📚قصص||روايات||منوعة📚

rwayate

📚قصص||روايات||منوعة📚

rwayate

جمايكا أحمد
الجزء الثاني..

سلوى :- ممم مابعرف انا كنت نايمة بغرفة ابني.. حاسة بصداع شديد براسي.. ورغبة اني نام.. حاسة بارهاق وتعب ما طبيعي انسدني دخليك..

زاهر :- طيب حبيبتي قومي.. رح اتصل ع امك تجي عندك وانا رح مر ع شغلي مابدي اتاخر نامي انتي اي..

...

نمت وماحسيت الا ع رش مية باردة ع وجهي و صوت امي وهي عم تقلي..

امي :- سلوى قومي بنتي حاجتك نوم.. صرلك ٣ ايام عم تقومي وترجعي تنامي..

سلوى :- شو

امي :- كل ما اقلك يا امي قومي بتقولي شوي بس.. بتركك برجع بلاقيكي غرقانة بالنوم.. بتفيقي بتقولي ماما بدك مي بشربك المية وبترجعي تغطي بالنوم.. جوزك طلب الطبيب ليطمن عليكي اي. قومي كلي لقمة.. شوفي صحتك كيف اتدهورت..

زاهر :- الطبيب وصل..

سلوى :- لشو يا زاهر انا بخير..

الطبيب :- رح اعمل شوي اجراءات روتينة ومن بعدها ناخد عينة دم للمختبر... افتحي تمك.. اي تمام.. عيونك.. ماتدايقي بس اثبتي بس بدي شوف تحرك بؤبؤ العين.. عم تشكي بالم بجسمك هون او هون..

سلوى :- بمعدتي..

امي :- من قلة الاكل يا دكتور..

الطبيب:-اشربتي شي ادوية او مهدئات او شي مسكن..

سلوى :- لاء ابدا..

الطبيب :- تمام نحنا رح نراجع التحاليل.. قدمولا الفيتامينات واشياء تمدها بالطاقة..

زاهر :- انا رح اوصلك يا دكتور..
( بجانب الباب يتحدث زاهر مع الطبيب)

الطبيب :- انا شايف انو ماعندها اي مشكلة وغير هيك رح نتاكد من التحاليل يبدو انو نفسيتها تعبانة، او مرت بأزمة نفسية سببت لالها هالصدمة والهروب والنوم الطويل.. انصحك تعرضها لطبيب نفسي اخصائي..

زاهر :- هي عم اتابع مع الدكتور وسيم بكلتا الحالات..

الطبيب :_ اي تمام رح اتصل فيكن وقت تتطلع التحاليل السلام عليكم..

..
امي :- طمني يا ابني قلك شي الدكتور..

زاهر :- مرت عمي سلوى هالكم يوم مانها طبيعية انا بقول لو تاخديها ترتاح عندك بالبيت..

امي :- زاهر انت متل ابني قلي انت مزعلها بشي حاكيلا كلمة تجرحها مابدك بنتي قلي ابني نحنا بنتقبل الوضع

زاهر :- مرت عمي انا بحب مرتي متل ماهي وكيف ماكانت وماني مزعلها ولا زعلان منها.. هي روحي ومابتهون عليه بشي.. بس من كم يوم ع الافطار بتقلي بموضوع غرفة ابنا ليه مابدك تناقشني سالتا بشو بتقلي باللي صار بغرفة ابنا وعم تقلي عم تسمع اصوات وفيقتنب رحنا للغرفة وانو كانت مكركبة بس انا لا فقت معها ولا شفت غرفة ابني.. مابعرف شو يلي صاير معها بس وقت شفتا بالحمام نايمة انقهرت عليها وحسيت في شي قلت خبرك اياه.

امي :-بسم الله الرحمن الرحيم شو عم تحكي يا زاهر ليكون البنت ممسوسة..

زاهر : شلون لا ما اعتقد بس هي تعبانة مرت عمي برضاي عليكي لا تفوتينا هالمتاهات شي كم يوم وترجع الامور لمجاريها واحسن بس انتي خديها عندك ترتاح..

( انتقلت عند امي كم يوم.. كنت ماني مرتاحة كل يوم احلم فيهن عم يبكو وعم يستنجدو فيني..

