الجزء الثالث
قعدت الهام تفكر شو تعمل بعد هالصدمات .. يعني شو بدها تتحمل لتتحمل؟
هي تابت عن طريق الغلط اللي ابوها مشاها فيه .. صار عندا فيلا وسيارة وشغالة .. هي صحيح تابت بس الناس بتعرف كتير منيح شلون هي صارت معااا كل هالمصاري ..
قالت انا شو بدي بكلام الناس .. حتى طريق الغناااء ما بدي ياه انا لازم توب عن كلشي حرام مو بس الزنا !!!
قررت تتحجب .. وقامت تحممت ولبست حجابها لأول مرة ووقفت على سجادة الصلاة .. صلت وبكت كتير .. حست براحة ما حستا من قبل
شغلت سيارتا تاني يوم وراحت زارت ابوها بالسجن
ابو الهام : الهاااااام بنتي هووون حبيبتي ياابي
الهام : (ابتسمت) ما تفكرني جاي لشوفك واتطمن عليك ومن هالحكي .. بس انا جيت اتشمت فيك فهمت علي؟ لك شوف ربنا شلون عاقبك .. انا برأيي صلي كتير وصوم كتير ولا تخلي لسانك يسكت من الإستغفار .. برقبتك قتل امرأة بريئة .. وبرقبتك ضياع بنتك يلي بسببك يعني بدك تسمحلي قلك لو تموت انا ما رح ادعيلك لهيك اعمل شي لحالك لأنه ما الك حد
ابو الهام : (يبكي)
الهام : اي وهالكم دمعة لا تبكيهن الي روح اسجد لربك وابكيهن واندم كتير عاللي عملتو معنا انا وامي
تركتو الهام عم يبكي وطلعت من عندو
ركبت سيارتها .. مشيت .. وقفت لتشتري مصحف من مكتبة .. سمعت حد بيقول لك مو هاي يلي نمت معها من سنتين؟
التفتت عليهن وصارت تتذكر
لك اي اي هي هاي بس ليش لابسة حجاب لتخبي عهرهاا؟
بكيت كتير الهام بوقتها واشترت المصحف وقالت يارب ثبتني
مرت سنة
صارت تشتغل سكرتيرة عند دكتورة اسنان لتطالع قرش حلال بعرق جبينها
باعت الفيلا والسيارة لأنهن مصاري حرام .. واستأجرت شقة صغيرة على قد راتبها
والتفتت لدينها .. رغم كل يلي كانت تسمعو بس بردو ما تأثرت وضلت ثابته
اجا شيخ على العيادة يلي هي بتشتغل فيها .. وبس شافها حكالها مرحبا لو سمحتي انسة الهام
التفتت عليه لتشوف مين هالشيخ يلي صوتو بيشبه صوت حد بتعرفو بس ما عم تتذكر مين
رفعت عيونا عن الكمبيوتر واتطلعت فيه
الهام : ش .. ش .. شاااادي
شادي : اسمي عادل يا الهام ...
الهام : طيب تفضل متى موعدك مع الدكتورة؟
شادي : ممكن اطلب ايدك للزواج؟
الهام : ههههه انا ما عاد عندي فيلا ولا سيارة ولا عندي شي انا ما عدت من مستواك المادي بعت كلشي
شادي : وانا كمان بعت كلشي ... لنفس السبب ويشهد الله اني تبت
الهام : ممكن استفسار؟
شادي : تفضلي
الهام : كم عمرك ؟
شادي : 35
الهام : (اخدت نفس عميق) اييييه من 8 سنين كيف كنت وهلأ كيف صرت
شادي : ان الله غفور رحيم ..
الهام : رح تقدر تنسى كيف انا كنت؟
شادي : ازا الله بيسامح وبيغفر انا مين لأحاسبك؟
الهام : طيب .. توكل ع الله بفكر بالموضوع
----------------------------------------------------
بعد اسبوعين ...
اجا شادي لعندها عالعيادة ..
شادي : قررتي؟؟
الهام : لا .. استخرت مو قررت
شادي : بشريني؟
الهام : موافقه .. بس سؤال انت وين اهلك؟
شادي : امي وابي واخي توفو بحادث سيارة وانا صغير .. انا ما كنت معهن كنت ببيت جدي لهيك نفدت منها
الهام : الله يرحمن
---------------------------------------------------
تجوزت الهام من شادي قصدي .... من عادل وحملت منو
بعد 4 شهور ...
الهام : دكتورة شو في ببطني ؟ ولد ولا بنت ؟
الدكتورة : انتي شو حابه؟
الهام : كلشي من الله حلو .. شو معي؟
الدكتورة : بنت وصبي
الهام : توأم؟؟؟
الدكتورة : ههههه اي مبروك
روحت وخبرت جوزها يلي مع الأيام ومع المعامله الحلوة والتوبه عن الذنوب صار معها زوج مثالي .... وصارت تحبو كتييير
الهام : انا بدي سمي البنت على اسم امي ... فريال
شادي : اي وانا رح سمي الصبي موسى .. على اسم ابي
الهام : انت بتحبني؟
شادي : من زماااان
الهام : جد؟
شادي : اي والله بس ... يعني ...
الهام : فاهمتك خلص الماضي راح ... الله يخلينا لبعض
شادي : يلا حبيبتي نصلي العصر
الهام : يلا قوم نصلي سوا .. وندعي ربنا انه يرزقنا الذرية الصالحه الطيبه السليمه من كل مرض
شادي : امين يارب
#انتهت