يزن(بأسف) : طيب كيف رح تكملي حياتك شششو مشان مستقبلك
رهف :مستقبلي عند علام الغيوب اي الله اللي بيعرف مستقبلي و قدري مو انا يلي رح ارسمو
يزن (بحزن) : بفهم من حكيك انو خلص انا وياكي خلص
رهف(بضحكة ساخرة) :اي و من زمان كمان يلا باي
و برمت و تركتو بعدين مشيت خطوتين و رجعت برمت ناحو و حكت
رهف: اي قبل ما انسى بدي انصحك نصيحة بعلاقاتك بالناس به الدني حاول تفكر بالكلام يلي بدك تقولو بدل المرة عشرة لانو في كلام ما بينتسى وبيكون وقعو عل القلب كتير كبير و بجوز يكسرو نصين و بلحظة تضيع علاقة حلوة بكلمة صغيرة و للأبد
يزن:........
و رجعت فتلت حالا و كملت مشي تاركتو عم يتحسر بقلبو ع خسران ه الملاك البريئ الطاهر
//*--*// (( كانت تمشي بخطواتها المتثاقلة و في قرارة نفسها لا تدري ان كان طرد ذاك المحب النادم من قلبها بسبب يأسها منه أو أن السبب هو افساح المجال لشخص انبل و اجدر منه باستلام مفاتيح قلبها كيف لا وهو الذي وجد تلك المفاتيح بعد أن رمتهم في بحر واسع من اليأس .....فهنيئا له ذاك القلب الأبيض و صاحبته الطاهرة))//*--*
بعد حوالي ربع ساعة وصل الكل ع الشط و سلمو سما للشرطة بس ه المره بدل ما يروحو فيها ع الحبس ودوها ع المصح .. !
رجعو ع اليخت بس ه المره ما بعدو كتير عن الشط الاحتياط واجب هه
كانت اسيل ه المرة بدون مكياج و شعرا المبلول بعدو عم يقطر قطرات خفيفة حطت منشفة ع كتافا و رجع قعد الكل مع بعضون و بعد حوالي خمس دقايق فاتت نجيبة و ليلى ماسكين قالب كاتو كبير بالشكولا على شكل قلب مكتوب عليه -- رواد& أسيل –
اسيل: اعملووو حسابكون انا من هلق بدي قلكن انو رح اكل القطعة يليل مكتوب عليها ام رواد هه
رواد: ههه و انا القطعة يلي مكتوب ها اسيل
نجيبة: اي يكرمو العرسان ههه بس استنو شوي ليش هيك فجعاعنين لبسو المحابس بعدا كلو
الكل :هههههه
عطت سارة العلبة يلي محطوط فيها المحبس لأسيل و عطت رهف العلبة التانية لرواد و هيك فتحوا العلبتين و لبسو لبعض المحابس بلحظة بتجنن كانت قلوبن عم تخفق بسرعة كبيرة و عيونن معلقين بعيون بعض و اصابعن بتلامس بعضا
اسيل (بهمس و عيون دامعة من الفرحة) : بححبببك
رواد (بهمس لأسيل) : و انا كمان اسيل بموت فيكي الحمدلله يا رب يلي بعتلي ه الفرحة بعد تعب كبير
وئام (و هييي ماسكة الكاميرا ) : يلا ابتسمو يا عرسان يلا تشيييز
ابتسم رواد و اسيل و صورتن وئام
شرف: ششو كيف طلعت الصورة
وئام (بضحكة واسعةة) : لك بتجنننن سجل يا تاريخ خطبة و العرسان شعرن مبلول و حاطين مناشف ههههههههههههه
الكل: ههههههه
كانت سارة عم تطلع فيهن بعيون دامعة و ابتسامة حزينة و هيي عم تحكي بقلبا الله يهنيهن يا رب بيستاهلو كل خير يلا هاد هوي نصيبي من ه الدني .
**** بقيو اسيل و رواد خاطبين حوالي سنة لانو رواد كان يستنى انو يجهز البيت الخاص فيه هوي و اسيل رغم محاولات امو و ابوه اقناعو بانو يعيش معن بفيلتن الكبيرة بس هوي فضل يستقل بحالو طبعا به السنة يلي مرقت صار فيه كتير احداث مهمة و هيي زواج وئام و شرف و خطبة نبيل و رهف بعد ما ادرك نبيل انو فعلا حبا لرهف و بما انو هوي شخص مثقف و و اعي فما اعتبر انو الحادثة اللي اللي تعرضتلا رهف ممكن توقف بوش حبو الها بالعكس ه الشي خلا رهف تتعلق فيه اكتر لانو برغم علمو بالموضوع كلو الا انو كان سند الا و معو رجع تفتح مفهوم الحب بقلبا ****
//اسيل و رواد عم يحكو مع بعض ع التلفون//
اسيل :حبيببي لحظة بدي ساوي شغلة و برجعلك
نطت اسيل من تختا و فتحت خزانتا اطلعت بفستانا الأبيض المعلق يلي كل بنت تحلم تلبسو تبتسم و ترجع تسكر الخزانة و تحط ايدا ع قلبا و ترجع ترمي حالا ع التخت و تحكي
اي رواد معك
رواد: هههه حبيبتي انتي ملاحظة انو هي المرة الخامسة يلي بتقليلي فيها بدك تساوي شغلة و ترجعيلي دخلك شو ه الشغلة العظيمة يلي عم تلهيكي عني
حطت اسيل ايدا ع تما و حكت بنبرة خجل
اسيل: قلك بس وعدني انك ما رح تضحك عليي هههه
رواد: ههه طيب بوعدك
اسيل: كنت عم روح شوف فستان العرس
رواد: ههههه معقوول
اسيل: رواد وعدتني انك ما تضحك
رواد: هههه لك اي حبيبتي اسف مو قصدي بس و الله ضحكتيني اي شو خايفة ينسرق منك
اسيل: لك لاء بس حاسه حالي متل الطفلة اللي فرحانة بالأواعي تبع العيد
رواد :اي سدق اللي قال انو البنت بتفرح بأنا لبست فستانا الأبيض اكتر من فرحتا بالعريس ذاتو هههه
اسيل: هههه ييي شششو غليظ اي شو بدي اتجوز بالحيط انا هههه لحتى عم تحكي هيك
رواد: المهم هلق خلينا نملنا كم ساعة احسن ما بكرا نقضي يوم عرسنا نايمين
اسيل: اي و الله يلا باي يا روحي تصبح على خير
رواد: و انت بخير تبقي سلميلي عل الفستان هههه
اسيل: يييييي غليظ ههه