📚قصص||روايات||منوعة📚

قصة مشاركة من صديقة القناة (تواقة) بعنوان: #ايام_د

rwayate

بـدايـة الـقـصـة..❤️✨

هدول القصص حلوة اقرأوهن💚🌼

📚قصص||روايات||منوعة📚

rwayate

. . .

حال المشركين قبل بعثة إبراهيم لا يتحدث القرآن عن

📚قصص||روايات||منوعة📚

rwayate

مواجهة عبدة الكواكب والنجوم

قرر إبراهيم عليه السلام مواجهة عبدة النجوم من قومه، فأعلن عندما رأى أحد الكواكب في الليل، أن هذا الكوكب ربه. ويبدو أن قومه اطمأنوا له، وحسبوا أنه يرفض عبادة التماثيل ويهوى عبادة الكواكب. وكانت الملاحة حرة بين الوثنيات الثلاث: عبادة التماثيل والنجوم والملوك. غير أن إبراهيم كان يدخر لقومه مفاجأة مذهلة في الصباح. لقد أفل الكوكب الذي التحق بديانته بالأمس. وإبراهيم لا يحب الآفلين. فعاد إبراهيم في الليلة الثانية يعلن لقومه أن القمر ربه. لم يكن قومه على درجة كافية من الذكاء ليدركوا أنه يسخر منهم برفق ولطف وحب. كيف يعبدون ربا يختفي ثم يظهر. يأفل ثم يشرق. لم يفهم قومه هذا في المرة الأولى فكرره مع القمر. لكن القمر كالزهرة كأي كوكب آخر.. يظهر ويختفي. فقال إبراهيم عدما أفل القمر (لَئِن لَّمْ يَهْدِنِي رَبِّي لأكُونَنَّ مِنَ الْقَوْمِ الضَّالِّينَ) نلاحظ هنا أنه عندما يحدث قومه عن رفضه لألوهية القمر.. فإنه يمزق العقيدة القمرية بهدوء ولطف. كيف يعبد الناس ربا يختفي ويأفل. (لَئِن لَّمْ يَهْدِنِي رَبِّي) يفهمهم أن له ربا غير كل ما يعبدون. غير أن اللفتة لا تصل إليهم. ويعاود إبراهيم محاولته في إقامة الحجة على الفئة الأولى من قومه.. عبدة الكواكب والنجوم. فيعلن أن الشمس ربه، لأنها أكبر من القمر. وما أن غابت الشمس، حتى أعلن براءته من عبادة النجوم والكواكب. فكلها مغلوقات تأفل. وأنهى جولته الأولى بتوجيهه وجهه للذي فطر السماوات والأرض حنيفا.. ليس مشركا مثلهم.

استطاعت حجة إبراهيم أن تظهر الحق. وبدأ صراع قومه معه. لم يسكت عنه عبدة النجوم والكواكب. بدءوا جدالهم وتخويفهم له وتهديده. ورد إبراهيم عليهم قال:

أَتُحَاجُّونِّي فِي اللّهِ وَقَدْ هَدَانِ وَلاَ أَخَافُ مَا تُشْرِكُونَ بِهِ إِلاَّ أَن يَشَاء رَبِّي شَيْئًا وَسِعَ رَبِّي كُلَّ شَيْءٍ عِلْمًا أَفَلاَ تَتَذَكَّرُونَ (80) وَكَيْفَ أَخَافُ مَا أَشْرَكْتُمْ وَلاَ تَخَافُونَ أَنَّكُمْ أَشْرَكْتُم بِاللّهِ مَا لَمْ يُنَزِّلْ بِهِ عَلَيْكُمْ سُلْطَانًا فَأَيُّ الْفَرِيقَيْنِ أَحَقُّ بِالأَمْنِ إِن كُنتُمْ تَعْلَمُونَ (81) (الأنعام)

لا نعرف رهبة الهجوم عليه. ولا حدة الصراع ضده، ولا أسلوب قومه الذي اتبعه معه لتخويفه. تجاوز القرآن هذا كله إلى رده هو. كان جدالهم باطلا فأسقطه القرآن من القصة، وذكر رد إبراهيم المنطقي العاقل. كيف يخوفونه ولا يخافون هم؟ أي الفريقين أحق بالأمن؟

بعد أن بين إبراهيم عليه السلام حجته لفئة عبدة النجوم والكواكب، استعد لتبيين حجته لعبدة الأصنام. آتاه الله الحجة في المرة الأولى كما سيؤتيه الحجة في كل مرة.

