(الجزء الثاني)
@rwayate
ام سليم: ااخ يا اليسار.. ايمت رح تصيري صبية وجوزك لابن خالك وارتاح
اليسار: امي.. لهالدرجة مستعجلة بدك تخلصي مني
ام سليم: هههههه يا حبيبة قلبي.. لك انت قطعة من قلبي.. بدي شوفك احلا عروس واطمن عليكي
ابن خالي.. يلي كان اسمو رامز.. من يوم خلقت وهني يحكولي انت لرامز ورامز الك.. صرت حبو لرامز اكتر من روحي واتخيل كيف رح نكون سوا.. اتخيل شو بدنا نحكي وكيف رح نخطب ونتزوج ويصير عنا عيلة..
صح كنت صغيرة بس جد حبيتو.. ويمكن هالحب هو اصدق حب بالحياة.. الحب يلي من قلب طاهر بريئ لسا ما تلوث بهالحياة ومكائدها..
رامز كان كلشي بالنسبة الي.. كل ما انخنق من وضعنا.. او من الحياة يلي عايشتا امي.. اقعد مع حالي واتخيل انو عم حاكي لرامز وهو يحاكيني ويخفف عني همي..
اليسار: ااخ يا رامز.. انا تعبانة كتير.. قلبي واجعني ع امي.. امي تعبت ..وانظلمت.. وابي مانو حاسس ع شي.. ما بيسال عنا ابدا.. معقول شي يوم انت تعمل متلو لبابا!! لاا مستحيل.. انت ما بتعملا... انت انسان كتير منيح وقلبك نضيف.. ما فيك تقسا علي.. اكيد ما رح تقسا
كنت ارسم بخيالي كل حكينا ومشاويرنا وطلعاتنا ..حبيتو من كل قلبي ..ليوم..
ام ربيع: لك ام سليم جد رامز خطب
امي انصدمت وقت قالتلا خالة ام ربيع هيك..
ام سليم: شووووووو.. جد عم تحكي
انا كنت ورا الباب وسمعتن.. قلبي ع شوي كان رح يوقف.. ما قدرت اتخيل انو رامز خلص راح.. دخلت ع غرفتي وصرت ابكي.. بكيت كتييير ..كنت عم اتقطع من جوا..
لوقت ما خالة ام ربيع رجعت ع بيتا رحت لعندا لامي..
اليسار: امي.. رامز خطب.. لك ليش هيك عمل فيني.. ليش تركني.. بشو غلطت انا معو.. ليش لياخد غيري.. لك وليش علقتوني فيه وخلوتيني حبو ما زال ما بدو اياني
كنت عم احكي وانا دموعي يهرو ع خدودي.. وامي ساكتة.. وقت قلتلا هيك غصت وعيونا غرغرو بالدموع..
ام سليم: ما الك نصيب يا امي.. ما الك نصيب
كان يوم متل الكابوس.. يوم اسود كتير.. دخلت من بعدا بحالة اكتئاب... بطلت ادرس ولا اكل ولا اشرب..لبعد شهرين..
@rwayate
ام سليم: بنتي يا عمري.. ما بكفي.. لك صرلك شهرين ع هالحالة.. يا امي كلشي بهالدنيي نصيب يا روحي
اليسار: لا تهتمي امي.. عادي خلص.. انا نسيتو.. انسان باعني ما بيستاهل ازعل عليه.. هاد واحد كزاب وخاين وانا ما بضيع حالي كرمالو
ضمتني امي وبكيت..
ام سليم: ربي يرضى عليكي يا امي.. لكن رجعي لدروسك يا امي.. وارجعيلنا متل قبل
اليسار: ولا يهمك امي.. من بكرة حارجع للمدرسة.. لا تقلقي انت
ام سليم: الحمد لله يا امي يلي رجعلك عقلك.. كل الرجال هيك يا امي ما الن امان
ومن تاني نهار رجعت لمدرستي.. صح تجاوزت هالمحنة بس كان قلبي واجعني كتير.. كنت مكسورة كتير..
وبيوم كنا راجعين من المدرسة سوا انا ورفيقتي رغد..
رغد: اليسار.. ليكي ..ليكي
اليسار: اي
رغد: ليكي هالشب وانت غايبة كان ع طول يسال عنك وعن اخبارك وانو ليش ما بتداومي
اليسار: هههههههه لك انسي.. ما عدت سدقن.. كلن كزابين
رغد: لك والله كل يوم كان يسال عنك
اليسار: لك ازا يلي صرلي 14 سنة مكتوبة ع اسمو تركني.. هاد بدو ما يتركني.. انسي
طنشتو وما هتميتلو ابدا.. كان ع طول يوقف ع باب المدرسة ويلاحقني بنظراتو .. وبيوم اتجارأ وحاكاني..
طاهر: مرحبا... اليسار.. حاكيني لو سمحتي
انا مشيت وكانو ماني شايفتو ابدا.. وما عبرتو.. كمل حكيو..
طاهر: اليسار.. انا اسمي طاهر.. انا جد بحبك.. وربي بحبك.. ماني متل باقي الشباب.. بس حاكيني
مشي وراي لوقت قربت اوصل البيت.. وهو عم يلاحقني ويحكي.. بس انا ما رديت عليه ولا بكلمة.. ودخلت البيت وسكرت الباب ورايي
اليسار: مسا الخير امي
ام سليم: مسا النور يا روحي
قربت من امي وبوستا ودخلت غرفتي حطيت شنتايتي ع التخت وتسطحت وانا لساتني بتياب المدرسة..
اليسار: يا ربي.. معقول جد بيحبني.. ففففففف.. لك والله ما الي قلب فكر بحدا
غصيت وقت تزكرتو لرامز ودمعو عيوني.. غمضت ونزلت دمعة..
اليسار: ااااه... يا ربي كون معي يا الله.. يا ربي ساعدني
ضليت ع هالحالة فترة طويلة ..وهو طاهر كل يوم يلاحقني وع تلطيش حكي وانو بيحبني.. لدرجة انو بلشت صدق انو جد بيحبني..
رغد: لك والله باينتو جد بيحبك
اليسار: والله ماني عرفانة.. ما فيني صدقو.. ما رح اعطي وش.. ازا كان بيحبني ليكو بيتنا يروح لعند امي ويطلبني منا.. ما بدي حاكيه
رغد: عين العقل حبيبتي
@rwayate
بلشت فكر فيه لطاهر وانبسط انو في شخص عم يفكر فيني.. بس ابدا ما دخل لقلبي.. وبيوم..
رغد: لك اليسار. منيح يلي ما عطيتيه عين لهداك الغبي طاهر
اليسار: ليش.. شو صاير
رغد: لك طلع خاطب بنت عمو وعم يتسلا
اليسار: ههههههه... شفتي.. الحمد لله انو ما عطيتو عين ولا دخلتو لقلبي
رغد: اي والله الحمد لله
لسا عم نحكي واجا طاهر..
طاهر: اليسار.. لايمت بدك تضلي هيك.. حني علي شوي
اليسار: لوقت ما تتجوزا لبنت عمك
كانت اول مرة بحاكيه.. حكيت وكملت مشي.. وهو وقف مصدوم..
ومن بعدا ما عاد شفتو..