📚قصص||روايات||منوعة📚

الجزء الثالث:

قمت عن السرير اطلعت ع خواتي كانو لساتهن نايمين.. وركضت لعند الباب وفتحته شوي.. مديت راسي لقيت امي وابي وعمي ابو وليد قاعدين سوا قعدت ركز لقدرت اسمع حديثهن وعن شو عم يحكو

ابو وليد: اي والله متل ما عم قلك يا أخي ان شاء الله هاليومين راجع

ابي: اي والله فرحتنا بهالخبرية

ابو وليد: اي والله انا الي مو مصدق حالي واخيرا بعد كل هالسنين قبلت تخليه ييجي لعندي.. مشتاق شوفه مشتاق ضمه.. حرمتني منه الله لا يسامحا

امي: خلص ابو وليد ما بدنا نقعد نتذكر بالماضي المهم هلء وليد رح يرجع لحضنك ولبيتك شو بدك احلى من هيك

كنت عم اسمع فيهن ودقات قلبي عم تزيد.. حسيت الدم كلو جري بعروقي حطيت ايدي ع وجي كان سخن كتير
متوترة ومبسوطة وخايفة.. كل هالمشاعر كانت عم تتضارب مع بعضا
وليد بدو يرجع بعد كل هالغيبة..رح شوفه!!
لا مافيني شوفه.. لا لا انا مستحيل خليه يشوفني بهالشكل.. انا اناا هلء ابشع من قبل.. لسا كنت وانا صغيرة احلى.. بس هلء!!
قربت لحد المرايي وطلعت بالوحمة يلي كبرت عن قبل كتير.. اطلعت بشعري يلي مهملاه.. بتيابي يلي خافية كل انوثتي
رجعت ع سريري وحاولت اتناسي اني سمعت شي.. ما كان لازم يرجع
ليه بدو يرجع.. مااابدي يشوفني
..
ضليت اتقلب وما عرفت ارجع نام كان عقلي يودي ويجيب فيني..كنت خايفة كتير ومشتاقة برضو..
معقول لسا متذكرني.. معقول لساتو بيفكر فيني بنفس الطريقة!
مستحيل.. اكيد هلء تغير تفكيره.. اكيد عم يفكر متله متل كل يلي حواليي ويهتمو بالجمال قبل كل شي.. بعدين انا شو عم فكر.. مجنونة انا.. مستحيل يطلع فيني بعد الشوفات يلي شافا برات البلد..
الساعة ساعة ونص من التفكير لما قدرت ارجع نام.. ماتهنيت ع نومتي وفيقوني خواتي متل المصاريع

هدى: لك قوومي كل هاد نوم

هند: يا الله اتركيني نايمة شوو بدك

هناء: قوومي قومي اسمعي هالخبر

هند: شو فيه

انا كنت متاكدة انهن عرفو بخبر رجعة وليد وجايين ليخبروني.. بيعرفو من ونحنا صغار انه وليد الشخص الوحيد يلي كانت عيونه ماتشوف بشاعتي.. ماكان يشوف فيني الا الشغلات الحلوة.. بس هني كانو يجنو ويزيدو قساوة عليي بسبب حبه الي..

هدى: بتعرفي مين راجع هاليومين

هند: لا ما بعرف مين

هدى: وليييد

هند: اه منيح

هناء: شو منيح!! ما اتفاجئتي

هند: وليه بدي اتفاجئ

هدى: هناء غريبة مو!!!!!! وليييي لتكووني كاينة عم تتواصلي معه ونحنا ما معنا خبر
بتعرفي انه راجع!!
هوا خبرك؟؟!!

هند: لك حلي عني انتي واياها منين بدي اتواصل معه

هناء: لك ايه منين مامعا موبايل

هدى: ايه نسيت.. خلص لكان حبينا نخبرك بانه راجع.. بس مابدي تفرحي كتير.. لانه مو جاي ليشوفك ايه.. اكيد هلء كل شي فيه تغير وصار متل الغرب يااي هههه

هند: اي خلص تتهنو فيه تركوني نام

الجزء الرابع:

تاني نهار المسا اجا اخي حازم وخبرنا انه وليد وصل وهلء هوا وعمي بالبيت..راحو امي وابي واخي حازم يسلمو عليه ويشوفوه وبقينا انا وخواتي بالبيت
من لحظة ما خبرونا انه وصل.. هدى صارت متل المجنونة تلف يمين وشمال وتركض من مرايي لمرايي.. قضت يومها الليل كله عم تعمل ماسكات لوجهها وتزبط شعراتا.. ما استغربت من تصرفا لانه من واحنا صغار كانت تحبه ودايما لازقة فيه. كانت طول الوقت تضربني وماتخليني العب معه وتطلب مني ما اطلع من غرفتي لما ييجي عنا عالبيت وتخبر وليد اني مريضة او نايمة بس وليد ما كان يصدقها كان يركض عالغرفة ويشدني لبرا لنلعب انا واياه
يا الله بتذكر كل لحظاتنا سوا.. كنا نروح انا واياه سوا عالمدرسة.. كنا نمشي لوحدنا وهدى وهناء وحازم يمشو ورانا.. بتذكر قديه كان يشتريلي من مصروفه سندويشات وشوكولاتات..

اخدت نفس عميق ورحت اتمددت ع السرير.. ونمت..

باليوم التالي كنت عم جهز فطور انا وامي

امي: رح ييجي اليوم عمك ووليد يتغدو عنا.. ابوكي عزمن

نقز قلبي ووقع صحن الزيتون من ايدي وانكسر

امي: لك شوو في رعبتيني..

