📚قصص||روايات||منوعة📚

ينال : هون ليكو
طارق : طيب انا رايح وخلال عشر دقايق مانفتح الباب وفاتت منه قمر امي بتمسك موبايلا وبتفتش ع رقم زينب وبيسان
وديع : انا بشوفهم اخي
طارق : لا امي وبس ماتنسي اختك صبيه والها خصوصياتها يلا سلام
ــــــ ـــــــــــــ
ـ๋͜❁ًۣۙ🍀ُ๋͜ ـ๋͜❁ًۣۙ🍀ُ๋͜ ـ๋͜❁ًۣۙ🍀ُ๋͜
ـــــــــــــــــــــــــــ
قمــر : نحنا لوين رايحين
Telegram@rwayate
بيسان : بدي شوف مول قريب من هون عامل عروض تحفه تكه وبنوصل
قمــر : طيب ممكن استخدم موبايلك واتصل لامي مافيي روح لمكان هيه مابتعرفو
بيسان : امممممم كان على عيني حبيبة البي بس شحنو خلص تكه هلأ بشحنو ع شاحن السياره وبتتصلي فيها براحتك
قمـر : طيب بس مافيي طول عن البيت
بيسان : تكرررمي يالله استعجل ابو توفيق
بيسان بقلبها .. اكيد الكلب عماد خربلي كل مخططي وخبر ثائر ليش كنت بدي اخد اختو عندو عالمحل بس انا مو غبيه لاضيع عحالي هيك فرصه ازا انحبست ابي بيطالعني بس ازا فشلت اليوم وماكسرت شوكة جواد طارق مارح يسكتلي ورح اتورط لهيك لازم وبأي طريقه تروح قمــر لبيتها مكسوره وبكسرتها بكسر السيد جواد يلي دمر امي وخلاها تنتحر بسببه قلبي مارح ينشفى غليله من هالعيله الا شوفها مدمره 🔥🔥 🔥
ابو توفيق : انسه بيسان معلش ممكن فك حصره
بيسان بعصبيه: انت مجنون شي مو شايفنا مستعجلين نقلع كفي طريقك
Telegram@rwayate
ابو توفيق : لو سمحتي ياخانوم انا مريض سكري ومافيي مافوت عالحمام
بيسان : لك انت مابتفهم البنت مستعجله بدها تروح لبيتها
قمر : طولي بالك بيسان حرام خلي الرجال يروح يفك حصره مارح اطير الدنيا من خمس دقايق
بيسان بخبث : صحيح مارح اطير بخمس دقايق روح ابو توفيق بس لاتعوق
نزل ابو توفيق وبقيت قمر وبيسان وحدهم بالسياره بمنطقه شبه مقطوعه
فجأه الشباك يلي ب اتجاه بيسان بينكسر وبيفتح الباب شخص طويل وعريض وبينزل بيسان وقمر من السياره وبياخدهم لمخزن مهجور
ــــــــــ
ـــــــــــــــــ
وببيت قـــــمــــر
وديع وهو رايح جاي وبينفخ… امي هي مرق اكتر من نص ساعه خدي موبايل قمر ودقي لزينب
ام ينال : طيب هات الموبايل
مسكت ام ينال موبايل وبلشت تقلب بين الارقام لحد ماوصلت لرقم زينب اتصلت اول مره بس مافي رد
وسيم : ارجعي دقي مره واتنين والف اني كرامه ل الله
بعد الاتصال التالت ردت زينب يلي كان دوبها صاحيه من النوم
ام ينال : الو كيفك بنتي زينب انا ام ينال امها لقمر بس ماكون ازعجتك
زينب : اهلين خاله لا ازعاج ولا شي خير في شي
ام ينال : قمر ما اجت لعندك
زينب : انا اليوم مارحت عالمدرسه يا خاله فهميني شو القصه
ام ينال بتبكي وماعاد طلع معها الحكي
اخد وسيم الموبايل من ايد امه وحكى بصوت مهزوز
اخت زينب ازا بتعرفي وينها قمر او بتعرفي بيت بيسان خبريني الله يوفقك
زينب : بيسان ؟؟؟؟؟
Telegram@rwayate
وسيم : ايه بيسان بتعرفيها
زينب : بعرفها ومابعرفها
وسيم : شلون بقى
زينب : هي بنت استغفر الله العظيم يعني ما بعرف كيف اوصفها يارب سامحني
وسيم : اييييييه اختي وبعدين
زينب : صرلا مده بتحوم حوالين قمر مع انه ماصرلها غير اسبوع منتقله لمدرستنا وغير هيك ما بعرف شي
وسيم : يعني قمر كانت تتجاوب معها وتاخد وتعطي بالحكي
زينب : لااا لاااا ابدا بالعكس ماكانت حابيتا من اسلوبها وحكيها ومضهرها استغفر الله العظيم
وسيم : بس اللي صار اليوم غير هيك
زينب : ليش شو صار
حكا وسيم القصه لزينب وصارت تضرب على وجهها ن من خوفها على قمر
وسيم : بترجاكي اهدي واحكيلي اي شي بتعرفيه
رقيه : صدقني مابعرف شي واصلا قمر وهي البنت ماكانو صحبه بنوب
وسيم :طيب اختي انا رح سكر هلأ بس ازا بتتزكري شي يفيدنا فورا اتصلي لو سمحتي
زينب : اكيد اخي السلام عليكم ورحمة الله
وسيم : وعليكم السلام
سكر الخط ومعالم وجهو ماعم تتفسر نخزو وديع بخصرتو انه مايحكي شي قدام امه وابوه
ابو ينال : شو صار معك ابني فهمت شي من المخلوقة
وسيم : هه لا ابي مابتعرفها لبيسان بنوب بالازن بدي شم شوية هوا عالبرندا وغمز لاخوانو يلحقوه
قام وديع اعطى امه وابوه ابره مهدئه وفوتوهم لغرفتهم وطلعوا
وسيم : نامو !!
وديع: اي عطيتن ابر مهدئه
وديع وهلأ ش رح نعمل والله رح جن
Telegram@rwayate
وسيم : وينو ثائر
ينال : راح عالمحل ليفهم من عماد كلشي بالتفصيل
وسيم : اي منيح وانا رح اتصل لطارق خبرو باللي صار وشو حكت زينب
وديع : وانا شو اعمل
ينال : اعمل قهوه وتقلها اخي راسي حينفجر ومو حسنان فكر
وديع : تكرم اخي
ــــــــ
ـــــــــــــــــ
ـ๋͜❁ًۣۙ🍀ُ๋͜ ـ๋͜❁ًۣۙ🌹ُ๋͜ ـ๋͜❁ًۣۙ🍀ُ๋͜
وبالمحــــل عـنــد ثائــر
ـــــــ
ـــــــــــ
ثائر : اي عماد فهمني القصه من اولها ومن وين بتعرف هالبنت وشو بدها من اختي
عماد وهو متلبك : و و والله العظيم ماكنت بعرف انه اختك المقصوده واول ماعرفت خبرتك فورا
ثائر : بدي ياك تهدى وتخبرني كلشي بتعرفو عن هالبنت لانه الضاهر اختي انخطفت
عماد : شوووو
مسح ثائر وجهو بايديه واخد نفس ليمنع دمعته من النزول واطلع لعماد وعيونو متل الجمر

انا كل ما بشوفك
كأني بشوفك لأول مرة حبيبي
انا كل ما تودعنا
كأنا تودعنا لآخر مرة حبيبي
قلي احكيني نحنا مين
وليش بنتلفت خايفين
♬♫♪◖(● o ●)◗♪♫♬
بتفرك عيونها وبتطلع بالساعه بتلاقيها عشره ونص
اوف عشره ونص ليش امي تركتني نايمه لهلأ غسلت وجهها وسرحت شعرها وطلعت عالصاله لقت ابوها وامها عم يشربوا قهوه ووسيم فاتح اللاب توب عم يتصفح عالفيسبوك وينال عم ياخود شور اما طارق كان قاعد وسرحان وبدنيا غير الدنيا
قـــمر : صباح الخير
الكل : صباح الخيرات
قربت لعند طارق ودقتله تلت دقات عالطاوله احم احم عم نصبح… وبس انتبه لوجودها فتل حالو ودخل لغرفته
قمر : شبو طارق
وسيم : اتركيه هو من امبيرحه مزعوج ومو على بعضه
قمر : بسببي صح 😔
وسيم : حبيبتي كلنا نزعجنا ومرينا بضغط نفسي الله بيعلم فيه خلص اتركيه بيروق لحالو
هزت قمر راسها وفتلت حالها لتفوت عالمطبخ بس استوقفها صوت جرس الباب
وسيم : خليكي انا بشوف مين
ابو ينال بمزح : كل مايفتح وسيم الباب قلبي بينقزني بتزكر منظرو وقت فاتت بيسان
ام ينال : ههههه لابقى تزكرني الله يخليك الحمد لله غمه ونزاحت
ابو ينال : لك مييين عالباب وسيم
Telegram@rwayate
وسيم : هي زينب 😍ابي تفضلي لجوى قمر بالصاله
قمر : يييي هي زينب ياحبيبة قلبي شتقتلك
حضنتها زينب وبلشت فيها اسأله على وين كنتي وشو صار معك وهي الحقيره بيسان شو بدها منك
قمر : لك اهددددددي شبك انفتحتي عليي اساسا مافي شي صار واهلي فهموا غلط ماهيك امي
ام ينال : هاه ا ايه ايه صح
زينب : عم تجدبيها عليي ولي لك اخوانك كانو جانين عليكي
قمر : خلص فوتي لجوى لفهمك كل شي
زينب : كللللل شي هه
قمر : هههههه ايه كل شي فوتي بس
بهاللحظه بيطلع طرزان من الحمام وهو عم يفرك بشعراتو بالمنشفه ومو شايف زينب… كان لافف المنشفه على وسطو وطالع يغني ويدندن
ابو ينال : استر حالك ابني عنا ضيوف
ينال : مين هالضيوف… نزل المنشفه ليشوف قدامه زينب ووجها ماعاد تفسر والوان الطيف كلها تجمعت فيه وفاتت بسرعه لغرفة قمر
ينال : انا انا انا… .
ام ينال : لك فوووووت لجوا ابني هلأ بتاخد برد
ابو ينال : هاد يلي هامك انه ياخد برد لك المخلوقه دابت ب ارضها من الخجل
ام ينال : لك والله مو بقصدو يارجال وبعدين مابيعرف انها هون
قمر : هههههههههههههههه لك بس لو تشوفي منظرك هههههههه لك ليش هيك وجهك متل حبة البندوره هههههه اااخ يابطني
Telegram@rwayate
زينب : لك تضربي انتي ويلي اجت لعندك حاسه الدم بيغلي بعروقي ياااا امي
قمر : ههههههههه خلص معلش اقعدي لجيبلك شي بارد تشربيه
زينب : بيسان خطفتك
غابت الضحكه من على وجه قمر وتغيرت ملامحها
قمر : ممكن مانحكي بهالموضوع
زينب : ليش ومن ايمت بتخبي عليي
قمر : ماعم خبي عليكي ورح خبرك بكل شي بس بالوقت المناسب
زينب : ايوه لكان خليني روح
قمر : بلا غلازه اقعدي وليه
زينب : هلأ هلأ بدي اعرف
قمر : امري لله… هاد ياستي السيره ومافيها…… ..🗣
┬──┬┬──┬┬──┬
ثائر : صباح الخير وديع طمني كيف وضع بيسان
وديع : الحمد لله تجاوزت مرحلة الخطر
ثائر : وايمت رح اطالعوها من العنايه
Telegram@rwayate
وديع : شي يومين مو اكتر
ثائر : اي منيح ل روح طمن قيس لكن
وديع : مابدك تروح معي عالبيت
ثائر : ايه امبلا انطرني لارجع
وديع : مشي
┬──┬┬──┬┬──┬

