📚قصص||روايات||منوعة📚

نة
بلقيس: اي والله صح
مهند: مرحبا عمو
غريب: اهلا يا ابني
مهند: عطينا تنين ذرة سخنين زكاتك
غريب: اي مو تكرم.. تفضل يا ابني.. هاي لالك وهاي للحلوة يلي معك
مهند: بربك عمو شفتلي بحياتك احلا منا لمرتي
غريب: هههههه الله يهنيكن يا ابني ويرزقكن الذرية الصالحة
مهند: امييييين
بلقيس: ههههههههههه
اكلنا الذرة ورجعنا ع البيت.. كانت من احلا الليالي مع مهند.. ليلة بسيطة بمحتواها ..بس المشاعر والدفا والحنية يلي فيها كانت كتير كبيرة..
مهند: بكرة رح اخدك مشوار غير شكل
قربت منو وحطيت راسي ع صدرو ومسكت ايدو وبستا..
بلقيس: ربي يخليلي ياك.. انت احلا هدية من ربي.. اوعك شي يوم تتغير او تبطل تحبني ..ما بدي حبنا يتغير او ينقص بدي يكبر اكتر واكتر وبدي حبك اكتر واكتر
مهند: لك يا قلبي انت.. لك انا بدي بطل حبك.. انت نبض قلبي.. ازا بطلت حبك قلبي رح يوقف وموت..
بلقيس: بحبببك
مرت الايام من حلو لاحلا ومفاجاتو لمهند ما تخلص ابدا.. يوم مشي تحت المطر ويوم سهرة ع راس الجبل ويوم عشى بشي مطعم شعبي ويوم.. ويوم...
ما كان يخلي شي الا ويعملي اياه..
انا بهالفترة كنت مقدمة لاكتر من شركة لاشتغل فيها..
وبعد زواجي بست شهور نقبلت بشركة..
بلقيس: مهند حبيبي باركلي
مهند: حامل!!!
بلقيس: هههههه لك لاااا شو حامل.. الشركة يلي قدمتلا قبلتني واخيرا
مهند: اي الف الف مبروك.. بس لو تسمعي مني وبلالك هالبهدلة حبيبتي.. انا بدي ياكي معززة مكرمة ببيتك متل الاميرات وكلشي يجي لعندك
بلقيس: مهند يا روحي انا بدي ساعدك اولا وثانيا بدي اتسلا.. ما بحب ضل بالبيت
مهند: اي براحتك حبيبتي.. ما بدك تزوري اهلك
بلقيس: لك والله بحسك بتحب اهلي اكتر من اهلك ههههه
مهند: اهلي واهلك نفس الشي يا عمري... اهلي هني نبض قلبي.. واهلك يلي عطوني اجمل شي بحياتي هني نبضي التاني.. لك بموت فيكي وبكل شي بيتعلق فيكي
بلقيس: مهند والله هيك كتير.. لا تخليني ابكي
مهند: هههههه خلص رح اسكت ..ما عاد احكيلك شي
بلقيس: اي بدبحك هههههه
توظفت بالشركة..وكان معي بغرفتي صبية وشب.. مها وامجد..
وباول يوم الي بدوام الشركة..
بلقيس: صباح الخير
مها.. امجد: صباح النور.. اهلا وسهلا
بلقيس: اهلا فيكن.. انا بلقيس.. تشرفت فيكن
قربو مني ليسلمو علي..
مها: وانا مها.. اهلا وسهلا
امجد: امجد.. اهلا وسهلا.. تفضلي..هاي مكتبك
بلش دوامي بالشركة يلي كان ينتهي مع دوام مهند.. وكنا نرجع للبيت بنفس الوقت..
بلقيس: مسا الخير حبيبي.. راجع ع بكير اليوم
مهند: لا ..هلا وصلت.. شبك ليه هيك وشك اصفر
بلقيس: بصراحة ما بعرف.. تعبانة كتير وماني حسناني وقف
مهند: لكن تعي ..تسطحي ع الكنبة
تسطحت ع الكنبة وهو ما خلا شي ما عملي ياه...
مهند: حبي بلقيس.. فيقي لتاكلي
بلقيس: يسلمو دياتك يا روحي.. لك شو كل هاد
مهند: الشوربة مهمة.. والحليب مهم والفواكة مهمة.. يعني كلن مهمين.. لهيك بدك تخلصيهن كلن
بلقيس: ههههههه ما فيني حبيبي
مهند: هلا بطعميكي بئيدي هاا
بلقيس: لا خلص ..انا باكل
قعدت اكل وهو دق لامي..
مهند: مرحبا مرت عمو
امي: اهلا يا ابني
مهند: مرت عمو بدي منك خدمة
امي: عيوني الك يا ابني.. تفضل
مهند: يسلمولي عيونك مرت عمو.. بلقيس تعبانة كتير.. وانا بصراحة هلكان.. فيكي تجي لعنا
امي: بس هيك.. جايي فورا انا ودلال.. بس شبها بلقيس
مهند: والله ما بعرف.. يمكن لانو مو متعودة ع ضغط الشغل
امي: اي هلا بجي يا ابني
بعد بشي نص ساعة اجت امي واختي دلال لعندي..
امي: شبك يا روحي
بلقيس: والله ما بعرف يا امي.. كتير تعبانة
دلال: ههههه اختي والله باينتك رح تصيري ام
امي: يااا رب.. الله يسمع منك يا امي
بلقيس: معقول امي.. رح جيب التست هلا.. ما فيني اصبر
ناديتلو لمهند ...
بلقيس: مهند بدي تست حمل
مهند: انت حامل ..بربك حامل
بلقيس: لك مهند والله ما بعرف
راح مهند للصيدلية ركض وجبلي التست .. عملت الفحص ..
بلقيس: شو اختي.. لك ورجيني ليه اخذتي مني
دلال: لك الف الف مبروك يا عمري
دمعو عيوني وضميتا لدلال وانا ابكي... ومهند طار عقلو وقت عرف



(الجزء الثالث)
@rwayate

تاني نهار كنت بالشركة ..دق تلفوني
بلقيس: اي مهند حبيبي
مهند: انا ناطرك تحت.. نزلي
بلقيس: باقي نص ساعة ع الدوام
مهند: اي نزلي . بلاهن
بلقيس: هههههه ما فيني
سمع امجد المحادثة.. اشرلي انو معليه.. نزلي وبدبرا
بلقيس: اي ماشي ماشي رح انزل
نزلت.. وقفت ع درج الشركة وصرت دور عليه بين العالم ..ما شفتو.. سمعت صوت سيارة ...اطلعت جواتا كان مهند.. كانت سيارة بتجنن ..ومزينة بالورد الجوري يلي بحبو..
نزلت ركض ع الدرج.. وما شفت غير مهند بسرعة الريح نزل من السيارة واجا لعندي..
مهند: لك لا تركضي يا مجنونة.. انت حامل حامل
بلقيس: ههههه لك والله نسيت
مهند: لك شو نسيتي .. تعي تعي
مسكلي ايدي ونزلنا ع السيارة...
مهند: هاي هديتي الك ..بس بدي تنتبهي ع ابني
ضميتو ...
بلقيس: بتشكرك يا قلبي.. يسلموووو كتير

سارة : بس صعب كتير , انت متزوج و انا كنت رح كون خطيبة اخوك و رح توقع بمشاكل كتير مع اهلك و فوق كل هيدا اانا ما بناسبك , صح , هيدا يلي بدك تقولو
فادي: لا لا ما هيدا يلي كنت بدي قولو مع انو فكرت فيه بس ما اخد من تفكيري كتير انا كبير و واعي و بعرف شو بدي و كيف اخد يلي بدي اياه بدون ما اسال على راي حدا , بس كنت بدي قول انو كان يلي موقفني عن أي خطوة هو انت و انو ما تكوني عم تبادليني نفس الشعور
سارة : .........
فادي : ما عندك تعليق على هالحكي ؟
سارة : عندي ايه تزوجني
.........................................

حمادة:بعد بكرا جهزي حالك لتنهو هالمهزلة انت و اياها ،رح يكون الكل مشغول و بهالوقت انتو بتبدلو
@rwayate
طلع حمادة من عندي و انا رجعت ابكي ،كل هالحلم الحلو يلي كنت عم عيشو اجا الوقت ليخلص و لارجع فيق على كابوس ،ودعت جمال باخر ليلة الي معو ،كنت عم ابكي من جوا و عم اتأملو و اتأمل كل الذكريات الحلوة يلي قضيتا معو و خبرني انو بكرا عندو سفر بالبحر

جمال:رح اشتقلك كتير

نرمين: و انا رح اشتقلك كتير ،فوق ما بتتصور ؛جمال انا بحبك كتير

لفيتو و بكيت

جمال:سيرين شبك

نرمين:ما بقا تناديلي سيرين ،قلي حبيبتي و بس

جمال:طيب يا حبيبتي ليش عم تبكي كأنو رايح ما بقا راجع ،قلبك ناقزك من هالسفرة يعني

نرمين:لا بس حاسة حالي رح اشتقلك كتير ،ما بعرف ليش
@rwayate
جمال:ما بطول ،كلن اسبوع و برجع و رح شوفك ناطرتيني و تعمليلي احلى سهرة

نرمين(تبكي): بدي اسالك سؤال جاوبني بصراحة

جمال:تفضلي

نرمين:انت مين حبيت اكتر سيرين يلي من قبل عملية يزن ولا سيرين يلي بعد

جمال:شو هالسؤال الغريب

نرمين:جاوبني

جمال:انا بحب سيرين قبل و بعد ،بحب سيرين بكل اشكالا

حطيت ايدي على تمو

نرمين:خلص ما تكمل

كان ابشع ليلة بحياتي اخر ليلة الي بحضن جمال ،تاني يوم التقيت بسيرين بدون ما نحكي اي كلمة مع بعض ،كنا عم نزاور بعض بس ،كنت بكرها كتير و حسيت بكرها الي ، اعطتني الموبايل و تيابا و رجعت كل وحدة فينا لحياتا ؛التقيت بفادي المسا على العشا ،كان قاعد سارح بفكرو و انا قاعدة و شاردة ،بعد.كام يوم قررت خبرو بخبر حملي ،كان واقف على البرندا عم يشرب قهوة و مزاجو هادي

نرمين:فادي،انا بدي خبرك شي

فادي:تفضلي

مسكتا من ايدا وحكتلا خلينا نمشي

امي: لك ياامي شو عم تعملي شو يلي عم يصير

سامح: مرة عمي لو سمحتي وقفي لفهمك

بتول: امشي امي امشي ما في شي نفهمه منه حسبي الله ونعم الوكيل

كملنا طريقنا انا وامي مشي وخبرتها يلي حكالي اياه بكيت انا وامي كتير ع حال بيان.. مو متخيلة شو رح يصير فيها لو دريت بالموضوع.. اكيد رح تروح فيها
بيكفي يلي خسرته من قبل ما رح تتجمل كمان تخير زوجا وحبيب عمرا.. ياربي شو هالبلاوي يلي عم تصيبا لهالبنت..

