قناة

📚قصص||روايات||منوعة📚

@rwayate
📚قصص||روايات||منوعة📚
23.9k
عددالاعضاء
218
Links
2,827
Files
17
Videos
767
Photo
وصف القناة
قصص و كتب pdf 💚📚 محبي القراءة في نعيم لا يدركه غيرهم... لا تشيخ أرواحهم وعقولهم ولو شاخت أجسادهم.💚 فهرس القصص👇🏻💗 @rwayattt للتواصل @Rwayate_BOT بإدارة💙✨ ⴅÂÐЄĦÂ حسابي الانستغرام💚🌿👇🏻 https://instagram.com/madeha_alyan?igshid=YmMyMTA2M2Y=
Link
0
5.8k
16:162020/03/02
قصة اليوم: #بنات_الخبائث ............ قراءة ممتعة�
بـدايـة الـقـصـة..🌸✨
Link
0
5.9k
16:162020/03/02
Link
0
5.9k
16:162020/03/02
قصة جديدة: #وجهة_خاطئة
............
قراءة ممتعة🦋💙"
#ⴅÂÐЄĦÂ
Link
0
6.1k
16:162020/03/02
#وجهة_خاطئة_بقلم_رُلى_كوجك

2004
ضبيت آخر شي بالشنتة.. يلي هو صورة أبي.. سكرتها ونزلت بكل هدوء بعد ما ألقيت نظرة أخيرة عالبيت يلي قضيت فيه كل عمري.. وأنا طالع وقفتني اختي الصغيرة

نرجس: لوين رايح أخي بنص الليل.. عالمحل؟

مراد: اي حبيبتي.. مارح طول

نرجس: ليش معك شنتة

مراد: هي بضاعة.. رح فضيها بالمحل واجي.. انتي نامي

نرجس: مارح نام لتجي
Telegram@rwayate
مسحت على راسها وبوستها آخر مرة.. أخدت شنتايتي.. بس قبل ما اطلع من البيت ركضت لعندي وضمتني من رجلي

نرجس: أخي أنا كتير بحبك.. جبلي معك مصاصة.. لا تتأخر ماشي

ما تحملت ونزلت دمعتي.. مسحتها بسرعة قبل ما ترفع وجها لعندي

نرجس: انت الوحيد يلي بتجبلي أكلات طيبة

مراد: طيب حبيبتي.. يلا تأخرت
_____________________________________
2019
كنت صافنة بالباب.. لهلأ عم استنى.. ومارح اغفى.. رح استناه ليرجع.. أنا متأكدة أنو رح يرجع.. بعمرو ما زعلني

وائل: نرجس

نرجس: رعبتني وائل شبك

وائل: مارح يرجع قلتلك

نرجس: مبلا.. أنا متأكدة.. قلي مارح يطول

وائل: برأيك 15 سنة مو كتير شوي؟

نرجس: مراد رح يرجع

وائل: أديش عمرك هلأ ؟ 25.. الزلمة تركك من لما كان عمرك 10 سنين اصحي بقا.. أخونا تركنا ومشي.. اتقبلي هالموضوع

نرجس: أكيد كان في ضغط عليه

وائل: لو شو ما يكون الضغط.. مستحيل يترك اخواتو الصغار اليتيمين هيك

نرجس: أنت من طول عمرك بتكرهو لمراد

وائل: بعمري ما كرهتو.. إلا من بعد ما تركنا
Telegram@rwayate
مسحت دموعي وقمت وقفت بسرعة

نرجس: أنا طالعة

وائل: لوين
نرجس: عندي مقابلة اليوم بشركة الزاهر

وائل: بتحبي وصلك

نرجس: مافي داعي

طلعت من البيت بسرعة.. أخدت أول تاكسي بطريقي..

نرجس: ألو

جمانة: كيفك

نرجس: على حطة ايدك

جمانة: لقيتلك شغل بجنن

نرجس: احلفي

جمانة: اي والله.. شغل بناسبنا نحن التنين.. وبراتب عالي كمان

نرجس: طيب أنا هلأ عندي مقابلة بشركة الزاهر.. إذا رفضوني بنحكي معهن

جمانة: مفكرة رح يقبلوكي هنيك ؟ لك هي شركة كتير قوية وما بتاخد متخرجين جديد

نرجس: يعني إذا كل شركة ما أخدت متخرج وبدها واحد عندو خبرة.. من وين المتخرج رح يجيب خبرة؟ خلص لازم نكسر هالعادة بقا
Telegram@rwayate
جمانة: رح قلك اتصلي بعد ما تخلصي وخبريني بالنتيجة.. مع إني عرفانة الجواب

