📚قصص||روايات||منوعة📚

rwayate

الجزء الثاني والعشرين والاخير

سائرا بين طيات الزمان ..ابحث هنا وهناك ..عمن يخبرني عن هواك ..ويعيد لي موجة ذكراك..ابحث عمن احب ..ذاك الذي رافقني في كل درب

مصدر سعادتي وعشقي..وحب قلبي الذي لا ينضب..سرت هائما في الطرقات ابحث عن حبيبتي السمراء..تلك التي فقدتها تحت التراب ..اعلم انها هناك ..ولكنني لا زلت لا اصدق الفراق احبها.... لا بل هي العشق والهيام ..هي حبي الذي لا ينام..وهل يفترق العشيقان.. فان مضى احدهما ..فالاخر لن يكون على وفاق مع من سلبته
الدنيا ..واحيته بين الامال ..للقاء قريب وان طال
_____________________________
لاول مره بفصل الشتا عم ينزل المطر بغزارة كإنو السماء عم تبكي على هاليوم الحزين ....
اليوم مو بس الاحباب ودعوها حتى الشجر و الحجر والمكان .....
هي مو بس راحت و راحة البركة و الحب و العطاء معاها

الكل متجمع ليودعها لآخر مرة الصغير قبل الكبير بين مش مصدق وبين ناس بتحكي يا رب يكون حلم .....

بالزاوية بعيد عن الكل قاعد شريك حياتها رافض فكرة موتها مو قادر يقوم ازا الفكرة هدت حيله كيف لو شافها قدامه من دون حراك....

بين شهقات الكل والدموع يلي ما وقفت عليها صارت قدامهم جثة من دون حراك....
كل حدا فيهم بلقي نظرة عليها بتحكي الف ذكرى و ذكرى وكل ذكرى بغصة

_ نعمة (كانت نعمة الام الها وقت ضربها اخوها سندتها و وقفت معاها )

_سميرة و سعاد(وك يا مقصوفة منك الها افتحوا الباب
سميرة و سعاد مع بعض يييييي خالتي ام جابر رحنا فيها
بسرعة ركضت سعاد و فتحت الباب وصارت تبكي شفتي يا خالتي شو عملت ......
تعي لهون هاتي ذانك وانتي سميرة تعي لهون و هاتي ذانك
_اخ خالتي والله بتوجعي
_خلص خالتي اخر مره )

ابو نغم (ام جابر من على باب البيت : انت ما عاد استحيت ما عندك شغلة بالحياة الا تضرب هالبنات
ابو نغم : شو خالتي انا بحترمك بس لا تتدخلي
ام جابر : لأ مو على كيفك
ابو نغم : لعاد يلا مع السلامة
ام جابر : شو لاحكيلك هاي آخر مرة بتفكر تضربهم المرة الجاي راح اشتكي عليك
ابو نغم : لأ ليكون مفكرة حالك حمامة السلام )

هاشم (وقت اجى يوم الخطبة وصل واقف على باب العمارة مو قادر يفوت ... وقتها طلعت ام جابر لعنده
هاشم : امي كرمال الله سامحيني
ام جابر : ما في ام بتزعل من اولادها انتو نور عيوني بس الله يهديكم
هاشم : احنا ضعنا من دونك حتى اخواني تعبانين بالحبس
ام جابر : انا بحل الموضوع)

_ جابر و راشد (مو بس احن ام واعضم ام رغم كل عمايلهم بس بالاخير راح طلعتهم من المخفر )

_فادي(ام جابر : قوم فادي كلنا على هالطريق لازم انت يلي اتقويني مو انا يلي ماتت كمان اختي
فادي : اخ يا خالتي راحت الغالية
ام جابر : له يعني أنا مو غالية عليك كمان ... قوم انا رجال والحياة لسى قدامك )

_سامر( لك فادي وين راح اقدر ادبر مصاري
_انا عندي الحل ما النا الا خالتي
_ لك لأ عيب
_ استنى خليني اسألها
_ له يا خالتي هاد سؤال تكرم عيونك و عيون صاحبك)

