📚قصص||روايات||منوعة📚

بتنزل ايدها فوراً كان الشب نفسو

مجهول:عفواً ياآنسة،بس هون للرجال،وهنيك للنساء

ليلاس وحروفها عم تطلع بلويل:بعرف بس...

مجهول بيقرب عليها:انتي منيحة؟موجوعة شي؟

ليلاس:لك ايي

بتتركو وبتركد لعند بوابة النساء بترجع بتوقف قدامها الخادمة بيتطلع فيها من بعيد..

ليلاس:لك بترجاكي خليني فوت بعدي لشوف

بتدفعا بقوة وبتفوت علحمام أما الشب بيكتم ضحكتو بلويل بس ماعاد يتحمل فجأة بتعلى صوت ضحكتو الرجولية

بيقرب لعند الخادمة
الشب:تفضلي خدي هدول

الخادمة:شكراً الك هي البنت اكيد مجنونة

الشب:هههه خلص انسي تركيها بحالها

بيبعد عن المكان وبيتوجه عطاولتو..

بتطلع ليلاس وهية مبتسمة ابتسامة نصر..

ليلاس:وهلأ صار فينا نتفاهم،رايحة جبلك المصاري واجي..

الخادمة:لا لا ماعاد في داعي..الشب يلي كان وراكي حل الموضوع

ليلاس قلب وجها احمر متل الطماطم🍅:شوو؟؟
الخادمة:بعتذر منك بس هيك الأوامر

بتدايق ليلاس كتير وبتطلع وبتتوجه عطرف الطاولة،بتلاقي شادي وآعدين مقابيلو بنت وشب عاطينها ضهرن

ليلاس بينها وبين حالا:هلأ اذا قلنا هي ماسة،مين يلي جنبها معقول اخوها سراج؟

شادي بينتبهلا:هه لك ليلاس وين اختفيتي معقول لهلأ فكرت ضعتي هههه

بتقرب بهدوء لجنبهن وبيوقفو ليسلمو عليها..بتسلم عادي ع ماسة،بس ماسة مباشرة انتبهت عريحة العطر بتوجه نظرات غضب ع شادي..يلي طبعاً كان متوقع الأمر،أما سلامها مع سراج كان كلو احراج وخجل..أي نعم هو الشب نفسو يلي تقابلت معو من شوي..

ليلاس بينها وبين حالها:ياأرض نشقي وبلعيني وخلصيني،ياربي شو هلتعارف هاد..

بيكتم سراج ضحكتو وبيعتبر نفسو أول مرة بيشوفها..

سراج:تشرفت بمعرفتك آنسة ليلاس(بتلفتو اناقتها ونعومتها يلي فعلياً مانتبه عليها قبل بشوي)

شادي:هههه (آنسة ليلاس؟)لا لا مو لابقلا بنوب..

بتضحك ماسة بس سراج بيعمل نفسو مانتبه

بتدايق ليلاس من كلام شادي،صح متعودين يمزحو مع بعض بس مو بوجود ناس غرب معهن

بتأعد جنب شادي وهون بينتبه شادي عليها

شادي بيقرب وبيهمسلا:بعتذر

ليلاس:عادي ولا يهمك..

شادي:طيب يلا نطلب الاكل..

بيطلبو وبياكلو وهنن عم يتناقشو،بس ليلاس كانت ع عكسهم مو قادرة تحكي شي،الاحراج يلي كانت فيه سكتها،أو يمكن كانت مشغولة بشي تاني...أي هية كانت مشغولة بسرقة النظرات ع هلشب...(سراج)بحياتا ماشافت هيك شبوبية ولاجاذبية..ولا اكابرية.. ييي لك كتير ع تقيل وكلامو موزون مو متل الاجدب شادي يلي جنبها...

شادي:احم(وبينكزا لليلاس بطرف ايدو)عم تسألك البنت

ليلاس:اه؟ماسمعتك شو حكيتي ماسة

ماسة:حبيتي المكان؟
ليلاس:ابداً...ماطقتو بنوب وبلأخص القوانين بهلمطعم الفظيع

بيتطلع فيها سراج وبيفهم قصدها بيبتسم وبيخبي تمو بأيدو

لما بتلمح بسمتو،بتتلخبط كلها،بتطلع بعيونو الموجهة ع عيونها وبتبتسم..

ماسة:شادي..تعال نختار الحلا مع بعض من هنيك..

شادي:اي ليش لا..

بيروحو تنينهم علبوفيه المخصص للحلا ليختارو شي

ليلاس:أناا..انا بعتذر عن يلي صار

سراج:ليش عم تعتذري؟بلفعل الغلط منهم بعد يلي عرفتو شكلي ماعاد اجي عهيك مطعم استغلالي

ليلاس:اول مرة بفوت لهون لهيك ماكنت بعرفسراج:ولا يهمك حصل خير والحق عليهم..بس انتي عنجد كنتيي رح تفوتي ع....

ليلاس بتفهم قصدو:طيب شو بدك اعمل؟ماكان عندي غير هلحل والله ستر طلعت انت بوجهي ومافتت

سراج:هههه أي لا عاد تفكري بحلول اذا هيك حلولك

ليلاس بتبتسم وبتنزل عيونها لتحت بخجل..

أما عند شادي وماسة

شادي:لك حتى وانتي جنبي عم اشتقلك تعبت وانا عم خبي عن سراج

ماسة:اوعك ياشادي لازم نحسب لكل خطوة الف مرة قبل مانخطيها..

شادي:حاضر..

ماسة:عفكرة حبيت كتير ريحة عطر بنت عمك..شو رأيك تجبلي متلها

شادي:لا انتي اكيد فهمتي غلط..ماسة عمري
ماسة:شو جاب ريحتك عتيابها؟
شادي:لك هية مجنونة اخدتها من السيارة ورشت عتيابها
ماسة:وممكن افهم شو معنى هلحركة؟
شادي:هية طيوبة كتير كانت حركة عفوية
ماسة:أي ممكن..خلص انسا حبيبي

بيتطلع سراج عليهن من بعيد وبيلاقيهن عم يحكو ويضحكو،وبتنتبهلو ليلاس

ليلاس:احم..انتو بتجو لهون كتير؟

بيتطلع فيها،بتكون اجرئ شوي عن قبل كتمت خجلها،بينتبه لنظرتها لأول مرة ولعيونها الساحرة..

ليلاس:سمعتني؟

سراج:بصراحة لا..مافهمت

ليلاس:بقصد عطول بتتقابلو هون؟

سراج:أي..

بيرجع بيتطلع عليهن وبيحس انو شي زاد عن حدو،بتنتبه ليلاس ع قبضة ايدو لما بيشدها وبتظهر عروق ايدو..

بحركة متقصدتها بتوقع كاسة المي ع فستانها وبتوقع الكاسة علأرض وبتنكسر

ليلاس:لاا لك شو عملت انااا..

بيوقف سراج وبيقرب لعندها:انتي منيحة؟

بيتطلع ع فستانها وبيكمل:شو يلي وقع؟

ليلاس:لاتقلق هي كاسة المي..

بيرفع ايدو وبيطلب النادل ليجي..وبيعطيها مناديل لتحطهم علفستان

ليلاس:بعتذر..أنا شكلي خربت كل الاجواء اليوم

سراج:لا لا..بلعكس في ناس تانية هية يلي ناوية تخربها

وبيرجع بيوجه نظرو عليهن بيكونو جايين ووراهن نادل حامل اطباق الكيكات يلي ختاروها ماسة وشادي

شادي:شو صار؟انتي منيحة ليلاس

الجز۽ الثاني
🌹🍃🌹

نظرات ماسة كانت مخلوطة بشوية غيرة،أما سراج حس انو في مشاعر بتربط شادي ببنت عمو لهيك هدي شوي وبعد افكارو تجاه يلي بين ماسة وشادي

بعد وقت،بيودعو بعضهم وبيرجع كل واحد عبيتو

بيفوتو ليلاس وشادي سوا علبيت،بتسلم ع مرت عمها بايدها وفوراً عغرفتها بتسكر عحالها وبتأعد علتخت وهية عم تفكر بكل تفاصيل يومها..بداية من لقائها الغريب ب سراج ل جمالو الساحر وجاذبيتو

ليلاس:يالله بحياتي مانجذبت هيك لشخص من قبل،ولا اصلاً قابلت شخص بهلرقي والحلاوة..ماعم يطلع من راسي شو هاد ياه..

فجأة بيندق الباب

ديمة:ليلي صاحية؟
ليلاس:اي مرت عمو تفضلي..

ديمة بتفوت:شو بلاقي فوراً عغرفتك انتي منيحة؟
ليلاس:اي كتير منيحة
ديمة:والله فكرت متدايقين من بعض انتي وشادي لأنو تنينكم فتتو عغرفكن وتركتوني

ليلاس:ههه لا ابداً ياروحي مو هيك،بعتذر كتير بس كنت تعبانة شوي قلت بريح بعدين بشوفك..

وهيك مرء كمالة اليوم بهدوء..

وبيمضا كم يوم ع هلحال،ليلاس مقضيتا بلبيت مع مرت عمها واوقات بتطلع معها بمشاويرها بس ماحبت كتير اجواءهن التقليدية

أما شادي وماسة علاقتهم عم تطور اكتر وعم يتعلقو ببعض اكتر..

بمكان تاني كانو اعدين شبين وكأنو عم يتنافسو علجاذبية يلي بيمتلكا كل واحد منهم،وكل واحد بيمتلك شي احلى من التاني..

غياث:أنا وبصراحة..مو عاجبتني هلعلاقة السرية
سراج:ليش؟مافهمت
غياث:يعني هاد شادي ابداً مو هاضمو
سراج:هههههه ليكون غيران منو

غياث بضيق:بلله شو؟انا بدي غار منو..سماع ولا سراج لو بتتعرف ع مية واحد ببقا أنا الأصل لو بتعرفو قبلي..بس مع هيك انا وبس

سراج:اكيد لك غياثو انت الاخ والصديق وكلشي،انت بأمنك عروحي صدقني

غياث:وشادي؟
سراج:شبو شادي؟
غياث:بتقدر تأمنو ع روحك؟
سراج:عشو عم تلمح؟
غياث:مو عاجبتني علاقتكم هيك،بلأخص بلسر عن أهلك..

بيبتسم سراج وبكمل شرب قهوتو وبيقلو:شو رأيك تتقابلو سوا
غياث بيتطلع فيه بعدم رضا

سراج:لازم هلشي يصير ووقتا رح تغير نظرتك فيه،يلا رح احكي مع شادي وحدد موعد..

بيستغرق كم دقيقة ليخلص تلفونو ويتطلع ب غياث

سراج:اتفقنا بكرا..تمام
غياث:اذا بكرا بجي..بكون كرمالك وبس

سراج بيبتسملو وبيسرحو بأفكارهم..

أما عند شادي كانو آعدين تلاتتهم بلبيت..لما أجاه اتصال من سراج،ومن أول ماذكر اسمو التفتت عليه ليلاس

بعد شوي بيسكر وشكلو فتح الدردشة وبدأ يكتب ومن ابتسامتو واضح عم يحكي مع ماسة،وخبرا انو رح يلتقو بكرا..

ليلاس:احم..وبعدين رح تضلو هيك ساكتين..أنا مليت

شادي:تعي خبرك بكرا عازمنا سراج
ليلاس:عازمنا؟يعني انا كمان
شادي:اي..

بتطلع ديمة بعدم رضا وبتروح عغرفتا،من يوم تقربو من بعض سراج وشادي ماعاجبها الوضع،بس ابنها ماعاد صغير..ومافيها تمنعو عن اي شي بنظرها مو منيح..حتى ملاحظة من اعداتو علموبايل في بنت بحياتو بس عم تحاول تتناسا وتركز بوضعو مع ليلاس

ليلاس:يعني..بلمطعم نفسو؟
شادي:لا مكان تاني هههه شكلك خفتي من هداك المطعم

ليلاس:...

شادي:وعفكرة رح يكون معو رفيقو المقرب اسمو غياث رح يعرفنا ع بعض
ليلاس:اوك..

قلبها بنبض بشدة ومابتعرف السبب بتقوم فوراً وبتتوجه عغرفتا،حاسة بلفعل محتاجة تشوفو،مابتعرف شو سبب هللهفة يلي بقلبها..بس يلي بتعرفو انها شتاقت تشوفو وتسمع صوتو

تاني يوم من الصبح وقبل بوقت كتير من الموعد كانت ليلاس عم تجهز نفسها..كتير متحمسة،وبتحس الوقت عم يمشي ببطئ فعلياً...

وأخيراً نده عليها شادي وطلعت لعندو

شادي:جاهزة؟
ليلاس بابتسامة عريضة:ايي..

بيطلعو سوا،وبتوجهو علموقع يلي ارسلو ياه سراج..

ليلاس:شكلو المكان بعيد..

شادي:شوي،بس يلا رح نوصل بصراحة مابيحس بلبعد الا العاشق المشتاق لمعشوقو

بتفكر ليلاس بكلامو وبعدين بتقول لنفسها:بلا هبلك ليلاس لسا كل يلي شفتيه مرة وحدة مابدها هلقد بلا جنون..بس حكيتلا لريتال وقالت أنو ممكن يكون اعجاب..اكيد معا حق

بلمطعم عند ماسة وسراج وغياث

غياث:شكلو صاحبك مو منتظم بمواعيدو
بتطلع ماسة فيه بانزعاج

سراج:لا بس الطريق ع بيتهن بعيد

غياث:أوك..

لحظات وبيفوتو،كانت عيونها عم تبحث عنو يمين وشمال،بيقربو لعندهم وبيسلمو عبعض كلهم وبيعرفهم سراج ع غياث

بتبدا الاعدة وبين كل لحظة والتانية بتسترق ليلاس نظرات ع سراج،يلي كان مشغول بأحاديثو مع اغلى صديقين عندو..وللأسف مانتبه لنظراتها ولا لهفتا الغريبة عليه

اما عند شادي وماسة،كمان بيحاولو يسترقو النظرات،مع ابتسامات مخفية..

بس يلي ماكان بلحسبان انتباه غياث..صح كان قليل الكلام ولهيك قدر ينتبه لتفاصيل ماالكل انتبهلا ومنها اعجاب ليلاس ب سراج

وهيك خلصت اعدتهم،بيوقفو ليودعو بعض..

بيمسك شادي ايد ماسة ليسلم عليها بس للحظة مابينتبهو عوجود حدا وبيسرحو بعيون بعض هلشي يلي خلا سراج تزيد شكوكو..

أما ليلاس كان لازم تداري الوضع

ليلاس:احم..شادي،يلا خلينا نمشي بدنا كتير لنوصل

بينتبه عليها،وبيطلعو أول شي شادي وليلاس وبس يركبو بلسيارة

ليلاس:لك شو صار معك وقفت وماعاد تترك ايد البنت

شادي:مانتبهت بنوب الله ستر نبهتيني
ليلاس:بلله!عفكرة مو بس انا يلي نتبهت

شادي:مو مشكلة عادي رح يجي اليوم يلي الكل رح يعرف فيه

بيكون عم يشغل سيارتو وماعم تشتغل

ليلاس:في شي؟
شادي:افف ياه ابداً مو وقتك
ليلاس:شو صار؟
شادي:السيارة عطلت
ليلاس:لا تقولا مو وقتا هلأ
شادي:طيب شو بعمل شوفت عينك..
ليلاس:شادي قلتلك لازم كون موجودة هلأ بلبيت كرمال ظبط اوراق جامعتي عللاب توب،باقي ساعة ويادوب نلحق نوصل..

