📚قصص||روايات||منوعة📚

سارة : بس صعب كتير , انت متزوج و انا كنت رح كون خطيبة اخوك و رح توقع بمشاكل كتير مع اهلك و فوق كل هيدا اانا ما بناسبك , صح , هيدا يلي بدك تقولو
فادي: لا لا ما هيدا يلي كنت بدي قولو مع انو فكرت فيه بس ما اخد من تفكيري كتير انا كبير و واعي و بعرف شو بدي و كيف اخد يلي بدي اياه بدون ما اسال على راي حدا , بس كنت بدي قول انو كان يلي موقفني عن أي خطوة هو انت و انو ما تكوني عم تبادليني نفس الشعور
سارة : .........
فادي : ما عندك تعليق على هالحكي ؟
سارة : عندي ايه تزوجني
.........................................

ت على عيونو لحسام  وقتها كانو عم يلعمو و كان فيهن دمع و حسيتو عم يترجاني لأقول اني بدي اياه

حسيت بوقتها انو انا بملك قوة كتير كبيره و كنت عارف بأنو هو رح يوقف جنبي و ما رح يتخلى عني

ندى:اه بابا انا ما بدي ابن عمي انا بحبو لحسام و بدي اياه

و بهداك الوقت ما لقيت إلا عمي قرب لعندي و ضربني كف و قعد يعلي بصوتو:هاد الشي ما بصير يا ابو ندى انت حكيت كلمتك و انو ندى لابني و اليوم خطبتهم و ما في شي رح يتغير  

سكت بابا شي خمس دقايق تقريبا و قال لحسام : اسمع يا ابني انا اعطيت كلمه لأخي الكبير و ما بقدر اتراجع عنها لهيك انت لازم تنسى بنتي و تفضل اذا حبيت تحضر الخطبه أو مع السلامه.

 بوقتها حسيت كل البواب تسكرت بوجهي و ما عاد فيني اعمل اي شي و حسام ضل واقف و كانت عيونو عم يترجوني لابقى معو لحد ما حكالو ابوي: لو سمحت يا ابني ما بدي حدا يعرف بالشي اللي صار لانو سمعة بنتي بتهمني و انا بعرف انو هي بتهمك و لحظتها حسام تركنا كلنا و راح و حتى انا تركني وراه بدون ما يودعني حتى و مرقت فترة كتير طويله لحتى عرفت شي عنو بس بهاي الفترة انا كنت عروس لابن عمي أحمد و مرق 3 شهور على زواجنا قدمت كل شي لأحمد و قمت بكل واجباتي لزوجي بس ما قدرت قدملو الحب لانو انا ما قدرت بلحظه اني أنسى حبي الأول بس أحمد كان يعاملني بطريقه كتير منيحه و كان يضل يقلي انو هو رح يستنى اليوم اللي  انا أنسى فيه حسام و أحبه لإلو بس كل شي تغير من هداك اليوم اللي رجع فيه أحمد على البيت فات علي كنت عم حضر الغدا

احمد:خلص بكفي كذب عامله حالك انك كل الشرف و الأخلاق صدقيني لانتقم عن كل اللي عملتي فيني

ندى:أحمد انا ما بسمحلك تهيني فهمني شو فيه

احمد:عامله حالك ما بتعرفي شي خلص انا ما عاد اسمحلك تخدعيني اكتر من هيك صبرت عليك كتير و انا عم استنى اليوم اللي تقدميلي فيه الحب و كنت ساكت بس انو تخونيني لا ما رح اسكت

ندى:انت شو عم تحكي مين اللي عم يلعب براسك و عم يقولك هاد الحكي

احمد:لا يا ندى ما حدا كان يلعب فيه غيرك انت انا قدمتلك كل الحب و هاد بكون جزائي الخيانه

ندى:طيب انت فهمني من وين جبت هالحكي

احمد:حاضر رح فهمك دكانة حسام اللي جنب البيت الها 3 شهور مسكره ليش حسام ليجي يفتحها هلا مشان حضرتك مو هيك مشان تشوفو بعض و أنت فايته و انت طالعه مو هيك

ندى:لا انت اكيد جنيت انا مستحيل اعمل هيك شي انا هلأ صرت متزوجه و ما بفكر مجرد تفكير اني خونو لزوجي لك أحمد انا مستحيل اني خونك بترجاك صدقني

بوقتها طلع أحمد من البيت و تركني لحالي عم ابكي حبي القديم الحب اللي انسرق مني اللي سرقو عمي و ابي و أحمد و هلا حسام هون جنبي و ما عاد اقدر أوصلو ما بقدر شوفو أو احكي معو يا رب انا ضايعه كون معي