طارق : طمني وديع كيفو ابي
وديع بحزن : ازمه قلبيه حاده 😔
ام ينال : وليييي على امتي ولي على طولي انا
بيحضن ينال امه وبيحاول يهديها وهو منهار… اهدي امي كرمال الله
طارق : كيف وضعوا هلأ
وسيم : فينا نشوفوا
وديع : وضعوا مو مستقر حاليا النوبه يلي اجته كانت قويه… لك بس بدي افهم شو صار لحتى ابي يصير فيه هيك تركته الصبح وهو متل الغزال وكان ضغطه طبيعي
وسيم : علقت خناقه بين اخوك ثائر وقيس
وديع : شوووو ليش وكيف ؟؟
وسيم : مابعرف كان يحكي مع بيسان فجأه راح عالمطبخ وبلش يصرخ ويكسر
طارق : كان عم يحكي مع بيسان قلتلي
وسيم : ايه .. وبعدها بلش يضرب قمر وقيس ماتحمل وهجم عليه وصار اللي صار
وديع وطارق : شوووو ضرب قمر ؟؟؟؟
ينال : ليش لحتى يضرب قمر وانت كيف سمحتلو
وسيم : حاولت امنعه بس كان بحاله عصبيه مو طبيعيه
وديع : وثائر وينو هلأ
طارق : تركناه مربوط بالبيت
وديع : وقمر وينها
التفت الاخوه على بعض وكأنهم عم يسألو نفس السؤال : قمر وينها ؟
Telegram@rwayate
┬──┬┬──┬┬──┬

قيس : ليش هيك عملت ثائر
ثائر : ليش بعدك هون ياواطي لك فكني ان كنت رجال
بيسان : حاج خالو كرمال الله روح من هون
قيس : رح فكك بس بالاول بدي تجاوبني على سؤالي
ثائر : شو كنت عم تعمل انت وقمر بغرفتها ياعديم الشرف احكي ان كنت رجال
صفن قيس ببيسان يلي نزلت راسها بالارض وماعاد طلع صوتها.. ورجع بزاكرته لورى تحديدا وقت فاتت عليهم بيسان وبلشت تعلي صوتها ليسمعوها اللي برا
قيس : ثائر بدي اسألك سؤال وقبل ماتجاوب رح كون فاكك
ثائر :…… .
قرب قيس وبلش يفك بثائر وهو عم يسأله
لو سمعت انها اختك بيوم عابت وتعرت من ثوب الحيا لازم انت تستر عليها وتغطيها .. وقمر تربايتكم ولو عابت بيكون الغلط فيكم انتو او ممكن حدا منكم غلط وربنا عم يعاقبكم ب اختكم
صحيح حضنت قمر وبستها من خدها بس هاد مابيعني اني مو محترم البيت يلي انا فيه… يمكن انت نسيت انك حضنت بيسان وعلى عيني قبل ماتخطبها وماسكتت لاني بلا شرف سكتت لاني بعرف ثائر رجال وغرضه شريف… ثائر حامي عرضي ومسند ضهري
وهلأ سؤالي هوي : وقت رخيت ادانيك لمره لتحكي بعرض اختك صدقتها فورا .. ياترى مين ابقالك اختك ولا مرتك ؟؟؟؟
ثائر :…………
قيس: ليكني فكيتك ثائر وليك السكين بالمطبخ وليكني واقف مكاني مارح اتحرك
لو عندك ذرة شك فيي او ب اختك اقتلني وماتتردد
✿✿✿
Telegram@rwayate
غمض ثائر عيونو وبلشت زكرياته مع قمر تمر قدامه متل شريط سينمائي .. من وهي طفله كانت بس تزعل من واحد من اخوانها تركض لعندو وتشكيلو لياخدلا حقها .. تزكر وقت كان يجيبلها الشوكلا ويخبيهم تحت قميصه لحتى مايشوفوا وسيم وكم مره غفيت على صدرو بليالي الشتى وهي خايفه وتجي تحتمي بحضنه من صوت البرق والرعد
✿✿
“ الأخت شئ مختلف، تشعر
وكأن اللّه أعطاك روحٌ أخرى في الدنيا ،
لاشيء يشبه أن تكون لك أُخت ،
لاشيء أبداً.”💜
✿✿
نزلت دمعته على خده وبلش يصرخ اااااااخ يا اختي سامحيني قمرررررررررر قمرررررررر
قيس : اهدى ثائر كلشي بيتصلح واطلع ببيسان نظرة توعد خلتها تتجمد مكانها
ثائر : وينو ابي شو صرلو بدي روح شوفوا انا السبب باللي صار انا السبب
فجأه بيرن تليفون البيت الارضي وبيرد قيس
قيس : الو
طارق : قيس ؟؟ لك انت شو عم تعمل عندك ؟ وينو ثائر
بيطلع قيس بثائر وبيرد بكل هدوء على طارق : ثائر هون عم احكي انا وياه .. طمني كيفو عمي نحنا كنا جايين لعندكم هلأ
طارق : مابدي شوف ثائر حاليا ابي اجته ازمه قلبيه بسببه
قيس : الظفر مابيطلع من اللحم شبك طارق وان شاء الله عمي بيقوم بالسلامه غمه وبتزول
طارق : عطيني قمر من عندك
بتتغير ملامح وجه قيس وبتتوسع عيونه .. ليش قمر مو معكم
طارق : شلون مو معنا ليش هيه مو بالبيت
قيس : لا مو هون
طارق : كيف مو بالبيت انا جاي فورا
… .
Telegram@rwayate
ينال : شو في اخي
وسيم : وينها قمر
طارق : عم يحكي قيس انها مو بالبيت
ام ينال : وليييي وين بدها تكون راحت البنت
طارق : رايح شوفها وانت وديع انتبه لامك وابوك
ينال ووسيم : جايين معك
… .
ثائر : شو في شبها قمر
قيس : عم يحكي طارق انها مو بالمشفى
ثائر : شووووو لكان وينها
قيس : خليني انزل لتحت وشوف ازا كانت بره تكه وراجعلك
بيطلع قيس وبتقرب بيسان من ثائر وبتبلش تبخ سمها
بيسان :اهدى حبيبي انت الحق عليك بسرعه عصبت وماخليتني فهمك
ثائر :………
بيسان : لاتخاف هلأ بتلتقى قمر وين بدها تروح يعني يمكن راحت لعند شي حدا تفضفضله
اطلع ثائر ببيسان وهو عم يتفحص ملامحها
ثائر : كل هالشي بتكرهي قمر
بيسان : ا انا ل ليش اكرهها بالعكس بحبها لقمر من صمصومة قلبي
حط ثائر راسه بين ايديه وبلش يبكي… انا كيف هيك اتسرعت ومديت ايدي على قمر لك بعمري ماعملتها اااخ ياربي
بيسان : ماتلوم حالك حبيبي اي حدا محلك وقت يشوف اخته فلتانه رح……
ثائر : اخرررررررررررسي
بيسان : الي بتقلي اخرسي
وقف ثائر ومسك بيسان من ايدها بقوه : ايييييه الك وسيرة اختي ازا بترجعي تجيبيها ع السانك رح قصلك ياه عم تفهمي