كلها هاي ذكريات عشناها معاهم والذكريات اقوى من الموت لأنها الشي الوحيد يلي بضل بعد موت الانسان

الذكريات الاكبر و الأقسى كانت لشريك عمرها و الاب الها و السند و كل الحياة يلي صار شجرة جاهزة للقطع .... نهر جفت ميته
لساته قاعد بعيد رافض يقرب لعندها لمح وجها الأبيض يلي ما فيه ملامح الحياة سرح لبعيد كثير
_ اشتقتلك
_وانا كمان
_ما ضل شي ونصير انشوف بعض قدام كل العالم
_ اسبوع راح صير على اسمك ونضل طول العمر سوا
_ اكيد يا اميرتي يا احلى وجه بالحياة
_ ههههههههه انت شو قصتك على وجهي
_بحب وجهك بحسه هو الحياة كلها

سنده فادي لحتى يقوم مشي عم خطوة و بين عليه الكفن واللون الأبيض
_ انتي بتعرفي ما بحب تلبسي هاللون
_حبيبي والله حلو الابيض بجنن
_ما بعرف بحسه لون الموت لانو بنلتف فيه بحس حالي ممكن اخسرك....
_لا اتكمل ما عاد البسه

واخيرآ وصل لعندها قرب عليها بعيون كلها دموع و صوت ممبحوح
قومي يا نوراة حياتي مو وعدتيني انضل العمر كله سوا ... لمين تركتيني لهموم الحياة يلي كنتي اتشيليها عني .... قومي يا رفيقة دربي .... قومي مو بس انا بحاجتك الكل .. الحياة كلها بحاجتك يا حمامة السلام

هاي هي كانت حكاية حمامة السلام يلي كان وجودها بس بالحياة سلام و امان و حكمة و اهم شي عاطفة على الكل .....
صح ام جابر رحلت من الدنيا بس هي راح اتضل موجودة بقلوب الجميع

( مني انا عبير الحياة .. الحياة ما راح أتوقف عند حدا الكل راح يموت كرمال هيك اتركوا ذكرى حلوة بقلوب الناس تحكي فيها بعد موتكم كونو حمامة السلام بقلوب الجميع )
انتهت

📚قصص||روايات||منوعة📚

rwayate

قصة اليوم: #حمامة_السلام ............ قراءة ممتعة

📚قصص||روايات||منوعة📚

rwayate

بـدايـة الـقـصـة..🌵✨

📚قصص||روايات||منوعة📚

rwayate

كتاب رائع😻💚
اقرأوا وطبقوا يلي فيو💙

📚قصص||روايات||منوعة📚

rwayate

رواية: قلب أزرق
• من طلباتكن🍿✨
᎗᎗᎗᎗᎗᎗᎗᎗
|| @rwayate📗💚'