سبحانه.. كان يؤيد إبراهيم ويريه ملكوت السماوات والأرض. لم يكن معه غير إسلامه حين بدأ صراعه مع عبدة الأصنام. هذه المرة يأخذ الصراع شكلا أعظم حدة. أبوه في الموضوع.. هذه مهنة الأب وسر مكانته وموضع تصديق القوم.. وهي العبادة التي تتبعها الأغلبية.

📚قصص||روايات||منوعة📚

rwayate

مساااكن💚
تعوا ندردش ونتسلا مع انو ماعندي شي حالياً 🤧💙
سؤال: في شخص بحياتك بتكرهو او بتتمنى تخلص منو 🙁 ؟!
ابعتوا لهون
@Rsala_maghola_bot
والنشر هون @saraha_m

📚قصص||روايات||منوعة📚

rwayate

📚قصص||روايات||منوعة📚

rwayate

قصة اليوم: #صمود_فتاة
.............
قراءة ممتعة🦋💙"
#ⴅÂÐЄĦÂ

📚قصص||روايات||منوعة📚

rwayate

#صمود_فتاة_قصة
#بقلم_دلوفان_علي
الجزء 1
Telegram:@rwayate
كنت عم فكر لو انا عايشة غير حياة .. لو عندي عائلة بتحبني حب نضيف وصادق .. كان في بخيالي عالم كامل ..حلوووو ..كتيير حلوو .. كان عالمي الخاص بحط فيه الي بدي ياه وبطالع منه الي مابدي ياه ... بشكر الله الف مرة انو عطانا خيال .. نعمل فيه الي بدنا ياه .. صحيت من افكاري ع صوت امي
ام رفيف : لك رفييف .. هاتي الكيس يلا ايدي تكسرو

رفيف : اي امي حاضر

رحت وجبت الكيس عطيته لامي وسألتا اذا بدا شي وكملت ع غرفتي ..((انا عيلتي مكونة من امي وابي واخي الكبير متزوج وعندو بنت وصبي ..واخي الاصغر منو كمان متزوج وعندو صبيين .. واخي الاصغر منو متزوج وعندو بنت.. اما الاصغر ف هو مو متزوج.. وكان عندي اخ واخت توأم اصغر منو توفو .. اما انا البنت الوحيدة لهي العيلة )).. دخلت وقفلت الباب .. رحت ع مخبأي السري .. هو عبارة عن درج محدا بيعرف فيه غيري انا .. كان مخزني الخاص .. فيه صوري و ذكرياتي وحتى رسائلي الي كتبتا لاشخاص وما بعتا ... طلعت منو دفتر ملاحظات صغير .. هاد الدفتر فيه كل شي من بداية السنة .. بكل يوم اكتر شي مميز بصير .. بكتبو بهالدفتر ...
كنت عم اكتب لما انفتح الباب فجأة وبقوة ... ومنيح انتي كنت قافلته ... رجعت كلشي لمكانه وفتحت الباب ...
كان اخي #خالد الكبير
خالد : شو عم تعملي هون وليش قافلة الباب ؟
Telegram:@rwayate
رفيف : اناا .. كنت .. بدي بدل تيابي ..

