📚قصص||روايات||منوعة📚

حمادة:بعد بكرا جهزي حالك لتنهو هالمهزلة انت و اياها ،رح يكون الكل مشغول و بهالوقت انتو بتبدلو
@rwayate
طلع حمادة من عندي و انا رجعت ابكي ،كل هالحلم الحلو يلي كنت عم عيشو اجا الوقت ليخلص و لارجع فيق على كابوس ،ودعت جمال باخر ليلة الي معو ،كنت عم ابكي من جوا و عم اتأملو و اتأمل كل الذكريات الحلوة يلي قضيتا معو و خبرني انو بكرا عندو سفر بالبحر

جمال:رح اشتقلك كتير

نرمين: و انا رح اشتقلك كتير ،فوق ما بتتصور ؛جمال انا بحبك كتير

لفيتو و بكيت

جمال:سيرين شبك

نرمين:ما بقا تناديلي سيرين ،قلي حبيبتي و بس

جمال:طيب يا حبيبتي ليش عم تبكي كأنو رايح ما بقا راجع ،قلبك ناقزك من هالسفرة يعني

نرمين:لا بس حاسة حالي رح اشتقلك كتير ،ما بعرف ليش
@rwayate
جمال:ما بطول ،كلن اسبوع و برجع و رح شوفك ناطرتيني و تعمليلي احلى سهرة

نرمين(تبكي): بدي اسالك سؤال جاوبني بصراحة

جمال:تفضلي

نرمين:انت مين حبيت اكتر سيرين يلي من قبل عملية يزن ولا سيرين يلي بعد

جمال:شو هالسؤال الغريب

نرمين:جاوبني

جمال:انا بحب سيرين قبل و بعد ،بحب سيرين بكل اشكالا

حطيت ايدي على تمو

نرمين:خلص ما تكمل

كان ابشع ليلة بحياتي اخر ليلة الي بحضن جمال ،تاني يوم التقيت بسيرين بدون ما نحكي اي كلمة مع بعض ،كنا عم نزاور بعض بس ،كنت بكرها كتير و حسيت بكرها الي ، اعطتني الموبايل و تيابا و رجعت كل وحدة فينا لحياتا ؛التقيت بفادي المسا على العشا ،كان قاعد سارح بفكرو و انا قاعدة و شاردة ،بعد.كام يوم قررت خبرو بخبر حملي ،كان واقف على البرندا عم يشرب قهوة و مزاجو هادي

نرمين:فادي،انا بدي خبرك شي

فادي:تفضلي

ورد:مو بس عليك خبيت....على كل الناس...كل رفقاتي و كل الي بيعرفوني مابيعرفو هالشي

جمال:بس انا مو اي حدا...كان لازم تخبريني من قبل

ورد:ليش؟؟مشان تشفق عليي؟؟مشان الحب الي بقلبك الي يتحول لمجرد شفقة وتقرر تبعد عني

جمال:شو عم تحكي انتي!!

ورد:بعرف انك اذا كنت مفكر ترتبط فيني رح تتراجع بعد الي سمعتو مني هلأ....لانك ببساطة رح تخاف على ولادك...رح تخاف من الوراثة الي ممكن تخليهن متلي
رح تخاف يبكو ومااسمعهن....يوقعو وماكون معهن
يصير شي و ما انتبه الو....بعرف هالشي كلو انا
وكرمال هيك عم خبرك هلأ قبل ماتتخذ اي خطوة رسمية مع اهلي

جمال:الموضوع موهيك....انا بس متفاجئ مو اكتر

ورد:هلأ متفاجئ و بكرا رح تبلش تحسبها رح تكتشف انك كنت غلطان لما حبيتني

جمال:انتي ليش نظرتك تشاؤمية للامور!!!

ورد:لك لانو هيك رح يصير...شوف جمال انا هاد وضعي وانا متعايشة معو ومتعودة عليه...بتحب تكمل معي اهلا وسهلا...مابتحب مارح اجبرك على شي...ورح تبقى بنظري احسن رجل عرفتو....وهلأ عن اذنك

_تركتو ومشيت لاني مابدي شوف الشفقة و الحزن عليي بعيونو...مابدي شوف هالنظرات الي كرهتها كل عمري
ومتل ماتوقعت تمام.....من وقتها ماعاد حكى معي
و انقطعت اخبارو عني مدة طويلة.....مابنكر اني انجرحت و فيني قول انو كان اكبر صدمة الي
لانو كان بمظهر الرجل الواعي و المتفهم و فكرت انو رح يتفهم هالشي و يعرف انو خارج عن ارادتي ومقدر الي
بس ماحدا رح يواجه قدري معي...وماحدا رح يمدني بالقوة الي بحتاجها لكمل مسيرة حياتي
موقفو طبيعي و متوقع....ماكنت ناطرة منو شي
لانو حقو يخاف على ولادو....حقو يخاف على مستقبلو
مع وحدة مابتسمع منيح
دخلت بمرحلة اكتئاب صعبة وطويلة....دفنت حالي بتختي شهر و شهرين و تلاتة
ماعاد رحت لاشتغل ولاعاد حكيت مع رفقاتي متل قبل

محمود:شو بابا لايمتا هالحالة!

ورد:مافيني شي بس مليت

محمود:من شو مليتي

ورد:هيك...من كل شي

محمود:طيب...شو رأيك دورلك على مكتب كرمال تشتغلي لحالك

ورد:لامابدي انا حابة ضل تحت ايد استاذتي

محمود:ماعم افهم شوصايرلك

ورد:بابا مافي شي انا هيك تعبانة و بس

محمود:بس طولتي على هالحالة....انا نطرت..شهر و شهرين وقلت بكرا البنت لحالا بتصحصح..لاتفكري الاب مابيحس ببنتو...انا حاسس فيكي وبعرف شبكي..بس البدي ياه منك انك ماتستسلمي...انتي تعبتي كتير لوصلتي لهون ومابدي هالتعب كلو يروح عالفاضي...
انا معك و رح ساندك لابعد حد
بس مو لما تستسلمي للاكتئاب بوقتا انا مارح كون معك و رح اعمل جهدي لانتشلك من هالاكتئاب
صدقيني يا بابا...بكرا بيجي الي بيعرف قيمتك...وبيجي الي رح يحبك و يتفهمك و يتقبلك متل ما انتي
الشخص الي منحبو اذا ماتقبل عيوبنا فمابيستاهل انو نحبو او نعطيه لو ذرة مشاعر...لهيك بدي ياكي تكوني اقوا و ترجعي ورد الي ربيتها ومابدي شي يهزمك بالحياة مهما كان

_طلع ابي من الغرفة و تركني لحالي....فكرت بكلامو كتير
وقررت امسح اخر دمعة من عيوني...و ارجع كمل بالطريق الي بلشتو
و الحياة ماوقفت عند غير جمال لتوقف عندو
رجعت لمكتب استاذتي و رجعت ساعدها بالقضايا و المرافعات_
_________________________

ورد:خايفة يا استاذة كتير خايفة

اماني:كل شي باولو صعب بس بعدين بتشجعي

ورد:هي اول مرة رح اترافع لحالي

اماني:بس تتجرأي و تخطي اول خطوة بيصير الدرب كلو سهل ادامك

_ودخلت على قاعة المحكمة....صح القضية ماكانت كتير كبيرة و معقدة بس بتبقى الها رهبتها
كنت انا محامية الادعاء و عم اتشاور انا و موكلي و الاستاذة اماني....و اذ بشوف محامي الدفاع حضر و عم يجهز حالو.....لما شافني مالقيتو الا مشي باتجاهي وهو عم يبتسم_

جمال:مرحبا استاذة

ورد:اهلين استاذ

جمال:حضرتك محامية الادعاء

ورد:هيك شي

جمال:شي حلو....بانتظار شوف مهارتك

ورد:بوعدك تخسر القضية

_تحولت القضية لمنحى تاني و صرت بدي خسر جمال فيها و اثبتلو مين انا....جلسة ورا جلسة...كان يماطل كتير و يستأنف كتير...نظراتو الي هيه نفسها ماتغيرت
و ابتسامتو الجذابة لساتها بتظهر كل ماشافني
مابعرف اذا هو تقصد يخليني اكسب القضية
بس انا كسبتها بشطارتي و قوة شخصيتي و حججي القوية
و بعد هالقضية رجع جمال يتوددلي من اول وجديد_

جمال:انا حابب نرجع نبلش من جديد

ورد:بس انت اختفيت بعد ماعرفت مشكلتي وماعدت سألت عليي!!!

جمال:بتمنى تعذريني

ورد:مالي شايفتلك اي عذر!!

جمال:طيب ياستي...بعد ماخبرتيني....انشغلت بمرض امي...و مافي شهر كانت امي متوفية...وهيه توفت من هون و بلشت المشاكل من هون بين حصر ارث ومشاكل بين اخواتي عالحصص
ومالنا زمان خالصين و متحاصصين و صدقيني انتي كنتي ببالي كل هالفترة و كنت ناوي اتقدملك لولا هالظرف و مع هيك انا كنت بدي رتب اموري و اجي اخطبك من اهلك

ورد:يعني انت تقبلت وضعي؟

جمال:عن اي وضع عم تحكي....انا شايف ادامي بنت كاملة مكملة مو ناقصها شي....بعدين مشكلتك مو مشكلة و حلها بسيط شوي...طالما الحب والتفاهم موجودين بيناتنا فكل شي محلول

(الجزء الثاني)
@rwayate
بس فارس ما وقف ع قصة علي.. رجع كرر الموضوع مع ايهم ..ايهم يلي كان عمرو سبع سنين..

مرفت: ايهم ..من وين هاد الدم

ايهم:...........

مرفت: ايهم لا تخاف حبيبي.. احكي

ايهم: اذا حكيت بيقتلني

مرفت: مين هو

ايهم: (ببكي)........

مرفت: فارس؟

هز براسو انو اي..

مرفت: تعا يا روحي تعا.. هالمرة رح اخد بحقكن انت وعلي

راحت فورا لعند امين..

مرفت: سيد امين.. فارس رجع كرر عملتو مع ايهم.. ليكو ايهم سالو.. هالمرة ما لازم تسكت

امين: (بعصبية) مرفت انا بتصرف..حكيتلك من قبل ما بدي فضايح.. خدي لايهم ع غرفتو

مرفت: لك ايا فضايح هاي.. هاي روح اطفال يتامى.. وهاد تصرف حيواني مو تصرف بشر

امين: انا المسؤول عنن.. وانا بتصرف.. انت بتنفذي يلي بقولو وبس

مرفت: انت سالتو شي يوم لوين بياخدهن.. ولشو لحتى ياخدهن هو ..لك مانا حكيتلك شو عمل بعلي.. ليش لساتو بشغلو

امين: و كيف بدي اتاكد انو ما عم تفتري عليه لتغطي ع شي عملة من عمايلك

انصدمت مرفت من جوابو..