شادي:طيب اهدي خليني فكر شوي

ليلاس توترت كتير،ضروري ترجع لتقدم الطلب علايميل

بيطلعو البقية من المطعم

ماسة:سراج..هي سيارة شادي هنن ليش لهلأ هون؟

سراج بضيق:شو بعرفني..يلا طلعي

فجأة بيلاقو ليلاس نزلت من السيارة وعم تمشي للطريق العام

شادي بينزل وراها:لك ستني شو صرلك يامجنونة

ليلاس:لك ماصار شي خلصنا انت اعود وفكر شوي شوي مافي وراك شي وانا بدبر نفسي..

بتتركو وبترجع بتكمل،وهو بيرجع بيمسكا من ايدها بقوة

شادي:لك لاتجني خليني لاقي حل..

اما بلطرف التاني كانو واقفين سراج واختو وصديقو بيتابعو يلي عم يصير

غياث:شو سراج..بلاقي صاحبك وقعان بمشكلة..

ماسة:شكلن عن يتخانقو
سراج:معقول عملا شي؟

ماسة بدون تردد:مستحيل شو بدو يعملا..

بيتطلعو فيها غياث وسراج مستغربين من ردة فعلا..

بتخجل وبتنزل عيونها علأرض بعدا بتسمع خطوات سراج وهو عم يبعد عنهن،وبيلحقوه..

سراج:شادي...بدك مساعدة؟

ببتطلع فيه شادي وبيرجع بيتطلع ب ليلاس..بيبتسم بفرحة كبيرة أنو لقى حل..

شادي:لك فعلاً الصديق وقت الضيق..اخي فيني اطلب منك توصلي هلمصيبة علبيت

بتنكشو بقوة ليلاس بعكس ايدها عبطنو

شادي بألم:اخخخ..بقصد..يعني هلحلوة الكيوت بتوصلها علبيت

بيتطلع سراج فيهن

شادي:تعطلت سيارتي ومجبور ابقى ليجي الميكانيكي والخانم عندها شي ضروري بلبيت..

سراج:تمام..لكن يلا تفضلي معنا

بتخجل كتير ليلاس وبتتبسمر بأرضها بينكشها شادي:لك شو صابك لحقيهم

بتروح وراهن وبتطلع بلسيارة

بيودعو غياث وشادي وبيمشو

بلسيارة،الكل ساكت وملاحظين خجل ليلاس

ماسة:احم..شكلك مستعجلة كتير لتوصلي علبيت..حتى انو ماحكيتي كلمة من وقت طلعنا

ليلاس:بصراحة لازم روح ابعت ايميل كرمال الجامعة

ماسة:آه صح..يلا انشالله منوصل علوقت...بس بظن رح نوصل علفيلا قبل صح سراج؟

سراج:أي..الطريق بلأول علفيلا بس عادي منكمل مع ليلاس بعدين برجعك وبروح..

ماسة:ييي لا بتعرف تعبت كتير رجعني علبيت وكملو طريقكن...ماعندك مانع ليلاس صح؟

ليلاس:لا بنوب..وكمان اذا بتحبو فينا ننزل انا وانتي بنفس المكان وانا بكمل بسيارة اجرة..

سراج:شادي أمنك معي كيف بتركك تاخدي سيارة اجرة..

بتطلع علمراية يلي بس واضح منها عيون سراج وهو عم يوجهلا هلكلام..وسرحت فيه وعيونا ماعاد تنشال عن عيونو...

جواتو سراج حس انو دايقها لأنها سكتت وماعاد حكت حرف

ماسة:انتي مابتحبي الحكي؟مع انو بسمع من شادي انكن اخدين كتير عبعض وشخصيتك كتير عفوية ومرحة..

بتترنح السيارة عطرف بيرجع بيركز بطريقو سراج،بكلام اختو هاد اكدتلو كتير افكار براسو..وانتبهت ماسة عكلامها وسكتت من بعدا..

حتى ليلاس انتبهت ع تخبيص ماسة لأنو شادي كتير منبها ماتحكي ولا كلمة عن اتصالات ومقابلاتو مع ماسة السرية..

بيوصلو عبيت سراج وبتنزل ماسة ولسا سراج واقف

ليلاس جواتا(ياترى لازم ابقى هون..ولا لازم انزل اركب جنبو؟)

بعد دقيقة
سراج:احم..مطولة ؟؟

ليلاس:عفواً؟
سراج:رح تبقي آعدة ورا..مابحب شكلي وانا سائق خاص عند حدا

ليلاس باحراج:لا ابداً بعتذر مو هيك بس...يعنييي

سراج:هههه اهدي اهدي،شبك تلبكتي..تعالي اعدي يلا خلينا نكمل..

بتأعد جنبو وبيكملو مشي

سراج:اكيد دختي من الطريق..طويل كتير صح

ليلاس من الخجل يادوب يطلع صوتا:اي..فعلاً

سراج:هون بصندوق السيارة في مي شربي ممكن ترتاحي

ليلاس بخجل:لا مو مشكلة..

سراج:لك خديها..
ليلاس:...

سراج:يلا لاتكوني عنيدة

بيمد ايدو وهية بنفس الوقت ليفتح ويعطيها المي بلحظتا بتتلامس ايديهن،لمسة خفيفة..لمجرد لحظات ليلاس جسدها انهز بلكامل..وانتهت اللحظة بسرعة لما سراج بعد ايدو واعتذر..

بتاخد المي وبتشرب..بلفعل كانت بحاجتا هلأ..

سراج:انتي وشادي كنتو تتقابلو من قبل كتير

ليلاس:هو ابن عمي..كنا قبل كتير نتقابل بس بعد الحادثة والوفاة بقيت عند بيت خالي ويمكن شادي نشغل بحياتو..منتواصل شوي علموبايل وببعض الاوقات كان يجي..

سراج:حلو..بس هلأ بظن تقربتو اكتر من بعض..
ليلاس:اي صح..فيك تقول هيك

سراج:اي..مبسوطة مع بيت عمك اكتر؟

كانت ليلاس مستغربة كيف سراج تبدل فجأة من الشب الغامض يلي اغلب الوقت ساكت،للشب اللطيف يلي عم يفتح احاديث

ليلاس لنفسا(يمكن كرمال مااخجل منو وارتاح كمالة الطريق)

سراج:وين رحتي؟
ليلاس:ههه معك..سرحت شوي
سراج:شكلك مو عاجبتك الاعدة عند بيت عمك
ليلاس:بلعكس انا كتير مبسوطة معهن،أنا بحبن كتير وهنن بحبوني..تقريباً حتى لو بعدنا فترة انا وشادي فعلياً أنا كتير متعلقة فيه

ماسة وهية عم تبكي:ماكان لازم كذب واحكي هيك..بلفعل انا السبب بكلشي ممكن يصير لبابا...أنا غبية كيف بتجرأ وبحكي هيك..ياربي دخيلك اشفيه..أنا مالازم كون هون،لازم اتصل ب شادي..

بتركد لتدور عموبايلا وبلآخر بتتذكر أنو مع سراج

ماسة:سراج ممكن يأذيه أنا لازم روح عند شادي وقلو ينتبه عحالو..ولازم اترك البيت كمان

بتركد عغرفتا بتاخد كلشي بيلزما وبتطلع من البيت فوراً

بمكان تاني بالمشفى بيوصل غياث وبيتلاقى مع سراج،كان غياث شب راكز وواعي جداً وهلشي الكل بيقدر يلاحظو من نظرتو ومشيتو الواثقة وكل تفاصيلو..وحتى من اناقتو المميزة

غياث:سراج..طمني؟
سراج:فوتوه علعمليات..
غياث:شو يلي صار؟؟

سراج:خلينا ننزل منحكي تحت،بلا ماترجع تسمع امي..

بعد وقت قصير بيكون حكالو كلشي

سراج:بدي موتو لهلواطي..مستحيل يبقا عايش لحظة بعد يلي صار

غياث:سكوت سراج وبلا تخبيص..لازم تفهم القصة منيح،ممكن يكونو متزوجين بلسر..لا تخطي خطوة وانت بهلحالة،بتدمر مستقبلك فكر بعيلتك..أمك مالا غيرك،وابوك بحاجتك..عم تسمعني..سراج

سراج:بدي ابقا لوحدي..
غياث:بعرفك مجنون..مابقدر اتركك

سراج:بترجاك،طلاع عند امي وتركني..مارح روح لمكان بس بدي اهدا شوي

غياث:لكن عطيني مفتاح السيارة والمحفظة

بيتطلع فيه سراج

غياث:يلا يلا عطيني لشوف ..

بلفعل بياخدهن غياث وبيطلع لفوق..بيأعد سراج عطرف الكرسي وبيرجع راسو لورا،بيحاول ياخد نفس بقوة ويطلقو بهدوء

سراج:حياتنا قلبت كلها...وأنا السبب..مافيني لوم حدا غير نفسي

بمكان تاني،كانو سهرانين شادي وامو وليلاس،يلي كانت طول الوقت سارحة وعم تفكر ب سراج وقلقانة عليه

فجأة بيندق الباب

ديمة:رح شوف مين..

بتروح وبتفتحلا بتنصدم فيها كتير

ماسة:بعتذر كتير لجيتي بهلوقت..فيني شوف شادي

ديمة:تفضلي

بتفوت ماسة بهدوء علصالة بيكون شادي عم يتفرج علتلفزيون

ماسة:...شادي

بيتطلعو فيها شادي وليلاس بصدمة،بينط لعندها شادي:ماسة؟شو صاير انتي منيحة

كانو عيونا متورمين من البكا..بتقرب لعندها ليلاس وبدون وعي بتسألا:سراج منيح؟؟

بيتطلعو فيها الكل

ليلاس:ااا..بقصد الكل بخير؟انتي ليش عم تبكي

بترجع بتبكي ماسة وبيحضنها شادي

شادي:حبيبتي..خبريني شو يلي صار؟

بتطلع فيهن ديمة بصدمة مكتومة

ماسة وهي بحضنو:سراج..سراج عرف كلشي وراح حكا لبابا

بتنوجع ليلاس من هلكلمة كتير

شادي:شو صار بعدين؟

ماسة:وبابا حكا اذا برجع بشوفك رح يتبرا مني..لهيك..لهيك أنا حكيتلو أنيي..

شادي:انك شو؟

ماسة:أني حامل

ليلاس وديمة بصدمة:حااامل؟؟

شادي بيبعدا عن حضنو وبيتطلع فيها بصدمة:حامل؟حامل مرة وحدة؟

ماسة:شادي بابا تعب كتير واخدوه اسعاف بعد الخبر

ديمة بصوت يادوب مسموع:بدك يسمع هلخبر ومايتعب،انتو شو مخبصين؟

بيتطلعو فيها

ديمة:شادي..شو يلي عم اسمعو انا؟

بعد وقت قصير كانت ماسة بلغرفة مع ليلاس عم تبكي بحضنا،وشادي بلصالة عم يحكي لامو شو كان مخطط

شادي:بس شكلا توترت وراحت حكتلن انها حامل

ديمة:انت بعملتك هي بتعرف شو عملت؟انت كبرت العداوة بين العيلتين..لك وممكن يأذوك عم تسمعني..ممكن يقتلوك لك ابني..

بيسكت شادي وبيصير يفكر بكلشي عم يصير

أما ليلاس،صارو ينزلو دموعها هية كمان..عقصتها يلي نتهت قبل ماتبدا وهلأ عرفت ليش سراج ماكان عم يرد عليها

ليلاس جواتها(ااخ ياسراج..تأملت فيك كتير..وحبيتك من كل قلبي وبكل مشاعري..بس شكلو هلحب مكتوب عليه الموت من قبل مايخلق..)

كان سراج لسا آعد تحت فجأة بتخطر عبالو اختو لهيك بيتصل بلخادمة يلي بلبيت

سراج:ألو..وينها ماسة؟..شووو..لوين راحت؟انتي شو عم تحكي

بيسكر الموبايل وبيركد لفوق عند غياث

سراج بغضب:عطيني المفتاح

غياث:اهدا شبك..بعدين خفف صوتك نحن بمشفى

سراج:غياث ليك ماتجنني هلأ بخرب المشفى كلو ها..عطيني المفتاح ماسة اخدة شنتتها ومقلوعة برا البيت

ندى بحرقة قلب:تنقلع..ماسة ماعادت بنتنا خلي تروح لعندو هية ختارتو..تركها ياابني بترجاك..مابدي اخسرك انت كمان بيكفي يلي صار ب أبوك

بترجع بتأعد وبتبكي وبيقرب غياث ليهديها لحظات وبيطلع الدكتور

بيقرب سراج:طمني دكتور؟

الدكتور:بصراحة لسا وضعو خطير وهلأ رح ننقلو للعناية المشددة،وبعد يومين في عملية تانية..لو سمحت لازم بعد شوي تتفضل عمكتبي لنظبط الأوراق وبحكيلك اكتر عن وضعو..

بيروحو سوا..

وعودة عند ليلاس يلي رايحة تجن من التفكير..

ليلاس لنفسا(يعني إذا كل هلوقت وسراج كان مابيعرف بعلاقتهم ليش كنت افهم من كلامو انو عارف؟وليش لما عرف هيك عمل؟كنت متوقعتو غير هيك..ياترى شو لازم اعمل هلأ؟)

بتطلع ب ماسة يلي بعدا عم تبكي وتستنجد فيهن لواحد يقدر يجبلا خبر عن ابوها..

بيمر اليوم عهلحال،سراج طالع ماسة من تفكيرو وصديقو غياث ماتركو ولا لحظة..أما ندى تعبت كتير وغياث أخدها علبيت لترتاح

ليلاس ماكان فيها غير تتصل ب ريتال وتخبرها كلشي،كانت ريتال طول الوقت مستمعة بصمت مع هيك..ممكن ليلاس حست براحة بمجرد حكتلا

بيصحو ببيت شادي الكل.. ولسا ماسة متدايقة كتير

سراج:ولهيك بدي روح افهم منها شو بدها..يلا عطيني

بياخدن وبيمشي بينزل لعندها بيلاقيها لسا بتبكي

سراج:بكفي بكا..يلا تعالي

بيروحو سوا علسيارة وبيتوجهو ع أقرب كافيه..

بيأعدو وبعد مايطلب شي يشربوه..

سراج:عم اسمعك..احكي يلي عندك

ليلاس:أول شي بتمنى تفكر بكلامي هاد كتير منيح..سراج أول ماجيت سمعت القصة بين العيلتين..ووو وقتها حكالي شادي عن قصتو مع ماسة

بيشد سراج عقبضة ايدو:يعني كنتي بتعرفي وساكتة

ليلاس:مابعرف كلشي..مابعرف يلي عرفنا مبارح..كل القصة حكالي أنو بيحبو بعض بس في مشاكل ممكن تمنعن يكونو سوا..حب وبس سراج وبعدين لما نحكي انا وانت صدقني طول هلفترة وانا حاسة أنو انت بتعرف من طريقة كلامك..بتتذكر؟

بيحاول يستعيد ذاكرتو وبلفعل بيتذكر لما يلمحلا لحتى تأكدلو شكوكو

ليلاس:أنا بعتذر إذا اذيتك..بس صدقني ماكان طالع بإيدي شي..سراج شادي بلفعل بيحب ماسة

بيخبط بأيدو علطاولة وبتتلفت ليلاس حوليها بخجل

سراج وهو كازز عسنانو:لاعاد تذكري اسمهن قدامي..شادي دعس ع شرف عيلتنا..

