بس مسكلي ايدي و صار يشدها
ميسا : تركني عم توجعني بدي روح
سنان : ما قبل ما تقليلي شو شفتي و وين شفتيها لمرتي
فجأة قلب و صار متل الوحش
انا خفت منو و صرت احكي حسيتو على شوي رح يأزيني
ميسا: كنت عم اتفتل بالشوارع و شفتك بالصدفة مع بنت شقرا و معكن ولد صغير عم يقلك بابا
توقعت انو تكون مرتك و ما بعرف شي تاني صدقني
سنان : اي
ميسا: شو اي قلتلك كل شي بعرفو
حسيتو ارتاح بعد ما جاوبتو و تركلي ايدي
سنان : اي انا ما بحب حدا يعرف شي عن حياتي الخاصة و خصوصي عن عيلتي
و انتي ما لازم تقولي شي لحدا عن يلي شفتيه
بدي ربي ابني بعيد عن الصحافة بدي اياه يعيش حياة طبيعية لهيك انا عم خبي الموضوع
ميسا : اي انا صار لازم روح
سنان : تزكري انو ما بدي حدا يعرف عن هالموضوع و بالاخص فريق العمل او محسن
تمام ميسا
ميسا : اي انا ما دخلني حتى قول شي
مشيت بسرعة و ابعدت عنو و قلبي لساتو عم يخفق من الرعبة اللي اكلتها
انا ما قتنعت بحكيو لانو انا ما بنت صغيرة بس مالي مصلحة قول شي لحدا
و بالاخص بعد ما شفت ردة فعلو عن الموضوع
رجعت و كملت شغلي طبيعي بس حاولت اتحاشى سنان على قد ما بقدر
خلصنا شغلنا بلبنان و رجعنا
و انا ما كنت مصدقة اوصل و اتطمن على اسراء و شوف ازا حازم
كشف مكانا
وصلت الحارة و الكل التمو عليي و بلشو يسألوني ليش رجعت بسرعة و ازا صورت
و انا بلشت قلن شو صار معنا و اشرحلن و بالزور خلصت حالي من بيناتن
وصلت على الباب و بلشت حاول افتحو بس ما كان يزبط
المفتاح علق و بطل يفتح
ميسا: شو صرلو هاد
سمعت اسراء عم تحكي بصوت واطي من ورا الباب : ميسا هاد انتي
ميسا: اي فتحي ما في حدا
فتت على البيت و حضنا بعض انا و اسراء
و بلشت تسالني شو صار معي
و انا خبرتا بكل شي
اسراء : هلأ صرتي مشهورة و كل فترة عندك سفرة شغل ما هيك
ميسا: هههههه شايفة
استني جبتلك شي معي ، فتحت شنتايتي و اعطيتها الاسوارة
اسراء: عنجد كتييير حلوة هاي اول مرة بتوصلني هدية
ميسا: و دوقيلي هالشوكولا ما ازكاها
اسراء: اممم شو طيبين
ميسا: اي حازم باينتو ما عرف مكانك لهلأ
اسراء : ما قلتلك بعد ما سافرتي اجا لهون و صار يصرخ و يعيط برا البيت
و لما ما شااف جواب فكر انو انتي جوا مخبيتيني و ما بدك تفتحيلو قام كسر الباب
و انا دغري هربت من شباك المطبخ و تخبيت عند جارتك ام تحسين
و التمو اهل الحارة و قالولو انو سافرتي على لبنان و هو نجن و عصب و فكر انو انا و انتي سافرنا و هربنا منو
ميسا: كل هالشي صااااير
اسراء : اي بس هيك اريح خلي مفكرني انو صرت بلبنان برتاح منو كم يوم
و نسيت خبرك انو بدلنا قفل الباب
ميسا: اي لهيك ما كان عم يفتح
اسراء : تعي تعشي و نامي و ارتاحي اكيد تعبتي
تعشيت و رحت نام بس ضلي تفكيري بسنان و بشو مخبي
اصلا كنت استغرب من حالي ليش هيك فكر فيه و ليش فضولي دابحني هالمرة
و تاني يوم الصبح
كان لازم نفطر انا و اسراء فطور ملكي لانو اعدين و لحالنا
و بعدا نزلنا على السوق و اشترينا اغراض و تمشينا
اسراء : ميسا معك مصاري زيادة
ميسا : مو كتير بس شو لازمك
اسراء : اشتهيت اكل من عند بياع الفول هاد
ميسا : على اساس ما بتحبي الفول ولا بطيقيه شو صار هلأ
اسراء : يي ما ابخلك كل هاد لانو طلبت فول
ميسا : ههههه بتعرفي كيف تضحكي عليي و تقشطيني مصرياتي
امشي ناكل فول يلا
اكلنا و نحنا بالطريق اسراء بلشت تدوخ
ميسا : يي شو صرلك ، لك ساعدوني
اجو الناس و اعطونا مي و صرت رشها لحتى فاقت
تسندت عليي و رجعنا على البيت
اسراء : ميسا انا خايفة من شي
ميسا. : شو في
اسراء : بصراحة شاكة انو كون حامل
ميسا : اااه عنجد عم تحكي
اسراء : لك لسا ماني متاكدة شاكة و زادت شكوكي بعد ما دخت اليوم
ميسا : اي و شو بدك تعملي
اسراء : لك انا ما بدي ضل مرتو لحازم بدي اخلص منو بس خايفة اطلع عنجد حامل و قتا
حازم ما رح يرضى يطلقني ابدا و بصير بدو يتحجج بالولد
ميسا : يعني مانك حابة يجيكي ولد
اسراء : طبعا حابة اصلا انتي بتعرفي صارلي تلت سنين متجوزة و باولها كنت ميتة على ما يجيني ولد و الدكتورات حكولي انو صعب جيب ولد و لهيك حازم و اهلو كانو يضغطو عليي و باخر فترة صار يمد ايدو و يضربني
ميسا : طيب خلينا نتأكد انو انتي حامل بالاول و بعدا بنحكي لحازم و بلكي توصلنا لحل معو
اسراء : بصراحة ماني عارفة شو لازم اعمل
…………………………………………
الجزء الرابع
#طريق_الشهرة
للكاتبة روز سعد الدين
بعد ما قالتلي اسراء بخصوص شكوكها قررنا انو نتأكد من الموضوع
لهيك رحت على اقرب صيدلية و اشتريت منها تيست حمل منزلي و جبتو لاسراء
ميسا : اسراء شو صار معك صرلك ساعة جوا بالحمام انا هون على اعصابي
اسراء شبك ردي
اها و اخيرا فتحتي هالباب
شبو وشك اصفر
اسراء : خدي شوفي
ميسا : اي هاتي تبعي للخطوات هون مكتوب انو ازا خطين يعني ايجابي
اسراء : ايجابي يعني في حمل
ميسا. : لك الف مبروووك رح تصيري ام
اسراء : يبارك