📚قصص||روايات||منوعة📚

rwayate

رواية: أمواج أكما
الجزء التالت من رواية قواعد جارتين
روابطها💚👇🏻

ج1 https://t.me/rwayate/25570
ج2 https://t.me/rwayate/25571

📚قصص||روايات||منوعة📚

rwayate

📚قصص||روايات||منوعة📚

rwayate

قصة اليوم: #الحماية_والكنة
............
قراءة ممتعة🦋💙"
#ⴅÂÐЄĦÂ

📚قصص||روايات||منوعة📚

rwayate

#الحماية_والكنة_بقلم_هلاغرابلي
يا حماتي ما تقولي عني شرنة ما انت كنتي قبلي كنة ....
كنت مبسوطة و متوترة كتير.... اليوم جاين اهلو يطلبوني اله بعد حب دام سنتين كل شوي اطلع عالساعة ايمت رح تصير الساعة 5 و اتعرف على اهل زوجي المستقبلي يلي كان بنظري شخص مثالي كان دائما يحكيلي عنن و عن كل وحدة فين كيف بتفكر و شو بتحب و يقلي ما مصدق ايمت تصيري بيناتنا و وحدة مننا و انا كنت مستعجلة اكتر منه لصير ببيته و على اسمه ....
صارت الساعة خمسة و رن الجرس و فتحت اختي الباب و انا قاعدة بغرفتي و قلبي عم يدق بين الخوف و الفرح الفضول قتلني ما نطرت لاطلع ولشوف لهيك قلت بطلع من بخش الباب و بشوف كيف اشكالن..... 7نسوان و معن خطيبي صراحة ما توقعت تجي امه و معها بناتها الستة كلن جاين يشوفو عروسة اخون الوحيد ....فاتت اختي لعندي و قلتلي يلا اطلعي سلمي اخدت نظرة عالسريع على شكلي على المراية و طلعت سلم المفاجاة او الشي الغريب انو كلن لابسين اسود و كانو فايتين على عزا ما على طليبة منظر مرعب جدا و قاعدين و ساكتين و عيونن عالباب ناطرين البنت يلي اخون صرع راسن بجمالها و ادبها ورشاقتها و ذكائها فتت سلمت و قعدت و بلشت نظرات من فوق لتحت و الاسئلة يلي بطعمة و بلا طعمة حسيت حالي على كرسي الاعتراف و التحقيق فتت لجيب القهوة لحقتني امي قلتلي شو هيدا هدول جاين يطلبوكي الا يعزوكي انا ما ارتحتلن ابدا قلتلا ماما شو بدنا فيهن انا الي بالشب يلي قاعد برا قلتلي منحكي ليروحو ضيفت القهوة و حطيت بالفنجان يلي بدي ضيفو لخطيبي المستقبلي شوية ملح هاي العادة سمعتها بتركيا و حبيت طبقها عليه و شوف اذا بشربها كلها الا لا اذا شربها معناتا رح يضل يحبني شو ما شاف مني و دخيل عينه شربها و كل شفة بغصة و اول ما طلع بعتله مسج انشالله عجبتك القهوة قلي اطيب قهوة بشربا بحياتي...
صار نقاش بيني و بين اهلي انو امي ما مرتاحة الن و حستن كانو جاين يطلبوني بالغصب ما بارادتن بس انا قدرت اقنعها لانو مواصفات الشب كانت ممتازة و شب لا يرفض تمت الخطبة بسرعة بدون اي مظاهر احتفال او شي لانو العرس قريب جدا و حددنا موعد العرس بعد شهرين لانو وضعه كان جاهز و انا اتجهزت بسرعة شي انزل عالسوق و شي اطلبه من النت المهم اجت ليلة العرس و فتتت عالصالة بتفاجا ببنات حماي الستة لابسين فساتين سهرة ابيض و اوف وايت طالعين متل جماعة الرداء الابيض لك حتى ابيض من فستاني يعني يلي بفوت عالصالة بسال وين العروس؟ اي وحدة العروس؟العريس متجوز وحدة الا ستة!!!! لانو حتى عالبرزة تطلع وحدة تنزل وحدة و على تك صور 3افلام تصوير فيلمين كاملين بس لاخواته حتى الطرحة وباقة الورد شلحوني اياها و تصورو فيها انا حاولت ما انزعج من يلي شفته هاي الليلة ليلتي بس حبيت رد شي بسيط بس لقلن انو الحرب الباردة بلشت من اليوم بعتت لاختي و قلتلا بتردي خبر لكل بنات حماي يجو على ساحة رقص بدي ارقص معن و بعدا بوشك بتروحي عند الدي جا و بتقليلا تحطلي حصرا اغنية يا احلى منهم يا فرق عنهم لايهاب توفيق و اوعا تخليها تحطها قبل ما تشوفين اجتمعو بساحة الرقص حتى ما يصير انسحاب تكتيكي لاي وحدة منن و عملت متل ما قلتلها و هي بلشت الغنية و انا بلشت هز و هنا عم يرقصو و يطلعو ببعض و مصدومينمشيت الليلة على خير و فتت انا و زوجي على عش الزوجية يلي كان فوق بيت حماي و صبحية العرس الساعة 9كانو عم يرنو الجرس علينا متل الشرطة يلي جاي تشحط مجرم مرتكب 20جريمة قتل و الو هربان عشر سنين من العدالة وهلا لقوه .... جامعين حالن مع انو ال5متزوجين و كل وحدة بيتها بمطرح ما في الا وحدة بعدها بنت عند اهلها بس ب ليلة العرس نامو تحت عند امن حتى يطلعو الصبح لعندي يستفقدوني و طلعو و شربنا القهوة سوا و حكينا شوي عن العرس و نزلو ....
زوجي كان شايفني و ما مصدق و ما شفت منه ابدا شي زعجني لحد تالت اسبوع بعد عرسي وقت طلب مني انو بس خلص شغلي ببيتي انزل ساعد امه و اخته بشغلن انا انصدمت فيه قلتلو بعدني عروس لسا و انا ما مجبورة بهالشي انا الي ببيتي و بس انت تزوجتني الك الا خدامة لاهلك ....الشخص الحنون و المثالي طلع غير هيك تماما بعد الزواج عصب و جن وقلي هيدا الموجود و اهلي خط احمر انا بخدمن بعيوني و مرتي كمان مجبورة تخدمن و تعتبرن متل اهلها حتى كون انا مبسوط منها عجبك اهلا و سهلا ما عجبك الله معك انا تفاجات شو عم يحكي و مع مين عم يحكي هالحكي و بهالبساطة مستعد يتخلى عني و عن حبنا على اول مشكلة بتمر علينا فتت و بكيت كتير و فكرت لم اغراضي وروح احرد عند اهلي بلكي بغير رايه بس لا هيك بتكبر المشكلة و بشمت الناس يلي ناطرة تشمت فيني انا يلي غيرت رايي و رجعت قلتلو تكرم عيونك حبيبي و دلعت عليه و قعدت بحضنه وخلص ما رح زعلك (بس طول بالك نويالك على نية بس انت اصبر شوية)و حسيت حالي قدام مشوار طويل من الصبر و التعب وحطيت قواعد اساسية امشي عليها لاقدر اتعامل مع هالمشكلة و ليصير زوجي وبيت حمايي متل ما بدي .....

