@rwayate
تاني يوم الصبح .. فتحت غزل عيونها لاقت الست ولاء بجنبها حاطة رجل عرجل وبتطلع فيها
ست ولاء : فقتي يا بعدي؟
غزل : اي فقت ست ولاء صباح الخير
ست ولاء : صباح الزفت عوشك اي ؟
غزل : شوفي ست ولاء شو صاير ؟
قربت ست ولاء منها واتطلعت فيها وعيونها مليانين شر
ست ولاء : بتحبي خبر المعلم عصام انك عشقانة شادي بيك؟
غزل : بس انا مو ..
ست ولاء : ما علينا .. حضري حالك اليوم المسا عندك مهمة
غزل : شادي بيك؟
ست ولاء : ههههههه لا لا خلص راح شادي بيك بححححح هلأ رح نبلش نطبق عليه المهمة الكبيرة .. اليوم حضري حالك في سامر بيك بتروحيلو عالمكتب فورا اي ؟
غزل : ........
بلعت غزل ريقها .. كيف يعني !! هلأ شادي رح يتسبب بضرر !! طيب انا شو لازم اعمل ؟ حراام والله شادي منيح ما لازم شوفهن عم يضروه واسكت
فاتت غزل عالحمام وحملت جوالها وبعتت رسالة لشادي
(بعتذر عن كلشي رح يصير بسببي .. والله انا مجبورة وما فيني احكي اكتر من هيك .. بس انا بحبك .. بحبك عنجد ولا تبعتلي شي بعد هلأ لانه ما بدي مشاكل اي)
قرأ شادي الرسالة .. وصار يفكر شو ممكن يصير بسبب بنت ناعمة وحبابه متل غزل ؟ ما اعطى للرسالة اهمية كبيرة
عال5 المسا .. جهزت غزل حالها واخدت عنوان المكتب وراحت لعند سامر بيك
فاتت لعند سامر بيك وكانت لابسة فستان قصير كتير احمر ومغري
فاتت خطوتين وحطت ايديها على تمها وشهقت بقوووة بس شافت شادي قاعد مع سامر بالمكتب
شادي : غزل؟
غزل : اه اي اي
سامر : بتعرفو بعض؟
غزل : .......
شادي : اي لكن بعرفها تعي غزل بدي ياكي بموضوع
اخدها على زاوية بالمكتب من جوا .. وحوطها بإيديه
شادي : انتي مين؟
غزل : اتركني شادي الله يخليك تركني
شادي : احزري شو وصلني من شوي؟
غزل : تركنييييي خليني روح
كانت غزل عم تحكي وتبكي .. ما عم تقدر تقاوم ريحة عطرو
شادي : وصلني مقطع فيديو فيه انا وانتي !! عالتخت وعم تدوبي بين ايدي وانفاسك سريعه متل هلأ !! مخبى ورا عيونك البريئة حقارة الكون كلووو
غزل : لك حقارة شو بعد عني انا ما دخلني بشي
دفشت غزل شادي بقوة اتطلع فيها بإستغراب
@rwayate
غزل : وكرمال الله لا تخبر سامر بيك بشي والله بتخربلي بيتي
=======================================
تركتو وراحت لعند سامر فاتت المكتب وقفت ورا سامر وهو قاعد عالكرسي وصارت تعملو مساج
كانت تعملو مساج وتبكي .. دفش الباب شادي وفات مسكها من ايدها وطالعها من المكتب وقعدها بسيارتو وسكر الباب بالمفتاح .. وطلع على مكتب سامر جابلها شنتايتها ورجع
غزل : افتح الباب بدي انزل
قرب شادي وشو من وشها وشفايفو لامست شفايفها
شادي : لا يا حلوة مو قبل ما تحكيلي شو قصتك؟
غزل : ..... (تبكي) علي الأمان ؟
شادي : اي عليكي الأمان
غزل : شغل سيارتك وخدنا على شقتك
شادي : ماشي
@rwayate
شغل سيارتو وراحو للشقة .. فاتو وكانت غزل متلبكه كتير وعم تبكي
شادي : يلا احكي
غزل : انا وعيت عالدنيا ما الي اب ولا ام .. يعني ربيت بالميتم وبس كبرت لأنه ما الي مأوى اشتغلت بذات الميتم .. وكان مدير الميتم شخص حقير .. يعني بيعرف انه ما النا حدا وذلنا .. اجت ست كبيرة عندو عمرها بين ال45 وال50 هيك شي .. واعطتو مصاري وبعد كم يوم اجت لغرفتنا بالميتم كنت انا وكمان بنتين اخدتنا ورحنا معها .. وبعدها بعتتني انا لعندك وجوري لعند واحد اسمو علاء وغرام ما بعرف لوين بس بتبعتها مهمات متلنا واي بنت فينا بتنسحب معرضة @rwayate للقتل لأنه الست ولاء في معلم بيوجها شو تعمل اسمو المعلم عصام .. بس اليوم حكتلي لا بقا تروحي لعند شادي وبعتتني لعند سامر ما بعرف ليش
شادي : اي وانتي حطيتي الكاميرا وصورتيني انا وياكي عالتخت يعني انتي ما بتنفضحي؟
غزل : انا ؟ مين سائل عني ؟ الست ولاء وعدتنا بس نخلص المهمه تأمنلنا وظيفة محترمه انا والبنات وشقة النا لحالنا .. بس انا ما عاد بدي انا مااا عاااد بدي والله تعبت .. انا بدي انسحب بس خايفه يقتلوني
شادي : كم عمرك يا غزل ؟
غزل : 19
شادي : مع كم شب نمتي قبلي؟
غزل : ولا حد .. والله هي بعتت كل بنت فينا على رجل اعمال محدد ونحنا من 6 شهور معها بس
شادي : ليكي غزل انتي صادقة مو ؟
غزل : اي والله
شادي : طيب فينا نهرب رفقاتك ؟
غزل : رفقاتي ؟
شادي : اي
غزل : ما بدهن .. حبو الشغله ورح يستمرو انا حاولت اهرب والست ولاء هددتني تقتلني
شادي : رح اشتري منهن سيديات الأفلام كرمال ما رجعك لعندن بس بتبقي هون لأرجع لا تتحركي
غزل : ماشي
=======================================
جوري : علاااء اشتقتلك كتير
علاء : لك قربي قربي ولي ما اطيبك
جوري : دخيلك فوت خود دوش اول
علاء : مشان تحطيلي كاميرا ؟
انتفضت جوري من مكانها
جوري : ش..ش..شو عم تحكي كاميرا شو ؟
علاء : يلي لقيتها بشنتايتك !!
جوري : ......
علاء : بتحبي اقتلك قواس ولا افرمك تحت سيارتي ؟ ولا حطك بين الكلاب تنهش لحمك؟
جوري : والله ما دخلني بشي اتركني روح الله يوفقك
علاء : لا بس بدي اعرف مين بعتك ؟
جوري : الست ولاء