#الجميل_والمتوحشة
#بقلم_فيلوفوبيا
الجزء العاشر
(كل شي عم يصير جواتي ماعم افهملو معنى و لاتفسير
رغم اني بخاف من كل الناس....بس منو ماعم خاف
رغم اني برجف اذا حدا حاول يلمسني....بس هو لما لمسني انا تطمنت
معو عم حس بالامان....و بحضنو...عم حس بالدفا
بغيابو على طول بحس شي ناقصني...بحس اني عم دور عالجزء الي ناقص مني
مع اني كنت اكرهو...و جواتي حقد كبير عليه
بس هو بتصرفاتو و بحنيتو عم يمحي كل الحقد الي جواتي...وعم يخلق بدالو حاجة الو
بلشت حس انو مالي غيرو بالدنيا...وبلشت حس بمرارة البعد عنو
بدي كون جنبو على طول....بدي حس بوجودو و بدي اسمع صوتو
عم حس حالي رجعت بنت ال18 سنة الي حبت وسيم
بس الفرق انو عاصفة الحب هالمرة اكبر ومدمرة اكتر))

_حطت القلم بالدفتر و سكرتو....فتحت جوالها لتطلع صورتها مع وسيم عالشاشة الرئيسية
سعادة كبيرة بتحسها لما بتطلع فيه لو بالصورة
وهيه شاردة....سمعت نقرات عالباب وراحت لتفتح_

ياسمينة:هاد انت!

حسان:ومين رح يكون ياحبي

ياسمينة:بس انا اتفقت مع وسيم يجي ياخدني للحفلة

حسان:معقول خطيبك موجود وتروحي مع غيرو....يلا خلينا نمشي

ياسمينة:(بلعت ريقها)طيب....خليني جيب الشال تبعي من جوا

حسان:ناطرك هون

_بالسيارة مع حسان_

ياسمينة:رح اتصل بوسيم و خبرو انك اخدتني

حسان:تمام

_وهيه عم تفتح جوالها لتتصل اتطلع حسان بطرف عينو ليشوف صورة وسيم عالخلفية وعلى شاشة القفل...وتفاجئ كتير بهالشي_

وسيم:prençes شوي و بكون عندك

ياسمينة:بدي خبرك انو حسان اجا و اخدني عالحفلة كرمال ماتعزب حالك وتجي

وسيم:بالله....طيب مافي مشكلة انا رح انطرك هون..انتبهي عل حالك

ياسمينة:اوك...باي

حسان:حبيبتي طالعة متل القمر

ياسمينة:ميرسي

حسان:اكيد هاد الفستان تصميم وسيم

ياسمينة:طبعا...ما انا الوجه الاعلامي لوكالتو ومافيني البس لغير مصمم

حسان:اها...وكيف علاقتك انتي وياه...انا لاحظت انكن مقربين من بعض...وكتير بتقضو وقت سوا

ياسمينة:بحكم الشغل منضطر نقضي اوقاتنا سوا
علاقتنا منيحة و نحنا اصدقاء

حسان:اممممم....وسيم منيح و انا بوثق فيه و بأمنو عليكي

ياسمينة:مالي ناطرة منك تأمن عليي مع حدا....انا قد حالي و مابسمح لحدا يتمادى معي

حسان:اي طولي بالك ياقطة ماحكيت شي

_مسك ايدها و باسها_

حسان:بحبك...ياحلوتي انتي

ياسمينة:ميرسي

_________________

_بحفلة خطبة مريم على قيس كان الكل موجود
و عم يحكو بالفستان اللي صممو وسيم لاختو العروس
و اديش هو مصمم بارع
كانت فرح ملزقة فيه كل الوقت بحجة انها غريبة
و كانت صفاء بنت خالتو عيونها عليه عشرة عشرة
بس هو تلخطبت افكارو لما عرف انو حسان اخد ياسمينة و خاف يعمل شي مومتوقع فيها
نطر وصولها على اعصابو....وبعد نص ساعة كانت واصلة و مشنكلة حسان_

وسيم:تأخرتي!!!....الصحافة ناطرينك

ياسمينة:اسفة ماقصدت

حسان:طول بالك وسيم....المخلوقة الها حياتها الخاصة

وسيم:لاتواخزني حسان بس لازم اخد جوري منك
الصحفيين ناطرينها

حسان:عحسابك بس لاتنسى ترجعها

وسيم:اكيد ولو....تفضلي

ياسمينة:(همست)كنت رح تكشفنا!!

وسيم:عملك شي

ياسمينة:لا....بس ماكان على طبيعتو

وسيم:بلش يشك انو في شي بيناتنا وهاد الي بدي ياه

ياسمينة:يعني مرحلة الخطر بلشت

وسيم:هيك شي....ليكي الصحفية هونيك خلينا نحكي معها كلمتين و بعدها منكمل حديثنا

_مرقت الحفلة بين نظرات عم ترصد اقل حركة و وعيون مشتاقة تلاقي بعضها....حسان كان متيقظ لكل شي عم يصير حواليه وكل كلمة عم يسمعها كان عم يسجلها و بلش الشيطان الي جواتو يتحرك و يرسم المكيدة لياسمينة و وسيم_

وسيم:الحفلة صارت بآخرها....حسان بتسمحلي اخطف منك جوري لاخر رقصة

حسان:ولو....مع انو كنت حابب انا ارقص معها بس معلش...تفضل

وسيم:prençes

_مسك خصرها النحيف بإيد و مسك ايدها بإيد
وعيونو تركزو على عيونها والتقى اللون الازرق بعيونهن ليتحول لمحيط عم يغرقهن هنه التنين و اكتفو بالنظرات و بدون مايحكو شي كانت عيونهن عم تحكي كتير كلام
و بآخر الرقصة همس باذنها_

وسيم:حسان رح يجن جنونو....بس يوصلك للبيت تفاديه ولاتخليه يدخل لعندك....انا رح الحقكن بسيارة غير سيارتي و رح كون معك اذا صار شي

ياسمينة:اوك...

_مسك ايدها و باسها_

وسيم:شكرا على هالرقصةma prençes

ياسمينة:شكرا الك وسيم

حسان:احم....نمشي

ياسمينة:اوك....بشوفك بكرا وسيم..au revoir

وسيم:مع السلامة

_بالسيارة مع حسان_

حسان:عملي حسابك بدي قرب موعد العرس

ياسمينة:qoi؟؟؟

حسان:ليكي جوري....حكي فرنسي معي مابدا...بتعرفي تحكي عربي متل البلبل هي واحد و تنين هيك انا بدي قرب العرس...وتلاتة بدك تنسي وسيم و الشغل مع وسيم بعد مانتزوج

ياسمينة:mais انا اللي بقرر هالشي

حسان(صرخ )قلتلك لاتحكي فرنسي!!!!!

ياسمينة:شو صرلك!

حسان:شو في بينك و بين وسيم!! احكي!!!!

ياسمينة:مافي شي....وسيم صديق و رئيسي بالشغل

حسان:كزابة!!....انا شفتو كيف عم يطلع فيكي..شفتو بعيني

#الجميل_والمتوحشة
#بقلم_فيلوفوبيا
الجزء الحادي عشر
_بعد سنة_

مريم:طمني دكتور

الدكتور:مابخفيكي الوضع ما عم يتحسن ابدا

مريم:بس صار مارق سنة

الدكتور:مافي ادنى تجاوب مع العلاج النفسي او الدوائي للاسف

مريم:والحل

الدكتور:بدنا ننطر شي معجزة

مريم:ااااه....ماشي الحال....بتشكرك دكتور

_ودعت مريم الدكتور و كملت طريقها لغرفة الاعدة مطرح مو قاعدة امها و وسيم_

مريم:(بابتسامة مصطنعة)نشالله في امل

وسيم:لاتكزبي انا سمعت كل شي

مريم:اخي...ياسمينة داخلة بغيبوبة...صح عم تفتح عيونها بس عقلها غايب عن الدنيا...لاتعيش حالك بأمل كازب...ياسمينة خلص مافي امل منها

وسيم:ياريت ماتدخلو فيني و فيها....ومارح اقطع الامل لوشو ماصار

ام وسيم:(تصرخ)لك فوق كل شي خسرتو بسببها و لساتك متمسك فيها!!!وفوق هيك معيشها عندي بالبيت!!انا ماعاد اقدر اسكت عن هالوضع

وسيم:(بعصبية) امي!!!! تركيني بحالي

ام وسيم: مارح اتركك بحالك ابدا!!!!...خسرت ايدك و شغلك و سمعتك بين الناس...ولسا مخليها ببيتي وعم تصرف بلاوي على علاجها...ومتأمل انها تصحى و ترجعلك