وبيوم فقت مفزوعة من فراشي ع ايد صغيرة عم تتمد لالي.. اسمعت همسو..

ماما ارجعي نحنا بغيابك بقينا بلا اكل جوعانين.. واخي الصغير عم يبكي جوعان رح نموت من الجوع ماما.. قمت بنص الليل لبست تيابي ودقيت ع زوجي ليجي ياخدني.. اتوسلت لاهلي لوافق اخي ووصلني ع بيتي..

فتحت البيت متل هوا بارد عم يعسف بقلب البيت.. وكل البيت مكركب والمطبخ مدلوق الطحين والحليب والبيض..

سلوى:- زاهر فيق ليه هيك عامل بالبيت

زاهر :- اووه كم الساعة هلق.. ليش شو عامل ماعملت شي..

سلوى :- الساعة ٢ واخي بلال وصلني تعال شوف المطبخ
.. قوم

اخدت زوجي ع المطبخ ليتاكد بعيونو يلي عم يصير.. انصدم وقت شاف الاكل بالارض والبيت كلو مقلوب حتى قمامة المطبخ بالارض..

زاهر :- سدقيني ماعملت هيك ولا لالي علاقة بكون شي قط فايت البيت

سلوى :- اتاكد زاهر لا تقلي ماشفت شي تاني يوم...

زاهر :- بنص هالليل امري لا الله.. بس انا لا استخدمت طحين ولا كبيتو

سلوى :- انا بس بدي تسدقني

زاهر :- طيب تعالي نرتاح وبكرة بنلاقي حل للاشي هاد..

سلوى:- سدقني حلمت فيهن واجو لالي

زاهر :- حياتي شو عم تشوفي

سلوى :- ٤ صغار ٣ كبار شوي وواحد رضيع.. عم يقلولي انهن اولادي وانهن عم يهتمو باخوهن الصغيؤ حتى حكوا اسمائهن متل ما نحنا كنا مخططين نسميهن.. ومن رحت لعند امي اجو وخبروني ارجع وهني خايفين بدوني وجوعانين..

زاهر :- شفتي وجوهن

سلوى :- اي بس اوقات ما بحب وجوهن ماحلوين بشعين كتير وعيونهن سودا.. بس هني بحبوني وماعم يأذوني وبدهن اياني صل معهن..

زاهر :- بسم الله الرحمن الرحيم طيب تعالي نرتاح هلق والصباح رباح..

.. تاني يوم زوجي كان قلقان وماطبيعي عم يروح ويجي بقلب البيت،

سلوى :- حبيبي فيك شي

زاهر :- لا لا تشغلي بالك..

سلوى :- ناطر حد

زاهر :- هيك شي
@rwayate
( بعدها بشوي اندق الجرس، قبل ليفتح زوجي اجا لعندي وقلي..

📚قصص||روايات||منوعة📚

rwayate

زاهر :- حياتي انتي بتعرفيني مابآمن بالدجالين ولا الشيوخ ولا بفوتن بيتي بس الفضول خلاني جيب رجل روحاني ليقلي شو بصير بالبيت.. لهيك هدي اعصابك وقت يكون واتحمليني شوي..

( فتح الباب واستقبلنا الرجال،. رجال عادي لابس بشكل انيق وماعم يظهر عليه انو دجال او من يلي بيربوا ذقنن وبيتعاملو بالدين ماكان بايدو اي اداه ليستخدمها فات البيت وبلش بدون مايحكي حرف يفتل فيه وبتحسس الاماكن لعند ماوصل غرفة ابني وقف على الباب شي ربع ساعة صافن وساكت...

زاهر :- استاذ عباس قلي شو في

عباس :- البيت طاقتو سلبية شديدة كلو هم وغم واكتئاب..

زاهر :- ليه وقفت عند غرفة الاطفال

عباس:- كنت عم اتواصل معهن

زاهر :- مع مين..

عباس :- يلي محتلين غرفة ابنكن.. ايتام

زاهر :_ شو

عباس :- فيها صغار الجن.. ايتام كانو عم يبحثو عن ام ووجدوها هون وما بدن يتركوا المكان..