هند: اي فلت من ايدي مو بقصدي

امي: هاتي هاتي شي ونضفي

هند: حاضر

قعدت عالارض ونضفت مكان القزاز ولميت الزيتون عن الارض وامي كانت عم تكمل حديثها .
ما بعرف شو حكت.. مابتذكر اني سمعت اي كلمة من بعدا.. كنت بعالم تاني.. كنت عم فكر شلون بدي انفد اليوم من هالغدا حتى ما قابله

كان الوقت عم يمر ببطئ كبير وانا انطر وقت الغدا ما كنت بنطر اقابله.. لا.. كان بس بدي المحو من بعيد.. بس بدي شوف شكله..بدي شوفه كيف لما كبر.. معقول تغير

بقيت طول اليوم جهز مع امي الغدا بالمطبخ.. وخواتي كانو عم يجهزو حالهن.. وهدى كانت متل العروس يلي بدا تقابل عريسا.. ماخلت لون الا وحطته ع وجها ما خلت اكسسوار الا ولبسته.. وانا بس كنت اطلع فيهن واتحسر وارجع كمل شغل بالمطبخ

بعد ما خلصت شغل رحت ع غرفتي غيرت تيابي ولبست بيجامة وطالعت كتبي وقعدت ادرس.. كنت بدي اي شي التهي فيه وابعد عن التفكير ب وليد
بعد شوي فاتو خواتي لعندي وخبروني انه وليد وصل
كانو متل يلي صابتهن هستيريا وهني عم يحكو مع بعض

هناء: هند هند لك اجا ليكو برا

هدى: هنااء شفتيه كييف.. اوولي

هناء: لك تقولي مو هوي.. عامل متل الممثلين الاتراك

هدى: اي والله صدمني شو هالجماال

هند: والله؟!

هناء: لك ايييه تعي تعي اطلعي سلمي عليه وشوفيه

هدى: لااا ماتطلعي

هناء: لك ليه

هدى: شو تطلع تساوي بالمنظر هاد بلا ما تقلبي معدتو للرجال قبل الغدا وتسدي نفسه هههه خليكو هون حبي وكملي دراستك

هناء: لك هدى خلص ما تزوديها

هند: اصلا انا ما كنت رح اطلع مو فاضية روحو لبرا بدي كمل دراستي

هدى: تعي تعي هناء اتركيها

طلعو لبرا وبقيت عم اختنق لوحدي.. كنت عم عض ع شفايفي من كتر القهر.. حسيتهن رح يتقطعو
قمت عن تختي ومسحت دموعي وتوجهت لعند الباب

الجزء الخامس:

وصلت لباب الغرفة. غمضت عيوني واخدت نفس طويل.. كنت متشوقة لشوفه.. واحكي معه.. فتحت عيوني واول ماضرب نظري عليه رجعت لورا بسرعة تخبيت ورا الباب وحطيت ايدي ع قلبي.. كان عم يخفق بقرة كبيرة..حسيته رح يوقف..
يا ربي شو هاد.. هلء هاد وليد..متغير كتير.. كلام خواتي كان صحيح
رجعت مديت راسي وقعدت اطلع عليه من ورا الباب.. كان قاعد وعم يبتسم.. ملامحو ما تغيرت ابداً نفس العيون والانف والتم نفس الابتسامة بس متغير بالبنية كبران كتير.. حليان كتير
فتت وسكرت الباب ورايي ووقتها اتاكذت انه قراري صحيح انا ما لازم خليه يشوفني ولا يقابلني
كيف بدو يحبني.. انا وين وهوي وين
بقيت طول اليوم قاعدة بالغرفة ونايمة ع سريري وكل ماتيجي امي تندهلي اعمل حالي نايمة او تعبانة..
مر اليوم بصعوبة.. مر عليي كإنه سنة
صار وليد ييجي لعنا كل يومين.. بحجة انه جاي لعند اخي حازم واحيانا ييجي هوا وعمي يتغدو عنا وبكل مرة كنت طلع حجة وما اقدر اطلع واقابلو
يوم خبر امي اني تعبانة يوم خبرها انه عليي دراسة كتير.. يوم خبرها انه بطني عم يوجعني..
كانو هدى وهناء طول الوقت عم يحكو عنه.. وهدى ما كانت تسيبه لحالو كل ما ييجي لعنا تلزقله وماشوف وشا الا لحد مايروح من عنا..
كنت اتقطع تقطيع من جواتي.. كنت غار كتير
بيوم كنت قاعدة لوقت ما اجت هناء وقعدت حدي.. هي كانت اول مرة تيجي هناء وتحكي معي بشي خاص

هناء: ممم هند

هند: شو

هناء: مو ناوية تغيري من حالك.. يعني انتي كل سنة عم تكبري وتصيري صبية وانتي عم تدمري حالك

هند: كيف يعني

هناء: يعني مهملة حالك كتير مو حلوة بنوب

هند: ايه هناء بعرف شكراً عالتوضيح

هناء: انا ما بقصد عن وجك وحياة ربي.. بعرف انه الكل عم يجرحوكي بحكيهن بس انا ما بقلك تغيري وجك يعني فيكي تغيري شغلات تانية

هند: متل شو

هناء: يعني متل تيابك متل شعرك هاد يلي عفن وهوي ملفوف.. فيكي تزبطي شعراتك تجيبي تياب جديدة فيكي تحطي ميك اب تعملي ماسكات.. شغلات كتير بسيطة فيكي تعمليهن رح تغيرك كتير

هند: ما بتفرق هناء ليكني هيك احسن مو انتو يلي عودتوني كون هيك

هناء: واذا احنا عوداني انتي هيك بتستسلمي وبتهملي حالك.!!!. الانسان لازم يكون عنده ثقة بنفسه لازم كلام الناس،ما يهزه ولا يأثر فيه.. لازم تغيري نظرتك لنفسك حتى تتغير نظرة الناس الك موو؟؟

هند: مابعرف بس انا

هناء: ما تقولي شي بس اتركي كل شي عليي.. بتقبلي ساعدك تعويض عن اي شي زعلتك فيه

هند: هههه ممم اي ماشي

حكت معي هناء كتير لأقنعتني ابدا غير من حالي.. حبيت الفكرة وحبيت جرب.. مو خسرانه شي.. يمكن كان لازم من زمان ابدا غير بحالي شوي
حكيت مع امي وخبرتا اني رح اطلع انا وهناء مشوار حابة روح لعند الكوافير اعمل شعري.. ماعارضت وخبرتني اعمل يلي بدي اياه واعطتني مبلغ حلو كتيير
طلبت من ابي يوصلنا بس كان مشغول.. قال لحازم ياخد السيارة ويوصلنا
طلعنا انا وهناء مع حازم.. وهالشي ما عجب هدى ودايقها ما بعرف ليه..
كنا بالطريق وسالنا حازم لوين بدنا نروح

هناء: خدنا عند كوافير لمسات هي يلي باخر الشارع ايه

حازم: لشو في عنا فرح وانا مابعرف

هناء: لا بس بدنا نعمل شوية تغييرات انا وهند

حازم: هند كمان انتي؟!