رجعنا عالبيت وقعدت انا وامي وابي وبقينا طول الليل نحكي بالموضوع وامي ما كانت قادرة تخبر بيان بشي حتى ابي.. ما كان بايدي شي غير احكي ل ايهم يلي شفتو بركي بنلاقي حل سوا..

رحت ع غرفتي ومسكت موبايلي لاحكي مع ايهم اتصلت عليه بعد كم رنة رد..

ايهم: مسا الفل حبيبتي.. شو روحتي

بتول: اي حبيبي الي فترة

ايهم: والله وليه ما خبرتيني

بتول: ما كان فيني انشغلت

ايهم: ممم بشو شبكي صوتك مو على بعضه

بتول: اخ شو بدي قلك.. مو مصدقة لهلء يلي صار حاسة راسي رح يتفجر من كتر التفكير

ايهم: لك شبكي قلقتيني

بتول: سامح ياايهم

ايهم: شبه!!!

بتول: ااخ ياربي.. لك اليوم شفته بالسوق.. شفته انا وامي مع وحدة.. طلعت خطيبتو.. خبرني بكل وقاحة وبدو اياني اسمع منه.. لك بدو يتزوج ع بيان

ايهم: اي!!

بتول: شو ايه! شبك ما توقعت ردة فعلك هيك.. مو معقول انت..

ايهم: مو هيك بس انه

بتول: انه شو.. بدك تقلي حقه وحياته.. بعرف هالشي.. بس عالقليلة كان استنى لوقت ما جرحها يطيب وتنسى.. بدو يموتها هاااد

ايهم: بتول انا بعرف بهالشي كنت بدي خبرك بس

بتول: شووووو.. بتعرف.. شو اتكرمت حضرتك!! بتعرف انه سامح خاطب.. لك ليه ما خبرتني.. وبتأيده كمان!! لك حسبي الله فيكن كلكن

ايهم: لك شبكي اهدي خلينا نحكي

بتول: شو احكي.. ماضل حكي.. لك كلكن متل بعض.. ع اول مفترق بتبيعونا.. ع اول عقبة بتواجهنا بتتخلو عنا.. وانت متلك متل سامح مافي شي بيفرقك عنه

ايهم: بتول انتي شو عم تخبصي اعرفي شو عم تحكي

بتول: اي انا بعرف منيح شو عم بحكي سلام

سكرت الموبايل وضربته بالارض وقعدت ابكي.. انقهرت كتير ع بيان وع حالي.. كيف هيك استغلو ضعفها ونقصها وخطبولو وهيا بأمس الحاجة اله..
وايهم يلي مأيده واكيد مساعده بهالشي..

فاتت لعندي امي وانا ببكي وخبرتها كل شي.. قعدت تواسي فيني وتقلي انه زح نلاقي حل وكل شي رح يتصلح..
حاولت فكر بطريقة خبر فيها بيان بس كل ما كنت امسك الموبايل ارجع حطه مكانه.. ما كان بدي احكي معها عالموبايل لانا ما رح تستوعب الشي يلي رح تسمعه.. وبتفس الوقت ما كنت قادرة روح لعندا وخبرها ما كان بدي شوف سامح ولا شوف ايهم..
تاني نهار الظهر كنت قاعدة انا وامي وعم نحكي بالموضوع وابي كان بالشغل.. دق باب البيت قمت فتحت.. كانت بيان.. توترت كتير وما عرفت اطلع بعيونها.. يمكن لاني بعرف شي ومخبياه عنها لهلء

بتول: اهلين اختي تفضلي

بيان: كيفك حبيبتي وينها امي

بتول: ليكها جوا تعي اقعدي لسا ما عملت القهوة

بيان: اي روحي اعمليها

فتت عالمطبخ وبيان راحت لعند امي عالصالون.. وقفت ع الباب واطلعت عليها من بعيد كانت طبيعية وهادية اتاكدت انها ما بتعرف شي لهلء..
ركبت عالقهوة واخدت نفس وقررت استغل جيتها والموقف هاد وخبرها بالموضوع انا وامي سوا..

الجزء السابع: بقلم ندآء الصوالحي

عملت القهوة وفتت لعندهن كانو عم يحكو عن ابي وشغله..
قعدت وبلشنا شرب القهوة.. لما خلصو حكي بالموضوع بقينا نحنا التلاتة ساكتين وعم نطلع ببعض..
كان باين علينا انه كل وحدة في بقلبها حكي مو قادرة تحكيه..
بس انا كنت الاجرأ فيهم.. وكنت دائماً ما ابدأ بالمواضيع وبالمواقف كلها..
حطيت القهوة بالصينية وفتلت حالي ع جهة بيان..

بتول: بيان.. بدي احكيلك شغلة

امي: بتول خلص بلاها خلينا مروقين..

بتول: لا امي.. نحنا مو مروقين.. شوفي كيف متوترين وعم نرتعش..

بيان: وبعدين!!

بتول: شوفي اختي.. والله بعرف الي بدي خبرك فيه صعب كتير.. بس لازم تعرفي هالشي.. انتي تلقيتي الاصعب منه لهيك رح خبرك.. انتي بتعرفيني ما بحب خبي عليكي شي

بيان: ايه اختي احكي مو فارقة

بتول: اختي امبارح كنا انا وامك بالسوق.. و شفنا سامح جوزك هنيك

امي: خلص امي بلاها

بيان: لا اختي كملي شو فيه

بتول: شفناه مع وحدة وخبرنا انها خطيبته.. جوزك بدو يتزوج يا بيان

بيان: ايه اختي بعرف..

حسيت حالي ما سمعت منيح.. قربت لعندها ورفعت راسها واطلع بعيوني

بتول: شو عم تحكي

بيان: عم قلك بعرف

امي: من ايمتى يا بنتي..

بيان: انا يلي طلبت منه يتزوج.. وانا يلي اصريت على هالشي

بتول: شوو انتي من كل عقلك بتقولي

امي: استغفر الله العظيم من كل ذنب عظيم

بيان: امي.. بتول.. انا كنت رح خبركن.. بس ما كان الوقت مناسب.. كل شي صار بسرعة وبهدوء.. سامح كان رافض الفكرة تماما بس انا ما كان عندي حل تاني

بتول: كيف ما كان عندك حل تاني.. انتي كيف بتعملي هيك.. ليش لتخليه يتزووج

بيان: لانه حقققه.. حقه يتزوج

الجزء الثامن عشر .😂😂
@rwayate
(( من صوت الاستشوار ما انتبهت ع كلام رواد..بس حسيت انو في حد من حركات شفايفا كثير مهمين..

حليمة :- رح انزل انا..

..وانا هيك خلصت رح اسبقكن لتحت.

بتول :- يعني هتتركوني لحالي بدي شوف شلون طلعت..

..اي صحيح .نسينا هالشي.. يالا خلينا نرفع الستارة عن المرايا...تراترااا

بتول :مين هاي

..شو مين هاي..هاي انتي..

بتول :- لا بتمزحي مستحيل هاي مو انا ..لك شو طالعة بجنن..ماعم سدق انو هاي انا مثل الاميرات يالله ..هلاء انا هاي بجد....دخيل جمالي المخبى..

..شكلو سيدي بحر برا هاد صوتوا..

بتول :- بحر رح يشوفني هيك ..ينعن عمري والله ليغط ع قلبو من الصدمة..

..ههه انا رح رووح

(( كنت مثل الطفلة الصغيرة من تلبس فستان وتبلش ادور فيه لتشوفوا وهو عم ينفش..كان صوت ضحكتي مايعلى عليه.. نسيت انو بلبسي هاد لازم وقف حركات الطفولة يلي عم اعملا..

بتول :- يؤبرني انا شو طالعة بجنن اكيد بشبه امي 😙😙😚

بحر "- احم احم

بتول :- بحر انت هون

(( اتفاجأت بوجودو وقت كان واقف جنب الباب وضامم ايديه وعم يتبسم .منظروا وتطليعه وجهو ..خجولني من حالي لدرجة الكلامات ماعم تطلع كانت مني

بتول:- اسفة ما انتبهت عليك..شو بك ليش صافن هيك..

(( رفع حاجبينو الاثنين لفوق ..واتنهد ..وقال

بحر :- هاي انتي..

بتول :- ممم مابعرف حتى انا متفاجأة مابعرف يمكن مو انا..

بحر :- 😊😊..بعمري ماشفت هيك جمال..

بتول :- احم عم تتمأقلس..

بحر :- لا ليش لإتمقلس..بالعكس انتي بتقولي للقمر قوم لاقعد مكانك..

بتول :- 😔😔..

بحر :- جسمك محلي الفستان..

بتول :- الفستان عجبني كثير .

بحر :- وانا كل شي تحت الفستان عجبني اكثر ..

بتول :- مافهمت

بحر :- احم كلام الملوك لايعاد..هاتي ايدك

بتول :- ايدي

بحر :- اي ايديكي كرمال ننزل لتحت..ولا مانك حابة تكملي ستايل الاميرة وهي بأيد الامير ونازلين ع الدرج وكل الحضور عم يصفقو لالهن..

بتول :- معقول هاد الشي رح يصير هلاء..

بحر :- طبعا..

(( ونفس ماقال صار ..كان ع شوي ويغط ع قلبي من الاحداث لدرجة صرت شوف الساعة اذا وقفت ع 12..لاهرب واضيع كندرتي..ويدور الامير البلاد ليلاقيني ..كانت احلام عميقة فقت عليها وقت ما بحر قرصني من ايدي مشان سلم ع الرجال يلي كان مادد ايدية..

بتول :- اه اسفة..

بحر :- خطيبتي بتول سنيوريتا ..والدكتور فيصل مالك شركة الاتصالات بالبلد..

بتول :- اتشرفت فيك ..

فيصل :- ماشاء الله اميرة عن حق ..اتشرفت بحضرتك انسة بتول..

بتول :- مرسي وانا بالاكثر

بحر :- الدكتور فيصل لالو ولدين ..هني رفقاتي..اعرفك عليهن المهندسين عائد وعابد..

(( اول ما اسمعت الاسمين..وقتا قلبي غص مابعرف ليش..هالاسمين هني نفسهن يلي كانت امي عم تنادي فيهن..كانو عم يطلعوا فيني مبتسمين..وانا ع شوي وتنزل دمعي..حاسسهن قريبين عليه ..اذا هني اولاد هالرجلين..يعني اكيد مانن اخواتي لانو ابي مات..بس ياربي نفس الاسمين..حتى وجهن ..مابعرف..

