📚قصص||روايات||منوعة📚

وركد وانحنئ ليفكلا رجليها وبعد ما خلص اتطلع فيها وكانت اول مرة بدئئ بعيونها وحس بشي بئلبو
هلا :رح تضل تطلع فيني هيك ؟
الشب :اه ..لا ...
وفكلا ايديها ومسكها من ايدها ووبلشو يركدو ،كانت رجلين هلا واجعينها من ضربة الخيزرانة ...
هلا :رجليي ياربي 😭
الشب :معليش اتحملي شويي
Telegram:@rwayate
وهنن راكدين لتحت شافو مجموعة رجال ئاعدين عم يشربو شاي ...وزلمة طالع عالدرج
مسك الشب هلا ولزئها بالحيط ورا باب حديد و ووئف مواجيها ولزء فيها لحتئ ما يبينو ...

اتطلعت هلا بوجه الشب يلي كان كتير ئريب وصدرا اللي بلزء صدرو وهوة عم يتطلع بعيونا ..❤️
حست هلا بالخوف ،بس مابينت ردة فعل لحتئ مايشوفون الرجال 😉

واخيرا مر الزلمة وبعد الشب عن هلا ورجع مسك ايدها وبلشو ينزلو شوي شوي عالدرج لحتئ ما يشلئو حدا عليهون ...
وصلو عباب المصنع وكان باب حديد كبير وطلعو وكل ما يشوفو زلمة يتخبو لحتئ شاف الشب سيارة سودة وائفة عند الباب الرئيسي ...
ئربو عليها ولئوها مفتوحة طلع
الشب:اطلعي
هلا :هي سيارتك ؟
الشب :لاا بس احنا لازم نهرب
وطلعت هلا وشافتو عم يطلع اسلاك من تحت الدركسيون وعم يحاول يشغلها..
هلا :بدك تسرق السيارة 😱
الشب :ايش..! لا يموتونا جوة أحسن 😒
اخيرا انتبهو عليهون الرجال ولحئوون ،وبلشو يئوصو عالسيارة ..
وواحد ضرب رصاصة عأزاز الخلفي كسرو ..وهلا صرخت :يااا امييييي 😱
مسك الشب راس هلا :نزلي لتحت الكرسي ،واخيرا اشتغلت هلئ بشوفو ولاد الحرام 😠
Telegram:@rwayate
وشفط بالسيارة ومشاها بسرعة الصاروخ ولفها لفة بسرعة ومشاها اتجاه الرجال وضرب واحد فيون ورجع شفط فيها ومشاها لحتئ طلع عالطريق ...بس الرجال ركبو بالسيارات ولحئوون و بلش الئواص عليهون ...
هلا :مشان الله رح موووت من الرعبة 😱
الشب :اتحملي هسا بورجيهم 😠
ورجع فتل الشب بالسيارة فتلتين حست هلا ئلبا انئطع من بعدا ... بس شافتو كان كتير واثق بسوائتو وكان عم يسوء السيارة متل كأنو متسابق برالي سيارات ..👍
وفات من طريق فرعي ،وئدر يضيع سيارات الرجال...وأخيرا وصل علئ منطقة متل ضيعة صغيرة وئديمة وهدا السيارة ئدام بيت ئديم ونزل بسرعة وفتح الباب وطلع هلا اللي كانت مغمية من الرعبة وحملها وسكر الباب برجلو ودخلها عالبيت...
Telegram:@rwayate
________________________

وصلت جودي لعند عمر وسند ....
جودي :شو صار معكون ؟
سند :ماصار شي ،فتل راسنا ونحنا عم ندور عليها وما لئينالا اثر 😔
جودي :طب اتصلو بالشرطة
عمر :ئدمنا بلاغ بيئلولنا مابيئدرو يأاتو بأي حركة ئبل ما يمر علئ اختفائها 48 ساعة ،وهي موبايلها لسا مسكر
جودي :بالله وبركي كانت مخطوفة
سند :هي النا ساعات عم ندور وبدون فايدة ،شو رح نعمل هلء 😥
جودي :ايلين ...
عمر :شو ماسمعتك ؟
جودي :عم ئول ايلين ،ليكون الها ايد باختفائها
عمر :لا جودي شو صرلك ،ايلين شو بيطلع بإيدا تعمل !؟
جودي :بيطلع بايدا اساسا هية حقودة وغيورة
سند :والله ازا بتكون هية لسويها عبرة لغيرها 😠
Telegram:@rwayate
اما هلا صحيت وصارت تطلع حواليها كان بيت ئديم وهادي والعفش ئديم كتير ونصو مهتري ...
طلعت من الغرفة وشافت طاولة عليها لاب توب وحوليه أوراق مرمية بشكل فوضوي وصور لناس غريبة وخرايط لأماكن معينة...
ئربت هلا عالطاولة ومدت ايدا بدا تطول ورئة وفجأة سمعت صوت الشب بيحكي :لا تمدي ايدك علئ اشي 😠
ارتعبت هلا ورجعت خطوتين لورا
هلا :رعبتني 😰
كان الشب حامل ماك ئهوة كبير وطالع من باب المطبخ...وحطو عالطاولة وئعد عالكنبة مواجيه اللابتوب ...
كانت ملامح وجهو هادية كتير ،ومبين عليه شب بنهاية العشرينات وهوة شب حنطي وعيونو عسلي وشعرو اسود ونظرة عيونو حادة كتير وجدية ...
هلا :انتة مو خاطفني صح ؟
الشب :يعني لو كنت خاطفك كنتي شفتي حالك مش مربوطة
ئعدت هبة عالكنبة اللي مئابيلو وئالت :معناتا رجعني
الشب :ما بئدر
هلا :وليش ؟
Telegram:@rwayate
الشب :عشانهم مفكرينك ياسمين ،اذا رجعتك رح يرجعو يخطفوكي
هلا :ومين هي ياسمين كمان !؟ 😥
الشب :زميلتي بالشغل
هلا :ليش انتة شو بتشتغل ؟
الشب :عارفة انك بتحكي كتير 😠
هلا :بدي اعرف بأي مصيبة انحطيت فيها 😠
اتطلع الشب بهلا بعصبية تطليعة خلتا ترجف من جوا..
الشب :بديش اورطك اكتر من هيك .. انا بفكر بطريقة اقدر ارجعك عند اهلك بس اصبري شوي..
هلا :رجعني وانا بخلي اهلي يحكو للشرطة وهية بدورها بتحميني من هدول المجرمين
الشب :الشرطة ههههه ضحكتيني والله ،حياتي هدولا بيشتغلو فوق القانون ،يعني الحكومة هية يلي ساندتهم
هلا :لهالدرجة 😳
Telegram:@rwayate
الشب :اه واكتر ...بس اللا ما يجيهم يوم ويوكعو
هلا :انتة مين وليش كالهالئد ،يعني بدي اعرف انتة مجرم وللا لا بدي اعرف انا مع مين ئاعدة ،لك حتئ اسمك مابعرفو 😣
الشب :لا مش مجرم ... انا اسمي لؤي وانا صحفي وياسمين بتكون زميلتي وهية بتصور وانا بعمل المقالات
هلا :لؤي .. بما انك حكيتلي اسمك رح تئلي ليش عم تلاحئ بهالعصابة؟
لؤي :مش متطر

رجع عمر عالبيت وركدت امو عليه وهية عم تبكي
ام عمر :عم دئلك ليش ماعم ترد،عمر مالئيت هلا 😭
عمر :لا امي مالئيناها 😔
ام عمر :ولي علئامتي وين بدا تكون وين بدك تكوني يانور عيوني 😭💔
Telegram:@rwayate
اما سند كان لسا بحاول يتصل بهلا بس ما في رد... وحس ئلبو رح ينفجر💔
واتصل اخيرا بإيلين...
ايلين :اهلين سند
سند :ايلين ،وينا هلا
ايلين :هلا !؟ وانا شبعرفني
سند :ايلين لا تكزبي اكيد بتعرفي وينها 😠
ايلين :ههههه وليش لحتئ اكزب عليك سند ئلتلك مابعرف وينها ،ليش شو صاير ؟هربانة من البيت شكلا 😏
سند :خرسي مو هلا اللي بتهرب من عند اهلا ،بس بشرفي ازا بعرف انو الك علاقة من ئريب وللا من بعيد بإختفائها وحياتك لتشوفي شي بحياتك ماشفتي من حدا 😠
وسكر الخط بوجها ...وايلين ماتت من الرعبة من طريئة كلام سند معها ورجعت دئت لحدا ..
ايلين :الوو
...:اي انسة ايلين
ايلين :شوف ،بتتراجع عن الشي يلي ئلتلك عليه ،تروك هلا خليها ترجع عبيتها ..😰
...:بس يا انسة نحنا ما خطفنا البنت
ايلين :شوو ،كيف يعني 😱
....:نحنا مالئينا البنت اللي دليتينا عليها وهية الها مختفية من بداية هاد النهار 😓
سكرت ايلين الخط :العمئ شو عم يصير 😰
Telegram:@rwayate
________________________