هند: اي

حازم: هههه يعني شعراتك لو زبطيهن رح يخلوكي حلوة مثلاً
الحلو حلو لو قام من النوم و البشع بشع لو غسل وجو كل يوم ههههه

هناء: حاازم

الجزء السادس:

كلمتو جرحتني كتير وحزت جوات قلبي.. بس ما خليتا تاثر فيني وما خلتني ارجع عن قراري
وصلنا لعند الكوافير وبلشت تشتغل فينا
عملتلي كيراتين لشعري وصبغتلي اياه باللون النحاسي طلع حلو كتير عجبني واعطاني شوية امل
طلبت منا تعطيني شوية كريمات ومواد تجميل تلبق لبشرتي.. طالعتي كم شغلة وشريتن منها
خلصنا وطلعنا من عندا وميلنا ع السوق بجنب الكوافير شريت كم قطعة تياب ع زوق هناء كنت قيسهن وانبسط فيهن كتير.. شريت كم بيجامة وكم بنطلون جينز وكم بلوزة وشريت فساتين ناعمة وتنانير.. كانو حلوين كتير واوانهن زاهية وناعمة
رجعنا عالبيت واول ما وصلنا طلبت مني هناء ارمي كل التياب يلي عندي وابدا البس يلي شريتهن.. وانا عملت هيك
بلشت غير طريقة لبسي واعتاد عليها. بلشت اتعلم حط ميك اب خفيف يفتح بشرتي شوي وصرت اهتم بشعري ع طول من بعد ما عملتو
اهلي خبروني انه كان لازم اعمل هيك من زمان..
انا صحيح ما تغيرت كتير وما صرت حلوة او متل القمر.. بس عالقليلة رصلت لحالة مرضية.. حسيت انه بلشت ثقتي بنفسي ترجع شوي شوي
صحيح الوحمة لساتا ظاهرة بس بلشت تظهر فيني شغلات حلوة حسيتا عم تنسيني الوحمة
قوامي المتناسق يلي مابتملك متله ولا وحدة من خواتي.. رسمة عيوني صرت حسا كتير جذابة من بعد ما تعلمت ارسم الايلاينر
يعني حسيت انه شكلي صار مقبول ومنيح نوعا ما..
نفسيتي تحسنت عم قبل.. واهلي خففو مزحهن وضحكهن عليي واعتادو ع شكلي الجديد
انا صرت اجرأ
بس لسا ما تجرأت وماقابلت وليد
لساتو بييجي لعنا وبهرب بكل مرة بييجي لعنا فيها
اليوم كان عنا ومتل كل مرة قعدت بغرفتي.. كانو امي وابي طالعين وهوي قاعد عند اخي حازم
وخواتي بالصالون.. اجت لعند هناء

هناء: خلص يختي اطلعي راح من هون

هند: ممم مين

هناء: وليد

هند: اه مابعرف انه كان هون

هناء: ايه صدقتك.. خلص خدي راحتك رجع ع بيتهن

اتدايقت كتير لما خبرتني انه راح.. كنت حب فكرة انه موجود حواليي بنفس البيت.. بعرف انه ما بشوفو بس بيكفي حس انه قريب مني

حطيت الشال عليي كنت بردانة وطلعت ليرا الغرفة مالقيت حد
طلعت فتحت باب البيت كنت بدي المحو من بعيد بس ماشفتو.. كان رايح
لفيت ظهري وجيت بدي فوت وسكر الباب.. حدن سحبني

وليد: هند!!!!!

هند: ولييد

بقينا نطلع ببعض وقت طويل بدون ما نحكي شي.. لما كسر الصمت وسالني

وليد: واخيرا قابلتك ياهند.. بعد كل هالوقت

هند: اناا

وليد: مابدك تقابليني!! مابدك تشوفيني!! هيك بتعملي فيني بعد كل هالمدة

هند: الحمدلله ع سلامتككيفك

وليد: منيح مشتقلك كيفك انتي

هند: منيحة

وليد: متغيرة كتير

هند: اي بعرف انصدمت مو

وليد: اي انصدمت ما توقعت تطلعي حلوة هيك بس تكبري

هند: هههه والله!

وليد: اي

هند: ممم شكرا.. وانت كمان متغير.. حليان ههه ماشاءالله

وليد: ليه ما طلعتي تشوفيني كم مرة اجيت وسالت عنك وما كنتي تقبلي تشوفيني

هند: سالت عني.. اول علمي

وليد: اي كل يوم كنت اسال هدى عليكي وخبرها اني بدي شوفك

هند: ايه هدى هههه بتكون نسيت تخبرني

وليد: انبسطت بشوفتك

هند: وانا اكتر.. صار لازم فوت اي

وليد: وانا كمان لازم روح.. ياريت تخليني شوفك دائما ياوزيرة

هند: هههه ماشي

فتت لجوا وركضت ع غرفتي وانا عم اضحك وابكي بنفس الوقت.. انبسطت كتير وفرحت لاني كنت خايفة كتير من هاللحظة. .
حكى اني حلوة! معقول بيقصدها ولا عم يجاملني

الجزء السابع:

صار وليد كل يومين ييجي لعنا احيانا لوحده واحيانا هوا وعمي.. لانهن كانو عايشين لوحدهن بالبيت كان ابي ع طول يخبرهن ييجو لعنا
كنت اطلع بكل مرة ييجو واقعد معهن.. كنا نضل طول الوقت انا ووليد ساكتين وعم نطلع ببعض ونبتسم.. كنا متل يلي عايشين بعالم تاني مو معهن
ولما ييجو لعنا يتغدو كنت اركض عالمطبخ واعمل الز الاكلات حتى يدوقهن من تحت ايدي
كانت امي تخبرهن انه هاد طبخي وعمايلي وهوي يفرح كتير ويضل ياكل ويطلع فيني
كانو كلهن يقومو عن الاكل ويبقى هوي ياكل بدون شبع..
الحياة بدت تحلو وتتغير.. ثقتي بدت تزيد.. حياتي بلش يكون الها طعم ولون..