📚قصص||روايات||منوعة📚

rwayate

ما احكي ابدا كلمة عاطلة عن اهله حتى لو كانو ما كويسين شفت منهم العجب و دائما امدح فين و بينلو انو بحبن و بعتبرن متل اهلي .. اشتغل و انا راضية و ما بين انو هالشي عم اعمله غصب عني حتى ما يقوو علي و يتحكمو اكتر ... لساني لازم ينقط عسل معن و امدحن بوجهن .. ابدا ما عاند زوجي لانو ممكن تكبر المشكلة و يعند اكتر مني .... لازم اتصرف معه بطريقة خبيثة و اشتغل شغلي بالمخفي على كل الجبهات جبهة زوجي و جبهة بيت حماي.....يتبع
نقوطة متابعة ما حدا يسال عن الجزء التاني ايمت رح نزله وقت نزله بعمل تعديل منشور و الكل رح يشوفه
ملاحظة :ما بنصحك تعمل تاك او منشن لبيت حماكي او لسلفتك العقربة
........................................
الجزء التاني:
استعنا بالله و نزلت تاني يوم عالشغل الاضافي بعد شغل بيتي كنت ساعد حماتي بالطبخة و ساعد بنت حمايي بشغل البيت ما كنت اطلع على بيتي الا قبل بساعة من جية سي السيد غير تيابي و اتمكيج مكياج ناعم والبس احلى لبس طبعا كنت اتغدى عند بيت حماي وبس يجي كان كمان يفوت يتغدى عند اهله قبل ما يطلع لفوق و تعطيه امه نشرة الاخبار اليومية و وقت يجي بدو يسهر معي انا روح عالتخت و اتسطح و اعمل حالي تعبانة يجي يقلي قومي اسهري معي قلو يا روحي تعبانة لغير مرة حتى وقت بدو يجي ينام معي قلو مشتاقتلك كتير بس اعذرني تعبانة كتير عم اشتغل ببيتين قعدت اسبوع عهالحالة بلش يعصب و يضوج لمرة دقلي بالنهار قلي شو عم تعملي قلتلو ع البس بدي انزل عند اهلك قلي معلش اليوم ما تنزلي خليكي فوق بالبيت و حضريلنا جو للسهرة قلتلو اي تكرم عيونك بس خطي حماتي كيف بدها تطبخ بدوني و بخاف تزعل مني و انا ما بهون زعلها(حماتي يا وجعي )قلي خلص ولو اعملي متل ما عم قلك قلتلو اوك صار كل 3ايام يدقلي و يقلي اليوم ما تنزلي و انا اليوم يلي ما انزل اشتغل فيه كنت دللو كتير اخر دلال و انبساط لهيك صرت 3ايام بالاسبوع قضين ببيتي اشتغل و اطبخ ببيتي بس لسا بقيان 4ايام هدول كيف بدي اخلص منن ....
وقت انزل ساعد حماتي بالطبخة كانت تلبسني الطبخة كلها و هي توقف فوق راسي اعملي و سوي هيك بس انا خليتها تقلي دخيل الله ما بقا تطبخي كنت استقبل عمي و رحب فيه كتير اول ما يجي عالبيت و قله اليوم طابختلك الاكلة الفلانية و قلي شو رايك فيها رح تاكل اصابعك وراها بضحك و مزح و عمي كان انسان طيب و مساير غير حماتي تماما و وقت نقعد ناكل اسكبله انا بصحنه و قلو شو رايك عمي بطبخي مو طيب كتير كان يقلي امم تسلم ايديكي يا عمي شي بشهي قلو طبعا الله يخليلي حماتي عم تعلمني الطبخ بس خايفة اسبقها و صير اشطر منها ههههه و كنت اسالو على طول عمي شو الاكلات يلي بتحبها حتى اطبخلك اياها يقلي كل شي بتعمليه عمي طيب حماتي ضاجت من هالقصة و من غزل عمي باكلي على طول حست حالها رح تفقد سيطرتا و معلميتها بالطبخ و انو الكنة رح تتفوق عالحماية
لهيك بعد شهر قلتلي بنتي شو رايك تصيري تطبخي ببيتك على طول ما اريحلك قلتلها ليش حماتي وللله انا مبسوطة هون و بتسلى معك و عم اطبخ لزوجي كل كام يوم قلتلي معلش الرجال بحب يستقل ببيته و هيك خلصت من الطبخ و الاكل عند بيت حماي و انفصلت عنن بهالموضوع ....
بنت حماي الصغيرة بالعمر و الكبيرة بالمفعول كانت تركن علي بشغل البيت كتير و حماتي ما تقصر تنكشلي الشغل نكش اليوم بدنا نزل البرادي و اليوم بدنا نعزل المطبخ و بنتا كانت نص نهارها عالواتس و الفيس قلت لاندار عليها و طبعا هي العميلة السرية لاخواتها الكبار كانت تطلع عندي فجاة لتشوف شو عم اعمل و شو لابسة و كيف نظافة بيتي و كله بالتفصيل ينقل عالواتس لانو عرفت بعدين انو عاملين كروب مسمينه كنتنا الشرنة و هالشي شفته صدفة و قت كانت جنبي و اجاها مسج و طلع فورا على السكرين الرئيسي انو رسالة من كروب كنتنا الشرنة يلي هي انا مع انو ما شافو مني شي ما حلو لحد الان .....