بيسان وهي عم تبكي : شفت انك بتحبها اكتر مني
ثائر : لك هييييي اختي هي رووووووحي لك هي كف القمر ماحلك تفهمني انه حب الاخت بيختلف عن حب الزوجه لك انتي شووووو معجونه من مية كيد وحقد
بيسان : بتشكرك ثائر انا طالعه من حياتك للابد وبوعدك مارح تشوف وجهي بعد اليوم
♬♫♪◖(● o ●)◗♪♫♬♬♫♪◖(● o ●)◗♪♫♬
Telegram@rwayate
حملت شنتتها وطلعت والتقت بقيس ع الباب
دور عليها لحبيبة قلبك منيح اي… وفتلت حالها ومشيت وهي مو شايفه قدامها…
لك العمااا شووو حظها هالبنت لو ماتعب هالزفت يلي اسمو جواد ووصلة طارق ع اخر لحزة لكنت اليوم خلصت من قمر وثائر وقيس بضربه وحده بس حظهم بيفلق الصخر…… . انا لازم غير خطتي واتصرف قبل ما انكشف لازم
┬──┬┬──┬┬──┬┬──┬

بيوصل الشباب عالبيت وبيلاقوا ثائر وقيس قاعدين بيتصلوا عالاهل ورفقاة قمر
طارق : مابينت
قيس : لا مالها اثر
ينال : لك شلون ماحسينا عليها
وسيم : بس شفت ابي مرمي عالارض انشل تفكيري ونسيت قمر
مسك طارق ثائر من قميصه ولزقه بالحيط وبلشو الشباب يهدو بطارق يلي كان عم يغلي من الغضب
ازا صار لابي او اختي شي رح ادبحك ب ايدي هدول عم تفهمني
ينال : حاااج طارق تروك اخوك
قيس : طارق تعال معي شوي لجوا انت ووسيم وينال ووديع
فاتو مع قيس يلي بلش يحكيلهم اللي صار وكيف بيسان حسنت تخلي ثائر يفقد اعصابه لدرجة انه مد ايدو على قمر
ينال : يعني بيسان السبب !!!
وسيم : ماتزعل مني صهري بس هالبنت مارتحتلا بالاخص كرهها لقمر واضح
قيس : مابلومك وسيم حتى انا بلشت افقد اعصابي من تصرفاتها
بيبعد عنهم طارق ليرد على اتصال
طارق : اي زينب
Telegram@rwayate
زينب : شو صار معك واجهتها
طارق : صارت كتير امور زينب وابي تعب وقمر مالها اثر
زينب : شوووو كيف هيك صار
طارق : كله من تدبير هالشيطانه بيسان
زينب : طيب البصمات يلي عالكيس اللي جبتلك ياه طلعو لبيسان
طارق : ايه لبيسان وكنت جاي وناوي اكشف اوراقها قدام الكل بس لقيت القيامه قايمه بالبيت
زينب : وثائر شو رح يعمل بس يعرف
طارق : اااااخ لك ثائر اليوم ضرب قمر بسبب كزبه من بيسان
زينب : لك الله يكسر……… اسفه طارق
طارق : ولا يهمك كلنا انفعلنا
زينب : طارق انت لازم تتحرك بسرعه قبل ماتخسر حدا من عيلتك لاسمح الله
طارق : والله بطلع بروحها
زينب : حاول تهدي حالك واعرف كيف تتصرف وانا رح شوف ازا قمر عند وحده من رفقاتنت وانت طمني اول ب اول ماشي
طارق : ان شاء الله… سلام
┬──┬┬──┬
Telegram@rwayate
وسيم : هي امي ؟
طارق : لا هي معرفة… تعوا نشوف ثائر
طلعوا لعند ثائر يلي كان ماسك صورة قمر وعم يبكي
ينال : روق اخي اكيد انزعجت من الشي يلي صار وطلعت تشم هوا
وسيم : بعد ماشافت ابوك بهي الحاله مابعتقد انها طلعت تشم هوا اكيد هيه قريبه
وديع : صح كلامك وسيم
قيس : انتو اخوانها وبتعرفوا طبعها اكتر مني فكرو معي بلكي وصلنا لحل
وسيم : انشل تفكيررررري ياربي
ينال : لشو بدك توصل قيس
قيس : هلأ وقت كانت قمر تزعل او تبكي وين كانت تروح
وديع : كانت تهرب لحضن ثائر
ثائر : 💔💔💔💔
قيس : طيب ازا زعلت من ثائر مثلا لمين ممكن تلجئ
وسيم : لزينب ؟؟
طارق : لا قمر ماعمرها حكت عنا لحدا حتى لو زينب
ثائر : انا عرفت وين قمر
طارق : وين؟؟
قيس : شو ثائر وينها
مارد عليهم وقام بخطوات بطيئة ونفس مكسوره ودمعات عالخد وفتح غرفة ابوه وامه
انصعق الكل وقت شافوا قمر قاعده عالتخت وضامه اجريها لصدرها وحاضنه مخدة ابوها وعم تهز حالها يمين شمال ودموعها بعرض وجهها
ينال : اختيييييي
Telegram@rwayate
وسيم : قمر ي روحي شو صرلك
قيس : ردي عليي قمر
بلش طارق يخبط ع وجهها بشويش لحتى تحس عليهم لانه كان واضح عليها انها بحالة صدمه نفسيه
وديع : بعدو هيك… . قمر اختي عم تسمعيني قمر قمر
كانت اصواتهم عم تعمل صدى داخلها بين الوعي واللا وعي
✺✺قمر✺ قمر ردي✺ قمر اختي ردي عليي…✺ قمر حبيبتي ردي… ✺قمر قمر…✺ قمر ✺✺
غصه بقلبها وجرح عميق وخوف والم كلها اجتمعت مره وحده داخلها
ثائر : قـ قـ قمر اختي سامحيني حبيبتي
بتطلع قمر بثائر وعيونها جاحظين ع اخرهم وبتبلش تصرررخ بأعلى صوت… .. لااااااااااااااااااااا بعد عني لاتقتلني انا خايفه منك بعد عني لاتقتلني يا بااااباااااااااا يامااااااامااااااااا
بيحضنها طارق ليهديها وهي بتصرخ وتصرخ…… لاااااا تقتلنيييييييييي لاااااااااا……..
وكأنها بدها اطالع الخوف يلي زرعه ثائر جواتها
وديع : امسكها منيح طارق رح اعطيها ابرة مهدئ
بيحاول طارق يثبتها ورغم عضلاته بس حركة قمر ماكان قادر يسيطر عليها وحدو
طارق : امسكها من عندك قيس وانت وسيم امسك رجليها انت وينال لاتخلوها تتحرك لتاخد الابره
اخيرا بيقدر وديع يعطيها ابرة المهدئ وبيتصل عالاسعاف فورا
┬──┬┬──┬┬──┬┬──┬
ثائر: كرماااال الله وديع اعمل شي ماااابدي قمررر تموووووت
Telegram@rwayate
وديع : اهدى اخي مو شايف حالة امك خلص حاج تبكي قدامها
طارق : كيف صارت قمر وشو طلع معها
وديع : انهيار عصبي سببه صدمه نفسية

✿✿…
كان وديع عم يسمع كلام زينب وانصدم وقت عرف انها بتحب طارق
وديع : زينب بتحب طارق ؟؟؟
لك العماااااا ينال ناوي يخطبها وهي قلبها مع اخوه… انا لازم اتصرف قبل ماتوقع الفاس بالراس
✿✿
………………
زينب : وانتي كمان محظوظه بحب قيس الك مابتتصوري اديه كان خايف عليكي وناطف قلبه ليسمع منك كلمه
قــــمـــر :… ..
زينب : حتى اخوانك ينال وثائر وطارق ووديع ووسيم مشغول بالهم عليكي واكلين همك… .. اي وافرضي اكلتي من اخوكي كف شو فيها والله انا اكله اتل من اخواني لشبعانه
قــــمــــر :…… .
زينب : لك فكري ب امك وابوكي حرام عليكي شبكي قمررررررر
دق دق
بتمسح دمعتها بسرعه وبتقعد عالكرسي… تفضل
وديع : صباح الخير
زينب : صباح النور اخي وديع
وديع : كيفك زينب
اطلعت زينب بقمر بحسره ونزلت راسها للارض… والله مو منيحه 😔 ايمت قمر رح ترجع متل اول شتقتلها
وديع : اطمني اختي قمر بخير وهيه من داخلها كتير قويه وعندها اراده وبعمر كف القمر مارح يفرط بالاصابع يلي حضنهم طول هالسنين بكل الحب
زينب : الله كريم اخي وان شاء الله بترجعلنا ام خدود من جديد
┬──┬┬──┬┬──┬
Telegram@rwayate
هدى : صباح الخيرات وسيم وينك صرلك يومين غايب وماعم تحضر محاضراتك
وسيم بتعب : يسعد صباحك هدى وشكرا لسؤالك عني .. كان عندي شوية ظروف
هدى : لك لشو عم تشكرني نحنا رفقه…
وسيم : تسلمي هدهد
هدى : اممممم مدام بلشت ادلعني معناته تفضل ليكو دفتر المحاضرات كتبتلك كل الملخصات لحتى مايفوتك شي احفظ هاللطش
وسيم : ههههه والله ماقصدت عموما انتي ام الكرم والواجب وانا بستاهل 😉
هدى : سسسسئيل يالله بشوفك
وسيم : بشوفك
┬──┬┬──┬┬──┬
طلع من غرفته متل العاده مضيع موبايلو وعم يدور عليه
ينال : ثائر دقلي لاعرف وين هالزفت صرلي ساعه عم دور عليه
ثائر : لو كانت قمر هون فورا بتلاقيه 😔
اطلع ينال لثائر يلي ماعاد اكل ولاشرب ولا راح عشغلو كلامه قليل ودائما سرحان
ينال : قمر رح ترجعلنا اخي لاتقسى عحالك هيك
ركا ثائر راسو عالحيط واطلع بالسقف وعيونو مليانين دموع : ماتصورت بيوم امد ايدي عليها وكون سبب بحالتها هي ماعم اقدر سامح نفسي لك ينال
ينال : شي وصار اخي وقمر اكيد رح تسامحك وتنسى كل شي بس انت لازم تكون قوي وتواجه غلطك وتحاول تصلحه وحاجتك قعده بالبيت وندب متل النسوان قوم لناكل لقمه وننزل عندك عالمحل اشتقت للغليز عماد
لمعت عيون ثائر اول مانزكر اسم عماد وحط راسو بين ايديه وبلش يفرك بشعرو… لك عماااااد عماد حاول ينبهني بس انا غبي وماسمحتلو حتى يكمل كلامه
ينال : ينبهك من شو
Telegram@rwayate
ثائر : قوم معي اخي
┬──┬┬──┬┬──┬