بيوم كنا قاعدين كلنا المسا
انا واهلي كلهن وعمي ووليد
وقت حكا عمي انه في موضوع بده يخبرنا اياه

ابي: شو ياابو وليد لك والله شغلت بالنا

عمي: ههه لا ماينشغل بالكون.. بدي فرحكن

امي: اي شو فرحنا

عمي: بدنا نجيب ست تنورلنا البيت شو رايكن

ابي: اي والله!!!

امي: بدك تتزوج ياسفلي؟؟

عمي: اتزووج!! لك انا ما تزوجت وانا صغير وعايش لوحدي.. بدي اتزوج هلء هههه

ابي: لكان.. بدك تزوج وليد

عمي: ايه بدي افرح فيه حاج بقا

اطلع وليد فيني وفي عمي وهوي مصدوم

وليد: تزوجني ههه بس انا ماخبرتك

عمي: اي بدون ما تخبرني انا فاهم كل شي..

اطلعت بوليد وهوي اطلع فيني وابتسمنا.. نزلت راسي من الخجل

عمي: اسمع يااخي انا ما بدي تقعد لف ودور.. خلينا نحكي دغري
انا طالب ايد بنتك هدى لابني وليد

وليد: هدى!!!!

الجزء الثامن:

رفعت راسي واطلعت فيهن.. حسيت قلبي بدو يوقف.. اطلع وليد فيني ودمعو عيونو.. بقينا ساكتين لحظات

عمي: اي هدى.. شو بك وليد

وليد: لا مابني شي ابي

كان وليد يحكي مع عظي وصوته عم يرجف.. اطلعت بهدى كانت عم تضحك ومبسوطة كتير
نطرت يحكو ايا شي.. نطرت وليد يحكي مابدي اياها بس ماحكا
كان الكل ساكت وعم يطلعو فيني انا ووليد..كانهن كانو حاسين انه في بيني وبين وليد شي ومصدومين من يلي سمعوه
طلب وليد يحكي مع ابوه شوي ع جنب..
طلعو للبلكونة يلي بجنب المطبخ.. وانا خبرت امي اني رايحة اشرب مي
كان بدي اسمعه.. بدي اعرف رأيه.. كنت عم موت من جواتي وبدي اي شي يريح قلبي
رحت عالمطبخ واطلعت حواليي مالقيت حدن.. مشيت باتجاه البلكونة ووقفت اتسمع حكيهن

وليد: بس انا ماابدي

عمي: ليه مابدك..! مو عاجب هدى.. لك بنت عمك متل القمر. . الف شب بيتمناها.. كيف مابدك

وليد: ما بحبها يا ابي انا بحب وحدة غيرا

عمي: ممم مابعرف شو بدي قلك.. انت هيك عم تحرجني بعد ما طلبتا

وليد: ليه ما سالتني من قبببل

عمي: كنت مفكر انه في بينكو شي.. لاني شايفك ع طول عم تروح عندهن وتقعدو سوا

وليد: واذا بروح لعندهن.. مو ضروري ميشانها

عمي: لكان مشان مين

وليد: هند

عمي: هند!! بتحب هند

وليد: اي بحبا وبدي تطلبلي اياها شو قلت

عمي: لك انت عم تحكي من كل عقلك.. مالقيت غير هند..

وليد: ليش شبها

عمي: شوو شبها شوفة هينك عالوحمة يلي بوجها.. ولا ناوي يطلعو ولادك متلا

وليد: ابي مابسمحلك ماتحكي عنا هيك

عمي: لك انا ما بقصد احكي شي هي بتضلا بنت اخي.. بس يعني خليها لنصيبا.. مافيني اخطبلك اياها.. انا بدي جيبلك ست الحسن والجمال

وليد: وانا الي بدي اتزوج ولا انت

عمي: اي انت.. بس

وليد: بدون بس. . بابا انا بحبا لهند وبرتاح معا كتير.. اذا بتحبني وبتحب راحتي اطلبلي اياها وما تكسفني

عمي: لك كيف هيك بدي اطلبها بعد ما طلبت اختا كييف

وليد: ما بعرف دبراا

كنت عم اسمع فيهن ودموعي عم تهر متل الشلال.. كلام عمي كتير جرحني.. معقول لما بدي جيب ولاد رح يطلعو متلي هيك!
اتدايقت كتير وسحبت حالي ورحت ع غرفتي.. قعدت عالارض وضميت رجليي ع حضني وبلشت ابكي.. كنت مقهورة كتير وقلبي موجووع
ما كنت بعرف اني بحب وليد لهالدرجة
.. انا صحيح تخيلت اوقات كتير انه ما يتزوجني.. بس ما تخيلت يتزوج اختي!
رجعت ابكي واشهق
وانا عم ابكي حسيت بايد لمست شعري
رفعت وجهي واطلعت

هند: هدى.. اانا

هدى: كل هالبكي ميشان وليد!

هند: لا لا انا

هدى: انا ما بعرف انك بتحبيه كل هالقد. كنت فكر انه مجرد حب ولاد صغار.. ما تخيلت تزعلي هيك!

هند:___

هدى: انا.. انا صحيح جرحتك كتير وزعلتك كتير من قبل.. بس كنت كتير اتدايق من تصرفي واندم والله..
بتعرفي شي.. انا اصلا ما بحبو لوليد

هند: شو!!

هدى: ايه والله.. بس كنت عم اتسلى وجاكرك شوي ههه كنت حب غيظك

هند: ليه..انا بشو اذيتك

هدى: ما بعرف من وانا صغيرة بغار منك

هند: ههههه شو.؟؟؟ اكيد عم تمزحي.. وانا في حدن بيغار مني!

هدى: ما تققلي من قيمتك هيك.. الجمال مو كل شي.. صحيح انو مابتملكي جمال بس عندك شغلات كتير ماحدا بقدر يملكا.. قلبك الطيب.. روحك الحلوة. . مسامحتك للناس طول الوقت.. ذكاءك بدراستك..عندك شغلات مو موجودة عندي وعند ناس كتير

هند: اي انا صحيح فيني هالشغلات ههه

هدى: اي لهيك عم قلك.. وليد بيستحقك انتي مو انا..بعدين وليد بحبك انتي

هند: وانتي!