بحر :- بتول شو صرلك

عائد :- اسما بتول

بحر :- اي طبعا..

عبد :- هالاسم مر علينا قبل هيك

بحر :- جد

بتول :- وين مر عليكن..

بحر :- بتول بدنا ننبسط مو نفتح تحقيق..

عائد :- مو م

الله يهديكي يا بنتي لا اتعبيلي قلبي
شام: سلامة قلبك بابا
وقربت منو وضمتو وهي عم تبكي... دمعو عيونو لبيا ودعا ربو بينو وبين حالو: ربي اشفيها يا الله..
ابو شام: رح استنا لبكرة ودق للجماعة وقلن يجو بكرة بتكوني انت ريحتي نفسيتك شوي
شام: حاضر بابا
(الجزء الخامس)
اجا تاني نهار ..
*ببيت ابو خالد*
دق تلفون البيت...
Telegram: @rwayate
ام خالد: الوو
ام شام: كيفك ام خالد
ام خالد: الحمد لله بخير انت كيفك
ام شام: الحمد لله تمام.. كنت بدي قلك اهلا وسهلا فيكن بايا وقت بشرفونا
ام خالد: ربي يسعدك ويزيدك شرف
ام شام: ام خالد.. نحنا لساتنا ما صار بينا شي.. وباول الطريق.. انت متاكدة انكن مستعدين لهيك تجربة.. انت بتعرفي هالمرض مانو هين وعلاجو صعب كتير
ام خالد: توكلي ع الله
ام شام: وشي تاني كمان.. بنتي كتير حساسة وهالمرض زاد من حساسيتا تجاه الناس.. هي خايفة ليكون خالد بدو اياها شفقة عليها
ام خالد: لا والله يا ام شام خالد قلي هالبنت دخلت لقلبي وازا ربي جمعنا سوا بكون اسعد انسان
ام شام: ربي يجبر بخاطركن ويفتحا بوشو لخالد
اجا المسا وراحو اهلي لعندن واتفقو يتممو كلشي باول الاسبوع الجايي.. انا طبعا كنت معن هالمرة..
المى: انسة شام انا كتير فرحانة.. بحبك والله
شام: تؤبري البي شو بحبك.. بس مو تعمليلي فيها بنت احما ها
المى: ههههههه لا شو بنت احما ما بنت احما
شام: ههههههههه عم امزح معك حبيبتي
هبة: انا بعمل بنت احمى لا تخافوو ههههه
Telegram: @rwayate
شام...المى: ههههههههه
بعد بشوي شام طلبت انو تقعد مع خالد ع جنب...
خالد: الف مبروك.. بتمنى انو اقدر اسعدك
شام: خالد..... انت بتعرف بمرضي؟
خالد: اي بعرف.. وما عندي مشكلة
شام: بس هالمرض مو هين.. وانا هلا لساتني ببدايتو وكمان شوي يمكن احتاج لجلسات كيماوي.. او عملية ليستاصلو الورم.. وهالشي يمكن خلال هالاسبوع هاد
خالد: انا معك بكلشي.. انت فكري بس كيف حنكون سوا ونعيش حياة حلوة
دمعو عيونا لشام... وبكيت
خالد: ليه عم تبكي
شام: انت بتضحي كرمالي خالد
خالد: ايا تضحية هاي.. انا بصراحة حبيتك اول ما شفتك.. في بعيونك براءة وجمال بيسحرو
شام: هالبراءة يمكن مرضي يلي حطا بعيوني.. انا قبل هيك كنت كتير شايفة حالي.. طلبوني كتير وما كنت وافق ابدا..
خالد: اي لكن انا بدي اتشكرو لهالمرض.. يلي خلاكي ترفضي يلي قبلي وتستني لاجي انا هههههه
شام: ههههههه
خالد: طول ما انا جنبك لا تخافي شي.. انا حبيتك ورح ساعدك لتصحي وبدي عيش عمري كلو معك واكبر معك.. انت ما بيلبقلك غير تسكني جوات الروح لتطيبي الجروح يلي فيها.. انت شام الروح والقلب
شام: والله خجلتني.. كل هالحكي الي انا
Telegram: @rwayate
خالد: ما عطيتك حقك بالوصف والله..بس هلا انت لازم تكوني اقوى من هيك وما تستسلمي.. من بكرة رح اخدك لعند دكتور تاني وانجدد الفحوصات ونبلش علاج
شام: (تبكي) بتشكرك كتير
خالد: لشو عم تتشكري.. هاد واجب.. انا هلأ شريك حياتك .. وغمزا بطرف عينو
خجلت شام واتطلعت فيه نظرة اعجاب..
شام: انا عم اتشكرك لانو ما عم تطلع فيني نظرة شفقة..لانو هالنظرة بتقتلني
خالد: ما رح تشوفي مني غير نظرات الاعجاب والحب والعشق والهيام ..بس اوعديني تكوني قوية..
ومسكلا ايدا لتحس بالامان..
شام: بوعدك
تاني نهار.. * بالجامعة*
اسيل: صباحوووو
هبة: صباح الورد.. شبك طايرة من الفرح
اسيل: لك شوفي شوفي
وحطت ايدا مقابيلا لهبة.. وكان فيها دبلة..
هبة: واااااااو.. ولي خطبتي!!!
اسيل: اي اي
ضمتا هبة وبوستا.. بعدتا اسيل..
اسيل: لك بعدي شوي قبل لتبوسيني .. ما بدك تعرفي العريس
هبة: مين
اسيل: علي
اختفت البسمة عن وشا لهبة وفتلت الارض فيها ووقعت من طولا بنص الجامعة..
شافا علي من بعيد اجا ركض..
علي: لك شبها شبها
اسيل: يعني انو ما بتعرف(بتبكي) ..والله كنت عرفانة هيك رح يصير
علي: سكتي بلا علاك وساعديني شوي
حملا علي واخدا ع عيادة الجامعة...
(الجزء السادس)
فاقت هبة وفتحت عيونا.. كانو تنيناتن معا..
هبة: طلعو لبرة ..طلعووو
صرخت فيهن ونزلو دموعا..
اسيل: لك اهدي شوي حبي اهدي
هبة: روحي من وشي بسرعة ما بدي شوفك ابدا
ضحك علي وغمزا لاسيل وطلع..
Telegram: @rwayate
اسيل: هبة انا اسفة بس ما كنت بعرف انو بتحبي والله
هبة: لك انا بدي حبو لهاد ..لك هاد واحد غبي ما بينحب.. اصلا انتو كتير لابقين لبعض روحي من وشي.. روحي لعندو روحي
اسيل: وازا ما بتحبي لشو وقعتي من طولك
هبة: هاا.. اسيل روحي من وشي لك روحي..روحي
اسيل: لك ولي جدبة.. انا ما خطبت وهاد خاتما لامي.. لعبنا هاللعبة عليكي لنشوف ردة فعلك بس مو اكتر..
هبة: (تبكي) اسيل طلعي من هون
اسيل: اي رح اطلع.. سلام
طلعت اسيل وكان علي ع الباب عم يتسمع عليهن.. دخل علي لعندا..
علي: مرحباا يا حلوو.. بتعرفي يعني انا بعرف حالي قديه حلو وبنحب كتير.. بس والله ما كنت بعرف انو لهالدرجة هاي ممكن انحب
حملت هبة كاس المي يلي حدا وضربتها عليه
هبة: روح من هون ولا اجدب روووح
علي: هههههههه لك رح تموتيني ولي مجنونة

سحب انس ايدو من هديل واطلع فيها ..
(لك انت جنيتي .. ليش هيك عملتي )

اطلعت هديل فيه بعيون عم تشعل نار ..
(انا يلي جنيت يا انس ولا انت .. لك شو صرلك .. شبك .. لك ما شفت حالك كيف كنت سرحان فيها ... لك كنت رح تاكلا بعيونك )
Telegram: @rwayate
شهقت هديل ومسحت دمعة من عينا وكملت وهي عم تاشر بايدها ..
(لك هالبنت من وقت دخلت حياتنا وانت تغيرت .. لك .. لك هالنظرة كنت ع طول بتمنى شوفا بعيونك وقت تطلع فيني .. لك انت قلبت فرد مرة .. لك ما عدت حاكيتني ولا سالت فيني .. ووقت حاكيك كل الحكي بيكون عن مايا .. لك مليت يا انس مليت .. انت جنيت .. جنيييت )هالحكي كلو انس كان عرفانو .. وعرفان قديش هو ظلما لهديل بهالفترة .. بس هالشي ما كان بئيدو .. كان ع طول عم يحاول يداريها بس مانو قدران ..

(الجزء السادس عشر )

*بعد اسبوع*
دق تلفون انس .. اطلع ليشوف المتصل .. سحب نفس ورد ..
(الووو .. هلا هديل .. تمام .. انت كيفك .. لوين ؟ لعند مايا ... ما في داعي .. ع العموم انا رح اجي لعندك .. نص ساعة بكون عندك )

جهز حالو انس وراح لعند هديل ..
دق باب بيتن وخلال لحظات كان الباب مفتوح ..
Telegram: @rwayate
هديل: اهلا وسهلا انس ..تفضل

دخل انس وقعد ع الكنبة بالصالة ..
(وينا مرت عمي )

(عم تجهز القهوة .. هلا بتجي )

(ماشي .. رح فوت بالموضوع مباشرة ... )

(قبل لتحكي بترجاك سمعني .. انا ما كان الي عين حاكيك ومايا بوضعا .. وفرحت كتير وقت عرفت انو صحت .. انا .. انا بحبك كتير انس .. ويلي صار من وجع قلبي .. وما كنت قاصدة هينك او هينا )

(اي سمعيني هديل .. انت بنت مثالية .. بقولا وبكل صدق .. انت حلوة وملتزمة وذكية كتير .. بحسك نسخة مني .. بكلشي ... بس .. بسس .. مايا .. ما بعرف كيف بدي اوصفلك يلي صار .. بصراحة مايا قلبتلي كياني .. وازا ما تجوزتا رح اوقع بالحرام .. لهيك .. )
Telegram: @rwayate
قاطعتو هديل ودموعا بعيونا ..
(تتزوجا يا انس .. تتزوجااااا )

اشرلا بايدو لتسكت وكمل ..
(انت بتعرفي بالدين منيح .. وانا بالشرع بيطلعلي اربعة مو تنتين .. انت مكانتك محفوظة ومعزتك بقلبي كبيرة .. ما رح اظلمك ورح تبقي غالية ع قلبي)

مسحت دموعا باديها واطلعت فيه ..
(لا يا انس .. انا مستحيل اقبلا .. انت .. انت ما بتحبني ... انا ازا تزوجتك ومايا مرتك رح قضي طول عمري بالعزاب .. نظراتك لالها بتكوي قلبي كوي .. ما فيني يا انس .. ما فيني .. بتمنالك السعادة من كل قلبي )

ووقفت وركضت لجوا البيت وهي عم تحاول تحبس دموعها ..