بتنزل راسها بلأرض بحزن

سراج:ياترى لو كان عندو اخت بيتقبل يلي صار؟؟جاوبي...لك احكي رح يسكتلي..

ليلاس:انت معك حق بيلي عم تحكيه،بس فكر بعقلانية..خلص شي صار وانتهى ماعاد فيك تغير شي..المهم هلأ صحة امك وابوك..وانت..

سراج:بلفعل..وبتفهميها لهي يلي عندكن..أنو تبرينا منها ورح ننسى أنو كان عنا فرد بلعيلة اسمو ماسة

ليلاس:انت عم تحكي هيك لأنك معصب..ومعك حق اي شخص مكانك رح يعمل هيك،بس بتعرف شو..بنفس الوقت بعرف بعد فترة رح تهدا..وتروء وتتقابل مع ماسة وترجعو متل قبل واكتر...فكر شوي بلمستقبل سراج هلوضع رح يمرء..واختك رح تتزوج ويصير عندها ولاد وهلقصة رح تنتهي وتننسى..

سراج:تأكدي أني كلشي عم اعملو هلأ أنو فكر بلمستقبل..كلشي رح يتغير وانا متأكد أنو الدنيا رح تدور..وتدوقو من ذات الكاس ل شادي الواطي

بتدايق ليلاس بس بتعطيه الحق بلفعل وضعو مابينحسد عليه..

بعد وقت

ليلاس:سراج..انت مصدقني؟مسامحني هلأ

سراج:بيهمك هاد الشي؟
ليلاس:اكتر من مابتتصور..سراج طول الليل وأنا بفكر فيك..وشو رح يصير بكرا..ماطلعت من بالي لحظة..خايفة كتير

سراج:من شو؟

ليلاس:من كلشي...
سراج:احكي..كوني صريحة معي ليلاس بدي صدقك..

ليلاس:خايفة عليك،وخايفة على يلي بيننا..شو ماكان اسمو يكون..بس خايفة هلشي الحلو ينتهي بسبب اخطاء التانيين..وتأذيني وانا مالي ذنب..

بيتطلع بعيونها المدمعة،بيقرب ايدو بهدوء وبيمسكلا ايدها يلي كانت علطاولة..

سراج:هسس اهدي..لا عاد تبكي ولا تخافي،صدقيني كلشي رح يكون منيح..بس بعيد عنهن تمام..

بتهز براسها بايجاب

سراج بابتسامة باردة:ابتسمي لكن..يلا ورجيني ضحكتك

بتبتسملو ليلاس ومن جواتها فرحانة..بعد وقت بتروح علبيت وهو بيرجع علمشفى..

بعد مرور شهر

تحسن وضع أبو سراج ورجع علبيت من كم يوم،وفي معالج فيزيائي عم يجيه بسبب ضعف قدرتو على تحريك اطرافو اليسار...

أما ماسة كانت عطول تطمن ع عيلتها من ليلاس..

بلطرف المقابل ليلاس بقيت عتواصل مستمر مع سراج،وبلفعل تعلقت فيه..تعلقت فيه لدرجة صار متل الروح بلنسبة ألها..ومن دونو مافيها تعيش..اعترفت لنفسها أنها عشقانتو بجنون..

بمكان تاني بلكافيه عند غياث وسراج

غياث:احكي الصدق..سراج احكيلي شو عم تخطط

سراج:ولا شي..أنا ماعم خطط لشي

غياث:أنا بعرفك اكتر من حالك..أنت عم تخطط لشي،وتارك شادي كل هلوقت لسبب..سراج بترجاك لا تتهور هي المرة لأنو متأكد وقتها رح يكون الدمار بشكل مو طبيعي..

سراج بيبتسم ببرود..وبيتجاهلو

فجأة بيرن موبايل سراج،وبيضحك ضحكة قوية

بيتطلع فيه غياث بغضب

بيقلو سراج:شوفت عينك كل مابشفق عليها وبحاول اتراجع وابعد عنها بتجي لعندي،هية مُصرة أني أأذيها

بيرد عليها سراج:ألو..أهلين ليلي...شتقتلك...اكتر من ما بتتصوري..بدي شوفك..لازم وبأسرع وقت في كتير كلام مهم لازم نحكيه..لا لا بيكفي كافيهات..أنا عندي ألك مفاجأة،جهزيلي حالك بكرا المسا...اوك اتفقنا بيباي

كان عم يتطلع فيه غياث نظرة مو طبيعية وكأنو ناوي يقوم ويضربو بس تماسك

بيسكر وهو مبتسم ابتسامة نصر

غياث:بيكفي ياسراج...أوعك تعمل هيك..فتح عيونك منيح،لاتعمل شي رح يخليك تندم كل عمرك

سراج بحقد كبير:صدقني مو أنا يلي رح اندم...كل شخص أذى عيلتي..هو يلي رح يندم ورح دوقن من نفس الكاس

غياث:وأنا مارح اسمحلك

سراج:ليش؟ليكونو من باقي عيلتك وانا مابعرف

غياث:لا..بس انت صاحبي،ومستحيل اتركك تدمر حياتك وحياة كتير ناس بجنونك

بيرجع بيضحك بقوة وبيتركو وبيمشي..

بيوصل علفيلا بيلاقي عندهم ضيوف..

سراج:مسا الخير

الكل:مساالخيرات..

ندى بابتسامة:أهلين تؤبرني..اهلين عمري تعال سلم عبيت خالتك اليوم وصلو من الضيعة(القرية) ليتطمنو ع صحة أبوك

سراج:اي..نورتو ياجماعة بلأذن انا لازم اطلع عغرفتي..

بيمشي وبدون ماينتبه لأي شخص بيحرج أمو كتير وبتأعد جنب اختها

ندى:ههه بيكون تعبان من الشغل..

زينب:لاتاكلي هم اختي ولوو..معو حق..

بتقوم ندى علمطبخ،أما زينب بتلتفت ع بنتها..(سدين)وبتهمسلا:شفتيه؟

بتهز سدين راسها بخجل

زينب:يي يؤبرني الخجول هههه

سدين بطفولة بالغة:ماما ماما..بس هو ليش هيك بيخوف..

زينب:هههه لك لا بنتي..هو هيك شكلو..انتي أول مرة بتشوفي شب غريب لهيك مابتعرفي..

فاصل قصير..لنحكي شوي عن سدين..

سدين بتكون بنت زينب اخت ندى..يادوب رح تطبق ال 18 بعد شهر تقريباً،وحيدة عيلتها أمها مدللتها بس ابوها كان كتير حريص عليها..ماكان يخليها تطلع من البيت بنوب،ويادوب خلاها تدرس بمدرسة بنات وياخدا ويجيبا هو ويحرص يكون الطريق فاضي..لدرجة كبيرة سدين بتخاف..بسبب أنها ولا يوم عاشرت ناس غرب عنها..

سدين بنت جسدها ناعم بشكل عام نحيفة وقصيرة..شعراتها طويلة وعطول أمها بتعملا ياهن جدولتين..عيونها خضر وبشرتها حنطية هية كانت بيضا بس الشمس غيرتلا لون بشرتها يلي زادها جمال وجاذبية عيونها واسعة ورموشها طوال..

عودة لفيلا سراج

زينب:بنتي سدين قومي وساعدي خالتك بلمطبخ

سدين:حاضر ماما

بتروح سدين عند خالتها

سدين:أمريني خالتي

ندى:لا ياحبيبتي أنا مابحب هاد الكلام بنوب..أول شي بتناديني من هون ورايح(آنتي)تمام..وبعدين مافي أمر عليكي هون انتي بعد فترة رح تأمري كل هلخدم وهنن يلي بيجيبولك كلشي لعندك..تمام حبيبة قلبي

سدين:تمام خالتي
ندى بتدايق:مو حكيتلك بلاها كلمة خالتي

سدين:متل مابدك..آنتي

ندى:أوك..لكن يلا بتطلعي لفوق عغرفة سراج بتدقي عليه الباب وبتحكيلو ينزل لناكل يلا

سدين:حاضر..

بتترك الموجودين وبتركد ركد لفوق متل الاطفال

بس توصل،بتدق الباب..

بيفتحلا سراج:تفضلي..؟
سدين:سراج..خالت...أاا..بقصد آنتي حكتلي اندهلك لتجي ناكل

سراج بيكتم ضحكتو عشكلا بلفعل متلبكة كتير ومابيعرف شو السبب

سراج:أوك اوك..شوي ولاحقك

سدين ببراءة:لاحقني😳
سراج:يه..لك شبك..بقصد بجي علاكل يلا نزلي..

بتلتفت وبتنزل لتحت

أما بلمطبخ واقفين سوا زينب وندى

زينب:مايحرمني منك يااختي

ندى:لك اي اي...بكرا رح غيرها كلها وانتي نفسك مارح تعرفيها لبنتك

زينب:روحي الله يعلي مراتبك
ندى:اي لكن..خليني اختار عاروسة ابني بنفسي قبل مايروح ويختار عكيفو والله اعلم شو بيجبلنا،حالياً كل الناس عم يطمعو فينا..
زينب:أي والله معك حق تخافي يااختي..بس ماقلتيلي وينها ماسة

ندى بتتوتر:آه...يعني..شو بدي قلك طول الوقت عند رفقاتها..يلا بتشوفيها غير يوم

زينب:اي تمام..

بمكان تاني،ببيت شادي

شادي:بس هلأ اتطمنتي ع عيلتك..وصار لازم نخطي الخطوة الأهم ونتزوج

ماسة:انت ليش ماعم تفهمني شادي أنا خايفة

شادي:لك بكفي..من شو خايفة

ماسة:سراج مو هو سراج..بصمتو هاد عم خاف اكتر،لك حتى ماوجهلك كلمة..انت لو تشوف الغضب يلي كان فيه هداك اليوم بتقول مستحيل يتركك عايش

شادي:لا ولو شكلك مابتعرفي اخوكي..سراج انسان واعي ومابيفكر بهي الطريقة..ويمكن كلشي صار بيوما كان كافي..لهيك أنا حددت موعد لننزل بعد تلت ايام ونكتب الكتاب ونعمل حفلة صغيرة تمام..

بتحس ماسة بغصة كيف رح تتزوج بعيد عن عيلتها..وبدون الناس يلي بتحبن وبدون حفلة وفستان ابيض متل ماكانت بتحلم

بيلمح شادي دمعة بعيونا
بيقرب وبيضما بقوة:بوعدك عوضك عن كلشي حبيبتي..ورح نعمل عرس ويكون كل يلي بتحبين موجودين...بس ليتحسن الوضع شوي..

بتحاول تهدا شوي وتسمع منو..

وبآخر هليل بيتصل غياث ب سراج

سراج:غريب...ليش عم تتصل بهلوقت
غياث:بدي ارجع نبهك قبل فوات الأوان..أوعك تغلط ياسراج

سراج:لك انت شبك..شو مفكرني خطتي مو هلقد سيئة

غياث:احكيلي لاطمن..

سراج:رح اتزوج أنا وليلاس...

بتمرء لحظات صمت
سراج:ألو؟؟لك وين ختفيت

غياث بضيق:كمل..
سراج:بكرا رح اطلب ايدها..مابعرف كيف رح نتزوج اذا بذات الطريقة يلي اتبعها شادي..ولا زواج طبيعي بس رح نتزوج..وبس تصير بين ايديي..لحتى امسح بكرامتو الأرض لشادي افندي..انت مابتعرف ليلاس اديش غالية عليه..أنا رح اكسرها قدام عيونو..وهو رح يحس وقتها باحساسي هلأ

غياث:انت واعي للي عم تحكيه؟

سراج:طبعاً.
غياث:سراج..لمجرد تعمل هاد الشي عتبر كلشي بيننا انتهى..وهلأ سلام

بيسكر التلفون بوجهو وعلامات الاستغراب عوجه سراج من ردة فعلو...مع هيك بيطالعو من تفكيرو وبيضحك وهو فرحان بحالو وبخطتو

بليوم الجديد كانو اعدين ببيت شادي عطاولة الفطور

أما ليلاس كانت فرحتا مو سايعتا لأنو في مفاجأة محضرلا ياها سراج ماعم تصدق يجي الوقت لتروح

شادي:احم..ياجماعة بدي خبركن شي

بيتطلعو فيه بيمسك ايد ماسة:انا قررت نكتب كتابنا بعد يومين

بيتطلعو فيه ديمة و ليلاس بصدمة

شادي:شو؟؟مافي شي تحكوه

ديمة بتوقف:أنا ماعندي شي احكيه طبعاً ومابظن حضرتك ناطر رأيي..وانت عم تخطط وتنفز كلشي من راسك..

بتتركهم وبتفوت عغرفتا

بيتطلعو ب ليلاس وهنن بحاجة لدعهما بس للأسف هية كمان بتتركن وبدون ولا كلمة وبتفوت عغرفتا

ليلاس بتوقف وهي مصدومة

ليلاس:ليش هلأ..ياربي ليش كل مامنخطي خطوة أنا وسراج بيبعدونا عن بعض..شو لازم اعمل هلأ؟؟

سراج:طولي بالك خليني كمل

ندى:شو بدك تكمل؟سمعان ياابو سراج شو عم يحكي ابنك..لك احكيلك كلمة معو

أبوسراج:سمعني ياابني..أنا وأمك كنا عم نفكر بزواجك من فترة..ومحددين البنت وأمك حاكية مع عيلتها

سراج بعصبية:انتو شو عم تحكو؟ليش وين عايشين نحن؟هاد الجهل التغا من زمان

ابو سراج:احترم حالك ياولد..احترم وجودي قدامك

سراج:بعتذر أبي..بس انت سامع يلي عم تحكيه

ندى:سماع سراج،ليكون بعلمك أنا خطبتلك سدين بنت خالتك ورح يكون الزواج بأقرب وقت عم تفهم

سراج بصدمة:سدين؟؟

ندى:أي..بنت خالتك سدين،رح غيرها كلياً ورح تكون بنت تانية وتصير متل ما أنا بحب تكون وهية بتسمع الكلام مارح ترفض ابداً

سراج:أمي انتي واعية للي عم تحكيه؟بدك تزوجيني سدين...لك هي طفلة بعدين مابتعرف تحكي كلمتين عبعض أمي ببوس ايدك اصحي..أنا مو عايش بضيعة عندكن لحتى تعملو هلشي فيني

ندى:ليش شبها الضيعة(القرية)لك سراج..الضيعة يلي مو عاجبتك أنا جاية منها ياافندي

سراج:لك امي انتي فهمتيني غلط..بس سدين مابتعرف شي،أهلا زيادة ضاغطين عليها ومو عاطينها حرية..أهل الضيعة هنيك كلهن مثقفين ومتعلمين ألا بنت اختك هي

ابو سراج:سماع ياابني أمك ادرى بمصلحتك..وختارتلك البنت يلي بتناسبك..صدقني رح ترتاح اكتر بكتير من الزواج يلي انت بدك تختارو

سراج:مستحيل...مستحيييل

بيترك المكان وبيمشي

ندى:لك شفت شو عمل..

أبو سراج:مافي غير حل واحد..أنو نحطو تحت الأمر الواقع

بعد كم ساعة،كانو آعدين سراج وغياث

سراج:خربولي كل مخططاتي..بس مستحيل أعمل هلشي

غياث:عم ترفض بس لأنو بدك ليلاس لتعذبا؟بلفعل ماعاد عرفتك ياسراج..أنت ماكنت هيك بنوب،شو صرلك ياصاحبي؟اصحى..بترجاك اصحى قبل فوات الأوان..سمعني لقلك إذا مابتوقف عن يلي عم تعملو...أنا رح امنعك بلغصب

بيتطلع فيه سراج بعدم رضا...