وسيم:لك امي....امييييي....اذا انا خسرت ايدي و شغلي فهيه خسرت حالها...خسرت كل شي بسببي....كل شي عم تعيشو هيه صار بسببي انا....اول مرة و تاني مرة هيه عم تدوق المر بسببي انا.....وبعدين...انسي كل شي....انا بحبها..بحبها ومارح اتخلى عنها....و اذا شي يوم فكرتي تطالعيها من هالبيت...اعرفي اني رح اطلع قبلها و رح تحلمو تشوفو وجهي طول عمركن.....اللي عندي حكيتو و سكرو على هالموضوع نهااااائي

_تركهن و طلع لغرفة ياسمينة بالطابق التاني....ومتل عادتو نقر عالباب و تمنى يسمعها عم تقلو تفضل
نطر شوي و دخل لعندها...كانت قاعدة عالسرير وعيونها معلقين بالفراغ...شعرها الناعم مفرود على كتافها...والممرضة هلا خلصت من تبديل تيابها و تعطيرها
قعد جنبها عالكرسي...ومسك ايدها بايدو اليسار....لان اليمين انشلت على اثر الرصاصة_

وسيم(تنهد)كيفك اليوم......بعرف انك مالك حاسة بشي
بس حاولي تحسي فيني لوشوي...قلبي عم يحترق
و اعصابي تلفت و انا ناطر النهار البدي شوفك فيه صحيتي
(ابتسم و مسح دمعة بطرف عينو)بتعرفي شو....اليوم تمت معاملة زواجنا...وصرتي مرتي بالقانون
يمكن بكرا تقولي اني تزوجتك غصب عنك...بس انتي لازك تصيري ملكي...لازم تكوني مرتي....لانك خلقتي لتكوني مرتي
اليوم انا جبت رواية....بتحكي عن مراحل الحب التمانة
اللي انا عم عيشهن معك كل يوم....رح اقرألك ياها المسا

_قاطعو دخول مريم_

مريم(باستغراب):عن اي معاملة زواج عم تحكي وسيم!

وسيم:ياسمينة صارت مرتي

مريم:وكيف وهيه هيك!

وسيم:بالوكالة نسيتي اني وكيل عنها!

مريم:وسيم انت عم تغلط هيك

وسيم:بدي اسألك سؤال واحد بس....اذا جاوبتيني عليه
وقتها ممكن فكر اني اترك ياسمينة

مريم:تفضل

وسيم:قيس....زوجك...الي حبيتبه قبل ماتتزوجيه و هلأ ابنو جواتك...فيكي تتخلي عنو و ترميه بمهب الريح
و انتي بتعرفي تمام المعرفة انو مالو غيرك سند بالدنيا
لا اب و لا ام و لا اخ و اخت....فيكي تعملي هالشي

مريم:______

وسيم:وفوق هيك....حياتو تدمرت بسببك و دخل غيبوبة ماعم يطلع منها بسببك...تأذى بسببك انتهكت حرمتو بسببك....فيكي....لك فيكي جاوبيني!!!!

مريم:اخي انا.....

وسيم:ماااابتقدري...مافيكي..و انا هيك...مارح اتخلا عن ياسمينة...و هيه هلأ مرتي...ومافي شي رح يفرقني عنها غير الموت

مريم:مابعرف شو بدي قلك

وسيم:لاتقولي شي....نزلي خبري امك انو كتبت كتابي عليها...و رح تصير تنام بغرفتي...و اللي عندو اعتراض يقول مشان اطلع انا وياها من البيت...وهلأ طلع وسكري وراكي هالباب

_طلعت مريم بدون ماتحكي اي كلمة و سكرت الباب
و وسيم....قام من الكرسي و قعد مواجه ياسمينة عالتخت
لمس وجها بايدو...و نزل لرقبتها ليتحسس نبضها
و متل العادة ايديه باردين مع انو الجو دافي_

وسيم:(بهمس)مشتاق اسمع صوتك لو مرة وحدة....لوبدي موت بعدها!.......عيونك ضيعوني...وحتى قلبك حاسو نسيني

_هيك تعود كل يوم يقعد معها لساعات و يحاكيها....يحكيلا عن الماضي و كيف حبها....بس هيه ماعم تتجاوب مع شي من هالحكي.....و عقلها رافض يرجع للواقع بأي شكل من الاشكال_

_باليوم التالي_

ام وسيم:مفكر اذا كتبت كتابك عليها يعني حطيتني تحت الامر الواقع!

وسيم:امي لاترجعي تفتحي نفس الموضوع

ام وسيم:انا رح خلي الخدم يزتوها برا هيه و غراضها مشان يكون بعلمك

وسيم:عمليها....و بتخسريني

ام وسيم:لك وسيم اصحى من الوهم الي انت عايش فيه!!!.....هي البنت لو صحيت رح تصحى مجنونة

وسيم(خبط الطاولة بايدو):لو مجنونة بدي ياها

ام وسيم:شوف رح قلك اخر كلام.....اذا بدك ياني اتغاضى عنها....بدك تتزوج بنت خالتك

وسيم:نعم؟؟؟؟شو امرتي....ههههههه اي لا تتغاضى عنها انا رح اخدها و اطلع وخلصنا من هالموال....انبسطي ببيتك لحالك

#الجميل_والمتوحشة
#بقلم_فيلوفوبيا
الجزء الاخير
وسيم:نعم!!!!....كيف يعني فقدت الذاكرة!

الدكتور:الصدمة اللي تلقتها لصحيت من الغيبوبة كانت كبيرة....منظر الدم و الصراخ اثارو عندها ردة فعل عنيفة
و لما اغمي عليها ليومين...كان الاغماء رد فعل من الدماغ ليحميها...خلال هاليومين واضح انو كل الذكريات اللي بتخص حضرتك انمسحت و رجعت لمرحلة عمر ال18 قبل ماتعرفك وهلأ هيه مفكرة حالها عايشة ببيت عمتها و عندا فحص البكالوريا و رح تتعاملو معها على هالاساس

وسيم:يعني مافي امل تتزكر!!

الدكتور:مافيني اكدلك...في ناس بيكملو حياتهن بلا مايتزكرو شي من اللي دماغهن مسحو...وفي ناس بيتزكرو...بس مافي فترة محددة...ممكن ست شهور و ممكن سنة وممكن سنين...بنصحك تتعود على هالوضع
وماتحاول تضغط عليها لتتزكر شي....لانو اذا تزكرتك رح تتزكر الحوادث الاليمة اللي مرت فيهن

وسيم:هه.....نسيتني!!!.....بكل بساطة

الدكتور:دماغها لقى المخرج المناسب للوجع الي كانت عم تعيشو وحذف كل شي ذكريات بتخص هالوجع...وللأسف حضرتك شخصية اساسية لهيك نسيتك..بدك تتعود على هالوضع و ترجع تعرفها على حالك من اول وجديد....انا كتير متعاطف معك
بس صدقني هيك اريحلا....انا مضطر استأذن فيك تفوت تطمن عليها...بس متل ماتفقنا لاتحاول تزكرها بشي او تضغط عليها...بالاذن

_انهار وسيم عالارض...وحضن راسو بين ايديه
بدون ارادة صار يبكي...من قلبو...على حالو وعلى حبيبتو الي ضاعت منو....استجمع قوتو و مسح دموعو
ودخل لعند ياسمينة_

وسيم:مرحبا

ياسمينة:مين انت!!!

وسيم:______

ياسمينة:عم قلك مين انت!!!...طلاع لبرا

وسيم:طولي بالك....(بلع الغصة و كتم دموعو)انا هون لاخدك للبيت

ياسمينة:وين عمتي!

وسيم:عمتك مسافرة ورح ترجع عن قريب...و خلتك ببيتنا بينما ترجع

ياسمينة:مين انتو؟؟!

وسيم:انا بكون....رفيق زوج عمتك...هنه خلوكي عنا بينما يرجعو من السفر

ياسمينة:بس انا مابتزكر هيك شي

وسيم:لانك وقعتي على راسك و نسيتي كم شغلة...بكرا بتتزكري

ياسمينة:وفحص البكالوريا!!

وسيم:هه...قدمتي كلو....ماعم قلك انك نسيتي كم شغلة

ياسمينة:بدي احكي مع عمتي و اتأكد منها...بلكي انت كزاب

وسيم:تكرمي....بس جوالي بالبيت...بس نوصل بخليكي تتصلي فيها

ياسمينة:انت شو اسمك؟؟!