خالد : امممم.. طيب نزلي يلا جبنا اكل جاهز

رفيف : سبقني ورح الحقك .. بس بدل تيابي

طلع اخي من غرفتي .. سكرت الباب واخدت نفس .. بدلت تيابي ونزلت .. تغدينا وشلنا السفرة .. ورجعت ع غرفتي .. طلعت شوكولا من الدرج السري لانو بابا كان مانعن من البيت لهيك كنت اجيب بالسرقة ..اكلتا ونزلت لتحت .. سهرنا الكل سوا ورجعت طلعت ونمنا الساعة 11 ..
صحيت بعد ساعتين .. كانت الساعة 1 ..كنت حاسة بعطش كتييييييير .. نزلت على روس اصابيعي مشان ما فيق حدا .. وبيتنا لازم تعدي عالصالون لحتا تدخلي المطبخ .. والكنابايات ضهرن علي .. لمحت ضو عالكنباية .. قربت شوي .. لقيت بابا .. عم يراسل وحدة !!... كان عم يتغزل فيا .. وعم يقلا رح اجي ومارح طول .. انا نصدمت .. ركضت عالمطبخ وجبت مي.. وغسلت فيا وشي عبيت منا قنينة صغيرة وطلعت ع غرفتي عالسكيته .. دخلت وقفلت الباب وسندت حالي عليه وانا بعدني مصدومة ... حطيت حالي Telegram:@rwayate بالفرشة وبلشت طق بأصابيعي من التوتر .. فكرت كتير شو رح اعمل .. ماطلع معي شي .. لو خبرت ماما مارح يطلع بإيدا شي .. ولو خبرت اخواتي رح يدبحوه !!..نعست وبلشت اغفى شوي شوي. .. شفت حلم كتيير حلو .. شفت اني ب مكان كلو خضار وورد وفيه شلال بينولد من الشلال نهر .. بس مية النهر قوية كتير ... كنت واقفة مع اهلي من الطرف التاني من النهر .. طرف الصحراء و الصبار والنشفان .. كانت كل عيلتي موجودة معي ..صار الكل يحاول يعدي النهر .. ابي صار يركد و ما اهتم فينا .. هو عدا قويت المي كتييير وماقدر يتماسك وراح مع المي .. بعدا اخي خالد شال ولاده بحضنه و ركض فين .. ووصلو للجهة التانية بس بصعوبة كبيرة .. اما اخي الاصغر منو وائل بكل سهولة عدا النهر مع مرتو وولاده .. ورجع مرة تانية لعنا لحتى يساعدنا ... اخي الأصغر منو يامن كان همه انو ينقذ مرته وبنته .. ويوصل للجهة التانية بسلامة .. وصل بس بعد محاولات ... اخي الصغير سالم .. كان نسخة عن ابي .. عمل نفس الحركات ونفس التصرف .. Telegram:@rwayate وغرق بالمي .. كنت شايفة ع هديك الجهة اخواني التوأم هدى وهادي .. كانو عم يطلعو فيني وعم يبتسمو .. مديت ايد لامي والايد التانية لاخي الي رجع لعنا .. وعدينا النهر .. لما عدينا وقفت حركة المي وعدينا بسهولة كبيرة ...
_______________
فقت عالساعة 10 وكان راسي رح ينفجر .... نزلت لتحت شربت حبة ودورت ع امي ما لاقيتا ... البيت كان فاضي .. مافيه اي حدا .. اي صوت .. اي نفس.. بيت كبيييييير وفاضي.. بحكم شغل بابا انو تاجر كانت حالتنا فوقةالممتاز .. كان بيتنا اشبه بقصر .. طلعت لفوق جبت موبايلي ونزلت .. اتصلت بأمي ..
ردت
Telegram:@rwayate
رفيف : الوو .. وينكن ماما .. البيت مافيه حدا .. وليش تاركيني لحالي

ام رفيف : بنتي على مهلك .. عطيني مجال لاحكي .. كنتي نايمة قلنالك طالعين عالضيعة ... قلتيلنا روحو ماني رايحة .. ورحنا

رفيف: طيب وين انتو هلأ ؟

ام رفيف : نحن ب الضيعة ... واحتمال ما نرجع ليومين

رفيف :شوووو ... كيف ماترجعو وابقى لحالي .. افففف .. طيب رح اتصل بنور تجي لعندي تبقى معي الليلة

ام رفيف :يلا مع السلامة بنتي .. وانتبهي ع حالك

سكرت الخط .. واتصلت بنور .. نور هية رفيقتي .. او توأمي .. بتعرف كلشي عني ... ردت علي

رفيف : مرحبا دبدووبة .. شو عم تعملي

نور : اهلين .. كنت نايمة .. خربتيلي نومتي ..