هدى: لك انا الف شب بتمناني ولو قلهن بدي اتزوج للاقي الف واحد عالباب لهيك بدي اتركلك وليد.. خطي مابدي خليكي تعنسي هههههه

هند: ههههه

هدى: قومي قومي معي انا رح احكي معهن

غسلت وجهي وطلعت انا وهدى لعندهن عالصالون.. كانو كلهن قاعدين وماعم يحكو شي
خبرتهن هدى انه هيا مو موافقة وانها ما بدا تتزوج هلء.. خبرتهن انه انا ووليد مناسبين لبعض اكتر
ابي استغرب شوي من كل يلي صار .. بس عمي ع طول استدرك الموقف

عمي: اي خلص ياابو حازم بدنا هند.. ليكها هدى رفضتنا.. شو رايك هند

اطلعت في ابي.. ابتسملي وهزلي براسو
اطلعت بوليد كان عم يضحك وعيونو عم تلمع
وامي وحازم وهناء كانو عم يبتسمو ورضيانين بالي صار

هزيت براسي وخبرتهن اني موافقة والي بدكن اياه اعملوه

الدم ما عاد مشي بعروقي .. خفت كتير مع انو بعرف حالي مو عامله شي

فادية بصوت هادي : شو في ؟ .. شو القصة ؟

ام جلال : حبيبتي القصة انو انتي ..

جلال : خلاااااااااص ... امي خلص

فادية : جلال انت ما تدخل .. انا هلأ بدي اعرف كل شي

التفتت على مرت عمي و انا عم ارجف: احكيلي .. شو في

الجزء السابع عشر..
Telegram: @rwayate
نور :- بلشت الغيرة ع العموم والله بيتي ياجماعة مو لهيك شي..

حازم :- انا اخر انذار رح احكيه لالك منار من كون مع مرتي لاتجي لاتلحقيني هاد بيتي قبل لاعرفك
.

منار :- وعد والله ما اطلع لعندا لك كرمال عيونك يا حلوتي ما اصل لالها..مو هاد كان كلامك..

حازم :- بعدين جننتي السما تبعي حلي عني ..

منار :- انا احل عنك.اي ماشي خلاص ماعاد فيني اتهنا يوم ..ولا عاد فيني ابقى معك ساعة..

حازم :- الله معك ..
Telegram: @rwayate
(( كانو عم يتخانقو ببيتي ..فكرني من طريقة كلامو رح انبسط انو حسن يقهرها كرمالي..كل يلي عملتو وهني عم يحكو اني انشغل ع الماكينة واعمل حالي مو سامعة بل اكثر صرت دندن واغني بصوت ناصي..هي مشاعري من جوا ما ماتت بس انا عم حاول موتها بإيدي كرمال عيش واتناسى يلي صار معي..بعد ما دفشا لتطلع برا لحقا..وانا لحقتن لاقفل الباب..كانو بعدا الطبخة ما استوت والتنازل مارح يكون سهل..زيارة حازم كثرت عندي ..وبلشت حس انها مقصودة مايسدق يطلع الصبح ليعمل حجة البنات ياخدهن للمدرسة..ويطلع من شغلو كرمال يجيبهن ..واوقات يتقصد يضل بقيان ليتغدا معهن..واوقات يتسطح بالصالة بحجة بدو ينيم البنت الصغيرة..كل هاي التفاصيل كانت مقدمات لتفاصيل اكبر كنت ناطرها بعدين..علاقتي فيه ما اتنازلت عنا بشي..تصرفاتي مثل ماهي اهتمامي بحالي زاد عرفت قيمة نفسي وعرفت انا شو بكون..صرت احسن اقعد ناقش مواضيع كنت خاف اعطيي راي بالموافقة اي او لاء..
Telegram: @rwayate
حازم :- كيفك بكرة فيه اجتماع لاولياء الامور ..بتحبي تروحي

نور :- اي طبعا

(( كان من يصير اجتماع اكتفي بالاستماع والسكوت وما احسن اعطي راي بشي..وحازم ماكان يحب ياخدني لان ماعندي كلمة بس بآخر جلسة انا يلي كنت ناقش واطرح افكار لدرجة هو كان صافن فيني وانا عم احكي..وحسيت عليه اكثر من مرة..وبعد ما انتهينا..

نور :- انا رح اخد تاكسي..

حازم :- ليش مانك حابة ترجعي معي فيني وصلك..

نور :- لا معلش مثل ما اجيت برجع

حازم :- بس انا زوجك والسيارة موجودة
Telegram: @rwayate
نور :- اي بس مانك لالي ولا هاي السيارة لزوجتك الاولى

حازم :- تعي بس اركبي وبنتفاهم

نور :- لا اعذرني انا حلفت يمين من يوم خطوبة اخوك جبر ما اطلع فيها هاي مابتخصني

حازم :- ممم انتي يوما مع مين طلعتي مو مع امي وخواتي

نور :- 😟.اطلعت مع بقية هالمعازيم بالباص

حازم :- بس انا السيارة كنت حاسب حسابك تطلعي معهن

نور :- كثر خيرك كثير كنت حاسب حسابي لدرجة امك اشارت لالي اطلع مع العالم لان حضرتك كنت مشغول بتوصيل عروستك المستقبلية ع العموم ماعندي نفس افتح ملفات قديمة ..المهم انا مابدي اطلع بسيارتك..

حازم :- طيب بتحبي نتمشى شوي

نور :- انا عندي شغل رايحة جيب شوية قماش واكسسوارات تياب
Telegram: @rwayate
حازم :- ماعندي مشكلة بمشي معك

نور :- ليش مو عندك شغل

حازم :- اخدتو اجازة حابب ضلي احكي معك

نور :- يلي بريحك

حازم :- تشربي شي

نور :- لايسلمو اذا عطشت رح اشتري انا

حازم : ليش عم تحكي هيك

نور :- مابدي تقول شربت من مصروف بيتك

حازم :- نور انتي مرتي حاجي تحكي معي هيك ..