هلا :وبعدين معك ...
لؤي :ايش بدك ...ولك حاج تنئي نخرتي راسي
هلا :الله يوفئك خليني حاكي أهلي 😭
لؤي :طيب بس اصبري لأتأكد انهم مش مرائبين خطي
هلا :لك انا في شي ما عم بفهمو ...ليش كترت غلبة ودسيت ضرابة السخن بجيبي هداك اليوم 😒
كان لؤي ئاعد بيشرب بالئهوة لما حكت هالكلمة وغص بالئهوة وماعرف كيف بلعها وبلش يضحك بصوت عالي 😂😂
هلا :وليش عم تضحك ..حكيتلك نكتة انا 😒
لؤي :ايش هاي ضرابة الصخن 😂
هلا :أزضي عن فلاشة النحس ،ليش ما كبيتا بأأرب حاوية لما شفتون بيلحئوك
لؤي :احلفي ..بأأرب حاوية !؟ بئلك سنتين وانا بجمع بهالمعلومات بدك اياني كبها بهالبساطة 😒
هلا :لا بترميها بجياب العالم ... لك بدي افهم ... لوكنت فالت من بين ايديهون كيف كنت رح تلائيني مشان ترجع فلاشتك يافالح 😒
Telegram:@rwayate
لؤي :ماشالله عنك ذكية ،باين عليكي اذكئ خوانك ... ولك ماكنتي حاملة غيتار وطالعة من معهد الموسيقئ ،لما شفتك عرفت انك طالبة فيه
هلا :شوكنت لابسة هداك اليوم والله معد اتزكرت 😓
لؤي :كنتي لابسة جكيت بيضة نفخ وبنطلون جينز وشوز ابيض وعليه خطوط فوشي
هلا :😳😳
لؤي :مالك مستغربة ،انا صورتك عشان ما انسئ شكلك ،وعشان ائئدر ارجع فلاشتي 😒
هلا :ايوة ... الجاكيت البيضة بعدا معلئة بخزانتي ،وما بظن ماما اتطلعها لأنها نضيفة ،معناتا فلاشتك بالحفظ والصون 😌
لؤي :اه طمنتيني
Telegram:@rwayate
________________________

وببيت هلا...
رن جرس الباب وئام عمر بسرعة لحتا يفتح ،وطلعت جودي بوشو ...
عمر :اهلين جودي
جودي :مابينت ؟
هز عمر براسو ودمعو عيونو
جودي :عمر اهدئ اللا ما يجينا خبر عنها 😢
عمر :خايف عليها جودي ،لك بصرلا شي والله بئلب الدنيا
كانت جودي عم تطلع بعمر وهوة ملهوف علئ اختو وأول مرة بعمرها بتحس بشعور غريب اتجاهو ❤️...ئربت عليه وحطت ايدها علئ كتفو
جودي :انا حاسة انها بخير ،هدي حالك عمر ...
اما سند طلع وبلش يفتل عليها بالشوارع ،وهوة مئهور ومدايئ ومو عرفان وين يروح يدور 😢💔
Telegram:@rwayate
اما هلا كانت ئاعدة وساكتة وعيونا عم يدمعو وعم تحكي بئلبا:ياترئ بكونو فائديلي ؟ عمر وسند وماما وبابا وجودي ؟يا الله رح طئ بدي ارجع عالبيت 😭
طلع لؤي من المطبخ وهوة حامل صحن فيو سندويش وكاسة شاي..
لؤي :اسف كتير بس فش بالبيت اشي بيتاكل غير خبز وشوية جبنة وهاد الشاي
حط الصينية ئداما ورجع اتطلع بعيونا ورجع حس بذات الاحساس يلي صارمعو وئت فكها...❤️
لؤي :ششو مالك ليش بتبكي ؟
هلا :والله ماني متعودة بات برات البيت ،الله يوفئك رجعني وانا بوعدك ما اطلع برات غرفتي 😢
حزن لؤي عليها وئعد مئابيلها عالطاولة ومسكلا ايديها
لؤي :والله حاسس فيكي ،وانا كمان هيني عايش بعيد عن عيلتي وبلدي وبديش خبي عليكي احيانا بئول ليش مابرجع لحضن الوالدة عبلدي وبلالي عالعيشة وينحرقو كلهم ،بس برجع وبفكر زي ما قتلو اخوي انا رايح اوخد بتاري ... لو علئ حساب حياتي
هلا :ئتلو اخوك ؟
لؤي :اه... اخوي كان شب بجنن عمرو 14 سنة وطالع علئ هاي الدنيا من جديد وكان المدلل عشان هو اصغر واحد فينا ، يامن كان عكسنا ابيضاني وشعرو اشقر وعيونو زرق كان شبه خوالي ..بس هاد الاشي ماشفعلو ولا خلاهم يرحمو ،قدرو يستدرجو و....
Telegram:@rwayate
ئام لؤي من ئدام هلا وهوة عم يبكي ..
هلا :هنن العصابة نفسا ؟
لؤي :اه...ادمرنا لما شفنا مقتول وكلاوي مختفيين ،وامي صابتها جلطة بدماغها من الصدمة وهيها قاعدة بالفرشة ،وأنا حلفت ما ارجع عالأردن لحتئ اوخد بتار اخوي اللي ماشاف اشي من هاي الدنية 💔

مائدرت هلا تحكي شي بعد هالكلام وكان بدها تواسي بأي طريقة ... ئامت لعندو وضمتو
هلا :لما كنت صغيرة كانت ماما تضمني لما كون مئهورة او زعلانة من شي ،وكانت هالطريقة تريحني كتير ،انشالله تئدر تخفف ئهرك وزعلك شوي انته كمان ...💛
Telegram:@rwayate
ضل لؤي وائف متل التمثال ولسا مو ئادر يستوعب شي ..اما هلا كانت لافة ايها حول خصرو وحاطا راسها عصدرو ،لأنها كانت اقصر منو بكتير وراسها ما وصل لعند كتفو ...
بعدت عنو واتطلعت بوجهو وهوة ركز بعيونا .. وبعدين سعل سعلة صغيرة
لؤي :شكرا ،جد ارتحت ،وهلئ ايش رأيك توكلي عشان شكلك جوعانة ،وتركها وفات لجوة عالغرفة

اخيرا خلص هاليوم وليلتها كان سند ئاعد ببيت هلا مع عمر وجودي...
اتطلعت جودي عالساعة :يي كيف ما انتبهت عالوئت ،هلئ اهلي بيئيمو الدنيا عراسي
عمر :شو رأيك وصلك
جودي :لا عمر مافي داعي ،بس طمني ازا اجا اي خبر عنها 😢
عمر :انشالله
اتطلعت جودي بعمر وحطت ايدها عخدو ...
جودي :عمر خلي املك بالله كبير
اتطلع عمر بجودي :ديري بالك عحالك انتي كمان
طلعت جودي علئ بيتها وعالطريق شافت هادي...
هادي :مرحبا جودي
جودي :اهلين شو بدك
Telegram:@rwayate
هادي :شو صاير صحيح اللي سمعتو عن هلا
جودي :اي مزبوط
هادي :طيب ..ماعرفتو لهلئ ليش مختفية ؟
جودي :لا والله ..هادي بدي اسألك ،انة لسا بتحاكي ايلين ؟
هادي :اه ..يعني مو كتير ،
جودي :مم بصراحة حاسة انو الها ايد بإختفائها
هادي :بصراحة مابستبعد لأنها وحدة حقودة ،بدك ارائبها ؟
جودي :ياريت ،اي هادي بتئدر ترائبها ؟
هادي :غالي والطلب رخيص وحياتك لجبلك خبرها كمان 😉بس شورأيك تعطيني رقمك
جودي :اي ليش لأ سجل عندك....
وعطت جودي رقمها لهادي ورجعت عبيتها ..
Telegram:@rwayate
________________________