و بعد ساعتين وصل أحمد على البيت اجا و شدني من شعري:أخ أحمد عم بتوجعني

احمد:انا خفت أكون ظالمك بس انا كنت عند حسام و طلبت منو يسكر دكانتو و يروح على مكان تاني بس ما رضي طبعا مشان يشوفك بس انا رح فرجيك انت وياه

و من يومها ما عاد أحمد اللي بعرفه تغير علي كتير صار يبهدلني و يعلي صوته علي و أوقات كان يضربني و انا كنت صابرة و ما كنت بدي ارجع على بيت أهلي و أطلق لحتى أحافظ على سمعتهم و هيك مرت الأيام و العلاقه بيني و بين أحمد صارت أسوء و منعني اطلع من البيت و انا حاولت فهمو اكتر من مرة بس هو ما كان يسمعلي أو يحاول انو يفهم لحد ما اجا اليوم اللي عرفت فيه اني حامل بوقتها كان عندي أمل بأنو هالولد يصلح العلاقه اللي بيني و بين أحمد ضليت استنى لحد ما روح و خبرتو اني حامل وقتها رماني بالأرض و قلي انا ما بدي منك ولاد ناقصني تجيني بنت متلك خاينه و ضل يضربني لوقت ما صرت انزف و هو طلع من الدار و انا اتصلت على أهلي ليجو يوخدوني و أجو و نقلوني على المشفى و الأطباء خبرونا بانو الولد مات و هو لسا ببطني قعدت يومين بالمستشفى و أحمد ما سأل علي و انا  روحت على بيت أهلي و ابي سألني شو اللي صار و انا خبرتو كل شي و هو راح لعند عمي: انت كيف بتسمح لابنك يتهم بنتي بانها خاينه و لما خبرتو أنها حامل قتلها ابنها و قعدها يومين بالمشفى هاد جزاتي اني وثقت فيك و بابنك انا خلص ما عاد بدي ابنك زوج لبنتي اول ما يرجع بتخبرو يطلقها و نحن متنازلين عن حقوقها ما بدنا منكو شي

و اجا ابي لعندي :بنتي انا اسف انا السبب بكل اللي صار بس بوعدك لاعوضك عن كل شي

ندى:لا بابا لا تقول هيك هاد كان نصيبي و خلص انا رح أخلص منو ما بدي إياك تلوم حالك

و أطلقنا انا و أحمد رغم انو هو كان رافض بس ابي و عمي كانو واقفين معي و مرقت فترة العدة و اجا ابي لعندي و قلي انو في ناس جايين يطلبوني و اني أجهز حالي

ندى:بابا انا خلص ما عاد بدي أتزوج من بعد أحمد كرهت الزواج و الرجال

أبو ندى:حبيبتي انا ما رح اجبرك على شي اذا ما عجبك الشب فيكي ترفضي و هلأ جهزي حالك رح يوصلو بعد شوي

جهزت حالي و وصلو الضيوف و ماما اعطتني القهوة لفوت قدمها

 

ريتا:اخوكي ما بس ماضي.. و حاضر كمان... يتصل فيا و يحكي معا و يطلع يشوفا بأوتيل و انا متل الكلبة مزتوتة لحالي بالبيت بالساعات و الايام و الشهور ...كل يوم على امل يتغير بس كان بالعكس كان اخوكي وقح ما عم يحاول يستر على يلي عملو، بالعكس كان عم يحاول يفرجيني بشكل واضح هو كيف عايش حياتو بالطول و بالعرض؛ مرة لقيت كرتونة فوق خزانتو فتحتا و لقيت فيا تيابا الداخلية بقلبن... عم تتخيلي... حتى فرشاية اسنانا بعدا موجودة لك حتى ريحتا بعدا علقانة بالمخدة يلي نمت عليا؛ عم تتخيلي وضعي انا وقت عم شوف هيك شوفات، وصلت لمرحلة القرف منو و من كل قطعة بالبيت؛ قرفت من الكاسة و المعلقة يلي كنت عم اكل فيا لانو فيه وحدة قبلي اكلت و شربت منن حتى الفرشة يلي كنت نايمة عليا كنت قرفانة منا بس رغم كل هالشي انا قلت متلك، كل رجال عندو ماضي و ممكن تكون هي هلأ نزوة و هو هلأ حاضرو و مستقبلو معي بس كان وقت يرجع كل يوم من سهرتو او مثلا من عندا و يشوفني بالبيت، يتفاجئ بوجودي... هههههه.. ما بعرف يمكن كان عم يقول بينو و بين حالو هاي الغبية كيف بعدا هون؛ ليش ما تركت و راحت بعد كل شي عم اعملو لطفشا من عندي او يمكن كان نسيان وجودي و بس يشوفني يتذكرني و يتذكر انو هو تزوج؛ اصلا ما كان يشوفني كان يطلع من الصبح و ما يرجع لاخر الليل؛ بكل هالفترة ما قعد معي نص ساعة او حتى اكلنا على طاولة وحدة

فاديا:ريتا انت....

