قناة

📚قصص||روايات||منوعة📚

📚قصص||روايات||منوعة📚
23.9k
عددالاعضاء
218
Links
2,827
Files
17
Videos
767
Photo
وصف القناة
قصص و كتب pdf 💚📚 محبي القراءة في نعيم لا يدركه غيرهم... لا تشيخ أرواحهم وعقولهم ولو شاخت أجسادهم.💚 فهرس القصص👇🏻💗 @rwayattt للتواصل @Rwayate_BOT بإدارة💙✨ ⴅÂÐЄĦÂ حسابي الانستغرام💚🌿👇🏻 https://instagram.com/madeha_alyan?igshid=YmMyMTA2M2Y=
قامت بانا والكل لاحظ انزعاجها لعدم وجود صالح

ام خالد : الله يهديك ياصالح ماعرفت تجي بكير اليوم

خالد : الغايب عزرو معه بعدين انتو الحق عليكو المفروض خبرتوه ليعمل احتياطه ويرجع بكير

ام خالد : والله حبيت اعملو مفاجأه

سهيل : هدول البنات يامرت عمي بيحسبوها بالورقه والقلم اي غلطه منا اقري علينا السلام

اسيل : بالله جد يعني انا هيك

سهيل : شفتي مرت عمي ناطريتني ع كلمه

ضربته ع كتفه بخفه وهي عم تسحبه ليقوم يغسل ايديه

سهيل : يالله قايم قايم شبك

قام سهيل مع اسيل ليغسل ايديه وهو عم يطلع بعيون اسيل ودايب فيهم

سهيل : اشتقتلك يامجنونه

اسيل : لهيك بترجع من السفر ومابتخبرني

حاوطها بين ايديه وطبع بوسه على جبينها

سهيل : اسف حبيبتي والله مرت عمي طلبت مني ماخبرك

اسيل : مابدي زعلانه

باسها من انفها بخفه وهو يضحك

سهيل : بعدك زعلانه

اسيل بخجل : لا خلص بعد هيك

سهيل : بس انا لازم صالح حبيبتي ونزل ليبوسها من تمها بس كان في شي عم يشدو من بلطلونو

تلفت وراه ماشاف حد… . نزل بنظرو لتحت شاف كرم متشعلق فيه وكأنه بيقله حاجتك قلة ادب 😡

سهيل وهو عم يحمل كرم : لك هاد انت يا ازعر فعلا انت هادم اللذات

اسيل : ههههههههه خرجك

سهيل : هيك لكان

اسيل : اي هيك ويالله قدامي لنرجع لعندن هلأ بيستعوقونا

سهيل : لك اسمعي

اسيل : شو في

سهيل : صوت طفل بيبكي

اسيل : بيكون كرم ابن اخـ خـ

واتتبهت انه كرم بحضن سهيل اصلا وماعرفت شو ترد

سهيل : مين هالطفل في حدا زاير عندكم

اسيل : بعدين بفهمك تعا هلأ لنروح عندهم
──────────────────🐙⊹⊹⊹⊹⊹⊹⊹🐙
رجعوا عالصالون وسهيل عم يفكر مين هالطفل يلي جوا وليش اسيل اتوترت وقت سألها عنه وتغير لونها… اكيد في شي

سوسن : تفضل الشاي صهري

سهيل : عقبال مانشرب شرباتك

سوسن : تسلم

سهيل بخبث : سوسو حبيبتي ممكن تجيبلي معلقة سكر

اسيل : اي حاضر…

فتل حاله بسرعه ب اتجاه خالد وسئله : شو ابو الخل مبروك ما اجاك

خالد : اسيل حكتلك ؟؟

سهيل : اه ايه ايه خبرتني ولو يارجل اسيل مابتخبي عليي شي

خالد : والله ريحتني اسيل كنت محتار كيف خبرك وهي اجت لحالها هلأ بتشوفها ومتأكد رح تحبها

بانا بإستغراب : شو اللي اجاك وعلى شو مبروك انتو خلفتو ومامعي خبر

خالد : هههه هيك شي واشر لسوسن تجيب وتين

راحت سوسن ركض لتجيب وتين اما اسيل رجعت ومعها السكريه

اسيل : كم معلقه حبيبي

سهيل : وحده حبيبتي ووجه نظرو لخالد

سهيل : اي ابو كرم شو سميتو العروس

خالد : وتين

اسيل : 😰😰

سهيل : بنت مين بتكون

خالد : الله اعلم صهري هدول يلي بزتو ولادهم مابيكون بقلوبهم رحمه

بحلق عيونو على اخرهم : لقيييييييطه

خالد : شبك صهري مو على اساس اسيل خبرتك

وصلت سوسن وكانت على وشك تحط وتين بحضن سهيل

سهيل : بعديهااااا عني 😡

سوسن : شو صرلك 😲

قام سهيل وهو معصب وطلع من البيت… لحقته اسيل وبقيت تنده عليه بس مارد عليها… . ركب سيارته وراح وترك اسيل ببركان غضب

بانا : العما ليش هيك عمل يعني ازا لقيطه بتكون مو انسانه

اسيل : اييييه مو انسانه واللي متلا بيعيشو وبيموتو منبوذين من المجتمع

بانا : غلطانه اسيل

جنان : عطيني البنت سوسن 😭

حملتها جنان وفاتت لغرفتها وهي عم تبكي

اسيل : عايشه الدور مرت اخي😒

خالد : اسيل لاخر مره بقلك الزمي حدودك

اسيل : الززززم حدودي يعني مو هامك انه خطيبي طلع زعلان بسببها

بانا : خطيبك مو انسان

اسيل : شو تفضلتي بانا خانوم

سوسن : وحدو الله ياجماعه

اسيل : اي والله لاحسب الله ماخلقها عم تغلطي ع خطيبي ولييييي وبتهجم على بانا وبتبلش فيها ضرب وعض وعلى وين بيجعك فورا بيدخل خالد. وبيضرب اسيل كف بيخليها توقف مكانها مصدومه وهي حاطه ايدها عخدها

خالد : لك انتي ماعاااااد استحيتي نقبري لغرفتك وماتوريني وجهك بنوب

اسيل :…… ..