وببيت لؤي ..
كان لؤي متسطح بالغرفة عالتخت وعم يفكر بـ هلا :لك ليش ورطتها يا لؤي ،وبركي ما ئدرت تثبت اشي عليهم ...هي ايش ذنبها تخسر كل اشي عشان انك تهورت ورميت فلاشتك بجيبها عشان ما يوخدوها ...ااااه رايح أجن ،وهاي ياسمين ليش مابترد علئ رسايلي وينها ،ايش صاير مهاها 😣
وفجأة اندء باب الغرفة ...
هلا :لؤي انته نايم ؟
مارضي لؤي يرد ...
رجعت هلا دئت الباب :لؤي ،رد عليي الله يوفئك
طلع لؤي وفتحلا الباب
لؤي :ايش بدك ؟
هلا :انا كتير بردانة تعال شعلي الصوبيا
لؤي :فش ديزل عندي
Telegram:@rwayate
هلا :ازضك مازوت ؟،الله يخليك برد كتير وحاسة ئلبي بدو يجمد 😓
لؤي :ههه بس الجو عادي لو تشوفي الجو بالاردن كيف مابتئولي عن هالجو برد
هلا :بس انا ما بتحمل البرد 😢
مسك لؤي ايد هلا ودخلها لعندو عالغرفة ..
ارتعبت هلا :شو بدك ،ئلتلك بردانة بس ،ببوس ايدك لا تئرب عليي 😭
لؤي :شو مالك بتبكي والله مارح ائذيكي بس تعالي...
وجرا عالتخت وئاعدها غصبن عنها وشلح جاكيتو
هلا :شو بدك تعمل 😱
لؤي :بديش اشي اصبري شوي...
وحط جاكيتو عكتافها وسطحها علئ التخت وغطاها بالحرام
لؤي:بشرفك تسكتي وتنامي
وطلع من الغرفة ..

ضلت هلا تتألب بالتخت وريحة عطر لؤي يلي عجاكيتو متغلغلة جواتا وماعرفت كيف دفيت فيها ... حست بدفا وهية لابستها بعمرها ما حست بمتلو ...
Telegram:@rwayate
________________________

اما سند وعمر كانو ئاعدين بالغرفة ..
سند ئاعد عالكرسي وحامل موبايلو وناطر اي اتصال اما عمر كان متسطح عالتخت وحاطط ايديه تحت راسو ...
عمر :معئول ما ترجع ؟
سند :لك تف من تمك اكيد رح ترجع ...😢
وئال بئلبو :وينك ياعمري ،هلا لك انا رح موت 💔
اما لؤي كان متسطح عالكنبة وفجأة اجا مسج عالموبايل...وئام بسرعة وحملو...
لؤي :هاي ياسمين ...أخيرا
وبعتلا رسالة «من الصبح وانا ابعتلك انتي وينك »
رجعت بعتتلو «لؤي مارح ائئدر راسلك هالفترة »
لؤي «ليش ايش صاير »
ياسمين «العيون كترانة عليي وشكلي مرائبة »
لؤي «اسمعي في اشي لازم تعرفي ،في بنت تورطت وهم مفكرينها انتي »
ياسمين «كيف مافهمت »
Telegram:@rwayate
لؤي «بصراحة الشغلة معئدة شوي وانا السبب والبنت مسكينة مالهاش ذنب »
ياسمين «اي والبنت معك هلئ ؟»
لؤي «اه ..هيها نايمة جوا »
بطلت ياسمين تبعت ورجع لؤي بعتلا «وين رحتي »
ياسمين «معك انا »
لؤي «ايش غرتي »
ياسمين «ليش لحتئ غار عكل حال هية حلوة ؟»😒
لؤي «اه كتير...يمة علئ جمالها وللا علئ عيونها »
ياسمين «اي تتهنئ ...انا رح سكر ولعد تبعتلي لحتئ انا اجي لعندك » 😒
طفا لؤي موبايلو وضحك :ههه يمة عالنسوان وغيرتهم ... مهددة بالخطف والئتل وملاقية وقت لتغار 😂
Telegram:@rwayate
________________________

وبسيارة عمر..
ايلين :عمر وين اخدنا ،ليش عم تطلعنا برات البلد 😥
عمر :مو حابة تشمي الهوا انسة ايلين
جودي :عم بشو عم تفكر 😓
عمر :بإختي ..
ايلين :😰😰
عمر :ايلين وينا هلا 😠
ايلين :مابعرف ،وحياتك ..
عمر :خرسي ...واعترفي احسلك ،وينا اختي
ايلين :والله مابعرف 😭
جودي :اهدا عمر وصف هالسيارة خلينا نتفاهم
Telegram:@rwayate
هادي :عمورة حبيبي هدي السيارة وحياتك كلشي بدك اياه بيصير
صرخ عمر :مالي مهدي لتعترف هالوقحة وين ودت اختي هلا 😠😠
جودي :عمر الله يوفئك لا تتهور وهدي هالسيارة مشان الله 😭
كان عمر ماشي عالطريئ بسرعة فوء الميتين وايلين رح يوئف ئلبا لأنو بتخاف من السرعة الزايدة ...
ايلين :مشان الله عمر والله رح يوئف ئلبي هدي هالسيارة
عمر :هلئ صرتي تترجي ،احكي وليه وينا هلاااا 😠
ايلين :خلص خلص رح اعترف ...
ضرب عمر بريك خلا السيارة تشحط عالطريئ
جودي :لك انتة شووو 😭
عمر : عترفي وليه 😡
ايلين :اي انا اتفئت مع حدا مشان يخطف هلا بس ماكنت بدي ائئزيها
هادي :الله ياخدك وليش ؟
ايلين :مشان تترك سند
جودي :انشالله تموتي ،يالله اتصلي فيون لحتئ يتركوها وانتي حسابك عند الشرطة
ايلين :لك ئلتلك اتفئت معهون ،بس انا انسحبت وئللي الزلمة انو مو هوة اللي خطفها وانو هلا اختفت ئبل ما يوصلولا والله 😭
عمر :وكيف بدك اياني سدئك ياحيوانة
ايلين :ازا بدك خود احكي مع الزلمة واسألو ،
Telegram:@rwayate
عمر :وشو كتنتي مخططة وليه 😠
ايلين :كنت بدي ياهون يصوروها كم صورة ويرجعوها
جودي :الله لا يوفئك ،كنتي ناوية تفضحيها مشان سند يتركها 😰
طلع عمر من السيارة معصب وفتح الباب ومسكها من شعرها وبلش يشحطها وايلين تصرخ ..
نزل هادي :مو هيك يازلمة خلص تركها
عمر :ماسمعتا ،لك كانت بدا تجي بشرف هلا والله لخليكي عبرة ياحيوانة 😠
ايلين :لككك خلص تركلي شعري 😭
ركدت جودي علئ عمر وفلتت شعر ايلين من ايدو
جودي:خلص عمر ،عالئليلة عرفنا انو مو هية يلي خطفتا ...
Telegram:@rwayate
________________________

وببيت سند ...
سندس :وايلين هي انتة متأكد انو ممكن تعملها
سند :مابستبعد عنها...
اتطلعت سندس بساعتها :اففف يي انا اتأخرت
سند :تأخرتي عشو ؟
سندس :ههه موعد شغل ،بس ليك بس ارجع رح حقق بموضوع هلا وانشالله رح نلائيها 😉
ولبست سندس وطلعت من البيت
Telegram:@rwayate
________________________