أما ببيت شادي كانت ماسة عم تحكي لديمة وشادي عن لقاءها مع امها وهية مبسوطة

وبتسمعن بلصدفة ليلاس

وبتقول جواتها(لعما..بس مايكون عرف بلموضوع سراج،اكيد بيكون تدايق..ليكون يفكر اني بعرف وماخبرتو لازم اتصل فيه..)

بتفوت عغرفتا بتحاول تتصل كتير ومابيرد..بتتصل ب ريتال

ريتال:ألو..

ليلاس:كيفك ريتال،فاضية نحكي؟

ريتال:بصراحة أنا برا البيت..في شي مهم؟
ليلاس:لا..خلص منحكي بعدين انتي وينك؟

ريتال:أنا مع علاء واختو ومجد..واخيراً ياليلاس مجد عم يتحسن وضعو،أختو لعلاء بنت كتير ذكية ماشاءالله،وهي تاني مرة بيأعدو سوا بس خلتو يرجع شوي متل قبل واعدين بيحكو وهيك...أنا كتير مبسوطة

ليلاس:ياروحي..فرحتيني عنجد..الله يوفقن يارب

ريتال:امين
ليلاس:لكن يلا..باي منحكي بعدين

بتسكر وبتاخد لحظات لتفكر بيلي سمعتو بلآخر بتقول(بتمنالك حياة سعيدة،وتقدر تحبها وتنساني..وتكون هية بتحبك كتير لأنك بلفعل بتستاهل)

بعد مايمرء كم يوم

بيكون سراج عم يحاكيها بلتلفون..

ليلاس:بيتنا؟؟
سراج:أي..هو بسيط ومفروش جاهز بس فينا نغيرو بلمستقبل شو رأيك اجي آخدك لنشوفو

ليلاس:أوك..ناطرتك

بيسكرو وبتأعد بتفكر،هي ماعاد فهمت شبو،أوقات بيتجاهلا وكأنو كرها وأوقات بيحسسا أنو بدو ياها

ليلاس:شو هلحكي الفاضي..معقول يختار بيتنا بهلبساطة وهيك لحالو

بعد وقت بتروح هية وياه وأول مايفوتو مابيعجبا كتير بس بتبقا ساكتة

سراج:شو ..ماعجبك؟
ليلاس:بما انو رح نكون أنا وانت فيه..اكيد رح يعجبني وبس يصير بيتي وقتها بغير كتير تفاصيل فيه

سراج:أوك..لكن يلا خلينا نمشي
ليلاس:أوك..

بيروحو بيتغدو سوا وبيرجعا عبيت عمها يلي لهلأ ماخبرتن شي لوقت مايأكدلا سراج أنو عيلتو وافقو

بيمرء شي يومين كمان

بالفيلا كانت آعدة ندى مع زوجها

ندى:بس هية تزوجت ونحن مارح نتحمل كلام الناس..خلينا نقبل بلأمر الواقع ونعمل حفلة للناس بيسكتو

أبو سراج:لاتذكريلي اسمها..أنا ماعندي بنت

ندى:بس الناس مابتفهم هيك..خلينا نسكر علسيرة كرمال ماننفضح

أبو سراج:هلأ خلينا بموضوع سراج..حكيتي مع اختك

ندى:أي ناطرين تحدد أنت موعد الزواج

أبو سراج:خليهن يأعدو مع بعض كم يوم..ويحكو والعرس رح يكون بعد عشر أيام

ندى بفرحة:لك الله يديمك ألنا..وسراج؟انت رح تحاكيه

أبو سراج:أي..اليوم رح حاكيه بس يوصل فوراً بتحكيلو أنو بدي ياه

أما عند سراج كان راجع علبيت بلسيارة وعم يحكي مع ليلاس

سراج:في شوية مشاكل..بعدين بفاتحن بلموضوع

ليلاس:مو مشكلة..أهم شي تكون أنت مرتاح..أنا صار لازم سكر

بعد مايسكرو بيجيها أحساس أنو صاير شي أو يمكن عيلتو رافضين..بتتصل ب ريتال لتخفف وجعها

بترد ريتال

ليلاس:ريتال..انت وينك أنا بدي حاكيكي ضروري

ريتال:اهدي اهدي..شبك؟ليش عم تبكي

ليلاس:أنا تعبانة..تعبانة من كلشي ومو عارفة مصيري..

ريتال:شو رأيك ترجعي لعنا فترة قصيرة..

ليلاس:لا..بلاها

ريتال:ليلاس..مجد بدو يحاكيكي

ليلاس:هو سمعك وانتي بتحاكيني؟

ريتال:هو كان من الاول جنبي..

بياخد التلفون

مجد:كيفك ليلاس
ليلاس مابتعرف شو صرلا أول ماسمعت صوتو بتبكي اكتر:مجد..

مجد بقلق:ليش عم تبكي؟شو صاير معك..

ليلاس:مابعرف..صدقني ماعم اعرف شو عم يصير معي

مجد:أنا جاي آخدك
ليلاس:لا لا بترجاك بلاها

مجد:طيب بجي علأقل شوفك ونحكي ممكن ترتاحي
ليلاس:طيب..إذا هيك أوك

بتسكر التلفون وبتأعد لوحدها بلغرفة

أما عند سراج

بيوصل علبيت وبتندهلو أمو يلي كانت آعدة بلصالة

ندى:سراج
سراج:أي أمي..
ندى:أبوك ناطرك فوق بدو يحاكيك

سراج:خير...بس مايكون الموضوع نفسو..لأنو شكلكن ناويين اترك هلبيت وروح

بتسكت ندى ومابترد وجواتها عم تدعي أبوه يقنعو

بيطلع عند أبوه..

سراج:كيفك بابا
أبو سراج:تعبان ياأبني..ماعم حس بتحسن ابداً حاسس أنو قرب يومي

سراج بقلق:بعيد الشر لاتحكي هيك..الله يخليك ألنا

أبو سراج:سماع ياابني..إذا بلفعل انت خايف عليي وبدك ترضيني..بتسمع كلام أمك وكلامي..

سراج:كلام شو؟
أبو سراج:بعرفك ذكي وبعرف أنو فهمان عن شو عم احكي،سراج أنا حددت يوم زواجك بعد عشر ايام..

سراج مابيتحمل وبيصرخ:انت شو يلي عم تقولو بابا

ابو سراج:انتبه وانت عم تحكي معي..أوعك ترفع صوتك ياولد

سراج بيحاول يهدا:بابا..انت ليش ماعم تفهمني أنا رايد بنت تانية..مافيني اعمل هيك

أبو سراج وجهو بيصير أحمر كتير وبيضيق نفسو وهو عم يحكي:انت ناوي تقضي عليي وتكمل يلي بدأتو اختك..لك انتو مو ولادي يلي تعبت على تربايتهم وتعبت لحتى أمن مستقبلهم..ليك ياسراج إذا مابترضا ببنت خالتك..وبتتزوج هي البنت يلي حكيت عنها..أنا بعرف انها بنت عمو لهلواطي..ساعتها رح اغضب عليك..ولا انت ابني ولا بعرفك

بيشوفو تعب كتير بيقرب لعندو وبيحاول يهديه

سراج بخوف كبير:ابي..خلص بترجاك اهدا رح يصير كلشي بدك ياه،عم تسمعني..خلص متل مابدك

بيهز أبو سراج راسو بتعب..وبيحاول يهدا..

بعد ساعة،كان متسطح سراج وماسك راسو شرب حبتين وجع راس وماستفاد عشي،بيتصل ب غياث..

سراج:لازم شوفك أنا رح اتدمر..

غياث:لك شو صاير؟
سراج:خليني شوفك بلكافيه..
غياث:تمام

بيسكرو وفوراً بيتوجهو علكافيه

بعد وقت..

غياث:سماع مني شو بدي قلك سراج،أنا برأيي إذا كنت مجبور عهلزواج مع اني برفضو تماماً لأنو بلغصب..بس كرمال حالة أبوك الصحية..لازم توافق وتتقبل الوضع وتترك ليلاس بحالا

سراج بحقد:مستحيل..مارح اتركا بحالا..رح انتقم منهن كلهن

غياث بعصبية:انت وبعدين معك؟لسا نازل تخبيص وحقد وكره خلصنا بقا لهون وبس

سراج:ماحذرت ومارح وقف..ولازم اضرب ضربتي الاخيرة ورح تكون الضربة القاضية لشادي افندي

غياث:اوعى لحالك وألا اقسم بلله رح كون انسان تاني معك

سراج بيتجاهل كلامو:رح اكمل انتقامي..وحتى لو اضطريت اني اعمل متل ماعمل شادي باختي،أو حتى اغتصبها

غياث بصراخ:لااا انت اكيد جنيت

بيوقف وبيرمي كلشي كان علطاولة وبيوقعن علأرض،بيصير حالة ذعر بلكافيه والكل بيستنفر

بيتوجه غياث لعند سراج وبيمسكو من بلوزتو وبيشدو وبنبرة تهديد:..

بيتوجه غياث لعند سراج وبيمسكو من بلوزتو وبيشدو وبنبرة تهديد:ليك سراج..من بعد اليوم ماعاد بدي شوف خلقتك واحد متلك مابيشرفني يكون صديقي،وتاني شي إذا بتلمس شعرة من ليلاس أنا رح خبر الشرطة ورح ابقا وراك لدمر حياتك بلكامل..عم تفهم

بيرميه علكرسي وبيمشي..وسراج مابيطلع منو حرف مصدوم كتير ماتوقع ردة فعل غياث بنوب بس شكلو كان متحمل كتير وساكت ونفجر بلآخر..

بيرتب تيابو وبيرمي علطاولة مبلغ كافي للتخريب يلي عملوه وبيطلع من الكافيه..

بيرجع علبيت يلي أخدو عأساس يتزوجو فيه هو وليلاس..وبيأعد فيه لحالو

أما عند ليلاس كان وصل مجد أول مافتحتلو الباب بتضمو وبتبكي..

مجد:ليلاس..اهدي انا جنبك
ليلاس:...

بعد لحظات
ليلاس:بتحب نحكي هون ولا نطلع

مجد:لا بما أنو مجهزة حالك مابدي فوت يلا نمشي

بينزلو سوا ع اقرب كافيه وبعد شوية حكي بيحاول مجد يهديها

مجد:يلا احكيلي شو صاير معك

ليلاس:مابحكيلك لتطمني انت عنك..ووقتها بقرر اعترفلك أو لا

مجد:أولاً أنا حاسس أنك وقعانة بمشكلة وهلمشكلة فيها علاقة حب..ولكون صريح معك بعرف أنك خايفة ع مشاعري..اطمني ليلاس أنا حسيت أنو غلط اعترفلك هداك اليوم..مشاعري تجاهك كانت حلوة بس مو بمعنى الحب الحقيقي يلي بعدو زواج وهيك..بس المهم

ليلاس:أي المهم..احكيلي عن اخت علاء

مجد:ريتال حكتلك..انا بفرجيها

ليلاس:لك لاولوو..يعني بدك مااعرف عنكن شي

مجد:طيب..اختو لعلاء اسمها(ميرا)بنت واعية كتير..فهمتني بشكل كبير ومابعرف كيف طالعتني من حالة كنت عم عيشها وحدي بفترة جداً قصيرة وحالياً متقربين من بعض بظن هيك بكفي يلا احكي انتي

ليلاس بابتسامة:فرحتلك كتير..طيب سماع شو في عندي انا..أنا حبيت انسان بس للأسف مابعرف إذا الوضع هو الغلط ولا شو الغلط..

(وبتحكيلو كل القصة..)

ليلاس:وهلأ هو مقرر يحكي لعيلتو لحتى نتزوج

مجد بيحاول يتصرف بشكل طبيعي:طيب..وشو يلي مدايقك

ليلاس:أوقات بحس حالي ماعم افهمو..يوم بيقلي زواج يوم بيأجل يوم بيتجاهل يوم بيهتم،هي غير عن الكذبة تبعت شادي وماسة

بتتصل عليه فعلياً حاسة أنو بعد عنها هلكم يوم

سراج:ألو..

ليلاس:سراج حبيبي..كيفك طمني عنك

سراج:تمام بخير
ليلاس:بدي شوفك
سراج:اليوم مافيني

ليلاس:إذا مابتخبرني وين فيني شوفك رح اجي لعندكم علبيت..

سراج:تمام..خلينا نلتقى بلكافيه

ليلاس:اوك..سراج

سراج:نعم
ليلاس:أنا بحبك..

وبعد لحظات صمت

سراج:وأنا كمان

بيسكرو وبتروح لتجهز حالا..

أما عند ماسة وشادي

ماسة:بترجاك ماعاد فيني،رح شوفا وحاكيا انا شتقت كتير لأمي

شادي:أنا خايف عليكي
ماسة:لا تشغل بالك...بشوفها برا البيت اليوم عندها موعد اسبوعي بصالون التجميل وبعرف مواعيدها بلكامل رح انتظرا برا الفيلا وحاكيا

شادي:طيب بتحبي وصلك..

ماسة:لا عمري باخد سيارة اجرة
شادي:طيب حبي انتبهي عحالك بترجاكي
ماسة:أوك..

بعد وقت بتطلع ليلاس عموعدها،بتأعد وبتنتظرو عطاولتهن

بيوصل سراج وبيتطلع فيها من بعيد وبيقول لنفسو(ليش جيتي؟ليش عم تدفعيني اعمل يلي مخططلو،حاولت بعدك..بس أنتي متمسكة لهيك..كلشي رح يصير فيكي مالازم تلوميني عليه،حتى بهداك اليوم حاولت انسى انتقامي بس بكل فرصة عم يخلوني اكره كل البشر)

بيوصل لعندها
ليلاس:حبيبي..شتقتلك

بتوقف وبتضمو،ثواني وبيبعدا بهدوء
سراج:كرمال الناس..

ليلاس:أوك أوك...يلا خلينا نأعد

بيتطلع فيها بعد مايأعدو ونظرات الفرح بعيونها واضحين جداً

سراج:وأنا شتقتلك،بس حبيت بعد شوي لأقدر استرجع قوتي

ليلاس:معك حق أنا حاسة فيك..صدقني ماعاد متقبلة وجودي ببيتهن وبدي أمشي بس مرت عمي رفضت
سراج:لا ابقي عندهن هلفترة..بس لحاكي عيلتي بموضوعنا ونتزوج،لازم اقدر اقنعن انو انتي ماخصك بشادي

ليلاس بسعادة كبيرة:أي ياعمري وخبرهن بطريقة حلوة..أنو بكرا رح نعيش معهن ويصير عنا ولاد ونغير حياتهن كتير

سراج:لا..نحن رح نعيش بمكان تاني،أنا وانتي بس

ليلاس بعدم فهم:عنجد؟طيب ليش لتتركن عايشين لوحدهن بلأخص أبوك بحاجتك انت خبرتني أنو لسا وضعو ماتحسن
سراج:بيتحسن لوقتا ولا تخافي عندو ممرضة وفي موظفين كتير بلفيلا
ليلاس:تمام..بس شو الفكرة؟
سراج:هيك..لحتى يكون النا خصوصيتنا خلص سكري علموضوع

ليلاس:تمام

بيتطلع فيها وبيحكي جواتو(من يوم زواجنا كلشي رح يتغير،الوجه التاني يلي رح تشوفيه..مابيصير حدا غيرك يشوفو..وبعدين انتي رح تقرري ياأما بتبقي وبتتحملي..أو بتهربي لعند ابن عمك..ووقتا لنشوف إذا بيقدر يخلصك مني)

أما بمكان تاني،كانت واقفة ماسة وناطرة أول ماتشوف سيارة أمها بتركد وبتوقف قدامها والسائق فوراً بيوقف

بتقرب ماسة عطرف أمها

ندى:ماسة؟
ماسة:ماما بترجاكي سمعيني(بيبدو ينزلو دموعا)ماما أنا بنتك الوحيدة لاتعملي فيني هيك

ندى:أنا ماعندي بنات،بنتي ماسة ماتت بلنسبة ألي

ماسة:بترجاكي ماتكوني قاسية هيك،انتي أمي الحنونة وأنا بحاجتك ياامي لاتتركيني

ندى:شكلك ماتحملتي الفقر يلي عندهن..ولا عم يعذبك هلواطي؟
ماسة:لا ماما شادي انسان كتير منيح..بس مافي شي بيعوضني عنكن بدي بس ارتمى بحضنك أمي شتقتلك كرمال الله لاتحرميني منك..