ام خالد : خلص ابني الله يرضى عليك

خالد : حاج امي حااااج انا رح اخد مرتي وولادي واطلع من هالبيت

بانا بتبكي : انت مو غلطان ياخالد لحتى تترك البيت انت انسان وقلبك كبير

بيقرب منها خالد وبيمسح دمعتها : اسف بانا ماتزعلي

بانا : ماصار شي خالد لاتشغل بالك

سوسن : هلأ بعملك كاسة ليمون تروقي دمك

بانا : لا بدي امشي

خالد : خليني وصلك

بانا : مافي داعي سيارتي معي… . يالله خاطركم

بتطلع بانا مكسورة الخاطر 💔 من تصرف اسيل وبتغرق عيونها بالدموع

(( عزيزتي وفري دمعك لحين تعلمين الحقيقه المره 💔 ))
──────────────────🐙⊹⊹⊹⊹⊹⊹⊹🐙

على وجه الفجر بيرجع صالح وهو عم يجر حاله جر وبيفوت لغرفته وبيرمي حاله عالتخت

صالح : معقول يلي صار معي يكون خطيتك يا جيهان… ااااه لو يرجع الزمن شوي لورى ماكنت رح اتخلى عنك
☆☆☆
──────────────────🐙⊹⊹⊹⊹⊹⊹⊹🐙
" يومًا ما ستفهم جيدًا أن الدنيا تدور ثم تعود وتقف عندك لتفعل بك ما فعلته بغيرك ، تذكر ذلك جيدًا يامن تؤلم غيرك وتمضي وكأنك لم تفعل شيئًا ".
──────────────────🐙⊹⊹⊹⊹⊹⊹⊹🐙
#لست_لقيطه
#الجزء_الرابع
#بقلمي امل احمد (◕‿◕✿)
──────────────────🐙⊹⊹⊹⊹⊹⊹⊹🐙
@rwayate
وصلت عالجامعه وهي معصبه وعم تخانق دبان وشها رمت شنتتها وهي عم اتمتم بكلام مو مفهوم

هبه : طب احكي صباح الخير عالقليله

اسيل بعصبيه : لا خير ولازفت بعد اليوم

هبه : اوف اوف اوف ليش كل هاد

اسيل : مصيبه مصيبه ونزلت عراسي لك هبه ولازم تساعديني لحتى لاقيلا حل…… انتي صديقتي المقربه وانا بثق فيكي

هبه : ياساتر يارب.. مصيبة شو من غير شر احكي غليتلي قلبي

اسيل : رح احكيلك كل شي…. ياستي اخي خالد جن وجاب لبيتنا لقيطه ابصر وين لاقيها ومين هنه اهلها والمصيبه سهيل مو عاجبته فكرة يتزوج وحده اخوها حاوي ببيته بنت حرام

هبه بصدمه : لقيطه… .. وليش لحتى يجيبها عندكم عالبيت

اسيل : بدو يتبناها يابعدي

هبه : ماتواخزيني على هالكلمه بس الهيئه اخوكي طقوا عقلاتو عالكامل وسهيل معه حق بكلامه وضروري تتصرفي قبل ما توقع الفاس بالراس

اسيل : ايه والله معك حق بس انا مارح اسكت ولازم لاقي شي طريقة اقلعها من البيت

هبه بخبث : الحل عندي

اسيل : ايدي بزنارك الحقيني فيه

قربت هبه من اسيل وحكتلها شو لازم تعمل واسيل عم تبتسم بمكر وتهز راسها
──────────────────🐙⊹⊹⊹⊹⊹⊹⊹🐙

في جانب مظلم من غرفته كان جالسا ينفث سيجاره وتفكيره يسافر للبعيد
اهات واوجاع وندم على مافعل…

صالح : بلمح البصر راح مني كلشي تعبي وشقاي وراس مالي تحول لرماد بغمضة عين

حط ايدو على جبينو وحنى راسو لورى وهو يلعن حاله عالشي يلي عمله بجيهان وبنته

جيهان : مبسوط هلأ ياصالح

صالح : دخيلك ياجيهان سامحيني والله انا ندمان والله

جيهان : بعدك عم تكزب

صالح : لا لا والله هالمره صادق وفعلا ندمان

جيهان : لو كنت صادق وفعلا ندمان ليش ما اعترفت لاهلك انها وتين بنتنا انا وياك

صالح : 😔

جيهان : شفت انك كزاب وبعمرك مارح تتغير… .