مرفت: انا؟؟؟؟؟

امين: تركي هالقصة.. بلالك المشاكل.. فارس مانو هين

تركتو مرفت وطلعت من عندو.. وهي طالعة التقت بفارس ع الباب..
ركض ايهم واتخبى وراها وهو عم يرجف..

مرفت: لا تخاف حبيبي.. لا تخاف انا معك

اطلع فيها فارس بخبث وابتسم بوجها ابتسامة صفرا..

مرفت: مااا رح اسكت ولا رح اسمحلك تاذيهن وتعمل فيهن يلي عملتو بعلي .. انا يلي رح وقف بوشك

رجعت هي وايهم ع غرفتن ونامت حدو وضمتو لحتى تحميه..

باخر الليل دق تلفونها لمرفت وفاقت عليه..

مرفت: الووو

اية: ماما ليه ما رجعتي ع البيت

مرفت: حبيبتي ماما عندي شغل كتير مهم.. وينو بابا

اية: نايم

مرفت: من وين عم تحكي.. لمين هاد الجوال

اية: هاد لعمو

رجف قلبا لمرفت وعدلت قعدتها..

مرفت: مين عموو

فارس: شو يا حلوة.. انا مع ابنك وبنتك بالبيت وزوجك مانو دريان عن شي.. اذا ما سكتي وتركتيني بحالي ولادك التنين رح يلحقو علي بالمرة الجايي

حكا هيك وسكر الخط معا..

مرفت: والله اذا...... لك فارس ...فارس

فاقت ع صوتا سالي..

سالي: شبك.. شو في

مرفت: فارس.. فارس ..ببيتي مع ولادي

شهقت سالي وحطت ايدا ع تما.. وسحبت الغطا عنا وقامت من تختا فورا..

سالي: لك ولساتك هون.. روحي لعندن فورا

قامت مرفت من تختا وراحت لعند باسل..

مرفت: باسل بترجاك.. بدي توصلني لبيتي ضروري

باسل: شبك!! ليش عم ترجفي ..صاير شي

مرفت: هلا بخبرك ع الطريق

باسل: اي مشي معي

حمل باسل مفاتيح السيارة وطلعو سوا..

ركبو سوا باسل ومرفت بالسيارة..
مرفت خبرتو لباسل بكلشي شافتو وسمعتو..

مرفت: هدول يلي انا كشفتن.. الله اعلم بالمخفي.. سالي عم تلمحلي ع اشيا صايرة هون قبل لاجي..

باسل: اي وانا حسيت ع هيك شي.. وضع الميتم مانو مزبوط..

مرفت: لك والمصيبة الاكبر انو وصلت معو للقتل.. وما في مين يوقف بوشو.. والسيد امين متل ما قلتلك.. ما بدو فضايح.. وباينتو خايف من فارس

باسل: باينتو ماسك عليه شي ممسك

مرفت: هيك قولتك؟!

باسل: اي.. انت لا عاد تحكي شي معن.. انا رح تابع القصة وحاول وقعو لفارس من غير ما نتاذا نحنا

مرفت: اي ماشي.. قلبي عم يغلي غلي.. بترجاك عجل شوي

وصلت مرفت ع بيتا.. فتحت الباب وطلعت ركض ع غرفة ولادا.. كانو غفيانين وفارس مو بالبيت..

من رعبتا قعدت ع الارض وحطت ايدا ع قلبا.. ودموعا بعيونا..

مرفت: الحمد لله يا ربي.. الله ياخدك يا فارس

قضت مرفت ليلتها ببيتا وتاني نهار فاقت ع بكير وراحت ع الميتم..

سالي: صباحو .. كيفك

مرفت: مو منيحة.. قلبي واجعني

سالي: اهدي واتركيه لفارس.. الا ما يوقع.. انا سالت باسل عنك وطمني

مرفت: (تبكي) لك بغرفة ولادي كان.. لك لو عملن شي شو كان صار فيني

سالي: مرفت تركي هالقصة بلا ما يصير فيكي متل ما صار بهبة

مرفت: مين هبة؟؟!!

سالي: هلأ روحي ع شغلك والمسا بخبرك بكلشي

مرفت: اي ماشي حبيبتي

كانت عم تشتغل مرفت وقلبا واجعا.. عم تتخيل ولادا مدبوحين متل علي...

مرفت: يا ربي تحميهن ..يا الله

خلصو مرفت وسالي شغلن وراحو ع غرفتن ..

مرفت: ما بدي ابقى هون.. بدي روح لعند ولادي.. قلبي عم يغلى عليهن

سالي: اي الله معك حبيبتي.. بس متل ما وصيتك.. انسي موضوع فارس

مرفت: لك صحيح ما خبرتيني.. مين هبة وشو قصتا

تنهدت سالي وغصت ودمعو عيونا.. قعدت ع طرف تختا ..

سالي: هبة كانت تشتغل هون معنا.. وبيوم اجت لعندي وجسما كلو عم يرجف

سالي: شبك.. شوفي

هبة: لك هالكلب فارس.. لك الله ياخدو

سالي: شبو فارس

هبة: لك عم يبعت بنات الميتم لشباب صغار مقابل كام ليرة

شهقت سالي ورجف جسما..

سالي: وكيف عرفتي؟

هبة: هلا سمعتو عم يحاكي شب.. باينتن مختلفين ع كام ليرة

سالي: يخرب بيتو

هبة: انا لازم خبر الاستاز امين

سالي: اي لازم يعرف

راحت هبة لعند السيد امين ع مكتبو..

هبة: وهاد كل يلي سمعتو

امين: لك الله يلعنو

وبعت وراه لفارس ع المكتب .. فارس وقت سمع حكيا لهبة جن ..

الجزء الثالث
عصام/همسة بالشهر التامن.....مبارح خبرتني رزان انها بلشت تتواصل معها و بلشت تحكي
انا كتير متفائل بهالشي...ومتفائل انو همسة ترجع متل ماكانت...وعوضها عن كل شي صار/

عصام:حبيبتي...شو رأيك نفطر سوا اليوم

همسة:______

_قربت منها ومسحت على شعرها وحكيت بنبرة حنونة_

عصام:حبيبتي....همسة..انا عصام زوجك...يلا ياعمري تعالي نفطر سوا

همسة(بصوت واطي)ظالم

عصام:قلتي شي حبيبتي

همسة(صرخت)ظااااالم...عصام ظالم...عصام ظالم..عصام ظالم

عصام:اهدي...اهدي همسة اهدي

همسة:بعد عني!!!.....لك بعد عنييي...بعد عني

_صار ترجف كلها من فوق لتحت....عيونها جحظو و بلش العرق يتصبب منها...ماعرفت شوبدي اعمل..رفعت جوالي وطلبت رزان_

_بعد ساعة_

رزان:انا عطيتها ابرة مهدئ رح تنام عليها

عصام:مابعرف شو صرلا عنجد

رزان:انا طلبت منك تبعد عنها هالفترة واضح انك ستفزيتها

عصام:انا بس قلتلا تفطر معي وزكرتا بحالي..صارت تقول عصام ظالم عصام ظالم

رزان:اوووف....لاتحاول تتقرب منها كرمال ماتزيد الامور تعقيد...انا ماصدقت وصلت لهون

عصام:طيب(تنهد)رح حاول

رزان:انت ماحكيتلي كيف تعرفت على همسة...انا بعرف انك كنت تحب بنت تانية وقت طلعت من بيت اهلك

عصام:اي....كان عمري 20 سنة وقت حبيت روعة ولانو بدي اتزوجها اهلي عارضو
حاولت اقنعهن كتير بس بقيو على موقفهن...قمت هربت انا وياها وتزوجنا بالسر...بقينا مع بعض شي 3شهور ونفصلنا...ههههه تاري الزواج مو لعبة واكبر من ماكنا متخيلين

رزان:ليش نفصلتو؟؟

عصام:اااه...اجو اهلها اخدوها غصب عنها و هددوني اذا مابطلقها رح يتهموني باني خاطفها ومعتدي عليها مع انو ورقة كتاب الشيخ كانت معي بس ماستفدت شي و انجبرت طلقها وبقيت عايش لحالي و اخد موقف من اهلي لانهم لو وافقوني كنت هلأ معها و مبسوط بحياتي و اكيد عندي اطفال

رزان:يعني بتندم على زواجك من همسة؟

عصام:لا...مابندم...انا بحبا لهمسة بس حياتي معها متعبة

رزان:هالشي من ايدك ولا شو رأيك انت؟

عصام:ايه...صار عمري 35 سنة و ماعندي طفل يناديني بابا زواجي من همسة متسرع و غلط..اخدتها طفلة و مابعرف عنها شي وليكني عم عض اصابعي ندامة لاني تزوجتا

رزان:كيف تعرفت عليها

عصام:كانت عم تمشي بالشارع وهيه عم تبكي...لفتت نظري بجمالها...مالقيت حالي غير موقف سيارتي وعم حاكيها......

_______
عصام:خير يا انسة شبكي

همسة(تبكي)مشان الله ساعدني

عصام:شوصاير معك خير

همسة:انا هربانة من دار الايتام ومابعرف حدا ومالي حدا
ساعدني الله يخليك

عصام:طيب شوفيني اعملك؟

همسة:مابعرف...ماعندي قرايب ولا اهل...ساعدني الله يخليك ساعدني!!!
_________

عصام:اخدتا معي وستأجرتلا غرفة بفندق...بقيت فيها فترة....حاولت دورلا عن قرايب ماقدرت اوصل لشي
ومالقيت حالي الا شوي شوي عم حبا و اتعلق فيها
طلبت منها الزواج لما يئست اني لاقيلا قرايب وهيه وافقت فورا و تزوجنا وعملنا عرس صغير على قدنا كوني انا وحيد و هيه وحيدة

رزان:انت تسرعت بهالزواج

عصام:ما انا كنت يابدي اتزوجها يابدي اغلط معها...انتي شفتيها كيف جمالها بيسحر...بوقتها كانت احلا وعم تشع متل الشمس...خفت عليها من حالي لهيك تزوجتا
و قلت لحالي وحدة متلا مارح يفرق معها خلافي مع اهلي...بس ااااه...طلعت اهبل...وماعرفت انها كانت تحب حدا قبلي

رزان:قمت حكمت عليها باقسى حكم و عاقبتها اقسى عقوبة

عصام:انا مابقبل حدا يقرب من الشي الي بيخصني كان لازم حط حد لهالشي

رزان(هزت براسها)طيب...رح امشي هلأ وبكرا جيبها لعندي

عصام:طيب..الله معك

رزان:لحظة.....عصام!