وببيت لؤي ... كانت هلا ئاعدة وعم تفكر بطريئة تئدر تتواصل مع اهلا ...وخطرت عبالا فكرة ...
فاتت عغرفة لؤي ولئت موبايلو عالطاولة ...انبسطت وركدت وحملتو ...
هلا :ياعيني هلئ رح حاكي سند ،
فتحت الموبايل وتفاجأة
هلا :العمئ شو هالحظ ليش حاططلو باسوورد كيف بدي افتحو هلئ 😢
وصارت تحاول تفتح الرمز بس ماكانت تزبط معها
لؤي :ايش بتسوي ؟
اتطلعت هلا بلؤي وخبت الموبايل ورا ضهرا وئالت :ولاشي 😥
ئرب لؤي لعندا :بئلك اصبري شوي ،ليش بتسمعيش الكلمة ؟
هلا وهية عم تبكي:الله وفئك خليني اتواصل مع حدا من عيلتي 😢
لؤي :اه..طيب عطيني جوالي
ومد ايدو بدو ياخدو بس هلا بعدت ايدها
هلا :مافي ...بدي حاكي اهلي هلئ بدك تئلي شو الباسوورد
لؤي :هلا بئلك عطيني جوالي 😠
هلا :مافيييي
لؤي :اسمعي لا تخليني عصب عطيني الموبايل بسرعة
هلا :ممم ماحزرت ...وهربت برا الغرفة ولؤي بلش يركد وراها ...
لؤي :هلا وكفي عندك 😡
هلا :مابديييي 😝
Telegram:@rwayate
وطلعت من البيت وصار يركد وراها وأخيرا مسكها من ايدها وشدها لعندو
لؤي :ئلتيلي ما بدك
اخد الموبايل منها وحطو بجيبو
لؤي:وحياتك رايح رجعك علئ اهلك ...
و صفن بعيونا ...
وبهالوئت سمعو صوت حدا بيحاكيون :لؤي !؟
فتل لؤي وشو :ياسمين !
انصدمت هلا :انتي ...😳
Telegram:@rwayate
ئربت البنت علئ لؤي بخطوات بطيئة وهية زامة شفايفها وعم تعض عليهون ورفعت جفونها واتطلعت بلؤي تطليعة خلتو يتلبك ويتخربط وترك ايد هلا وبلش يتأتأ :ايييا ياسمين شـ شومالك بتطلعي فيني زي هيك 😅
اتطلعت هلا بالبنت ولسا مصدومة ...
لؤي :ياسمين تعالي لحتئ أعرفك هلا بتكون البنت اللي مفكرينها انتي ..
هلا :كيف..!؟
ياسمين :اي...لؤي في مجال تجبلي كاسة مي
لؤي :روحي جيبيه انتي بشتغل عند اهلك انا 😒
ياسمين :لؤي 😠
لؤي :ااه كنت بمزح هههه هيني رايح 😅
فات لؤي عالبيت ...
هلا :سندس !! انتي نفسا ياسمين ؟
سندس :اي هلا .. بس انتي فهميني شو عم تعملي هون ؟
Telegram:@rwayate
هلا :متل ما سمعتي انا البنت يلي تورطت بشي مالا زنب فيه 😔

سندس :اي اي خلص بتنحل
هلا :سندس الله يوفئك ... شو اخبار اهلي وسند
سندس :مناح... بس ليكي لا تجيبي سيرة للؤي انك بتعرفيني
هلا :ليش بئا ؟
سندس :خلص عملي متل ماعم ئلك
هلا :سندس كيفو سند 😢

سندس :بصراحة ...موفارئة معو 😏
هلا :لاتكزبي عليي مشان الله 😣😢

سندس :مئهور كتير وتعبان وكتير زعلان عفرائك ،لك هلوش ماكنت عرفانة انو بحبك لهالدرجة
هلا :يعليي عليه ..ليكي بما انك اجيتي هلئ بتخليني احكي معو ،لؤي ماخلاني احكي مع حدا
سندس :اي بس...
اجا لؤي :ايش عطول صرتو صحبة ؟
سندس :شو استاز لؤي وين فلاشتك هلئ
لؤي :معاها ..
Telegram:@rwayate
________________________

وببيت عمر ...كانت ئاعدة جودي وهادي وعمر
جودي :هي ماطلعت ايلين مع انها الحيوانة كانت بدا تعملها
عمر :ماني ناسيها ..بس لحتئ لائي هلا رح خلي ايلين تتمنئ الموت 😠
هادي :انشالله رح تلتئئ 😓
Telegram:@rwayate
________________________

اما ببيت ايلين ..كانت عم تفتل بالغرفة متل المجنونة وهية عم تفكر بيلي عملو عمر معها وئالت :انا تعمل فيني هيك ،وئدام هادي وجودي والله لخليك تندم عالساعة يلي مديت ايدك عليي فيها يا عمر ،والله للحئك بإختك 😡😡

________________________

وصل جواد لعند لؤي وسندس وانبسط لما شافها
سندس :اهلا وسهلا
جواد :اهلين فيكي ام السوس ،ايمتا رجعتي من لبنان ؟
سندس :مبارح ،ويالطيف شو لئطلكن صور وللراس الكبير كمان 😌
لؤي :بتمزحي ياسو
سندس :لا ماعم امزح ،خلص ماضل غير نجمع هالصور مع معلومات الفلاشة ،وبنخلص وبينمسكو ولاد الحرام 😎
هلا :اي ...
سندس :شو اي ...لك نحنا حققنا انتصار ،هالفلاشة فيها كلشي معلومات ودلائل علئ تورطهم ،وهاد رح يكون سبق صحفي ماصار ..لك رح يحكو عليه لبعد عشر سنين كمان
لؤي :شفتي لك هلا مين اللي بدور عالشهرة 😂
جواد :تسلملي ام السوس بتلبئلا الشهرة 😍
لؤي :اه ...صحيح عسيرة الفلاشة كيف رايحين نجيبها من بيت هلا ؟

Telegram:@rwayate
سندس :تركها عليي هالئصة
هلا :يعني رح ترجعيني 😍
سندس :لا والله حبيبتي هلا ،مابنئدر نرجعك لنلقي القبض علئ افراد العصابة ،بعدين في شغلة ماعم بئدر افهما ! كيف مفكرينك انا والله غريبة ههه يعني انتي ئصيرة وانا طويلة ،انتي بشعة وانا حلوة 😏
هلا :اانا بشعة 😳
سندس :يعليي اسفة بس انا صريحة 😏
لؤي :ايش هالمزح هاد ياسمين بيصيرش هيك😒
سندس :هههه وليش متدايئ انتة 😒
هلا :غريبة ازا انا بشعة معناتا مين الحلو 😏
جواد :عطيييها 😂😂😂
لؤي :😂😂😂
Telegram:@rwayate
سندس :هي هي دمك خفيف ولسانك طويل ليكو مابكي شي 😒

هلا :مو بيئولو الحجر اللي مابيعجبك بيفجك
سندس :مزبوط وبيئولو كمان ياااجبل مايهزك ريح 😏
هلا :مم وبيئولو كمان ،لولا علبة المكي كانت الحالة بتبكي 😏

كانو لؤي وجواد ئاعدين وفارطين ضحك علئ سندس وهلا 😂😂

اتنكرزت سندس :اي علبة مكي هي ...لك انتي ما بتطسي عحالك بالمراية ،اي ما بتنطسي 😏
هلا :اي عأساس انتي بتنطسي 😏
سندس :لك بتعرفي شو ،بتستاهلي يلي عم يصيبك ،وخليكي هون وخلي اهلك محروق ئلبون عليكي 😠
لؤي :ياسمين بكفي...😥
سندس :وانتة شو دخلك ،لتكون حبيتا للخانم. ؟
Telegram:@rwayate
اتلبك لؤي وماعرف شو يجاوب 😥
هلا :سندس ...انا مابسمحلك 😠
لؤي :سندس !!؟
سندس :شو اللي مابدك تسمحيلي فيه يا حبيبتي يا خطيبة اخي ...
انصدم لؤي :خطيبة اخوكي ؟
سندس :اممم سنتين ونحنا بنشتغل سوا ولهاللحظة لحتئ عرفت اسمي الحقيقي
هلا :سندس انا بدي ارجع علئ بيتي
سندس :اتطمني رح رجعك بس اخلص من هالئصة ،بس اكيد رح خلي اخي يكرهك كمان 😏

وفاتت علئ غرفة من الغرف...
اتطلع جواد فيهم وهوة مو فهمان شي ...
لؤي :انتي مخطوبة ؟
هلا :اي...
لؤي :سند اسمو ؟
هلا :شو عرفك انا محكيتلك عنو 😓
لؤي :شكلك بتعرفيش انك بتحكي وانتي نايمة
...💔
وطلع من البيت ...
Telegram:@rwayate
________________________

والمسا طلع عمر وسند سور ورجعو رفعو مذكرة بحث علئ هلا ،واتعممت اوصافها عكل المخافر ...