ريتا(مقاطعة) :انا شو.. انا طول عمري كنت صاينة حالي و عافة نفسي لالتقي بانسان بيشبهني، يكون نظيف و عفيف و نحن الاتنين نعوض بعض عن كل الحرمان العاطفي يلي عشناه بس لنعيشو بالحلال و بنيت احلام كتير انو ابني عيلة و اسرة سعيدة مع شريك حياة يحبني و حبو بس وقت وصلت لهنيك انصدمت بالواقع؛ انا ما بستاهل هيك (تبكي).. انا بستاهل احسن ولله

فاديا:معك حق بكل شي عم تقوليه و ولله حسام ما عاطل بالعكس انسان حنون كتير

ريتا:هو ما عاطل و ما منيح كمان هو بس ما كان موجود معي

فاديا:طولي بالك حبيبتي كل شي بيتصلح و اجباري كل المتزوجين اول سنة بتكون صعبة علين و بعدين مع الوقت...

ريتا:مستحيل كان اقدر انطر اكتر على امل يتغير معي، خفت يمضى العمر و السنين انا و ناطرة و جيب اول ولد و التاني و بعدين اضطر انطر اكتر كرمال اولادي؛ و بعدين انا وقت قلتلو بدك نتطلق، شفت الفرحة بعيونو و كانو ناطر يسمع هالكلمة مني، لهيك مشيت بهالطلاق فورا انا و عم احترق من جوا لانو هالشي ما سهل علي ابدا ارجع مطلقة اانا و عروس

فاديا:طيب ريحي اعصابك شهر زمن هلأ و بعدين منحكي بالصلحة و انا رح احكي مع حسام و نشوف كيف بدنا نصلح الوضع

ريتا:لا... (تمسح دموعا) ما بدي تحكي معو بخصوص الرجعة ابدا، انا مستحيل ارجعلو ابدا بعد كل شي شفتو؛ انا كرامتي عزيزة علي و حاولت اعطيه فرصة و اعطي هالزواج فرصة بس ما كان متجاوب ابدا معي.. ما فيه امل منو.. انا برايي تريحو اخوكن و تزوجو اياها

فاديا:لا مستحيل.. امي بتنجلط اذا سمعت حسام بدو يتزوج وحدة اجنبية لا من ملتنا و لا من ديننا و انا بتمنى منك ما تحكي لحدا عن السبب الحقيقي لطلاقكن حتى ما يصل الخبر لامي ولله بتفقع

ريتا: اكيد ما رح احكي لحدا و لا حتى لامي؛ بس انا انسوني و خلوني كمل حياتي و حاول انسى الشي يلي مريت فيه و الجرح يلي بقلبي

انفتح الباب و فاتت ام ريتا، اطلعت بفاديا و عبست

ام ريتا:اهلين

قامت وقفت فاديا لتسلم عليا، اعطت ام ريتا اكياس الخضرة لبنتا و انتبهت على عيون بنتا انو كانت عم تبكي

ام ريتا:شبك

ريتا:ولاشي، انا فايتة اعمل قهوة

فاديا:كيفك خالتي ام ريتا

ام ريتا:من الله منيحة بس من عبدو لا ولله

فاديا:يلا خالتي طولي بالك كل شي رح يتصلح انشالله

ام ريتا:حسبي الله و نعم الوكيل بس

قامت مشاكل بين العيلتين حتى اتقبلو الاتنين فكرة الطلاق و خاصة انو حسام و ريتا بقيو مصرين انو الاتنين ما بدن بعض بدون اضافة اي حكي تاني، و يلي خفف الصدمة شوي انو حسام اتعهد لعموم ريتا انو رح يلتزم بدفع متأخر ريتا على شكل اقساط شهرية بحوالات مالية، بس الشي يلي. ما كان متوقع و محطوط بالحسبان ابدا انو رح يكون فيه حبل صغير يرجع يربط ريتا بحسام العمر كلو، بعد شهر و نص من طلاق ريتا، طلعت ريتا حامل،قبل ما تخبر اما، عملت اختبارات حمل منزلية و اختبار تحليل بالمخبر و اجت النتيجة ايجابية، ريتا حامل مية بالمية، فاتت لعند اما بعد ما خلصت صلاة و فاتحة ايديا و عم تدعي

ريتا:امي انا لازم خبرك بشي لانو هلأ او بعدين بدك تعرفي..