عصام:نعم؟؟

رزان:انت اديش بقيت عايش بييتك لوحدك؟

عصام:موكتير...اجا رفيقي وعاش معي لانو هو التاني هرب من اهلو

رزان:اها...طيب سلام

رزان/في نقاط جديدة بلشت تظهر...عصام و باسل كانو اصدقاء!...مومعقول يطبق كلام باسل وعصام صدفة!
بس ليش اختلفو و انتهت صداقتهن؟؟
شو الخلاف الكبير الي ممكن يخلي صداقة بهالعمق هاد تنتهي بهالشكل
لازم اوصل للحقيقة بأي شكل...ولازم اعرف ليش بعدو عن بعض
حاولت فتش بتاريخ باسل قبل ما اعرفو...بس ماوصلت لشي....بس انا مارح استسلم لاعرف الحقيقة كاملة/

_بعد فترة_

رزان:اي همسة...حكيلي...

همسة:كنت بحبو كتير...بس هو تركني

رزان:اي

همسة:مابعرف ليش تركني...بس خلاني وحيدة مرة تانية

رزان:شو اسمو؟؟

_طلعت فيني همسة بنظرة جامدة...بدون ماترمش او نظرها يرف..مابعرف ليش هالنظرة خوفتني منها_

همسة:نسيت!

رزان:معقول حدا بينسى اسم حبيبو؟

همسة:انا

رزان:طيب....بعد ماتركك تعرفتي على عصام؟

همسة:اي...وتزوجتو...بس

رزان:بس شو؟؟

همسة:صدقيني...انا ماخنت عصام...انا ماحبيتو يمكن بس حاولت كتير اني حبو...حاولت اقنع حالي بانو هو نصيبي من الحياة و لازم اقبل...كنت منيحة وكان كل شي زابط لحد ما اتصل فيني......

_بحبك!

همسة:عفوا...مين عالخط!

_اشتقتلك!

همسة(بارتباك)مين معي!!

_معقول تنسي صوتي؟!

همسة:(رجف قلبي...و ايديي بردو....حسيت كأنو الدنيا دارت فيني..بلعت ريقي بصعوبة بس حتى اكتم دمعاتي..بس رجفة صوتي غلبتني!)

_شو؟...تزكرتي!

همسة(بصوت عم يرجف)ليش انا ايمتا نسيت!

_(تنهد)بحبك....بحبك اد كل شي...و اد الدنيا كلها

همسة:الله يخليك لاتقولها و تفتح جروحي....انا متزوجة
وعصام منيح معي لاتخربطلي حياتي بترجاك

_مابيهمني عصام ولا وجودو....انتي الي بتهميني وبس

همسة:ليش تركتني!

_غلطة...اكبر غلطة بحياتي...فكرت حالي رح اقدر عغيابك بس ماقدرت...انجبرت اتركك...كرمال كل شي

همسة:انا حامل!بالشهر السادس

_(غص و اختنق بانفاسو)هه...مبروك

همسة:متل مابعدت خليك بعيد...وخليني مع عيلتي..عم ادعي السعادة...انا بحبك...صدقني لهلأ بحبك
بس انت مو نصيبي..ساعدني انساك و ارضى بنصيبي

_انا ندمان كتير....ندمان لاني ضيعتك من ايدي...وندمان لاني سمحت انك تتزوجي غيري

همسة:انت ضيعتني....دمرتني....(تبكي)لك انا تزوجتو غصب عني...انا تعبت و انا عم مثل اني بحبو...وانا بكل دقيقة عم حبك الك...ومابعرف كيف بدي اوصلك!!!ولا وين بدي شوفك

_بترجاكي لاتبكي

همسة:مافي شي مصبرني غير الولد الي ببطني...عم انطر جيتو بالدقيقة...كرمال انسى عذابي .....و بدي سميه على اسمك كرمال ناديلك براحتي

_رح يجي يوم و اقدر رجعك لحضني...ومارح تفارقيني بعدها ابدا.....انا بحبك....بحبك...بحبك

همسة:(تبكي)و انا بحبك كمان..تعال خدني من هون بسرعة

______________

همسة:بعدها اجا عصام....و حكا عالتلفون معو وهددو
و بلش فيني ضرب....ما اعرف من وين عم يجيني الضرب...بايديه و برجليه...حتى اخر شي فك حزام بنطلونو و صار يضربني فيه...ماعاد فيني قوة قاوم
حسيت اني ارتخيت وماعاد شفت شي بعيوني
صحيت...لقيت ابني رايح!! وجسمي مكسر
مابعرف اديش بقيت غايبة....بس اسمعهن عم يقولو ارتجاج بالدماغ!
كنت بدي احكي بس ماقدرت....ومابعرف...شوكان فيني قبل ما اتعرف عليكي...كل اللي بعرفو انو شريط حياتي انعاد الاف المرات بخيالي...وشريط ضرب عصام الي
هاد الي بعرفو

رزان:(تنهدت)ااااه....طيب والحمل ماكنتي حاسة فيه!

همسة:ابدا...حتى اجيتي انتي وساعدتيني وطالعتيني من الشي الي كان حابسني

رزان:طيب....بيكفي اليوم...منكمل بكرا

همسة:انا بدي اتطلق من عصام

رزان:بس انتي ولادتك قريبة!

همسة:بدي اتركو وربي ابني لوحدي....وبدي احبسو كمان

رزان:ليش!!

همسة:حقي!....انتي قلتي انو صرلي 4سنين بحالة جمود
وبسبب مين...بسبب عصام..انا بدي اشتكي عليه و بدي مساعدتك

رزان:وكيف!

همسة:بدي ياكي تخليه يحكيلك كيف ضربني و تسجلي صوتو...وبدي ملفات المشفى الي اسعفني عليها

رزان:امممم....وكيف رح تربي ابنك!

همسة:متل اي ام...بتربي ابنها لوحدها....بشتغل وبصرف عليه

رزان:شوبتعرفي تعملي

همسة:(ابتسمت)بعرف اطبخ!

رزان/مافيني اوصف حجم صدمتي بكلام همسة!
بتعرف تطبخ؟...معقول تكون هيه حبيبة باسل القديمة!
بس هو قال انها ماتت!....مومعقول تكون مجرد صدفة
بعد ماراحت همسة...قررت فتش عن الحقيقة
رحت على مطاعم باسل واحد واحد....وشفت المدير بكل مطعم و استفسرت عن بنت كانت تشتغل تحت ايد باسل
و بعد جهد كبير قدرت اوصل للحقيقة البدي ياها
وبعد كم يوم طلبت همسة لعندي/

رزان:تفضلي....تسجيل صوت عصام وهو عم يعترف كيف ضربك

همسة:عنجد شكرا كتير

رزان:وملفات المشفى قدرت جبلك ياهن عن طريق علاقاتي مع الاطباء

همسة:انا مابعرف كيف بدي اوفيكي حقك عنجد

رزان:انا عطيتك البدك ياه....وبدي ياكي تعطيني البدي ياه

همسة:كيف يعني!

رزان:حكيلي....كيف تعرفتي على باسل!

همسة:(حاولت تدارك صدمتها و عملت حالها مابتعرف عن شو عم احكي)باسل؟؟؟

رزان:حكيلي همسة...وثقي فيني...انا مارح خبر عصام بشي...خبريني كيف تعرفتي عليه!

همسة:كيف عرفتيه؟

رزان:ههه....قوليلي...بقلك كيف بعرفو

همسة:انا هربت من الميتم بعمر 17....لانو كنت كتير اتعذب هنيك....ماكنت بعرف حدا...ولابعرف مكان روح عليه....وصلت لجنب مطعم...وكنت جوعانة
بقيت واقفة حتى شوف حدا..ممكن يساعدني
بس بعدين قررت ادخل....سألت عن مدير المطعم و رحت لمكتبو....

همسة:الله يخليك شغلني عندك...بعمل اي شي...بكنس بمسح طاولات بنضف..بعمل اي شي بس شغلني والله مالي حدا

ربيع:يابنتي والله ماعندي شاغر حطك فيه

همسة:(تبكي)مشان الله عم قلك

_وفجأة مالقيت الا شب فتح الباب و دخل....كان كتير حلو...الرجال الي كان عم يحكي معي قام من مكانو ورا المكتب وخلاه يقعد..._

باسل:تفضلي يا انسة

همسة:اناا.....انااا بدي اشتغل عندكن بالمطعم...بعمل اي شي بس شغلوني انا كتير بحاجة هالشغل صدقني

باسل:شو اسمك؟

همسة:اسمي همسة وعمري 17

باسل:شوبتعرفي تعملي؟

همسة:بكنس وبمسح و بجلي و بنضف الي بدك ياه

باسل:امممم....مارح تعملي شي من هدول...رح تشتغلي ويترس....يعني غرسونة

همسة:اي...اي كتير منيح بشتغل هي الي قلت عليها

باسل:ههههههه....طيب قعدي...يا ربيع من بعد اذنك جيب للانسة شي تشربو و اليونيفورم تبع المطعم

الجزء الرابع
همسة/طلعت من عند رزان لاقرب محامي و وكلتو بقضية طلاقي من عصام و دعوى الاعتداء الجسدي والضرب
سلمتو كل الملفات وحاسة حالي رح اتحرر من قيد كبير
بس رزان كيف عرفت بقصة باسل!!
اذا عصام نفسو مابيعرفها.....كيف عرفت رزان وشو علاقتها بالموضوع؟
رحت لبيتي لارتاح و جهز حالي لخوض اخر معركة مع عصام/

/بعد ايام/

عصام:مسالخير حبيبتي

_قرب لبوسني بس بعدت عنو_

همسة:اهلين

عصام:انا كتير جوعان العشا جاهز؟

همسة:الخدامة حضرتو طلوب منها تجهزلك السفرة

عصام:فيكي شي؟

همسة:سلامتك....تصبح على خير

عصام:بس انا يعني كنت حابب اتعشى معك!

_التفتت و انا على باب غرفتي_

همسة:انا رفعت عليك قضية طلاق

عصام(مذهول)نعم!!!!