_سكين ورا التانية عم تغرز بصدرو....دموعو ماعم تنحبس....والوجع ماعم ينحمل...
اخد نفس عميق و رسم الابتسامة على وجهو ليخفي خذلانو و خيبة املو_

وسيم:اسمي وسيم

ياسمينة:امممم....اسم على مسمى

وسيم(اتسعت ابتسامتو)شكرا....انا رح اطلع اعمل تلفون و ارجع لتكوني جهزتي...بخاطرك

_خبر وسيم اهلو عن وضع ياسمينة الجديد و بصعوبة كبيرة حتى قبلو يستقبلوها بالبيت.....اخدها و راح
وبقيت عايشة عندهن و هيه نسيانة كل شي و عم تتعامل مع الكل بشكل عفوي و كأنها بنت 18 سنة
وسيم تجاهل ياسمينة كل هالفترة لانو مابدو يتعود عليها مرة تانية و يفقدها بيكفيه الوجع اللي بقلبو
حاول كتير يتواصل مع عمة ياسمينة فاطمة
و بعد جهد كبير قدر يوصلا....خبرها عن اللي صار بالتفصيل من البداية لهاليوم و كل شي حكاه كان في ادلة عليه من صور ياسمينة قبل التجميل و اثناء و بعد و ملف القضية اللي انقتل فيها حسان و اثبات انو كان معتدي على ياسمينة
و حكي كتير ماستوعبتو العمة بسهولة...._

وسيم:وهلأ ياست فاطمة...ياسمينة ببيتي و مابتعرف حدا و عم تطلب ترجع لعندك

فاطمة:بس حسب حكيك انك كاتب كتابك عليها يعني بتكون مرتك كيف بدك تطالعها من بيتك!

وسيم:ماعندي حل للاسف....هيه نسيانة و مافيني زكرها بشي...اذا تزكرت لوحدها بيكون منيح...غير هيك انا مابقدر اعمل شي...واذا بقيت هيك على طول...انا بطلقها غيابي بالمحكمة و خلصت القصة

فاطمة:ااااه يابنت اخي عاللي صار فيكي

وسيم:بدي منك تنتبهي عليها...بدي ياها تكون مبسوطة

فاطمة:عم توصيني على بنتي!....انا بدي حطا بعيوني و عوضها عن كل الظلم اللي نظلمتو

وسيم:تمام....انا رح روح هلأ و جيب ياسمينة
وسمحيلي اخد الوراق معي...كرمال مايوقعو تحت ايدها ويسببو مشكلة

فاطمة:طيب....عم انتظركن

_ببيت وسيم_

ام وسيم:ابقي زورينا...رح نفقدلك

ياسمينة:والله و انا رح اشتقلكن....بخلي عمو وسيم يجيبني لعنكن كل فترة

مريم:انتبهي عحالك منيح

ياسمينة:و انتي انتبهيلي عالبيبي الحلو....يلا بخاطركن

_بوستهن و طلعت من البيت....من بعد ماتعودو على وجودها بيناتهن بلطافتها و عفويتها الحلوة
طلعت بالسيارة...ونطرت وسيم ليطلع جنبها_

ياسمينة:بتعرف شو عمو وسيم

وسيم:لا مابعرف

ياسمينة:انا بدي ادرس طب

وسيم:منيح

ياسمينة:مشان عالج ايدك...انا كتير بزعل عليك لانو ايدك هيك

وسيم:لاتزعلي...اذا انا مو زعلان على حالي.

ياسمينة:انت ليش بتكرهني!!!

وسيم(باستغراب)انا !!!!

ياسمينة:بحكي معك مابتطلع فيني و كل الفترة الي قعدت فيها ببيتك ماحاكيتني ولاكلمة و هلأ ملتئم فيني
انا شو عملتلك حتى تكرهني

وسيم:عملتي اللي مابينعمل

ياسمينة:شو يعني!

وسيم:ولا شي انسي

#خلف_الستار
#بقلم_فيلوفوبيا
#الجزء_الرابع

امين:ياعلي هالجريمة معقدة....ماعندي دليل ادانة واحد و لاحتى دليل براءة..مافي اثبات لاي شخص لمكان وجودو بوقت الجريمة

علي:معك حق سيدي

امين:نحنا ادام مجرم ذكي....حاطط ادلة لفارس و رؤى و وائل....و ماحط شي بيتعلق بملك او عامر...على اساس يتوهنا و مانعرف مين هو....و بنفس الوقت السكين الي انوجد بغرفة الخادمة...الي ماكان الها علاقة مباشرة مع سليمان

علي:سيدي و بناءا" على هالفرضية فينا نستثني فارس لانو علاقتو بسليمان مابتتجاوز الشهرين و هي علاقة استاذ بولي امر طالبو

امين:بس لاتنسى موضوع العلاقة بينو و بين ملك

علي:هن قالو انو هالشي صار مبارح و لاول مرة

امين:طيب....بتبعتلي ملك لعند الطبيب الشرعي يكشف عليها حتى نعرف اذا كان هالشي صح....و كمان فارس بتتاخد منو عينة لنثبت هالشي، انا شايف انو فارس عندو دافع للقتل بحكم العلاقة بينو و بين زوجة المغدور و حب يتخلص منو ليصفالو الجو معها....الا اذا ثبت انو علاقتهن كانت من مبارح مو من قبل

علي:حاضر سيدي،

امين:بتعملي بحث مكثف عن وائل رؤى عامر و هالة
بدي كل شي بيتعلق فيهن و بعلاقتهن مع سليمان

علي:و فارس و ملك

امين:خلي فارس برات حساباتنا...بالوقت الحالي هو اقرب للبراءة....و ملك انا رح اتولى التحقيق معها...بكل الاحوال انا رح استدعي الستة للتحقيق و رح بت بأمرهن

علي:طيب...بالاذن سيدي

امين:مع السلامة

_رجع امين ضهرو للكرسي و شبك ايديه ببعض....تأمل صور سليمان وهو مقتول و تأمل الادلة...بعد الكشف عن البصمات...ماكان في اي بصمات على اي دليل و لا عالسكين او العكاز تبع سليمان...
مرقت ايام و التحقيق جاري مع الاشخاص الستة و ماظهرت هوية القاتل....وتقرير الطبيب الشرعي بخصوص ملك و فارس اثبت صحة كلامهن و انهن كانو سوا....و بنفس الوقت اثبت تعاطي ملك لادوية مهدأة
و بعد فحص البيت بشكل دقيق....انوجدت اثار دم بحمام عامر....و التحقيق عنو افاد انو كان عندو مشاكل مع عمو بتخص الميراث الي اخدو سليمان من اخوه بالنصب و الاحتيال و على اثرها ابو عامر مات
صار المشتبه فيه الاكبر هو عامر...خاصة بعد ما انوجدو كفوفو الجلد و عليهن اثار من دم سليمان
و بناءا عليه تم سجن عامر....مع انو المحقق امين ماكان مقتنع بهالنتيجة و عامر ما اعترف بشي
من جهة تانية و بعد التحقيق مع رؤى بشكل مطول اعترفت انها تعرضت للاغتصاب من قبل سليمان وقت كانت بعمر ال13 سنة و هالشي الي خلاها توافق على خطبتها من عامر لانو سليمان حكالو الموضوع و عامر وافق على الخطبة حتى يبتز عمو مقابل كتم السر و هالشي كان سبب اضافي لادانة رؤى بسبب حقدها الدفين على سليمان
اما بالنسبة لوائل فبقي محل شك كبير بسبب قناع حاصد الارواح و رغم هيك كان الاقل محل للشك بنظر امين
و ملك بعدما ثبت تعاطيها الادوية المهدأة و تبينت خيانة سليمان الها مرات كتيرة و اخرهن كانت مع الخادمة هالة....كانت من اكتر المشتبه فيهن
اما فارس فوضعو محير...من جهة هو غلط مع زوجة المرحوم و اثبت مكان وجودو بالدليل القاطع و تمت تبرءتو بعد تقرير الطبيب الشرعي...و من جهة تانية مافي اي احتكاك مباشر بينو وبين سليمان يخليه يفكر يقتلو
بس امين ماكان مرتاح ابدا لفارس مع انو اثبت براءتو

_اندق الباب_

علي:احترامي سيدي

امين:في شي جديد؟

علي:فارس الغاني برا و طالب يشوفك

امين:خليه يفوت

فارس:احترامي حضرة المحقق

امين:عندك شي جديد حابب تضيفو للقضية؟

فارس:سيدي بدي قلك انو بليلة الي انقتل فيها سليمان انا كنت رايح لاشرب مي من المطبخ وسمعت هالة و ملك عم يتهامسو

امين:وعن شو كانو عم يحكو

فارس:سيدي كانت هالة خايفة وعم تقول لملك انها مارح تقدر تعمل هالشي و بلكي عرفو الحقيقة و ملك كانت عم تقلا لاتخافي و انا رح غطي عليكي