لبست فستان اسود للركبه ومكشوف من عند الكتاف وتشيكت وحطت مكياج صاخب مابينحط بالصبح ابدا فردت شعرها ع ضهرها براحته واخر لمسه رشت بارفان وحملت شنتتها واطلعت بحالها نظره اخيره عالمرايا وطلعت من غرفتها
بيسان بصوت عالي : ميندااااا مينداااااا
ميندا : امرك ياخانوم
بيسان حضريلي كاسة نسكافيه بسرعه وجيبيلي ياها عالصاله وخلي ابو توفيق يحضر السياره بسرعه رح اطلع بعد عشر دقايق
Telegram@rwayate
قيس : ولوين العزم ان شاء الله
اطلعت بيسان بقيس يلي كان واقف وحاطط ايديه بجيابه ونظراته مابتوحي بالخير
ببسان : ا اهلين خالو… . روحي انتي جهزي النسكافيه
ميندا : والسياره ياخانوم
بيسان : لك رووووووحي من وجهي هلأ
ميندا : امرك
قيس : ازا مالقيتي حدا تخربيلو حياته بتتفششي بالخدم…
بيسان :… ..
قرب منها قيس ورمقها بنظره من فوق لتحت : شو هاد يلي لابستيه وليش هيك عامله بوجهك ؟؟ لوين رايحه ..!!!!
بيسان : ابدا حاسه حالي ضعفانه شوي وبدي روح للدكتور
قيس وهو بئشر ب ايدو من فوق لتحت… بهالمنظررر !!!!
بيسان : ايه عادي انا مو طفله لحتى تحاسبني
قيس : فعلا مو طفله… يلي بتخطط وبتنفذ وبتعمل كل هالمكائد والحيل ابدا مو طفله… .
نزل لعندها وصار وجهو قبال وجهها وحكا بهمس .. ياترى هالمره لشو عم تخططي بيسان خانوم
نفضت بيسان حالها وحملت شنتتها لتطلع
قيس : استني
لفت وجهها عليه وحطت ايدها ع خصرها : امـــــر ؟
قيس : ثائر بعتلك هي… اي وبلغني قلك انك طالق طالق طالق
حط الدبله عالطاوله وتركها وطلع لغرفته
Telegram@rwayate
بقيت بيسان تطلع بالدبله وعيونها رح تطلع من محلهم من الصدمه
ماتوقعت ثائر يطلقها بهالسهوله… .مسكت الدبله واطلعت فيها بعصبيه وغضب وكزت ع اسنانها والحقد عم يتجمع بعيونها
انا اطلقني يا ابن جواد… وكرمال مين كرمال قمر ؟؟؟ لك شووو مفكر حالك ليكون مفتكرني قاتله حالي عليك ياحقير… بسيطه ان ماخليتك انت وعيلتك تبكوا بدل الدموع دم مابيكون اسمي بيسان 🔥🔥
┬──┬┬──┬┬──┬┬──┬

لاااااااااااااا رح يقتلوووووو كرمال الله لاتخلوه يقتل قيس
وديع : اهدي حبيبتي اهدي… اطلعي فيي قمر ثائر وقيس كانو عم يمزحوا وماحدا بدو يقتل حدا ايه حبببتي
قمر : هـ هـ هوه هوه… السكين هــوه
ام ينال : ياروحي يا امي تعي لحضني هلأ بعملك شي دافي تشربيه وبنتفرج عالتلفزيون
قمر : هــ هـــ هوه
Telegram@rwayate
فات وسيم وشاف قمر قاعده ب ارضها ووديع وامه عم يحاولو يهدوها… قرب لعندها وحضنها وبقي غامرها بحضنه لهديت بين ايديه
وسيم : حمدلله عالسلامه ام خدود جبتلك معي حاجات طيبه بس رح اخد منها ايه
قمر : جبتلي شوكلا
وسيم : لك ايييه شوكلا وشيبس وكل شي بدك ياه
اطلع وديع على وسيم وهو مبسوط من تصرفه السريع وكيف قدر بسهوله يمتص خوف قمر
وسيم : يالله تعي لحتى تفوتي ترتاحي بغرفتك
ام ينال : قومي بنتي قومي الله يحن عليكي وعلى اخواتك
قمر : اخواتي
وديع : ايه اخواتك نحنا .. ماشتقتيلنا
قمر : 😭
وديع : تعي لحضني ي روحي ماعاش من ينزل دمعه من عيونك
وسيم : بما انها ست البنات عم تدلع ف انا رح احملها لغرفتها
وديع : اووووه فكره حلوه وانا رح رش عليكن الورود
ام ينال بتبكي : لك الله مايحرمكن من بعض
Telegram@rwayate
دخلوها لغرفتها وبقيت امها معها تلاطفها وتلاعبها لحتى ماترجع تحس بالخوف
وسيم : خايف ازا شافت ثائر ترجع تنهار
وديع : هالاحتمال وارد جدا بس لابد منه
وسيم : وازا رجعت انصدمت
وديع : لازم تاكل كمان صدمه تخليها تطرد الصدمه يلي جواتها
وسيم : يعني متل مابتحكي امي خوفه بتطرد خوفه
وديع : بالزبط
وسيم : اترك هالموضوع عليي لكان

┬──┬┬──┬┬──┬
ثائر : شو رأيك بفكرتي طارق
طارق : منطقيا مناسبه خصوصا انه رح نتعامل مع وحده مختله ومو متوازنه عقليا
عماد : بس خايف تعرف اني عم اضحك عليها
طارق : بس انت مارح تضحك عليها
عماد : كيف يعني
طارق : مو بدها تشوف جثة قيس ودم
عماد : ايه
طارق : هالشي رح يصير بس بالاول رح استدعي قيس واشرحله الخطه
Telegram@rwayate
استقطع حديثهم موبايل ينال يلي رن
ينال : الوو اي امي… والله جد الف الحمد لله يارب احلا خبر بسمعه اليوم… .. .. كيف…… اها… اي امي ماشي فهمت… ماشي رح حل الموضوع.. انتبهي على قمر
طارق : شو في
ينال : اختك قمر صارت بالبيت والحمد لله حكت
ثائر : الحمد لله 😭
عماد : حمدلله عسلامتها
ينال : الله يسلمك
طارق : كأنه بتمك حكي ينال
اطلع ينال بثائر ونزل راسه : بصراحه خايفين على ردة فعل قمر بس تشوف ثائر
ثائر : 💔
عماد : احسن حل يفوت ثائر وقيس عندها وبهيك بتنصدم
طارق : لا والله فيهم نحنا بدنا نطالعها من هالحاله ولا نزيد الطين بله
عماد : ستي الله يرحمها كانت تحكي خوفه بتطرد خوفه
طارق : ستك شو بتشتغل
عماد : دايه 😌
طارق : مبدأيا اخفولي هالعينتين من وجهي بلا ما ابعتوا لستو
الكل : هههههه
Telegram@rwayate
ثائر : 😔
ينال : روق اخي قمر قلبها كبير ومستحيل تقسى ع واحد فينا
ثائر : يارب
ينال : رح اتصل بقيس لحتى يلاقينا بالبيت
طارق : كأنه فكرة خوفه بتطرد خوفه خرطت مشطك
ينال : بصراحه اي😅
طارق : 😕
┬─┬──┬┬──┬
وصلو عالبيت وهنه خايفين من ردة فعل قمر وقت تشوف ثائر
ثائر : خلص بلا مافوت انا
قيس : قوي قلبك لازم ننهي هالموضوع بقا
ينال : جاهزين
Telegram@rwayate
قيس : اي
طارق : والله ازا بيصير لقمر شي لادفنكم بحد ستو لعماد
♬♫♪◖(● o ●)◗♪♫♬
بقلوب عم تخفق وخطوات حذره فات طارق وينال وثائر وقيس لعند قمر يلي كانت هاديه وما ابدت اي ردة فعل
طارق : حمدلله عالسلامه اختي
قمر :… .
ينال : كيف حاسه حالك ي روحي
قمر :…… .
قيس : حبيبتي انتي منيحه
قمر :… ..
ثائر : اختي انا 💔 انا اسف سامحيني 😔
قمر :…… .
بلشوا يطلعوا ببعض نظرات استغراب ..وبعد شوي فاتت امهم ومعها وديع وجايبين معهم الشاي وقالب كيك
طارق بهمس : امي شبها قمر
ام ينال : شبها عين الله عليها
طارق : !!!!!!
نخز ينال ثائر ليبلش بالخطه يلي اتفقوا عليها
وفجأه
مـــفــــاااااااااااااااجــــأه
💫🎊🎉💫🎊🎉✨🎊🎉💫🎊🎉🎊🎉🎊🎉🎊🎉🎊🎉
🎊🎉🎊🎊🎉🎊🎉🌠
ثائر : شووو في
ينال : بسم الله الرحمن الرحيم
Telegram@rwayate
قيس : شو عم بيصيررر
اما طارق سحب فردو وبلش يدور ع مصدر الصوت
كان وسيم ماسك بطنو وفارط من الضحك على مناظرهم
وديع : ههههه والله واكلتوها
ام ينال : هههههههه
طارق : يخررررب بيتك موتني رعبه هههههه
ينال : مو قلنالك خوفه بتطرد خوفه ليكك طردت 500 خوفه لقدام
قيس : ههههههه والله مجنون
وديع : لا وسيم طلع وارث شغلة العلاج من ابي الله يشفيه والله وكيلكم رعب قمر رعبه خلاها تصفرن
الكل : ههههههههههههههه
اطلع ثائر بقمر يلي كانت تطلع فيه وهي عم تبكي بصمت
ركض لعندها وغمرها بحضنه وبلش يبكي بصوت عالي… سااااامحيني اختي سامحيني ياضي عيني
قمر : مسامحتك اخي لك انا مالي غيركن بالدنيا
ثائر : لابقى تبكي ماعاد بدي شوف دمعه بعيونك ي روحي
قمر : يعني مابتعرف اني ام دميعه ومالي سلطه على دمعتي
Telegram@rwayate
رجعها لحضنه ليحسسها بالامان متل ماكان يحسسها وهي صغيره