غص انس ووجعو قلبو عليها .. وطلع من بيتن لعند مايا ..

دخل الفيلا وبعد بشوي سمع خطوات ع الدرج .. وانصدم من يلي شافو ..
كانت مايا لابسة عباية نيلي فضفاضة مع شالة ازرق سماوي ونازلة عن الدرج بكل اكابرية ...
Telegram: @rwayate
حس بدقات قلبو عم تتسارع وتجمعت لدموع بعيونو ..
مايا: كيفك انس

تصفن فيها لفترة وهو ساكت ..

اشرت بايدا قدام عيونو ...
(يييي علينا .. لك لساتك لهلا ع نفس العادة وعم تشرد )

تضحك انس واتطلع فيها ..
(انا كتير منيح .. اكتر ما بتتخيلي .. مبارك الحجاب)

تبسمت مايا واطلعت فيه ..
(الله يبارك فيك .. الفضل بعد ربنا لالك انت )

واشرتلو ليقعد ونادت لام سعيد لتجيب القهوة ..

(مايا انا كتير فرحان وفخور فيكي .. من وقت شفتك عرفت انو انت نضيفة من جوا .. وعرفت انو شي يوم رح تتغيري .. مايا .. مايا انا .. انا بموت فيكي .. وبدي اياكي ع سنة الله ورسوله)
Telegram: @rwayate
دمعت عيونا لمايا واطلعت بالارض ..
(انس .. انا مو متل ما انت مفكر .. انا ماني نضيفة .. انا وسخة .. وسخة كتير .. وهالوساخة رح تضل مرافقتني طول عمري .. وما رح اقدر اخلص منها ابدا .. انت بتستاهل وحدة نضيفة متل هديل مو وحدة متلي .. كنت بتمنى من كل قلبي لو شفتك وعرفتك من زمان .. ما كنت ترددت للحظة لاقبل فيك .. بس هلا لا .. مستحيل هالشي )

تلبك انس كتير واطلع فبها ..
(ليش هيك عم تحكي .. لك انا بحبك .. ومستحيل اتركك .. مستحيل عم تفهمي )

(انس بكفي عم تعزبني اكتر .. لك انا بعشقك وبتنفسك .. بس ما فيني كون مرتك .. ولا فيني كون مرة لايا شخص تاني .. فهااام ... بكفييي )

(ليششش .. ليييش .. خبريني ليش .. انا ما رح اتركك لاعرف كلشي )

وبهاللحظة اجت ام سعيد ..
(انسة مايا .. رفيقك ع الباب )

تلبكت مايا كتير وانس انصدم ..
مايا: ليكني جاي

اطلعت بانس ووقفت .. (بالازن منك .. لحظة )

طلعت مايا ع الباب وتفاجات وقت شافتو لراكان ع الباب .. دفشتو بكل قوتها لبرا الباب وطلعت لتحاكيه..
(لك انت شو جابك لهون . .. وشو زكرك فيني هلأ )
Telegram: @rwayate
عدل راكان قبة قميصو واطلع بمايا وهو عم يتبسم بخبث .. (لا ولوووو .. انت رفيقة الروح .. ونبض القلب .. انت العسل كلو .. معقول انساكي )

اطلعت فيه مايا بقرف .. (شو بدك ولااا )

(هههههههه .. اول شي ليش هيك لابسة .. ولا قلك ما بتفرق .. انت بتجنني بكل حالاتك .. جيت لقلك الحمد الله ع السلامة )

(اي الله لا يسلمك .. وهلا انقلع من هون )

(لا يا حلووو .. مو حلوة منك .. نحنا برضو بينا ليالي رقص وغنج وووووو ... )

رفعت مايا حواجبا بعصبية وسكتتو .. (خرااااااس)

(ميوشتي العسل .. لك والله شتقتلك .. جايي لاعزمك ع سهرة تانية .. تعي معي وما رح تندمي .. يعني ما بقيلك شي تخسريه او تخافي منو .. موو ههههه)

اطلعت فيه مايا واتبسمت .. (سهرة .. قولتك ما بقي شي اخسرو .. خلص رح اجي .. بس بشرط تكون سهرة غير عن كل السهرات والي والك وبسسسس)

(لك عم تحكي جد .. لك والله كنت عرفان .. مستحيل تقدري تبعدي عني بعد يلي صار .. لك بحبك يا عسل )

لمى..من شان الله يا محمد لك اعتقني لك خلص شو بدك فيني لك هاي امك عم تدورلك ع عرووس لك خلص طلقني يا محمد طلقني 😢انا تعباانة
وقتا محمد حضني وصار يبكي متل ولد صغير.. لاول مرة بشوفو بهيك حالة..كانت دموعو عم تنزل بحرقة كان مقهوور وموجوع كان عاجز ومانو عارف كيف يتصرف ولا شو يعمل ..
انا من بعد هديك الليلة رميت حملي ع رب العالمين وفوضتو امري قمت يوما وصليت ركعتين ودعيت من كل قلبي
ومرت الايام والاسابيع والاشهر ونحنا ع نفس الحالة ومحمد كل يوم بوجه شكل يوم يرجع وهو مشتقلي ويوم ما يكون قدران يطلع بوشي
الفصل السابع
Telegram:@rwayate
وبيوم رجع محمد وحكالي..لمى ضبي تيابك رح وصلك لبيت اهلك
لمى..☺️يعني خلص ..خلصت قصتنا رح تطلقني خلص
محمد..ضبي تيابك ع الساكت لمى
لمى..بس انا ما بدي شي منك بس بدي ولادي
محمد..لولاد رح يضلو عندي هالفترة وببعثلك اياهم
لمى..لااا ما رح اطلع بلاهم
محمد..لمى لا تطلعي خلقي البسي ومشي معي ع الساكت
لمى..رح اطلع بس مع ولادي
محمد... لك هااا👊لك انت ما بتفهمي بالحكي لك مشي معييي
لمى..حسبيا الله عليك يا محمد ربي يسطفل فيك وباهلك يا محمد..لك لهالدرجة عمو ع عيونك
طلعت من عندو وهني ولادي واقفين وعم يتصفنو فيني بوستن وقلبي عم يتقطع عليهن ومشيت وانا ادعي علي وع اهلو.لك ابني كان ماسك ايدي .كان بحضني بس ما قدرت اوخدو
ضلينا ساكتين طول ما نحنا بالسيارة ووقت وصلنا لبيت اهلي
لمى..محمد بتمنى تكون رجال لمرة وحدة بحياتك وتطلقني
محمد..بكرة رح توصلك ورقتك لمى انزليي
فتت بيت اهلي وانا مرتاحة كتير بس كان قلبي عم يوجعني ع ولادي ..بهديك اللحظة حسيت حالي كرهتو لمحمد وكرهت كلشي بتعلق فيه كرهت سكوتو وكرهت خوفو وكرهت حالي كرهت غبائي كيف قدرت اتحمل كل هالاهانات والذل بس لحتى ضل معو ولحتى ما اخرب بيتي بس هو بالنهاية ما قدر هالشي وكبني بكل بساطة..نمت هديك الليلة ونمت ونمت ونمت وكاني الي سنين ماني نايمة.. صحيت تاني يوم وجهزنا الفطور وقعدنا نفطر ونحنا عم نفطر دق جرس الباب ووقفت سيارة ع الباب
لمى..هاي اكيد ورقة طلاقي
بابا..لا تحكي هيك اسكتي
Telegram:@rwayate
السواق..مرحبا عمو هاد المغلف من السيد محمد لمرتو لمى
مسك بابا المغلف وهو جسمو عم يرجف وفتحوو وعيونو دمعو وصارو متل الجمر
بابا..لك هلأ صار رجال هالحيوان لك صار رجال وعم يطلق لك والله الا اطلع بروحو لهالحشرة
لمى..بابا خلص خلص اهدا انا هلأ ارتحت صدقني انا يلي طلبت منو يطلقني خلص بابا حبيبي خلص..هاتا لورقتي لحتى شوفا☺️.. ئي الحمد لله رب العالمين انا هيك صرت حرة وما عدت مرتو لمحمد الحمد لله الحمد لله
صرت واسي بابي يلي كان ع شوي رح ينجلط من قهرو كنت عم واسي وبين حالي باني قوية بس من جوة كنت مكسورة ومنهارة وبدي مين يواسيني ..بس لا هالمرة ما رح
بين ضعفي رح ارجع لمى البنت القوية يلي ما في شي بيكسرها ابدا..كنت عم مووت كانت روحي عم تطلع من محلا ..كان نفسي اسالو لمحمد انا بشو غلطت معو ومع اهلو لحتى يصير فيني هيك شو غلطت معهم لحتى يكرهو زوجي فيني بشو غلطت لحتى ابعد عن ولادي ويتفكك شملي لك شو عملت انا شو لحتى يطلقني ..لك ليش ما حماني من امو وابو من اخواتو ليش ما رفع الظلم عني لك ليششش ليشش..شو ذنبي لحتى ذوق كل هالوجع وكل هالالم
لملت كل وجعي واخذت منو القوة لحتى اوقف ع رجليي وكمل بقوة اكبر
لمى..بابا انا رح روح بكرة ع المحكمة وارفع قضية حضانة لحتى اوخذ ولادي من محمد
بابا..وانا معك يا روحي
تاني يوم رحت ع المحكمة ورفعت قضية حضانة وقدمت طلبات توظيف بكل مكان بعرفو
الفصل الثامن والاخير
حاول محمد يبعثلي ناس لحتى اتنازل عن القضية لكن انا اصريت باني اخليها..مشت الايام وطلع قرار المحكمة واخدت ولادي لحضني وبعدا ع طول استاجرت بيت الي ولولادي بعد معارضة شديدة من اهلي .. وبعد بشهر توظفت بمدرسة خاصة وبلشت دوامي وبلشت حياتي تهدا وتستقر ..طبعا طول هالفترة كان محمد عم يحاول يوصلي ويحكي معي وكان مرجعني ع ذمتو وانا كنت رافضة احكي معو واتواصل لاي سبب من الاسباب وصار ع طول يبعثلي ع المسنجر ويرن ع تلفوني وانا كنت مسكرة قلبي من جهتو وماني متحملة احكي معو او اتواصل معو..
وبعد اشهر طويلة بلشت اخبار محمد توصلني ..محمد قاطع اهلو واستاجر بيت وسكن فيه لحالو محمد ولاول مرة بواجه اهلو باخطاءهم واجهم بكل الظلم يلي ظلموني اياه واجهم بالذل يلي ذلوني اياه.. بلش قلبي يحزن عليه وع حالو. وبيوم كنت مروحة من وظيفتي واتفاجأت بمحمد ع باب المدرسة..كان شكلو كتير متغير نحفان وكبرااان كتير كان الهم باين عليه كتير
Telegram:@rwayate
لمى..😐😐😐
محمد..كيفك لمى
لمى..الحمد لله باحسن حال
محمد..ما بدك تسلمي علي لمى
لمى......
محمد..لمى ليش هيك عم تعملي..بهالسهولة قدرتي تنسيني يا لمى هيك عم هون عليكي ومكملة حياتك وكاني ماني موجود اصلا
لمى..انت يلي عم تحكي هيك محمد؟ لك مو انت يلي طلقتني؟لك مو انت يلي كبيتني؟
محمد..لمى انا ندمان والله ندمان