زاهر :- كيف يعني فهمني

عباس :-الحياة بالعالم السفلي اشبه بالحياة عنا صغار الجن من يفقدو امهن ببلشو يبجثو عن ام ليعوضوا النقص يلي عندن.. والظاهر زوجتك عملت شي غلط خلتن يختاروها

زاهر :- غلط شو الغلط

عباس :- استحضرتهن بطريقتا

سلوى :- بس انا ماعملت شي ولا استحضرت حد

عباس :- طيب انا رح اقلك شغلات وانتي اتاكدي اذا عاملتيها او لاء.. بتكوني دلقتي مي حار بالمجلى، او رميتي شي ببركة مي راكدة، صرختي او بكيتي بالحمام لمدة طويلة.. احيانا اغلب الستات بتبكي بالحمام وهي مابتعرف خطورة هالموقف الجن بعيش بالحمام على طول وبجوز انتي كنتي حزينة وعم تبكي وهني شفقو عليكي او اختاروكي لتكوني ام لتخففي عن حالك الالم.. واحيانا مو صغار الجن يلي اختاروكي بجوز والدهن وجد فيكي الام الحنون لاطفالو لهيك جلبهن لتعتني فيهن من حنانك..

زاهر :- كم اعمارهن

عباس :- مابين يوم ل ٩٠ سنة عمر اطفال الجن.. بس كوني حذرة من اذيتهم او الاستعانة بشي ياذيهن لان من الممكن ينتقمو.. بس مو هني يلي بينتقمو اللي رح ينتقم المسؤل عنهن متل ابوهن او حد من عائلتهن..

زاهر :- والحل يا عباس

عباس :- بسيط جدا هي تكلمهن من تشوفهن وتصرفهن عنها بدون ما تسبب لالهن الاذى

زاهر :- فيك انت تصرفهن

عباس :- انا رجل روحاني مرفوع عني الحجاب مالي قدرة اني اتعاملهن معهن.. بس هني هلق موجدين وعم يبكو حوالين سلوى لا تخافي انتي كلميهن..

سلوى :- حاسة فيهن عم يحكو لا تسمعي وخليكي معنا

عباس :- انتي بتقرري اذا رح تبقي معهن متل ام او تتركيهن ليبحثوا بسلام عن ام تانية.

( وخلص عباس حديثو وراح ويومها بقينا انا وزوجي فايقين نفكر بحل يريحنا من هالشي يلي في بيتنا... غفي زاهر جنبي وانا قاعدة عم تابع مسلسل..

لحظتا سمعتن عم ينادوو عليه من غرفة ابني.. بصوت حزين مبحوح ماما.

زادت دقات قلبي واتسارعت، حسيت بثفل رهيب بجسمي وشي كأنو سقط على كتافي وزاد وزني طنين حاد باذني.. صار جسمي يرجف.. وانساقيت بخطوات هادية ومتظمة باتجاه الغرفة فتحت الباب.. وشفت ظل طويل جد.. ظل متل كتلة سواد لا تشبه ابدا ظل الانسان.. وفجاة هالظل اختفى وبلشت اسمع صوت ضحكات وحركة بين العاب الطفل والاله الموسيقية رجعت اشتغلت..

سلوى :- ليش انا بالذات شو بدكن مني

.. انتي يلي بدك مو نحنا

سلوى :- انا مابدي شي منكن روحو

.. بس اخينا الصغير بحاجتك

سلوى :- انا مابنفع لالكن لازم تشوفو ام تانية لتعتني فيه

.. مارح تكون متلك ارجوكي نحنا مارح نحزنك ابدا واذا مدايقة من وجودنا لا عاد نزعجك وعد بس اتركينا حواليكي

سلوى :- بس انا مافيني اعتني فيكن.

. لا تخافي نحنا رح نعتني بحالنا.. بس انتي لا تتركينا جوعانين.

سلوى :- بس انا مابعرف شو عم تاكلو

.. اي شي بس لا تحطي ملح.. الملح بيأذينا لا تحطي ملح بالاكل.

( اتفقت معهن على هيك وبلشت اعملن متل مابدن اتركلن اكل بدون ملح وتاني يوم لاقي الاكل مأكول ومابقيان شي.. والغرفة اسمع ضحكاتن تاني يوم لاقي كل شي بمكانو، ماعادو يزعجوني ابدا، واحيانا بضحكاتن وحديثهن بين بعضن يسلوني ماعدت اختنق من وجودهن، واذا غابو اختنق من غيابهن اتعودت عليهن وصرت احس حالي مسؤولة من اطفال بالبيت.. احيانا فيق لاقي البيت مرتب، والغسالة عم ادور ع التياب، بس الشي الوحيد يلي يخنقني هو ريحة البيت الكئيبة وهالشي لاحظو زوجي وهروبو الدائم من البيت،.

