#بقلم_أسماء_بكيرة
#الجزء_الثالث
لانا. بس بقى فادي حاج ضحك على بعضنا لك انت مابتعرف مين هي نادين
فادي. بالله ومين هي بقى
لانا. مع الزمن رح تعرفها منيح وبتقول لانا قالت
فادي. ...
سكرت الخط
صدمني كلام لانا ماكنت متوقع انها حقودة لهالدرجة وعم تحكي عن رفيقتها هيك طبعا مارديت عليها وامت هالأفكار من راسي ورجعت لدراستي وجامعتي...
الأيام عم تمر وحبي لنادين عم يزيد صح كانت لانا تكرهني فيها بس ماقدرت حبي لنادين اكبر من كل هالكلام صرلي مع نادين 3 أشهر قررت اعترفلها بحبي .
فادي. نادين بدي قلك شغلة
نادين. احكي
فادي. نادين انا ..
نادين. شباك ليش هيك متلبك
مابعرف كانت هالكلمة ماعم تطلع من تمي حاولت كتير بس ماقدرت اجت لانا من بعيد
لانا. نادين يلا قومي عنا محاضرة
نادين. يلا روحي انت في شي بدو يقلي ياه فادي بلحقك بعد شوي
لانا. شي متل شو اي يلا قومي بعدين بقلك
نادين. لك استني يلا يلا ايمة
سحبت لانا نادين من ايدها وراحت هي وياها وضليت لوحدي اجا براء
براء. كيفو ابن العم
فادي. منيح
براء. شباك عمو
فادي. مافي شي
براء. لك احكي مارح اكلك
فادي. لانا
براء. هي البنت الحلوة قلي شبها
فادي. حلوة من وين الحلاوة بالله
براء. روح يازلمة ما بتعرف بالحلاوة اي ماقلتلي شبها
فادي. لك ماعم تتركني بحالي اليوم كنت رح قلها لنادين اني بحبا مالاقيت غير اجت لانا واخدتها
براء. ههههه هلأ هي القصة
فادي. اي هي هي
براء. اي عادي لك عمي بتصير
فادي. لك حل عني فايق ورايق
براء. خلص اذا بدك بخلي لانا تغرم فيني شو رأيك هههه وبعدين بتحل عنك
فادي. انت بدها تحبك ههههه
براء. اي ليش شو فيني بعجب
فادي. اي اكيد طبعا ولو
طبعا ماكنت كتير مقتنع بكلام براء وحبيت الأمور تضل متل ماهي دق تلفوني
لانا. هاي
فادي. اهلين
لانا. شبك ماكون ازعجتك
فادي. اي والله ازعجتيني
لانا. لا عنجد اي منيح لانو بحب شوفك مزعوج
سكرت الخط وضليت لوحدي عم فكر بنادين وامت لانا من بالي نهائيا قررت ماوقف وروح انا وامي واخطب نادين واخلص من لانا وهي لحالها وقتا بتقتنع وبتحل عني حاكيت ماما وصفتلها نادين وعجبتها
تاني يوم..
رحت عالجامعة وقابلت نادين
فادي. كيفك
نادين. منيحة وانت
فادي. هلأ صرت منيح
نادين. ....
فادي. انتو اليوم بالبيت
نادين. مين عيلتي اي بالبيت بس ليش
فادي. بدنا نجي أنا وأمي لعندكن عالساعة 4المسا
نادين(مبتسمة). أهلا وسهلا
مشيت نادين بسرعة وحسيت على وجها الفرح وأنا انبسطت كتير لما شفتها هيك وحسيت في بعيونها نظرات حب ماصدقت ايمتا صارت الساعة 4 حتى نروح عند نادين
فادي. يلا ماما رح نتأخر
أم فادي. لك يلا جاية جاية
ركبنا بالسيارة وشغلتها مااشتغلت حاولت كتير فيها بس مااشتغلت نزلت منها وحاولت شوف وين العطل بس ماعرفت نزلت أمي وانا اخدت السيارة عالتصليح
.. . والله يا اخي هاد لعب ولاد حدا لعبان فيها
فادي. طيب ايمتا بتخلص تصليح
.. . والله ياأخي بدها أقل شي لبكرى
فادي. يلعن هالحظ الله يصطفل فيكي يا لانا
طبعا وقت قلي إنو لعب ولاد عرفت انو لانا عاملة هيك
الساعة 5 مساء
رغم إنو السيارة بالتصليح بس عملت جكارة بلانا وجبت تكسي ورحت أنا وماما واستقبلونا أحلى استقبال شربنا القهوة وأهل نادين وافقوا علي وقرأنا الفاتحة على نية التوفيق..
قررنا نكتب الكتاب بعد اسبوع كنت عم انتظر هاليوم بالساعات والدقائق والثواني ليوم الخميس الي كان أحلى يوم بمر علي كانت نادين طالعة متل القمر لابسة بدلة قصيرة حمرا وعاملة شعراتها وحاطة مكياج خفيف وقفت عشر دقائق مصدوم لك الحب بالحلال طلع حلو كتير وهلأ انا عم عيش أحلى أيام حياتي
بعد مرور شهرين
حبي لنادين عم يزيد كل يوم وأنا وياها سوا عم نضل وعم نشوف بعض كل يوم بالجامعة وهاد الشي كان عم يخليني قضي يومي وأنا مبسوط خلصت نجحت بالمواد انا ونادين وهاد الشي كان مفرحنا لانو من الأول اتفقنا إنو اذا نجحنا بهالسنة نقرب موعد العرس وبلشنا تجهيزات العرس كنت عم عيش أحلى أيام حياتي بهالفترة وحددنا موعد العرس
بيوم العرس..
صار عدة مشاكل بالعرس بس حاولت اتغلب عليها ومضى العرس بخير وسلامة وصارت نادين الي..♡
أول كم يوم الي مع نادين بعد العرس كانوا أحلى أيام حياتي كنا مبسوطين كتير وعم نروح سوا عالجامعة أنا وياها أنا أساسا مابعرف كيف كنت عايش بدونها.
نادين. حبيبي تعال عاملتلك الأكلة الي بتحبها
فادي. ياسلاام شاكرية لك دخيل قلبك انا.
بس بعد كم يوم تغيرت الأحوال الي ماكنت متوقعو يصير صار بلش الكره يمشي بدمي صرت إكره نادين وإكره العالم وماعرفت ليش وبلشت حب♡
حب الانسانة الي ماتوقعت بيوم من الأيام اني حبها ♡لانا♡ الي صارت جزء من حياتي وماعدت قدرت بعد عنها ولا لحظة وبلشت فكر بقتل الإنسانة الي حبيتها أول حب صرت حاول بعد هالأفكار بس مااقدر ودائما عم فكر اقتلها حتى خلص منها مع إنو هي ماعملتلي أي شي بس أنا كرهتها ...اي نعم أنا كرهتها من قلبي وماعاد اقدر شوف وجها بيوم كنت قاعد بالغرفة عم ادرس وقت فاتت نادين وقعدت جنبي