صالح : بوعدك اعترف فيها بس عطيني فرصه

جيهان : لسه بدك فرصه… . .لايمت صالح لايمت… لحتى اسيل تقتل بنتي يلي زنبها انه انت ابوها

صالح : اسيل تقتل بنتي ؟؟ ليش ؟؟

وينك جيهان ردي عليي شو رح تعمل اسيل فهميني

جيهان : خطية وتين برقبتك ياصالح

وبلشت تختفي والصوت عم يتردد ويتلاشى وكأنه صدى

خطية وتين برقبتك ياصالح

خطية وتين برقبتك

خطية وتين

خطية

صالح : وتيييييييييييييييييييين

خالد ; اخي اخي فيق اخي فيق

اطلع صالح بخالد يالي كان ماسكه من كتافه وعم يصيحه واول ما وضحت صورة خالد بعيون صالح اتشعلق فيه وهو بيصرخ

صالح : وين وتين وينهااااااا

خالد : وتين بالبيت مع جنان اهدى اخي شو صرلك

صالح : وتين بالبيت !! ليش وين انا وبلش يطلع حواليه ليشوف سوسن واسيل وبانا وامه محاوطينه وهو بتخته بالمشفى

ام خالد : حمدلله عسلامتك امي هيك ياعمري بدك تحرق حالك وتموت كافر ليش يا امي شو صاير معك

صالح : احرق حالي ؟؟

سوسن : لحقناك ع اخر لحظه اخي النار بغرفتك كان عم تاكل كل شي فيها

صالح : نار بغرفتي ؟؟

بانا : شو مانك متزكر شي ؟؟

غمض عيونو وهو بيحاول يتزكر شو صار معه وبعدا حكى بهمس

صالح : كنت عم دخن والهيئه غفيت ووقعت السيجاره من ايدي

اسيل : والله من يوم ما اجت هالبنت على بيتنا ماشفنا الخير

فتح عيونو على وسعهم واطلع ب اسيل وتجمعت الدموع بعيونه… انتفض من مكانه وهجم على اسيل متل المجنون ومسكها من رقبتها وبلش يخنق فيها

صالح : ليش بدك تقتليهااا شووو عملتلك

اسيل : تررركني رح اختنق

بسرعه ادخل خالد وبعد صالح عن اسيل يلي هربت من الغرفه ورجعو لتختو وهو عم يصرخ للدكتور يلي اجا فورا عالصوت

الدكتور : بعدو هيك… ياممرضه هاتي ابرة مهدي بسرعه

عطاه ابره مهدئه وبلشت اعصابه ترتخي وحجر عينه عم يدور على اسيل

صالح : اسـ سيل رح تـقتـ ل و وتــ… وغاب عن الوعي

ام خالد : وليي عليي عليك يا ابني شو يلي صرلك

سوسن : اخي مالو طبيعي ابدا
بانا : يمكن منهار بسبب حريق المخازن تبعه

سوسن : يمكن… وبقلبها ( شو عم تخبي ياصالح )

خالد : امي خدي البنات وروحو عالبيت انا رح ابقى معه

سوسن : روح انت اخي وانا ببقى انت عليك شغل

خالد : لا روحي عالبيت وساعديهم بالتنظيف مكان الحريق قبل مايطلع صالح

بانا : خلص روحو انتو انا حابه كون جنبه ممكن

خالد : مابدنا نعزبك

بانا وهي عم تطلع بصالح ودمعتها بطرف عينها : عزاب شو ياخالد لك هاد صالح

ام خالد : خلص ابني خلينا نمشي وليكا بانا بتبقى معه

خالد : طيب ماشي والمسا رح ارجع لاخدكم عالبيت… .. صحيح وينها اسيل

سوسن : ارتعبت من تصرف صالح وطلعت يمكن راحت عالبيت

هز راسه واخد امه واخته وطلع من المشفى
─────────────────
─🐙⊹⊹⊹⊹⊹⊹⊹🐙

وبالطــريق

سوسن : خالد

خالد : اي اختي

سوسن : في شي غريب عم يصير مع صالح

ام خالد : شو بدو يكون صاير يعني اكيد حريق المخازن وخسارته هي السبب

رفعت كتافها وهزت راسها : يمكن مابعرف

غمزها خالد بمعنى… شو في ؟؟

ردلته الغمزه بمعنى… . بعدين بفهمك

رجعوا عالبيت وكان صوت وتين طالع وهي عم تبكي بشكل غريب

ام خالد : بسم الله الرحمن الرحيم شو في كمان شبها الصغيره

خالد : لك جنااااان وينك

جنان : انا هون ابن عمي كانت حامله وتين ب ايد وكرم بالايد التانيه ووتين عم تبكي وتزيد بالبكي

سوسن : شبها وتين

جنان : والله مابعرف من لما اخدتو سلفي صالح عالمشفى وهي عم تبكي وماكانت تسكت

خالد : يمكن مرضانه او ممغوصه

جنان : ماعليها حراره وعملتلا يانسون وكمون ونعنع بس عبث

ام خالد : هاتيها لشوفها بنتي

توجهت جنان ناح حماتها وعطتها وتين

جنان : يبعتلي حمى نسيت اسأل عن سلفي من لخمتي

خالد : الحمد لله مافي شي والمسا رايح جيبه

حطت ايدها على صدرها وتنهدت : اي الف الحمدلله… .. اي مرت عمي عرفتي شبها وتين

ام خالد : لا والله متل ماقلتي ماعليها حراره ولا ممغوصه وليكني فقدتلا الفوطه وشفت ازا مملوعه او شي بس مافي شي

خالد : لكن شبها… خليني اخدها عالدكتور

ام خالد : مافي داعي ابني الاطفال اوقات بيتنكدو بلا سبب

خالد : طيب بس ازا من هون لساعه ماسكتت رح اخدها لعند الدكتور واصلا هيك هيك رايح عالمشفى

