتك 🙂
تيم : وانا🙂
سالي: يلا عن اذنك اتاخرت سلام
تيم: سلاام