زاهر :- بفوت البيت بحسو قالو متل ظلام الليل وريحتو غريبة لا هي مكروهة ولا هي محبوبة..

سلوى :- طيب انا شو ذنبي

زاهر :- حياتي انتي صرتي بعالم تاني لا بتاكلي معي وان سالت بتقولي اكلتي مع الاطفال واذا جينا انام جنب بعض بتقليلي بدي اتاكد اذا الاطفال نامو او لاء واحيانا بتقولي الاطفال مانامو رح انطرهن ينامو.. ع طول مشغولة بالمطبخ عم تطبخي والاكل صار ما طيب حتى ملح ماعليه، ع طول تيابك وسخة واغراض البيت مكركبة.. وبغير محلهن.. شو عم يصير معك بس فهميني..

سلوى :- حياتي انا ماعم اعمل هيك

📚قصص||روايات||منوعة📚

rwayate

زاهر :- بلا وامك اجت وحكت معك اكتر من مرة وانتي بعالم تاني.. سلوى اطلعي من العالم يلي انتي فيه صرلك ١١ شهر على هاد الحال

سلوى :- شو ١١ شهر

زاهر :- اي وانا بلشت حس بالتعب وانتي ولا عم يهمك شي..

.. ( ماكنت اتوقع انو مرقت هالفترة الطويلة كلا، كنت متخيلة يا هني يوم او اثنين.. اتخانقنا انا وزاهر يومها وتركني وبقيت عم ابكي..

.. ماما اتركيه واتركي ابنو خليهن يروحو..

سلوى :- ابن مين

.. ماما رح تفضليه علينا وعاد تحبينا بسبب ابنو
@rwayate
سلوى :- ابن مين عن مين عم تحكو

.. على ابن زاهر يلي ببطنك اطلبي انك تجهضيه هو مابحبك وابنك مابحبك..

سلوى :- اتركوني روحو العبو بدي ارتاح..

... الساعة ٧ الصبح..

زاهر : اركزي راسك منيح شوي شوي لا تتحركي..

سلوى :- راسي عم توجعني

زاهر :- شوي وبترتاحي

سلوى :- شبك مبسوط ومين حطني هون على السرير..
@rwayate
زاهر :- وقت اتخانقنا وجيت اطلع من البيت سمعت شي وقع بالارض، ارجعت لقيتك مغمى عليكي جبت الطبيب وفحصك وقلي انك حامل بالشهر الثالث الحمد لله، قلي راحة وكتبلك شوية ادوية تثبيت حمل.. انتي ماتتحركي ابدن من مكانك وانا اتصلت على امك وامي يجو لعندك يضلن حواليكي اي..

( كيف اغمى عليه وشلون ماعم حس بالوقت كل هالشي ماكنت بعرف شي عنو غير غضبهن ومعرفتهن السابقة بحملي.. اجتمعت امي وحماتي عندي وكل يوم كانو بمسحو البيت بملح.. وغرفة الطفل كل يوم فاتحين فيها قىءان وعم يمسحوها بملح وتبخير، زوجي غير سرير الطفل وجاب سرير جديد وحطو بغرفتي..

.. مامااااااا تعي شووفي اخي الصغير عم يبكي وقع بالارض..

امي :-بنتي لا تسمعي لا لهن لا تقومي..

فقت فجاة على صوت حماتي عم تقرأ قرءان بصوت عالي لقيت امي كامشتني بقوة مابدها اياني روح.. ابقي باعمري لا تسمعي لالهن...

سلوى :- بدهن يأذو يلي ببطني اذا مارحت..

يتبع..

📚قصص||روايات||منوعة📚

rwayate

📚قصص||روايات||منوعة📚

rwayate

الجزء الثالث..

ام زاهر :- بسم الله الرحمن الرحيم.. ام سلوى والله جسمها تقيل ماخرج نكمشها..

امي :- دقي ع زاهر ع تلفونو.