امين:ايوا...في شي تاني؟

فارس:سيدي هيه قالتلي انها شاؤفة الموت بعيون سليمان

امين:شي حلو...فيك تمشي

فارس:بالاذن سيدي

_طلعت من مكتب المحقق و سمعتو عم يقول لمساعدو يستدعي ملك وهالة للتحقيق...انا شاكك بملك كتير كونها بتتعاطى حبوب مهدأة و ثبت انو سليمان كان عم يخونها مع هالة فأكيد هيه القاتلة....وهيه اكتر حدا بيعرف بغرف البيت و مين نايم بكل غرفة و قدرت تاخد الادلة الي لزمتها من الغرف وهيه قالتلي انها شاؤفة الموت بعيون سليمان و هالشي بيدل انها كانت عم تخطط لقتلو من قبل و عم تنتظر الوقت المناسب لهالشي...المهم عندي انو براءتي ثبتت بالدليل للقاطع و بقي عليي صفي حسابي مع رؤى الي متواعد معها بعد نص ساعة
توجهت للمكان الي متفقين عليه و انتظرتها

رؤى:مرحبا

فارس:اهلين بالخاينة

رؤى:احكي عن حالك قبل ماتحكي عني

فارس:كان فيكي ياحلوة تحكيلي قصتك الخيالية صدقيني كنت تعاطفت معك و سترت عليكي مو احسن ماتكزبي على رجال الشرطة و على اساس سليمان مغتصبك

رؤى:شو عم تخبص انت!!

فارس:اي سكتي سكتي وحاج تستشرفي...رح تطالعي حالك البنت البريئة الي انهضم حقها بالحياة

رؤى:عن شو عم تحكي

فارس:عن علاقت

#خلف_الستار
#بقلم_فيلوفوبيا

#الجزء_الخامس

_اثبتو انو عامر القاتل بالدليل القاطع...كان مبين على هيئو انو مجرم....انا طلعت من هالمعركة خسران
خسرت حبيبتي و خسرت شغلي و خسرت صديقي وائل يلي ماعاد قبل حتى يطلع فيني مجرد نظرة
حسيت حالي وضيع و حقير و مالي قيمة
اتصلت بملك و طلبت شوفها لعل و عسى تقدر تساعدني_

ملك:تفضل عم اسمعك

فارس:شوفي ملك انا حياتي انخربت بسببك

ملك:اي شو كمان

فارس:بدك تصلحي الشي الي صار

ملك:ههههه اتجوزك و استر عليك يعني؟

فارس:يعني بيضي صفحتي ادام الناس قولي شو شربتيني

ملك:و حط اللوم عليي انا!!!مستحيل هالشي

فارس:لك انتي خربتي حياتي!!

ملك:انت الي تجاوبت مع هالشي و كأنك ناطرو

فارس:ملك!!!لا تخلي جناني يطلع

ملك:عندك شي تاني حابب تحكيه؟عن اذنك

فارس:بسيطة ياملك....بسيطة

_سحبت حالها من الموضوع ومشيت.....بس موعليي هالحركات....انا رح اعرف كيف بدي اتصرف معك
مافي شي مالو حل بهالدنيا.....

فارس:اه يا امي....خسرت كل شي بليلة وحدة

ام فارس:قلتلك انتبه....هدول جماعة مو هينين...قلبي كان حاسس ياابني

فارس:شو بدي اعمل...رح افقع راسي رح يفجر من التفكير

ام فارس:مابعرف شو بدك تعمل.....يمكن بعد الي عملتو ماعاد في شي ينعمل

_لمعت براسي فكرة....وقررت نفذها باسرع وقت
هي الفكرة رح ترجع كل شي متل ماكان و ترجع رؤى لحضني و كل شي يرجع منيح....بقيت يومين عم خطط و فكر حتى وصلت للطريقة المثالية لتنفيذ فكرتي_

فارس:الو....ملك....اشتقتلك كتير...حابب شوفك و نكون لوحدنا بالفيلا....انا ندمت لاني حكيتك بهالطريقة مبارح...وحابب عوضك عن هالشي....اصرفي الخدم و خلينا نكون لوحدنا بالفيلا....ساعة و بكون عندك

____________

امين:ياعلي...جبت نتيجة التحليل الي امرت فيه؟

علي:سيدي هلأ رايح استلمو من المخبر الجنائي

امين:مو قادر استنى رايح معك

_دقات قلب امين كانت سريعة بشكل كبير و كان عم يعد خطواتو باتجاه المخبر حتى وصل و اخد نتيجة التحليل و قرأها و عادها مرة و تنين و تلاتة_

امين:لك كنت متأكد!!!!انا كنت متأكد من هالشي!!

علي:شو سيدي

امين:متل ماتوقعنا بالضبط ياعلي....جهز السيارة صار لازم نروح نقبض عالقاتل الحقيقي

علي:دقيقتين و بتكون السيارة جاهزة سيدي

امين:كنت حاسس بهالشي....بس كان بدي دليل ملموس و ليكو الدليل بايدي و مابيكزب...وين رح تهرب مني وييين

_____________

_وصلت سيارات الشرطة عالفيلا بعد ساعتين_

امين:حاوطو المكان بسرعة!!!!مابدي نملة تقدر تطلع من البيت عم تفهمو!!!!

علي:حاضر سيدي

امين:(بعصبية).فوت انت و العناصر انكبو البيت نكب!!مابدي زاوية ماتتفتش...مابدي خيال ماينزاح و ينعرف شو في وراه....يلا!!!!!

_انفتح الباب على مصراعيه....و ظهر من وراه القاتل و حامل بايدو مسدس...بس كأنو مهزوم و تعبان شكلو مو شكل قاتل ابدا_

فارس:مافي داعي تفتشو البيت....هي انا ادامكن...القو القبض عليي

امين:كنت عرفان انو هاد انت....كنت متأكد من هالشي!!!

فارس:و مين غيري؟؟ و مين غيري رح يقتل سليمان؟ و مين غيري رح يقتلو؟مين؟ميييييييين

امين:وين ملك؟

فارس(يبكي)ماقدرت اقتلهاااا...مااااقدرت...ليكها مربطة جوا....ماقدرت اقتلها

امين:ارمي سلاحك بالارض و رفاع ايديك لفوق راسك!!

_رميت المسدس من ايدي و استسلمت و اخدوني رجال الشرطة.....انحطت الكلبشات بايديي و رموني بصندوق السيارة...وبعد 5 دقايق كانو جارين ملك وطالعين من الفيلا و انختمت الفيلا بالشمع الاحمر_

_______________
امين:تفضل....احكي كيف قتلت سليمان

فارس:(تنهدت)قتلتو....اي قتلتو...بس انا ماكان بدي اقتلو....يعني..يعني ليش لاقتلو؟
بس...ملك...اي ملك هي الي حرضتني عليه
بالليلة الي قضيتها مع ملك....حكتلي شغلات كتير....شغلات مابتخطر على بال....تخيل...لك تخيل...طلع مغتصب رؤى!!!
و فوق هيك عم يجبرها تتزوج عامر....بس رؤى خبيثة
اي اي خبيثة!!!خلت عامر يحبها...و كان في علاقة بيناتهن
سليمان كان لازم يموت ويريح البشر منو لااازم
انا....انا ماكنت بوعيي..كانت عم تهمس بادني...كنت عم اسمع صوتها و صداه يتردد بدماغي....لك انا مو مجرم مووووو مجرم...هيه الي كانت مخططة لكل شي
كانت عم تخطط من اول مرة شافتني حتى قدرت توقعني و تخليني اقتلو بعد ما عطتني من حبوبها
نطرت لصارت الساعة 4 الصبح....ملك قالتلي وين غرفة كل واحد بالبيت....اول شي شلحت قميصي و بقيت بالبنطلون بس و رحت لغرفة عامر و اخدت كفوفو الجلد...و بعدها رحت لغرفة وائل و اخدت قناع حاصد الارواح..و بعدها رحت لغرفة رؤى و اخدت الشال..و نزلت للمطبخ اخترت اكتر سكين حادة....و بعدها رحت لغرفة سليمان...مشيت على مهلي وبدون اقل صوت
متل ماقالت ملك الباب كان مقفول....بس...عطتني مفتاح احتياطي...فتحت الباب و دخلت...والقناع على وجهي
كان صاحي!!!!بتتخيل حدا صاحي الساعة 4 الصبح!!!!
حملت السكين....و بسرعة و بحركة خاطفة....حطيت ايدي على تمو و غرزت السكين ببطنو!!!
بس هو....هو كان ق

#حبك_وجع
#بقلم_فيلوفوبيا
#الجزء_الخامس

وهن على وهن....تعب فوق تعب
و ملح فوق الجرح...هيك كانت فترة حملي بابني التاني
يلي ماعرفت جنسو حتى ولدت
بليلة مافيها ضو قمر....البرد شديد...و طارق نايم جنبي و متمسك فيني...شردت و تزكرت حكي جارتي يلي لاول مرة بفتحلا قلبي و بحكيلا قصتي

