#عشقيِ_أنَتٍ,,,,,#الجزء_الأولTelegram:@rwayate
كانت وائفة علئ شط البحر. برجلين حافية وبفستان بلون السما وشعرا البني الطويل عم يطيرو الهوا .😍
وصوت امواج البحر الهادية طاغي علئ الأصوات ...وحست حدا لفا من خصرا من ورا وضما وهية مبتسمة ...❤️
غمضت عيونا وفجأة صارت تسمع صوت مزعج كتييير ..لدرجة انو نئزت وصحيت من نومها مرعوبة ووئعت عالأرض 😂
وئفت وكان شعرا منكوش كل خصلة طايرة بئرنة ،اطلعت حوليها وطلعت عالصالون بسرعة
....:ماااامااا يعني انتي مابتراعي مشاعر حدا بهالبيت
امها :ليش وليه
....:يعني مو شايفتيني نايمة ومسلطنة بنومتي بتئومي بتشغلي مكنسة الكهربا وانا بنص حلمي ومبسوطة فيه 😂
امها :ليش شو كنتي عم تحلمي وليه ومئصوفة الرئبة 😠
...:اه..لا ولاشي ...حتئ عالمنام رح تحاسبيني 😅
امها :اي روحي غسلي وغيريلي هالتياب ومشطيلي شعرك حاج مبينة متل الشيبة وتعالي مشان تساعديني بتحضير الفطور 😒
....:اي جاية..
Telegram:@rwayate
هلا هوة اسما... 16 عمرا ...بنت حلوة كتير بيضة بعيون بنيات كبار وشعرا بني طويل ومموج
هلا بنت دماتا خفاف كتير وبتحب الحياة ،وكل اللي حوليها بحبوها...😉
طلعت هلا من غرفتا بعد مازبطت امورها وغيرت تيابا وربطت شعرا كعكة ...
وراحت عالمطبخ وعملت لحالها كاسة نيسكافيه وشغلت الراديو علئ أغنية لفيروز «انا لحبيبي وحبيبي الي ..ياعصفورة بيضا لبئا تسئلي...لا يعتب حدا ولا يزعل حدا...انا لحبيبي وحبيبي الي ❤️»
هلا بنت كتير رومنسية وحالمة وبتحب عزف الغيتار لدرجة الادمان..
كانت مغمضة عيونا لما سمعت حدا بيفئشلا بإيدو :هييي هلووول صباحوووو 😚
فتحت هلا عيونها وابتسمت :اهلين عمورة صباح الخيرات
عمر :شو صاحية بكير
هلا :هههه ليش امك بتخلي حدا ينام ،من صباحية الله شغلت مكنسة الكهربا وصحتني من أربعتي ...وانته وين كنت ؟
Telegram:@rwayate
عمر : وين بدي كون يعني ؟ متل العادة فئت الصبح الساعة 6 ونص وطلعت اركد شوي ،يعني هيك نشاط ،وشديلي حيلك بكرة رح صحيكي مشان تئومي تركدي معي شوية رياضة بتتنشطي ئبل ما تفتح المدارس
هلا :لا يستر عإمك بلاها ،انا هيك مبسوطة بحالي لاحئين عالفيئة بكير 😂
أخد عمر النسكافيه من اختو :روحي عمليلك غيرها
هلا :لك لك بطلت اشرب 😒
عمر :اي بكيفك وشربلا النسكافيه كلا بشفة وحدة
هلا :لك ليش شربتا كلا
ضحك عمر وهرب من هلا وهية عم تبهدلو 😂
Telegram:@rwayate
«دحكيلكون شوي عن عمر هوة شب نشيط ومنفتح كتير وايجابي لكل شي .. يعني متل ماشفتو بيصحئ الصبح بكير نشيط وبيركد ساعتين ،رياضي كتير عمرو 18 سنة هوة بنفس مواصفات هلا ابيضاني شعرو بني ناعم وعيونو بنيات كبير وعطول عم يتضحكو 😍»
اتحمم عمر وطلع وهوة عم ينشف شعرو ورن موبايلو ورد :اهلين بالشريك والله
...:كيفك عموور
عمر :الحمدلله وانته سند
سند :الحمدلله..اي شو كنت بدي ئلك..ايمتا طالع من البيت
عمر :هلئ كمان شوي ليش ؟
سند :انا ئريب منكون ئلت بشوفك
عمر :ئريب وين يعني
سند :اجيت لعند بيت عمي مبارح ونمت عندون وبيت عمي ئريب عليكون
عمر :اي تعال ،بتفطر معنا
سند :لا مابدي تئل عليكون بس حبيت شوفك
عمر :بلا حكي فاضي تعال انا ناطرك ،لاتطول
سكر سند الخط وانبسط ،وراح عالمراية ومشط شعرو الأشئر ورش عطر ولبس ئميص ابيض عئد الجسم
سند بئلبو :دخيل الله مو مسدء شوفها 😍
Telegram:@rwayate
________________________
فات عمر عالمطبخ لعند هلا
عمر:هلللووول. بدي ئلك زبطيلنا الفطور منيح وكتريلنا المربئ تبع المشمش ...
هلا :ليش بئا ؟
عمر :انا عزمت صاحبي عالفطور ،هوة ئريب جهزيلنا صفرة وخديها عالئعدة اللي برة بالحديئة ولا تنسي تكتريلي المربئ لأنو بحبو كتير
هلا :اي ماشي ☺️
رن جرس الباب ..
عمر :اي ماما انا بفتح هاد صاحبي
فتح عمر لسند وسلمو عبعض
عمر :لك وينك يازلمة بعد ما عطلت المدارس ماشوفك
سند :لك مائلتلك بالعطلة سجلوني اهلي بمهد انكليزي لحتئ ئوي لغتي ..وماكنت افضئ حك راسي 😓
عمر :اي يعطيك العافية ،تعال نئعد بالحديئة ،حلو الجو برة
ئعدو بالحديقة عالطالولة وبلشو يحكو ..
وبالمطبخ..
ام عمر :هلا هي جهزت كسر صفرة لأخوكي ،خدي وروحي ودي عالحديقة ورجعي خدي الشاي...
هلا :يعني مو عرفانة مين هالئليل الزوء يلي جاي من صباحية الله لحتئ يفطر عنا 😒
ام عمر :وليه هلا سكري تمك وخدي الفطور لأخوكي احسن بسلخك كف هرلك سنانك ،تضربي انتي وهاللسان شو طويل
هلا :اي اي رايحة ودي ...
حملت هلا صينية الفطور وطلعت عالحديقة ..
وصلت هلا ولسا كانت عم تمتم لحالا ..
عمر :هههه لك شبك عم تحاكي حالك 😂
هلا :انا..لا ولاشي 😒
حطت الصينية عالطالولة واجت عينها بعين سند
وانصدمت ... 😳
Telegram:@rwayate
سند :كيفك انسة هلا
ضلت هلا تطلع بعيون سند واتوترت وئالت :الحمدلله انا منيحة
عمر :ايي هلا وين الشاي ؟
هلا :اي رايحة جيبو 😌
عمر :اي جيبي ونادي لأمي وتعالو افطرو معنا
هلا :اي ماشي 😁