كان الجو برد والدنيا بلشت تمطر عالخفيف ،وجواد وسندس ئاعدين عم يحكو ...
اما هلا كانت وائفة عالشباك عم تطلع علئ لؤي وهوة ئاعد بالبرد ...

حملت هلا جاكيت وكانت بدا تطلع لما ئالتلا سندس :وين طالعة ؟
هلا :رايحة فوت لؤي ،الجو بارد والدنيا عم تمطر...
سندس :مابنصحك تحاكيه وهوة بهالحالة برأيي ترجعي تفوتي 😒
هلا :بالله...وليش بئا ؟
جواد :ياهلا ...لؤي عصبي كتير وانا برأيي ماتجربي تئربي عليه ،لأنو لما يعصب بيصير يحكي شروي غروي وكلام بيجرح ...
هلا :مابهمني ...
Telegram:@rwayate
وطلعت من البيت وراحت لعند لؤي ،
هلا :لؤي ليش ئاعد عندك ؟
لؤي :....
هلا :طب رد عليي ،امشي خلينا نفوت
لؤي :هلا روحي من وجهي بديش ازعلك 😒
هلا :زعلني بس فوت من البرد
صرخ لؤي:ئلتلك روحي بتفهميش انتي 😡
هلا :وليش عم تصرخ
لؤي :لا اله الا الله بئلك فوتي عالبيت احسن بئلب مجنون هسا و...
هلا :وشو..؟ بتضربني
لؤي :بتحبي ؟
انصدمت هلا بسؤال لؤي..
هلا :لمين !؟
لؤي :لـ سند بتحبي ؟
هلا :اي طبعا بحبو كتير ،بس ليش عم تسئل ؟
لؤي :فش اشي انا رايح انام ...
وفات لؤي عالبيت وضلت هلا وائفة وعم تفكر بسؤال لؤي الها ...😓
Telegram:@rwayate
________________________

تاني يوم طلعت سندس علئ بيت هلا ...

ودئت الباب وفتحلا عمر ...
عمر :اهلين انسة سندس
سندس :كيفك عمورة
وفاتت عالبيت بعفوية ...
سندس :شو وين خالة ام عمر وعمو ابو عمر ؟
عمر :ماما عند بيت جدو ،هية تعبانة وبابا عم يمشي بئصة اختفاء هلا ..
وممشي لعندا بدون ما يسكر باب البيت
سندس :عمورة شو رأيك تعملي فنجان ئهوة
Telegram:@rwayate
عمر :علئ عيني
وفات عالمطبخ وركب الركوة عالغاز ...
وئفت سندس وكتفت ايديها وسندت كتفها وئالت :وين ممكن تكون اختك ؟
عمر :مابعرف
سندس :معئول اختك هربت مع شي حدا ؟
انزعج عمر :اكيدلا مو هلا يلي بتعمل هيك
سندس :ماشالله ليش كل هالثقة فيها ،اساسا ما بتعرف شو بيطلع براس البنت 😏
عمر :سندس ..شو جاي تحكي بالمختصر
سندس : انا بعرف وينها
رجفت ايد عمر وكب نص الئهوة عالغاز
عمر :بتعرفي ..! وينها ؟
سندس :بحكيلك بس بشرط تمسك أعصابك
عمر :احكي
سندس :اختك هربانة مع شب اردني اسمو لؤي وعمرو 27 سنة 😏
انصدم عمر ورما كلشي من ايدو ومسكها من كتافها ولزئها بالحيط
عمر «بعصبية » :سندس لا تكزبي عليي 😠
Telegram:@rwayate
سندس :لا ماعم بكزب وازا بدك خود ..
وطلعت موبايلها وورجتو صورة هلا ولؤي وهنن وائفين تحت المطر ....
سندس: لؤي بكون زميلي بالشغل واكتشفت هالحكي بالصدفة ..وانا رح احكي لسند وفهمو انو خطيبتو مابدا اياه

وبهاللحظة اجت جودي وشافت الباب مفتوح وفاتت وشافت كيف عمر لازء سندس عالحيط وماسكها من كتافها ....
انصدمت وحست بشي جواتا انكسر
جودي :ككان ممفوح اسفة...💔
Telegram:@rwayate
ورجعت طلعت من البيت ولحئها عمر ومسكها من ايدها
عمر:جودي انتي فهمانة غلط
جودي :مابهمني شو ماصار شو دخلني انا
............
اما سندس استغلت الموقف لصالحها وفاتت علئ غرفة هلا وفتحت الخزانة وبلشت اتدور بتيابها علئ فلاشة لؤي....
...........
عمر :والله بيني وبينها مافي شي ؟
جودي :طيب ليش عم تبرر ! ...حياتك وانتة حر فيها
عمر :بدي بررلك سندس متل اختي وانا كنت..
لفت جودي حالها :مادخلني ...خلص عمر انتة حر انا رايحة ..
وراحت وهية مئهورة ومو عرفانة ليش 😢💔
..........
فات عمر عالبيت وهوة مئهور ..ولئا سندس بوجهو ...
عمر :وينا هلا ؟
سندس :روح خبر سند وئابلوني بهاد المكان ،انا رح وصلكون لعندا 😏
Telegram:@rwayate
كانت جودي ماشية بالشارع وهية مئهورة ومو عرفانة من شو..ئعدت علئ موقف
جودي :وانا ليش مئهورة... يستطفل حياتو وهوة حر فيها 😢💔
بس ليش هيك ئلبي رح ينفجر 😔💔
رن تلفونها وردت :اي هادي
هادي :كيفك جوج ..
جودي :منيحة بس...وغصت بكلمتا
هادي :جودي شبكي ليش هيك صوتك ؟
جودي :هادي ليش هيك عم يصيبني 😢
هادي :شوفي جودي ؟ شو صاير معك انتي وين ؟
جودي :ئاعدة عالموقف اللي جنب بيت هلا
هادي :مسافة الطريق وبكون عندك
Telegram:@rwayate
________________________

اما لؤي ماكان احسن من جودي ،لأنو كان حاسس بخيبة امل مو طبيعية من بعد معرفتو بخطبة هلا ،بس مارضي يبين لحدا هالشي 💔
________________________

وصل سند لعند عمر اللي كان ناطرو بئلب السيارة ...
سند :اي عمر خير ...
عمر :طلاع بسرعة بدنا نروح مشوار ،انا لازم اتأكد من شي ...
طلع سند :عمر شبك ؟ لئيت شي خيط يوصلنا لهلا ..
عمر :مشان هيك بعتلك خبر تجي ..
شغل عمر السيارة ومشي...
سند :عمر جد عمتكي لئيتو هلا ..❤️
اتطلع عمر بسند وشاف اللهفة بعيونو ،واتدايئ بزيادة ودعا لربو تكون سندس غلطانة بخصوص هريبة هلا مع لؤي ....😔
Telegram:@rwayate
________________________

كانت ايلين ئاعدة بغرفتها عم تحكي عالتلفون...
ايلين :متل ماعم ئلك بتلطولو بالليل جنب بيتو وبتعملولو اللازم بدي اياكون تمسحو الاراضي فيه 😡
....:اي بس اجرتنا..
ايلين : ماعليك رح تئبض الأجرة وفوئا حبة مسك بس اوعئ حدا يعرف اني انا اللي بعتك..
...:مو عيب
ايلين :بدي اصحئ بكرة الصبح واسمع خبرو فهمان.. بدي اياكون تكسرو تكسير
...:لا توصي حريص ست ايلين
وسكرت الخط وهية عم تغلي من الحقد وئالت :بكرة بنشوف مين اللي رح يتضحك بالأخير😏
Telegram:@rwayate
________________________

وصل هادي لعند جودي ...
هادي :مرحبا جودي اسف لأني اتأخرت بس كانت بنت خالتي معي ووصلتا لعند اهلا..
جودي :....
هادي :جودي ليش عم تبكي ؟
جودي :مابعرف مئهورة وحاسة ئلبي بدو ينفجر 😭
هادي :ليش ؟اهلك صايرلن شي !؟
جودي :لككك لاااا ...
هادي :لكك لكن ؟
جودي :الحقير ...لا مو حقير انا غبية 😭
هادي :لك والله ماعم بفهم عليكي
جودي :هادي اتطلع فيني ،انا بشعة شي !؟
اتطلع هادي بعيون جودي :فشر اللي ئال هيك ،لك انتي احلا بنت شفتا بحياتي 😍
جودي :طيب ليش !؟
هادي :شوهوة اللي ليش ؟
جودي :خلص انسئ شكلي عطيت الموضوع اكتر من حئو 😔
ومارضيت جودي تحكي لهادي شي...
Telegram:@rwayate
________________________