همسة:متل ماسمعت...ماعاد بدي ياك

عصام:همسة...انتي اكيد عم تمزحي

همسة(بلؤم)ليش من ايمتا بمزح معك

عصام:مارح طلقك!

همسة:موبكيفك...غصب عنك رح تطلقني

عصام(بعصبية)همسة!!!!لا تخليني عصب!

همسة:جرب تعصب وشوف شورح يصير....عن اذنك!

_دخلت على غرفتي وقفلت الباب على حالي و استندت عالباب وايدي على قلبي...مابعرف من وين جبت هالجرأة هي!
وبعد ثواني كان عصام عم يخبط عالباب!!

عصام(بيصرخ)همسة فتحي!!...فتحي احسنلك ها

همسة:(بصوت عالي)ماكفاك الي عملتو فيني!!!جاية تكمل عليي....روح من هون احسن ما اتصل بالشرطة

عصام:همسة....شياطين الدنيا عم تنط بوجهي فتحي الباب!!!

همسة:ولك تركني بحاااااليييي...انا بكرهك!!بكرهك
..بكرهك!!!

عصام:بتحبي لهداك الكلب موهيك!

همسة:مادخلك انت

عصام:بسيطة ياهمسة....بسيطة..

_بعد شوي سمعت باب البيت انخبط و عرفت انو طلع من البيت...حسيت حالي عم العب بالنار
رفعت التلفون و طلبت رقم المحامي...

المحامي:تفضلي مدام همسة

همسة:الله يخليك يا استاذ بدي تدبرلي مذكرة اعتقال لجوزي

المحامي:ليش!!

همسة:هجم عليي وكان رح يضربني و انت شفتني انا بالشهر التاسع وخايفة عحالي منو....بدفع اي مبلغ بتطلبو بس تاخدو الشرطة

المحامي:هلا الدنيا ليل و الدعوى بدها كم يوم لسا لتاخد مجراها و يحبسوه...لهيك بدي منك وكتقوية لموقفك تروحي لاقرب مركز شرطة و تشتكي عليه!بتهمة الاعتداء بالضرب و التهديد
وهنه رح يعملو فيه مذكرة بحث ويعتقلوه و رح يبقى معتقل بناءا عالدعوى

همسة:طيب....رح روح هلأ فورا

_اخدت الخادمة و رحت لاقرب مخفر وخليتها تشهد معي انو تعرضلي...و فورا انرفعت فيه مذكرة بحث و مجرد مايعرفو وينو رح يعتقلوه و يريحوني منو_رزان/كنت قاعدة عاللاب توب...عم قلب بصوري انا وباسل....كلام همسة عنو اثار جواتي غيرة كبيرة...كيف هيه قدرت تفوز بقلبو و انا لأ!!!
عيونو خاليين من اي لمعة...ابتسامتو باهتة كتير
شردت بأفكاري و تذكرت وقت رحت لعندو عالمطعم لفاجئو......

رزان:حبيبيي...انا هووون!

باسل:رزان!!شو دخلك عالمطبخ انتي!

رزان:حبيبي اشتقتلك...انت بتبقى غايب عني و انا حبيت شوفك...(توسعت ابتسامتها)بعدين بدي اكل من طبخك

باسل:(بجدية)رزان...اذا سمحتي انا شغلي لفوق راسي
و ماااااعندي وقت ابدا الك...ياريت تحملي حالك و تروحي تقعدي على شي طاولة و الغدا بيوصل لعندك
بس تركيني اعرف اشتغل

رزان:باسل شبك...ليش هيك عم تحاكيني انا اجيت كرمالك!!

باسل:اوووف....رزان...ياطلعي قعدي على شي طاولة يا روحي عالبيت و المسا بحكي معك!!

_ماقدرت قاوم دموعي...حسيت حالي قريبة كتير من اني اخسر باسل....و المشكلة...طالما اني بعرف انو سعادة باسل رح تكون معها مو معي...ف رح انسحب بكل بساطة...و اتركو يعيش سعيد لانو بعرف انو هو بحاجة هالسعادة كتير_

_اندق الباب_

رزان:تفضل

باسل:حبيبتي شو عم تعمل بالعيادة لهلأ؟

رزان:(بصوت مخنوق)هاد انت!...من شوي خلصت شغل

باسل:شبكي؟ليش هيك عيونك مخفوقين؟

رزان:مافيني شي...شكلي بدي كرب مو اكتر

_قرب مني و طبع بوسة على جبيني و نزل لصار بمستوى عيوني_

باسل:ماعاش المرض ياعمري

رزان(ابتسمت)يخليلي ياك

باسل:شو رأيك نطلع نتعشى بشي مطعم

رزان:مالي نفس...بتعرف شو؟

باسل:خير!

رزان:همسة من يومين رفعت على عصام دعوى تفريق و اعتداء جسدي....و من شوي اتصلت فيني و خبرتني انها راحت عالمخفر اشتكت عليه و هلأ الشرطة عم تبحث عنو

باسل:شي حلو!!!

رزان:شو الحلو بالموضوع؟

باسل:انها صارت قوية و رح تاخد حقها منو

رزان:بكرا بس تطلق همسة...رح ترجع وحيدة مرة تانية

باسل:اي؟؟

رزان:و اكيد رح ترجع تدور على حبيبها القديم كرمال يرجعو لبعض

باسل:بتكون نهاية قصتهن كتير حلوة اذا صار هيك

رزان:بس يمكن هاد الانسان صار عندو حياة تانية....بيجوز يكون حب او خطب او حتى تزوج...قولك معقول يفضل حبيبتو على حياتو الجديدة؟

باسل:احمم...رزان حبيبتي انا مالي هو لاعرف كيف رح يتصرف

رزان:لازم يفكر بالشخص اللي معو...كيف رح تدمر حياتو لما يتركو و يروح لهمسة..رح تكون قلة مسؤلية و انانية كبيرة منو اذا بيتركها و بيروح لهمسة بس لانو بيحبها!

باسل:و بيجوز يكون ما ارتبط كمان و يكون رجوع همسة الو هو فرحة عمرو...موهيك؟

رزان:فرحة عمرو؟؟؟!!

باسل:طبعا....شوقليل اللي صار فيهن؟واللي صار بهمسة تحديدا" بسببو؟

رزان:لامو قليل

باسل:و اذا كان كرمال الطرف التالت...فالحياة مالها معادلة متوازنة....الحياة مافيها عدل...ولازم حدا يضحي بمشاعرو كرمال مشاعر التاني وسعادتو

رزان(هزيت راسي بخيبة امل)معك حق!

همسة/بقيت كل الليل سهرانة و ناطرة رجعة عصام....و عند الفجر سمعت صوت فتح الباب....بس قبل مايقدر يدخل...كانو عناصر الامن مطوقين عصام و اخدينو معهن...الراحة الي حسيت فيها مو طبيعية
و اخيرا خلصت من عصام ومن وجودو بحياتي...و ان شاء الله عن قريب بيتم التفريق بيناتنا
نمت كتييير و ماصحيت لتاني يوم العصر....صحيت منشطة...وفرحانة و بلشت نضف البيت و جهزو لاستقبال ابني...بقيت كم يوم عم رتب ونضف
و نزلت عالسوق لجهز غرفة البيبي...شتريت سرير و كرسي هزاز و عرباية للطريق
اشتريتلو كتييير تياب و غراض و عطورات
كتير حاسة باللهفة و الشوق لاستقبالو....وبعد اسبوعين
رحت لعند الدكتورة لافحص وضعي...

الدكتورة:لا الحمدلله وضعك ممتاز و ان شاء الله ولادتك طبيعية

همسة:ان شاء الله

الدكتورة:بدي منك تبلشي تمشي كل يوم ساعة الصبح و ساعة المسا...كرمال تكوني جاهزة للولادة

همسة:حاضر

_بلشت امشي كل يوم....وبعد كم يوم..قررت زور رزان و اشكرها على كل شي قدمتلي ياه...حسيت انو لازم اتشكرها لانو لولاها كان الله اعلم بحالي_

رزان:طيب بانتظارك

_اندق الباب_

رزان:اتفضل!

همسة:مرحبا!...كيفك رزونة

رزان:(ابتسمت)اهلا وسهلا....مشتاقة كيفك انتي؟

همسة:الحمدلله

رزان:تفضلي ارتاحي...ماشالله كبران بطنك

همسة:هههه....قربت ولادتي

رزان:نشالله بتقومي بالسلامة

همسة:الله يسلمك....انا جاية لاتشكرك على كل شي....ولانك ساعدتيني و قدمتيلي خدمة مابحياتي رح انساها

رزان:انا ماعملت الا اللي بيملي عليي ضميري

همسة:انتي مافي منك عنجد و نيالو خطيبك فيكي

_طلعت بمحبسي و مسكتو و حسيت بالغصة بصدري_

رزان:تسلميلي....شوبتحبي تشربي

همسة:اي شي مابتفرق

رزان:تكرمي..

رزان/طلعت فيها كيف عم تمسد على بطنها و عيونها عم تضحك...رفعت السماعة و طلبت من السكرتيرة القهوة...و بهالاثناء انقر الباب و انفتح...وكانت المفاجئة!_

باسل:مرحبا حبيبتي

رزان:اهلين باسل

همسة/كنت عم مسد على بطني و عم اطلع فيه...لما انفتح الباب و سمعت هداك الصوت الرجولي...النبرة الهادية الي مستحيل انساها...وريحة العطر الي عالقة بذاكرتي لحد هلأ
قالمرحبا حبيبتي...و رزان قالت اهلين باسل!!!!
رفعت راسي...وطلعت فيه...و التقو عيوننا ببعض
دقات قلبي كترو كتييير....و الحرارة مشيت بجسمي
كلو....حرارة الشمس الي بعيونو
لساتو باسل اللي تركني!!...ماتغير فيه شي
الا انو ظهر شوية شيب بمقدمة شعرو
لساتو بنفس الهيبة و نفس الشخصية...نفس العيون الي عم تقدح نار...حسيت الزمن وقف...و الدنيا ماعاد فيها الا انا وهو
نسيت الدنيا و نسيت حالي....حسيت حالي بنت ال18 سنة الي عشقتو...حسيت اني لازم اركد لعندو و ضمو...لازم اتأكد انو باسل حبيبي هلأ موجود ادامي و ماعم اتخيلو ابدا
بس صوت رزان صحاني من كل هالشي...صحاني من وهمي و من خيالي و من كل شي حسيتو_

رزان:شو همسة...بيظهر انك عرفتيه لباسل؟؟

همسة(بارتباك)ااانااا....عرفتو..طبعا....بس يمكن هو نسيني

_قرب مني بخطوات بطيئة و ابتسم و هو حاطط ايديه بجيوب البنطلون_

باسل:حدا بينسى شخص كان بيحبو ياهمسة!!!
طبعا تزكرتك!....ولو

همسة:باسل!!