نور :- بس انا ماعندي شي احكيه معك .ومرتك ماتت زمان ..روح دور عليها بين شغلاتك المهملة

حازم :- نور افهمي
Telegram: @rwayate
نور :- فهمتك انا زمان بس حاليا ماعاد في شي يخليني افهمك..

حازم :- اللي عم تعمليه مو منيح لحياتنا

نور :- ع الاقل منيح لحياتي.ومو بس منيح بل افضل شي..

حازم :- شو يلي بدك اياه فيني اعملو لالك بدك تطلقي

نور :- ماعندي مشكلة سواء بقيت او اطلقت عادي ..

حازم :- بس انا مابدي طلقك انتي ام اولادي وحب حياتي

نور :- انا ام بناتك..مو اولادك ..لانو ام الصبي ليكا ببيت امك كرمال تحبل وتجبلك صبي..اما تقلي حب حياتك هاي كبيرة كثير للامانة..حب حياتك انت قتلتو بقلبك من ثاني سنة..وانا قلتلو من شوية شهور ..وكل واحد اخد الوقت المناسب ليتخلى عن هاي الفكرة

حازم :- انتي بتكرهيني صرتي

نور :- انا مابكرهك..

حازم :- يعني انت

نور :- وكمان مو معناه بحبك

حازم :- كذابة ☺️
Telegram: @rwayate
نور :- لا تبتسم..في شي اسمو عيش وملح وصونها ..وانا بعدني عم صونا رغم كل شي صار

حازم :- شو يلي بريحك لنرجع كلنا سوا

نور :-كرامتي

حازم :- شو يعني

نور :- بتحسن ترجعلي كرامتي يلي دست عليها

Telegram:@rwayate
من يوم ماخلقت و انا هيك لاعيشة منيحة ولا حظ متل العالم والناس ..
كلشي عم يمشي بالعكس و كأني ماشية عكس الدنيا ..
كأنو في حبل حولين رقبتي وناطرني لبلش افرح شوي مشان يرجع يخنقني من جديد ..
من طول عمري عايشة مع امي بالبيت عفواً اصدي بالعش الصغير او بالخرابة وهو التعبير الاصح ..
بيت كل الشتوية سقفو عم ينشي مي و عم يدلف علينا .. وبالصيفية كأنو باب جهنم مفتوح
هاد عدا الحيطان المهرهرة ومعفنة من كتر الرطوبة ..
وعدا الفيران يلي عاملة دولة عنا بالبيت ..
يعني حالتنا مزرية كتير وعدم ع الأخير ومع هيك بقول الحمدلله ..
أمي : تعي يلله ضبي هل بيت و البسي جايين جماعة يشوفوكي
هدى : هه جماعة ؟!!!! ..
أمي : ليكي وليه مو رايقتلك ..
هدى : اي ليش ايمتا كنتي رايقتيلي انتي
.. رح البس و زبط حالي .. بركي بخلص من هالعيشة
هي كانت البداية يلي مالها نهاية ..
اجو الجماعة فتت ادامن ..
كان في شبين و تنتين نسوان ..
شب حلوو كتير وناعم وتمنيتو يكون هو العريس .. وشب تاني ماكان حلو ابداً ..
كان ضخم كتير و اصلع و سمين وماحبيتو ..
صفنت بالشب الحلو > ..
و صرت اتخيل انو معقول تنفتح ادامي هيك طاقة من السما ..
يجيني شب حلو و كامل متل ما بحلم ..
Telegram:@rwayate
كنت عم فكر اديش رح انبسط بس اتزوجو .. وماكان حاطة ولا واحد بالمية اني ارفض ..
صحيت من مخيلتي على اثر ضربة نفضتلي دماغي ..
--- : انا عم اخطب لـ تحسين ، هو اكبر من مجد بس الحمدلله مجد متزوج وعندو بنوتة
كانت ضربة قوية ، كسرتني مو لاني حبيت مجد .. بس لأني رح انجبر اتزوج هاد الشب يلي ماحبيتو ابداً ، اصلاً ما كان شب ،، هاد اسمو زلمة كبير ، رجال كبير ، وحش ، بس مو شب
أمي : و أنا بإذن الله عطيتكن .. انتو جماعة اوادم ..
ماكنت مستغربة انو امي رح توافق بدون اذني ..
اصلاً هي طول عمرا هيك ..
ظالمة وبتكرهني ..
مابعرف ليش انا اجيت عهالدنيا ..
ياترى خلقت بس للعذاب والوجع ، ولا ناطرني شي حلو .. ؟؟!!!
ضليت أنا مصدومة وساكتة عم يحاكوني بس كان الحزن مبيين ع وجهي و الدموع بعيوني ..
ما قدرت عبر عن رأيي وقول مابدي .. لان نظرات أمي كانت كلا حقد وبس بدا تخلص مني
.. Telegram:@rwayate
هدى : {{ موافقة }}
هي الكلمة قلتا وقت كتب كتابي ع تحسين ، تمنيت قولا لحدا انا بدي ياه ، بس اضطريت قولا لوافق ع حدا كنت ظانة انو رح يطالعني من هالعذاب يلي عايشة فيه ..
و ينسيني الهم يلي فيني و انا بعمر صغير ..

لماذا يا امي!! (الجزء الثاني)
Telegram:@rwayate
ومشت سنتين من حياتا لسحر .. ووضعا ع حالو .. ابي عم يدلللا وامي كل يوم عن يوم عم يزيد حقدا عليها وكانو قاتلتلا شي قتيل .. حتى اخواتي التانيين صارو يكرهوها لسحر ع قد مو امي بتكرها وبتحكي عليها ..

قلبي كان ينحرق عليها وقت شوف تصرفات امي معها .. كنت حاول ع طول خفف عنها وساعدها ووقف معها ..

بيوم كنا قاعدين مع امي .. ركضت انا لعند منا ونمت بحضنا ..