نرجس: تضربي انتي وهالطاقة السلبية من الصبح.. نزعتيلي مزاجي فوق ماهو منزوع

جمانة: ليش وائل رجع فتح نفس السيرة؟

نرجس: اي.. خلص يلا وصلت.. سلام

دفعت للتاكسي حسابو ونزلت.. كانت شركة ضخمة كتير.. دخلت لجوا وسألت وين المقابلات.. بعد ما طلعت لفوق قعدت استنى وكان في وحدة معي.. تسايرنا وتعرفنا.. وبعدو سألتني

لبنى: انتي كم سنة معك خبرة؟

نرجس: ولا شي.. متخرجة من شهرين

لبنى: أنا آسفة بس رح قلك مستحيل يقبلوكي..

نرجس: مصرين كلكلن اليوم تشلفوا معنوياتي بالأرض.. ليش انتي كم سنة خبرة معك

لبنى: 10 سنين بس أنا مو جاية قدم هون.. قريبتي عم تقدم جوا

نرجس: طيب انتي أول مرة اشتغلتي فيها كنتي بدون خبرة وقبلوكي.. لهيك لا تحكمي من بعيد

طلعت يلي كانت جوا عم تقدم

لبنى: شو يارا طمنيني

يارا: ماقبلوني

لبنى: قلتلك ما حيقبلوا متخرجين

يارا: اووف خلص عمتي امشي

كان دوري.. دخلت وأنا متوترة كتير

جمال: أهلا وسهلا.. كم سنة خبرة معك

نرجس: مابدك تسألني عن اسمي؟!

جمال: مابهم.. فيكي تجاوبيني

نرجس: متخرجة من شهرين

جمال: آسف كتير.. ما منقبل متخرجين

نر: طيب بس افتح ال CV.. رح تلاقي مهارة كتير عالية
Telegram@rwayate
جمال: بعت - -

قطع كلامو دخول شخص لعندو.. وقف جمال فوراً

جمال: مراد بيك.. ما كنت متوقع زيارتك أبداً

أول ما سمعت الاسم لفيت وأنا متلهفة.. بس للأسف كالعادة كان شخص تاني

أشر الشخص يلي اسمو مراد لجمال عليي

جمال: خلص فيكي تمشي

نرجس: بس

جمال: لا بس ولا شي.. تفضلي

نرجس: لك بس شوف شغلي

جمال: ماعم تستوعبي معي.. رح اضطر نادي الأمن

مراد: ورجيني

نرجس: شو ورجيك

مراد: صورتك

نرجس: مافهمت

مراد: لك شغلك شغلك.. ياربي دخيلك

أخدت الملف من عالطاولة وسلمتوا إياه.. الإعجاب كان واضح على ملامح مراد

مراد: هاد شغلك ؟

نرحس: أكيد ماني جايبتو من عند الجيران.. أنا كنت اشتغل من قبل للطلاب.. وعلاماتي بالجامعة كلها كاملة.. والاستاذ هون عم يقول أنكن ما بتقبلوا متخرجين

مراد: منعطيكي فرصة

ابتسمت فوراً

نرجس: عنجد عم تحكي
Telegram@rwayate
مراد: اي عنجد.. اليوم رح أعطيكي شغل اختبرك فيه.. وانت يا استاذ جمال.. حسابك بعدين
_______________________________________

رجعت عالبيت وخبرت وائل وأنا فرحانة إني نجحت بالاختبار.. واعتذرت من جمانة عالشغل يلي هي دبرتو.. تاني يوم فقت من بكير ونزلت لبلش أول يوم شغل الي.. جو الشركة كان كتير مريح.. ومكتبي كان جاهز.. تعرفت عالناس هنيك وأخدت رفقة الي.. بس كالعادة.. إلا ما تطلع وحدة تكون بتكرهك و تخرب كلشي عليكي.. ونصيبي كان ببنت اسمه
Link
0
5.8k
16:162020/03/02
ا روعة.. طول اليوم كانت عم تزورني وتقلب خلقتها فيني.. مع إني ما بادرت بأي تصرف

حياة: نرجس.. هلأ اجا وقت الجولة التفتيشية لمراد بيك.. لازم يكون كلشي على أحسن وضع

كل واحد بلش يرتب مكتبو وانقلبت كل الشركة.. يلي في أكل عمكتبو شالو.. ويلي كومبيوترو مسكر فتحو.. ويلي قبة قميصو مازابطة زبطها.. كتير استغربت من هالإهتمام الزائد..
_______________________________