📚قصص||روايات||منوعة📚

rwayate

رفيف : يلا قومي صحصحي وتعي لعندي منفطر سوا .. وىح تبقي عندي الليله .. اهلي راجو عالضيعة ومارح يرجعو اليوم ..

نور : بالله شو .. لانو الشغلة بكيفي اطلع وادخل .. تصطفلي منك لامي اذا سمحتلي بجي ..

رفيف : هههههه.. اي ولا يهمك هي عندي .. امك بتحبني ومابترفضلي طلب
Telegram:@rwayate
نور : اي لانك مابتعرفي ليش بتحبك .. ع كلن مسكي احكي معا

رفيف : مرحبا خالة ... كيفك .. خالة انا لحالي بلبيت .. واهلي مو جايين اليوم .. بدي نور تجي تنام عندي .. لو سمحتي وافقي .. بترضي ابقى لحالي

ام نور : لك على مهلك يابنتي على مهلك .. والله انك نهفة .. طيب رح خلي اخوها يوصلا ..

رفيف : ايييييي .. يسلمو كتير كتير خالة .. يلا باي

سكرت التلفون وطلعت ع غرفتي ..كان شباك غرفتي مفتوح والدنيا برودة.. طلعت من الشباك شفت الحارث .. عم يحكي مع واحد .. وعم ياخد منه مصاري .. ماقدرت شوف وش الي عم يعطيه مصاري لانو كان ضهرو علي .. حسيت بكهربا بجسمي .. بقيت عم اتفرج لبينما مشي الزلمة .. سكرت الشباك وبعد ب 10 دقايق سمعت صوت جرس الباب .. ركضت فتحت الباب ..

نور : مرحبااااا ... مشتقاتيلي بعرف .. بوسك ولا بلاها .. او قلك بلاها .ههههه

رفيف : تضربي ..
سحبتا وكنت رح سكر الباب
Telegram:@rwayate
#احم احم ... شو مافي تفضل

📚قصص||روايات||منوعة📚

rwayate

📚قصص||روايات||منوعة📚

rwayate

صمود_فتاة_قصة
#بقلم_دلوفان_علي
الجزء 2
Telegram:@rwayate

كان رائد اخوها لنور .. شب اسمر طويل ونحيف .. عيونو بنيات وشعرو اسود

رائد : انا مارح طول... نور جيبيلي كاسة مي

نور : حاضر ..

راحت نور وبقينا واقفين انا ورائد ..

رائد : اذا لزمكن شي اتصلو فيني .. انا رح كون موجود

رفيف : لا .. مافي داعي .. الشوفير موجود .. منطلب منه

رائد : اي بس انا قلت انا موجود مافي داعي للشوفير ..

بلش يقرب مني شوي شوي وانا اتراجع ..

رائد : شكلك مارح تفهمي علي بالالغاز ؟!.. بعرفك ذكية .. وبتلقطيا عالطاير

توترت كتير وركضت عالمطبخ .. شافتني نور وقالتلي شبك .. تهربت من سؤالا .. اخدت المي لاخوها وبمجرد ما طلع انا طلعت من المطبخ ..
Telegram:@rwayate
نور : اي .. وهلأ

رفيف : اول شي خلينا نفطر وبعدا منفكر ..

حطينا فطور وفطرنا .. وقعدنا بالصالون ..

نور : الجو كتير ملل .. اذا رح نمضي اليوم هيك .. رح ارجع عالبيت هاا ..

رفيف : لك لا شو ترجعي عالبيت .. امممم .. تروحي ناكل بوظة ؟

نور : اي ليش ماروح بروح ..

رفيف : يلا تكة لالبس

طلعت ع غرفتي .. طلعت بنطرون جينز وفوقه قميص طويل ابيض .. وشلت شعري لفوق وربطته .. ولبست جاكيت جلد زهري مشان الجو لانو كان خريف .. ونزلت لتحت .. كانت نور عم تحكي عالموبايل ومو منتبهة علي ..