لمى..بعد شو يا محمد بعد شوووووووخلص كلشي خلص وانتهى وبترجاك خلص اتركني خليني كفي حياتي
محمد..ما رح تقدري لمى ما رح تقدري..انت لساتك بتحبيني انت روحك متعلقة بروحي ما فيكي بلايي لمى ما فيكي😢
لمى..😢لااا يا محمد فيني ..انا عم كمل حياتي وانا ما عادت روحي مرتبطة بروحك من وقت طلقتني.. لك انا ما طلبت منك المستحيل طلبت عيش حياة طبيعية متلي متل اي بنت تانية طلبت تحميني من اهلك ومن ظلمهم بس انت شو عملت انت وقفت معهن وظلمتني ..ظلمك كان بيوجع يا محمد بيوجع كثير ظلمك ذبحني يا محمد..كل انواع الوجع والعذاب ذقتا منك يا محمد ما خليت وجع والا دوقتني ياه وما حفظتلي كرامتي ..انا ما عدت لمى الغبية..لمى الغبية ماتت
محمد..بعمرك ما كنت غبية طول عمرك وانت صابرة كرمالي وانا بعرف هالشي ..بس انا ما كنت حسنان اعمل شي كنت مربط يا لمى..بس هلأ خلص كلشي انتهى انا تغيرت وحتى قاطعت اهلي وما عدت حكيت معن
لمى..مااا بهمني تحكي معن او لا ..ما عادو يهموني بشي... انا كنت حابة يكون الي بيتي يكون الي مملكتي الخاصة فيني يلي ما حدا الو حق يشاركني فيها بس انت حرمتني هالشي هاد
محمد..😢حبيبتي ارجعي ورح تكوني ملكة قلبي وبيتي رح تكوني اميرتي وجوهرتي رح خبيكي بقلبي وسكر عليكي ما رح اسمح انك تتوجعي بعد اليوم
لمى..😢انا ما عدت اوثق فيك ابدا وعدتني من قبل وما وفيت بوعدك ووقفت مع اهلك ضدي وزدت عذابي
محمد..لك يا لمى كلشي اتغير حتى بيتي خلص تركتو بترجاكي بكفي انا عم موت عم مووووووت
لمى... بكفي يا محمد بكفي خلص خلص ما عم اتحمل اكتر
رجعت يوما ع البيت وقلبي عم يتقطع ع الحال يلي وصلنالو وع الوجع يلي بقلوبنا الوجع يلي كان سببو جبروت اهلو وسكوتي عن جبروتهم وسكوتو لمحمد..كان لازم من البداية ارفض هيك حياة وما خليهم يتمادو علي اكتر
ما نمت هديك الليلة وانا عم فكر بمحمد وكلامو وبعدا رن تلفوني وكانت مسج من محمد
رسالة محمد...اشتقتلك حبيبتي.انت اغلى شي بحياتي انت عيوني وقلبي وروحي بترجاكي فكري منيح وارجعيلي وبوعدك هالمرة كلشي رح يتغير
Telegram:@rwayate
ضليت لوش الصبح وانا فكر بحكي محمد وحكي الناس يلي كانت تيجي من طرف محمد وحكيهم عنو قديش تغير وكيف صار حالو .تاني يوم رجعت من دوامي واخدت ولادي من مدارسهم ورحت لعند بابا
لمى..بابا انا بدي ارجع لمحمد
بابا..😠😠لك انت جنيتي لك شو صرلك شووووو.لك انت ما بتتعلمي لك بعد كلشي وصلتيلو بدك ترجعي للصفر لك لا يا لمى لا هالمرة ما رح اسمحلك ابدا بموت وما برجعك لمحمد
لمى..😢بابا محمد تغير وانت سمعت حكي الناس يلي اجو وكيف انو محمد تغير وترك بيت اهلو
بابا..لك هاد حكي طاير هاي فترة مؤقتة ورح يرجع يعمل فيكي متل اول واكتر
لمى..بابا بترجاك انا تعبانة كتير وقلبي ما عاد في نبض من يوم تركتو لمحمد ..انا حياتي الفعلية وقفت من يوم طلاقي من محمد..انت بتعرف محمد شو بالنسبة لالي..محمد هو الهوا يلي بتنفسو هو كل حياتي يا بابا
بابا..لمى يا بنتي انا تعبت وانا عم شوفك عم تتعذبي معو لك انا ماني حابب طلاقك بس محمد ما خلا للصلح مطرح انا خايف هالمرة يصرلك شي يا بنتي
مرقت الايام وانا كل يوم عم احكي مع بابا وحاول اقنعو باني ارجع لمحمد ..وكان محمد كل يوم يتصل فيني ونحكي بالساعات ونفسيتي اتجاه محمد بلشت تتحسن كتير..وبعد معاناة كبيرة مع بابا وتدخل ناس كتير بابا وافق ارجع لمحمد بشرط ضلني بعيدة عن اهلو وهيك رجعت لمحمد ورجع نبض قلبي ورجعتلي حياتي ورجعتلي ضحكتي..وعشنا حياة
Telegram:@rwayate
هادية الي والو ولولادنا بسس
لمى..لك محمد اااه محمد شكلي رح اولد
محمد..😴😴😴نامي نامي حبيبتي بعد بكير
لمى..لك محمد اااه لك شو بكير لك ابنك رح ييجي لك محمد محمد
محمد..انت عم تحكي جدددد😦😦😦😦😦اوف اوف لك لك شو اعمل طيب شو اعمل حبيبتي
لمى..ههههههه لك شباك لك انا يلي رح اولد مو انت لك روووق رووووق..شغل السيارة لحتى البس يالله
محمد..حاضر يا روحي هاتي ايدك شوي شوي انتبهي انتبهي
لمى..لك روح روووح يالله
بالمشفى
محمد..الحمد لله ع سلامتو حبيبي 😍😍😍طالعة بتجنني وبتاخدي العقل
لمى..لك ااه تعبانة كتير لك شو بجنن لك مانك شايف منيح
محمد..ئي بتجنني ..لك بحبك بكل حالاتك يا عمري ربي يخليلي اياكي يا عسل 😘😘
لمى..لك شو عم تعمل هلأ بشوفوك خلص نحنا بالمشفى
محمد...😙😙😙😙😙😙
لمى..لك محمدددد لك خلصص
انتهت

نسيم (الجزء السابع)
Telegram:@rwayate
طلع رامي من عندي وحسيت براحة كبيرة انو واخيرا رح اخلص من هالجو الشيطاني ..

كنت لسا قاعدة وسرحانة وقت دخلت لعندي نانا وهي عم تضحك ومبسوطة كتير .. (لك والله طلعتي مو قليلة يا بنت .. تعي خبريني شو عملتي لحتى جن فيكي )

انا فتحت تمي وتصفنت فيها .. ما عرفت بشو جاوبا .. .وشي صار بالالوان ..

نانا: ههههه لك شبك .. شوفي شوفي قديش عطاني .. لك والله بتستاهلي احلا بوسة ..تعي تعي

ضمتني وصارت تبوس في وانا قلبي عم يدق طبول ..

نانا: هالشب طلع اكابر وابن ناس .. قلي البنت يلي بلمسا ممنوع غيري يلمسا .. وضاعفلي بالدفع كرمال هيك

نسيم: جد .. هيك قال

نانا: اي هيك قال .. وهلا بما انك شتغلتي صح روحي ع غرفتك وريحي
Telegram:@rwayate
تركتا لنانا ورحت لغرفتي وانا عقلي عم ياخد ويجيب .. اطلعت بماسة ونزلت دمعة من عيني ..
(معقول يكون الفرج ع ايدو .. اااخ .. ايمت رح اطلع من هوون وطالعك يا روحي)

ومشت هالليلة ومشت من بعدا ليالي وانا ع حالي .. اسبوعين كاملين وانا بكل ليلة انطرو لرامي .. كل ليلة جهز حالي لاطلع من هالجحيم .. بس ما كان يجي رامي .. لوقت فقدت الامل ..

وبعد الاسبوع التاني كنت عم ارقص واتمايل بلا روح وقت لمحتو من بعيد عم يطلع في بعيون ملياني شرار .. رجف قلبي ونزلت بسرعة لعندو ..

ووقت وصلت لعندو كان هو ونانا عم يحكو ..
رامي: اي بس انا خبرتك هي الي وبس وعطيتك اضعاف ما طلبتي

نانا: بس نحنا ما اتفقنا ع الرقص .. يعني بصراحة ما في ولا وحدة بترقص هون متلا

زورني رامي .. ورجع اطلع بنانا.. (ما .. بدي .. ترقص .. وشو ما بدك تعويض طلبي )

اطلعت في وانا ماني مصدقة يلي عم اسمعو ..

رامي: وهلا سمحيلي رح اخدا لجوا

لفني من خصري وسحبني وراه ع الغرفة .. حسيت هالممر لصغير وكانو امتااار وامتاار ..

وصلنا الغرفة ودخلناها ونانا عيونها علينا ..دخلنا وسكر الباب ..

رامي: ففففف .. بعتزر انو مسكتك هيك .. بس ضروري اقنعا لنانا
Telegram:@rwayate
انا وشي كان بالالوان وقلبي عم يدق بصورة غريبة ..
(م .. م.. ماشي .. بسيطة .. خبرني شو صار معك بترجاك )

لف وشو عني وقعد ع التخت .. (نسيم .. بصراحة ترددت كتير انو ارجع لهون .. انا ما الي بهيك قصص .. وطلعت من هون وانا مقرر انو ما رح ارجع .. بس .. بس من وقت .. ما تركتك .. ما غبتي عني .. وضميري ما طاوعني اتركك )

(يعني شو .. ما وصلت رسالتي للرجال يلي قلتلك عنو )

رامي: اووووف .. الرجال عطاكي عمرو من سنتين

بلحظة وحدة كل الامال يلي كنت بانيتا نهدمت .. قعدت ع طرف التخت وبلشت ابكي بجنون ..