الجارة:انا لو بمحلك...بخربها على راسهن...عليي وعلى اعدائي و اكتر من اللي صار مارح يصير
روحي لعندهن و احكي كل شي لمرتو...حكيلها حقيقتو خليها تطلب الطلاق...خلي مصيبة توقع بيناتهن
هاد زوجك و هي حياتك و انتي حقك تدافعي عن ممتلكاتك

مع اني ماعندي اسلوب هجومي ابدا لان شخصيتي ضعيفة
بس قررت اخد بكلام جارتي و روح دافع عن ممتلكاتي
دافع عن حياتي و عن زوجي و حبيبي يلي انسرق مني
حملت طارق مع اني كنت بالشهر التامن و تعبانة
دقيت عالجارة و امنتها فيه و اخدت تكسي و رحت لبيت نور بأقصى سرعة
وصلت عالباب و كان المطر مبلش ينزل
استغربت انو البوابة الخارجية مفتوحة...فتت و خطواتي تقيلة و عم اسمعها صوتها عالمي
اضاءة الفيلا كلها شغالة و صوت الموسيقا عالي
سيارات كتير مصفوفة برا ادام الباب
الظاهر في حفلة..مشيت على مهلي لوصلت عالباب
كان مفتوح لاستقبال الضيوف
طلعت حواليي بالناس الي عم تضحك و مبسوطة
دورت عليه بعيوني كتير....حتى لقيتو...واقف معها و حاضن خصرها بايدو و ضحكتهن مالية وجوهن
و الغريب انو نور مو حامل و لا شي
يعني همام كان عم يكزب عليي حتى يماطل مو اكتر
جريت خطواتي حتى صرت مواجهو و دموعي سابقتني
طلع فيني و جفل...و نور استغربت وجودي بهالوقت ببيتها

نور:همام...شوبدها اختك هلأ

همام:ميس شوجابك لهون انتي!!!

ميس:.لك اديش انتي غبية

همام:ميس!!!!

نور:مابسمحلك تطاولي وليه

ميس:(حكيت بصوت عالي حتى وقفت الموسيقى و الكل تجمع حوالينا ليعرف شو في)لا بدك تسمحيلي!!!!!!!
بدك تسمحيليييي!!!!

همام:(بعصبية)ميس روحي عالبيت هلأ بعدين منتفاهم!!

ميس:(صرخت)و انت كمان بدك تسمحلي!!!!
ياااااا حبيبي

نور:حبيبك!!

ميس:لك اي حبيبي!!!!لك اييييي....هااااد زوجي...لك زووووجي يلي سرقتي مني يامدام....يلي اخدتيه من حضن مرتو و ابنو....لك هااااد زوجي انا...هاد حقي انا مو حقك انتي

نور:شو عم تحكي هي همام

همام:ميس شو عم تخبصي!!!بترجاكي سكتي

ميس:لك كل شي توقعتو منك ياهمام....بس انك تكون واطي لهالدرجة !!!

نور:عن شو عم تحكي هي همام!!!صحيح انت زوجها!احكي لك انطق انت متزوجها

همام:اي نعم....ميس بتكون مرتي..وطارق ابني و اللي ببطنها ابني كمان

ميس:سمعي ياست نور....و سمعوني كلكن...هاد الشب ابن ال29سنة
يلي عم تتفاخر فيه بنت الاربعين سنة نور خانم
هاد بيكون زوجي انا....خطفتو مني...و تزوجتو...وعطتو مصاري مابتاكلا النيران...حتى تحطو خاتم باصبعها
هاد الشب تخلا عني...وعن ابنو...و عن اللي ببطني كرمال طمعو بمصاري هي الست
هاد الشب...انا حبيتو(تبكي)لك اي حبيتو...و تركت اهلي كرمالو...بس هو رماني كرمال المصاري
و انا هﻻ جاية لهون لاخد حقي....لرجع زوجي لبيتو

نور:والله العظيم....اقسم بالله لخليكي تندمي عاللحظة الي دستي فيها بيتي....و همام زوجي...حملي حالك و نقلعي يلا

_طلعت بعيون همام.....استنجد فيه...دور عالحب...دور على اي ذرة مشاعر تنقذني...طلعت فيه و انا عم اترجاه يمسك ايدي و يهرب.._

همام:نور!!!!!متل ماانتي مرتي هيه مرتي من قبلك...و لاتنسي انو هاد البيت بيتي انا...و انا الي بقرر مين بيبقى و مين بيمشي...و اذا ميس رح تطلع من هون فأنا طالع قبلها وماعاد ارجع فهمتي!!!

نور:بسيطة...انا بورجيكي...والله لاحرق قلبك..و الله لانتقم منك ياميس خانم انا بورجيكن

مسك ايدي همام و طلعنا ادام الناس من البيت
رغم انو دافع عني بس بعد شو!!
عالاقل رد اعتباري شوي ادام نور...بس هالشي ماغفرلو عندي
حملت خيبتي و كسرتي و دموعي و وجعي و طلعت
كسرتني نظرات الناس الي....الاحتقار و الشفقة
كسروني....حسيت الكون بلحظة وحدة تآمر ضدي...حتى الي ببطني...تآمر مع الكون عليي او يمكن كان بدو يطلع يدافع عني
انتفض جواتي...حسيت ضهري انقسم نصين و صرخت صوت دوى بالدنيا
ما اكتفى و انتفض مرة تانية وقعت عالارض من شدة الوجع...و ماحسيت الا على ايدين همام عم يحملوني و يحطوني بالسيارة و غبت عن الدنيا_

________________

_باليوم التالي_

طارق:اي سارة اعتبري البيت بيتك

سارة:اكيد استاذ

ريما:مابدي وصيكي..ديري بالك عليها

سارة:بعيوني

ريما:طيب يلا بخاطرك مرت عمي

طارق:بخاطرك امي

ميس:الله معكن حبايب قلبي...الله معكن

_طلعت بسارة بعد ماراحو و تأملتها...تأملتها منيح
و قارنتها مع الصورة الي مطبوعة بذهني...او خيال الصورة
ابتسمتلا و طلبت من مديحة تحضرلنا فطور و طلعنا عالحديقة_

سارة:ماشالله بيتكن حلو كتير

ميس:انتي الحلوة

سارة:تسلمي خالة

ميس:حكيلي عن حياتك...اعتبريني صديقتك و حكيلي

سارة:(شبكت اصابعها ببعض ونزلت راسها و تنهدت)
انا وحيدة لاهلي....ربيت وحيدة كل عمري..امي بتحبني كتير و

#حبك_وجع
#بقلم_فيلوفوبيا
#الجزء_السادس

_اصوات عم تظهر و تغيب....ولادة مبكرة...عملية قيصرية....الطفل وضعو صعب..صدى صوت همام
حولوها عالعمليات بسرعة!!!!
مابعرف اديش بقيت غايبة عن الدنيا...بس لما صحيت لقيت همام جنبي
كان شكلو حزين و مهموم...

ميس:اااه

همام:شو صحيتي ميس!!

ميس:تعبانة كتير

همام:سلامتك ياعمري سلامتك

ميس:وينو طارق

همام:عند الجارة هو منيح ماتخافي عليه

_مديت ايدي بصعوبة و لمست بطني_

ميس:ابني....ابني وين!

همام:ولدتي ولادة مبكرة

ميس:و ابني!!!

همام:قصدك بنتك....ليكها بالحاضنة...الرئتين مو مكتملين

ميس:يعني بنتي رح تموت!!!

همام:لا......مارح تموت تطمني...هيه منيحة بس بدا فترة ليكبرو الرئتين عندا

ميس:(تبكي)الحمدلله...الحمدلله

همام:فيني اعرف شو هالجنان يلي عملتي؟

ميس:_____

همام:عم احكي معك ياريت تردي

ميس:اذا بتريد انا تعبانة و موقادرة اخد و اعطي

همام:بتعرفي انك خربتي الدنيا!!!و انو نور جانن جنانها
بعد ماحضرتك كشفتيلا اني متزوجك....و بتعرفي اني رح اتركها جانة و ابقى عندك

ميس:لا تبقى عندي...مابدي ياك...مابدي عيش هاد الدور انك زوج تنتين...مابدي ياها هالفكرة..روح لعندا..هديها و روقها

همام:شو عم تحكي! عم تمزحي!!!