باسل:(بلع ريقو و اصطنع الابتسامة)تزكرتك بمجرد ماشفتك....بس قبلها كانت صورتك ممحية من مخيلتي
بالمناسبة انتي كتير متغيرة عالحمل.

_حول اتجاه خطواتو عني و راح باتجاه رزان لورا المكتب...مسك ايدها و وقفها جنبو و حضن كتفها بايدو_

باسل:رزان خطيبتي....وشريكة حياتي و رفيقة دربي
و عرسنا قريب على فكرة....بتمنى انك تحضري

همسة:باسل!!!!

باسل____

رزان/حسيت بلذة الانتصار....حسيت انو باسل خلص ملكي و الي للابد...كيف لأ..وهو واجه همسة بهالشي ادامي و ماسأل على شي...كل شي كنت خايفة منو طلع سراب...وباسل الي لوحدة

رزان:همسة انا خبيت عليكي خطبتي من باسل كرمال ماتزعلي لما تكتشفي انو هو كمل حياتو من بعدك

همسة/معقول الكلام الي سمعتو؟معقول باسل هيك حكا معي!!!...طيب ليش...ليش...ما انا بحبو...انا كنت رح اطلق و دور عليه...ليش هيك عمل فيني ليش!!
نزلو دموعي غصب عني و ماقدرت اكتمهن اكتر من هيك!

رزان:تفضل حبيبي قعود بمحلي...لنشرب كلنا القهوة سوا

باسل:اي منشربها...صحيح همسة..عصام شو اخبارو؟
دريت انك حطيتيه بالسجن...والله ماقصرتي فيه

همسة:يعني انت بتعرف قصتي؟

باسل:حكتلي رزان شوية تفاصيل

الجزء الخامس
ماعاد نبضي يعزف لحن الهوى...

بل يبحث عن بر فيه يرسيكي

وصارت مشاعري للسائحين فقط

و انتهت وطنا" لطالما كان يؤويكي

فما يعني أن أقصي روحي عنك؟

وغصبا" عني تأتيكي....

وأن أعادي كل مافي لك..

وأنت لا أعاديكي

فلتسلمي ياذنبا" رغما" عني أحمله

لست بحاقد أبدا" إن كان هذا يعزيكي

لكن كفى!

كفى تظهرين في كل امرأة أعرفها

وتحبطين مسعاي في تخطيكي

باسل/خطيت هالحروف على صفحتي عالفيس بوك و انا مدرك تماما" حجم المشكلة اللي حطيت حالي فيها
بس انا بدي اتنفس!
بدي احكي لأي حدا شو بني و بدي حدا يسمعني
بدي حدا يطبطب على كتفي ويهون عليي و يقلي لاتخاف...رح ترجعلك بيوم
بعرف انو اللي صار ذنبي...بس كان كتير صعب عليي كون اناني مع رزان...هيه اللي ساعدتني
و ساعدت همسة....هيه الي عطتني كل المشاعر اللي بيتمناها اي رجل...ماعدايي!!
بس هيه لازم تكرهني....حتى ماحس بالذنب تجاهها
لازم تعرف انها اختارت غلط...و اني مابيشفي جروحي الا اللي كانت سببها...و انو قلبي خلق لنيبض ويحب انسانة وحدة وبس
و البقايا مجرد نسخ عم تحاول توصل لسموها وجمالها و نقاءها...

_رن جوالي_

باسل:الو....اهلا رزان

رزان:انت وينك!

باسل:بالبيت

رزان:انا جاية لعندك

_مسكت صورتها الي كنت مخبيها من سنين وحطيتها بجيب بجامتي و شغلت سيكارة ونطرت وصول رزان_

_بعد نص ساعة_

رزان:(بعصبية)فيني افهم شو هالحكي الفاضي الي نشرتو عالفيس؟؟

باسل:قصدك القصيدة؟؟

رزان:اي نعم...هي لهمسة موهيك!

باسل:لا...لشاعر تاني

رزان:باسل!!!مو وقت برادتك...فهمني ليش ناشر هالحكي!

باسل:خلص رزان بربك ولو

رزان:لساتك بتحبها؟

باسل:لاتسألي سؤال بتعرفي جوابو

رزان:طالما بتحبها ليش تزوجتني!!

باسل:اووف....مشان ارضي انانيتك...مشان حس بإني عم ردلك جميلتك عليي

رزان:ومن ايمتا الزواج بيقوم على هيك اشياء!!

باسل:من لما تكون الزوجة مدركة انو زوجها بيحب غيرها ومع هيك بتقبل فيه

رزان:بس انت اللي نكرت معرفتك فيها...انت الي مثلت تمسكك فيني ادامها انا ماطلبت منك شي...معقول اتنحى على جنب و شوفك عايش معها النهاية السعيدة لقصتكن!!

باسل:لا مومعقول تتنحي...وليكني ملكتلك حالي و تزوجتك و رضيت انوثتك...بس عفكرة انتي مابتفرقي عن عصام بشي!

رزان:شوقصدك!!

باسل:قصدي....انك بتعرفي اني بحب غيرك و مع هيك اصريتي تجربي الحياة معي...وعصام عمل نفس الشي
كان بيعرف انو همسة مابتحبو...ومع هيك اصر يعيش معها و يتملكها

رزان:بس هو شافها صدفة و ماكان بيعرف عنها شي!

باسل:هههههههه

_رميت جسدي عالكنبة و شغلت سيكارة و نفخت دخانها بالهوا!_

رزان:شو الشي اللي مابعرفو!

باسل(هزيت براسي وتنهدت)اكيد همسة حكتلك اني تركتا بعد ليلة عرس رفيقي

رزان:اي..حكتلي

باسل:الشي الي مابتعرفو همسة....انو عصام شافها بهديك الليلة...وسألني عنها.....

_قبل 8سنوات_

عصام:مين هي البنت الي ساعدتك باسل؟

باسل:هي مساعدتي بالمطبخ

عصام:كتير حلوة

باسل(ابتسم)مزبوط

عصام:طبقلي ياها ابو البيس!!

باسل:(بلعت ريقي)عفوا!!

عصام:لك اي...البنت مبينة ظريفة و عجبتني كتير...طبقلي ياها

باسل____

عصام:شبك سكتت!

باسل:ولا شي....تكرم عينك

_بوقتها حسيت كأني وقعت بدوامة...صديق عمري الي عشت معو سنين طويلة....اللي آواني ببيتو و ساعدني بدراستي و شغلي و مشروع حياتي...الانسان الي آمن فيني و طبطب عليي بالوقت الي الدنيا كلها تخلت عني فيه...عم يطلب مني حبيبتي!!!
البنت الوحيدة الي حبيتها و الي بتحبني بجنون!
هديك السهرة فكرت كتير و احترت
وتوصلت اني لازم رد جمايل عصام عليي
هو فضلو عليي كبير و انا لازم رد هالفضل....قلت لحالي يمكن اقدر حب مرة تانية..بس اكيد اني مارح لاقي متل عصام
بوقتها...قررت اتخلا عن همسة الو....وانقطعت عنها مدة
و اتفقت مع عصام انو باليوم الي رح اصرفها فيه من الشغل يكون ناطرها جنب المطعم كرمال يلعب دور الشب الشهم و النبيل و يساعدها
و من بعد ما تأكدت من زواجهن انسحبت من حياتهن للابد و ماعاد عرفو عني شي...
بس بعد سنتين مشاعري غلبتني....الشوق كان رح يقتلني
حسيت اني لازم اسمع صوتها او شوفها بأي طريقة كانت
بدون شعور ايدي مسكت التلفون و طلبت بيت عصام
مافيني اوصفلك شعوري لما سمعت صوتها!!!
وكأنها شقت صدري....و روت عطشي
متل ضربات الكهربا لما يعطوهن للميت و يرجع قلبو ينبض من جديد
متل لما تكوني غرقانة...ويجي حدا يشدك و تشهقي هديك الشهقة....الشهقة الي فيها حياة جديدة و روح جديدة
متل لما تصحي من كابوس بشع....وتحسي بالراحة لانو كان كابوس
مكالمتي معها ماتجاوزت ال10 دقايق...قبل مايجي عصام و يعمل اللي عملو فيها و الباقي بتعرفيه

بعدها اجيت لعندك تعالجت قلت بلكي بنساها
بس ماقدرت....لما قلتيلي بحبك...قلت لحالي خليني اعطي لنفسي فرصة بلكي لما شوف غيرها بنساها
بس لا!!!!!
انا لهلأ بشوفها فيكي...بشوفها بعيونك و بعيون كل انثى بلمحها...انا لهلأ قلبي ماحب غيرها
بعرف اني عم اجرحك بكلامي
بس انتي طلبتي تسمعي الحقيقة...وهي الحقيقة
كل مابقرب منك....بتخيلها هيه...كتير اوقات لساني بيجي ليزل و يقول همسة...و صدقيني مابعرف كيف برجع لوعيي وبقول رزان
بتفكري اني بهديكي من العطر الي بحبو عليكي...بس الحقيقة غير هيك...الحقيقة انو هو عطرها و بحب شمو كيف ما اتجهت
شو بدك لسا!!!اي انا بحبها...بحبها و بحياتي مارح اقدر شيل هالحب من قلبي...انا اسف..بس هي نتيجة قرارك بانك ترتبطي برجال...قلبو معلق بانثى غيرك

رزان(حطت ايدها على تما و عيونها مليانين دموع)ماعم صدق!!!يعني انت عيشتني 3 سنين كذب بكذب

باسل:ماكذبت...حاولت حبك كتير...بس فشلت..و انا حكيت كل هالكلام لتكرهيني

رزان:صدقني انت خلفت فيني جرح مستحيل يشفا!

باسل:لما قلتلك انو لازم حدا يضحي بمشاعرو ليسعد التاني...انا قصدت حالي...ضحيت بمشاعري و حاولت ادعس عليها..كنت معك زوج منيح لمدة 3 سنين...بس مشاعري ماعاد تنحمل!!!عم تفهميني...ماعاد اقدر عيش بدونها اكتر من هيك

رزان:كلو كذب!!!!.....كلو مبررات تافهة....عذر اقبح من ذنب...خيبت املي ياباسل

باسل:انا اسف...بس خلص...طاقتي للتحمل خلصت

رزان:بدك تركد لعندها موهيك!!