لف وشو رامي وقرب لعندي .. (سمعي .. مانك متزكرة ابنو لعماد شو كان اسمو )

(ما بعرف .. ما عم اتزكر شي .. خلص كلشي راح .. كلشي .. كلشي )

(نسيم اهدي .. ما بتتزكري لرامي .. رامي يلي كان يشقلك تياب لعبتك وقت يجي لعندك )

رفعت راسي واطلعت فيه وانا ما عم صدق يلي عم اسمعو .. (لك .. لك .. انت رامي .. لك اي رامي ابنو لعمو عماد )

ومن غير وعي ضميتو لرامي وانا عم ابكي واضحك بنفس الوقت ..

ووقت وعيت ع حالي بعدت عنو بسرعة .. (اسفة ... اسفة كتير ما بعرف شو صرلي )

(ولا يهمك .. بسيطة )
Telegram:@rwayate
(ليش ما خبرتن للشرطة .. ليش ما بعتن من اول يوم )

(فكرت فيها كتير .. ازا اجت الشرطة لهون رح يمسكوكي انت واختك .. وانتو تنيناتكن تحت ال 18.. فاهمة شو يعني .. يعني رح يحطوكن ببيت ايتام .. لهيك فكرت بشي تاني )

(شو .. شو فكرت )

(رح طالعكون من هون .. ومن بعدا خبر الشرطة )

(بس كيف رح نطلع من هون )

(انا بدبرا .. بس بدك تتحملي هالفترة )

(بتحمل .. المهم اطلع من هون )

بقينا انا ورامي شي تلت ساعات ونحنا عم نحكي سوا وخبرتو كلشي صار معنا ..

رامي: ااخ .. الله يرحمن تنيناتن .. صار لازم روح .. بعد اسبوع برجع

نسيم: بترجاك لا تتاخر

رامي: لا تخافي .. ما رح اتركك

حسيت براحة كبيرة رغم الخوف يلي لساتو معشش جواتي .. ونانا كمان هالمرة انبسطت مني كتير وريحتني طول الاسبوع لانو اكرما رامي ..

نسيم (الجزء التاسع)
Telegram:@rwayate
وهلا من بعد هالحادثة بسنة .. ليكني ببيتي مع اختي .. بيتي البسيط .. يلي ما في ولا شي بالدنيا ممكن يعوضني عنو ..

من بعد ما رامي خبر الشرطة ..
رامي: رح اخدك ع بيتنا لعند امي

نسيم: لا بترجاك ...بدي روح ع بيتي .. بترجاك

رامي: نسيم شو رح تعملي ببيتك .. ما بكفي يلي صار
نسيم: ما في ايا مكان ممكن حس فيه بالامان متل بيتي .. بيت امي

رامي: ماشي .. براحتك

وصلنا رامي ع بيتنا .. وقت دخلتو حسيت براحة كبيرة .. حسيت بجبل من الهموم نشال عن ضهري .. ضميتا لماسة يلي كانت عم تنط من فرحتها ..

رامي: نسيم .. متاكدة رح تبقو هون ؟؟

نسيم: طبعا رح نبقى هون .. هاد بيتنا

رامي: بس .. يعني

نسيم: ما في بس .. ولا تشغل بالك .. بتشكرك كتير رامي .. جد بتشكرك

رامي: هاد اقل شي ممكن اعملو لالك ... رح روح
Telegram:@rwayate
نسيم: الله معك

مشى خطوتين ولف وشو ورجع لعندي .. (نسيم .. تفضلي هاد هدية لالك )

مدلي صندوق لعندي ..

رامي: هاد تلفون .. لحتى ازا عزتي شي تحاكيني .. سجلتلك رقمي عليه

نسيم: بتشكرك كتير رامي.. بتشكرك ع كلشي

تركنا رامي وراح ..

هالتجربة يلي مريت فيها حسيتا غيرت في كتير اشيا .. او بالاحرى غيرت في كلشي .. رغم كلشي قهر ووجع حسيتو بهالفترة الا انو حسيت حالي صرت اقوى .. طلعت بنسيم القوية يلي رح تحارب كرمال تعيش حياة نضيفة مع اختا ..

من تاني نهار وبعد ما نفضنا البيت .. مسكت بايدا لماسة وطلعت لشوف شي شغلة نضيفة .. بس هالمرة كنت مقررة شو رح اشتغل ووين رح روح ..

بقيت ماشية بالشوارع لوصلت مشغل خياطة .. سحبت نفس طويل ودخلت ..
Telegram:@rwayate
نسيم: مرحبا خالة

رجاء: اهلا يا حلوة .. تفضلي

نسيم: خالة انا جاية وحابة اتعلم لخياطة .. من وانا صغيرة عم احلم بهالشي

رجاء: قديش عمرك انت

نسيم: 15 سنة

رجاء: وفيكي تشتغلي هيك شي؟

نسيم: اختبريني .. وازا ما نجحت طالعيني

رجاء: باينتك بنت ذكية .. وانا بحب هالشخصية .. رح شغلك معي .. معك مهلة شهر تثبتي جدارتك

نسيم: بتشكرك كتير .. بس .. اختي .. ما الها غيري .. رح تبقى معي بعد ازنك .. وفيها تساعد بالتنضيف او ايا شي بدك ياه

رجاء: هههههههه ماشي .. تكرمي يا .....

نسيم: نسيم .. اسمي نسيم .. واختي ماسة

رجاء: اول شي رح تعطيني كل معلوماتك لاعرف مين بشغل عندي

ومن هاليوم انفتحتلي طاقة النور ..
بلشت معن بشغل بسيط من تركيب زرار وهيك شي .. وكنت كل ما اتقن شي تكلفني بشي جديد .. وخلال شهر كنت مبلشة بشغل ع الماكنة ..
Telegram:@rwayate
رجاء: بصراحة يا نسيم .. ما توقعت انو تبدعي هيك .. انت كتير ذكية

نسيم: شكرا كتير لالك .. هالشغلة كانت حلمي من وانا صغيرة

وخلال هالفترة ما نسيتو لرامي .. او بالاحرى ما تركلي مجال لانسى .. لحتى صار جزء مهم من يومي .. او الجزء الاهم من يومي ..

كنت وقت حاكيه بحس دقات قلبي عم تتمايل مع كل كلمة يحكيها .. همساتو .. صوتو .. نفسو .. كلشي فيه كان يحرك مشاعري وياخدني ع عالم كتير حلو ..

وهلا بالي مشغول ع ماسة .. يا ترى رح تقدر تتاقلم بمدرستا .. رح تقدر تبعد عني .. رح يكون حظا من الدنيا احسن من حظي .. هاد كلشي بتمناه ..

ماسة: ماما نسيم انا بحبك كتير ورح اشتقلك

نسيم: وانا رح اشتقلك .. ما تنسي شو وصيتك .. بتبقي بالساحة لوقت اجي واخدك .. مفهوم

هزت ماسة براسا .. (مفهوم)

ضمتا نسيم والدموع بعيونا ..

رجعت نسيم ع المشغل .. وكان في ضجة كبيرة بالمشغل وصريخ ..
Telegram:@rwayate
الست: لك انت نزعتي .. انا دافعة في مبلغ وقدرو لحتى تعملي فيه هيك

رجاء: لو سمحتي اهدي .. رح اعملك بدالو .. بس اهدي

الست: لك بدالووو .. لك انت عارفة هالقماش قديش سعرو .. لك هاد مترو براتب شهر لالك .. وغير انو ما في منو هون

قربت نسيم منن واطلعت برجاء .. (خالة رجاء لو سمحتي فيني ساعدكن ؟؟)

رجاء: بشو رح تساعدينا بنتي

نسيم: خالة .. انا فيني عدلو

اطلعت الست فيني من فوق لتحت وضحكت بمسخرة .. (ههههه رح تعدلي ؟؟)

تبسمت بوشا .. (تركيني جرب .. ما حتخسري شي)

(قولتك .. ما رح اخسر اكتر من يلي خسرتو )

مسكت اول شي ورقة وقلم ورسمت الفستان بنفس تفصيلو ورجاء عم تطلع فيني باستغراب..

الست: لك شو عم تعملي .. اه .. شو عم تعملي
Telegram:@rwayate
كملت شغلي .. وبلشت ارسم بالتعديلات يلي رح اعملا .. ووقت شافو شو رح عدل فتحو عيونن ع وسعهن ..
الست: هلا .. فيكي تعملي هيك ؟ لك هاد التصميم يلي كنت طالبتو انا

نسيم: وانا رح عدلك ياه .. بس رح ياخد مني شوية وقت ورح يلزمني قماش شيفون ودانتيل

الست: لك خدي اليوم بطولو .. وازا صار وعدلتي رح اعطيكي يلي بدك ياه

رجاء: كلشي قماش بدك ياه موجود هون ..باشري فورا

بقيت اربع ساعات متواصلة واناعم عدل عليه للفستان ..