(( مراد ))
كنت بمكتبي قاعد عم اتفرج عالكاميرات كيف كلهن مشلوشين وعم اضحك.. يومياً بفضي وقتي بس مشان شاهد هاللحظة.. مناظرهن كلها بتفرط ضحك وهنن عم يعملوا حالهن مرتبين.. سكرت لابتوبي و ورحت للقسم بعد ما خلصوا كلشي
مشيت بين المكاتب لحد ما وصلت لمكتب نرجس.. وقفت هنيك وصفنت شوي
حياة بدورها نكشت نرجس لتنبها بوقوفي وراها
لفت نرجس لعندي و وقفت
Telegram@rwayate
مراد: شو كان اسمك

نرجس: اسمي نرجس.. ما كان.. لهلأ متل ماهو ما تغير من مبارح🙂

مراد: لحظة لحط اصبعي على خاصرتي بركي بضحك شوي

رجعت حياة نكشت نرجس

مراد: ليش مكتبك ما عليه مزهرية فيها ورد النرجس؟

نرجس: عفواً.. شو قصدك

مراد: لا تفكريلي حالك شغلة.. اطلعي عالمكاتب حواليكي.. كل مكتب فيه مزهرية بتحمل ورد النرجس.. من بكرا بدي لاقيها

كملت جولتي التفتيشية عباقي المكاتب.. ولو إني كنت متيقن أنو أول ما اطلع كلشي رح يرجع لوضعو القديم

_____________________________________

(( نرجس ))

اجت لعندي حياة عم تركض

حياة: نرجس نرجس.. خدي هاد الملف.. الاستاذ مراد بدو إياكي تعمليه بسرعة.. معك ساعتين

نرجس: شو ساعتين.. أقل شي بدو 4 ساعات.. هاد شغل كومبيوتر وبرامج.. مو متل ما حضرتو متوقع

حياة: خلصيني اشتغلي يلي بتلحقيه

بعد ساعتين بالضبط اجا واحد لعندي.. أول ما دققت بملامحو انصدمت..

جلال: آنسة نرجس خلصتي الشغل؟

دمعت عيني وحضنتنو فوراً.. كان مراد.. متل ماهو.. ماتغير.. كنت متيقنة أنو لساتو عايش.. بعدني عنو فوراً وهو مستغرب

جلال: يا آنسة شو عم تعملي

نرجس: مراد أخي.. لك أنا نرجس ماعرفتني

جلال: يا آنسة شو عم تخبصي.. ليكي هي هويتي قدامك.. اسمي جلال.. شو هالتصرف البايخ هاد
Telegram@rwayate
معقول عم أتوهم.. يارب دخيلك كأنو إياه بالزبط
خجلت كتير لما شفت كل الموظفين عم يتطلعوا فينا.. قعدت على طاولتي ومسحت دموعي فوراً
__________________________________

(( مراد ))

كنت عم اتطلع عالفيديو وعيني مدمعة.. ما توقعتا تكون متذكرة شكلي لهلأ.. كانت كتير صغيرة وقت تركتا.. دق الباب ودخل جلال.. سكرت الفيديو فوراً

جلال: شو هالموظفة الجديدة مراد.. مو معقول

مراد: شو صار

جلال: فجأة ضمتني وصارت تقول أخي مراد.. لك لا تكون هي اختك.. كيف عرفتني لكن

هز راسو مراد وسكت.. توسعت عيون جلال وهو عم يقول بصدمة

جلال: لك كيف بتدخلها جوا الشركة.. ما خايف عحياتها

مراد: خلص أنت لا تقلق.. أنا بتصرف

يتبع..
Link
0
3.5k
16:162020/03/02
Link
0
3.1k
16:162020/03/02
#وجهة_خاطئة_بقلم_رُلى_كوجك
الجزء الثاني

حياة: نرجس شو هاد يلي عملتيه

نرجس: خلص لا تحكي شي

حياة: بتعرفيني بندبح من الفضول.. شو القصة

نرجس: منحكي بعدين

كملت شغلي وأنا عم اتحاشى نظرات الموظفين.. كنت مستغربة كتير.. معقول أنا نسيانة شكلو
___________________________________