ميس:لاوالله...روح لعند نور خانم روقها وتركني انا بعرف دبر اموري

همام(بصعبية)انتي خلص مخك وقف...ماعاد تعرفي تفكري و لاتحكي...مافي مجال للتفاهم معك بالمرة...انا رايح و بس تقرري تفتحي مخك حاكيني لنتفاهم

قام و مشي ولا همو كل شي عم يصير فيني
كل الالم و الوجع الي جواتي....كل الحرقة الي بقلبي مو هاممتو...لما وصل عالباب ماقدرت اتمالك حالي و حاكيتو و ودموعي عم تخنقني.......

ميس:سرقتك مني بوضح النهار.....ادام عيوني سرقتك من قلب قلبي....حرقت قلبي...وحرقت اعصابي
حرمتني منك ايام و ليالي طويلة...حرمتني الدفى بغيابك....عطرك بس اللي بقيلي منك
اللي كاسرني و اللي حارق قلبي...انك رضيان... و انك بايديك سلمتها حالك
و سلمتها روحي لتحكم عليها بالاعدام...بدون اي شفقة منك او رحمة
انت الي....هيك كنت مفكرة...بس انت اثبت العكس
انت لرغباتك و لاهدافك و لطمعك...مو الي
بعد كل الحب الي قدمتلك ياه...صرت مجرد عقبة بطريق سعادتك انت و مرتك
و انا؟؟؟؟انا ام ولادك....انا الي كنت حبيبتك صرت ولاشي...انت قتلتني همام....قتلت قلبي و دعست على روحي....روح لعندا...انا ماقدمتلك شي...بس هي قدمتلك الدنيا على طبق من دهب
و انا تركت الدنيا و ركدت وراك

برم وجهو الي و عيونو عم تدمع وحكا معي بصوت مبحوح و تعبان

همام:انا بعمري ماكرهتك...بعمري ماتخليت عنك...شوبعمل اذا ماعم تفهمي ليش هيك عملت...انا بدي تتصلح الامور بيناتنا و مالي سائل على نور من اساسها
انتي الي بتهميني انتي

ميس:انت تخليت عني....تخلييييت عني ادام كل الناس
انت هنتني كرمالا...ضربتني كرمالا...انت تخليت عني همام تخليت عني والله تخليت..والله تخليت

بكيت من قلبي بحرقة...كل شي فيني عم يوجعني
كل شي فيني مكسور و حزين ....غطيت وجهي بايديي و بكيييت...حتى ماضل بعيوني دموع
وهو فتح الباب و طلع و تركني وراه للحزن و للدموع تقتلني
________________
_نقرت الباب مسحت دموعي بسرعة و قلتلا تتفضل_

سارة:كيفك اليوم

ميس:الحمدلله منيحة بشوفتك

سارة:بكرا جايين طارق و ريما

ميس:يعني ماعاد شوفك

سارة:مبلا....رح اجي زورك كل فترة...انا كتير حبيتك وحسيتك متل امي

ميس:و انا حبيتك و حسيتك متل بنتي

سارة:شو عم تكتبي!

ميس:هي مذكراتي...يعني قصة حياتي متل مابيقولو

سارة:حلو....وليش عم تكتبيها؟

ميس:لان في حدا لازم يقرأها

سارة:امممم

ميس:شو رأيك تنامي عندي اليوم

سارة:مابقدر والله امي تعبانة و مافيني اتركها لوحدا

ميس(بلعت الغصة الي بصدري)امك....طيب سلميلي عليها

سارة:امشي نقعد بالحديقة و نتسلا شوي

ميس:لا....تعالي رح ورجيكي صورنا انا وطارق

سارة:عنجد!...ورجيني يلا

_طالعت البوم صورنا من الالبوم وفتحت على اول صورة_

ميس:هي انا و ابو طارق

سارة:يا الله شوكنتي حلوة..مو معقول الشبه بين طارق و ابوه

ميس:بهي الصورة كان عمر ابو طارق من جيل
طارق هلأ..بأخر العشرينات

سارة:و هي مين فيها؟

ميس:انا و طارق على ايدي

سارة:مع انو الصورة قديمة بس جمالك واضح كتير فيها

ميس:كان همام يقول اني كتير حلوة

سارة:همام؟؟

ميس:ابو طارق بقصد

سارة:كنتو تحبو بعض؟

ميس:اخدنا بعض عن حب....و تركت اهلي كرمالو..حبيتو اكتر من حالي...وهو كان يحبني كمان

سارة:اديش كان عمرو وقت توفى؟؟

ميس:ااااه(تنهدت)...29 سنة

سارة:ياحرام...صغير

ميس:اي...صغير..

سارة:انا اسفة اذا بكيتك

ميس(مسحت دموعي)...عادي...البكا صار من طقوسي اليومية بعد موت همام

سارة:الفراق صعب...كتير صعب...مابتخيل حالي فارق حدا و خاصة امي...مابتخيل انها رح تتركني بيوم وماتعود موجودة...امي هيه الي مهونة عليي حياتي الصعبة
بحنيتها و عطفها عليي....مابقدر اتخيل حياتي من دونها ابدا

ميس:الله يخل

#وتر
#بقلم_فيلوفوبيا
#الجزء_الثاني
@rwayate
مها:هاي روح
روح:اهلين حبيبتي
سنا:كيفك يا روحي
روح:ههههه
سنا:بتعرفي شو ؟؟
روح:لا مابعرف
سنا:نيالك بكرا بس تحبي حدا بيناديلك يا روحي...بيكون ضرب 3 عصافير بحجير
روح:ههههه وشو هنه؟
سنا:دلع و غزل و ياء الملكية لاسمك
روح:يا سلاااام...محظوظة انا
مها:على فكرة انتي تفكيرك سطحي سنا
سنا:وليش بقا؟
مها:لانو يلي بدو يحب روح مارح يحتاج غزل ولا دلع....هو لازم بس ينطق اسمها يحس انو روحو يلي تحركت من جوا....يلي بدو يحبها لازم يكون انسان كتير حساس
سنا:الله الله(صفقتلا باستهزاء)ماااعم اعرفك يا رومنسية انتي
روح:ههههه...خلص انتو التنتين...بدك ماجدة خانم تسمعكن عم تحكو هالحكي هاد الله اعلم اديش كانت رح تعصب
مها:معها حق....لانو نحنا صغار على هيك حكي
روح:ماقلتلولي مين ضيفكن المميز اليوم؟؟
سنا:خالي نادر
روح:خالك؟ماكنت بعرف انو عندكن خوال
مها:اي هاد خالي الوحيد...عايش ببيروت وجاية زيارة لهون
روح:حلو معناها انتو متحمسين لشوفتو
سنا:شي اكيد
روح:لكن خلينا نلحق ندرس قبل مايصير موعد جيتو
_درست البنات مدة ساعتين و بعدين كل وحدة اتجهت لغرفتها لتغير تيابها وتجهز و انا توجهت للمكتبة لاختار كتاب اقرأو و اتسلى فيه..._
ماجدة:كيفك روح
روح:اهلين ست ماجدة
ماجدة:الخدم جهزو الغدا؟
روح:اي كل شي جاهز و البنات بغرفهن عم يلبسو
ماجدة:تمام
روح:مدام سمحيلي اسأل مين الضيف المهم؟
ماجدة:اخي...جاية من السفر...صرلي زمان ماشفتو
روح:طيب
ماجدة:رح تبقي عنا ...في ضيف تاني جاية كمان
روح:مين؟
ماجدة:عادل...محامي الشركة...بدو يجي يتغدا عنا
روح:طيب
ماجدة:رح اطلع جهز حالي انا
روح:خدي راحتك
_يمكن اسمي خلا عندي حساسية زايدة لارواح الناس
حسيت عليها كيف مرتبكة و كأنها بنت مراهقة وجاية حبيبها يزورها بعد غياب
فرحتلها لانو بشوف انو من حقها تحب و تنحب
رحت لشوف مظهري عالمراية الي بالصالون
تأملت شكلي من فوق لتحت....بنت...نحيفة..ببشرة بيضا و عيون عسليات...شعري المموج بلونو العسلي
و طولي الي مابيتجاوز ال160....ماعندي اي غرور بجمالي بالعكس...بحياتي ماحسيت بهالجمال لانو همومي كانت بتتجاوزو.....وانا عم اتأمل حالي رن جرس البيت و فتحت الخادمة وكانت عم تأهل وتسهل بأخو ماجدة خانم_
الخادمة:روح...الست ماجدة بتقلك اهتمي بالضيف بينما تجهز هيه وتنزل
روح:اوك
_اخدت نفس ومشيت باتجاه غرفة الضيوف انصدمت وقت شفت كمان محطوط بعلبتو عالكنباية وصاحب الكمان واقف و عاطي ضهرو للباب....حاولت اتمالك حالي و سيطر على افكاري..._
روح:احم...اهلا و سهلا
_التفت لعندي و رفع حاجبو باستغراب...و هون شكوكي تأكدت...اخو ماجدة هو نفسو عازف الكمان تبع مبارح_
نادر:اهلين فيكي...مين حضرتك
_تسارعو دقات قلبي و وجهي احمر و عبق...حسيت بالرجفة عم تمشي بعروقي....و رجع شريط عزفو مبارح ينعاد بذاكرتي...مابعرف كيف تمالكت اعصابي و رديت عليه_
روح:احم......انا روح...المربية تبع البنات
نادر:روح؟؟؟اسم غريب
روح(ابتسمت بخجل)الكل هيك بيقول
نادر:شي اكيد...انا نادر اخوها للست...ياريت تناديها و تنادي البنات
روح:الست ماجدة شوي و بتكون عندك
نادر:تمام(رجع التفت للشباك)
روح:احم....انت....بقصد...حضرتك...بتعزف كتير حلو
نادر:(ابتسامة باهتة)الكل هيك بيقول
روح:هه شي اكيد
_مابعرف اذا كان مغرور او شايف حالو....بس احساسي كان بيقول انو حزين....تقاسيم وجهو....نظراتو الشاحبة و ابتسامتو المزيفة...كانو بيحكو حكاية حزن مخباية جواتو._
ماجدة:اهلا وسهلا....اهلين ياعمري نورت
نادر:بوجودك اختي
ماجدة:تؤبرني شو مشتاقتلك
نادر:انا بالاكتر...شو وين البنات
ماجدة:روح من فضلك نادي للبنات
روح:حاضر ست ماجدة
_على طاولة الغدا_
ماجدة:رجاءا تنطرو شوي عم استنا ضيف
نادر:ومين هالضيف اختي
ماجدة:محامي الشركة...عزمتو عالغدا و بدنا نناقش كم قصة بعد الغدا
نادر:شي حلو
ماجدة:(بارتباك)اخي انا...
نادر:ماجدة!!هي حياتك و انتي حرة انا مالي علاقة
_رن جرس البيت ودخل عامر_
عادل:نشالله ماكون تأخرت عليكن
ماجدة(بابتسامة دافية)لا ابدا تفضل
_راقبت تفاصيلهن كلن....بس تركيزي كان معظمو على نادر...كان جذاب بشكل رهيب...عيونو السود عم يقدحو شرر...بشرتو حنطية مع غمازة على خدو اليسار و ابتسامتو رغم انها مزيفة بس جذابة كتير...شكل حواجبو متل السيوف و شعرو اسود و سابل و مرفوع لفوق بطريقة عصرية دقنو خفيفة وعروق ايديه بارزين تيابو كانو سبور شيك و انيق...ريحة عطرو عبقت بالبيت كلو
بشكل لا ارادي انجذبت تجاهو...حسيت في قوة رهيبة عم تشدني الو...و اكيد هو لاحظ نظراتي...بس مو بايدي
و بعتقد انو هاد بيسموه حب!!_
_باليوم التالي_
مها:يعني ماعم افهم شو الو شغل عنا هاد عادل
سنا:شو بدك فيهن انتي ؟محامي و جاية بشغل شو خصك
مها:ماشفتي نظراتو لامك كيف!!
سنا:عادي...ماما حلوة و اي رجال ممكن يعجب فيها
مها:يعني ماعندك مشكلة انو رجال يعجب بامك!!
سنا:لا وين المشكلة
مها:لك ...سكتي خلص
روح:خلص يابنات ليش الخناق هلأ