باسل:اذا قبلت فيني

رزان:هههه واذا ماقبلت بترجعلي؟

باسل:لا....رح ابقى حاول معها...لترضى

رزان:طلقني

باسل:انا اسف عنجد!

رزان:(صرخت)ولك طللللقنيييي

باسل:انتي طالق....طالق...طالق

رزان:منيح...رح ننفصل متل اي تنين حضاريين انفصلو
بدون مشاكل و بدون كتر حكي...مهري مسامحتك فيه
و هلأ رح اتركلك بيتك و امشي...هالبيت الي عم شوف همسة فيه كيف ما طلعت....يمكن همسة تقدر تصلح فيك الي انا عجزت عنو....يمكن هيه تقدر ترجع علاقتك بامك

باسل:وعديني نبقى اصدقاء...صدقيني انا مالي سيء...انا كتير بعزك و بحترمك...انا مو سيء ابدا رزان...انا عاشق..و العاشق مجنون!

رزان:يمكن بيوم اقدر سامحك...بس هلأ لأ...مارح اغفرلك ابدا...انا رايحة لغرفتي ضب تيابي

باسل/بعرف اني جرحت رزان كتير...بس وضعي يرثى له
هيه تركت البيت و مشيت و انا بلشت فتش عن طريقة توصلني لهمسة بس كيف!!
دورت عليها كتير...و عجزت لاقيها و لا بأي طريقة/

ريتا:همسة الناس كتير حابين البان كيك الي عم تعمليه

همسة:الحمدلله دخيلك والله ريحتيني

ريتا:لازم تجيبي حدا يساعدك!شوي تانية مابقا نلحق

همسة:هوهيك....بدي حط اعلان بالجريدة عن شيف

ريتا:ممتاز....خدي هي للطاولة 7...بدهن 1 بان كيك و 1 غوفر

همسة:طيب ثواني و بيكون الطلب جاهز

همسة/سافرت لمدينة تانية وفيها بلشت بمشروعي الخاص...استأجرت مطعم صغير انا وريتا الي تعرفت عليها هون....مطعم خاص بأكلات الفطور
يعني وجبات خفيفة مو اكتر...لاني مابقدر اتحمل تعب او جهد المطعم الكامل
اموري كتير تحسنت عن قبل و قدرت استأجر بيت صغير على قدي انا و أملي الي سجلتها بحضانة
و فيني قول انو الحياة و أخيرا قررت تبتسملي شوي
و تعطيني شوية حظ
بنفس اليوم رحت عالجريدة ونزلت طلب لشيف وجبات خفيفة...و نطرت حدا يتقدم/

ريتا:همسة...ماما عازمتك عالغدا اليوم

همسة:والله مابدي عذبكن بتغدا ببيتي

ريتا:دخيلك من بعد المشوار مانحنا جنب بعض...هاتي أملي و تعالي يلا

همسة:طيب....شوي و بجي

_ببيت ريتا_

وفاء(ام ريتا)دوقيلي هالمحشي

همسة:يعيشو ايديكي خالة

وفاء:صحة و هنا نشالله....شو ايمتا راجع ابو أملي من السفر؟

همسة(بارتباك)عن قريب نشالله

وفاء:والله لو انك بنت ماكنت تركتك تروحي من ايدي و ساويتك كنتي

همسة(ابتسمت بخجل)تسلميلي

وفاء:لكن في رجال بيترك صبية متل القمر متلك لوحدها و بيسافر!!

همسة:شوبدنا نعمل هيك نصيبنا

أملي:بابا بدو يذبلي اكلات طيبة من الثفر مو هيك ماما

همسة:طبعا حبيبتي!

وفاء:بس تحكي معو قوليلي مشان بهدلك ياه و خليه يرجع بقا

همسة:ههههه تكرمي خالة

_كيف بدي اتهرب من كلام الست وفاء مابعرف....كل يوم تقريبا بتفتح موضوع ابوها ل املي...وبتذكرها فيه و انا مابصدق كيف نسيها ياه!
كيف بدي احكيلا عنو وهو مجرم و ظالم و خريج حبوس!
احسنلا ماتعرف هيك اب....بس انا كذبت هالكذبة حتى ماحدا يحاول يتقرب مني و او يرتبط فيني لاني قررت اتفرغ لتربية بنتي و بس!_

________________

باسل:ياربيع تأكد انو كل شي تمام

ربيع:ماتخاف شبك متوتر...كلو ماشي متل الساعة

باسل:لك هاد عرس ابن اهم مسؤول بالبلد...الغلطة بكفرة

ربيع:ولايهمك...وجهك رح يبقى ابيض

باسل:نشالله...انا رايح جهز حالي

الجزء السادس
_ببيت همسة_

املي:ماما وينو بابا!

همسة:مسافر ماما...يلا نامي مشان نصحى بكير

املي:ماما بابا مين بيشبه!

همسة:(تنهدت)حبيبتي...بابا كتير حلو

املي:متل مين!

همسة:مو متل حدا

املي:شولون شعرو!!

همسة:املي!!خلص ماما

املي:طيب لون عيونو!

همسة:بابا....لون عيونو متل لون الشمس...لونهن متل لون العسل...بابا كتير حلو...شعراتو لونهن بني وناعمين كتير!
و عندو دقن ناعمة و حلوة
و عيونو...حلوين و بيخوفو بنفس الوقت!
بابا احلا رجال ممكن تشوفيه يا املي...و احن رجال كمان....و اقسى رجال....تركني وراح فجأة
بس انتي معي...و رح تبقي معي

_طلعت ب أملي ولقيتها غفيانة وموحاسة على شي
كيف هيك حكيتلا عن باسل مابعرف
بس هيه مالازم تعرف انو عصام ابوها!
لانو عصام حرام يكون اب....بس باسل...باسل بتلبقلو الابوة
انا هيك بشوف!.. مع انو تزوج رزان...بس صورة باسل اللي حبيتو ماعم تروح من خيالي ولا لحظة وحدة!
حطيت راسي جنب راس املي ودعيت بسري انو الله يبعتلها حدا حنون عليها و ياخد محل عصام
و ماحسيت عحالي كيف غفيت!_
_____________

ابو عروة:الله يعطيك العافية شيف كل شي كان بيشهي عنجد!

باسل:هاد واجبنا سيد ابو عروة

ابو عروة:ماقصرت....ولانك بيضت وجهي مع ضيوفي
طلوب وتمنى...اي شي بدك ياه انا جاهز..طبعا هاد ماعدا اجرك انت و الطاقم تبعك

باسل:مابدي غير سلامتكن!

ابوعروة:عم قلك طلووب...يلا لشوف! انا حبيتك و بدي اخدمك

باسل:يعني...خجلتوني بكرمكن

ابوعروة:احكي

باسل:في شخص...اذا بتقدرو تجيبولي عنوان بيتو او رقم تلفونو

ابوعروة:عطيني الاسم و رقمك و ماعليك من الباقي

باسل:حاضر ....(طالعت ورقة و سجلت اسم همسة الكامل و رقمي و عطيتو ياها)

ابوعروة:ههههههه....هيك لكن...في بنت بالموضوع...ابشر
بكرا بيكون عندك الخبر اليقين

باسل:يخليلنا ياكن سيدي

_رحت لبيتي و انا مومسدق ايمتا يطلع الضو
بقيت عم اتقلب كل الليل و مااجاني نوم...سمعت صوت اذان الفجر....بعترف اني ماكنت بصلي من قبل!
بس مابعرف ليش حسيت بحاجة لحدا الجألو بآخر هالليل
قمت و توضيت و صليت و دعيت لربي كتيؤ انو يرجعلي همسة...دعيت و لأول مرة بكيت من قلبي...لانو حاسس انو قلبي رح ينفطر اذا مالقيتها...وبعدها تمددت عالكنبة و مابعرف كيف غفيت!_رزان/كنت قاعدة على مكتبي....عم راجع ملف مريض عندي...وعم حاول اتناسى الي مرقت فيه و اتناسى باسل حتى
و انا مندمجة بقراءة الملف اندق الباب/

رزان:تفضل!

عصام:مرحبا دكتورة

رزان:عصام!!هاد انت...ايمتا طلعت من السجن!

عصام:من شهر تقريبا

رزان:الحمدلله عسلامتك

عصام:انتي ليش ساعدتي همسة لتدخلني عالسجن!

رزان(بارتباك)اانا..ما ساعدتا

عصام:لاتكزبي...سمعوني تسجيل صوتي و انتي عم تحكي معي!

رزان:كان لازم ساعدها!لانك ظلمتها كتير

عصام:هلأ بتكون راحت لعندو...و تزوجتو اكيد!و عايشين هنه و ابني كمان...هاد اذا مانسب ابني لاسمو

رزان:عصام....همسة صرلا 3 سنين مختفية وماحدا بيعرف عنها شي!

عصام:كيف يعني؟

رزان:من وقت ما انسجنت انت اختفت هيه...وماحدا بيعرف اذا الولد عايش ولا ميت

عصام:انا رحت عالنفوس و شفت...مافي حدا مسجل على اسمي...بس ماقبلو يشوفولي اذا مسجل على اسمها

رزان:مابتقدر تسجلو على اسمها لوحدا...لازم يكون في اب

عصام:طيب شوبدي اعمل هلأ!

رزان:هلأ...وقبل كل شي لازم تتعالج...عصام انت مريض نفسي...ضروري تتعالج قبل ماتفكر تلاقي ابنك هاد اذا كان عايش

عصام:انا....انا تعبااان...و كئييييب و حزين...حاسس الدنيا كلها مسكرة بوجهي...شوفي منظري كيف!
همسة دمرتني يارزان...دمرتني!

رزان:همسة مالها ذنب...انت الي عملت هيك بحالك
انت بتعرف منيح انك كنت ظالمها....وهيه ماعملتلك شي
هيه بس بعدت عنك...ماحدا بيقدر يعيش مع ظالم

عصام:معك حق...انا ظلمتا كتير!

رزان:رح اتصل بطبيب بعرفو...بيشتغل بمصح نفسي..خليه يحجزلك غرفة هنيك...بتتعالج و بتقضي فترة نقاهة و بس تحس حالك قوي من اول وجديد بتطلع و بتفتش عن ابنك و عن همسة بس هلأ قبل كل شي لازم تتعالج

عصام:اي...لازم اتعالج

_عصام كان مسلوب الارادة...حالتو النفسية كتير صعبة و كتير ضعيف و هش...ماتخيلت شوفو هيك ابدا
استسلم لكل شي وتحول لكائن ضعيييف
شعرو طويل و دقنو طويلة و هيئتو تعبانة كتير
حسيت بالمسؤولية تجاهو...حسيت اني لازم ساعدو وقف جنبو حتى يتخطى هالازمة و يرجع يوقف على رجليه!_
باسل/صحيت على رنة جوالي مرعوب...طلعت عالساعة و لقيتها 2 بعد الضهر....فتحت الخط بسرعة و حكيت/

باسل:الو!!