قمر : اديه عمرك وسيم
وسيم : لشو هالسؤال يعني مابتعرفي
قمر : خدني على قد عقلي وجاوبني
وسيم : 22
قمر : وزينب 19
وسيم : ايه شو يعني
قمر : من شوي قلتلك في فرق بالعمر بين زينب وينال وانه بيحتاج زوجه اكتر نضوج
وسيم : ايه
قمر : وزينب بتحتاج زوج اكتر نضوج منك اخي
وسيم بعصبيه : شو مو شايفتيني رجال :؟؟؟؟؟
قمر : لاااا ماهيك قصدت اخي بس انت من هون لتتخرج وتشتغل وتكون نفسك وتكون خرج زواج بدك تكون قاطع ال 25
وسيم : صح كلامك
Telegram@rwayate
قمر : حبك لزينب نبع من التعويد انت تعودت تشوفها عندي دايما لانها رفيقتي الوحيده ويمكن هالحب مجرد طيش شباب وبس توصل لمرحلة النضوج الكامل ماتطلع لزينب اساسا وادور على وحده تناسب سنك ويكون بينكم اقل شي خمس سنين فهمت عليي اخي
اطلع وسيم بعيون قمر وهو عم يتسائل بينه وبين حاله : لك من وين جبتي هالعقل وهالحكمه !!
فعلا انا كل ماشوف بنت بحس حالي بحبا وانه خلص هي هيه حب حياتي… معقول بعدني مراهق ؟؟؟
قمر : شبك سكتت اخي
وسيم : لا ولاشي انا طالع لعند امي عالمشفى لشوف متى حيخرجوا ابي
قمر : بس ماكملنا كلامنا
وسيم : بالعكس كلامك وصل لجوات اعماقي وفهمته… بتمنى لزينب السعاده مع الشخص يلي بتحبه وياريت تقنعي ينال بنفس اسلوب الحكمه يلي حكيتي معي فيه… . بيقرب منها وبيبوسها من جبينها…. يالله خاطرك اختي
بتبتسم قمر وبتاخد نفس عميق ممزوج براحه…… الله معك اخي الله ينور طريقك
┬──┬┬──┬┬──┬┬──┬
وديع : الو ثائر وينك انت
ثائر : ليكني عالطريق انا واخوك ينال
وديع : اي كتير منيح وطارق وينو
ثائر : حكا عندو شغله ورح يكون بالبيت عموعد الغدا
وديع : تمام انا وامي ووسيم رح نطالع ابي هلأ من المشفى
ثائر : امي اجت ع المشفى ؟؟
وديع : مع اني قلتلها ماتجي بس ماشفتها الا فوق راسي
Telegram@rwayate
ثائر : طيب اخي بشوفك سلام
ضرب مقود السياره ب ايدو وزاد سرعة السياره واتجه عالبيت ب اقصى سرعه
ينال : شبك شو صرلك رح تروحنا يارجال هدي السرعه
ثائر : قمر وحدها بالبيت
ينال : لاتخلي الشيطان يوسوسلك اخي
ثائر : والله يلي بتخطط لتقتل خالها اللي رباها مو صعب عليها تخطط لتقتل اختي
ينال : العمااااا !!! قمررررر
┬──┬┬──┬

بيوصلو عالبيت وبيطلعوا الدرج ركض وبيدفشوا الباب وبيفوتوا بسرعه
ثائر : قمرررررررر
ينال : اختييييي وينك
بتطلع قمر من المطبخ مرعوبه من اصوات اخوانها يلي كانو عم يلهتوا ومو قادرين ياخدو نفسهم
قمر : شوووو فييي ابي صرلو شي
بيركض لعندها ثائر وبيحضنها بقوه وبيسير يشم فيها ويتفقدها انتي منيحه قمر اجا عندك حدا بغيابنا
قمر : اي منيحه اخي… وحدا متل مين بدو يجي لعندي مافي غير زينب اجت وراحت
ينال : ليش زينب مابقيت معك
قمر : مممم كان عندها شغله واطرت تروح اخي بس انتو شبكم ليش هيك لونكم مخطوف
بيرمي ثائر حاله عالكنبه وبيلحقه ينال وهنه عم يحاولو ينظموا نفسهم شوي
Telegram@rwayate
قمر : خدوو اشربوو مي وليي عليي شبكم
ثائر : بصراحه بس عرفت انك لحالك خفت عليكي
قمر : ليش خفت عليي
ثائر : ها مم مابعرف هيك خفت وبس
ينال : قصدو انه بعدك تعبانه وخاف عليكي يصير معك شي وانتي وحدك
قمر : سامعين
ثائر وينال : شو ؟؟
قمر : لك هاد باااباااا والله بابا ركضت عالباب واول ماشافت ابوها فايت رمت حالها بحضنه بااااااااااااباااااااا
ابو ينال : ياروحي ياقلبي اشتقتلك ياضي عيوني اااخ يابنتي هيك ماتجي تشقي عليي
نزلت قمر راسها وماعرفت شو ترد على ابوها
ثائر : حمدلله عالسلامه ابو ينال والله ونور البيت
ابو ينال : اهلين ابني الله يرضى عليك
ينال : شو رح تبقوا واقفين عالباب فوتوا لجوا ليرتاح ابي
فاتو الكل وقعدو بالصاله وطبعا قمر متل القطه قاعده بحضن ابوها ليلاعبها ويشبع منها
ام ينال : شو ست قمر يعني ازا اجى ابوكي مابتعودي تساعديني
قمر : ههههه حبيبتي ماما ليكني جايه…
ثائر : تخيل ابي سمعت اصوات رجليك وعرفت انه انت يلي جاي
ابو ينال : ماحلك تعرف كف القمر لك ابني
Telegram@rwayate
طارق: وانا عم قووووول ليش البيت منور لك يااهلين بالحج جواد نورت الكون يابي ايدك لبوسا
ابو ينال : الله يرضى عليك واصله ابني
اطلع بثائر وهزلو براسو بمعنى وين قمر
ثائر برضو هز راسو ناح المطبخ انه ليكا بالمطبخ
بيرتاح بال طارق وبيقعد حد ابوه لك اهللللللللين احلا ابو ينال والله
لك شووو صار بالغدا امييييي
ام ينال : يالله شرفوا حبايب قلبي الغدا جاهز
قعدو ليتغدو بعد فتره قاسيه مرو فيها
ابو ينال : شبك بنتي كلي
قمر : حاضر ابي بس ليجي قيس
ثائر : هلأ بيوصل كلي اختي
بتهز كتافها ويتبزم
وسيم : هههههه شوفوا الطبق كيف اتكور
قمر : بااااباااا
ابو ينال : حاج تتغالز ع اختك وسيم
وسيم : حاضر يابي
بيندق الباب وبتقوم ركض لتفتح
Telegram@rwayate
طارق : ازكر القط بينط
بتفتح الباب بسرعه والابتسامه على عرض وجهها
قمر : تأخرت
قيس بتعب : اسف حبيبتي الطريق ازمه
قمر : شبك قيس
قيس : مافي شي مصدع شوي .. وصل عمي جواد