ام ريتا:شو فيه؟

ريتا:انا حامل

ام ريتا:حامل؟ انت متاكدة؟

ريتا :ايه تاكدت اليوم و رحت عند الدكتورة خبرتني اني حامل بالشهر التاني

ام ريتا :كيف حامل و انت قلتيلي كنتو عايشين اخوات؟
ريتا :ايه صح قرب علي مرة وحدة بس و يعني صار حمل و انا ما منتبهة؛ يعني انا ما كنت اخدة احتياطاتي ابدا، ما كنت عارفة انو بدي اتطلق

لؤي:ايه صح خدي راحتك و انا اذا لقتلك شغل، بخبر حسام و هو بقلك

ريتا:ماشي

لؤي:المهم انك تقدري تتجاوزي هالمحنة على خير بس بدي اسألك سؤال ولله محيرني

ريتا:تفضل

لؤي:كيف اتعرفتي على حسام و انت ما بتشبهيه ابدا؛ كانو ابيض و اسود؛ شو لمكن على بعض يعني

ريتا:يلي جمعك انت و اياه

لؤي:ههههه اتدايقتي من سؤالي، انا و حسام رفقة بحكم شغلنا بنفس الشركة و منطلع منسهر مع بعض بقهوة و منلعب شدة بس انا حياتي الخاصة مختلفة عنو شي و ما بدخل بحياتو كمان، ما بدي تفهمي من هالحكي انو حسام سيء و انا المنيح؛ ما قصدي قول هيك؛ لانو ما كنا رفقة لو ما كنا منشبه بعض ببعض النقاط ما الكل

ريتا:صار موعد القطار؛ يلا عن اذنك و شكرا الك على كل شي

ودعت ريتا لؤي و طلعت بالقطار و هو عم يطلع فيا؛ التفت ليطلع من المحطة؛ التقى بحسام؛ اول ما واصل و عم يلهت

لؤي:طلعت هلأ

حسام:انت كنت معا؟

لؤي:انا و جاي لعندك؛ شفتا نازلة و وصلتا لهون؛ شو صاير معك؟

حسام:ااااخ وقعان بمصيبة كبيرة؛ ساشا حامل مني

لؤي:ايه مبروك رح تصير اب للمرة التانية

حسام:لؤي انا ناقصك؛ كبف بدي اطلع من هالقصة؛ قلتلا تنزلو ما قبلانة و انا اصلا ما متأكد اذا هالولد مني ولا لأ

لؤي:يا سلام؛ شو ما بتعرفا منيح؟

حسام:شو عرفني فيا؛ انا قلت بقضي وقت شوي معا بس ما توقعت هلأ جاي تربطني بولد؛ اوووف عهالعلقة؛ مشي نروح نقعد بكافتريا ولله حاسس راسي رح ينفجر و المصيبة سمعت ريتا انو هي حامل

لؤي:شو بتفرق معك يعني ازا ريتا سمعت و عرفت

حسام:بلكي خبرت امي و اخواتي

لؤي:حكيا و قلا ما تخبر حدا

حسام:ما اظن تعملا بس ما كان بدي اياها تعرف

وصلت ريتا لعند اما يلي تفاجأت بوجودا

ام ريتا:ليش تركتي الشغل؟

ريتا:ما عجبني دوام طويل كتير و عم اترك كرم وقت طويل بالحضانة

ام ريتا:انا قلتلك من الاول ما بدك هالشغل بس انت عنيدة

ريتا:بس بدي ارجع دور على شغل هون، ما فيني ضل قاعدة

بعد يومين كانت راجعة ريتا من المدينة و اول ما فاتت عالبيت تفاجأت ب لؤي قاعد مع اما؛ فاتت سلمت عليه متفاجئة؛ اطلعت باما شافتا مبتسمة بوجهها، تركتن لحالن و فاتت عالمطبخ

ريتا:صاير مع حسام شي؟

لؤي:لا ابدا ما جيت كرمال حسام

ريتا:لكن؟

لؤي:جيت كرمالك

ريتا:لقتلي شغل؟

لؤي:لا، انا حكيت مع امك هلأ و طلبت ايدا منك

ريتا:شو!