..
(الجزء الثاني)
Telegram:@rwayate
ومن هاليوم نكتب علي وجع جديد .. حماتي اخدتا لبنتي لحضنا وكانو هي اما مو انا .. ما كانت تعطيني ياها غير وقت بدي رضعا ..
عهد: مرت عمي .. بدي بنتي .. والله شتقتلا
مرت عمي: لك من هلا بدك تبعديها عني .. مفكرة حالك احق فيها مني .. انا ستا .. واولا منك فيها .. فهمانة
يمكن ما تصدقوني .. بس كنت اشتهي ضما واشبع منا
عهد: عمران .. بترجاك بدي حل .. لك والله مشتهية حطا بحضني واشبع منا .. لك حرام هالشي وربي حرام
عمران: لك انت ما بتشبعي نق .. لك هدول بيت جدا .. هني حرين فيها
Telegram:@rwayate
عهد: لك انا ما قلت شي .. ياخدوها ويعملو فيها متل ما بدن .. بس كمان انا عم اشتقلا .. حرام هالشي انا يلي تعبت فيها مو هني (تبكي)
ووقت قلتلو هيك ما شفت غير كف بنص وشي ..
عمران: انت يلي تعبتي ست عهد .. والله وصرلك لسان .. لك انت من ايمت بتعرفي تحكي .. لك يا قليلة الزوء هاي حفيدتن الاولى
عهد: وكمان هاي بنتي الاولى .. لك ما بشوفا يا عمران
Telegram:@rwayate
عمران: خلصنا عهد.. خلصنااا
وهيك مشت الايام .. كل وجعن وعذابن كان بكفة ووجع قلبي ع بنتي بكفة تانية .. كنت عم انحرق من جوا .. عم موت ..
وبيوم كنت مشتاقتلا موت .. كانت معا لحماتي ..
كانت بالمطبخ عم تقطع بطاطا وحاطيتا حدا ..
عهد: مرت عمي .. عطيني لين لوقت ما تخلصي
مرت عمي: شو امرتي ولي .. لك انت ما بتشبعي ضرب .. لازم كل يوم تاكلي قتلة .. لك روحي من وشي يا قليلة الترباية .. لك ما بكفي انو انا يلي عم قطع البطاطا
عهد: مرت عمي انا عزلت البيت كلو وما كنت عم العب .. وانا ماني قليلة ترباية .. بدي بنتي .. (تبكي) لك مشتاقيتلا .. لك حرام عليكي حرام
ووقت قلتلا هيك ما شفتا غير ضربتني بالسكينة يلي بئيدا .. واجت السكينة بئيدي..
مرت عمي: لك خرجك .. الله لا يقيمك .. وعم تبكي كمان يا كلبة
عهد: (تبكي) لك اااخ يا امي .. لك ااخ يا امي .. لك ايدي ... لك ااااااااخ
اجا عمي ع صوتي وانا عم صرخ .. وايدي كانت عم تشر دم ..
عمي: شو في .. لك شو هاد .. شو صاير هون
Telegram:@rwayate
مرت عمي: هالكلبة عم تعلي صوتا بوشي
عمي: (بعصبية) لك نحنا ما رح نخلص من مشاكلك .. لك تضرب هديك الساعة يلي صرتي فيها كنة النا .. مشي معي .. مشييي
اخدني بوقتا ع المشفى .. وضمدولي الجرح بس للاسف الضربة اتلفت الاعصاب وايدي نشلت ..
امي: لك شو صايرلا لايدك بنتي
عهد: ولا شي امي .. ولا شي
امي: كيف يعني ولا شي .. لك ماعم تقدري تحركيها .. شو صاير معك
عهد: ضربت حالي وانا عم اطبخ امي
امي: الله يهديكي يا بنتي .. الله يهديكي بس .. لك كام مرة بدي قلك نتبهي وانت عم تشتغلي بالمطبخ
وقت قالتلي امي هيك صرت ابكي من كل قلبي .. قهر وذل ووجع .. كلو كان بقلبي وانا لساتني 15 سنة .. والاقسى من هيك انو ما فيني فش خلقي لايا حدا .. كنت خاف قلن .. وكنت خاف كون انا الغلطانة .. ما كنت مستوعبة يلي عم يصير معي .. كنت مخربطة كتير وضايعة ..
وبعد بشي سنتين من ولادتي لبنتي ..
بيوم كنت تعبانة كتير وعندي حرارة قوية ..
عمران: ليش لساتك نايمة .. فيقي
عهد: ماني قدرانة .. بردانة كتير وتعبانة
Telegram:@rwayate
قرب مني وهو معصب وبدو يضربني .. وقت كشف الغطا عني وشافني كيف كان وشي احمر وتعبان عرف بانو ما عم كزب ..
عمران: باينتو عليكي حرارة .. رح اندهلا لامي
طلع عمران لبرا ليقلا لامو وانا سمعت صواتن من غرفتي..
مرت عمي: لك هاي عم تتحجج لحتى ما تشتغل شي
عمران: امي عم قلك عليها حرارة
مرت عمي: شو يا خروء .. عم تدافع عنا .. اي وازا عليها حرارة .. انا ماني اما لاتحملا .. ياما تعبت بس ما نمت .. كنت اشحط حالي شحط ع الشغل
وقت سمعتن هيك خفت تجي وتضربني هي او عمران .. شلت الغطا لوقف ع رجليي وروح لعندا .. بس وقت وقفت مدري شو صرلي واجريي ما عادو حملوني .. ناديت باعلا صوتي على عمران .. واجا عمران وامو ركض ع الغرفة..
Telegram:@rwayate
عمران: شو صاير .. شبك
عهد: ماني قدرانة وقف ع رجلي .. بترجاكن (تبكي)
وقت شافوني هيك خافو .. واخدوني فورا ع المشفى..
الدكتور: اي مرتك جسما مرهق كتير .. حمل وتعب
عمران: حامل
الدكتور: اي حامل .. وجسما كتير مرهق .. بدا راحة
وقت عرفت بانو انا حامل فرحت كتير .. وقررت بيني وبين حالي يلي رح يكون ببطني هالمرة مستحيل سلمن ياه لو شو ما صار ..
مشت الايام وفحصت يلي ببطني وكان ولد..
Telegram:@rwayate
عهد: الحمد لله يا ربي .. الحمد لله .. يا ربي تجعلو سند لالي وراحة لقلبي الموجوع يا الله
ومشت ايام حملي وجبتو لابني ع الدنيي .. تعلقت فيه كتير وصار هو كل دنيتي .. عوضني عن كل غصة حسيتا بغياب اختو .. ما بعرف كيف بيت حمايي سمحولي فيه .. بس ما كنت اقبل اعطيهن ياه وكانو يسكتو ومكتفيين ببنتي الكبيرة ..
وبعد بست شهور من ولادتي رجعت حملت كمان مرة .. وهالمرة كانت بنت..
ولدتا لبنتي من هون ومدري شو يلي صارلو لعمران .. كان عمرا سبع شهور

(الجزء الرابع)
Telegram:@rwayate
امي: عهد يا عيوني .. بكرة رح يجي العامل ليبلش يشتغل .. بدك تشدي الهمة معي
عهد: حاضر امي
امي: ربي يريح قلبك يا بنتي ويعوض عليكي
دمعو عيوني وغصيت..
عهد: كيف رح ارتاح يا امي وولادي مانن بحضني .. انا عم موت يا امي
امي: والله عم حس فيكي يا قلبي .. بس شو بدي اعمل .. ابوكي ما بدو يصرف عليهن
عهد: لك اااخ بس .. لو معي شي شهادة هلا كنت توظفت او شتغلت شي شغلة وحطيتن لولادي بحضني
امي: خلص يا امي وكلي ربك
عهد: لا اله الا الله .. يا رب اجبر كسري يا الله
وتاني نهار اجا العامل وبلش شغل عنا بالبيت ..
كان شب صغير.. عمرو 29 سنة .. اسمر وطويل
كان كل ما يشوفني ما يشيل عيونو عني .. يضل ملاحقني بنضراتو ..وبيوم..
نديم: لو سمحتي
اطالعت فيه بخوف ..
عهد: اي
نديم: فيني حاكيكي
Telegram:@rwayate
عهد: بدك شي؟؟
نديم: حابب اسال ازا انو انت مرتبطة او لا
عهد: العفو منك .. انت هون عم تشتغل .. خليك بشغلك
تركتو واقف وعم يطالع فيني وركضت ع البيت وسكرت الباب وراي ..
عهد: ففففف وقفلي قلبي.. هههههه
وبعد هاليوم صرت لاحظ عليه اكتر كيف عم يطلع فيني ع طول .. ويراقبني .. ويهتم فيني
نديم: عهد لو سمحتي .. لا تروحي .. بس سمعي
وقفت وانا رجليا ما عادو حملوني ..
عهد: عم اسمع
نديم: عهد ... انت انسانة كتير طيبة .. والطيبة باينة بوشك .. وبصراحة انا معجب فيكي .. يا ريت لو تفتحيلي مجال لاثبتلك هالشي
Telegram:@rwayate
ما رديت عليه بشي .. وتركتو واقف عم يطلع فيني ودخلت ع البيت ...
عهد: يا ربي... شو عم يصير معي .. لك ليش هيك قلبي عم يدق كل ما شفتو
وقت حاكاني واطلع بعيوني .. دق قلبي لاول مرة بحياتي .. وهالشي يلي ولا مرة حسيتو معو لعمران طول فترة زواجنا .. حسيت باحساس كتير حلو .. احساس كنت اسمع فيه وما اعرفو .. ومع نديم عرفتو وعشتو..
يمكن لانو النظرات يلي عم يطلع فيها نديم علي ولا مرة شفتا بعيونو لعمران .. وهالاهتمام منو لاول مرة بشوفو من شخص بحياتي ..
ومع هيك ما كان فيني انو اوثق فيه وامنلو .. بس هو ما مل ولا سكت .. ورجع حاول يحاكيني اكتر من مرة .. لوقت بطلت اطلع لعندو واتحجج لامي بايا شي لحتى ما اطلع لعندو ..
وبيوم .. كنت قاعدة ع المرجوحة.. عم فكر بهالدنيا وظلما .. عم فكر قديش فيها بشر سيئين متل عمران واهلو .. عم فكر بولادي يلي ماني قدرانة ضمن لصدري بسبب ابي .. وما شفت غير ايد مسكت ايدي ..
عهد: بسم الله
Telegram:@rwayate
نقزت واطلعت .. وكان نديم ..
مسكلي ايدي وقرب مني ...
نديم: عهد انا بحبك وبموت فيكي .. ما عاد فيني اتحمل اكتر
كان عم يطلع بعيوني بكل حب .. هالنظرة هاي يلي لاول مرة بحياتي بشوفا وبعرفا .. هالنظرة يلي قادرة تكسر اقسى قلب..
حمرو خدودي ودق قلبي .. ونزلت راسي بالارض.. وسحبت ايدي من ايدو بهدوء ..
ما كان بدي اسحبا ولا بعد عنو .. كنت بدي ضل حدو وجرب شو هو شعور الحب يلي نحرمت منو .. كنت بدي يضل ماسك ايدي لاخر العمر ..
عهد: نديم هلا حدا بشوفنا .. خلص بعد
وبعدتو عني..
نديم: لك تسلميلي ما احلاكي وانت خجلانة .. رح روح هلا .. بس لا عاد تهربي مني
هزيتلو براسي .. وراح..
Telegram:@rwayate
ومن بعدا بلشت علاقتنا سوا .. عيشني بمشاعر كنت احلم فيها وما اعرفا .. قلبو الطيب وحنيتو نسوني كلشي مر بحياتي .. نسوني عمران واهلو ..
تمنيت لو عرفتو من سنين قبل لاتزوجو لعمران ..
ومع هيك كنت اتعمد ضل بعيدة .. كنت خايفة كتير يغدر فيني ..
وبيوم.. كنت عم احكي معو ..
نديم: عهد .. انا رح حاكيكي بصراحة .. انا متزوج من سبع سنين
نصدمت وقت قلي هيك..
عهد: عم تحكي جد
نديم: سمعي لكفي.. مرتي ما بتجيب ولاد .. وصرلي سبع سنين عم عالج فيها لفقدنا الامل نحنا والدكاترة .. وانا عم دور ع بنت الحلال لاتزوجا .. ومرتي ما بدا ضرة لهيك طلبت الطلاق .. ورح طلقا..
و انت دخلتي لقلبي اول مرة شفتك.. حبيتك وتعلقت فيكي وصورتك ما بتفارقني .. انا بدي ياكي بالحلال
عهد: وانا بتمنى هالشي .. بس ما بعرف ردة فعل اهلي ..وكمان .. انت بتعرف انا كنت متزوجة من ابن عمي.. يعني الموضوع مخربط شوي
نديم: اي اكيد بعرف .. تركي هالشي علي .. انا بقنعن.. وبحاكي لابوكي .. وما بتوقع انو يعارض
عهد: خلص .. ماشي
فرحت كتير وقت صار هيك واطمنت بانو نديم بيحبني وما عم يلعب فيني .. وصرت اتعامل معو باريحية اكتر ...
عهد: نديم .. انت اول شخص بيدخل لقلبي .. وقلبي ما دق من قبلك .. انت يلي علمتني كيف الحب بيكون.. هالمشاعر يلي عم عيشا معك رجعت الحياة لقلبي
نديم: اااااخ .. لك بموت فيكي .. لك بعشقك
كنت اغلب الايام نام ع صوتو .. صار هو كل حياتي واحلا شي فيها
..