بيحط عالسبيكر فورا وبيبلش يحكي معها والكل عم يسمع بصمت
Telegram@rwayate
عماد : انا موافق اقتل قيس
بتتوسع عيون بيسان وبتقفل باب خزانتها بهدوء وبتقعد ع طرف التخت
بيسان : اممم وشو يلي غير رأيك مو على اساس مافيك تكون مجرم ومو مستعد تروح حالك
عماد : انا فكرت بكلامك واقتنعت فيه وازا بنتفق رح نفذ اليوم… بس عندي شروط
بيسان : شو شروطك
عماد : اول شي بدي مبلغ اكبر
بيسان : انا من الاول قلتلك اطلب المبلغ يلي بدك ياه رح ضاعفلك اضعاف اضعافه… . وشو تاني شي
بيطلع عماد بقيس وبيبلع ريقه لانه هالجمله يلي رح يحكيها مو من ضمن خطتهم
عماد : بدي تكون قمر الي
بينتفض قيس من مكانه وثائر بيقوم ليهجم على عماد بس طارق بيأشرلهم ب ايدو ليقعدو مكانهم
بيسان : ههههههههه شو حكيت عيد بالله ماسمعت
عماد : هاد شرطي بيسان بدك اقتل قيس بتكون قمر الي
بيسان : معناته مصلحتنا بقتل قيس مشتركه
عماد : يعني اعتبر كلامك موافقه
بيسان : اي طبعا وقمر رح جيبها راكعه تحت اجريك بس وينك بدي شوف قيس وهو غرقان بدمه
عماد : لكان رح اعطيكي مكان مابدي اسحبه ونفذ العمليه بس انتي راقبي من بعيد تمام
بيسان : تمام ابعتلي العنوان والموعد بمسج
Telegram@rwayate
عماد : اوك… سلام
قيس : انت جنييييييت لك عماد لشو اتجيب سيرة قمر
ثائر : مزبوط حكيو ..قمر مو من ضمن الخطه ابدا
طارق : بالعكس تصرفه سليم
قيس : بالله وكيف بقى
عماد : انا رح فهمك سيد قيس… وقت قلت لبيسان اني بدي مبلغ اكبر يمكن سمعتها حكت انا من الاول حكيتلك المبلغ يلي بتطلبه الك اضعاف اضعافه
قيس : اي امبلى سمعت
عماد : لهيك ولحتى ماتشك انه في شي حكيت انه بدي قمر وبهيك بتكون حجتي اقوى واكبر بالنسبه لبيسان اني اقتلك
ثائر : والله وطلعت فهلوي ولا
عماد : تربيتك معلم
قيس بضيق : ياريت لو فيني شيل هالحقد من قلبها
بيحط طارق ايدو عكتف قيس وبيحاول يهديه : انت عملت يلي عليك قيس بس هيه يلي رافضه تساعد حالها وحابسه نفسها بقوقعة الحقد والكراهيه
ثائر : 😔💔
┬──┬┬──┬┬──┬
Telegram@rwayate
الساعه تنتين الضهر بيفوت الشباب عالبيت وبصحبتهم قيس
ينال : طمنوني شو صار معكم
ثائر بهمس : اطمن كله تمام والمسا التنفيذ
ينال : اها
وسيم : اهلين صهري حماتك بتحبك
قيس : اهلين وسيم .. صحه وهنا انا مو جوعان
طارق : شو هالحكي بدك تتغدا معنا
ثائر : مابيكفي رحنا عالمطعم وما اكلنا شي
قيس وهو بيحاول يخفي حزنه : هههه حقك علي والله نسيت
وديع : شو صار بالغدا قمر
Telegram@rwayate
بتطلع قمر من المطبخ وهيه لابسه مريول المطبخ ورافعه كمامها لفوق زندها ورابطها شعرها دنبة فرس وشكلها مبهدل
وسيم : وهيييي عمووو العووو اجى
قيس : ولي مين هي
ثائر : هههههه
وديع : ماهذا ههههههه
بتطلع قمر بقيس ياللي كان واقف قبالها وعم يضحك عمنظرها لتحط ايدها عتمها وتحاول تهرب من المكان بس ابوها بيسحبها وبيطلب منها تقعد وهي بنفس الحاله
قمر : بس يابا
ابو ينال : اسمعي الكلمه بنتي
قمر بضيق : حاضر ☹️
قيس : لك يسلملي الحلو يلي طالع بيجنن حتى وهو مبهدل
قمر بدون ماتطلع فيه : حاج قيس
قيس : ههههه شبك والله طالعه حلوه احكيلك كلمه مرت عمي
ام ينال : اصلا بنتي حلوه بكل حالاتها ولازم تشوفها هيك قبل الزواج لحتى ماتقول غشيناك ههههه
وسيم : لا واضح مافي غش بالموضوع 😂
بتنتر حالها لتقوم لغرفتها بس ابوها بيطلع فيها لتقعد… ..
قمر : ياباباااا
Telegram@rwayate
ابو ينال : قبل الغدا بدي خبركم قصة الشب يلي فكر حاله واقع بغرام بنت ومفكر المضهر اهم شي
وبينسى انه الزواج عشره وتعويد وحب والفه
بينتبه الكل لكلام ابو ينال وبيعم الصمت ليكفي كلامه
ابو ينال : هاد في بيوم واحد حب وحده وحس انه خلص وقع بحبها وراح يخبر ابوه وقله
يبدو إني وقعت بالحب يا أبي !!

لم تقع بعد يا بُني ، مازلت بالبداية !

┬──┬┬──┬┬──┬
قيس : خير ثائر
ثائر : بيسان قوصت زينب
قيس : شوووووو وليش
عماد : قمر صرلا شي
ثائر : هيه اصلا كانت رح تقوص قمر بس زينب رمت حالها قدام الرصاصه
بيضرب قيس الحيط ب ايدو وهو معصب
لك هييييي جنت عالخالص والله انا ماربيتها هيك
ثائر : اهدى قيس
عماد : خلونا نروح لعندهم
ثائر : انت فيك حيل تروح وتجي
عماد : لك شبك ازا الدكتور حكا انه جرح براني
ثائر : لا عماد انت بتروح لبيتك وبترتاح
قيس : خلص روح انت ثائر وانا بوصل عماد عالبيت
عماد : بس توصل طمني على قمر
ثائر : طيب ماشي يلا بخاطركم
راح ثائر وترك قيس وعماد وحدهم
قيس : كأنك مهتم فيها زياده عن اللزوم
عماد : لمين ؟
رمقه قيس بنظرة شك وركز بعيونو… . لقــمـــــر
عماد : انا ..؟؟
┬──┬┬──┬
Telegram@rwayate
تسكر عليها باب السجن وبقيت وحدها عم تاكل اضافيرها وترجف وعيونها تتلفت هون وهون وماعم تشوف الا الظلام قدامها
بيسان : لا… .لا مارح استسلم مارح تقدرو تمنعوني اخد بتار امي لك انا بيساااان انا بيسان خانووووم افتحولي يا كلاب طالعوني من هوووون
نزل لعندها واحد من الضباط الكبار وهو خايف ومرعوب
الضابط : هسسسس بيسان خانوم اهدي شوي
بيسان : طالعني من هون ياكلب ياحقيررر طالعني من هوووون
العسكري : لك حاج تصرخي هلأ بشتلقوا علينا
بيسان : مين انت
الضابط : انا من طرف ****
بيسان : شو دليلك
الضابط : خدي هي الورقه وهاي القنينه ورح تفهمي كل شي .. انا رايح هلأ وراجعلك بعد ماتكوني جاهزة
بيسان : جاهزه لشو
الضابط : اقرأي يلي بالورقه بتفهمي يلا لازم روح
بيسان : وين رايح لك تعا لهون
تركها بوسط حيرتها وبس اختفى عن نظرها تلفتت عالورقه والقنينه يلي ب ايدها وبلشت تقرأ فيها
(( شفتي غبائك لوين وصلنا قلتلك اقتلي قمر بتروحي تقوصي رفيقتها .. عموما مهمتك لسه مانتهت رح تعملي متل مارح قلك وتهربي من السجن لتكملي يلي بلشتي فيه وبعدها رح تجي عالمكان يلي بتعرفيه لحتى نسافر فورا… ..))
كانت عم تقرأ بالخطه يلي كتبلا ياها وعيونها عم يلمعوا ورسمت على وجهها ابتسامة خبث
Telegram@rwayate
┬──┬┬──┬┬──┬┬──┬
اخيرا بيطلع وديع من غرفة العمليات وهو مبتسم وبيتوجه لعند ام زينب يلي اول مابتشوفوا بتنتفض لتقوم لعندو
وديع : خليكي مرتاحه خاله الحمدلله على سلامتها
ام زينب (بتبكي) : كيفا زينب امانه ماتخبي عليي
بيجتمع الكل حوالين وديع ماعدا طارق يلي بيحس انها حركته نشلت وماعاد فيه يتحرك من مكانه
وديع : اطمني خاله زينب منيحه ومن فضل الله الرصاصه ما اجت بالكبد
ام زينب : يعمررري ي امي دخيل عينك بدي شوفا
ام ينال وهي عم تحاول تهدي ام زينب : اهدي حبيبتي هلأ بيطالعوها وبنطمن كلنا عليها
ام زينب : ناطف قلبي عليها بدي شوفااا
وديع : تكرمي خاله هلأ بس تصحى من البنج بدخلك لعندها
قمر بفرح : يعني زينب رح تعيش
وديع : اي اختي الله يحميكي ويحميها
سحب ثائر وديع ع جهه ولحقه وسيم وينال
ثائر : البنت منيحه ماهيك
وديع : لك والله منيحه ارادتها قويه وهالشي ساعدها لتتجاوز مرحلة الخطر
ثائر وهو بيطلع بينال : اي حمدلله عسلامتها اخي خفت تترمل قبل ماتخطب
ينال : امممممم تعوا معي بدي خبركم شي
ثائر : خير شو في
ينال : كل خير… وسيم انده لامي وابي وجيبهم عالكفتيريا
وسيم : وطارق وقمر
وديع : هدول خليهم هون واسمع كلام اخوك يالله
وسيم : ب امرك اخي
……………………
🌾يقف بعيدا يرسم على وجهه ابتسامه ممزوجه بالدمع والفرح اهي فرحة الخلاص من الذنب ام ان للقلب دورا في ذلك 🌾
……… ..
طارق بقلبه… . الحمد لله يارب الحمد لله
……………… ..
اااااااااااااخ الحقووووووني كرمال الله رح موووووووت اااااااااخ
العسكري : شو فيكي وليه هلأ كنتي منيحه
بيسان : دخيلكن رح موووووووووت بطني عم يتقطع من الوجع
بيحك العسكري راسه بحيره وبيروح ينادي لفتحي يلي كان ناطر بيسان تشرب العشبه يلي عطاها ياها
العسكري :سيد فتحي تعال معي هي السجينه مابعرف شو صرلا
بيبتسم فتحي بخبث وبعدا بيرسم على وجهو علامات الاستغراب
فتحي : خير شو في
العسكري : تفضل معي لتشوف بعينك سيدي
بينزل العسكري وفتحي لعند بيسان وبيشوفوها عم تمرغ بارضها وتتلوى من الوجع
فتحي : فتاح عالباب
العسكري : امرك سيدي
بيفوت فتحي لعندها وبيحاول يتصنع صدمته وقت لقي بحد بيسان قنينه مكتوب عليها ( سم ) بس بالحقيقه هي بتكون مجرد عشبه عاديه
فتحي : العمااااا هي بتحاول تنتحر اطلب الاسعاف بسرعه
العسكري : شو رأيك دق للسيد طارق اول
فتحي : نفذ يابني ادم مافي معنا وقت لننطر طارق
بيطلبولها الاسعاف وبيطلع معها فتحي وبيسان عم تراقب بطرف عينها وبتتصنع الالم… . ااااااااه دخيلكن رح مووووووت 😫
┬──┬┬──┬┬──┬
ام ينال : يوه يعني زينب بتحبو لطارق
ينال : ايه امي
ام. ينال : وليي على امتي عليك يا ابني
ينال : شبك امي يلي بسمعك بيحكي مابنام الليل وانا اهوجس ب اسمها… . والله شلت الموضوع كله من راسي
ابو ينال : كل شي نصيب ابني ومتل ماقلتلك يمكن هالبنت مو من ضلعك