ام خالد : طيب ابني

خالد : جنان اسيل رجعت عالبيت

جنان : اي واول ما فاتت ماحكت شي وبوشها على غرفتها خير شبها

خالد : لا ولا شي… ..تعي سوسن عاوزك

سوسن يالله جايه اخي
──────────────────🐙⊹⊹⊹⊹⊹⊹⊹🐙

ــ وبالمشفــــى ــ

صالح : وتين… . وتين… . سامحيني جيهان اااه وتين وينك بابا وتين

؟؟؟؟؟؟؟؟؟؟؟؟؟؟؟؟؟؟؟؟؟؟؟

──────────────────🐙⊹⊹⊹⊹⊹⊹⊹🐙

خالد : ايه سوسن شو كنتي بدك تحكي ونحنا عالطريق

سوسن : بصراحه حاسه اخي صالح مخبي شي

ضيق عينيه وهو عم يسأل : شي متل شو ؟؟

سوسن : رح خبرك بلكي قدرت تربط الاحداث ببعضها لاني اساسا مو فاهمه شي

خالد : هاتي خيوطك لشوف

سوسن : بتتزكر اول يوم وقت جبت وتين عالبيت

خالد : طبعا بتزكر

سوسن : بوقتها اسيل جنت وعصبت وصرخت بينما اخي صالح كان مبين عليه الصدمه وبتزكر وقتها كان عم يسألك وين لاقيت البنت بالزبط

خالد : فعلا استغربت من سؤاله بوقتها بس مافهمت لشو بدك توصلي

سوسن : بنفس الليلة اخي صالح ركض لعند وتين وشلحها اواعيها وانا شفته حاملها وهو مصدوم وعم يطلع بالوحمه يلي ببطن وتين

خالد : ايه

سوسن : شبك اخي افهام عليي… ليش لحتى يعمل هيك شي

خالد : وضحي اكتر

سوسن : انت لو ماشفت الوحمه ببطن وتين بتعرف انه في الها وحمه

خالد : لا

سوسن : ولو ضاعت منك لاسمح الله ولقيتها شو اول شي بيخطرلك لتتأكد انه هي هيه نفسها وتين

فتح عيونو على اخرهم : قصدك انه ؟؟؟؟؟

سوسن : مابعرف اخي بس تصرف صالح وقتها بيأكد انه بدو يتأكد من البنت وكأنو بيعرف بوجود الوحمه يلي ببطنها من قبل

خالد : العمااا ازا كلامك صحيح
──────────────────🐙⊹⊹⊹⊹⊹⊹⊹🐙
اوووف وبعدين يعني مارح تسكت بنت هالحرام بيكفي يلي عملو صالح فيني قدام بانا خانوم

وطلعت من غرفتها وهي تصرخ

اسيل : وبعددددين سكتوووووها لهي الحيوانه بدي نام

جنان : ماتحكي عنها حيوانه الها اسم

حطت ايدها على خصرها ولوت تمها

اسيل : هه والله وصرنا نعرف نحكي شو من ايمت انتي منيحه وحنونه جنان خانوم

جنان وهي عم تضم وتين : من لما الله بعتلي وتين وجبر خاطري لاني ماعدت اقدر جيب اخ او اخت لكرم

اسيل : ههههههه بتعرفي شو حكايتك بتنفع شي مسلسل درامي ناكت… . راايحه نام والله يطعمكن واسمعلا صوت

فتلت حالها وفاتت لغرفتها وسكرت الباب بقوه…

جنان : بسم الله عليكي امي لا لا عي عمتك المجنونه ماتخافي يامو

خالد : شو ماسكتت

جنان : لا والله انا خايفه كتير عليها

خالد : جهزيها لاخدها معي عالمشفى

جنان : حاضر

──────────────────🐙⊹⊹⊹⊹⊹⊹⊹🐙

بانا : كيف صرت حبيبي

صالح : منيح الحمد لله

بانا : الحمد لله رعبتني عليك

اطلع صالح بعيون بانا يلي غرقانيين بالدموع مدلا ايدو لتقعد حدو

صالح : بانا

بانا : اي حبيبي

صالح : بتحبيني

بانا : رجعت شعرها لورى دنيها ب اصابيعها واتبسمت… يعني مابتعرف

صالح : حابب اسمعها منك

حطت ايدها على خدو وهي بتطلع بعيونو

بانا : اي بحبك صالح

صالح : مارح تتخلي عني

بانا : في شي صالح لشو هالاسئله

صالح : بانا انا… .

بيندق الباب وبيوصل لمسامع صالح صوت وتين بيفز من مكانه وهو بيحكي…… .. وتيييين

خالد : نحنااا جيناااا

بانا : هه اجت الاميره وتين بزات نفسها تطمن عليك… . خير شبها عم تبكي

خالد : تصوري من لما اجى صالح عالمشفى وهي عم تبكي

صالح : 💔

بانا : يا البي لتكون مرضانه

خالد هلأ كشف عليها الدكتور وحكا مافيها شي

بانا : شلون مافيها شي شوف كيف عم تبكي بدموع

صالح : عطيني ياها

قرب خالد من صالح وحط وتين بحضنه

للحظه حس بتيار كهربا عم يمشي بكل جسمه وايديه عم يرجفوا
كان عم يطلع بهالوجه الملائكي يلي هان عليه وزتها بالزباله بدون مايرفله جفن او يسأل شو ممكن يكون مصيرها ياترى بملجئ او ببطن شي حيوان جوعان
وبدون مايحس نزلت من عينه دمعه لتتحول بثواني لشلال ضمها لصدره وزاد بالبكي متل كأنه طفل لقي امه بعد غياب وهو عم يتزكر حاله كيف قطعلا الحبل السري بسنانه بوحشيه بدل ما يئدت ب ادنها
رفعها بهدوء وحط تمه حد دانها وبلش يئدنلا وخالد وبانا عم يراقبو بصمت ومدهوشين