// 2004 //
نرجس: مراد جبلي معك شطي مطي حباب

مراد: بس انتي بتعرفي أنو كل المحلات مسكرة

نرجس: مابعرف حباب جبلي

مراد: طيب رح شوف

طلع مراد من البيت وصار يدور على أي محل فاتح.. ما لقا.. آخر شي قرر يروح على دكان أبو الوليد ويدخل وياخد يلي بدو اياه.. وتاني يوم بحاسبو.. تسلحب لجوا المحل وأخد شوية أكلات.. فجأة بيجي ضو قوي كتير بعينو وناس هم تهتف (( الشرطة سلم حالك )) ركض من الباب الخلفي وبايدو الأكلات.. ضل يركض لحتى ما عاد لقالهن أثر.. رحع عالبيت وفتحتلو الباب نرجس

نرجس: جبتن

مراد: سكري سكري الباب.. ااه.. شفتي مشان حضرتك شو صار

ابتسمت لحتى بانت غمازتها وقالت ببراءة

نرجس: شو صار

أول ما شافها مراد ابتسم وحكا

مراد: ولا شي ياروحي.. يلا كليهن ونامي

____________________________________

// 2019 //

مراد: شو هالتصرف يلي شفتو آنسة نرجس

نزلت راسها وما حكت ولا حرف

مراد: عم احكي معك اطلعي فيني

نرجس: والله صار الموقف بدون إرادتي.. أنا عندي أخ كتير بيشبهو لهاد الزلمة.. صرلي فاقدتو فوق ال 15 سنة

سكت مراد وماعرف شو يرد

نرجس: بترجاك تسامحني.. ماعاد يتكرر هالموقف أبدا

مراد: شو اسمو أخوكي

نرجس: مراد

مراد: إذا بدك بساعدك لتلاقيه

ابتسمت بفرح وحكت

نرجس: عنجد بيطلع بإيدك.. قصدي عنجد بتساعدني
Telegram@rwayate
مراد: اي.. اكتبيلي على ورقة مواصفاتو.. واحكيلي كيف كنتي تشوفيه.. شهم بطل؟ يعني اكتبيلي كلشي عنو

هزت راسها وهي مبتسمة ومسكت ورقة وبدأت بالكتابة

(( مراد.. عيونو شهل.. شعرو قريب للشقار.. عمرو هلأ بكون بحدود ال 32.. طويل طولو 180.. حنون كتير.. هو الوحيد يلي كان يلبيلي كل احتياجاتي.. ما ينام إلا ليجي يطمن عليي ويغطيني.. وقت امرض يوقف فوق راسي وما يتركني وهو عم يقرأ قرآن.. ما يخليني اطلع من البيت لحالي.. كتير كان يخاف عليي.. كان هو بالنسبة الي الأخ والأب والصديق وكلشي.. بليلة مافيها ضو قمر قلي استنيني عالباب راجع.. وصرلي 15 سنة عم استناه ولهلأ مارجع ))

مسح دموعو وهو عم يقرأ يلي كتبتو

مراد: لا تستني يانرجس.. لا تستني

_____________________________________

// 2004 //

- إنت هلأ صرت مدمن

مراد: كيف يعني مدمن

- ههههه.. مفكر رح اعطيك دخان بالبلاش هيك لله؟ هاد كلو كان حشيش

مراد: الله لا يوفقكن.. يعني أنا هلأ محشش ؟

- ههههه ومدمن كمان

مراد: لك أنا عندي أخوات صغار.. حرام عليكن

- عندك طريقة وحدة لحتى تطلع من هالقصة

مراد: شو هي

______________________________________

// 2019 //

قطع شروردو دق الباب.. مسح دموعو فوراً وعطا الأذن بالدخول

معاذ: شو صار معك ليش ناديتني بسرعة

مراد: نرجس معنا بالشركة

معاذ: شووو.. انت كيف بتخاطر هيك؟!

مراد: مابعرف.. رق قلبي وماقدرت بعدها

معاذ: أنت لازم تفصلها بأسرع وقت.. إذا حست أنك أنت نفسو مراد رح نروح فيها
Telegram@rwayate
مراد: ساعدني بترجاك.. بدي اياها تضل بالشركة بدون علم الكبير

معاذ: مراد عم تطلب المستحيل

مراد: مو مستحيل.. رح أعمللها عقد وهمي ونزللها الراتب من حسابي.. محدا رح يحس

معاذ: والجولة يلي بعد يومين؟

مراد: ويوم الجولة التفتيشية بطالعها برا الشركة بأي حجة

معاذ: متأكد من قرارك

مراد: لا.. بس مضطر اتأكد

معاذ: وإذا هي كشفتك

مراد: مستحيل

معاذ: بتمنى هاد الشي

مراد: معاذ

معاذ: نعم

مراد: بتعرف إني ما أخطأت لما وثقت فيك

قرب وضمو بكل قوة

مراد: أنت الوحيد يلي وقفت معي

معاذ: ولو لك أخي.. أنت الغالي

______________________________________

// 2004 //

- أنت رح تترك عيلتك وتجي تشتغل معنا.. ونحن بالمقابل رح نداويك وما نقتل حدا من عيلتك