ابوعروة:نايم!!!كيف قدران تنام؟

باسل:والله راحت عليي نومة...طمني سيدي مشي الحال

ابوعروة:طبعا مشي الحال....سجل عندك

باسل:لحظة....اي تفضل عم اسمعك....اها...اها..شارع السلام..تمام يسلمو ايدكن عذبتكن معي...شكرا كتير

الجزء السابع
7
همسة:الو...كيفك ريتا...انا سبقتك عالمحل...لاتتأخري اليوم عطلة و بيجي زباين كتير...اوك باي

أملي:ماما....خديني مشوار

همسة:ياعمري مليتي معك حق...هلأ بس تجي خالة ريتا منتركها هون و منروح مشوار

املي:ليكي!!!....بياع الغزلة...عطيني مصاري اشتري حبابة!

همسة:ماما...بخاف عليكي

املي:ستنين ادام الباب

همسة:طيب....خدي هي مصاري وروحي يلا

_كلها حيوية و نشاط..مابتعرف تقعد ولاتهدا..رح تجنني هالبنت...لحقتها و وقفت جنب باب المطعم لانطرها بينما تشتري_

باسل/رحت لبيتها و مالقيتها...معناها هيه بالشغل...و انا جاية باتجاه المطعم...لمحت بنت صغيرة عم تشتري من عرباية غزل البنات...بتشبه همسة كتير...نفس شعرها المكزبر...و نفس خدودها الحمر و نفس ابتسامتها الحلوة
بدون شعور حسيت رجليي اخدوني الها!_

باسل:مرحبا ياحلوة!

املي:مين انت؟

باسل:(نزلت لمستوى نظرها)حزري

املي:امممم.....انت بابا؟؟؟

باسل:ههههه....مين قلك؟

_حطت اصبعها الصغير على عيوني و ابتسمت_

املي:ماما قالت...انو عيون بابا متل الشمس و انت عيونك متل الشمس

باسل:هههههه...شوكمان؟

_تلمست شعراتي بكف ايدها و انا مستسلم ادام سحرها_

املي:و انو شعرات بابا ناعمين...انت شعراتك ناعمين

باسل:امممم...ماقالتلك شو اسمو بابا؟

املي:هأ

باسل:طيب...تعالي لنحكي معها و نفهم مين انا

_حملتها و مشيت باتجاه المطعم وكانت همسة واقفة مع بنت تانية...مغيرة شكلها كتير...شعرها صاير اشقر و سابل و طويل...و نحفانة عن اخر مرة شفتها
بس مع هيك...لساتها همسة اللي عشقها قلبي_

باسل:مرحبا!

همسة!!!!!

باسل:مو انتي ام هالبنوتة الحلوة؟

همسة/وقف عقلي لما شفتو ادامي!!...ماقدرت احكي ولاعبر بكلمة وحدة...بس نذهلت..كيف جاية و حامل املي كمان...قلبي تسرع و الدم تجمع بوجهي و حسيت بحرارة لفحتني...هيه نفسها...حرارة الشمس بعيونو/

باسل:شو ماتزكرتيني؟

همسة:باسل؟؟شو جابك لهون...بقصد كيف عرفت مكاني!

باسل:(ابتسم)قلب العاشق دليلو

املي:يعني بابا اسمو باسل!!!واو

ريتا:همسة ليش ماخبرتينا انو ابو املي جاية لهون!
مرحبا انا ريتا صديقة همسة...بعتقد هيه حكتلك عني

باسل:هههه....اهلا...انا باسل

همسة(بارتباك)ريتا باسل مو....

ريتا(مقاطعة)مو ...مو شو؟؟ كنتي بدك تخبي علينا موهيك!!...فكرك تنفدي من امي انتي وياه...والله يا اخ باسل امي قايمتلك زفة مرتبة لانك تارك همسة لوحدها هيه و أملي

باسل(مستغرب)....معلش...بتموني انتي و الوالدة

ريتا:بيظهر كترت حكي...طيب هموسة انتي اجازة اليوم خدي زوجك و بنتك و روحو مشوار تسلو

باسل:رفيقتك معها حق....انا مشتاق لعيلتي

همسة:(بلعت ريقي وطلعت فيهن هنه التنين كيف طنجرة و لقت غطاها)طيب...تفضل لنروح مشوار

املي:ياااي...رح نروح مشوار انا و بابا!!...بابااا انا كتير بحبك

باسل/و انا حاملها...قربت و باست خدي و حضنتني
شعور غريب انضاف للالف شعور اللي حاسسهن
تصرفات هالبنت خلقت فيني شي مابعرفو..انا كنت بعرف اني بعشق امها....بس الظاهر اني رح اعشقها الها كمان و يكون الها نصيب بقلبي!/

_بالمطعم_

باسل:شو حطيتي أملي بقسم الرعاية؟

همسة:اي نعم...و انا بدي افهم شو لحقك فيني

باسل:شتقتلك!

همسة:باسل شيلنا من هالحكي انت متزوج ومافي داعي تنخرب عيشتك

باسل:طلقت انا و رزان

همسة:لك ليش!!!

باسل:لاني شتقتلك
لانو عم شوفك بكل مرا بتمرق ادامي...عم اتخيل طيفك كل يوم عم يزورني...لانك مالكة قلبي و عقلي و افكاري و مافيني كون مع غيرك او لغيرك

همسة:والحكي الي سمعتو منك اخر مرة!!وقت عملت حالك الرجل السعيد مع خطيبتك!

باسل:هههههه....فيكي تقولي جدبتها كرمال رزان

همسة:هلأ شو بدك!

باسل:بدي ياكي....بعدين تعي لهون انا بيحقلي اسأل كمان...كيف مخبرة بنتك اني ابوها!

همسة:و انت مين قلك!

باسل:عيون بابا متل الشمس...شعرات بابا ناعمين..شو كل هاد..بفهم انك عم تتغزلي فيني ادام البنت!

همسة(بارتباك)ايييي موهيك..هيه بتسأل عن ابوها كتير ومابعرف كيف قلتلا هالحكي

باسل:بس عصام مو هيك...يعني كنتي عم تحكي عني؟

همسة:اي....عندك مانع؟

باسل:ابدا...تغزلي فيني براحتك

همسة(ابتسمت و برمت وجهي عنو بس هو فاجئني ومسك ايدي وغير نبرة صوتو)

باسل:انا مستعد كون اب لبنتك...صدقيني رح عاملها احسن من أي اب اتجاه بنتو

همسة:القصة موهيك!

باسل:القصة اني بحبك...و انك بتحبيني...تعالي نطوي صفحة الماضي و نفتح صفحة جديدة...نكون فيها نحنا و املي...انا مابدي شي بالدنيا غير تكوني ملكي
انا تعذبت كتير ببعدي عنك...وجرحت رزان كتير بالكلام الي قلتلا ياه...لاني كنت عم عيشو...انا بدي ياكي ملكي
والله العظيم بعشقك....قلبي ماعاد يتحمل فراقك

بعرف اني غلطت لما تركتك اول مرة و تاني مرة بس انتي لما تعرفي الحقيقة رح تعذريني
اول مرة ضحيت بمشاعري و مشاعرك و تاني مرة عملت نفس الشي كرمال ناس تانيين ماكنت بدي زعلهن
بس هلأ مستعد زعل الدنيا كلها و مازعلك!
انا بدي ياكي...ومارح اتخلى عنك مهما كان الثمن
ومارح ابعد عن
دربك شو ماعملتي

همسة_____

باسل:شوقلتي؟

همسة:خليني فكر....الموضوع متعلق ببنتي ومصلحة بنتي قبل مصلحتي انا و مشاعري انا

باسل:مارح تلاقي اب احسن مني لبنتك

همسة:بس أملي عندها اب...وهو عايش

باسل:اوعك تفكري بيوم من الايام تخبريها انو هو ابوها
خليها بلا اب احسن ماتعرف انو عصام ابوها

همسة:ااااه

باسل:لاتتنهدي...امنيني على حالك و على بنتك وشوفي كيف انا قد الامانة

همسة:باسل....انت اكتر حدا كرهتو بحياتك هو زوج امك
مستعد تلعب هالدور؟؟

باسل:اول شي باسل بيموت لما بتقولي اسمو...وتاني شي انا مارح كون زوج ام....رح كون اب...وجربيني

_ميلت راسها و ابتسمت و طلعت فيني بعيون عم تلمع
نظرة كتير عميقة...نظرة ضيعتني و نستني مين انا_

همسة:عطيني مهلة لبكرا

باسل:متل مابدك

همسة:طبعا....لكن متل مابدك!

باسل:بحبك

همسة:(ابتسمت و اكتفيت بالصمت...مالي متجرأة انطقها
خايفة من الي جاية...وخايفة من بكرا...بس اكتفيت باني اتأمل عيونو...واغرق بدفاهن وحنيتهن...مع اني كنت مجروحة منو كتير...بس تنازلت عن زعلي و عن جرحي
مقابل ابتسامتو وبس!)
_بنفس الليلة_

باسل:يلا حبيبتي فوتي نامي وبكرا بجي بشوفك

املي:بابا لاتتاخر بكرا اي

باسل:حاضر ياعيون البابا(طلعت بهمسة و قلبي تعلق ببنتها)..بدك شي؟

همسة:سلامتك...تصبح على خير

_هميت لامشي و انزل عالدرج..بس باب الجيران انقذني لما انفتح و ظهرت ريتا_

ريتا:يييييي....جارنا وين رايح بهالوقت!

همسة:شبكي ريتا شو بدك بالزلمة انتي؟

ريتا:بس ماتكون مارح تنام ببيتك!

باسل:مممبلا...مبلا بس كنت بدي جيب غرض و راجع

ريتا:اي يلا...رح فوت سلي همسة بينما تجي انت

همسة:حبيبتي انا متسلية فوتي على بيتك

ريتا:شبكي همسة...فوتي لنعمل شاي بينما يجي زوجك بدي اتعرف عليه يوه!

