-جميل: انت بتستحق التمييز… وانت ابني قبل ما هوي يكون ابني… انت كنت معي بمراحل صعودي للقمة…… وهوي ولد مدلل مش اكتر…
-طارق: انا ابنك الروحي ما تنسى… بس هوي ابنك من لحمك ودمك… ودايما عم يسعى لارضائك… معك معك بصير انجح انسان ع وج الارض…… بعدين عمري 35 سنة… وهوي بعدو بأول العشرينات… ما صرلو سنتين متخرج… ما فيك تقارن بيناتنا…
________________________
-كرستين: امرني استاذ…
-نزار: شو صار بالمشروع اللي طلبت منك تحضريه…
-كرستين: بكرا بكون ع مكتبك استاذ…
-نزار: عال… ناطرو… فيكي تروحي…
-كرستين: بالإذن….
مشيت لعند الباب ورجعت عادت ادراجها…
-كرستين: استاذ فيني اطلع قبل انتهاء دوامي بساعتين… وبكرا بعوضن…
-نزار: كترانين طلباتك…
-كرستين: ………..
-نزار: ماشي… ما فيني زعلك…
-كرستين: شكرا استاذ….
رحت ع مكتبا وهيي معصبة منو… وعم تهمس (ما فيني زعلك قال… العمى بقلبك شو بكرهك)
-ميسون: مع مين عم تحكي… هههه…
-كرستين: لك الله ينتقم منو كل ما بدي اخد اجازة بيتمقطع فيي…
-ميسون: ما تقليلي اجازة كرمال تحاليل الحمل… رح تردي ع زوجك !!!
الجزء الثاني:
-كرستين: اي لكن !! شو مفكرة… لاثبتلو انو غلطان مش اكتر… خلي ضميرو يوجعو…… شوي…
فات علي بهالاثناء…
-علي: مرحباا صباياااا… كيفكن…
-ميسون: بكير والله…
-علي: عجقة سير وحياتك حبيبتي……
________________________
فات طارق ع مكتب جميل…
-طارق: انا رايح بابا… بدك شي ؟
-جميل: ليه حاسك مش مرتاح اليوم… في شي بينك وبين كرستين؟
-طارق: شو برأيك ؟ ما انت قضيت ع حياتنا !…… ما بعرف ليه عم طاوعك والله…
غمض جميل عيونو… مشي ناح الشباك… كتف ايديه… وقال كلمة بسيطة بس معانيها كبيرة…
-جميل: الوفا !!!
رنت عالكلمة بإدن طارق مرات عديدة… قبل ما ينطق… ويهز راسو…
-طارق: اي اي الوفا…
وطلع من المكتب….
_________________________
وصل طارق ع مكان شغل كرستين… صف السيارة… ودقلها…
-طارق: انا تحت…
-كرستين: نازلة…
ضبضبت غراضها… وميسون عم تحكيها…
-ميسون: خلص ح تنفذي اللي بدو ياه…
-كرستين: اي… انا رايحة… والله تعبت…
-ميسون: مجنونة……
طلعت كرستين من المكتب… عم تحارب الدمعة… بس خلص… هيي انحطت وسط معركة… ولازم تكسبها بأي تمن… ما لازم تخسر او تستسلم… ولا حتى تنهار…
-علي: شو صاير معا؟… شو بدا تنفذ… ما تقيليلي الاستاذ نزار رجع يعرض عليها نفس العرض…
كانت صافنة ميسون بصديقتها واللي رح يصير… وجاوبت بدون ما تركز معو…
-ميسون: اي عرض…
-علي: لك الطلاق… شو نسيتي… تتطلق من طارق وتتزوجو…
-ميسون: اه اي تذكرت… غبي انت شي ؟ اكيد ما رح تسمحلو يفتح السيرة مرة تانية… وهوي بعد الاعصار اللي عملتو لما فتح الموضوع… تاب… واستسمح منا… ما بتصور يسترجي يعيدا… كتير بهمو ضلها بشركتو تحت انظاروا…
-علي: بس هوي بيعشقها…
-ميسون: هيدا مانو عشق… هيدا مرض…
-علي: لكن شو بها… شو بدا تنفذ… ؟
-ميسون: اوف علي اوف… خففلي فضول… عادة نسوان هاي… ما فيي احكي شي من اسرارا اللي امنتني عليهن…
-علي: بس انت حكيتيلي عن نزار ومرضو فيها….
-ميسون: انا ما حكيتلك… هيي انفضحت القصة… لو بتجيب حمار يجي يشوف نظراتو الها بيفهم انو بيعشقها…
-علي: وهالحمار رح يعرف كمان اديه بحبك انا…
-ميسون: ههههه… ورح يقللك اني بحبك اكتر….
-علي: دخل اللي بيخجل انا شو بحبو…
_______________________
-طارق: ايمتا بيطلعو التحاليل دكتور ؟
-الدكتور: بكرا… انشالله…
وقف طارق… عقد حواجبو… وخبط ايدو عالطاولة بقوة…
-طارق: رح نعمل فتلة شغلة ساعتين واجي اخدن….. شو فهمت؟
-الدكتور: بس…… (سكت لما شاف القوة بعيون طارق وكمل)… طيب ماشي ماشي….
مسك كرستين من ايدا ومشي…… ما فيه يتحمل لبكرا… بدو يقطع الشك باليقين… ويرتاح… طلعو بالسيارة وصار يمشي بالشوارع…
-كرستين: ايمتا رح تغير اسلوب العنف تبعك…
-طارق: العالم ما بتفهم الا بهالطريقة…
-كرستين: بس انت ما كنت هيك…… كنا اطفال… ربينا سوا… بس حنانك كان واضح… اللي هلأ ما بقي منو ذرة وحدة…
شحط فرام… ضغط عالدركسيون بقوة…
-طارق: شو ناطرة من ولد يتيم انو يكون !!!
-كرستين: بس ماما وبابا حاولو اد ما فيهن ما يحسسوك باليتم… وفضلوك ع خيي كريم…
-طارق: عم تمنينيني !!!!!!!!
-كرستين: اعوذ بالله… خلص سكتت… ما في شي الا بتفهمو بالعكس…… خدني عالبيت وروح جيب النتيجة لوحدك…
______________________
-كرستين: الو… اي ميسون… هياني بالبيت وهوي راح يضيع وقت ليخلصو التحاليل…
-ميسون: مانك خايفة ؟!
-كرستين: من شو بدي خاف… بعرف حالي…
-ميسون: طارق وحش… بينخاف منو بجميع الاحوال…
-كرستين: لا هوي مانو هيك… الحياة قستلو قلبو… هوي بس من لما تزوجنا تغير شوي…
-ميسون: شوي !!!
-كرستين: بكرا بيرجع لطبعو المعتاد… فترة قصيرة وبتعدي…
-ميسون: فترة قصيرة