نور : لحظة اسألها ... لك اي ..اي ..ماشي .. لحظة
اندارت لورا وتفاجأت فيني

رفيف (بهمس): مين هاد ؟!؟

نور : هاد اخي عم يقول هو رح ياخدنا .. خليه يجي ؟
Telegram:@rwayate
رفيف : رح نتأخر هيك لبينما يوصل لهون

نور : لا هو قدام الباب عم يستنانا ..

رفيف : طيب خلص امشي يلا

طلعنا لبرا كان رائد واقف عم يحكي مع الحارث .. اول ماشافني جمد بمطرحه .. قربنا عليه وهو بعده صافن فيني ...

رفيف : احم احم .. شو مابدنا نمشي
رائد : اه ؟!.. اي منمشي ليش لأ منمشي ..

ركبنا بالسيارة وقال: لوين بدكن تروحو ؟

نور : يعني لوين .. لعند اقرب محل بوظة ..

رائد : بوظة .. بهالجو !

رفيف : اي شو فيها .. اصلا هالجو كاير حلوو ... ياريت تروح وترجع بسرعة .. لانو مافي حدا بلبيت .

رائد :طيب .. ماشي ..

رحنا اكلنا بوظة وتفتلنا شوي ورجعنا .. بلشت الشمس تغيب .. والدنيا زادت برودة .. وصلنا عالبيت وودعناه وراح .. اول مادخلنا عالبيت شميت ريحة عطر .. كانت ريحة طيبة كتير ..

رفيف : نوور .. شامة الي انا شاممته .. هالريحة .. وليي شو طيبة ..

نور : اي بس .. من وين الريحة .. مافي غير انا وانتي ..
Telegram:@rwayate
رفيف : اي والله .. مابعرف .. لحظة .. شو هاد !!

كان في عالطاولة بالصالون باقة ورد جوري كبيرة ... سكرت الباب وقفلته .. دخلنا لجوا .. شلت الباقة وشميتا .. اخدت نفس طوييييل منا ..

رفيف : بعشق الورد الجوري انا .. ليكي معا رسالة ..

نور : يلا فتحيا بسرعة .. بدي اعرف مين العاشق الولهان فيكي ..

رفيف : بلا غلاظة ...

فتحت الرسالة
محتوى الرسالة :
‏- كانَ العُمرُ باهتّ ومنّذُ أنَ عرفّتكَ تورّد 🌸 ✨.
المرسل : عاشقك ..

نور : ايوااا .. وطلع عندك معجب تاني ..

رفيف :ههههه.. ليش في معجب اول ؟

نور : اي .. اخي .. هلأ جد مانك ملاحظة اهتمامه الزايد فيكي ..

رفيف : شو يعني !؟ بدك روح وقلو انا كمان بحبك ؟.. دبة انتي .. بتعرفيني مابحب هيك شغلات .. بس هالورود بجننو كتييير حلوين

نور : انا جعت .. ياريت عدينا ع مطعم ..
Telegram:@rwayate
رفيف : له يا نونو .. هلأ منطلب ديليفري ..
طلبنا ديليفري .. واكلنا .. وقعدنا ونحن مالين ..

نور : شو رأيك نتفرج ع فلم رعب ؟؟

رفيف : فكرة حلوة .. هلأ بجيب فلم من غرفة اخي .. استنيني ..

طلعت ع غرفة اخي .. جبت الفلم وطلعت .. كنت عم امشي بالممر باتجاه الدرج .. حسيت بخطوات شخص وراي .. انداريت بسرعة .. مالقيت حدا .. كملت ركض لتحت .. بدون ماوقف ..
رفيف : اي ليكو .. هاد اكتر فلم برع.... نور ..نوووور .نور وينك ..

وقفت بمكاني وصرت صيحلا .. تعبت من الصياح رحت قعدت وصحت بصوت عالي : رح شغل الفلم هاا .. تصطفلي ..
استنيت ماردت علي .. فجأة انحطت محرمة ع تمي .. وغبت عن الوعي ..
#يتبع