ام زاهر :- ابني الحق مرتك والله ماقدرانين عليها بالقوة كامشينها..
@rwayate
زاهر :- انا تحت وجبت معي الشيخ

ام زاهر :- ليكو تحت الحمد لله..

امي :- ان شاء الله يكون جاب الشيخ

ام زاهر :- اي معو بسم الله استهدي يا سلوى بالله..

زاهر :- استرو حالكم يا حريم فوت يا شيخي فوت..

الشيخ :- توكلنا على بركة الله يا لطيف اللطف يارب... مشحون البيت طاقة مخيفة..

زاهر، :- اتفضل يا شيخي من هون

الشيخ :- اعطوني ماء وملح وماء الورد..

امي :- اي يالا حالا

الشيخ :- ربط ايديها منيح بهاي الاربطة القطنية..

زاهر :- اي يالا

الشيخ :- انتي امها

ام زاهر :- حماتها

الشيخ :- وين امها

امي :- انا هون

الشيخ :- اجلسي وراها وحطي ايدك على عيونها وماتخليها تفتحهن لو شو ما صار وسمعت..

امي :- بنتي لا تفتحي عيونك اي ياعمري الله يخليكي مشان ترتاحي

الشيخ :- نبدا على بركة الله نقرا قرءان على الماء..

مرق نص ساعة وقام الشيخ من مكانو وصار يرش الماء ع الزوايا العلوية من الغرفة والبيت وانتقل للزوايا السفلية..

الشيخ :- شيلي هالصور والتماثيل من هون

ام زاهر :- اي يالا حاضر

الشيخ :- طالعين برا الشقة اي اشياء تمثل الروح طالعوهن..

ام زاهر :- اي حاضر..

نبدا على ببركة الله..

الله اكبر الله اكبر. اشهد ان لا اله الا الله واشهد ان محمد رسول الله حي على الصلاة حي ع الفلاح الله اكبر الله اكبر..

يا معشر الجن أناشدكم بالعهد الذي أخذه عليكم سليمان بن داود إن لا تظهروا لنا ولا تؤذونا.. انصرفوا واتركوا هذا البيت واهله بسلام..

اخرجوا من هذا البيت..

أحرج عليكم بالله واليوم الأخر أن لا تبدوا لنا ولا تؤذونا

أحرج عليكم بالله واليوم الأخر أن لا تبدوا لنا ولا تؤذونا

أحرج عليكم بالله واليوم الأخر أن لا تبدوا لنا ولا تؤذونا..

* ( إِنَّ عِبَادِي لَيْسَ لَكَ عَلَيْهِمْ سُلْطَانٌ وَكَفَى بِرَبِّكَ وَكِيلاً ) (65) الإسراء

من احضركم من اذن لكم بالحضور اقسمت عليكم بالعهود ان تتركوا هذه السيدة بسلام فنحن لسنا باسياد و لا نريد خدام ونحن لسنا بخدام ولا نريد اسياد..

على كلام امي بلشت اصرخ واقاتل بحالي كنت اشعر بنار عم تحرق اطراف جسمي كلا.. كان زوجي وامي يلي مغطيه عيوني بخرقة مشان ما اشوف شي..

سلوى :- مارح اتركن انتو اولادي

الشيخ :- اعوذ بكلمات الله التامات من شر ماخلق.. اقسمت عليكم ان تتركوا هذا الجسد بسلام..

سلوى :- حاااجي بكفي اتعذوبهن لك زاهر اولادنا عم يتعذبوا.. بكفي

زاهر :- ياروحي هادول مانن اولادنا...

الشيخ :- ارفعي وجهها لفوق..

( كنت بمكان مظلم بيشبه المتاهة وباخر المطاف ضو احمر خافت واولادي عم يصرخو وعم يستنجدو فيني كانو عم يمدو ايديهن لالي كنت رح اكمشهن لولا وقتا حسيت بمية مغلية ونزلت على وجهي ومن بعدها راحو ماعدت شفتن راحو بعيد بالظلام الدامس يلي كنت عم شوفو.. شالت امي عن وجهي الخرقا يلي مقفلة..

وهديت الاصوات وحسيت كأني صرلي فترة طويلة غايبة عن الوعي.. كنت قبل شوف البيت والحياة شبة رمادية مانها ملونة ابدا،، اتنهدت وكان شي وانزاح عن صدري.. شربت مي واستفرغت شغلات ماكنت بعرف شو هي شعر مع دم اسود وشغلات غريبة.. ونمت ولاول مرة بشعر اني نايمة براحة..