صالح : الله اكبر الله اكبر اشهد ان لا اله الا الله اشهد ان محمدا رسول الله

سكتت وتين وهديت ولا كأنها كانت عم تبكي… كانت عم تبتسم وصالح بيحرك اصبعته على خدها بحنيه

بانا : لك والله سكتت

خالد بقلبه : معقول يكون يلي ببالي مزبوط ؟؟؟ لا مستحيل صالح مابيعملها
──────────────────🐙⊹⊹⊹⊹⊹⊹⊹🐙

اسيل : الو اي هبه انا موافقه ورح نفذ الخطه يلي اتفقنا عليها… لاقيني بعد ساعه عند الجبل
──────────────────🐙⊹⊹⊹⊹⊹⊹⊹🐙

رجعوا عالبيت وخالد عم يفكر بكلام سوسن والموقف يلي صار قدامه…

ام خالد : حمدلله عسلامتك امي نور البيت

صالح : تسلمي امي…

سوسن : الليله رح تنام بغرفتي اخي وانا رح نام عند امي لانه غرفتك بدها شغل وتصليح ودهان

هز راسه وماجاوب

اجت جنان بلهفه وحملت وتين من بين ايدين بانا

جنان : ياعمري يا امي طمني ابن عمي شو حكا الدكتور

خالد : اطمني مافيها شي

بانا : لو شفتيها اول ماحملها صالح سكتت بحضنه وصارت تكاغي وتضحك

جنان بخجل : اسفه سلفي ماقلتلك حمدلله عالسلامه

صالح : ولا يهمك مرت اخي… بس بدي اسألك سؤال

جنان : اي تفضل

صالح : بتحبي وتين

شدت جنان وتين لصدرها وهي عم تبتسم بحنيه : اي لكان والله بعدها متل ابني كرم

كان خالد وسوسن عم يراقبو تصرفات صالح بكل دقه

خالد : ان شاء الله بنفرح فيك انت وبانا وبنشوف ولادكم

صالح الله كريم اخي

خالد : صحيح ايمت رح تعملو عرسكم

صالح : بكير اخي بكير

خالد : شو بكير صرلكم سنه خاطبين احكيلك كلمه بانا

بانا : هههههه شو بعرفني هوي ادرى

صالح : بانا

بانا : نعم حبيبي

صالح : انتي طالق

سكوت وذهول عم المكان بانا فاتحه عيونها على وسعهم وحاطه ايدها على تمها وبتطلع بصالح لتتأكد ازا كان بيحكي جد ولا عم يمزح… بس الاكيد انه الطلاق مافيه مزح

خالد : شووووو جنيت انت

ام خالد : وليييي على البي ليش هيك عملت

صالح :

بانا : هاد اخر كلام عندك مو حابب تحكي شي تاني

صالح :

قربت منه ودموعها على خدها وهمستله ب ادنه

بانا : بس انا كنت مستعده سامحك صالح

حملت شنتتها وسحبت حالها وطلعت وصالح مصدوم من اخر جمله حكتها ؟؟؟

خالد : ليش عملت هيك ليششش لك ازا كرمال المصاري انا بساعدك وبيتك جاهز من كلشي ليش لحتى تكسر بخاطرها

ام خالد : برضايي عليك امي روح الحقها ورجعها بانا بتحبك

سوسن : كرمال الله اخي رجعها

صحي عحاله وطلع يركض ورى بانا

صالح : وقفي بانا وقفي

بانا :… .

صالح : اطلعي فيي بانا ارجوكي اطلعي فيي
رفعلها راسها ب ايدو ليشوف دموعها عم تنزل وهي بتشهق مسكها من كتافها بعصبيه وبلش يهز فيها

صالح : اسمعيني بانا انا عملت هيك كرمالك انتي انا مابستاهلك انا…

بانا : انت خنتني

صالح :… .

بانا : خنتني مع جيهان ووتين بنتك ماهيك

صالح : شـ شو عرفك

بانا : كنت عم تهلوس وانت بالمشفى

فتل حالو وعطاها ضهره ونزل عيونو بالارض

صالح : ايه… . انا خنتك مع جيهان ووتين بنتي

بانا : وانا مو ربنا لحاسبك

صالح :… .

بانا : انا كنت ناطره تخبرني لحتى وقف معك وساعدك تربي بنتك تحت جناحك… لك كنت مستعده سامحك بس لاني بحبك

لف عليها وحضنها بقوه وهو عم يبكي

صالح : ماكنت بدي اجرحك مابعرف كيف عملت هيك وليكو ربي عاقبني على عملتي لك بنتي ببيتي بإسم لقيطه وانا مو قادر اعمل شي

بانا : كلنا منغلط صالح وانا مستعده روح اخطبلك جيهان بنفسي

غمض عيونو بحسره وشد على ايدو بقهر

صالح : جيهان ماتت وهي عم تولد وتين

بانا : 💔

صالح : انا شخص ندل وحقير بانا وانتي بستاهلي شخص احسن مني انا خنتك وخدعت جيهان وزتيت بنتي لك انا مووو رجال مووو رجال

حط ايديه على راسه ونزل على ركبه

صالح : لهيك طلقتك بانا روحي شوفي حياتك مع شخص نظيف ويكون رجل لك بنتي مو قادر اعترف فيها انا شخص ندل وجباااان