ام سحر: ههههههه تعي يا روحي تعي لضمك تعي

سوسن: وانا كمان امي ضميني ونيميني بحضنك

امي: تعي يا روحي تعي

بوقتا كانت سحر عم تطلع فينا وتضحك وركضت لعند امي وهي كتير فرحانة .. (وانا كمان امي بدي متلن نام بحضنك )

امي: اي لا انت بتنامي لحالك .. روحي من هون .. بعدي بعدي

اطلعت بسحر يلي نخنق وشا ورفت عينا بدمعا خبتا .. وبلعت ريقا وطلعت براة الغرفة . .

ميادة: ليش هيك عملتي امي الله يسامحك

امي: اي سكتي تركيها تروح لعند ابوكي وهو بيراضيها

نحرق قلبي عليها بس للاسف ما قدرت اعملا اشي ..

بهالوقت اختي يلي مو عاجبة امي وبتقول عليها بشعة كانت كل العيلة عينها عليها .. حتى السواق يلي ببيت الجيران كان بدو ياها .. كان عشقانها وع طول يلطشها بالحكي ..

فيصل: لك ربي يحميكي ويحمي هالوش
Telegram:@rwayate
سحر: تفووو .. يقطع عمرك

فيصل: اي تدللي تدللي بيلبقلك يا عسل

سحر: لك الله ياخدك شو وسخ .. العمى بقلبك

كان دايب فيها وعم يلحقا من قرنة لقرنة وانا وامي واخواتي كنا نعرف بهالشي .. بس سحر كانت تكرهو وما تطيقو ..

وبهالوقت طلبا ابن خالتي .. وابي رفض لانو لساتا صغيرة ..

امي: اي وشو اخرتا معك .. ليش لترفض ابن اختي هاا

ابي: البنت لساتا صغيرة وما بدي زوجا غير عن انو ما بدي ابن اختك لبنتي لمدللة

امي: هيك لكن!! اي ماشي .. لكن سماع يا رجال .. ازا ما وافقت ع ابن اختي وهلا كمان ما رح ابقى بالبيت ابدا .. احرجتني مع اختي وابنا .. احرجتني
Telegram:@rwayate
ابي: هههههه عم تهدديني .. بدك ياني جوز بنتي لواحد عواطلي كرمال خاطرك وخاطر اختك

امي: كلو بيتعدل بعد الزواج والمسؤولية

ابي: اي لا .. بنتي مو الو يشوف غيرا

امي: والله ما رح ابقى هون ولا دقيقة

طلعت بوقتا امي من البيت وسحر عم تبكي وقلبا محروق ..
سحر: لك ليش يا ربي ليييش .. الله يسامحك يا امي .. الله يسامحك

ميادة: طولي بالك اختي .. بكرة ابي بيروح وبيراضيها .. المهم انو ما قبل بهداك الاجدب

سحر: بس بدي افهم ليش هيك امي عم تعمل .. ميادة اختي جاوبيني بصدق ... انا بشعة شي ؟؟

اطلعت بعيونا البريئة يلي مليانة دموع ونزلو دموعي من شوفتا مكسورة هيك ..

ميادة: لك شو بشعة يا روحي .. لك والله انت احلا منا كلنا

سحر: (تبكي) لكن ليش امي هيك عم تعمل معي ليش
ضميتا لصدري لحاول خفف عنا وجعا يلي كان عم يحرقا حرق .. (طولي بالك يا روحي .. طولي بالك)
Telegram:@rwayate
وبعد شي اربع ايام ابي راح لعند امي وراضاها ورجعا ع البيت .. وحقدا لامي ع سحر زاد كتير وصار بدا تخلص منا بايا طريقة ..

سوسن: بس بدي افهم ليش ابي ما بدو يزوجا .. مو شايفا قديشا بشعة

امي: بدو يخليها بخلقتي طول العمر .. بس انا بورجي شو رح اعمل

بوقتا خفت كتير ع سحر من امي .. الشر كان باين بعيونا .. قامت بوقتا عملت شاي وراحت لعند ابي وهي عم تدللل وتتغنج ..

امي: بس لو تسمع مني ونزوجا لسحر ونخلص

ابي: رجعنا لهالسيرة ... سكري ع الموضوع خلص

امي: لك يا رجال فهام علي .. رح قلك ياها بالمشرمحي .. بنتك .. بنتك عشقانة و.. و .. وخايفة تكون مانا بنت

ابي: شووووووووووووووووووووو

امي: اي ... بنتك بتحبو للسواق لفيصل وهو بيحبا ورايدها بالحلال .. لهيك انا عم قلك خلينا نخلص منا بلا ما تبلينا بشي مصيبة بكرة

ابي: والله لاقتلا واشرب من دما والله

بوقتا دخل ابي عليها ع الغرفة . . كانت قاعدة وكتابا بئيدا ... بلش ضرب فيها .. (عم تحبي وتتمعشقي ولي .. والله لادبحك والله يا كلبة )

سحر: اااخ يابي اااخ ... والله يابي ما عملت شي والله
ابي: ما عملتي شي يا كلبة ... ما عملتي شي .. انا الحق علي يلي عطيتك ثقتي
Telegram:@rwayate
قربت امي منو ومسكتو من ايدو لتهدي ووشا مفتح ومورد ع قد مو مبسوطة ع قتلتا ..
(طول بالك يا رجال .. الحل موجود .. زوجا وخلوص منا)

ابي: اي رح زوجا .. رح زوجا رياض هلا رح اعطيهن الموافقة
(رياض هو ابن عمتي )