لؤي:معك حق تتفاجئي؛ بعرف حالي استعجلت و ما سالتك الك بالاول بس انا بحب الاصول و بحب اجي من الباب فورا؛ ما بحب اللف و الدوران

سكتت ريتا و نزلت راسا

لؤي:بعرف انك ما بتعرفي عني شي و ما شفتيني غير مرتين او تلاتة بس انا هلأ جاهز لكون كتاب مفتوح قدامك و عرفك عن حالي، انت بتعرفي انا مهندس و بشتغل بشركة المراد و مطلق من سنة بدون اولاد

ريتا:شو سبب طلاقك؟

لؤي:ما تفاهمنا ابدا و ما بحب احكي بالعاطل عن وحدة كانت بيوم من الايام على ذمتي

ريتا:و شو عرفك انو نحن رح نتفاهم؟

لؤي:انا متأكد انو رح نتفاهم و رح تنجح علاقتنا، انت بنت بسيطة و طيوبة كتير و بريئة و انا هيك بدي، على كل حال خدي وقتك و فكري و رديلي خبر، انا ناطر ردك

ريتا:و حسام؟ هو بيعرف؟

لؤي:لا ما بيعرف ابدا و بس تم الامور على خير اكيد رح يعرف و ما بظن يمانع ابدا لانو هلأ زواجو من ساشا يمكن الاسبوع الجاي....
ريتا(مقاطعة):رح يتزوجا!

لؤي:اكيد و رح يعمل عيلة معا و بعدين ابنو رح يكون قريب منو

ريتا:امم بس هو مرة هددني انو اذا تزوجت رح ياخد مني كرم

لؤي:مجرد حكي صدقيني، اكيد ما رح تقبل ساشا تربيلو ولد ما ابنا؛ لهيك منحطو تحت الامر الواقع و مع الوقت بيتقبل الفكرة، و انا سالتو قبل ما اخطي هالخطوة اذا فيه عندو نية يرجعك و كانت اجابتو بالنفي القاطع، لهيك تجرأت و جيت لعندك

سكتت ريتا و هي مقهورة من جوا بس عم تكابر على حالا، قام وقف لؤي و حط ورقة بيضا عالطاولة

لؤي:انا بدي امشي هلأ، دايما عالقهوة و هاي رقمي، حكيني بس تقرري و انا ما رح اوعدك وعود دهبية انا رح حاول اني عوضك و اسعدك

طلع لؤي من عندا و بقيت ريتا قاعدة و صافنة بالارض، دخلت اما من المطبخ

ام ريتا:اوعى تكوني رفضتيه

ريتا:لا رفضت و لا قبلت، انا ما بعرفو منيح، لازم اعرفو بالاول

ام ريتا:شاب مرتب و قطع كل هالمسافة الطويلة ليوصلك و اجاكي من الباب، شو بدك اكتر من هيك، ما احسن ما ضلي قاعدة عالاطلال و ناطرة هداك يلي ما بتسمى..

ريتا:شو دخلو هداك... شو ما حكينا بدخلي سيرة حسام َ اصلا انا ما ناطرتو

ام ريتا:معناها وافقي اذا ما ناطرتيه

_زهير_
متدايق ومعصب كتير
كيف لأ وشهد رح ياكلوها الرجال بعيونهم
اكتر من مرة بدي شدها من إيدها وطلعها برا الحفلة
بس بصفتي مين؟
اذا اهلها قبلانين بهالشي انا شو طالع بإيدي..
بس المهم اني حدها هلئ وشو ما بدو يصير يصير..

شهد:زهير.. لك بليييز بس اضحك شوي حسست العالم انو في شي لو سمحت

زهير :اضحك؟ اوك اوك

شهد:اذا كل هالقد متدايق منطلع..

زهير:لا مو متدايق خلينا آعدين

ريتا:على شو عم تتهامسو وتتوشوشو🌚

شهد:عم قول انو اذا تأخر الوقت منمشي

ريتا:لا لسا في معنا وقت.. بعدين ليش مستعجلة ابوكي حيأمن اتضلي اكتر لانو معك زهير

شهد:مبلا صح

.............
_ريتا_

آعدة ومروقة كتير ومبسوطة
والجو كتير حلو بما انو عمورتي جنبي
كان عم يستغل ابسط المواقف لنحكي سوا ونكون سوا
حتى انو ترك كل اصدقائو ومعارفو وبقي جنبي!
طلعت غنية كتير حلوة
اتفاجأت وقت شفت رنوة عم ترقص مع حسان..
بعدها كان كل تنين عم يرقصو مع بعض والوضع بجنن..