#وتر
#بقلم_فيلوفوبيا
#الجزء_الثالث
@rwayate
الجزء الثالث

نادر:مرحبا

مها:يؤبرررني جمالو الحلوو

سنا:و اخيرا جبتو لعناا....تعال ياعمري انت

نادر:هههه طولو بالكن عالصبي نايم

مها:اي هاتو بدنا نفيقو يؤبرني شو كبران

سنا:تعالي روح....تعالي شوفي ابن خالي شوحلو يؤبر قلبي

نادر:هه يلا هتمو فيه انا عندي شغل بدي اقضيه وبرجع

مها:ماتاكل هم روح هون وهيه بتعرف تنتبه الو

نادر:فيني اعتمد عليكي انسة روح؟؟

_ماكنت فايقة من صدمتي بشوفتو فايت وحامل ابنو الصغير بالكرسي تبعو....ليصدمني مرة تانية و يطلب مني انتبه عليه....قلبي كان رح يوقف و بلش الحزن يتسلل لجواتي...اخدت نفس و طلعت فيه وابتسمت_

روح:ماتاكل هم...انا بنتبه الو...بس بعد اذنك ماتتأخر لان لازم روح على البيت

نادر:لا لا ساعة بالكتير بس في شي مهم بدي اعملو و برجع

روح:(ابتسمت ابتسامة باهتة)ماتاكل هم

نادر:تفضلي هي الشنتة فيها غراضو

روح:اوك

نادر:طيب....بالاذن

_قربت من البيبي شوي شوي....كان نايم متل الملاك
و مجرد ماشفتو حسيت انو الله القى محبتو بقلبي....حملتو بين ايديي و كأنو ابني وعم احملو لاول مرة...كان صغير...حلو...بشرتو ناعمة و بيضا متل التلج
رموش عيونو طوال وسود و خدودو متل التفاح_

مها:حلو كتير موهيك

روح:كتير....شو اسمو؟؟

مها:تيم

سنا:ريان

روح:تيم و لا ريان؟

مها:بعمرك مارح تركزي انتي...اسمو تيم...امو كانت مسميتو ريان بس خالي غير اسمو لتيم

روح:احم....خالك متزوج؟

مها:(ارتبكت و اصطنعت الابتسامة)مطلق

روح: و ام تيم وينها؟

مها:سافرت

روح:اممممم

سنا:عطيني ياه احملو شوي

روح:تفضلي.....اديش عمرو تيم

مها:ست شهور

روح:ياعمري....صغير لسا ليعيش بدون امو

مها:(رفعت كتافها و لوت شفافها)هيك صار

سنا:روح انتي بتعرفي تهتمي فيه مو هيك

روح:ههه طبعا....ما انا دارسة تربية

سنا:دخييييلو الحلو
_______________________________

_بعد ايام كنا قاعدين بصالة البيت و تيم نايم بحضني و نادر برات البيت.....ماجدة رايحة و جاية بقلق بالبيت
دقايق و اندق الباب ومع فوتة نادر نزلت مها عالدرج عم تبكي و حضنت نادر_

ماجدة:تأخرت الضيوف على وصول

نادر:كان عندي بروفا....شبكي خالو...ليش هيك مقهورة

مها(صرخت)بدهااا تتزوجوووو.....بدها تنخطب و تتزوج

نادر:يامها موحكينا بهالموضوع و اتفقنا انو امك حرة بحياتها

مها(صرخت على امها)مااالك حرة...عم تسمعيني ماالك حرة...مارح تتزوجي لهاد الزلمة...مو بوجودي بهالبيت ابداااا عم تفهمي

ماجدة:حبيبتي مها بترجاكي فهميني....انا....انا عشت عمري وحيدة...من حقي لاقي كتف استند عليه بكبرتي...من حقي يكون عندي حدا يهتم فيكي

مها:لاااا....انتي من حقك تهتمي فينا و بس....انتي واجبك تربينا و تكبرينا...مو من حقك تجيبي رجال غريب على هالبيت و تخلي ياخد مكان بابا ممووووو من حقك

ماجدة:ماحدا بياخد مكانو بس انا تعبت....تعبت و الله تعبت

نادر:خلصنا مها....فرطيها هلأ....خلينا نكتب الكتاب و بعد مايروحو الجماعة منحكي

مها:ماااارح ينكتب شي....انتي مارح تتزوجي هاد الزلمة...عم تفهمي مارح تتزوجي

نادر:اوووف....روح حكيلك كلمة مع مها

_قمت من مكاني و حطيت تيم بالكرسي تبعو و رحت لعند مها مسكت ايدها لنقعد على جنب و نحكي...بس حضنتني وصارت تبكي اكتر_

مها:(تبكي)بترجاكي ياروح لاتخلي ماما تتزوج هاد الزلمة مشاان الله

روح:خلص ياعمري...اهدي شوي مابيصير هيك

مها:مابدي امي تتزوج

روح:(مسحت دموعها و رفعت شعرا عن وجها)
مارح تتزوج هلأ....رح يخطبو بس خطبة واذا شافتو مو مناسب الك و لسنا رح تتركو فورا...امك عندا راحتكن بالدنيا كلها ومارح تترك شي يدايقكن

ماجدة:عندي راحتكن قبل راحتي....بس خليني عيش يومين بسعادة

مها:المفروض سعادتك تكون معنا و بس

ماجدة:خلص انا مابقا اقدر ناقشها...روح خديها لغرفتا و هديها

روح:حاضر ست ماجدة....تعالي مها لنحكي فوق

مها(غصت و حكت بصوت مكسور)مارح سامحك ماما مارح سامحك

نادر:معلش اذا جبتلك تيم روح؟كرمال مايبكي ادام الضيوف

روح:اكيد...انا رح اسند مها عالدرج...حملو انت و طالعلي ياه

نادر:اوك

_بغرفة مها....رمت مها حالها عالتخت و رجعت تبكي...قعدت جنبها و طبطبت عليها دقايق و انفتح الباب و دخل نادر و حط تيم عالكنباية الي مواجه التخت....قامت مها فجأة و طلعت فيني كيف عم طلع بنادر وهو طالع و بس طلع حكت معي_

مها:انتي كمان!!!