ماسك ايدها بكل حب وعم يساعدها لتنزل من السياره
طارق : عمهلك زينب
زينب بخجل : حاضر
ام زينب : شو هالحظ المصعد عطلان رح تطري تطلعي الدرج بنتي ..
زينب : 😰
ام زينب : شو بنتي قادره تطلعي عالدرج ولا انده عالجاره تساعدنا
قرب منها طارق بدون مايحكي حرف وحملها بين ايديه بكل هدوء ومشى قدام امها وهو عم يحكي : لايروح تفكيرك لبعيد مرت عمي هي مو حركات خطاب اعتبريه عمل انساني يعني مووحلوه تطلبي مساعدة جارتك وانا موجود واطلع بزينب وغمزها
ام زينب : الله يحميكم ياولادي
زينب وخدودها احمرو من الخجل : حاج طارق نزلني فيني امشي
طارق بجديه : اول شي لازم تعرفيه عني مابحب حدا يناقشني بقرارتي
زينب : انا حدا 😩
طارق وهو بيطلع بعيونها : انتي كل شي بحياتي وهلأ هسسس لحتى طالعك لغرفتك
طوقته ب ايديها من رقبته وسندت راسها عكتفه وهي بقمة سعادتها :
زينب بقلبها : يارب ازا كان هالشي حلم مابدي فيق منه… . ااه شو بحبك طارق بحبك بحبك
Telegram@rwayate
┬──┬┬──┬┬──┬

وديع : مسا الخير شو لسه ما رجعت قمر
ثائر : ليش ما اجت مع قيس عالمشفى
وديع : لا
ام ينال : يوه لكان وين راحو ليكون صرلن شي 😱
ابو ينال : الله لايقدر اكيد راحو عشي مكان وسرقهم الوقت
ثائر بعدم رضا : كان المفروض يخبرونا مو يتركونا هيك نضرب اخماس ب اسداس
ينال : قمر مالها بالعاده تروح عمكان من دون ماتخبرنا
وديع : مادقيتلا وسيم
وسيم : اه ايه امبلا وحكتلي قمر انهم راحو عالمطعم ليتغدو
ثائر : رح دقلا فورا
وسيم : اخي لاتكبر الموضوع هلأ بتجي
… .
مين هي يلي هلأ بتجي
التفت وسيم لجهة الصوت ليشوف طارق واقف قدامه بيبلع ريقه ومابيعرف شو يحكي
قرب منه طارق وهو عم يتفحصه
سألتك مين هي يلي هلأ بتجي ؟؟
وسيم بتلعثم : قـ قمر طلعت مع قيس ولسه ما رجعت دقيتلا حكت انهم بالمطعم
طارق : بالمطعم قلتلي
وسيم :ايه لكان وين بدن يكونو
مسك طارق موبايله واتصل لقمر كان موبايلها مسكر
كز ع اسنانه وسلط نظرو على وسيم : موبايلها مسكر
وسيم : هاه يمكن طفى شحن بعد ماحكيت معها 😰
رجع اتصل لقيس بس مارد عليه… بلش يغلي ويروح ويجي بالصاله
طارق : امي اي ساعه قمر طلعت
ام ينال : الساعه عشره
اطلع عالساعه كانت تنتين ونص
ثائر : قيس ليش مابيرد
ينال : انا بلشت اقلق
ام ينال بطبطب ع صدرها بخوف يارب سلم يارب
وسيم : شبكم ياجماعه البنت طالعه مع خطيبها ومكتوب كتابهم حاجتكم ضغط عليها وخنقه
ثائر بعصبيه : نسيان انه بيسان هربت وفي خطر على حياة اختك
وسيم :…… ..
بيرجع طارق بيسلط عيونو بوسيم وبيشتغل دور المحقق
طارق : اي ساعه حكيت مع قمر
وسيم : مممم تقريبا من ساعتين
طارق : عطيني موبايلك
وسيم : لشو 😥
طارق : هات هالزفت وماتكتر حكي
بيسحب الموبايل من ايد وسيم وبيطلع عسجل المكالمات اخر مكالمه صادره عالساعه تسعه كانت لبنت اسمها هدى
طارق : مين هدى
وسيم : رفيقتي بالجامعه دقيتلا لتجبلي دفتر المحاضرات
طارق : وقمر اليوم مو حاكي معها ابدا… شو تعليقك

وسيم : بصراحه ايه ماحكيت يعني قلت خطي من يوم ماخطبو وهنه بالمشاكل شو يعني ينبسطوا مع بعض شوي
ثائر : الله لا يعطيك العافيه فوق تعبك😠
طارق : انت وعيان عحالك شو عملت ياغبيييي 😡
ينال : خايف يكون صاير معهم شي طارق لازم نتصرف فورا يمكن قمر بخطر ونحنا عالقين ببعض هون
وديع : شبك ابي 😳
بيكون ابو ينال قاعد عالكرسي وحاطط ايدو ع صدور وعم يلهت
ام ينال : ولي على امتي شو صرلك جواد
ابو ينال : قـ قمر جيبولي بنتي قمر
بيحملوه لغرفته بسرعة وبيعطيه وديع ابرة منوم لحتى ينام ويحاولو هنه بدورهم يلاقوا قمر
ثائر : كيفو ابي
وديع : نام بعد ماعطيتو الابره .. وهلأ شو رح نعمل
ينال : اتربطوا ايدي واجريي وماعم احسن فكر
رجع طارق اتصل لقيس مره تانيه واستنى الرد

┬──┬┬──┬┬──┬┬──┬┬──┬

طلع من غرفته عم يرتكز عالحيط وبيدور بعيونه على قمـر
وسيـم : انت فقت ابي تعال ارتاح وبيركض لعندو ليسندو
ابو ينـال : رجعت كف القمــر
وسيـم : لا ابي 😔
ابو ينــال : وشو ناطر منك الو
ثائـر : طول بالك ليجي طارق
عمــاد : نحنا مشطنا المنطقه يلي حوالين بيته والمطعم الجبلي بس ما الهم اثر
ابو ينـال : يعني بنتي انخطفت
وسيــم : قيــس خطفها ابي
ابو ينــال : قيــس !!!!!
بيرجع طارق وبيلتم الكل حواليه ليعرفوا شو صار معه
وديع : ايه اخي شو صار عرفت موقعهم
طارق : لا التتبع لرقم قيـس في حدا لاعب فيه من عنا
ثائـر : كيف هيك ؟
عمــاد : في بينتاكم خاين
طـارق : صح عمـاد ولازم اعرفه
ام ينـال (بتبكي) من هون لتعرفه بتكون اختك راحت منا 😭
طـارق : وكلي الله امي
ابو ينـال : انا رايح مشوار وراجع
ام ينـال : لوين رايح جواد
بيتركها وبيفوت يلبس وبيطلع من البيت بدون اي كلمه
ثائـر : ماكان لازم سمحناله يطلع
ينـال : ابوك مو صغير لنمنعه اخي
ثائـر : بعرف مو صغير بس خايف يتعب انا بدي الحقه
ينـال : خليك اخي ابوك بيعرف يدير باله عحاله
عمـاد : وهلأ شو رح نعمل شباب
طـارق : انا راجع عالقسم وانتو استنوا مني اشاره
┬──┬┬──┬