عمر:بتسمحيلي بهالرقصة؟

ريتا:طبعاً 😊

رحنا انا وعمر عالساحة..
حط ايديه على خصري وجذبني لعندو
وانا حاطة اديي على كتافو..
وعم نتماشى مع الغنية متل نسمات الهوا وبكل رقة..

عمر:هي اول مرة برقص وبكون مبسوط من قلبي..

ريتا:هي اول مرة برقص مع حدا

عمر:ممتاز

ريتا:نعم؟

عمر:ريحة عطرك كتير حلوة

ريتا:اااا.. ههه شكراً

عمر:وضحتك كمان.. حلوة كتير

ريتا:عمررر والله خجلت حاج

عمر:طيب شو اعمل.. ماعم صدق انك معي هلئ

ريتا:خلص والله بروح هلئ

عمر:خلص سكتت

وحط دقنو على كتافي
كنت عم حس بأنفاسو وحرارتي 1000
حتى اني خربطت كتير بالرقصة من لبكتي
ووجهي صار منل البندورة
أساساً انا وجهي هيك لونو من اول الحفلة مو شي غريب

بس كنت مبسوطة وعم طير..
احلى يوم بقضيه بحياتي
كنت عم حس بإعجابو وكلامو الحلو
بس ما تأكدت من مشاعرو بعد..
مو مهم المهم انو هو معي والباقي إلو حل..
.............
_رنوة_

رنوة:هاد الشي يلي بضحكك مو؟

حسان :طبعاً

رنوة:مو معقول انت.. والله خجلتني ادام العالم.. كنت احكيبي عالمقلية لركز حالي وجهز اموري

حسان:لأ هيك احلى.. بعدين شبكي انت بتجنني.. كلك على بعضك قمر

رنوة:حسان... خلصت الرقصة على شو عم نرقص؟

حسان:على ايقاع دقات قلبي وقلبك..

رنوة :ما بعرفك رومنسي هالقد

حسان:انا من لما عرفتك صرت هيك

رنوة:خلص ولوو امشي ننزل

حسان:ضلك اتهربي.. اوك

................

ريتا

خلصت الحفلة.. وخف عدد الناس كتير
مابقي الا نحنا وبعض عالم بيتهن قريب
حتى شهد طلعت وما قدرت خبرها انو تاخدني معها ليوصلوني عالبيت
كتير خايفة كتير..
ما بدي عمر يوصلني او لبّك حدا معي
أساساً بيتو بلزق بيت رنوة
ومن جهة تانية ما بدي اطلع مع هداك الحقير
آخر شي كنت متقعتو اني التقا بالشخص يلي دمرلي حياتي
نفس الشخص يلي خلاني اندعس واتكسر
طلع هو صاحب التكسي.. والامر من هيك انو وصلني طول طريق الروحة وانا مو عرفانتو..

رنوة:ريتااااااااااا

ريتا:نعم ليش عم تعيطي

رنوة:الي ساعة عم ناديكي.. مين حيوصلك

ريتا:اه؟ ليكو التكسي هلئ بيوصل

رنوة:طيب يا عمري انا بدي اطلع ارتاح بدك شي؟

ريتا:لا سلامتك يا قلبي.. الله معك

رنوة :باي

طلعت من الحفلة وانا عم اتلفت حواليي
عمر من شي ربع ساعة مو مبين
اتدايقت كتير لانو ما شفتو بالاخير
بس احسن مشان مايعرض عليي انو يوصلني
اطلعت عالشارع وكان في عالم عم تطلع من الفيلا عند رنوة
وصلت لمحل ما خبرني انو شوفو
ما كنت ناوية اطلع معو بس بدي خبرو لينصرف

وقفت شوي واتأخر..
تلبكت كتير وخفت.. خصوصي انو فضي الشارع ومعاد صفي حدا
اتصلت فيي ماما ومن غبائي خبرتها اني عالطريق بس في عجقة..
بعد شي تلت ساعة انتظار شرف الأخ

.. :اتأخرت عليكي اتفضلي

ريتا:مين قلك بدي اطلع معك؟

.. :غصباً عنك حتطلعي..