وصل عمر لعند سندس ...
سند :سندس شوفي ؟
نزل عمر وئال :يالله سندس ئليلي وينا
سندس :اي ليش مستعجل رح ئلك
وطلعت بالسيارة ..مكان الشوفير وئالت:طلعو انا رح سوء 😏
طلعو عمر وسند وشغلتها ومشيت فيها...
Telegram:@rwayate
________________________

اما هلا كانت ئاعدة برة البيت وعم تبكي 😢
طلع لؤي لعندا وئعد جنبا...
لؤي :عارف انك زعلانة عشانك بعيدة عن اهلك ،هانت هي خطوة وحدة البائية ...
وئفت هلا
هلا :لؤي تركني بحالي
لؤي :ايش في ؟ياسمين اصدي سندس زعلتك اشي
هلا :....
لؤي :اسمعي انا محروق أكتر منك عشان ارجع

بلش صوت هلا يعلئ...
هلا :وانا شو جابرني ضل معك ؟ليش ما وصلتني عند اهلي من البداية 😢

لؤي :عشان ما تنئذي بسببي
هلا :لييش تركني خليني روح ،ولا تاكل همي
Telegram:@rwayate
وصلت سندس ووئفت السيارة جنب البيت ونزلو كلون وفاتو من الباب الرئيسي للبيت وشافو هلا ولؤي وائفين مع بعض من بعيد

وأول ما سمع الشب وئف وراح لعند الشباك
حمل موبايلو واتصل بحدا :الوو ..سماع احكي للمعلم..
....:معلمك صار معنا ..انا بنصحك تسلم حالك احسلك...
سكر الشب الخط واتكركب ومسك هلا وطلعها وهوة حاطط المسدس عراسها...

ابتسمت سندس :لك كنت متأكدة مارح يخيبني جواد ...
لؤي :ايش عملتي...انتي.!
سندس :اي انا اخدت فلاشتك وبس طلعت من عند عمر ....
Telegram:@rwayate
🔙ئبل ساعتين...
طلعت سندس من عند عمر واتوجهت علئ بيتها وحطت الفلاشة باللابتوب وجمعت الصور مع المعلومات وزبطت المقال عكيفها ...
حملت الموبايل ورنت عجواد..
جواد :اي ام السوس
سندس :تمت
جواد :عم تمزحي ،يعني خلص
سندس :رح ابعتلك نسخة عن المقال وبجي دوركون تتصرفو ..
جواد :لك يسلملي ربك بسرعة ابعتيه ...
بعتت سندس المعلومات والصور لجواد ورجعت نشرتن عالانترنت ...وطلعت من بيتها ...
،،،،،،
عمر :وشو اللي خلاكي متأكدة انن رح يجو لهون ؟
سندس :اتطمن عمورة الفلاشة فيها معلومات وعناوين بكل معاقل ومخابئ هالفيران ...

لؤي :ههه وانا يلي ماكنت راضي اتصرف بدون ماتكوني موجودة
سندس :لو ماعملت هيك كنا هلئ ميتين ،بتسكت احسللك...

عمر :سند ليش ساكت شو...
كان سند عم يحاول يحلحل الحبل ويتحرك يمين وشمال ...ابتسم سند وهوة عم ياخد نفس وعطول ئدر يفك الحبال ووئام متل التور الهايج وكان بدو يطلع ...
عمر :لك سند تعال فكنا
سند :بس ..هلا
لؤي :روح شوفها ...«صرخ » بسرعة
ئرب سند لعند عمر وفلكلو ايديه وتركو ليفك رجليه وركد لبرة ..
Telegram:@rwayate
كانو الشرطة والعصابة دائين ببعض والشب ماسك هلا رهينة ولسا حاطط المسدس براسها ...وطلع واول ماشافو جواد رفع ايدو وصرخ :وئفووو ضرب الرصاص ....¢

كانت هلا عم تبكي و مسدس المجرم عراسا ،وفجأة صارت تتزكر أشياء ...
وصارت تحكي بينها وبين حالها :معئول هي النهاية ... بفستان ازرء بلون السما كنت ماشية عشط البحر واجا حدا لف ايدو عخصري من ورا كان احلا منام شفتو... بفس اليوم اجا سند لعنا ...وكانت اول مرة بشوفو فيها ...سند حبيبي يااااه سنين مرت وانا لسا ئلبي معلئ فيك ،يااارب عطيني فرصة بس لحتئ ئلو انو هوة الوحيد اللي ساكن بئلبي ❤️

الشب :فضولي سيارة خليني روح ...
جواد :تروك البنت من ايدك ...هاد اللي عم تعملو مارح يفيدك بشي
الشب :والله اللي بدو يئرب لحتئ فضي هالمخزن براسها ...اساسا انا هيك هيك ميت وحياتك مابهمني ....

لمح جواد سند جاي من ورا الشب واجت عينو بعين سند ...

جواد :سلم حالك وبلاها المقاومة
الشب :عم ئلك فضولي سيارة ،تركوني روح وللا بالعظيم بفجرلا راسا 😡
Telegram:@rwayate
غمز جواد لسند لحتئ يتصرف ...
لف سند رئبة الشب بإيد وبالايد التانية مسلكلو ايدو اللي فيها المسدس وبلش الشب يقاوم سند وأخيرا ترك هلا ...
ولئدر يلف حالو ويتعارك مع سند ...

ودفش سند عنو وصرخ :انا بورجيك ياكلب 😠
وئوص بصدر سند ...
انصدمت هلا وصرخت :سند 💔
اما جواد ضرب رصاص من مسدسو وئوص الشب رصاصتين بضهرو ووئع بعدا ميت...

طلعو الشباب علئ صوت هلا وانصدمو ...
عمر :سند صاحبي
ركدت سندس علئ أخوها وبلشت تبكي وتصرخ :سننند لكك ئوم ياااخييي 😭😭😭
وئع لؤي عركبو وتزكر فجأة أخو وكيف كان الموقف بيشبه هالموقف ...
صرخت هلا :لك سند ئووم حبيبي ئوم ياروحي يائلبي 💔
Telegram:@rwayate
________________________

ئدرت الشرطة بالنهاية تلقي القبض علئ كل العصابة ...
كانت هلا ماسكة ايد سند بسيارة الاسعاف وعم تبكي ... وعم تحكي بصوت مخنوء
هلا :سند ...حبيبي لك انا من غيرك ولاشي ...لك انتة عمري كلو ...💔
حطت ايدها علئ وشو وبلشت تمسحو بإيديها الناعمة...

كانو كلون ئاعدين علئ أعصابن بالمشفئ ،لحتئ يسمعو أي خبر عن سند....
كانت هلا ئاعدة علئ أرضية الممر وضامة رجليها عصدرا وساندة حالا عالحيط ..وصافنة وأفكار تاخدها وافكار تجيبها...😢وبلشت تتزكر كيف تعرفت عليه وكيف حبو بعض...

وعمر وائف وساند ضهرو عالحيط وحاطط ايديه بجيابو وبلوزتو كلا دم من رفيئو سند ..كانت دمعتو لحالا عم تنزل عرفيئو...😢
Telegram:@rwayate
اما سندس صابها انهيار عصبي ونئلوها عغرفة من غرف المشفئ...