مسكها من ايدها وقعدها عطاولة السفره وقرب منها الاكل لتاكل وفتل حالو وراح بدون مايطلع فيها
كانت عم تراقبه بعيونها وبتبكي بصمت وهي شايفه حبيبها تحول لوحش خايفه منه بعد ماكان الها الامان… بتغمض بقهر وبتاخد نفس عميق وبتقرر بينها وبين نفسها تاخد بتارها منه ومن بيسان وتلعب فيهم متل مالعبوا فيها
قمــر : مابدك تاكل معي
اطلع فيها قيس ب استغراب… وما رد عليها بقي قاعد مكانه عم يدخن ويشرب قهوه ويراقب من الشباك
… ..
نازله عالدرج وهي ماسكه سيجارتها وعم تنفخ فيها
..
شو ست الحسن والجمال بتمنى تكون الاقامه عنا عجبتك والخدمات خمس نجوم يا سندريلا
بطرف عينها بترمقها نظره حاده وبترجع تاكل ولا كأنها سمعت شي
…
بيسـان : شبها هي خالو كأنو هديت واستسلمت
قيـس : يلي بتربى على ايدين جواد مابيعرف الاستسلام
بيسـان وهلأ شو قررت رح نسافر وناخدها معنا ونحرق قلب جواد ولا نقتلها هون
بقي يدخن بسيجارته وهو شارد بفكره لبعيد
اما قمر استغلت فرصة انهم لاهيين مع بعض ومسكت سكين فواكه كانت عالطاوله وخبتها بتيابها ورجعت كفت اكلها لحتى مايحسوا عليها
بهاللحظه بيرن موبايل قيـس .. بيطلع عالرقم يلي عم يتصل فيه بيكون رقم غريب بينزل حواجبه ب استغراب : مين هاد ؟؟
قيـس : الو
مجهول : اهلييين محمود كيفك يارجال اشتقنالك
قيـس : مين محمود الضاهر مخربط اخي
مجهول : لك شوو مخربط مو انت محمود ابن ام محمود لك شلونك وشلون الوالده ليش ماعم تجوا لعنا عالضيعه
قيـس بعصبيه : يا بني ادم قلتلك النمره غلط شو مابتفهم… وبيسكر الخط
بيسـان : مين هاد
قيـس : واحد مخربط بس سئيل
بيسـان : بس مايكون من طرف طـارق
قيـس : عم قلك مخربط
بيسـان : ماتأمن خالو
بيحك دقنو وهو بيطلع لبيسان .. معك حق رح اتصل بفتحي يرجع يتأكد انه الشرطه ماعم تتبع رقمي
بيسـان : خود هي الشريحه وكسر يلي معك
قيـس : وكيف اتصل ب اهل قمـر يافهيمه…
بيسـان : عادي خالو انسخ الارقام هون
قيـس : طيب ماشي بس خليني اتصل بفتحـي بالاول
بيسـان : ماشي… لكان اتصل بفتحـي وانا رح ارجع اربط هالكلبه مكانها
قيـس : الو فتحي
فتحـي : اهلين قيس بيك في شي
قيـس : انت متأكد انك ازلت التتبع من على رقمي
فتحـي : طبعا يابيك وازا بتحب هلأ بروح بتأكد
قيـس : بيكون افضل
فتحـي : اعتبره صار يابيك

┬──┬┬──┬

طـارق : شو ايهاب مشي الحال
ايهـاب : طبعا سيد طـارق وهلأ الجاسوس رح يجي لحتى يطمن انه ماحدا رجع تتبع مكالمات قيس ويتأكد انه مو مراقب
طارق : ينصر دينك لكان كل واحد على موقعه
ايهاب : امرك سيدي
………
زينب : امي طارق ما اتصل ؟؟
ام زينب : لا والله بنتي
زينب : غريبه وموبايل قمر مغلق
ام زينب : الغايب عزرو معه بنتي
زينب : حاسه انه صاير معهم شي امي قلبي مو مرتاح ابدا
ام زينب : اتصلي بطارق واطمني
زينب : هيك قولتك
ام زينب : لاتجننيني زينب اعملي يلي بريحك
مسكت موبايلها واتصلت بطارق بس مارد عليها رجعت اتصلت مره واتنين وتلات كمان مافي رد
زينب : لااااا اكيد في شي !!!!

┬──┬┬──┬

دخل لغرفة المراقبه بكل حرص وبس اتأكد انه مافي حدا موجود اتوجه للكمبيوتر بسرعه وبحركه سريعه شيك ع رقم قيس لقاه مراقب
فتحى : العماااااا كيف هيك

طارق : الو ثائر تعال انت والشباب على مطعم الجبل فورا
ثائر : لقيت قمـر
طـارق : تقريبا قربت اوصلا
ثائـر : يعني قمـر بالمطعم هلأ ؟؟
طـارق : لا هيه ببيت نواحي المطعم
ثائـر : تمام اخي رح نجي فورا
طارق : لاتترك امي وحدها ابعتها لعند زينـب
ثائـر : ماشي
┬──┬┬──┬
قاعد عالكنبه ورافع راسه للسقف عم يفكر فيها كيف التقوا اول مره وكيف قدر يكسب ثقتها ويخليها تحبه… استرجع بمخيلته كل اللحظات الحلوه والبشعه يلي عاشوها سوا… ميل راسه و استرق عليها نظره بطرف عينه كانت قاعده وضامه اجريها لصدرها وشارده بخيالها بعيد
تمنى لو كل هالشي ما صار ولا كان ولو انه تعرف عليها بغير ظروف ياريت تعرفي قديه حبيتك 💔
هز راسه بسرعه ليصحى عحاله. اصحى ياقيس لاتخلي عاطفتك تنسيك انه ابوها هوي السبب بدمار عيلتك ايه انت ياجواد السبب انت السبب بكل شي ورح تدفع الثمن
اطلع فيها نظره اخيره وبعينه دمعه حايره : بعرف مالك ذنب بس يمكن ذنبك الوحيد انك بنت جواد
بيطلعه من افكاره دقة الباب
بترفع قمر راسها بخوف وبتنزل بيسان وبتوقف بنص الدرج اما قيس بيحمل مسدسه وبيتوجه ناح الباب وبيفتح

( ويـــــن قـــــمــــر يـا قـيــــس )

قيـس : جواد !!!!
وديـع : هاد هوي المكان اخي
ثائـر : ايه هاد هوي
وسيـم : وينو طارق لكان
ينـال : لحظه لاتصل فيه
عمـاد : استنى ينـال ليكو طـارق وصل
…… ..
بينزل من السياره وبيتوجه لعند اخوانه وعمـاد
ثائـر : شو اخي قدرت تحدد موقعهم
طـارق : ايه .. بس خلونا نطلع بسيارتين لحتى مانلفت النظر وخلو معكوا هاد السلاح مابتعرفوا شو ممكن يصير
ينـال : تمام اخي
وسيـم : مارح تطلب دعم
وديع : شو مو مالين عينك ولا
وسيـم : مو بقصدي والله
طـارق : تحركوا يالله وخلونا على اتصال مع بعض من خلال اللاسلكي
بيطلع وسيـم مع وديع وينال
وطـارق مع ثائر وعمـاد وبيتحركوا ب اتجاه بيت الجبل

┬──┬┬──┬
قمـــر : بااااااباااااا خدني من هوووون
بيسـان : اخررررسي ولي
ابو ينـال : لاتخافي بابا انا هون
قيـس : حلو والله بعدك متزكر هالبيت
ابو ينـال : توقعت تكونو هون بالاخص هاد بيت جمانه والمكان الامثل لتنفيذ الانتقام
قيـس : والله ووفرت عليي تعب كبير بجيتك لهون ب اجريك ياجواد
ابو ينـال : انا عندك ساوي فيي يلي بدك ياه بس اتروك بنتي هيه مالها زنب ب اي شي
قيـس : لأ لأ لأ هيك بتزعلني منك كيف مالا زنب بشي… نسيان انها بنتك
ابو ينـال : شو بدك قيس
قيـس : شو بدي ..لك دمرتني ودمرت عيلتني وعم تسألني شو بدي… اختي انتحرت بسببك وامي ماتت حسره عليها ورجع الدور لف على اخي قاسم يلي ماتحمل وصمة العار يلي لزقت فينا وانتحر ليموت بعدو ابي مكسور كل هالشي بسببك انت انت السبب لو ماطلقت جمانه ماكان صار كل هاد
ابو ينـال : انا مادمرت حدا اختك يلي دمرت حالها وبعتقد سمعتها ب ادنيك وقت سمعت التسحيل لامك
قيـس : لك انت مفكرني غبي لصدق هيك تسجيل شو بيثبت انها جمانه اه شو بيثبت شو دليلك
ابو ينـال : ماعندي دليل بس لو كنت بدي الازيه كنت زتيت بنت اختك بشي ملجئ
قيـس : بنت اختي الي هلأ ولا بعدين بس انت وقتك خلص وصار لازم تتحاسب
قمــر : ارجوووووك قيــــس لاتقتلوووو اقتلني انا كرمال الله اتروك ابي 😭😭
بيسلط قيــس مسدسه على راس جواد وبيحمرو عيونه
بيســان : اقتلووووو خالووو اقتلوووو
بتركض قمر لعند قيس وبتنزل عند اجريه… ابوس اجريك لاتقتلو الله يخليك لا تقتلووو قييييسسسسس
بتجي بيسان لعند قمر وبتبلش تسحبها من شعرها لتبعدها عن قيس وقمر تصرخ لااااااااا كرمال الله لاتقتلوووووو قييسسسس لاتقتلووووو
ابو ينــال : اقتلني شو ناطر
قيس :…… .
ابو ينــال : عطيتك بنتي وامنتك عليها وهيه هلأ مرتك… لاتخون الامانه
بترجف ايد قيس وبتنزل دموعوا على عرض وجهوا وبيصرخ بجواد
لك وابي عطاااااك اختي الوحيده وكانت مرتك ليش ماصنت الامانه ليششششش ليش ماغفرتلها ليش ما كنت الها الزوج الحنون ووقفت معها ليش زتيتها بالشوارع لك فهمنييييييييييي
ابو ينــال : لو الارواح بترجع كانت جمانه حكتلك اني ياما حاولت اصلحها وانصحها بس ماكانت ترد عليي شو بدك مني ساوي يعني اه قلي شو لك انا طلقتها اي بس مافضحتها انتو اخوانها يلي فضحتوها وهدرتو دمها ورغم هيك ماتخليت عنها ورجعت كتبت كتابي عليها وانا عارف انها حامل بالحرام بس لحتى ماتئزوها
قيـس :………… .😨
ابو ينـال : ازا بدك تحاسب حدا حاسب نفسك واهلك اول وازا راحتك انت وبنت اختك بموتي فليكني قدامك صدري مفتوح الك قوصني وارتاح
قمر : لااااااا ياباااابااااا لاااااا 😫

┬──┬┬──┬

ثائـر : وديع سامعني
وديع : معك اخي
ثائـر : حدد موقعك
وديع : نحنا حاليا ورى البيت عم ندور ع شي مدخل خلفي
ثائر : لقيتو شي
وديع : لسه اخي
ثائر : طيب انتبهو منيح
وديع : حاضر
………