ريتا : فشرت مالي طالعة وانقلع احسن ما لم عليك العالم

.. :تسطفلي انا رايح.. بس حتصادفي عالم احقر مني هلئ.. مشكلتك

وشغل سيارتو ومشي
انا ارتعبت من كلامو كتير
خصوصي انو الليل موحش وانا حاسة حالي كأنو ضعت
حاولت ارجع عمكان الفيلا لآخد تكسي بس ضعت بزيادة
صرت ابكي من خوفي..
المكان بخلي ايا واحد شجاع يبكي
بالفعل بخوف واذا حدا تعرضلي ما بلحق اصرخ..
اتصلت بالأخير برنوة لأستنجد فيها

ريتا:رنوة
بليز انا كتير خايفة

رنوة:ريتا.. ياعمري شبكي ليش عم تبكي؟

ريتا:انا ضايعة بالطريق ومتفي حدا غيري مشان الله ساعديني

رنوة:شووو ضعتي يبعتلي حما.. تكة تكة هلئ ببعت حدا يجيبك..

ريتا:اي امانة تؤبريني

قفلت الخط وانا خايفة كتير
صرت ابكي بقوة اكتر بس سمعت صت كلاب قريب كتير
أعدت على طرف الرصيف وانا عم ارجف وحاولت خبي حالي لما حدا يشوفني
ويصير فيني شي ما برغبو...
..............
نهاية الجزء

وائل: أنا بعرف إلي بخطب بكون مبسوط الا انت الحمدلله دايما غير الكل
تيم: مو ناقصك إنت كمان الي فيني بكفيني

وائل : صحيح إنت غبي ل هدرجة أنا ما كنت متوقع إنو عنجد ما عندك مشاعر ولا إحساس الا ل مبارح إنت واحد اناني كتير

تيم: شو مالك نبحتت علي هيك شو عملتلك
وائل: إنت كيف بتعزم وتين ع خطبتك مو حرام عليك شو م كان صاير بيناتكن ما شفتها مبارح إشقد كانت مجروحه بس ما عندك إحساس ولا مشاعر

تيم بوقف
تيم: وتين!!
وائل: اي اعمل حالك ما معك خبر
تيم: وحياة الله ما عندي خبر وما أنا الي عزمتها ومن يوم محكمة أبي ما بعرف عنها خبر

وائل : لكن مين الي خبرها عن خطبتك من غدير

تيم: عم قلك وحياة الله مو أنا بعدين شو أعمل أنا إن حظرت وان ما حظرت

وائل: تيم رح قلك شي إنت بتقدر تكذب ع الكل الا علي إنت لسا بتعشقها ل وتين بس كبريائك عن يمنعك من إنو دور عليها
تيم[حاول يبين إنو مو مهتم]: مو صحيح

وائل: طيب أحلف
تيم: مو مطر أحلف ع شي فاضي بعدين أنا اسه خاطب ما لازم تذكرني بشي من الماضي رح ابدأ حياة جديد

وائل: ههههههههههه
تيم: شو مالك عم تضحك
وائل: لانو شي بضحك صراحه حياة جديدة قلتلي إنتي بس خطبت عشان تعبي الفراغ الي جواتك بس ما كنت عارف إنو هيك عم تأذي حالك اكتر من م تنسى
.

.
بترجع وتين ع أستراليا وبتقرر ما عاد تنزل ع لبنان ابداً بتدخل ع غرفتها بتستند ع الباب وبتصير تبكي
وتين: معقول يا ربي هيك بالسهولة هاي ينساني يعني لو قلتلو انا م بحبك معقول قلبو م قلو إنو عم كذب علي تيم ما عاد بدو ياني وأنا ما عاد بدي أطلع بحياتو مرة تانية رح اتركو يعيش حياتو وأنا رح عيش حياتي مع أبني

بتطلع ع إيديها بتشوف المحبس بتشلحو بتغمض عيونها وبتحطو بكف إيدها وبتظغط علي

وتين:بعتذر عن كل لحظة فكرت فيها إنو ممكن نرجع بعتذر عن كل لحظة كنت أتخيلك واتخيل ليث وأنا ونحنا متجمعين يا ربي بكفي ولله قلبس ما عاد فيو شو بدي أتحمل او شو

بعدين بتروح عند إبنها الي بكون نايم ع التخت وبتنام جنبو
وتين: بوعدك ي روحي ما أتخلا عنك بوعدك من إنو اعوضك عن كل شي نحرمت منو رح كون إلك الأم والأب

وهيك بتنام وهي عم تحاكي إبنها

أما عند تيم بيرجع من شغلو بتكون الخادمو عم تنظف الصالة وبالصدفة وقعت منها المزهرية ونكسرت
الخادمة: ييي شو عملت بحالي أكيد هلأ المدام لانا ما رح تسامحني يا ربي

بيجي تيم وبشوفها عم تحاكي حالها

تيم: شوفي
الخادمة[وهي خايفة]: ولله يا بيك مو بأصدي وقعت وانكسرت
تيم: اوك خلص ولا يهمك
بيجي بدو يمشي تيم بس بيلفتلو نظرة كرت مجعلك ومحطوط بقلب المزهرية