بتلفت وجها ندى علطرف التاني،بتركد ماسة عطرف السيارة التاني وبتطلع جنب أمها

ماسة:الحياة بدونك سودا..وكلها قهر ياأمي

بترتما بحضنا وبتعلى صوت شهقاتها،وندى مابتتحمل بتضما وبينزلو دموعها

ندى:ليش عملتي فينا هيك يابنتي،الناس كلها عم تسأل وانا بتحججلن..وطيتي راسنا وتركتينا كرمال مين؟كرمال ابنو للي عمل هيك بزمناتو لأبوكي..كيف بتقدري؟

ماسة:سامحيني ياأمي..حبيتو وماقدرت اتخلى عنو

ندى:طيب..خلص سكتي مابيسوالك البكا كرمال البيبي..

بتطلع ماسة وبتكمل بكا:ماما أنا اجهضت

ندى بصدمة:شووو
ماسة:اي يمكن من الزعل..مو مهم المهم أنتو

بيبقو شي ربع ساعة

ندى:خايفة اخوكي يشوفك ياماسة..عطيني فرصة لهدي الوضع بلبيت وبعدين في موضوع اهم هلأ

ماسة:شو هو؟
ندى:موضوع بيخص اخوكي بعدين بحكيلك..يلا روحي هلأ
ماسة:تمام..انتبهي عحالك

ندى:وانتي كمان

بتنزل وبترجع بتاخد سيارة أجرة وعآخر لحظة بيشوفها سراج بس بتكون مشيت السيارة

بيقرب عسيارة أمو وبيصرخ:هي شو كانت عم تعمل هون؟
ندى:طول بالك ياسراج..ماسة بتبقى بنتنا..

سراج:بنتنا؟بنتنا بتعمل هيك عملة ؟اختي ماسة يلي بعرفا مو هيك..

ندى:تركا بحالا بيكفي أنها خسرت ابنها

سراج:اجهضت
ندى:أي..وتزوجو رسمي

سراج:بعرف
ندى باستغراب:من وين بتعرف؟
سراج بيتلبك:مو مهم..انا كنت عم اتطمن عنها من بعيد لبعيد

ندى:بعرف انك حنون لو مهما كان..هلأ خلينا نفوت ماعاد ألي نفس روح لمكان..وفي موضوع مهم بدي حاكيك فيه..

سراج:أمي..أنا بدي حاكيكن بموضوع انتي وأبي..

ندى:طيب..يلا امشي لفوق

بعد وقت قصير بيكونو آعدين بغرفة الاب لأنو متسطح

ندى:أي ياابني احكي عم نسمعك

سراج:أنا...أنا بدي اتزوج

ندى بفرحة:يي تؤبرني ياروح قلبي انت..تخيل ونفس الموضوع كنت بدي حاكيك فيه..

سراج:أي..بس البنت يمكن تعترضو عليها..

ندى:ليش انت محدد البنت يلي رح تتزوجا؟
سراج:طبعاً..واسمها ليلاس

ندى بتوقف عرجليها:شو بلله..ماسمعت رجاع احكي؟

وبآخر الليل..بعد الحفلة بيفوتو سدين وسراج علغرفة كانت كتير خجلانة..طالعة ملاك بتجنن الكل انفتن بجمالها وماصدقو اديش تغيرت

بتأعد عطرف التخت وسراج بيأعد بعيد عنها وهو متدايق،بعد وقت بتقوم بهدوء لعندو

سدين:سراج..انت منيح؟
سراج:...

سدين:طيب محتاج شي؟
سراج:...
سدين:ليكون عملت شي دايقك مني ومابعرف

بيقوم فجأة بيخليها تنأز وبيقلا بعصبية:انتي وبعدين معك؟حلي عني ممكن..ممكن تتركيني بحالي

بيدمعو عيونها مباشرة

سدين:اسفة..مو بقصدي
سراج:لك..لا تستفزيني..لاتعتذري

سدين بتتلبك:واللهي اسفة ماعاد عيدا

بيقرب منها اكتر كان معصب وعصبتو بزيادة،بيمسكا من دقنها بقوة بكف ايدو وبيقلا وهو شادد ع سنانو:لما بقلك لاتعملي هيك مابتعملي..عم تفهمي سكري تمك بقا

بتهز راسا ودموعا بينزلو بغزارة عخدودا

للحظة مابيعرف ليش تخطرتلو ليلاس وتذكر كيف كانت عم تبكي

فجأة بيرجع بيصرخ فيها:لك سكتي..خرسييي حاج تبكي بيكفييي

وهي مابتقدر توقف لما فجأة بيجيها كف قوي،على خدها الصغير الناعم بترتما عطرف الأرض ومابتعود بتقوم بعدو ابداً

بيتركا وبيطلع من الغرفة ومن الفيلا كلها...

بتشوفو أمو بتندهلو كتير ومابيرد بتركد لعند سدين بتلاقهيا عم تبكي بلأرض بتضما لحضنا

ندى:لك شو صار معك يابنتي شو في

سدين ببكا:مابعرف خالتي ضربني وانا ماعملت شي..

بعد ماتحاول تهديا بتتصل بغياث وبتترجاه ليروح يشوف وينو..

بيفكر وين ممكن يكون،وبيقول اكيد راح عهداك البيت

بلفعل بيروح بيدق كتير ومابيرد،وبيعرف أنو موجود لأنو نتبه ع سيارتو

بيحاول يفتل حولي البيت ليشوف شي مكان يقدر يفوت وبلآخر بيشوفو من الباب القزاز يلي للحديقة الخلفية وهو مرتمي بلأرض بدون حركة...بيكسر القزاز بسرعة بكرسي كان موجود من خوفو عليه وبيدخل كان الدم بكل مكان...نازل من شرايين ايديه وسراج بدون حراك🥀💔

بتوصل الاسعاف وبياخدوه مباشرة،بس غياث واقف بمكانو..ماقدر يطلع معو بسيارة الاسعاف وبيرجع ع حديقة البيت

بعد ساعتين تقريباً..

غياث:طمني دكتور
الطبيب:تمام الحمدلله قدرنا ننقذو بس للأسف خسر دم كتير،المريض لازم يبقا تحت اشرافنا لفترة محددة ومافيني احكيلك غير هيك

غياث:شكراً ألك..ايمتى فيني شوفو
الطبيب:وقت قصير لبينما يصحا
غياث:شكراً ألك

بيمشي الطبيب،بعدها بيتطلع حوليه وبيختفي فترة قصيرة..

بعد ساعة تانية،بيتصل غياث ب ندى

ندى:طمني غياث..ليش لهلأ ماتصلت؟
غياث:أا..كلو تمام،سراج كان تعبان شوي وجينا علمشفى لياخد علاج..وهلأ خلص كلو تمام

ندى بقلق وذعر..:غياث احكي الصدق..سراج فيو شي؟
غياث:هو بخير بس اتصلت إذا بتقدري تجي علمشفى؟ولا اجي اخدك

ندى:بجي مع السائق..جاية فوراً سلام

بتقوم ندى ركد عغرفتها لتبدل كان قلبها حاسس أنو في شي سيئ

بتلمحا سدين وبتندهلا:خالتي..سمعتي شي عن سراج؟
ندى وواضح عملامحا الخوف:سراج..سراج بلمشفى ياسدين

سدين:شوو؟؟طيب ومين معو هلأ شو صار معو؟
ندى:مابعرف..رايحة هلأ البس وروح لعندو

بتركد سدين كمان بتبدل تيابها لأنها كانت يادوب طالعة من الحمام بعد مااخدت شاور..

وهي طالعة ندى بتسمع سدين

سدين:خالتي..خالتي انتظريني
ندى:شو بدك سدين مستعجلة
سدين:بدي روح معك..بترجاكي بدي اطمن عليه

بتشوف ندى اديش سدين قلقانة عليه وبتقبل تروح معها

كان غياث برا المشفى ويادوبو وصل،بينزل من السيارة وبيطلع ليتطمن ع سراج

بيفوت لعندو بيلاقيه صحي..

سراج بتعب وأرهاق:غيا..غياث

غياث:...
سراج:انت يلي جبتني لهون؟
غياث:أي نعم...
سراج:ليش..كنت تركني...موت
غياث:حتى تكمل ذنوبك وعجهنم مباشرةً صح؟
سراج بينقهر كتير وبيسكت،بيغمض عيونو بتعب..

بعد وقت قصير بيندق الباب
غياث:تفضل

بتفوت ندى بسرعة وقلق وبتتوجه ع سراج،أما سدين بتبقى واقفة علباب وعم تقرب راسها لتشوف سراج

ندى:ياحبيب قلبي..يانضر عيني ياأبني..شو صاير معك

سراج بتعب:منيح..أنا منيح

بتطلع عجسدو بلكامل لتطمن بتتفاجأ عند ايدو ملفوفة بلشاش

ندى بتشهق:لك شوهاد..شو يلي صاير..

بيسحبا غياث عطرف وبيطلعو لبرا

غياث:مدام ندى روئي شوي..كلو رح يكون منيح بس مالازم نضغط عليه ولا نسألو أي سؤال..هيك حكالي الطبيب...لأنو هلشي رح يتعب نفسيتو

بتفوت سدين وبتتركن عم يحكو برا

بهدوء عم تحاول تمد نظرها عليه لتطمن من بعيد وماتقرب

أول مايلمحا بيحس بضيق،مابيعرف سببو،ياترى لأنو كرهانا ولا حاسس بلندم على يلي عملو فيها..

سدين بتحاول تكون قوية:سراج..الحمدلله على سلامتك

سراج:شكراً

سدين:بدي..فيني احكي؟
سراج:شو..

سدين بتفكر شوي:ولا شي..انت كيف حاسس هلأ؟موجوع من شي..

بيتطلع فيها بنظرات حسرة وألم..

سدين بتخاف من نظرتو يلي مافهمتا وبتتراجع

بتفوت ندى:الحمدلله عسلامتك حبيبي..يلا كلن كم يوم ومنرجع علبيت

بعد مرور ٣ أيام،كان غياث بلغرفة مع سراج عم يساعدو ليلبس ويطلعو من المشفى

سراج:غياث..دورت عليها؟حاسسا كتير قريبة مني
غياث:مستحيل..اكيد بعدت مستحيل تكون قريبة منك وهية بهلوضع

سراج:بتعرف شو يلي صار..

غياث:...

الجز۽ السابع
🌹🍃🌹
الجز۽ السادس
🌹🍃🌹

سراج بعصبية:ماعاد بدنا نوادي..عم تسمعو،إذا بسمعك رجعتي اخدتيها لهنيك،بدي روح كسر النادي على راسو لهلقليل الشرف..

بيمسكا من ايدها وبيسحبا لفوق

وندى لسا واقفة مصدومة بأبنها وردة فعلو،بحياتا ماتخيلت سراج يفكر بهلطريقة

بيوصلو علغرفة بيتركلا ايدا وبيروح بيأعد وبيدفن راسو بإيديه

بتجي لتحكي..بس بتقول اكيد لو حكت كلمة النار رح تشعل اختارت الصمت

بيمرو هليومين وبيصير زواج ماسة،

كان الوضع مشحون والكل ماطايق حدا،وسراج كان ناوي يروح ويضربو لشادي بس تماسك..وطبعاً سدين كانت واقفة جنبو متل الأميرة،وعم تعمل يلي قالتو خالتا أنو بس توزع ابتسامات

أما ماسة بآخر الحفلة بتطلع عند ابوها،يلي حن وراء قلبو عليها نوعاً ما،بتضمو وهية عم تبكي

ماسة:انت السند الوحيد،الله مايحرمني منك،سامحني بابا

أبو سراج:أنا رح سامحك يابنتي،مابعرف إذا ربنا بيسامحك..روحي الله يسعدك،بس مابدي شوف هداك الواطي ابداً

بيزيد بكاها بعدين امها بتاخدها لتحت،وبتروح مع شادي

أما عند سدين وسراج،بيرجعو عغرفتن،وأول ماتفوت بترمي نفسا علتخت

سدين بتتصنع البكا:اااخ يارجليي..ااخ ياراسيي

سراج:هسس ولا حرف صرعتيني ها

سدين:لك خالتي رح تدمرني أنا مابعرف البس كعب،وكمان عملتلي تسريحة مشدودة حاسة شعري رح يتقطع

سراج بعصبية:لك مو عم قلك سكتي،اذا مارح تسكتي امشي طلعي من هون

بتسكت وبتتجلس بتأعد ع طرف التخت وبتنزل رجليها لتحت يلي مستحيل اصلاً يوصلو علأرض لأنهن قصار

بتصير بتهزن لحتى يرتاحو شوي

بيتطلع عشكلا سراج،بتجيه الضحكة غصب بس بيكتما

بتطلع فيه بطرف عينها وبتهمسلو:لك حتى عضلات وجهي عم يوجعوني من الابتسامات

سراج:لاحول ولا قوة الا بلله،فالج لاتعالج

بيوقف وبيروح علحمام

سدين بهمس:لك أي شو حكينا،لعما مابيلقا كلمة

بمكان تاني،بيوصل غياث علبيت صار مباشرة يروح لعندها علمطبخ

كانت واقفة وعم تعمل حلا

غياث بيتنحنح لحتى مايخوفها،بس شكلا ماسمعتو لأنو مشغلة الخلاط

غياث:ليلاس..شو عم تعملي

كمان مابتسمعو بيقرب وبيحط ايدو عكتفها:ليلاس؟

بتشهق بقوة بتلتفت عليه وبتوقع الكاسة من ايدها وبتنكسر

وعلامات الخوف عوجها

ليلاس:هاد انت

غياث:لكن خيالي..شو صار هلأ

ليلاس:الحق عليك لازم تعطيني صوت

غياث:صرلي ساعة عم انده
ليلاس:ماسمعت بنوب..حصل خير

غياث:مممم شو عم تعمليلنا شكلو في اكلات طيبة كتير اليوم

ليلاس:مليت كتير،حبيت اعمل حلا

غياث:أييه لك يسلم هلايدين شكلو بيشهي،بس انشالله مايكون متل الخبيصة يلي اكلناها من يومين#حمصية_حرة

ليلاس:كهكهكه عفكرة مابتضحك،وبعدين اتفقنا ننسا الموضوع

غياث:هو المشكلة من كتر ماكانت.... لذيذة يعني..مو قادر انسى الطعم

ليلاس بتدايق:أيه..الله يجبر بخاطرك

بتترك كلشي وبتغسل ايديها وبتروح ع غرفتا

تدايق من نفسو كتير،فكر كان عم يمزح ليغير جو ماتوقع يزعجا..بس فعلياً هي صايرة حساسة زيادة عن اللزوم

بيوصل عند الباب وبيدق

غياث:ليلاس.. ممكن فوت...ليلاس

ليلاس:فوت

بيفتح بهدوء بيقرب كرسي مقابيلها وبيأعد

غياث:كنت عم امزح..بس حبيت نحكي بشي فكرت رح تضحكي

ليلاس:بعرف..بعرف انك عم تمزح،بس ماعم اقدر اتقبل شي،أي شي عم يدايقني..حتى لما تكون منيح معي عم تدايقني

غياث:طيب ليش؟لايمتى رح تبقي هيك

ليلاس:يمكن كل العمر..أو لحتى انتقم منو وارتاح

غياث:بعتذر عن كلامي ويمكن يكون قاسي..يوم رح تنتقي منو،شو يلي رح يصير؟رح ترجعي الزمن شي؟

ليلاس:...

