سراج: تفضل ..
انفتح الباب وسكر .. رفع راسو واتفاجأ بجوليا واقفة ادامو وحاملة رزمة أوراق ..
سراج: خير!
جوليا: جبت معي الشغل لحتا نشهل بسرعة ..
أعدت عالكرسي ادامو وبلشت تتفقد الاوراق وسراج. ضل شارد فيها ..
جوليا :هي الورقة بدها توقيع مـڼـڱ ..
كانت مادتلو الورقة وهو بعدو عم يطلع فيها ..
جوليا: سـ سيد سراج
سراج «صحي عحالو وأخد نفس .. اتناول الورقة منـِْهـا ووقعها وحطها بجنبو ..
جوليا: ياريت تركز ..
ورجعت اتطلع عالوراق .. اتطلع فيها بإستغراب واتضحك بسخرية ..رجع انشغل باللي بإيدو ..دقايق مرت م̷ـــِْن الصمت .. ماكان فِيَھ بغرفة المكتب غير صوت دقات الساعة ..
كان مٍشًغوٍلً لما سمعها فجأة بتحكي: شكرا الك ..
رفع راسو وشافها بعدا بتطلع بالأوراق ..
سراج: عم تحاكيني؟
جوليا «هزت براسها بدون ما اتطلع »:اي ..
سراج: علئ شو عم تتشكريني؟
جوليا: علئ سدك لكل الكمبيالات ودفع الكفالة ..
سراج: بس مو انا يلي دفعت
جوليا«اتطلعت فِيَھ »: مبلا انتة .. انا سألت وعرفت
سراج: .....ماعملت شي ينذكر
جوليا: بالنسبة الي انتة عملت شي كبير
سراج: .....
جوليا: انتة بعدك مو مسدقني اني ماكنت بعرف شو كان غرضها
سراج: قلتلك مافي داعي تبرري ..
قاطعتو جوليا ووقفت : مبلا بدي برر وهالمرة رح تسمعني ..
وقف سراج ومشي ووقف مقابيلها .. :تفضلي برري
جوليا كانت صافنة بعيونو واتكفلت نظراتها لحتا تصلح سوء التفاهم اللي صار ..
اخدت نفس ونزلت دمعة م̷ـــِْن خدها وكانت علئ وشك انها تحكي لما قاطعتها رنة تلفون سراج ..
حمل سراج تلفونو و رد بسرعة: اي هيثم ..
هيثم: سيد سراج الانسة وردة رجعت قابلت نفس الشب وليكون اعدين مع بعض ..
سراج: بعتلي صورتو
هيثم: انا بعتلك صورتو قبل عشر دقايق ..
سكر سراج الخط وفتح عالرسائل وانصدم بس شاف صورة وليد ..
سراج: ولييد! ؟
جوليا: خير سيد سراج
سراج: جوليا بتخلصي كلشي امور لحالك انا طالع
جوليا: طب شو احكي لـلسيد ساري ؟
سراج «لبس جاكيتو وفتح الباب »:ماتحكيلو شي ..
طلع م̷ـــِْن الشركة بعجل وركب سيارتو وانطلق فيها بأقسئ سرعة باتجاه مدرسة وردة .. كان عالطريق لما حمل جوالو ورن علئ مراد ..
رد مراد: اي سراج
سراج: سيد مراد ..وليد ظهر
مراد «وقف بذهول »:وينو؟
سراج: الشب يلي كنت حاطو عم براقب وردة ..بعتلي صورتو وهوة هلأ معها ..
مراد: العما شلون راحت وردة عـــِْن بالي .. يلا طالعلو للعينتين .. انتة وينك؟
سراج: عالطريق لمدرسة وردة ..
مراد: معناها بوافيك هنيك ..
سكر سراج الخط ورما الجوال .. اخيرا وصل لحد المدرسة وبلش يتفتل بالمنطقة عالهدا لحتا يدور عليها ..وشاف وردة طالعة م̷ـــِْن الحديقة وهي مبتسمة ..شد عالدركسيون وضرب عليه.
سراج: اتأخرت ..
زمر بالسيارة لحتا انتبهت عليه وردة .. قربت عالسيارة وطلت م̷ـــِْن الشباك ..
وردة: إهٍَـٍَلٍَْـٌٍَيٌٍن سراج ..شو عم تعمل هون؟
سراج: انتي شو يلي عم تعمليه هون؟ مو لآزٍمٍ تكوني بالبيت من نص ساعة؟
وردة «اتلبكت »:گ كنت مع رفقاتي بتمشئ ..
سراج «اخد نفس »:طلعي لوصلك ..
فتحت وردة باب السيارة وطلعت ومشي سراج فيها .. اما م̷ـــِْن بعيد كان وليد واقف ورا شجرة وعم يطلع عليهم ..
كانت اعدة وعم تلعب بأصابعها بتوتر ..اما سراج ركن السيارة علئ جنب والتفت لعندا ..
سراج: وردة انتي بتعرفي اني بحبك متل كأنك اختي الصغيرة ومابهون عليي حدا يجي صوبك ..
وردة «هزت براسها »:اي ..
سراج: مبارح لما طلعتي شادي برا الڤيلا .. طلعتي م̷ـــِْن حالك وللا حدا طلب مـڼـڱ اتطلعيه؟
حست وردة بتوتر واتطلعت فِيَھ .. :لـ لٱ محدا طلب مِڼـّي
سراج : مع مين كنتي هلأ
وردة: مع رفقاتي
سراج «غمض عيونو وحكا بنفاذ صبر »:وردة لٱ تكزبي عليي.. انتي ماكنتي مع رفقاتك
زاد توتر وردة ودمعو عيونها ..
سراج: وردة .. احكي مع مين كنتي؟
وردة: .....
سراج: عم بتقابلي وليد صح!
وردة: لااا مـ ماعم ..
قاطعها سراج بحدة: قلتلك ماتكزبي .. عم بتقابلي اخوكي .؟.وهو يلي طلب مـڼـڱ تستدرجي شادي برا الڤيلا ..
وردة: لاا ..ماصار
سراج «غمض عيونو وحلحل كرافتو »: يعني مابدك تعترفي
وردة: وشو بدك بأخي ..مابكفي يلي عملتوه فِيَھ
سراج: لأنو ياوردة اخوكي .. شلون بدي فهمك ..اخوكي مطلوب ..
وردة: لٱ كزب ..اخي مافي منو .. بس انتو بدكون تسجنو
سراج: ايوا ..يعني عم تقابلي ..
بهالاثناء وصل مراد مع دورية لقدام المدرسة .. نزلو عناصر الشرطة واتفرقو ..
اما سراج كان بعدو عم بحاول يفهم م̷ـــِْن وردة ..
سراج«حمل جوالو وحط علئ صورة وورجاها »:هي الصورة اليووم اتاخدت .. وهالشب اخوكي وليد صح ..