مراد: لك كيف بدي أتركهن وهنن صغار

- رح يضلوا تحت مراقبتنا ورح نساعدن كتير.. بس أنت أهم شي بدك تنساهن.. بدك تشيل قلبك وتحط مكانو حجر.. بدك تتحول من إنسان لشيطان ما بهمو غير مصلحتو.. وإذا سمعنا يامراد أنك مجرد شفت أخواتك من بعيد.. رح نبعتلك اياهن جثث لتشبع منهن

مراد: لك أنا شو عملتلكن

- ولا شي.. كنت مجرد طعم لنوصل ليلي بدنا إياه

مراد: وشو هو شغلكن يلي رح اشتغلو معكن
Telegram@rwayate
_____________________________________

// 2019 //

بعد مرور يومين الساعة 7 الصبح أول مادخلت عالمكتب

حياة: نرجس.. المدير طالبك ضروري

دخلت عمكتب المدير بعد مادقت الباب..

مراد: أهلين آنسة نرجس.. تفضلي

قعدت عالكرسي واستنتو ليحكي

مراد: بدي إياكي هلأ تطلعي من الشركة وتروحي عالبلدية.. هي الوراق لازمها تصديق.. وإذا خلصتي اتصلي فين
Link
0
3.2k
16:162020/03/02
ي مشان قلك تجي ولا ما تجي

نرجس: عفواً؟

مرتد: يعني قصدي مشان قلك إذا لسا بدي منك شي ولا لاء.. أهم شي أنك ما ترجعي إلا لتخبريني

نرجس: مع إني مافهمت شي بس حاضر

مراد: هلأ بسرعة اطلعي قبل ما تعملي أي شي.. خدي شنتايتك وفوراً امشي

أخدت الأوراق وهي مستغربة وطلعت لبرا.. أخدت شنتايتها وطلعت برا الشركة.. بعد دقيقتين تذكرت موبايلها.. رجعت عالشركة لتجيبو

_____________________________________

مراد: أهلين نديم بيك.. تفضل

نديم: مابدي أتفضل.. بدي أعمل الجولة

مراد: والله نورتنا.. شو أخبار السيد الكبير

نديم: بسلم عليك وبقلك اختصر الحكي
Telegram@rwayate
انصدم مراد لما شاف نرجس داخلة من باب الشركة.. حاول يلهي نديم.. بس للأسف.. شخص متل نديم مستحيل تفوتو هيك نقطة.. أول ما لمحها ابتسم وحكا بهمس

نديم: هي شو عم تعمل هون

مراد: علمي علمك.. أول مرة بشوفها

مشيت نرجس باتجاه مكتبها بس وقفها صوت نديم

نديم: نرجس خانوم

لفت باتجاه الصوت.. قرب نديم باتجاها ومعو مراد

نرجس: تفضل

نديم: كيف الشغل هون إن شاء الله مرتاحة

حاول مراد يأشرلها بس هي ما فهمت

حكا نديم بخبث وهو عم يتطلع بمراد

نديم: كيف الشغل مع السيد مراد

نرجس: والله الحمدلله مافي أحسن منو.. مراد بيك.. اضطريت أرجع لاني نسيت موبايلي عالمكتب.. بالإذن

غمض مراد عيونو بقوة

نديم: امشي عالمكتب قدامي.. مفكرني ولد صغير مو.. قلتلي أول مرة بتشوفها

بتبع..
Link
0
3.0k
16:162020/03/02
Link
0
3.0k
16:162020/03/02
مشاركات مشابهة

الكتب والمواضيع والآراء فيها لا تعبر عن رأي الموقع
تنبيه: جميع المحتويات والكتب في هذا الموقع جمعت من القنوات والمجموعات بواسطة بوتات في تطبيق تلغرام (برنامج Telegram) تلقائيا، فإذا شاهدت مادة مخالفة للعرف أو لقوانين النشر وحقوق المؤلفين فالرجاء إرسال المادة عبر هذا الإيميل حتى يحذف فورا:
alkhazanah.com@gmail.com

الرئیسيه
المجموعات و القنوات
Disclaimer

All contents and books on this website are collected from Telegram channels and groups by bots automatically. if you detect a post that is culturally inappropriate or violates publishing law or copyright, please send the permanent link of the post to the email below so the message will be deleted immediately:
alkhazanah.com@gmail.com