غياث:تركي كلشي لربنا هو المنتقم الجبار،وإذا ألك حق عند سراج،صدقيني رح تاخديه،تأكدي سراج مو مرتاح بنوب...وماعم ينام الليل،انتقام ربنا واضح فيه..ضميرو عم يوجعو

ليلاس:ضميرو؟قولك عندو ضمير؟بعدين انت من وين عرفت هلشي

غياث:رجع يبعت رسايل حكالي أنو بيعرف مارح رد ومع هيك بدو يحكي،لأنو عم يقول كتير تعبان،وانا بلفعل شفت الرسائل ومارديت

ليلاس:روح لعندو غياث،لاتمنع حالك كرمالي

غياث:مستحيل..صدقيني أنا ماعاد شي يربطني فيه،وإذا لسا آعد ومارحت خلصت عليه فهلشي كرمال عشرة العمر،وكرمالك انتي...انتي طلبتي ماحدا يعرف

ليلاس:تماماً..غياث،بتشكرك لوجودك معي وقفتك هي مستحيل انسالك ياها

بيبتسملا لما بيشوفها هديت شوي

ليلاس:شو السبب ياترى؟انت ماعم تحكيلي..

غياث:واجبي..مافيني قول شي تاني،وقومي يلا كملي الحلا لشوف

ليلاس:اي لاتحلم كنسلنا الموضوع

غياث:مو بكيفك يلا امشي

بيسحبا من ايدا وبيرجعو علمطبخ بيقضو وقت حلو وهنن عم يشتغلو سوا بيحاول كتير يمزح ويحكي ليسمع ضحكتا،بس يادوب عم يشوف البسمة وبلنسبة ألو هلشي كتير منيح..

عرض عليها اكتر من مرة يجيب طبيب نفسي ألها وهي رفضت

بيمر كم يوم عهلوضع،سدين عطول خايفة ومتوترة..حتى من سراج،تعبها كتير عطول معصب وعطول بيجرحا..بنفس الوقت عندها احساس أنو مو هيك..في شي جواتو منيح وحلو

ليلتها بيبقا سراج بسيارتو،مابدو ينزل ويشوف سدين عم تحسسو بلعذاب اكتر..عم يحس أنها رح تكون ضحيتو التانية،ماعاد يثق بحالو

الجز۽ الثامن
🌹🍃🌹

وبيوم جديد،بيصحا سراج على كابوس جديد،تدايق كتير من هلوضع وحاسس أنو ليلاس عم تدعي عليه مايتهنا بحياتو،لحتى بلفعل ماعم يقدر يعيش بشكل طبيعي

بيتطلع ع سدين بعدم اهتمام وبيجي ليقوم بيرجع لمكانو وبيلتفت عليها،بيسرح بتفاصيلها البريئة..كيف غفيانة متل الملاك،وهلوصف مابيقل شي عنها..

كان شكلها مريح للنظر بيعطي الأمان وكأنو الدنيا لسا بخير لأجل هي البنت

وكلعادة مابيعرف شو يلي بيدفعو ليتجرأ ويقرب منها،وبخلف اصابعو بيلمس خدها الناعم،بيتفاجأ من نعومتو..صح واضح هلشي بس مش هلقد كان ناعم وكأنو بيلمس طفل،بيمسح بهدوء عليه بس بعدها بتحس بدغدغة..

هلشعور خلاها تدايق بنومها وكان واضح عملامحا

بيبعد ايدو بسرعة،ماكان بدو يدايقها بنوب..مع هيك ملامحا لطيفة،مابيعرف شو هلكائن يلي ع شكل فتاة أمامو

بيفوت علحمام،وهي بتفتح عينها لحظتا،اي..حست بلمستو ومن خوفها ماقدرت تفتح عيونها،ولا قدرت تعرف سبب هلشي..

بيروح سراج علشغل وبتشوف شو لازم تعمل بلبيت بعدها بيأعدو هي وخالتا

سدين:خالتي..بدي احكيلك شي،بس كتير خجلانة

ندى بتفرح:لا تخجلي بشريني انشالله تصلحت الامور

سدين:لا طولي بالك عليي..كلها لمسة

ندى:كيف يعني؟
سدين بخجل:ماعندي حدا احكيلو غيرك،اليوم صحيت ع لمسة من ايد سراج،كان عم يمسح ع خدي،وانا تلبكت ومافتحت عيوني

ندى:اي منيح كتير،وشو عمل بعدها؟

سدين:بس هيك،بعدها راح علحمام وبدل تيابو ونزل

ندى:أمم..سدين

سدين:نعم خالتي
ندى:عم تلبسي فساتين النوم يلي عطيتك ياهن
سدين:خالتي انا مابرتاح إلا بلبيجامة
ندى:بلله..مابيظبط هلحكي،اليوم بتتمكيجي متل ماعلمتك وبتلبسي الفستان الحرير الطويل يلي لونو أحمر عم تفهمي..

سدين:حاضر
ندى:وفي الشموع يلي بلدرج بتطالعيهن وبتولعيهن سامعة

سدين:ييي وبلكي احترقنا لك خالتي

ندى:لك انشالله..لعما شو انك غبية،اذا مامتت حريق اليوم رح تموتيني بجلطة بكرا

بتتركا وبتقوم

سدين:يي..لك ليش عصبت هي..يعني لو الناس بدها تأعد علشموع...ليش خترعو الكهربا🙄عنجد خالتي لسا ماتطورت ومابتعرف جيلنا مو متل جيلها

أما عند ماسة وشادي بيصحو الصبح

ماسة:صباحو حبيبي

شادي ببرود:صباحو

ماسة:يلا صحصح رايحة اعملك قهوة وجهز الفطور

شادي:مابدي افطر عملي قهوة بدي امشي
ماسة:اليوم اجازتك...ليش بدك تروح

شادي:هيك..انتي شو بدك فيني ؟عكيفي بشتغل انا
ماسة:تمام عمري متل مابدك

شادي بعصبية:لا مو متل مابدي؟شو شايفتيني مجنون كل شوي متل مابدك متل مابدك

ماسة:يي لك شبك شو بدك قول يعني؟

شادي:وليش هيك عم تتنتوري فيني؟

ماسة:أنا عم اتنتور فيك؟ولا انت يلي بس عم تدور علمشاكل
شادي:ماسة..ضبي لسانك وروحي من وجهي

ماسة:مابدي روح هلأ بدك تقلي شو صايبك؟لسا كل شوي بتعصب عليي وبتصرخ

شادي:هوهوووو علينا،انتي العيشة معك ماعاد تنطاق،حضرتك يلي عم تدوري علمشاكل،بس ياترى ليش؟اذا عندك سبب مباشرة احكي..وخلينا نحسم الأمور من هلأ ماسة..

بيتركا وبيبدل تيابو وبيمشي

بتطلع ماسة وراه وهية عم تبكي بتلاقيه فتح باب البيت وطلع

ديمة:لك شبكن يابنتي كل يوم صواتكن طالعة

بتروح ماسة عند حماتا وبتضما وبتبكي بحضنا

ماسة:شادي متغير عليي كتير يامرت عمي،حاسستو كرهانني كمان..كل شوي بيخانقني وبعدين بيحط اللوم عليي

بتطبطب ديمة عليها،وهي عارفة شو صاير مع ابنها بس مو طالع بايدها شي

ديمة:الله يهديكن يابنتي،بدك تطولي بالك هو نفسيتو تعبانة وانتي اذا بلفعل بتحبيه وبدك تبقي معو بدك تتحملي هلفترة،واذا مارح تقدري..خلي طريقكن سوا مايطول اكتر من هيك وتعذبو بعض

ماسة:أنا بحبو كتير مافيني عيش بدونو..وعندي استعداد اتحمل بس مو يحسسني أني عم هينو وانا مستحيل اعمل هلشي

ديمة:الله يصبرك ويهديه..

ليلاس كانت ع اتصال مع مجد،يلي عم يخبرا مستجدات حياتو

مجد:وانتي..شو اخبارك؟

ليلاس:تمام،عم ادرس عن بعد وقريباً رح بلش قدم امتحانات وهيك وروح علجامعة بس وقت الضرورة

مجد:آها..تمام

ليلاس:أي..بس هيك مافي اخبار تانية؟

مجد:لا ..

ليلاس:تمام لكن بدك شي؟
مجد:لا سلامتك...باي

ليلاس:باي

بيجي غياث من وراها

غياث:احم..خلصتي؟
ليلاس:اي..بتريد مني شي؟
غياث:لا لا..بس يعني..مجد هاد،قلتيلي رتبط خلص
ليلاس بتحس انو في غيرة بلموضوع:اي..وهو من شوي كان عم يحكيلي عنها

غياث:ايوا..طيب مابتلاحظي انكن بتحكو كتير
ليلاس:لا ولو..عادي بس بدي اطمن عنهن

غياث:فيكي تطمني من اختو
ليلاس:وهو كمان بدو يتطمن عني

غياث بضيق:شو حكيتي؟

ليلاس:عادي بيعتبر نفسو مسؤول عني
غياث بيقرب عليها وبتصير عيونهن مقابل بعض تماماً

وبيقلا بهمس:ماحدا مسؤول عنك بكل هلدنيا غيري انا،مفهوم؟؟

ليلاس بتهز راسها بإيجاب
غياث:واتصالاتك معو بتخففيها..مو ضروري اذا مو حابة تزعليني تمام

ليلاس بهدوء:تمام

بيخفي غضبو وبترتاح ملامحو وبيبتسملا،بيرفع ايدو وبيمسح عشعراتها

غياث:مابتحمل..شوف اي شخص غيري قريب منك

بيشد ضمتو عليها اكتر

غياث:سامحيني،شعور كان موجع أنو حس لسا بقلبك شي تجاهو
ليلاس بتلتفت عليه:مافي..انت ستحوذت عكلشي..حنانك وحبك واهتمامك الكبير،عم يخليني انسانة تانية ،بس ماعم اقدر انسى الأصل..انت بتستاهل تكون مع انسانة افضل مني غياث،انسانة نضيفة..مالها ماضي انسانة تكون انت اول شخص بحياتا

بيسكر تمها بأيدو

غياث:سكتي ليلاس اوعك تنطقي بهلسخافات مرة تانية،انتي بتعرفي أني مستحيل فكر بهلطريقة..انتي عندي اغلى من كلشي بهلدنيا،انتي وحدك ألي..بس بدي ياكي تسلميني قلبك..

ليلاس:وأنا قلبي ألك غياث،ماعاد فيني بدونك،أنا هلأ متأكدة من مشاعري..بحبك غياث

ومباشرةً بتتخبا بحضنو وهو بضما بقوة وكأنو بدو ياها تبقا هيك كل العمر وخايف تتركو بيوم

أما عند سدين وخالتها،كانت عم تقنعا ليروحو ع صالون التجميل وبلفعل بتروح

بتنتبه سدين أنو ندى واقفة بعيد وعم تحكي مع البنت يلي بلعادة بتعملا التسريحة ل سدين

بعد وقت،بتجي البنت وبتعطيها كتاب لسدين

سدين:شو هاد؟
البنت:فيكي تتسلي فيه لبينما ابدا و رتبلك شعراتك

سدين:أوك..ليكي إذا رح تقصي،قصي بس هيك🤏🏻

البنت:أوك لاتشغلي بالك حبيبتي

بعد وقت،بتلتهي سدين بهلكتاب وبتغوص كمان..بتنشد كتير للقراءة وبتجي البنت بدها تفكلا الجدايل لتبدا بتندهلا ندى بإشارة بإيدها

بتفهم البنت وبحزن شديد بتمسك المقص وبتقصلا الجديلتين

بتسمع سدين الصوت كان كتير قريب من ادنها كان واضح جداً بتفتح عيونها ع آخرن لما بتطلع علمراية وبتلاقي شعراتها نفردو عند كتفها آخر حد الهن

ماعاد طلع منها ولا حرف،حست بغصة وكأنو حدا عم يخنقها مابتعرف شو السبب ولا حدا رح يحس بشعورا لحظتا،بتعرف الكل رح يستخفف بمشاعرا

سدين:ليش...لك ليش هيك

وبتنزل دموعا بقوة

بتجي ندى:اعدي خلي ترتبو

سدين بتبعد خالتها:مابدي،تركوني بعدو عني

ندى:لك شو صرلك؟؟اهدي خلصنا

بتاخد الجدايل من ايد البنت وبتركد علحمام وبتقفل الباب عحالا وبتنهار بلبكا

بتدق ندى:سدين..فتحي فضحتينا،فتحي يابنت..لاتخليني قلن يكسرو الباب

سدين:خالتي..طول ماانتي هون مارح اطلع،امشي من هون

ندى:ومع مين بدك ترجعي حضرتك
سدين:مالك دخل فيني..روحي من هون خلص ماعاد اتحمل
ندى:وليك سدين نتبهي عكلامك معي لاتخليني اتصرف تصرف تاني

سدين:لك خلص خلص،تركيني بحالي بقا..

بيسمعو صوت بكاها الكل استنفر ومصدوم،حتى البنت يلي عملت هيك كتير ندمت ماتوقعت ردة فعل سدين ومع هيك معها حق..

مديرة الصالون كانت على معرفة ب ندى

ريتا:وشو رح تعملي هلأ ياندى

ندى:بعتذر كتير عن يلي عملتو هلبنت..خلص هلأ رح حل الموضوع رح روح أنا واتركلا الشوفير ترجع معو..وانا كيف بدي ارجع كمان..

بعد تفكير بترفع التلفون وبتتصل بحدا

سراج:ألو..

ندى:سراج..كيفك ابني
سراج:تمام..قوليلي امي
ندى بترتبك:سراج ابني أنا وسدين رحنا ع صالون التجميل..بس صارت مشكلة صغيرة ومحتاجتك

بيوقف سراج عرجليه وبيجاوبها بخوف وقلق:سدين فيها شي؟

#

ندى:لا لا..يعني هي بتعرف مجنونة وهيك وحبست حالها بلحمام

سراج:حدا لمسها؟ليش هيك عملت جاوبي

ندى:يعني مين بدو يلمسا عم قلك صالون نسائي..يلا تعال وبلا كتر حكي فضحتني قدام الناس..

بيسكر وبيتوجه مباشرة علسيارة كان متأكد أمو مخبصة معا

بعد وقت بيجي ولسا كانو بيحاولو معها كانت سكتت عن البكا،بس لسا عم تتنهد

سراج:شو صاير أمي..

ندى:أاا..لك يعني جينا لنقصلا شعرها،وهي زعلت لأنو قصوه شوي..وحبست نفسا بلحمام وقال مابتطلع لروح أنا

سراج:امشي انتي طيب..