فقت بعد ساعة وكان الشيخ بعدو عم يرقي بالبيت..

الشيخ :- اسمعي يابنتي شو ماسمعتي بعد هيك لا تلبي النداء رح تجي النداهة واضلا تنادي عليكي لا تردي ولا تلتفتي لالها وتقولي نعم.. هاد جن رح يرجع ينتقم لاطفالو انا خبرتك لا تردي ابدا...

..

وغاب الشيخ وغابت الاوهام والحياة المخيفة يلي كنت عايشتها.. شهر واثنين وتلاتة والحياة رجعت طبيعية وماعدت اسمع شي بقلب البيت.. بلش بطني يكبر وفتت الشهر السابع والحمد لله اتعديت مرحلة الخطورة وابتدأت تجهيزات الولادة.. ..

وبيوم كنت عم اتفرج ع التلفزيون وزوجي فات الغرفة ليرتاح شوي..
@rwayate
سمعت صوت..

سلووووااااا سلووووااااا

وبطريقة عفوية..

اي نعم

.. اختفى الصوت..

ورجع نفس الصوت الغربب كنت اعتقد انو من زوجي..

سلوووواوا... سلووواااا

قمت من مكاني للغرفة كرمال احكيه مالقيتو والسرير مرتب..

سلوى :- حياتي اذا سمحت لا تمزح هيك مزح معي..

ماكان عم يرد عليه ابدا...

بعدا اسمعت طرقات على الباب.. طق طق طق....

سلوى :- ياربي مزحك التقيل مابحبو..

وفتحت الباب بس مالقيت حد.. رجعت على الصوفاية وحسيت بخدران كبير وارهاق فجاة وبدي نام.. فقت مفزوعة ع صوت بكاء اطفال وعم يستنجدو فيني، خفت بالاول بس صوتهن الحزين هو يلي جبرني قوم.. فتحت باب غرفة الطفل لقيتا مكركبة..

.. يايخزظنيرةزمككت ماماى لمكوىةوساعدينا عم تعذبنا..

.. سلوى :- مين هي

.... زوجة ابي..

وفجاة ظهرو كانت وجوهن مشوهة وكانهن فعلا متعذبين..

سلوى :- مين عمل فيكن هيك

📚قصص||روايات||منوعة📚

rwayate

.. اريبا زوجة ابي هي السبب لاتتركينا امي ابدا...دخيلك..

سلوى :- مارح اتركن بس لا تظهرو قدام زاهر...

... متل مابدك.. نحنا جوعانين

.. سلوى:- رح قوم اعمل اكل..

زاهر :- سلوى مع مين عم تحكي

سلوى :- شو مممم لاء مابحكي مع حد انت وين رحت..

زاهر =- مارحت لمكان كنت نايم غفيان هون ع السرير..

يتبع تكملة ♥️♥️♥️♥️

تكلمة الجزء الثالث والاخير..

ومن بعدا بلشت الحياة تتغير كليا رجعت للعادات القديمة اكل بدون ملح بيت رائحتو نتنة كسل وارهاق ونوم عميق ووقوف لساعات طويلة بنصف الليل امام المرآة بالحمام.. او فيق لاقي حالي على باب الحمام نايمة..

زوجي شعر اني ماعدت طبيعية بس لان كنت بآخر اشهر الولادة ما اهتم كتير لوضعي واخدت موعد مشان اولد ابني احمد..

ومرقت ساعات الولادة على خير وارجعت حاملة ابني لاول مرة بتاريخ حياتي احمل طفل من صلبي من فرحتي ماكانت الدنيا كلا واسعتني..

رجعت على البيت انا وامي وحماتي وزوجي وطفلي الخامس احمد..

فتحت الباب وكانو بانتظاري وجوهن شاحبة وهزيلة وفمهن مفتوح كانهن كانو عم يصرخوا طول الوقت وعيونهن عم تبكي بس بكائهن دم اسود.. اصابيع بارزة منها اظافر حادة، ملامح وجهن غضبانة كانو واقفين وخلفهن ظل اسود ضخم نفس الظل يلي شفتو قبل..