ولؤي مارضي يتركون ابدا وهنن بهالحالة ...
مرت فترة ساعتين بغرفة العمليات ومافي خبر وأخيرا طلع الدكتور وئفت هلا وركدت لعندو وسألتو :طمني مشان الله 😢
الدكتور :الحمدلله عسلامتو ،الله بحبو لأنو الرصاصة ماصابت الأعضاء الحيوية بصدرو ..
عمر :يعني هوة منيح ؟
الدكتور :انشالله ،بنئدر نئول انو العمليه نجحت ...
انفجرت هلا بالبكي وهية مبسوطة
هلا :الحمدلله الحمدلله سند رح يعيش
وراح عمر لعندا وأخدا بحضنو
عمر:اي اختي رح يعيش بإزن الله ...💛
كان لؤي وائف بعيد وعم يتطلع عهلا ولهفتا عسند ...وابتسم
لؤي :اااخ ..كأنو جبل وانزاح عن صدري ..بس يا لؤي انتة مين لحتئ تفرئهم عن بعضهم ...💔
Telegram:@rwayate
بعد ساعة فاتت هلا وعمر لعند سند ...كان لسا غايب عن الوعي...
عمر :الحمدلله ليكو بخير ..بتعرفي هلا..مابعرف شوكان رح يصرلي لو سند صايبو شي
هلا :سلامة ئلبك وئلبو ..
عمر :العمئ شلون نسيت ...
هلا :شووو
عمر :لك امك وابوكي لسا مابيعرفو انو لئيناكي ،وأهل سند كمان مالون خبر بحالتو ..😓
هلا :معناتا اتصل فيون
عمر :خلص انتي خليكي هون مع سند ولاتنسي انو سندس هون كمان ...بتديري بالك عليهون وانا راجع عالبيت ،بغسل وبغير تيابي وبحكي لأهلك اللي صار ...
هلا :ماشي ،دير بالك عحالك
حط عمر ايديه التنتين علئ خد هلا وئرب باسا من جبينا
عمر :الله لا يحرمني من اي حدا فيكون
وتركها وطلع من الغرفة....
Telegram:@rwayate
لما شاف لؤي عمر راح ..فات لعند هلا عغرفة سند...
هلا :لؤي !؟
لؤي : اجيت اتطمن عسند انشالله كويس
هلا :الحمدلله ،ئال الدكتور مو مطول لحتئ يصحئ ..
لؤي :اه تمام ..
واتطلع بسند ورجع اتطلع بهلا :هلا انا بعتذرلك عالاشي اللي بدر مني اليوم
هلا :لا عادي..
لؤي :يمكن انا استلطفتك عشان فكرت حالي بحبك مش عارف مشاعري فاتت اببعضها ...
هلا :...
لؤي :اه...انا جيت ائئلك فرصة سعيدة اني اتعرفت عليكي هلا ..انا هاليومين راجع عالأردن
هلا :اي توصل بالسلامة
Telegram:@rwayate
وسلم عليها بإيدو ودار بدو يروح ...
هلا :لؤي..
رجت التفت عليها..
هلا :بدي اطلب منك طلب
لؤي :اتفضلي
هلا :ياريت تبعد عن هاد الطريق..اللي كلو مخاطر ...
ابتسم لؤي :هلا بديش ارفضلك طلبك ،بس انا مابئدر أشوف الظلم بعيني وأضل ساكت زيي زي الشيطان الأخرس ،انا زلمة عندي ضمير وما بحب الظلم...
وفتح الباب وطلع ...
هلا :فعلا رجال بكل معنئ الكلمة ،الله يحميك
Telegram:@rwayate
ئعدت هلا جنب سند عالتخت وهية صافنة بوشو
هلا :معئول كنت ناوي تفديني بحياتك لهالدرجة بتحبني .. بس ئد ماكنت بتحبني انا رح حبك اكتر الله لا يحرمني منك يا حياتي كلا ❤️
وتسطحت جنبو وحطت ايدا علئ ايدو وصفنت بوشو...
Telegram:@rwayate
________________________

كانت جودي ئاعدة حاملة موبايلها وعم تتفرج علئ محادثات الواتساب علئ المجموعة ويلي بيها وبين عمر وهية عم تتبسم ودمعو عيونا
جودي :انا رح اطلع من حياتك اللي كان يربطني فيك هية هلا وهلا وين! ..وينها نبض روحي 💔....
وفجاة رن موبايلها من رقم عمر ...
ئامت فجأة ومسحت دموعها :شو بدو ليش عم يتصل ؟
ردت بعد تردد :اي عمر
عمر :كيفك جودي
جودي :تمام منيحة انا ..
عمر :ورح تصيري منيحة اكتر لما خبرك انو هلا التئت
جودي :جد وين وكيف ؟
عمر :عالتلفون مارح ائئدر اشرحلك ،فيكي تجي لئدام بيتنا شوي
جودي :بس الساعة 7 المسا شو مطلعني من البيت بهالوئت ؟
عمر :لك عم تحكي كأنك ساكنة بآخر الدنيا ما ليكو بيتكون جنب بيتنا ،بعدين بكير لسا ...
جودي :بحاول..
عمر :مابدي تحاولي ،بدياكي تجي بدي شوفك ...
Telegram:@rwayate
سكر عمر الخط ..وئلب جودي بلش يخفق بئوة وبطل يهدئ 😍
ونطت عخزانتها وفتحتها وطالت منها بلوزة حمرا صوف طويلة لعند الركبة ولبست تحتا جرابات سودة شفافة وجزمة سودة وحطت روج وفردت شعرا اللي متل الحرير ...

____________

________________________

وصل عمر لئدام بيتهن وفجأة تعرضولو 4رجال ملتمين اللي بعتتن ايلين وهنن حاملين عصايات
عمر :خير ..شو بدكون؟
...:انا بئلك شو بدنا...
ورفع العصاية وهوت اتجاه عمر ،بس عمر مسكها بإيدو ودفش الزلمة
عمر :مين بعتكون اه 😠
ماجاوبو وهجمو عليه ،ئدر يدافع عن حالو بالأول بالعصاية اللي أخدها من الزلمة وضرب واحد عخاصرتو والتاني عرجلو ،بس التالت غدر فيه وخبطو عراسو من ورا وعمر اختل توازنو وبلشو عيونو يزوغو ...والتاني ضربو عإيدو وضربو عرجليه كمان لحتئ وئع ومعد وعي عشي ومعد ئدر يستوعب منين عم يجي الضرب ...😢😣

تركو الرجال مرمي بنص الحارة ئدام بيتو وهربو...
Telegram:@rwayate
________________________
ئدرت جودي تقنع امها انها طالعة لعند هلا لأنون لئوها وبدا تروح تشوفا وتطمن عليها وطلعت من البيت وهية مبسوطة والفرحة مو وسعانتها ...كانت ماشية بالحارة وهية ماسكة كمام البلوزة وعم تغطي فيها كفوف ايدها من البرد وتتلفت حوليها وتدور بعيونها علئ عمر ..كان الجو هادي كتير...ئربت عالبيت شوي وشافت حدا مرمي عباب بيت عمر ..رجعت ئربت كمان شوي وانصدمت ...
ركدت علئ عمر وئعدت عركبا بسرعة ورفعتلو راسو وبلشت تصحي :عمر ..عمررر رد عليي مشان الله مين عمل فيك هيك 😭
اتطلعت علئ بلوزتو اللي كانت مليانة دم ...وانجنت بزيادة وفكرتو ميت وبلشت تبكي
جودي :عمررر لككك ليش ،مين ئتلك لك مييييين
Telegram:@rwayate
وبلشو دموعها يهرو علئ وش عمر وئربت علئ وشو
جودي «عم تبكي » :عمررر انا بحبك والله كنت جاية ئلك اني حبيتك بس انتة رحت ..كسرتلي ئلبي ورحت 💔😭
وغمضت عيونا وانفجرت بالبكي ،وفجأة حست عحدا مد ايدو عخدها وبلش يمسحلا دموعها..
عمر :مجنونة انتي .. بتعترفيلي انك بتحبيني وانا ميت
فتحت عيونها وصرخت :انتة ما متت 😳
عمر :لا بس حاسس عضامي مكسرة ،ورفع حالو وساعدتو جودي وئفتو ..فاتو من باب البيت الرئيسي علئ حديقة بيتو وئعدتو عالكرسي
جودي :مين عمل فيك هيك ؟
عمر :مابعرف..ئيمينا هلئ منون..جودي انا كان بدي شوفك لحتئ ئلك اني بحبك ❤️
خجلت جودي من عمر وهية عم تطلع بعيونو وشافتو مد ايدو لعندا ...اول ماحطت ايدها بايدو سحبها لعندو وضما
عمر :لك عم ئلك بحبك ،مابدك تردي ❤️
كانت جودي نسيانة كل الدنيا وهية بحضن عمر
جودي :وانا كمان بحبك ❤️
ولفتو بإيديها...رفعت حالا وئفت جنبو .
جودي :...لك صحيح ليش هيك بلوزتك كلا دم ...!؟
عمر :رح ئلك ...
Telegram:@rwayate
وحكالاعمر كلشي صار معو ومع هلا وسند وسندس...
جودي :يالطيف وسند كيفو هلئ ؟
عمر :منيحة حالتو وضعو مستقر حاليا
جودي :وهلا ؟
عمر :الله يعينا عاشت برعب نفسي مو طبيعي هاليومين هدول...😔
جودي :بس نفسي اعرف مين هالابن الحرام اللي عمل فيك هيك 😠
عمر :أصدك اللي عملت فيني هيك ،هي اكيد ايلين باعتة حدا مشان يربوني ،رد عالشي يلي عملتو فيها
جودي :الحيوانة انا بعرف كيف ربيها 😠
عمر :شو بدك تعملي ؟
جودي :بعدين بئلك 😉
Telegram:@rwayate
فات عمر عالبيت وشافو أهلو وخبرون عن هلا وهية وين ..
ورجع اتصل عأهل سند وحكالن اللي صار مع سند وهنن ماكزبو خبر وراحو بسرعة عالمشفئ لعند سند لحتئ يتطمنو عليه...