بتروح ندى وبيقرب سراج علباب وبيقول للي واقفين:لو سمحتوا فيكن تروحو عشغلكن شوي وبطالعها ومنمشي..

بيتركوه وبيروحو كل واحد عشغلو

بيدق الباب وبيقلا بهدوء:سدين..سدين عم تسمعيني؟

لما بتسمع صوتو بتقرب علباب وبترجع بتبكي بصمت

سراج:سدين أنا جيت وأمي مشيتها،طلعي حاكيني..

سدين:..

سراج:انتي بخير؟عم تقلقيني عليكي وهيك رح اكسر الباب ها

بيقرب اذنو علباب بيسمع صوت بكاها الخافت

لحظات وبينفتح الباب،ماكان متوقع شعورو الغريب انكسر قلبو عليها..شعراتها راحو وعيونها بلأرض كأنو خجلانة من شكلا بلا شعرها..وعيونها حمر من البكا

بيقرب لعندا خطوتين وبيرفعلا وجها بحنية

سدين:قصولي ياهن ياسراج

بترفعلو الجدايل بإيدها

حس وكأنو طفلة صغيرة قدامو واخدولها لعبتها يلي متعلقة فيها كتير

بيسحبا لحضنو وبيضما بقوة

سراج:اهدي..لاعاد تبكي

سدين:من قبل حكيتلا مابحب شي يقرب ع شعري،ومع هيك عملت يلي بدها ياه...

بيطبطب شوي ع ضهرها

سراج:لاتزعلي..خلص اهدي

بيبوسا من راسها بحب كبير،وبعدها بيتطلع بعيونها

بيكتم مشاعرو وبيطلب منها يمشو

بتطلع بلسيارة وبتحط الجدايل بحضنها

سراج:بكرا بيرجع بيطول..ومستحيل اسمح لحدا يرجع يقرب عليهن

سدين:بس..

بيمسح عخدها بحنان

سراج:بس بتعرفي..كيف ماكان بتجنني..

بتخجل كتير وبتبتسم،بيمسحلا دموعها

سراج:لاعاد تبكي..تمام
سدين:تمام

سراج:رح اخدك لناكل شو رأيك..عند المطعم يلي بتحبيه

سدين:وانا بهلمنظر؟
سراج:لك عم قلك بتجنني..وبس نرجع علبيت ألي حكي مع أمي

سدين:لا بترجاك بلاها،مابدي تعصب عليي
سراج:طول ماانتي معي..مستحيل حدا يقدر يأذيكي

بتبتسملو وبتلتفت علشباك وطول الطريق عم تفكر شو يلي عم يصير..ليش هلمشاعر القوية مع أنو ببالو بنت تانية..ماقدرت تصارحو

بيروح بياكلو وبيرجعو علبيت بتفوت لتاخد شاور وهو بيروح عند امو

بيفوت بعصبية

بس بيكتمها وبيحكي كلمات قليلة

سراج:مابدي احكي كتير..من الآخر،سدين ماعاد بتقربي عليها..ولا تغيري فيها شي،عم تسمعيني أمي..بكفي لهون

ندى:بس هي صارت من عيلتنا ماعادت بنت صغيرة...

وقبل ماتكمل:من عيلتنا وأنا بدي ياها هيك بطريقتا..تمام

بيتركا وبيمشي،يمكن زودها شوي مع أمو بس تعب من تفكيرها الغريب

بيفوت وبيرمي جسدو علسرير بتطلع سدين وهية لابسة بيجامتا ولافة شعرها بالبشكير

بتطلع عليه وهو مغمض عيونو،وكلعادة بتنجذبلو وبتقرب عليه بتأعد بطرفو وبيحس بوجودها..

بتلمس خدو بحنيه،بعدها بترفع ايدها عنو وبتتسطح جنبو ع أيدو وبياخدها بحضنو..

سراج:صرتي احسن هلأ

سدين:أي..
سراج:حكيت مع امي،ماعاد تعمل معك شي

سدين:سراج..
سراج:أيوا
سدين:ليش هيك عم تعمل؟
سراج:شو عم اعمل
سدين:عم تحسسني بوجودك جنبي بشكل ماعاد فيني بدونك..عم حس بشعور غريب..مابعرف شو هو بس انو بدي ابقى جنبك هيك..وفجأة بتذكر هداك الشي وبخاف

سراج:اهدي شوي،احكي شغلة شغلة،أنا مو متقصد حسسك بوجودي..كل الموضوع أنو احساسي هو يلي عن يتحكم فيني بوجودك..انتي شو الاحساس يلي عم تحسيه تجاهي

سدين:مابعرف..بحس أنك انت القوة ألي وبوجودك مابخاف وبغيابك بنتظرك وبيطول الوقت وبمل كتير،وانو لما بتكون موجود ماحدا بيقدر يأذيني لو بحرف..وغير هيك تتذكر لما..كنت قريب مني كتير وحملتني هداك اليوم

سراج:أي..

سدين:كان قلبي عم ينبض بشكل غريب،لحظات حسيت في ايد قابضة عقلبي بشكل كبير،ولحظات حس النبض يتسارع ونفسي يضيق..

سراج:ماحسيتي هيك من قبل؟
سدين:بنوب..بس صدقني أنا مابخاف منك

سراج:بس هاد مو خوف..
سدين:لكن شو؟
سراج بيلتفت عليها وبيرفعا راسها لتصير عيونهن متوجهة ع بعض:هاد هو الحب ياسدين

سدين بتتوتر:يعنييي..يعني أنا بحبك؟
سراج:أي..وكتير كمان
سدين بتقوم من حضنو بسرعة:بس أنا مابدي حبك

سراج بيتفاجأ:ليش؟؟

سدين:لأنو...لأنو..هلأ إذا حكيتلك بتزعل شي؟
سراج:لا بنوب احكي
سدين:لأنو انت مابتحبني،بتحب بنت تانية،ومابقدر حبك وانت بتحب غيري صح..

سراج:مين حكالك هلكلام؟ومين يلي بحبا أنا؟

سدين:ليلاس

وكأنو مي متلجة ووقعت فوقو من الصدمة ارتعش جسدو بالكامل وأول فكرة خطرت ببالو أنو تكون ليلاس عم تتواصل مع سدين لتنتقم منو

بيقرب عليها وبتتغير ملامحو الهادية لعصبية

بيمسكا من ايدها بقوة:انتي من وين بتعرفي هلاسم

سدين بتخاف كتير وماعاد يطلع منها حرف

سراج:احكي..من وين؟
سدين:..
سراج:عم تحاكيكي؟؟شفتيها شي ؟انطقي

سدين:لا لا ...وربي مابعرفا
سراج:لكن مين قلك اني بحبا؟وشو عرفك باسما..

#

سدين:مرة سمعت عمي حكاها لماسة..أنو انت تزوجتني غصب وهاد كان عقاب ألك أنو تترك البنت يلي بتحبا وتتزوجني..سراج...أنا عقاب ألك هلشعور كتير بيوجع..ويلي وجعني اكتر،يوم يلي كنت قريب مني كتير،أنت ندهت باسمها..قلتلي ليلاس ليش ماعم تسامحيني..

كان لسا مصدوم وانشل جسدو عن أي حركة

سدين:بتحبا كتير...لهيك مابدي حبك أنا صح ماجربت الحب قبل هلأ بس سمعت أنو بيوجع القلب كتير..

بيقرب عليها وهي عم تبعد لورا وهو عم يقلا:أنا مابحبا...أنا مابحب غيرك سدين..حتى زمان لما كنت معاها ماحبيتها،مابدي أأذيكي حاولت بعد عنك..بس كلشي فيكي عم يشدني ألك..

بقيو عهلحالة هي تتراجع وهو يقرب اكتر لوصلت علجدار ونسندت عليه

سراج:أنا بعشقك يامجنونتي..

......

بمكان تاني كان سهران مجد مع ريتال

ريتال:يعني كل يوم عم تنزل؟
مجد:مو كل يوم،أيام بنزل وايام بطلب من رفيقي يشوف الوضع بلجامعة واكيد رح اصدفا بيوم ونحكي بكلشي

ريتال:مجد..انت لسا بتحبا ل ليلاس؟

مجد:ليلاس مو ألي..بس لازم كون معها

ريتال:أنا سؤالي بدو جواب تاني..بتحبا ولا لا؟
مجد:أنا بدي اتزوج ميرا..هيك جوابي،بدي ميرا هية يلي تكون زوجتي

ريتال:بس هيك رح تظلما

مجد:لا..متل ماتغير شعوري بشكل بسيط من بداية معرفتي فيها لهلأ..اكيد رح يتغير بلمستقبل وتكون وحدها يلي بقلبي..ريتال أنا مافيني اتخلا عن ميرا

ريتال:وليلاس؟

مجد:ليلاس رح ساعدا..واعرف شو صاير معا وهي وقتا تختار طريقا

ريتال:واذا قالتلك تزوجني؟
مجد:بتزوجا...بس بعد مااتزوج ميرا..وإذا وافقت ميرا

ريتال:بس ميرا مستحيل تقبل وممكن تتركك

مجد:معناها مستحيل اتزوج ليلاس...

عودة عند سراج وسدين،كانت متسطحة عطرف ايدو وهو عم يشم شعراتها ويمسح عليهن بايدو التانية

سدين:بدايقك إذا طلبت تحكيلي قصتك معها؟

سراج:بحكيلك..بس بتوعديني ماتبعدي عني أو يغير كلامي مشاعرك تجاهي..

سدين:رح حاول...

ندى بتتوتر:أ..هي غلطت بلكلام وكان لازم ربيها..

سراج:سدين مرتي..وهي مترباية منيح..ومابسمح لمين ماكان يمد ايدو عليها..سامحيني أمي حتى انتي..حتى أنا مابسمح لنفسي بهاد الشي..انتي بتبقي أمي،مارح اقدر اعمل معك شي...أنا رح اخدها واطلع من البيت هلأ..

بيسحبا وبيطلعو لفوق

سراج:ضبي كل تيابك وتيابي بسرعة..

سدين:بس ياسراج سمعني شوي..انا غلطت

سراج بيصرخ عليها:ولا كلمة..كم مرة قلتلك لاعاد تهيني نفسك بهلطريقة.. انتي ماعم تسمعي..لك شبك واقفة هيك؟؟بسرعة

بتمسك بطنها بألم وايدها التانية ع راسها

سراج:وبعدين معك؟

بيتطلع فيها بينتبه أنو اختل توازنا بيلحق وبيمسكا وبتغما بين ايديه بيحاول يصحيا بعدين بيحملا وبيتوجه علمشفى

بعد وقت من القلق..كان واقف جنبها وماسك ايدها

سراج:كيفك هلأ؟
سدين:احسن..

بيفوت الدكتور:احم..كيف صرتي ياسدين

سدين:منيحة دكتور
الطبيب:طيب..
سراج:خير دكتور..شو صاير؟
الطبيب:طبعاً خير بأذن الله..مبروك..رح تصيرو أب وأم

بيتطلعو ببعض متفاجأين..بيضما بفرحة كبيرة مابتقل عن فرحتها..

سراج بحب كبير:رح صير أب..انتي هههه انتي ياسدين رح تصيري أم ولادي ياربي ماعم صدق...كيف رح تصيري أم هههههه

سدين:ننننن ليكون مو عاجبتك

سراج:لك انتي احلى أم بلدنيا

بتحط ايدها ع بطنها وهية مبسوطة كتير

سدين:يي سراج...عم يتحرك البيبي

بيتطلع فيها بسخرية:بلله..يلا لكن صار وقت الولادة تؤبريني

بيضحك عليهن الدكتور وبيتركهن وبيطلع

بياخدها علبيت وأمو كتير بتفرح بلخبر مع هيك كان مقرر يترك البيت ويمشي..اعتذرت منهن بس سراج كان مصمم أنو يتركو البيت لفترة لتهدا النفوس..

بعد كم يوم بيرتب وضع بيتهن الجديد وبياخدها وبيروح

وبيوم جديد،بتصحا ديمة ع اصوات ماسة وشادي

شادي:انتي كنتي عم تحكي مع حدا بلحمام أنا سمعتك

ماسة ببكاء شديد:خلصنا شادي حرام عليك حلفتلك أنو كنت عم غني،لك الله ياخدني ويخلصني

شادي:بدك تخلصي مني؟؟روحي بطلقك ونقلعي عند اهلك..احسن ماتخونيني وانتي ببيتي

ماسة:أنا ياشادي؟هلكلام ألي؟

بتصرخ عليهن ديمة

ديمة:لك فتحو الباب،ردي ياماسة لك شو صابكن؟؟

ماحدا بيرد عليها..

ماسة:انت مو شادي يلي أنا حبيتو أنت انسان تاني

شادي:اي..يلا قدمي الاعذار..لأني متغير بتروحي بتخونيني

ماسة:لك ماخنتك ماخنتك..
شادي:كذابة..انتي وحدة كذابة،يلي بتترك عيلتا كرمال شب..وبتخون ثقتن..عادي يجي يوم وتخون
ماسة:انت مريض..انا تركت الكل كرمالك بس طلعت مابتستاهل..مع كلشي صار فيك كنت باقية معك..انت انسان ناقص..

فجأة بيروح تفكيرو لغير مكان كانت قاصدة ناقص عقل قالتها بعصبية بدون ماتنتبه شو ممكن يفكر هو،بيرفع ايدو وبدون تردد بيضربها كف قوي...

بتترك البيت وبتمشي،وشادي بيتعب كتير وبيحبس نفسو بلغرفة..وديمة مابتقدر تعمل شي..حاولت مع ماسة وماقدرت ولا مع شادي..

ديمة بتتذكر كل الاتصالات يلي كانت بينها وبين ليلاس..لما خبرتها بكلشي صار معها

ديمة بحزن:وكأنو رب العالمين عم ياخد حقك ياليلاس..

بعد قرابة اسبوع

بقيت ماسة عند عيلتا،وغياث ملاحظ تغيير ليلاس الزايد كانت طول الوقت متوترة..وهليوم تركها وراح عشغلو..وبنفس الوقت سراج طلع من البيت..

بعد شي ساعة بيندق الباب ع سدين بتفتح بشكل طبيعي

تحاكيها بنت:لو سمحتي انتي سدين؟

سدين:أي نعم..تفضلي؟

البنت:سراج بيك بعتني لعندك..وخبرني لآخدك لتتسوقي

سدين بتعجب:سراج؟

البنت:أي..هو تحت بلسيارة

سدين:وليش ماطلع؟

البنت:صدقيني مابعرف حكالي اندهلك وننزل لأنو هو رح يروح بسيارتو ونحن مع السائق بسيارة تانية بس بدو يأمن عليكي معنا

سدين كانت حاسة الوضع مو طبيعي

بتفوت لتاخد موبايلا وتتصل ب سراج وهو عم يرن تلفونها بتحس في حدا وراها بتلتفت بيجي شي بعيونها،بترش عليها البنت مخدر وبتسحبا لطرف الباب وبتتصل بلشباب يلي معها تحت..

كان موبايل سدين بلغرفة مكان ماوقعت،سراج رد بس ماسمع شي

سراج:مجنونة...شكلا اتصلت بلغلط..

الشب:ليش مانزلتيها بشكل طبيعي؟
البنت:كانت رح تتصل ب زوجها..