اخد زوجي مني احمد وفتت على غرفتي وتركت الباب موارب ليفوتوا احكي معهن..

بس مافاتو ولا حضروا ارجعت فتحت الباب لقيتن واقفين بطريقة مرعبة حوالين زوجي زاهر وعم ووجوهن قريبة من وجه ابني احمد يلي كان بيصرخ صراخ هستيري، زوجي ماكان شايفهن بس انا شايفتن منيح... كنت حاسة انهن راح يأذووه..

#سلوى :- اذا مارح تبعدو عنو هلق لا انا امكن ولا رح ارجع حتى لالكن..

التفتو راسهن لالي متل البومة جسمهن بمكانو بس راسهن يلي بدور... وحتى الرضيع منهن نفس حركتنهن..

صرخت مرة تانية وقلتن ابعدو عنو وهاد اخر تحذير..

وقتا اقتربوا من الحيط وبلشو جميعن يضربوا راسهن بالحيط ضربات متتالية ومنتظمة وكانهن ساعة وحدة بيتحركوا مع انين وصراخ.. رجعو التفتو لالي وكان وجهن متهشم من الضرب وجمجمت راسهن بلشت تظهر والدم صار بكل مكان..

# اختاري يا نحنا ياهو بقبرو

سلوى :- بدي تطلعو من بيتي هلق

# زادت حدة الصراخ والبكي بصوت عالي واختفوو من بعدها..

اخدت حماتي الطفل وصارت تقرا قرءان وحوطتو بالملح..

هديت شوي وصرت اقرا انا كمان قرءان.. ونحنا قاعدين وزوجي عم ياخد راي يجيب الشيخ..

سمعنا دقات على الباب تلات دقات طق طق طق..

قلتو لا تفتح..

زاهر :- ليه سلوى في شي..

سلوى :- لا لا مافي شي..

رجع اندق الباب كمان مرة طق طق طق..

زاهر :- اكيد حد من الجيران رح افتح واشوف..

فتح زوجي الباب وقال مين مين..مالقى حد..

زاهر :- اكيد حد من الجيران..

لحظتها سمعت صراخ من الحمام وكانت امي..

سلوى :- امي شبك شبك

زاهر :- مرت عمي شبك قومي قومي
..
سلوى :- امي شو شفتي

امي :- تعو لعنا ابني تعو لعنا لا تبقو بهاد البيت فيو شغلات ما منيحة ياعمري كرمال ابنكم..

بعدنا عم نحاكي امي سمعنا صراخ حماتي..

حماتي :- ناااار نااااار.. الحق يا زاهر

كانت النار شاعلى بكل الصالون فجاة ومحوطة حماتي وابني احمد.. وشوي طفت من حالا.. ورجعت شعلت من تاني بكل زوايا البيت
..

امي :- ابني الله يرضى عليك قومو نروح

زاهر :- رح اجيب الشيخ اقعدو

امي :- بسم الله الرحمن الرحيم.. الله لا اله الا هو..

وهي امي بتقرأ اندق الباب خبرت زاهر مايفتح..

# زاهر :- بكون الشيخ
@rwayate
سلوى :- لا تفتح زاهر مابكون لحق يوصل.. زاهر لا تفتح.. كان مساق للباب بالاجبار ليفتح..

زاهر :- خير مين انتي..

( لحقت زوجي لاعرف مين عم يحاكي ماكان حد زوجي بحاكي حد مانو موجود..

سلوى :- زاهر مع مين عم تحكي

زاهر :- عجوز شنيعة جلدها اسود ع زراق وكلها بقع وتجاعيد ورائحتها نتنة، بدها تفوت تشرب مي قلعتا..

زاهر قفل الباب وهو عم يحكيني بس انا كنت شايفتا هي نفسها العجوز يلي وصفها واقفة ورا زاهر وحاملة ابني احمد..

سلوى :- صرخت.. لاااااااااااااااا اتركيه..

.. ماكانت عم تحرك تمها ابدن حملتو وراحت.. فاتت من الباب يلي ابوابو مقفلين اخترقت الباب الخشب وهي حاملة ابني وطلعت.
.
سلوى : احمد احمد لا تاخديه..

زاهر :- حبيبتي ماحد راح ياخد ابنا ليكو جوا لا تخافي لا تخافي تعي احضنيه وارتاحي..