________________________

...:سندس ولك سندس
فتحت سندس عيونا وشافت لؤي ئاعد جنبا ..
سندس :شو كيف صاار اخي😭
لؤي :لا تخافي ..هيو بالعناية وحالتو مستقرة
سندس :مامات 😢
لؤي :الحمدلله نفد من الموت...لا تبكي فش فيو اشي
سندس :الحمدلله 😢
لؤي :سندس اجيت عشان ائلك اني رايح اسسافر عالأردن بعد بكرة
سندس :ليش ؟يعني معد شوفك 😢
لؤي :اكيد رايحين نلتئي ،بس انا اشتئت لأهلي ...
ووئف بدو يروح ،بس رجع وئرب عسندس وحكا بصوت واطي :اسمعي جواد مات من الرعبة عليكي ،كوني لطيفة معاه 😉
وغمزها وطلع ...فهمت سندس شوي بس من كلام لؤي....
Telegram:@rwayate
________________________

كانت هلا متسطحة جنب سند عالتخت ونايمة ..لما حست عحدا عم يصحيها
...:هلا حبيبتي ❤️
فتحت هلا عيونها وشافت سند عم يتطلع فيها وهوة عم يتبسم
هلا :سند انتة صاحي ؟ انا عم احلم شي ؟
سند :لا ماعم تحلمي هلا...ياالله شو حلوين عيونك ❤️
هلا :اااخ لوتعرف شو صابني لما شفتو ئوصك يا عمري 😭
سند :يالله حاج تبكي ..حبيبتي
وبهاللحظة دخلو اهل سند وأهل هلا عالغرفة
Telegram:@rwayate
وعاملين استنفار ... وسند وهلا متسطحين جنب بعض....
أول ماشافتن هلا نطت من اربعتا وصارت اتأتأ 😂😂
ركدت هلا عأبوها وامها وضمتون وصارت تبكي
اما سند ركز ئعدتو وسلم عأهلو ...واتطمنو عليهون ...❤️

وبعد شوي فاتت سندس عالغرفة وهية عم تبكي وركدت عطول علئ سند وضمتو وصارت تبكي وهية عم تحكي :سامحني اخي ،انا السبب والله لو كان صايرلك شي ماكنت رح سامح حالي بئية حياتي كلها 😭
سند :الله يخليلي اياكي اختي...
وئفت سندس واتطلعت بهلا
سندس :وانتي كمان سامحيني هلا ،انا بعتزر منك عالشي يلي بدر مني ...
هلا :بس انا مو زعلانة منك انتي اختي سندس
Telegram:@rwayate
________________________

تاني يوم الصبح اتصلت جودي بعمر اللي كان لافف ايدو مكان الضرب ...
جودي :صباحو عمورة
عمر :ياصباح النور بأحلئ جودي
جودي :اي ،تروح معي هالمشوار ..
وافق عمر يروح مع جودي ...وأخدتو عجامعة ايلين ...
عمر :جودي شو جابنا لهون ؟ انتي بشو عم تفكري...؟
جودي :بدي احكي مع ايلين شوي 😌
ورن تلفونها...
جودي :اي هادي شو صار معك ؟ اي تمام وينك ؟...اي ليكني عم دور عليها والله لربي الكلاب فيها للحيوانة
عمر :لك بس فهميني شو بدك تعملي معها...!
جودي :البنت بدا بنت لحتئ تربيا هلئ بتشوف شو بدي اعمل فيها...😏
وصارت تدور علئ ايلين ...
Telegram:@rwayate
لئتا بالاخر وائفة مع صحباتا...واول ما شافتها ركدت لعندا..
جودي :مرحبا ايلين
ايلين :اهلين شو جابك لهون ؟
جودي :يي شكلك ماعرفتي شو صار مبارح
ايلين :شو صار ؟
جودي :مبارح يحرام ...كان سند رايح زيارة لعند عمر واعترضو شي 4 رجال وضلو يضربو فيه لحتئ كسرو تكسير وليكو هلئ بالمشفئ بين الموت والحيا ...😱
تغيرت ملامح ايلين فجأة وصرخت :وشو دخل سند لك كان المفروض يضربو عمر ...🙊
جودي :شو ئلتي معناتا انتي ورا هالشي ؟
ايلين :اه...لا لا مو انا
مسكت جودي ايلين من شعرا ئدام رفئاتا
جودي :يمكن كان لازم خلي عمر يخلص عليكي هداك اليوم ياحيوانة ...يخربيتك شو رأيك اتصل بالشرطة ويجو يشحطوكي😠
ايلين :ولك تركيلي شعري الله لا يوفئك
نترت جودي راس ايلين : لاعمر الك فيو ولا سند ،وازا بتفكري تأزي اي حدا فيون هلئ رح يصير شي بحياتك مابتتخيلي ...وحياتك بتصيري تشوفيني بمنامك فتحي عينك منيح
اطلعت ايلين بعيون جودي وخافت
ايلين :تضربي منك لهلا كلكون نفس الطينة
Telegram:@rwayate
ومشيت بسرعة عنها وهية لسا عم تحكي وفجأة مد هادي رجلو عطريق ايلين خلاها تدحكل دحكلة وتوئع طب عوشا 😂👌
هادي :يي يا ايلين جد ماكنت شايفك 😂
وئفت ايلين وشافت كل اللي موجودين عم يتضحكو عليها وخصوصي عمر اللي كان فارط ضحك 😂😂

________________________

مر فترة ورجعت الحياة طبيعية ومتل الأول ...
وتأدم جواد لسندس وهية ماعارضت أبدا 😍
أما لؤي فرجع لعند اهلو عالاردن بعد غياب سنتين عنهن...
وسند اتحسنت حالتو ورجع يداوم بالجامعة هوة وعمر ... وهلا رجعت عالمعهد ...😉
Telegram:@rwayate
________________________

وأخيرا اجا موعد عرس جواد وسندس ...
كانت الصالة معباية معازيم ..وهلا وجودي طالعين من بين احلا الصبايا ..😍
عمر :ولي علئ ئلبي لك شو هاد يا أرض احفظي ما عليكي...😍
ومسك ايد جودي وبلش تفتل ئدامو ..
جودي :عجبك الفستان...
عمر :لك مو بس الفستان وصاحبة الفستان كمان 😍
جودي :لك حاج عمر والله خجلتني
عمر :لك يسلملي الخجلان ❤️
،،،،،،،،
اما هلا كانت وائفة عجنب بالصالة مع سند وهنن ماسكين ايدين بعض وعم يتأملو بعض ..😍
سند :لك بتعرفي ماني ئدران شيل عيوني عنك ❤️
هلا :ههه ولا انا ..سند ونحنا ايمتا عرسنا 😍
سند :يوم المنئ اني شوفك نورتي بيتي وحياتي كلا ...
هلا :ليش هلئ مو منورة حياتك ؟
سند :اساسا الحياة من غيرك ظلام بظلام...بس اتخرج من الجامعة رح حدد موعد العرس..❤️
Telegram:@rwayate
ضحكت هلا ضحكة بتجنن بوجه سند ...وفجأة سمعو حدا بحاكيون..
....:كيفك انسة هلا
التفتت هلا واتفاجأة فيو...
هلا :لؤي !؟
لؤي :كيفك...وانتة استاز سند كيفك
وصافحو...
سند :الحمدلله اهلا وسهلا ..
هلا :لك ايمت اجيت ؟
لؤي :مبارح..يعني عرس أصحابي ما أحضرو
سند :لا ماشالله فيك الخير 😒
هلا :سند ..