نزلت لعندو وحطت ايديها على وجهو

بانا : قلتلك كلنا منغلط صالح… الفاروق حكى من كان منكم بلا خطيئه فليرجمني بحجر… بيكفي احساسك بالزنب والندم

صالح : فات الاوان للندم بانا .. ندمي مارح يرجع جيهان لحتى تسامحني وكفر عن زنبي

بانا : في وتين

صالح : وتين

بانا : ايه وتين بنتك

صالح : بتوافقي تتزوجيني وانا اب لوتين

بانا : بوافق صالح .. وتين مالا زنب وحرام تعيش عمرها تحت مسمى لقيطه وابوها عايش معها بنفس البيت

صالح : انا بحبك بانا

بانا : وانا معك لاخر نفس صالح

♡♡♡

صَـفاء القلب ليس عيباً ؛؛؛ و التغافل ليس غباءً ؛؛؛
و التسامح ليس ضعفاً ؛؛و الصمت ليس انطواءً ؛؛
هي تربيةُ و عبادة. ..

♬♫♪◖(● o ●)◗♪♫♬

(¬‿¬)
#يتبع
(◕‿◕✿)
#لست_لقيطه
#الجزء_الخامس
#بقلمي_امل_احمد.. (◕‿◕✿)
@rwayate
☆ ╚══════ღღ══════╝

رجع صالح وبانا وهنه ماسكين ايدين بعض وفاتو عالبيت

جنان بفرح : مرت عمي رجعت بانا

سوسن : ياقلبي بانا لك والله مافي منك

ام خالد (بتبكي) ; تعي بحضني لك امي ..

ركضت بانا ورمت حالها بحضن حماتها وهي عم تبكي وعم تشد عليها بحرقة قلب ❤️ ماحدا حسها او فهمها الا صالح 💔

رفعت وجهها وغمرته بين ايديها الدافيين بحب

ام خالد : خلص ماتبكي بنتي ... صالح بيحبك واكيد عمل هيك لانه مدايق من يلي صار معه

حطت بانا ايديها فوق ايدين حماتها يلي ع وجهها ولفت وجهها وباست راحت ايد حماتها

بانا : انا مستحيل اتخلى عن صالح انا وعدته ابقى معه طول العمر ع الحلوه والمره

ام خالد : الله يرضى عليكي ويكملك بعقلك لك بنتي

واشرت لسوسن وجنان يحضرو العشا

جنان : حاضر مرت عمي بس لحط وتين جوا

بانا : هاتيها انا بنيمها عنك

جنان : زكاتك سلفتي نيميها بغرفة سوسن لان كرم نايم بغرفتي ومابدي يفيق ويئزيها

هزت راسها وحملت وتين وفاتت لغرفة سوسن نيمتها وطلعت تساعد البنات بتحضير العشا

خالد : اخي تعال عاوزك

صالح : جاي اخي بس خليني بالاول اخد شور حاسس حالي منتن واساسا انا بدي ياك بموضوع مهم

خالد : طيب ناطرك عالبرنده…… . جنان حبيبتي ممكن تجهزي القهوه

ام خالد : جنان مشغوله مع البنات روح ابني انا بساويها

خالد : يعيشو دياتك ياست الكل

التهى الكل كل واحد بشغله… لتستغل اسيل الفرصه وتتسحب على اطراف اصابيعها وتفوت لغرفة سوسن اخدت وتين وطلعت من البيت 💔

☆ ╚══════ღღ══════╝

وببيت سهيل

طلع من الغرفه وهو حامل صينية الاكل وسكر وراه الباب بالمفتاح

ام سهيل : شو ابني اكلت شي

سهيل : مو قابله تاكل… .. وحط الصينيه من ايدو وعيونو عم تقدح شرار

ام سهيل : انا من رأيي تخبر عمك وولاد عمك انك لقيتها

سهيل وهو عم يكز ع اسنانه .. مو قبل ما اعرف مين الندل يلي عمل هيك

ام سهيل : كرمالي امي بلا ماتفوت حالك بمشاكل نحنا بغنى عنها خلي عمك يتصرف

سهيل : عمي ؟؟ عمي اول شي رح يساويه انه يدبحها امي… . انتي نسيانه انها كانت ببيتنا امانه عنا لتكفي جامعتها وترجع لاهلها… . وللاسف انا ماقدرت صون الامانه وبدل ماحافظ على بنت عمي اهملتها لحتى صار اللي صار

ام سهيل : لا يوه شو يدبحها

سهيل : هاد شرررف يا امي شرررف مو لعبه وحتى عند الحكومه مابياخد حكم بالعكس بيرفع راسه انه غسل عاره

نزلت راسها بقلة حيله وتنهدت : سهيل

سهيل : نعم امي

ام سهيل : اكتب كتابك عليها وداري هالفضيحه وبعد هيك طلقها

سهيل بصدمه : بس انا خاطب امي ..