فجاة رجعت لوعي واتاكدت انو ابني بخير حملتو ورحت على سريري حاضنة ابني لانيمو بحضني.. جسمي كان تقيل ومتل يلي مخدر اخدت ابني لارضعو وغفيت وهو عم يركض مني..

سلوى :- زاهر شو عم تعمل.. زاهر الطفل رح يموت زاااااهر لا دخيلك اتركوا لالي مالي غيروا..

زاهر :- رح اقتلو متل غيرو هههههههههههاااااااي ماااااااااااااااااااااااااااا رح اتركلك حد هااااتاااتتماؤهةيةجلبكز. مت مت مت.

. فقت مفزوعة من نومي عم اصرخ ع زاااهر..

ركضو كلن امي وزاهر وحماتي..

📚قصص||روايات||منوعة📚

rwayate

لا اراديا.. عم قلو ليش قتلو زاهر ليش قتلو ابنا هاد.. ابنا يا زاهر..
@rwayate
زوجي حمل ابني كان ازرق وماعم يتنفس.. واقف نبضو وجسمو بارد.. صار يصرخ.. وانا صرت اصرخ معو.. كان ابني ميت نام بحضني ومات قتلو زاهر زاهر هو يلي قتل ابني ماتركلي فرحة افرح فيها قتل كل اولادي كلن.. ماحد عم يسدقني عم يقولوا اني مجنونة وانا هلق بمشفى المجانين، انا خبرت كل رفقاتي انو هو يلي قتل ابني، والكل مسدقني، انا عم شوفوا كل ليلة عم يزورني وعم ينام جنبي هو واخواتو ... وقريبا رح روح لعندن هني خبروني...

..

النهاية على لسان زاهر..
..من صرخت سلوى ركضت على الغرفة كان الطفل مزرق ومخنوق وهو عم يرضع من امو ما كانت حاسة بحالها نامت فوقو ومات.. وهي من وقتا ماعم تستوعب انو مات..

جبت شيوخ من بعدا ع البيت...ومانفع معها حد كانت اقوى منهن والشي عم يزيد معها. اكتر من مرة حاولت قتلي.. واكتر من مرة تهرب من البيت بالليل ويدق علينا حارس المقبرة بنص الليل نروح للمقبرة بنلاقيه عم تنبش قبور اولادها وتصرخ وتقول عايشين.. وجوعانين وبحبو الاكل بلا ملح..
@rwayate
جبنا روحاني بتعامل مع الجن الصالح ومسخرو ليطرد هالارواح..

خبرنا انو وقت دق الباب وكانت العجوز.. هي جن متهيئة على شكل عجوز اجت لتنقم لاحفادها من الجن.. بسبب حزنهن لانها رفضت تكون امهن ورفضوا تكون ام لغيرهن.. لهيك انتقموا من الطفل.. البيت من بعد هاداك اليوم وحزني الشديد على ابني ومرتي بعد ماتركتها بمشفى المجانين لان حاولت اكتر من مرة قتلي وقتل امها وامي وحتى اولاد اخواتها الرضع.. مالقينا الا مشفى المجانين الحل الوحيد لالها.. حزن مرتي وبكائها المتواصل بالحمام على فقدان حملها هو السبب يلي هي فيه.. الشي ما انتهى كل يوم بتمام الساعة ١١ ككل اليوم بندق باب غرفتي.. الشيخ خبرني لو شو ما سمعت ما افتح الباب واذا اسمعت بهيك وقت حد بينادي ما ارد وما لبي النداء لان انتقامهن ماخلص، والدور عليه لان انا السبب بحزن سلوى.. او بالاحرى بحزنهن هني بفترة قصيرة لان هلق هني رجعو لالها.. وهني معها بالمشفى بنامو جنبها.. هيك هي عم تقول...

انتهت..

رح نرجع لنظام القصص بابريل باذن الله بقصة زمن الجبابرة... قريبا.. بشهر ابريل..

📚قصص||روايات||منوعة📚

rwayate

قصة جديدة: #الأجداث ............. قراءة ممتعة🦋💙"

📚قصص||روايات||منوعة📚

rwayate

بـدايـة الـقـصـة..💙✨

وهيك صاروا 4 قصص ☕️💚 ، قراءة ممتعة وتصبحون على ما تتمنون 💗🌸