هنار :
مراد : قد ماكرهتيني مارح وقف عن حبك… . انتبهي لحالك وازا راحتك بفسخ الخطوبه مارح اجبرك تستمري معي
هنار :
مراد : بعمري ماحسيت حالي ضعيف متل اليوم انا بعتزر على كل كلمه حكيتلك ياها
هنار :
مراد : كل ماتشوفي صورتك يلي بتخزي اتزكريني
هنار : هههه
مراد : اي هيك هه تسلملي هالضحكه
انا صار لازم سكر… . سلام
طوط طوط طوط
هنار : استنى مراد مراد…
نزلت التلفون من ايدها وبقيت تتحسس السلسله يلي برقبتها ودموعها معبيه عيونها وابتسامه خفيفه مرسومه على ثغرها الوردي
فتحت التعليقه وصارت تتأمل الصوره وتضحك…
هنار : ليش مو قادره اكرهك مراد
*╚══════ღღ══════╝
ناول التلفون لابوه وهو مبتسم ابتسامه دافيه وعيونه فيهم لمعه
محمود : شو بشوف ضحك سنك
مراد قهقه بخفه : هههه بصراحه اي
محمود : انا بدي روح هلأ لعند خالتك مريم وخليها تجي تسقط حقها
مراد : خاله مريم !!! ليش شو خصها !!
محمود : مريم هيه يلي مقدمه فيكم بلاغ انكم بتهددوها بالقتل
مراد : شووو
ياسين : هه والله توقعت
محمود : اتوكلوا ع الله انا مارح اتركم لحتى تنتهي هالمشكله على خير
ياسين : منتهيه عمي وحياتك منتهيه وازا الي خاطر عندك ماتروح لعند مريم
محمود : ليش
ياسين : لانها رح تجي من حالها وتسقط حقها… صدقني
محمود : بس يا ابني
ياسين : ارجوك عمي اعمل متل ماعم قلك ولاتزل نفسك لهي الانسانه وماتخبر خاله عبير بشي مشان صحتها… اخترعلا اي كزبه بيضا
محمود الله يجيب اللي فيه الخير انتبهوا عحالكم يابي
رجعوا عالزنزانه وكان مراد مختلف 180 درجه…
قعد عالارض وطلع الدبله من جيبته وصار يتأملها
ياسين : ليش ماخبرتا انك بالحبس
مراد : ماحبيت اشغلا بالا
ياسين : بتحبا ولا
مراد : ماخصك
ياسين : اي و •اللّـہ̣̥ بتحبا باين بعيونك
مراد : وانت
ياسين : انا شو
مراد : ايمت رح تزوق ع دمك وتطلب يمنى ولا بدك تقضيلي ياها تسبيل وسهوكه
ياسين : و •اللّـہ̣̥ احب ماعقلبي ارتبط فيها اليوم قبل بكرا بس كنت ناطر تخلص شقتي الجديده وبعدا اطلبها فورا
مراد : شقتك الجديده يامعفن…
ياسين : ههههه اي لكن
مراد : طيب خراس شوي بدي اعرف فكر بطريقه اراضي هالمجنونه
ياسين : ولا اسهل منها اعمل حفله صغيره وبعدا احدفها بصحن الجاتوه وما الك عليي يمين رح تلاقيها رضيت 😁
مراد : بتعرف انك تافه
ياسين : احم اكيد 😌 بس فكر بموضوع الحفله كونو سهرتنا صباحي هون ومافي غيرنا
لا لا انا هون وشسموا فكرة الحفله كتير حلوه ياريت تنعاد
مراد : مين فيي هون
قرب منهم وهو عم يأشر عحاله… هاد انا شسمي عطا ماعرفتني
مراد وهو بيرفع كم قميصه : يخرب بيتك هو انت ورايي ورايي اي تعااااا لهووووون 👊
*╚══════ღღ══════╝
كانت هنار محتاره وبتفكر بالشي اللي صار ببيت مراد .. حست بالاختناق وقامت وطلعت عالبلكون
هنار : ياترى اي وجه هو وجهك الحقيقي يامراد .. اوقات بحسك حنون ولا اطيب من قلبك واوقات بتكون مجنون وبتتصرف تصرفات مو طبيعيه
مرت نسمه بارده عليها وحست بالبرد وفجأه حست ب حدا حط عليها شال… تلفتت وراها لتشوف ابوها واقف وهو راسم ابتسامه دافيه على وجهه
هنار : حضرتك لسه فايق بابا
حسين : وكيف بدو يجيني نوم وبنتي حبيبتي زعلانه
نزلت عيونها بالارض وترقرقت الدموع جواتهم
حسين : انا مابدي اعرف شو يلي مزعلك بس بدي تعرفي شي واحد بابا…
هنار :
حسين : الحب الحقيقي بيجي مره وحده بالعمر واي حب بيجي بعدو مجرد تجارب فاشله بنحاول من خلالها ننسى حبنا الاول
هنار : بس انا مابحبو انا
قطاعها بعجل… . اعطي نفسك واعطي قلبك فرصه بابا وصدقيني انا معك ب اي قرار بتتخذيه… انا ماعندي غيرك انتي واختك وبيهمني شوفكم مبسوطين
غمرت راسها بحضن ابوها وبلشت تسترجع احداث اليوم