الجزء_الاول
ببداية شهر جديد ونهار جديد.. بعد ما فاقت قبل موعدها وانتظرت الوقت ليمشي بملل.. لبست تيابها لعسكرية الخاصة فيها.. حطت البوت الجلد برجلها.. رجعت شعرها الذهبي ورا دنيها والطاقية ع راسها.. اخدت مفاتيحها وطلعت من البيت بسرعة.. كان واقف المساعد زياد بيستناها متل كل يوم
اسيل: صباح الخير زياد
زياد: صباح النور لأحلى محقق بهالمدينة
طلعو بسيارتها سوا هي بتسوق وهوا بجنبها ليعطيها اخر التطورات
اسيل: في جديد!
زياد: ابداً.. الوضع ع حاله.. ما في اي تحركات من عصابة الملوك.. يبدو ماخدين حذرهم هالاكم يوم
اسيل: اي يبدو هيك
زياد: سمعتي عن المحقق الجديد الجاي ع قسمنا
اسيل: اليوم!
زياد: اي وبقولو شخص مميز وناجح بكل قضاياه وقدر ينتقل لعنا هون بجدارته
اسيل: اي لا تصدق كلها واسطات.. وصلنا خلينا ننزل
نزلت وهي بتمشي بخطوات سريعة.. رمت مفتاح السيارة لبواب المركز.. وكملت طريقها لجوا والعساكر بتعطيها التحية كل ما تقرب منهم.. وصلت مكتبها.. فاتت لجوا وزياد بعدو لاحقها وبيجهزلها الملفات عالمكتب
زياد: شوفي هدول الملفات لجيب القهوة واجي
اسيل: لا تتأخر
فتحت الملفات وهي بتتفرج ع صور البنات وتقرأ معلوماتهم بلمحات سريعة.. قاطعها فوتة شخص ع مكتبها.. بس لمحته قامت من محلها بسرعة
اسيل: اهلين عمو
مروان: عمو!!
اسيل: احم اسفة.. اتفضل سيدي
ابتسمت من قلبها لعمها يلي بيتغير ما بين اللحظة واللحظة بالبيت شي وبالمركز شي تاني
اللواء مروان الخيري عمها وبيها والي مربيها.. ويمكن الشخص الوحيد الي مستعدة تضحى بحياتها كرماله.. سحب كرسي وقعد وهوا بيعدل الجاكيت
مروان: حكينا الف مرة بالشغل هون ما في عمو.. بظن كبرتي ع هالتصرفات
اسيل: بعتذر سيدي اعتبرها اخر مرة
مروان: احكيلي لوين وصلتي بالقضية
اسيل: للأسف سيدي.. العصابة ماخدة حذرها بشكل كبير هالفترة وما بتقوم بأي خطوة يبدو شاكين انه بنراقب تحركاتهم
مروان: اوك اهدو هالفترة وخفو شوي.. خليهم يرجعو يتحركو بأريحية
اسيل: وهوا هيك
فات زياد معه القهوة.. حطها عالمكتب ووقف لورا
زياد: سيدي وصلني خبر من المراقبين انه بلشو يتحركو ومعهم مجموعة من البنات
مروان: حلو كتير.. اشربي قهوتك واتحركي فوراً.. انا راجع ع مكتبي.. بتخبريني شو بصير
اسيل: حاضر سيدي
مسكت فنجان قهوتها وشربته ع نفس واحد وهوا سخن كتير.. اطلع فيها زياد وابتسم ع تصرفاتها الاكبر من شكلها
اسيل: خلينا نمشي يلا
___
بعد ساعة وصلو عالمكان.. نزلت من السيارة وهي عم تعرج بالكعب العالي
اسيل: اف مو متعودة ع هيك لبس كيف بدي اعرف اتحرك
زياد: فوتي ما معنا وقت
اسيل: اتصل ع الدورية يلحقونا هلء.. واول ما اعطيك خبر بتقتحمو المكان
زياد: حاضر
مشيت بلبسها الغريب.. ملابس ديقة وملفتة.. كعب عالي وبروكة ع شعرها.. كانت شبيهة بالممثلات.. بس مضطرة ع هيك لبس لتبين وحدة منهم وما حدا يشك فيها.. تسللت بخفة على سطح المكان.. سقف منخفض من الاسبست بمكان كبير ومهجور.. بقيت بتدور ع فتحة لتنزل لعندهم لحتى لقيت شق صغير.. نزلت منه على مجموعة براميل باخر المكان.. تسللت لجوا وكملت زحف لوصلت ورا مجموعة كبيرة من البنات قاعدين بجنب بعض.. رفعت حالها وقعدت اخر سطر بجنب بنت
اسيل: اي ووين رح ياخدونا هلء
: مين انتي.. ما شفتك معنا من قبل
اسيل: انا جديدة.. وكنت قاعدة اول شي بس رجعت لهون خفت اكون اول تجربة
: اي بتفهمي.. من اي ميتم جيتي
اسيل: شو
: اكيد من عند هزار الله يلعنا
اسيل: هزار!!! طيب انتي اول مرة هون!
: لا من قبل.. بس حطوني اليوم انا وكم وحدة مع مجموعة البنات الجديدة.. وانتو بعد ما نظفوكن وزبطوكن جابوكن لهون مو؟؟
اسيل: اي صح.. بس لوين ماخدينا
: هههه جهزي حالك.. دقايق وبتعرفي لحالك
حست حالها ما رح تستفيد من هالبنت اكتر من هيك.. اطلعت حواليها وهي عم تحفظ وجوههم وتدقق فيهم واحد واحد.. مجموعة من المسلحين محاوطين البنات وبينتظرو السيارات تيجي تنقلهم للمكان المخصص.. بعد دقايق لمحت شخصين فاتو مبين انه المسؤول والي شكت يكون هوا النمر.. ومعه واحد بنفس هيته ولبسه.
ابتسمت وحست مهمتها شارفت عالنجاح.. حطت ايدها ع السماعة يلي بدانها وحكت بصوت واطي
اسيل: زياد خبرهم يبدؤو هجوم.. النمر موجود
زياد: حاضر
استنت دقايق ما صار شي.. وبدو الرجال المسلحة يطلعو بالبنات لبرا
اسيل: زياد شو بيصير.. وين الهجوم.. رح تخرب الخطة
زياد: سيدي ماحدا موافق
اسيل: شوو
جنت من كلام زياد وحست الخطة كلها رح تفشل.. قامت من محلها ركضت قريب منهم ورفعت سلاحها وجهته للمسؤول والي معه
اسيل: كلو يرمي سلاحه
: شو الي بيصير مين انتي
اطلعت حواليها كانو كل الرجال موجهة السلاح عليها.. رجعت ركزت بالمسؤول وقربت سلاحها عليه
اسيل: ما رح عيد كلو ينزل سلاحه
: ماحدا ينزل شي.. لشوف شو رح يطلع منك
عصبت.. ضغطت شوي عالزناد واطلعت فيه
اسيل: سلم حالك يانمر.. ما بتتخيل شو بقدر اعمل
: النمر! هههه ومين انتي
اسيل: انا المحقق اسيل الخيري.. وبطلب منك تسلم حالك بدون مشاكل
: ههههههه.. بنت وم