الشب:طيب طيب،هلأ انا بحملا وانتي بتمثلي انها تعبت وغميت وبدنا اسعاف

البنت:تمام

بيتصل وبيتفق مع صديقو يلي تحت،وأول مايطلعو من بوابة العمارة

البنت:ساعدونا دخيلكن اختي غابت عن الوعي

الشب:لك مين عندو سيارة بسرعة كرمال الله

بينزل صديقهن وبيجي كم شخص لأنو فعليا المنطقة فاضية نوعاً ما يلي بيجي بس حراس العمارات التانية

صديقهن بيقلن:أنا عندي سيارة تعالو طلعوها بسرعة علمشفى..

الحراس مافهمو شي..اصلا ماعرفوها بما انو سراج ماصرلو زمان ساكن بلمنطقة

بيرجع سراج وبيحس بقلق،بيرجع بيتصل عليها بس ماحدا بيرد..

سراج:وينها؟معقول داخت او اغمى عليها؟؟لازم روح اتطمن..

بيتوجه عبيتو مباشرة وبس يفوت مابيلاقي حدا بلبيت بيدور عليها بعدين بيلاقي الموبايل وقعان بلأرض ومكسور..بيزيد خوفو وبيتوتر

بيطلع لبرا وبيسأل الناس اذا شافوها واخيراً حدا بيقدملو شرح..

الحارس:في شب كان حامل صبية وفي صبية تانية كانت عم تبكي وتقول بدها اسعاف..

بيوقف وهو متوتر مين رح يكونو،مابينتبه انو في شب كان عم يراقبو من بعيد وعم يحكي علتلفون

الشب:أي ياخانم..شكلو فهم كلشي وعم يسأل الناس عنها

ليلاس:طيب طيب..سلام

بتسكر وبتتصل من الرقم الخاص عليه

لما بيشوف رقم خاص بيعرف أنو الشخص يلي عمل كل هاد

سراج:ألو..

ليلاس بقوة:ألو...كيفك سراج؟

سراج اجتو السكتة..عم يركز منيح بلصوت وعم يكذب حالو

ليلاس:شو؟القط اكل لسانك لك سراج؟وين رحت..

سراج:ليلاس؟

ليلاس:ومين غيري...

سراج:وينك انتي..

ليلاس:ههههه عندي شغلة مهمة والله،مشغولة حاليا رايحة شوف انسانة كتير غالية ع قلبي..وع قلبك كمان

سراج:سمعيني ليلاس لاتغلطي غلطي،سدين مالها أي ذنب

ليلاس:يعني أنا يل ألي ذنب؟؟

سراج:طيب سمعي..لازم شوفك ضروري لازم خبرك بشي ليلاس..

بتسكر بوجهو

سراج:سمعينيي...لك مرتي حامل ياليلاااس

كانت سكرت وماسمعت شي..

بتترك البيت وبتطلع بلسيارة يلي بعتلا ياها مجد وبتروح علمستودع يلي اخدين عليه سدين

بتفوت لعندها كانت مربطة ومأعدينها علأرض

سدين:وين أنا ردو عليي شو بدكن مني؟

....

سدين بتصرخ:سرااج..سراج ساعدني...

ليلاس:خرسي..لا تسمعيني صوتك،ماحدا رح يسمعك اصلا

سدين:مين انتي وشو بدك مني؟
ليلاس:في دين على زوجك ولازم يندفع

سدين:وأنا من وين بدي جبلك يعني؟

ليلاس:ههههه عنجد غبية..كيف متحملك هلشيطان،ولا صح..بما أنو شيطان لازم تكون مرتو وحدة متلك لتتحملو

بتدايق سدين:سراج مو شيطان،انتي الشيطان..

ليلاس:سدولها تمها،وانت امشي معي

بيطلعو لبرا هي وشخص

ليلاس:متل ماقلتلك بتمثلو أنك عم تقربو منها وبتصورو كلشي بلموبايل وبتبعتولو الفيديو وأوعكن حدا يأذيها عم تسمع..بتطعموها وبتشربوها..لبينما نشوف شو الخطوة الجاي

بيرن تلفونها بتطالعو بتلاقي غياث..مابترد

بتنزل لتحت بيرجع بيجيها الاتصال،بتطلع بلسيارة وبتبقا فيها وبترد

غياث:ليلاس...وينك انتي؟
ليلاس:أنا...

غياث:ردي..
ليلاس:طلعت بدي قضي اليوم برا

غياث:وليش ماخبرتيني؟ ومين معك؟

ليلاس:لا تشغل بالك شوي وراجعة..

غياث:بس اجي لازم تكوني بلبيت ولازم نحكي بكتير مواضيع

بيسكرو وسراج كان عم يفكر شو يعمل أول شي بيعملو بيروح عبيت شادي

بتفتحلو ديمة

ديمة:خير؟شو بدك انت

سراج بعصبية:ليلاس وينها؟؟
ديمة؛أنا شو بعرفني؟

سراج:خالتي..كرمال الله اذا بتعرفي شي خبريني..ليلاس خطفت مرتي..

ديمة بتنصدم..

سراج:مرتي حامل..وهي مو ذنبها

ديمة:مابعرف شي..انا هلأ عم اسمع

سراج:طيب وينها؟؟

ديمة بتنزل عيونها علأرض

سراج:بترجاكي ياخالتي..صدقيني انا تغيرت،أنا رح صلح كلشي بس مرتي والبيبي ماألهن ذنب

ديمة:مع شخص اسمو غياث..

بينصدم سراج لدرجة بياخد لحظات ليستوعب الوضع،بينزل بسرعة علدرج وهو عم يتصل ب غياث..

بس مابيرد عليه،وفوراً بيتوجه لعندو علشغل ليلحقو قبل مايطلع..

بس يوصل بيفوت علمكتب بدون استأذان

غياث بعصبية:هاي هاي..انت وين مفكر نفسك

سراج:وينها مرتي؟؟؟وينها ياغياث نطوق...والله اذا بصرلا شي مارح اترككن تفلتو من ايديي

غياث:انت شو عم تخبص؟

سراج: أنا عرفت كلشي،وعرفت ليلاس معك..وهي خطفت سدين احكيلي وينهن

غياث:لك من وين عم تجيب هلحكي

سراج:بيكفي كذب،ليلاس اتصلت وخبرتني انو سدين معها..مرتي حامل ياغياث..بترجاك هي مالها ذنب..

غياث:اهدا خلص..

بياخد التلفون وبيتصل ع ليلاس

غياث:ألو..وينك ليلاس رجعتي؟

ليلاس:لا..شو بدك؟

غياث:وينك انتي طيب

ليلاس:مارح ارجع اليوم ممكن لاعاد تتصل رح سكر الموبايل

غياث:لا لا ماتسكري ليلاس..

بيقرب سراج لياخد التلفون بس غياث بيمنعو وبيطلب منو يسكت

غياث:سدين وينها؟؟هي بخير؟
ليلاس بصدمة:وانا شو خصني؟

غياث:بعرف انها معك من شوي طلع سراج ..وينك انتي؟ممكن يخبر الشرطة ويوصلك ليلاس...ووقتها رح تدمري نفسك

ليلاس:انا تدمرت من زمان..

بيوصل عموبايل سراج مسج بيطلع من باب المكتب وبيفتحو،ليتشنج جسدو من المنظر يلي شافو..كانت سدين عم تستنجد وتصرخ بأسمو وفي شبين عم يحاول يعتدو عليها

بيرجع بيفوت ع غياث بعصبية

كان غياث عم يسكر تلفونو مع ليلاس
بيرفعلو التلفون سراج:لك مرتي رح تروح بين ايديهن...والله مارح ارحمننن

غياث:امشي ورايي بسرعة..

وهنن بلسيارة

غياث:بتعرف رقم مجد ابن خال ليلاس؟
سراج:وشو خصو هاد كمان؟
غياث:اتصل بشادي وحصل رقمو بسرعة،اكيد بيعرف كلشي ليلاس مابتقدر تعمل هيك لوحدا

بيتصل سراج

شادي:خير..
سراج:عطيني رقم مجد بسرعة
شادي:شو؟شو بدك انت جنيت؟بعد كل هلوقت اتصلت ل....

سراج بيقاطعو:بنت عمك خطفت مرتي..بعات الرقم فوراً وسكوت..

بيسكرو وبيوصلو الرقم وفوراً بيتصل ع مجد

غياث بياخد التلفون من سراج لأنو كان كتير متوتر

غياث:ألو..

مجد:ياهلا..

غياث:مجد بيك
مجد:تفضل
غياث:أنا غياث..وبعرف بكلشي صار..أنت ساعدت ليلاس بخطف بنت..

سراج بيسحب التلفون:اذا بيصير شي لسدين رح دمركن...وهلأ ليلاس بعتت فيديو شنيع اذا بيوصل للشرطة رح تروحو كلكن عم تسمع

مجد مابيطلع بأيدو شي غير يبعت العنوان ويتوجه بعدها وراهن لهنيك

بعد وقت طويل

سدين كانت عم تطلع فيهن بس مو قادرة تتحرك،عم تحاول تفك ايدها ماعم تقدر

واحد منهن بيتركها والتاني بيأعد علكرسي وهو عم يكتب عموبايلو،كانت حاسة بألم شديد اسفل بطنها شكلها وهي عم تحاول تدافع عن نفسا..تأذت

بتبقا عهلحالة فترة لبينما تحس بربطة ايديها عم تفك..

بتوقف بهدوء وبتجيب العصا يلي كانو عم يهددوها فيها،بتحملا وبتضربو عراسو للشب وفوراً بيوقع علأرض..مغما عليه بتركد وبتتخبا بطرف الباب

أما تحت

وصلو سراج وغياث بتنتبه ليلاس ع إضاءة السيارة بتغمض عيونها شوي لتشوف مين،بتنزل من السيارة وبتتفاجأ بسراج

بيركد لعندها
سراج:وينها؟؟وينها سدين..

ليلاس بتتوتر:اخدوها هي مو هون

سراج:كذابةة..

غياث بغضب:ليلاس..وينها البنت

ليلاس:شو بدكن مني؟؟وانت ياغياث جايبو ليقتلني كمان؟
غياث:وين البنت ردي..

ليلاس:قتلتا..موتتا بإيدييي..بعد مااغتصبوها ياسراج

بيصرخ بأعلى صوتو عليها وبيهجم عليها وغياث بيمنعو عنها

سراج:لك ليش هيك عملتي..ليش..

ليلاس:طلع عندك قلب وبتحب؟كل هلقد غالية عليك...عكل حال هي تعاقبت بدالك وخليك كل عمرك حاسس بتأنيب الضمير

سراج:انتي شو؟؟لك انتي شووو

بلوقت يلي بيوصل فيه مجد

ليلاس:انا بنت نهانت..ونمسحت بكرامتها الأرض..انت اغتصبتني يا حقير وهاد اقل شي فيني اعملو فيك..

سراج بصوت اعلى:لك ماغتصبتك ياغبية...مالمستك،انتي كيف مابتعرفي اني يومها ماقربت منك؟انتي اغمى عليكي بيوما كنت رح قرب منك وتراجعت بآخر لحظة،وتعبت ورتميت بلأرض

ليلاس بتتراجع لورا:مستحيل...انت عم تكذب علي

بتصير بترتجف وبينزلو دموعها بقوة

بيقرب غياث وبيهديها،وهي ماعم تهدا بيضما لحضنو بقوة

ليلاس:سراج...كذبة وحدة دمرت الكل،ماسة وشادي كذبو علكل هنن ماكانو بعلاقة قبل الزواج؛وشادي مابيجيب ولاد اصلاً

بينصدم سراج مو مصدق يلي سمعو

فجأة بيسمعو صوت شب عم يصرخ

...:لك مسكوها..هربت البنت

بيتطلعو تلاتتهم عطرف الصوت
بتلمحو سدين من بعيد ووقتها بتنهار آخر صوت بتندهو اسمو:سرااج ساعدني

بيركد لعندها ومو مصدق بيطالع الشب السلاح وبلوقت نفسو سراج بيوصل ل سدين وبيسحبا بحضنو ومباشرة بتغيب عن الوعي

سراج بينزلو دموعو غصب:سدين..سدين ردي عليي

بيصرخ مجد علشباب كلهم يتراجعو وينزلو سلاحن،أما ليلاس كانت منهارة بحضن غياث وعم تبكي

بيروح سراج ب سدين علمشفى وهو عم يهدد الشباب بلسجن بس بيهربو مباشرة ومجد بيروح مع غياث وليلاس علبيت

أول مايوصل كان واضح عند سدين نزيف بيفوتوها بسرعة علعمليات وسراج متوتر

أما عند ليلاس كانت منهارة بلبكا وغياث بيعطيها مهدئ من يلي كانت تاخدهن زمان

شادي بلنهاية قدر يفهم القصة من أمو واتصل ع مجد

شادي:وينكن هلأ؟والواطي سراج وينو

مجد:نحن ببيت غياث،سماع شادي انت عرفت الحقيقة؟

شادي:عرفت كلشي..

مجد:سراج عم يقول مو مغتصبا..يعني كان بس مالمسها

شادي بيسكر وبينهار،بيفوت عغرفتو وبيصير يكسر كلشي فيها أمو لحقتو وماقدرت تهديه وهو بس عم يقلا كلو بسببي الله انتقم مني خسرت الكل بسبب غبائي

بعد مرور وقت...

سراج:دكتور..طمني

الطبيب:للأسف خسرنا الطفل بس لحقنا الأم العوض بسلامتها

سراج:بدي تكتب تقرير بيلي صار بدي اسجنهن للي اعتدو ع زوجتي
الطبيب بصدمة:اعتداء؟مافي اي اعتداء،المريضة متعرضة لجهد كبير مو اكتر

سراج:انت متأكد دكتور
الطبيب:طبعاً؛بس إذا عندك أي كلام تاني لازم نستدعي الشرطة

سراج:لا لا ابداً أنا فهمت غلط

بتطلع سدين ع غرفة خاصة وكان سراج آعد جنبها وأول ماتصحا بتشوفو جنبها

سدين:سراج
سراج:عيون سراج
سدين:ابني؟
سراج:الحمدلله انتي بخير وكلو بيتعوض

بتصير تبكي
سراج:سدين سامحيني؛أنا السبب
سدين:مافهمت؟
سراج:يلي خطفتك ليلاس نفسها لتنتقم
سدين:...
سراج:أنا يلي لازم اتعاقب؛خسرت ابني...بترجاكي لاتتخلي عني انتي كمان لاتسكتي هيك
سدين:خبرتا الحقيقة؛قلتلا أنك مالمستا

سراج:أي...ووقتا خبرتني أنو كلو كذب...

سدين بتطلع فيه بصدمة...وبيحكيلا يلي صار

بعد مرور سنة

ماسة وشادي انفصلو..وقرر شادي يبقا مع أمو وحيد ك عقاب علي عملو...حس بالندم اكتر بعد ماالكل سامحوه..على غلطة ماكان متوقع تعمل كل هاد

وماسة رح تكمل شغل وتستقر بحياتها بدون شريك

أما مجد اتزوج هو وميرا مع ريتال وخطيبها بنفس اليوم

غياث خطب هو وليلاس رسمي؛تصلحت فجأة العلاقة بينهن وبين سراج وسدين بعد ماطلعت من أذمتها النفسية بعد الاجهاض؛ليلاس وسدين كانو بحاجة لبعض وليسمعو بعض وبهلمساعدة قدرو يطلعو من اذمتهن وصارو أصدقاء

ورجع سراج ليسكن مع أمو واختو بعد ماتوفا أبوه

وندى عرفت غلطها وندمت كتير

وبهليوم كان الكل معزوم على حفل زواج غياث وليلاس