همسة:فوتي...تفضلي

_بعرف اديش همسة منغاظة هلأ....بس انا الفرحة مو سايعتني ابدا...نزلت عالشارع و جبت قالب كيك و رجعت لبيت همسة_

ريتا:يييي ياجارنا ليش تجيب كيك همسة بتعمل اطيب منو بكتييير

باسل:أملي كان عبالها...شو وينها؟

همسة:نامت

باسل:بهالوقت!مو بكير!

ريتا:تسلملي همسة منظمة بكل شي...يعني املي كل يوم بتنام بهالوقت...ماقلتلي جارنا شو بتشتغل؟

باسل:انا شيف جنرال

ريتا:اهااا....يعني انت معلم همسة الطبخ...والله الزباين عم يطير عقلهن بشغلها

باسل:والله؟؟ماحكتلي..اي انا علمتا

همسة:حبيبتي ريتا انا حطيتلك حصتك من الكيك انتي و امك...يلا فرقينا مشان بكرا تصحي بكير على شغلك

ريتا:ايوا....معك حق والله انا قليلة زوق كيف نسيت انو الزلمة جاية من سفر بدو يرتاح ببيتو...يلا خاطركن

همسة:الله معك حبيبتي رح وصلك عالباب

_وصلت ريتا و رجعت للاقي باسل متمدد عالكنبة وعامل حالو غفيان_

همسة:يلا هلأ قوم لاتعمل حالك نايم

باسل:الله يخليكي والله تعبان مبارح مانمت كل الليل وانا عم فكر فيكي...خليني نام هون...بعدين هلا بتكون ريتا ناطرتني عالباب..موحلوة يشوفو زوجك طالع ينام برا البيت

همسة:والله!صدقت الكذبة؟

باسل:اذا بدك مستعد هلأ اتزوجك

همسة:اي بلا حكي فاضي...رح جبلك غطا وخليك تنام....بعين الله هالليلة

باسل:الله يخليلي حبيبتي الحنونة!

_رحت وجبتلو غطا و غطيتو فيه....كان غرقان بالنوم و ماوعيان لشي....قلبي حنلو...متل العود لما يحن عالوتر
ومتل الام لما تحن لابنها...وكأن قلبي و قلبو بينهن حبل متين...مكتبلو ماينقطع بيوم اد ماطال....مسحت على دقنو...وعلى خدودو..وعلى عيونو...الحب اللي بقلبي تجاهو مو طبيعي..ومارح اقدر خبيه كتير
مسكت ايدو....وسندت راسي عالكنبة...وغفيت!_
باسل/صحيت الصبح لقيتها غفيانة جنبي....حسيت براحة حقيقية لمجرد وجودها جنبي...مسدت على شعرها الناعم...وبطرف اصبعي تلمست خدها حتى صحيت/

باسل(بهمس و ابتسامة)صباح الخير

همسة(ابتسمت ابتسامة عريضة)صباح النور...نمت هون كأني

باسل:مكانك الصح...جنبي

همسة:يلي كانت اخدتو وحدة تانية

باسل:وحياة عيونك...ماكانت تنام جنبي وعلى ايدي...كنت كل يوم اتركها تنام و اهرب لتاني غرفة و الصبح اعمل حالي صحيت قبلها

همسة:ههههه

باسل:في كتير شغلات و حكي محتفظ فيهن الك

همسة:(اخدت نفس عميق)متل شو

باسل:متل اني بهواكي

همسة:و انا بحبك كتير

باسل:لكن لازم نتزوج...حاجتنا

همسة:خايفة

باسل:ماتخافي و انا معك

همسة:و أملي و أبوها

باسل:املي مقتنعة اني ابوها...وحرام ترجعي تحرميها منو مرة تانية...الطفل بهالعمر كتير بحاجة ابوه

همسة:رح تقدر تواجها بالحقيقة شي يوم؟

باسل:اذا اضطريت بقدر....بعدين مين حتلاقي حدا يحبك قدي؟

همسة:ولاحدا

باسل:ولاتنسي...انو صار عمرك26 سنة...شوي تانية بتعنسي ها

همسة:وانت صرت 36

باسل:انا ببقى شب اد ماكبرت

همسة:معك حق...بتبقى شب.....و بتبقى اخد عقلي

باسل:معقول اديش صعب الواحد يحصل على لحظة متل هي؟

همسة:شايف

باسل:والله لحظة بتسوا العمر كلو

همسة/قرب مني...وغلغل ايدو جوات شعري...حسيت بنفسو عم يقرب اكتر و انا تلبكت وماعاد اعرف شو اعمل
غمضت عيوني...و استسلمت الو...وبنفس اللحظة دخلت املي/

أملي:بابااااا

باسل(بصوت واطي)مالقيتي تجي الا هلأ!

همسة:هههه

باسل:تعالي ياروح البابا تعالي

_ركدت لحضنو و عانقتو و انا بقيت عم اتفرج عليهن
باسل معو حق...مافي اب احسن منو لبنتي_

باسل:اليوم بنوتي عندا روضة موهيك

املي:اي...لما ارجع رح تكون هون؟

باسل:اكيد حبيبتي مابقا بعد عنك انا

املي:ياااي....يلا ماما حضري فطور الي و لبابا

همسة:اي موتكرم عيونكن...تدللو وبس انتو التنين

باسل:قومي نغسل وجهنا يلا

_حملت املي و غسلتلا وجها...ماتوقعت اني حس باحساس الابوة تجاه طفلة مو مني ولا بتقربلي حتى
بس هالبنت عندها سحر...عندها براءة بتخلي اي حدا يوقع بحبها...تماما متل امها...ومن بعد ماراحت املي لروضتها...فضيت لهمسة...كانت واقفة بالمطبخ وعم تجلي...ارتكيت عالباب و تكتفت و تأملتها وقلبي من جوا فرحان فيها_

باسل:انو اديش لابقتلك الامومة!

همسة(ابتسمت)احلا دور بالعالم

_قربت منها و حضنتها وهيه عاطيتني ضهرها_

باسل(بنبرة حنونة)ياترى احلا من دور حبيبتي؟

همسة:باسل لاتخجلني

باسل(غلغلت بشعرها و شميت ريحتها الي مشتقلها كتير)

همسة(بخجل)باسل!

باسل:(بهمس)مشتقلك كتير

همسة:خلص بقا خجلتني

_برمتها لعندي ومسحت على خدها و قلبي رح يطلع من مكانو_

باسل:انا مافيني اصبر....ماعاد عندي صبر...بدي نتزوج فورا"

همسة:وشغلك؟

باسل:شبو شغلي؟

همسة:انا مافيني ارجع لهديك المدينة..مافيني كون مع عصام بمكان واحد

باسل:اي؟؟

همسة:يعني.....يا بتبقى هون وبتروح كل فترة بتطمن عالشغل....او...منسافر برا البلد ومنأسس مطعم انا وياك

باسل:حطيتيني بموقف صعب

همسة:فيك ترجع لشغلك وتطل عليي كل كم يوم

باسل:انا بدي اتزوجك مشان ابقى معك و اشبع منك...كيف بدك ياني اتركك و روح

همسة:مابقدر ارجع....عصام اذا شاف املي رح ياخدها مني!

باسل:رح سجلها على اسمي

همسة:لو كان...تحليل صغير بيثبت انها بنتو

باسل:طيب خلينا نخبرو احسن مانهرب...ويجي هو يشوفها كل فترة

همسة:معقول شتت نفسية بنتي بهالشكل!

باسل:ااه...مين قلك تخبريها اني ابوها!

همسة:انا ماخبرتها...هيه بس شافتك طابقت الصورة بخيالها مع صورتك و استنتجت انك ابوها

باسل:انا بدي كون ابوها...ومارح اتخلا عنها لواحد مختل متل عصام...و بدي كون زوجك....وحبيبك...وكل شي بحياتك...وكرمال عيونك بس...رح اترك كل شي و اهرب معك....رح ارجع و بيع المطاعم مع طاقم العمل تبعهن و بيع بيتي و جيب امي لهون بينما رتب امور سفرنا و رح طالعك من البلد كلها

همسة(ابتسمت من قلبي و مالقيت حالي الا حضنتو بكل قوتي...من زمان انا بحاجتو....بحاجة ضهر يحميني من الزمان...و باسل...هو السند وهو الضهر...هو قوتي الي بحتمي فيها...هو كل شي...ومافي شي قبلو و لافي شي بعدو هو البداية وهو النهاية..هو حبي الاول و الاخير
والوحيد....بنفس اليوم رجع باسل لمدينتو....غاب عني 10 ايام...كترت فيهن اسئلة املي عنو كتير...وصرنا كل يوم نحكي معو صوت و صورة...وبعد هالعشر ايام رجع لعندي...هو وامو...استأجر بيت اكبر من بيتي و اخدنا انا واملي لنعيش معهن..كرمال نرتب امور زواجنا و تسجيل املي على اسم باسل)

مرفت:معقول تتزوجو هيك بدون عرس!

باسل:امي...انا مين الي بهالدنيا غيرك انت و همسة...مافي حدا بيهمني غيركن..مالي شايف داعي للعرس طالما النتيجة انو نكون تحت سقف واحد

مرفت:متل مابدك حبيبي المهم شوفك مرتاح البال

باسل:الله يخليلي ياكي يارب!

همسة:انا جاهزة باسل

باسل:يلا لكن عنا شغل كتير

مرفت:الله معكن حبيبي

همسة:ماما اذا عذبتك املي
فورا اتصلي و برجع انا

مرفت:ماتاكلي هم حبيبتي

باسل:يلا همسة...بخاطرك امي

مرفت:الله معكن

_ركبنا بالسيارة و رحنا لننهي تثبيت زواجنا وتسجيل املي...ونحنا بالسيارة وقف باسل عالاشارة و عكست اشعة الشمس على عيونو حسيت قلبي داب بمكانو و انا عم طلع فيه_

همسة:حبيبي

باسل:عيونو

همسة:لاتخلي الشمس تجي على عيونك

باسل(ابتسم)ليش حبي؟

همسة:مشان عقلي يبقى بمكانو مو اكتر

باسل:هههههههه....خلص حاضر

_حط نضارات على عيونو وشغل اغنية و كملنا بطريقنا للمحكمة وهو عم يغني_

طلع بعيوني شوف
اديش قلبي ملهوف
صعب اوصفلك بحروف
شوبحبك!
وتحققو احلامي
انت معي وادامي
و ادام الناس كلا انا ملكك
انا ملكك
ادام الناس كلا انا ملكك
شدني غمرني من الفرحة قلبي
واقف ناسي انو يدق
اذا معك مابكون انا مابدي كون
و اذا حدك مابعيش
هلأ بدي مووت
________________________________