..
(الجزء الثاني)
Telegram:@rwayate
ومن هاليوم نكتب علي وجع جديد .. حماتي اخدتا لبنتي لحضنا وكانو هي اما مو انا .. ما كانت تعطيني ياها غير وقت بدي رضعا ..
عهد: مرت عمي .. بدي بنتي .. والله شتقتلا
مرت عمي: لك من هلا بدك تبعديها عني .. مفكرة حالك احق فيها مني .. انا ستا .. واولا منك فيها .. فهمانة
يمكن ما تصدقوني .. بس كنت اشتهي ضما واشبع منا
عهد: عمران .. بترجاك بدي حل .. لك والله مشتهية حطا بحضني واشبع منا .. لك حرام هالشي وربي حرام
عمران: لك انت ما بتشبعي نق .. لك هدول بيت جدا .. هني حرين فيها
Telegram:@rwayate
عهد: لك انا ما قلت شي .. ياخدوها ويعملو فيها متل ما بدن .. بس كمان انا عم اشتقلا .. حرام هالشي انا يلي تعبت فيها مو هني (تبكي)
ووقت قلتلو هيك ما شفت غير كف بنص وشي ..
عمران: انت يلي تعبتي ست عهد .. والله وصرلك لسان .. لك انت من ايمت بتعرفي تحكي .. لك يا قليلة الزوء هاي حفيدتن الاولى
عهد: وكمان هاي بنتي الاولى .. لك ما بشوفا يا عمران
Telegram:@rwayate
عمران: خلصنا عهد.. خلصنااا
وهيك مشت الايام .. كل وجعن وعذابن كان بكفة ووجع قلبي ع بنتي بكفة تانية .. كنت عم انحرق من جوا .. عم موت ..
وبيوم كنت مشتاقتلا موت .. كانت معا لحماتي ..
كانت بالمطبخ عم تقطع بطاطا وحاطيتا حدا ..
عهد: مرت عمي .. عطيني لين لوقت ما تخلصي
مرت عمي: شو امرتي ولي .. لك انت ما بتشبعي ضرب .. لازم كل يوم تاكلي قتلة .. لك روحي من وشي يا قليلة الترباية .. لك ما بكفي انو انا يلي عم قطع البطاطا
عهد: مرت عمي انا عزلت البيت كلو وما كنت عم العب .. وانا ماني قليلة ترباية .. بدي بنتي .. (تبكي) لك مشتاقيتلا .. لك حرام عليكي حرام
ووقت قلتلا هيك ما شفتا غير ضربتني بالسكينة يلي بئيدا .. واجت السكينة بئيدي..
مرت عمي: لك خرجك .. الله لا يقيمك .. وعم تبكي كمان يا كلبة
عهد: (تبكي) لك اااخ يا امي .. لك ااخ يا امي .. لك ايدي ... لك ااااااااخ
اجا عمي ع صوتي وانا عم صرخ .. وايدي كانت عم تشر دم ..
عمي: شو في .. لك شو هاد .. شو صاير هون
Telegram:@rwayate
مرت عمي: هالكلبة عم تعلي صوتا بوشي
عمي: (بعصبية) لك نحنا ما رح نخلص من مشاكلك .. لك تضرب هديك الساعة يلي صرتي فيها كنة النا .. مشي معي .. مشييي
اخدني بوقتا ع المشفى .. وضمدولي الجرح بس للاسف الضربة اتلفت الاعصاب وايدي نشلت ..
امي: لك شو صايرلا لايدك بنتي
عهد: ولا شي امي .. ولا شي
امي: كيف يعني ولا شي .. لك ماعم تقدري تحركيها .. شو صاير معك
عهد: ضربت حالي وانا عم اطبخ امي
امي: الله يهديكي يا بنتي .. الله يهديكي بس .. لك كام مرة بدي قلك نتبهي وانت عم تشتغلي بالمطبخ
وقت قالتلي امي هيك صرت ابكي من كل قلبي .. قهر وذل ووجع .. كلو كان بقلبي وانا لساتني 15 سنة .. والاقسى من هيك انو ما فيني فش خلقي لايا حدا .. كنت خاف قلن .. وكنت خاف كون انا الغلطانة .. ما كنت مستوعبة يلي عم يصير معي .. كنت مخربطة كتير وضايعة ..
وبعد بشي سنتين من ولادتي لبنتي ..
بيوم كنت تعبانة كتير وعندي حرارة قوية ..
عمران: ليش لساتك نايمة .. فيقي
عهد: ماني قدرانة .. بردانة كتير وتعبانة
Telegram:@rwayate
قرب مني وهو معصب وبدو يضربني .. وقت كشف الغطا عني وشافني كيف كان وشي احمر وتعبان عرف بانو ما عم كزب ..
عمران: باينتو عليكي حرارة .. رح اندهلا لامي
طلع عمران لبرا ليقلا لامو وانا سمعت صواتن من غرفتي..
مرت عمي: لك هاي عم تتحجج لحتى ما تشتغل شي
عمران: امي عم قلك عليها حرارة
مرت عمي: شو يا خروء .. عم تدافع عنا .. اي وازا عليها حرارة .. انا ماني اما لاتحملا .. ياما تعبت بس ما نمت .. كنت اشحط حالي شحط ع الشغل
وقت سمعتن هيك خفت تجي وتضربني هي او عمران .. شلت الغطا لوقف ع رجليي وروح لعندا .. بس وقت وقفت مدري شو صرلي واجريي ما عادو حملوني .. ناديت باعلا صوتي على عمران .. واجا عمران وامو ركض ع الغرفة..
Telegram:@rwayate
عمران: شو صاير .. شبك
عهد: ماني قدرانة وقف ع رجلي .. بترجاكن (تبكي)
وقت شافوني هيك خافو .. واخدوني فورا ع المشفى..
الدكتور: اي مرتك جسما مرهق كتير .. حمل وتعب
عمران: حامل
الدكتور: اي حامل .. وجسما كتير مرهق .. بدا راحة
وقت عرفت بانو انا حامل فرحت كتير .. وقررت بيني وبين حالي يلي رح يكون ببطني هالمرة مستحيل سلمن ياه لو شو ما صار ..
مشت الايام وفحصت يلي ببطني وكان ولد..
Telegram:@rwayate
عهد: الحمد لله يا ربي .. الحمد لله .. يا ربي تجعلو سند لالي وراحة لقلبي الموجوع يا الله
ومشت ايام حملي وجبتو لابني ع الدنيي .. تعلقت فيه كتير وصار هو كل دنيتي .. عوضني عن كل غصة حسيتا بغياب اختو .. ما بعرف كيف بيت حمايي سمحولي فيه .. بس ما كنت اقبل اعطيهن ياه وكانو يسكتو ومكتفيين ببنتي الكبيرة ..
وبعد بست شهور من ولادتي رجعت حملت كمان مرة .. وهالمرة كانت بنت..
ولدتا لبنتي من هون ومدري شو يلي صارلو لعمران .. كان عمرا سبع شهور