روح:شو انا

مها:انتي كمان بدك تحبي و تنحبي و تتركينا

روح:عن شو عم تحكي

مها:بدك تتركيني شي يوم؟

روح:(بارتباك)ههه انا!!

مها:اي انتي

روح:انا مالي بقيانتلك لاخر عمرك...انتي سنة تانية ومارح تحتاجيني

مها:انا بدي ياكي تبقي معي على طول

روح:حاضر رح ابقى معك على طول

مها:سمعيني.....انا بدي اطلع مع خالي على بيروت...بدي عيش عندو....مافيني شوف رجال غريب فايت على بيتنا

روح:ليش خالك ايمتا مسافر

مها:بعد يومين....بدي ياكي تروحي معي

روح:بس انا مابقدر

#رفقة_عمر
#بقلم_فيلوفوبيا
#الجزء_الاول

الصديق:
انسان معك كيف ماكنت و كيف مافكرت و وين ماتوجهت
الصديق:
اكبر نعمة بتخليك تحس بقيمة الحياة يلي انت عايشها لان هو موجود فيها
الصديق:
ممكن تختصر فيه معاني الحب....السند...القوة...الفرح...البهجة...كل شي حلو بالدنيا...ممكن يتجسد على هيئة#صديق

#الجزء_الاول

ديمة:ههههههه لا هيك كتير كتير حرام عليكي تركي الزلمة بحالو

هبة:خلص ولووو تركينا عم نتسلى...ستني ستني رح عيطلو مرة تانية تخبي(صرخت)نووووووور الدييييييين!!

(تخبو بسرعة تحت الشباك كرمال ما يشوفهن وقت يرفع راسو و فرطو ضحك هن التنتين)

ديمة:الله لايوفقك و الله اذا مننلقط الغضب رح ينزل علينا

هبة:لك مين رح يحس يعني المهم نتحركش الاستاذ فلتة زمانو يؤبرقلبي شو حلووو

ديمة:هبة سكتي لاتحكي هيك بغار

هبة:بالله شو ليش هو الك لحالك مانحنا اتفقنا نكون ضراير يعني بالنص الي و الك

ديمة:المهم مايفرقنا شي

هبة:هااااد المهم

(حطت هبة راسها على كتف ديمة و ضحكو والاستاذ نور الدين لسا عم يفتش عاللي عم يصرخ باسمو من ساعة
ديمة و هبة....صديقتين من الطفولة...خلقو بنفس اليوم و تربو سوا و كبرو و درسو و نجحو و رسبو و ضحكو و بكيو سوا...حتى لما حبو...حبو نفس الشخص..استاذهن بكلية الفنون...نور الدين...يلي اتفقو يصيرو ضراير ولا يفرقهن رجال!)

ديمة:وين بدنا نروح اليوم

هبة:تروحي عالحميدية؟مناكل بوظة و منتمشى و منتغالظ عالبياعين؟(غمزتها)

ديمة:والله امي بتشلني ماتعرف اني عم اهرب من الجامعة و روح صيع معك

هبة:اي مارح تعرف مين رح يقلا...المهم حضرنا محاضرة الاستاذ الحلو و بس

ديمة:اي مامعي مصاري اشتري شي

هبة:امشي انا بعطيكي ليش ايمتا كان معك مصاري انتي؟طول عمري بصرف عليكي

ديمة:اي لانو انا فقيرة

هبة:اي

ديمة:وبشتغل خدامة

هبة:اي بعرف

ديمة:وانتي بتشحديني تيابك

هبة:هههههههه اي اي بعرف بالعلامة ليكك لابستيهن

ديمة:وبتصرفي عليي وبتطعميني زوايد الاكل تبعكن

هبة:هههههههه

(قعدت ديمة فجأة عالرصيف ومدت ايدها و بلشت تعمل حالها عم تشحد)

ديمة:من ماااال الله يامحسنين...صدقة قليلة بتدفع بلاوي كتيرة من ماااال الله

هبة:ههههههههههه ولي عليكي قومي قومي فضحتينا

ديمة:تركيني تركيني اشحد...من مال الله...عطوني الله يعطيكن

هبة:لك قومي بلا جنانك هلأ

ديمة:من ماااال الله

(فجأة اجا شخص طويل وحامل شنتة اوراق بايدو طلعت فيه ديمة و هبة من تحت لفوق...طالع من جيبو مصاري و عطاهن لديمة و ارتفع وفتل ضهرو ليمشي)

هبة(شهقت)الله لا يوفقك اي قومي قومي نلحقو

ديمة:ولي.....استاذ..استاذ وقف شوي الله يخليك

هبة:استاذ...اذا بتريد وقف شوي

(وقف و فتل وجهو لعند البنتين وشال النضارة عن عيونو)

ديمة:الله وكيلك عم نمزح لاتفكرني شحادة

هبة:اي استاذ كنا متشارطين و هيه خسرت الشرط و انا طلبت منها تعمل هيك

نورالدين:برأيكن....صح انو تنتين بنات واقفين بنص الشارع و على عينك ياتاجر عم تشحدو!!!!!!هاد و انتو بنات عائلات وهيك...كيف ماتكونو بنات شوارع!

ديمة:القصة كلا مزحة استاذ الله وكيلك مجرد مزحة

نورالدين:يعني بتنزعي صورتك بنظر الناس كرمال تمزحي مزحة!هلأ يلي شافوكي عم تشحدي...بكرا وقت يشوفوكي فايتة عالجامعة رح يقولو فايتة تشحد من طلاب الجامعة موفايتة تدرس

ديمة:انا والله ماقصدت هيه كانت لحظة طيش

نورالدين:مابهمني ان كانت لحظة طيش او غيرو بهمني تراعي نظرة الناس الك وماتشوهي صورتك بالمجتمع

ديمة:حاضر استاذ

نورالدين:وياريت انتو التنتين تهتمو اكتر بدراستكن

هبة و ديمة:حاضر استاذ

نورالدين:يلا سلام

(بعد ماراح)

هبة:عجبك هيك هي خليتي الاستاذ ياخد عنا فكرة غلط

ديمة:لك خلص شو بعرف انو رح يجي بهاللحظة انا

هبة:امشي عالبيت ماعاد الي مزاج اعمل شي

ديمة:ولا انا خلينا ناخد باص

(وقفت سيارة راكب فيها شب فتح البلور نزل نضارتو و حكا مع البنات)

بشار: شو ياحلو لازمك توصيلة

هبة:انقلع من هون بشار مالي ناقصتك

بشار:لك شبنا خدي و عطي

هبة:قلتلك انقلع قبل مالم الناس عليك

بشار:بكرا بتندم ياحلو

هبة:يحلا وبرك نقلع

بشار:اي ماشي بسيطة..سلاااام

ديمة:ماكنتي تخلصي منو لهالبطيخ

هبة:لك شبعرفني ماكان يحل عني الف مرة فهمتو يتركني بحالي ومافهم

ديمة:بكرا منلاقي حل سوا امشي هلأ نروح عبيوتنا ومنفكر بشي حل عالطريق

(وصلو كل وحدة على بيتها ولما دخلت هبة على غرفتها اجاها اتصال من رقم خاص)

هبة:الو...مين معي

مجهول:كيفك

هبة:منيحة مين

مجهول:مومهم مين المهم انتي كيفك

هبة:قلتلك منيحة مين انت

مجهول:انا حدا بيعرف كل شي عن حياتك شو اسمك وشو بتحبي وشو بتكرهي وين ساكنة ومين اعز رفقاتك كل شي عنك انا بعرفو

هبة:شوبدك مني

مجهول:لسا مافكرت شوبدي منك بس مبدأيا" بدي منك تسمعيني

هبة:شو بدي اسمع منك

مجهول:اوعى تفكري تخبري اي انسان عني هي واحد اما تنين بدي كل ما اتصلت فيكي تردي عليي وتحكي معي و الا بئذيكي و بئذي ديمة معك فهمتي

هبة:(بارتباك)شو دخل