ام سهيل : مو على اساس تركت اسيل لانه خالد جايب لقيطه عندو عالبيت

لمعت عيون سهيل فجأه وصفن ب امه

سهيل : معقول هالبنت يلي لقاها خالد تكون بنت جيهان ؟؟؟؟

☆ ╚══════ღღ══════╝

طلع من الحمام وهو حاسس براحه من زمان ماحس فيها وقف قدام المراي وهو بيحكي لحاله

صالح : اليوم رح اعترف للكل انها وتين بنتي… ..
سامحيني جيهان ياريتك موجوده لحتى اقدر كفر عن زنبي تجاهك 😔… بس بوعدك ما اتخلى عن بنتنا لو شو ماصار

سرح شعرو وطلع من غرفته وراح عند خالد

خالد :نعيما ياعريس

صالح : الله ينعم عليك اخي

خالد : بردت قهوتك هلأ بطلب منهم يعملو غيرها

تناول فنجان القهوة ورجع بضهرو لورى واخد منه شفه

صالح : لامنيحه هيك بحبا بارده

خالد : اي اخي كنت بدك ياني بموضوع

صالح : لا احكي شو كنت بدك بالاول لان موضوعي بيطول شرحه

خالد : كنت بدي وصيك ب بانا اخي

ابتسم وهو عم يسرق نظره لبانا يلي كانت عم تجهز السفره

صالح : بانا بعيوني اخي واللي صار غلطه ومارح تتكرر

خالد : اي منيح الله يسعدكم… وهلأ يابطل شو الموضوع يلي بدك تحاكيني فيه

حط فنجان القهوة من ايدو وتغيرت معالم وجهو

صالح : الموضوع مابيخصك الك وحدك اخي الموضوع بيخص الكل

خالد بقلق : خير اخي شغلتلي بالي

صالح : بعد العشا بجمعكن وبخبركن اخي

خالد بقلبه : اكيد بدو يحكي بموضوع وتين !!!

☆ ╚══════ღღ══════╝

وصلت عالمكان يلي واعدت فيه هبه وقعدت على كرسي بالحديقه وحطت وتين بحدها

وتين .. عم تبكي… واسيل بلشت تعصب وتفقد اعصابها

اسيل :هيييييييه اسكتي اسكتي هششششش

زادت بالبكي وعيون الناس بتراقب فيها ب استغراب… كيف ام بتصرخ بطفلها هيك وهو بعدو باللفه

حملتها اسيل بعصبيه وهي عم تصرخ فيها : لك بسسسسس اخرسسسيي اخرررررسي يابنت الحرام

ماسكتت وتين وكان بكاها غريب وكأنها عم تستنجد بالناس يخلصوها من اسيل

اسيل : لك اخررررسي… وضربتها كف على خدها الناعم ووتين بتبكي

من هول المشهد ركضت عليها ست كانت بالحديقه وسحبت وتين من ايدها وهي عم تصرخ فيها

السيده : لك شووووو مفكره حالك عم تعملي مو حرام عليكي انتي مافي بقلبك رحمه انتي حرام تكوني ام

اسيل : ام !!

تجمع الناس عليهم وعيونهم عم تلعن اسيل وتحتقرها بسبب تصرفها المجرد من الانسانيه
واحد من الموجودين : لك لتكون خاطفيتو مستحيل ام تعمل ب ابنها هيك

وشخص آخر : اطلبو الشرطه

كان الناس ملتمين على اسيل واسيل واقفه ومو قادره تجاوب

اسيل : ا ا انا .. انا
السيده يلي حامله وتين : انتي شووو يا حرامية الاطفال

اسيل : لاااا انا مو حراميه… هي بنتي بس كنت مزعوجه لان ابوها طلقني واتزوج عليي… وبلشت تمثل انها منهاره وبتبكي

تعاطف الناس معها وقربت منها السيده وعطتها وتين

السيده : خدي بنتك وديري بالك عليها شو ماكان السبب مابيصير تضربيها لك هي طفله مالها زنب بمشاكلك انتي وابوها حتى لو كانت بنت حرام مالها زنب هالطفله انسانه متلك متلا ومافي حدا مننا بيختار قدره… ..

توسعوا عيون اسيل ورجف قلبها من كلام هالسيده يلي عطتها وتين وحكت كلمتين وفتلت حالها ومشيت وبعد دقيقه بلش الناس كل واحد ينصرف لشأنه وتركو اسيل واقفه مكانها مصدومه وكلمة هالسيده عم ترن بدانها
(( حتى لو كانت بنت حرام مالها زنب .. هالطفله انسانه متلك متلا ومافي حدا مننا بيختار قدره💔 ))

☆ ╚══════ღღ══════╝
سوسن : تفضلو العشا جاهز

جنان : زكاتك سوسن شقي على وتين ليكا بغرفتك بدي شوف كرم عم يبكي

سوسن : طيب مرت اخي

توجه الكل عالسفره وقعد كل واحد مكانه

صالح وهو عم يسحب الكرسي لبانا : تفضلي حبيبة قلبي

بانا بهمس : فاتحت خالد بالموضوع

صالح : بعد العشا رح اجمع الكل وخبرهم وعم فكر اتصل بسهيل ووضحلو كلشي لحتى مايبقى هو واسيل بمشاكل

بانا برضى : بتعمل منيح

♬♫♪◖(● o ●)◗♪♫♬

وبالحديقـــه

هبه : اسفه تأخرت عليكي شو جاهزه لنروح عالملجأ

اسيل :… .....