(الجزء الخامس)
Telegram:@rwayate
بعد باسبوع من هالشي ..
ابي: عهد ... تعي لهون
اجيت لعندو وانا ناطرة شي مسبة منو ..
عهد: اي يابي
ابي: هههههههه والله وضحكتلك الدنيا مرة تانية يا عهد
اطالعت فيه وانا مستغربة ..
عهد: ليش ايمت ضحكتلي اول مرة
ابي: اي بلا علاك هلا .. نديم العامل .. طلبك ع سنة الله ورسوله
وقت قلي هيك كان قلبي رح يوقف من فرحتو .. بس ما حبيت بينلو لابي شي ..
امي: عم تحكي جد .. الحمد لله يا ربي
Telegram:@rwayate
ابي: لك شبك جمدتي .. احكي شي
عهد: شو بدي قول يابي
ابي: لك شو رايك .. قلو يجيبن لاهلو
امي: هلا صرت بدك تاخد رايا .. لك هالشب بينشرا بالدهب .. طبعا موافقة
ابي: اي بس الشب كان متزوج .. وطلقا لمرتو من فترة قصيرة
امي: اي عادي .. وبنتنا كانت متزوجة وعندا ولاد .. وين المشكلة
عهد: يلي بدك ياه عملو يابي
حكيت هيك ودخلت ع غرفتي .. سجدت ع الارض وحمدت ربي وبكيت من قلبي
وتمت خطبتنا .. يلي كانت بس اسبوع واحد .. كنت طايرة من فرحتي .. بس لعنة عمران لاحقتني وما تركوني بحالي ...
امي: لك مين يلي عم يدق هيك ع الباب
كنت حاملتا لبنتي لصغيرة بحضني ...
عهد: ليكني رح افتح امي
امي،: تعي .. انا بفتح
فتحت امي الباب ..
امي: عمران.. شو في .. خير
كان الشر بعيونو لعمران ..
عمران: جاي لباركلا للست عهد
Telegram:@rwayate
امي: اي الله يبارك فيك .. وهلا الله معك
حكت معو امي هيك ودفشت الباب لتسكرو .. بس عمران دفش الباب بعصبية ...
عمران: وين الله معي.. انا الي عندكن حق ورح اخدو
امي: لك ايا حق هاد .. بعد لهيك عن الباب
عمران: مو قبل ما اخدا لبنتي
انا وقت سمعتو عم يحكي هيك جسمي كلو بلش يرجف .. ومسكتا لبنتي باديي التنتين وضميتا وصرت ابكي..
عهد: ما رح اتركو ياخدك يا امي .. ما رح اتركو يا قلبي
وهني عم يحكو ع الباب وصواتن طالعة اجا ابي..
ابي: خير .. خير .. شو سيد عمران شايفك عنا .. منيح لساتك بتعرف باب بيتي
عمران: اي بعرفو منيح وقت بدي حقي
ابي: ايا حق ولا تشتوش .. ايا حق ولااااا
عمران: بنتي.. بدي بنتي
Telegram:@rwayate
ابي: اي ما كان في داعي تعزب حالك وتجي .. انا كنت رح جيبا لعندك .. بتعرف اما رح تتزوج بعد اسبوع .. وما رح تفضالا
وقت قلو بابا هيك نزلت ع الارض وانا ماسكتا لبنتي وصرت صرخ..
عهد: لا ياااابي.. دخيلك يابي .. بنتي يااابي
ركضت امي ع صوتي لعندي..
امي: طولي بالك يامو .. طولي بالك
عهد: امي رح ياخذا لبنتي .. لك هالكلب شو بدو فيها .. لساتا صغيرة حرام
اجى ابي لعندي وسحبا لبنتي من حضني وهي عم تصرخ وتبكي ..
ابي: عطي ياها .. رح تتزوجي ويصير عندك بيت .. هو ابوها وهو يلي مجبور يربيها
عطاها لعمران .. يلي اخدا وراح بكل بساطة ..
قضيت طول النهار ع بكي .. لوقت دقلي نديم ..
عهد: الوو
نديم: كيفك
عهد: تمام
نديم: شبو صوتك .. ليش مخنوقة
وقت حكالي هيك ما قدرت امسك حالي وبكيت ..
نديم: لك شو صاير .. شبك .. عهد .. حبيبتي .. ردي علي
Telegram:@rwayate
عهد: بنتي يا نديم .. بنتي .. اخدوها .. خلص انا ما عاد الي ولاد .. راحو كلن .. اخدن عمران اخدن
نديم: لا حول ولا قوة الا بالله .. طيب اهدي شوي
عهد: ماني قدرانة .. صوت بكاها لساتو بادني .. لك ليش هيك عم يعمل فيني .. ليش
نديم: عهد يا عمري .. طولي بالك .. انت رح تتزوجي وما رح تفضيلا .. واول ع اخر عمران رح ياخدا .. لا تدايقي يا قلبي .. وكلي امرك لربك .. هيك نصيبك..
بقيت طول الليل وانا احكي معو لنديم .. لغفيت وانا عم حاكيه .. وفقت الصبح ع صوت امي ..
امي: عهد ..لك ليش هيك ضاميتي للتلفون
Telegram:@rwayate
فتحت عيوني .. وتذكرت انو كنت عم حاكيه لنديم ..
عهد: يا ربي .. لك نديم
امي: شبو نديم .. عم تحلمي فيه
مسكت التلفون وانا كتير متلبكة .. ودقيتلو ..
عهد: لك لا امي .. غفيت وانا عم حاكيه
امي: ههههههه .. اي بسيطة امي
عهد: صباح الخير
نديم: هلا حبي .. فقتي هههههه
عهد: اسفة كتير .. مو بئيدي والله غفيت
نديم: ولا يهمك .. صوت نفسك كان يجنن .. تمنيت كون حدك لشم ريحتك
وقت قلي هيك حسيت قلبي رح يوقف.. وتميت ساكتة..
نديم: شبك سكتي .. لساتك عم تخجلي مني .. ما بيمشي الحال هيك .. كلن يومين وبنتزوج هههههه
عهد: هههههههههه
Telegram:@rwayate
نديم: جهزي حالك المسا .. رح امرق واخدك لنطلع شي مشوار سوا
عهد: اي ماشي

طلعنا انا وصهيب من المشفى وركبنا بسيارتو
صهيب : انا اسف
ماريت
صهيب : حقك تزعلي ... بس انا معد زعلك وعد
مروة : شو معد تزعلني ... انت واحد طايش وتصرفاتك طايشة ... يعني لونو الفنجان جاي بعيني وانعميت كنت فرحت فيك ... والله كل يوم عم اكرهك اكتر من يلي قبلو لسه مابقلو تغير وصار منيح .. بترجع متل اول واكتر .. انا خلص معد متحملة هالعيشية
صهيب : بدك طلقك
اول مرة مابريد الطلاق .. مو لانو حبيتو .. بس مشان ابني
مارديت
صهيب : رح اتركك تفكري منيح .. وشو بدك انا جاهز
انا ظلمتك كتير وانتي ما بتستاهلي واحد متلي .. بس بدي قلك شي انو انا بحبك .هي اول مرة بيعترفلي بحبو ..
مروة : اذا بتحبني وهيك كيف لو بتكرهني
صهيب : انا اخر فترة كنت متغير معك وكنا مبسوطين بس بتعرفي شو يلي صار وعكرلنا مزاجنا
مروة : وانا شو دخلني لحتى كنت عم تلومني الي
صهيب : يمكن حطيت الحق عليكي بس هو الحق علي انا اهملت الشغل وحطيت الحق عليكي ..
مروة : وكل هاد مشان المصاري يلعن ابو المصاري
صهيب : الشغلة ما شغلة مصاري.. الشغلة اكبر من هيك ..
مروة : طيب حكيلي
صهيب : واحد حقير كلب .. عم يتحداني .. وانا مابدي اعلق معو مشان مايصير دم .. بس لاني ساكتلو تمادا كتير وعم يحاول ياخد شي كبير مني
مروة : وشو هو
صهيب : انتي
مروة : شوووو انا ؟؟
صهيب : اي انتي .. فهمتي ليش عصبت عليكي لما عرفت انو انتي يلي فتحتي الباب
مروة : بس انا شو دخلني ..
صهيب : حقير واطي .. بدو يطعن بشرفي
Telegram@rwayate
مروة : ياربي دخليك .. بس انت نبهت علي من اول ماتزوجنا انو ما افتح لحدا .. يعني من وقتا
صهيب : لا .. انا بالاول كنت غار عليكي ... والضعية كلا عم تحكي انو صهيب متزوج وحدة حلوة كتير ومحرص عليها .. وهو لما سمع هيك عم يحاول يوصل لمرتي يلي انا محرص عليها .. بس انتي لاتخافي مارح خلي حدا يمس شعرا من شعراتك
مروة : طيب ليش هو هيك عم يعمل .. انت شو عاملو
صهيب : ماني عاملو شي .. بلشت الشغلة انو نضارب ع بعض .. بس هو ابن حرام بغار مني كتير وبدو يكسرني
مروة : انا خايفة كتير
صهيب : لا تخافي انا معك
وحط ايدو ع ايدي
مروة : طيب انت بلالك هالشغلة
صهيب : ماني مطول .. بدي العن ابو هالشغلة واتركا ويلي بدو يهرب يروح يهرب لحالو انا معد دخلني بحدا
وصلنا ع البيت وانا خايفة كتير .. بس قلبي ماراق اتجاه صهيب وضليت محاربتو ...