هبه : شبك اسيل… الووو بست اسيل

اسيل : مارح اخدها عالملجأ

هبه : نعم ؟؟… وليش بالله شو غير رأيك

اسيل : هبه ممكن تتركيني لوحدي ازا سمحتي

هبه : لاااا وضعك مو عاجبني بنوب احكيلي شو صاير معك تصالحتي مع سهيل ؟؟

اسيل : تضربي منك لسهيل اساسا انا ماعاد بدي ياه

هبه : عنجد عم تحكي

اسيل : اي عنجد… هوي تركني كرمال انه ببيتنا بنت لقيطه جرحني وانا مالي زنب

هبه : سبحان اللہ عازه عليكي نفسك وزعلانه لانه سهيل تركك وحاسه بالظلم لانه مالك زنب بالشي اللي صار بس بدك تحملي هالبنت المسكينه زنب ماعملتو بجد انتي انانيه

اسيل بغضب : انتي كيف بتحكي معي هيك

هبه : اي حااااجتك شوفة حال انا اصلا الحق عليي ياللي طاوعتك وكنت بدي ساعدك لتزتي هالطفله بملجأ ايتام . هاتي البنت ولي

اسيل : بعدددددي هييييك اتركيها

وبلشو يتخانقوا على وتين هي تشد وهي تشد

هبه وهي ماسكه ايدها: ااااااه الله لا يوفقك ياعضاضه

اسيل : ابعدي عني ولي واحسلك لاتلحقيني

بتحمل وتين وبتروح تركض عالجبل

☆ ╚══════ღღ══════╝

عم تركض عالصاله ودقات قلبها رح تفلج صدرها ولونها اصفر متل الليمون

سوسن وهي حاطه ايدها ع صدرها : اخييي وتين وينهاااا

خالد : شووو في شبها وتين

بانا : شبكي سوسن انا نيمتها بغرفتك

سوسن : وتين موووو بغرفتي مووو بغرفتي

ام خالد : ولي عى امتي شوفيها لتكون عند جنان

بتجي جنان هالصوت وهي ترجف

حنان : شووو في شووو في

بانا : انتي اخدتي وتين من غرفة سوسن

جنان بفزع : لااااا لك هلأ طلبت من سوسن تشق عليها

صالح :……… .و وتين … .. اسيل اسيل !!!
وبيمر بمخيلته صوت جيهان ((اسيل رح تقتل وتين ياصالح… خطية وتين برقبتك ياصالح ))

خالد : شوووو يعني وين راحت البنت بسرعه دورو عليها بكل قرنه

بيروح كل واحد ليدور بكل مكان وكل زاويه بالبيت ومابيلاقو لوتين اثر

سوسن : مالها اثرررر😭

بانا : مالقيتا 😭😭

ام خالد : ولي على امتي ولي على طوووولي

جنان وهي عم تضرب على وجهها : رااااحت البنت يا ابن عمييييي راحت البنت

خالد : وين اسيل ؟؟؟؟

سكت الكل فجأه وهنه بيطلعوا ببعض

سوسن : معقول اسيل !!

جنان : اختك خطفتلي بنتييييي اااه دخيلك يا ابن عمي بدي بنتي بدي بنتي بدي بنتي 💔😭💔😍

خالد : لا مستحيل اسيل تعملها

صالح : اسيل… . اسيل خطفت بنتي

خالد : بنتك ؟؟

الكل : 😲😲😲😲

صرخ ب اعلا صوت وتييييييييييييييييين بنتيييييييييي
وطلع يركض متل المجنون يدور عليها وعلى اسيل وقلبه رح يطلع من مكانه وهو بيخفق بشده

ام خالد : وتين بنت صالح ؟؟؟؟ كيف وشلون ؟؟ خالد شو عم يصير يا امي

خالد : امي خليني لاقي اسيل قبل ماتعمل شي بالبنت بعدين منحكي وطلع يركض ليلحق بصالح

ام خالد : شو عم بيصير

بانا : انا رح خبرك كلشي مرت عمي…… .

☆ ╚══════ღღ══════╝

رايح جاي بغرفته عم يفكر بالبنت ياللي كانت ببيت خالد

سهيل : انا لازم اعرف الحقيقه

وطلع من غرفته سحب المفتاح من جيب جاكيته وفتح الباب ودخل بخطوات بطيئة

كانت قاعده بزاوية الغرفه متكوره عحالها وضامه اجريها لصدرها ومنزله راسها عركبها

سهيل : انا لقيت بنتك

رفعت راسها ليبين وجهها الشاحب وعيونها الدبلانين من البكي

جيهان : بنتي ؟؟؟

سهيل : اي بنتك وبوعدك جيبلك ياها ازا بتصدقي معي وبتخبريني مين ابوها

جيهان والدموع اخدت مجراها على خدها : وين بنتي
سهيل : عم قلك لقيتها ووعدتك جيبلك ياها

جيهان :… ..

تقدم لعندها ونزل لمستواها

سهيل : بترجاكي ساعديني لاقدر ساعدك… . لك ساعدي حالك وساعدي بنتك انا تركت خطيبتي بسببها

جيهان : انت تركت اسيل… ليش شو علاقة اسيل ببنتي

سهيل : بنتك موجوده ببيت اهل اسيل وانا وقت عرفت انه عندهم بنت لقيطه ماتحملت وتركت اسيل ماكنت بعرف اني رح لاقيكي وانتي حامله هيك عار

حطت ايدها على تمها وشهقت : بـ بنتي ببيت صالح ؟؟؟

سهيل : شو بعرفك بصالح ؟؟

جيهان :…… 😔

مسكها من كتافها وبلش يهز فيها

سهيل : لك احكيييييي شو بعرفك بصالح

جيهان :…… .

بيرن موبايل سهيل وبيكون المتصل خالد

سهيل غريبه شو بدو خالد بهيك وقت… . وبيضغط ع كبسة الرد

سهيل : اهلين خالد

خالد بقلق وبصوت مهزوز : سهيل اسيل عندك ؟؟

وقف ع حيلو بصدمه : شبها اسيل

خالد : هي عندك ولا لأ

سهيل : انا من يوم العشا ببيتكم ماشفتها ولارديت عمكالماتها فهمني شو القصه ياخالد واسيل وينها

خالد : اسيل خطفت وتين 💔

سهيل : شووووو وليش اسيل تخطف وتين