تيم: شو هيدا الكرت
الخادمة : ولله ما بعرف يا بيك

بياخد تيم الكرت وبطلع ع غرفتو بحط غراضو وبيقعد وبقرر يفتح الكرت ويشوفو
.
رأيكن ل هون
.يتبع. 🌼

شغف:اكيد...مابتلاقيني غير اجيت...يلا بخاطرك

_هالبنت فيها شي حببني فيها....يمكن لانها من ريحة جواد..او لبراءتها و لطافتها...مع الايام صارت معرفتنا اعمق...و اجت لعندي اكتر من مرة وانا زرتها اكتر من مرة بس ولا مرة تصادفت مع جواد و هالشي نوعا ما ريحني
لاني خايفة من التصادم معو و خايفة من ردة فعلي ادام ندى
لحد ما بمرة_

ندى:ماشالله هالولد بياخد العقل

شغف:وانا هيك عم قول...يؤبشني حبيب عمته

ندى:كأنو الباب انفتح....ها هي جواد اج...اهلين حبيبي

جواد:اهلين حبيبتي(قرب منها و بوس خدودها)كيفك اليوم

ندى:الحمدلله....شغف ماتركتني ولاشوي

جواد:اي منيح....لمين هاد الحلو؟؟؟

ندى:هاد ابن اخوها لشغف

جواد:تعال حبيبي...تعال لعمو

_نزل على رجليه و حملو....حضنو شوي و باسو من خدو بدون ماحتى يطلع فيني...و كأني خيال ولا كأني موجودة...قعدت شوي و رجعت على بيتي....وتاني يوم اخدت لوكاس و نزلت جيب غراض و مالقيت الا سيارة شرطة وقفت جنبي_

الشرطي:شغف حسن انتي رهن الاعتقال!

شغف:شو....رهن شو....لتكون مخربط!!

الشرطي:سمعتي اسمك ولا شو!!!!....تفضلي معنا بدون شوشرة...اذا بتريدي

شغف:لك شووو عم تحكي...اعتقال شو...لك انا معي طفل صغير!!

الشرطي:بيجي معك لاتخافي عليه...شرفي معنا بدون مقاومة احسنلك

_ماكان عندي خيار....مديت ايديي ليحطو فيهن الكلبشات و نزلو لوكاس من عربايتو و حطوه جنبي....ماتمالكت نفسي و صرت ابكي..ماعندي ادنى فكرة ليش انا هون...وشو سبب اعتقالي و لوين رايحة
بقيت ساكتة كل الطريق...لحد ماوصلنا على الفرع...نزلوني و اخدو لوكاس بعيد عني...غطولي عيوني و بعد مشي بيعادل ربع ساعة لقيت حالي بزنزانة منفردة...قاعدة على كرسي و فوقي ضو خافت...و ادامي طاولة صغيرة وكرسي مقابلي....مابعرف اديش نطرت
يمكن يوم او اكتر مابعرف....خفت و التوتر سيطر عليي
ماقدرت نام رغم طول الوقت...قلبت بعقلي كل ذكرياتي و كل شي انا عاملتو ممكن يوديني لهون بس ماطلع معي شي....باليوم التالي الباب انفتح و دخل المحقق_

المحقق:شغف حسن؟

شغف:_

المحقق(بهدوء)عم اسالك انتي شغف حسن؟

شغف:(بارتباك)اي..انا...وين لوكاس؟

المحقق:هون نحنا الي منسأل ياشغف.....(تنهد)امممم...شغف حسن مواليد 1996 دارسة فنون جميلة متزوجة من وائل الخباز و ماعندك اطفال...مقاطعة اهلك من 5 سنين و مابتشتغلي
عندك صديقة وحيدة هيه ريتا جرجس جارتك الي ساكنة فوقك....غلطان بشي لحد هلأ؟

شغف:لا...مزبوط

المحقق:تماام....هاتي لشوف يامدام شغف...بشو متورطة؟

شغف:ولا شي

المحقق:بنصحك تكوني صادقة معي...انا لحد الان عم حاكيكي بالانسانية...اذا كذبتي عليي مابوعدك نبقى رايقين

شغف:انا مالي فهمانة عن شو عم تحكي....بشو متورطة مابعرف...انا مابطلع من البيت الا لجيب اغراضي...وماكنت اطلع قبل مايجي لوكاس....وين لوكاس؟

المحقق:هاهااااا...لوكاس....ابن اخوكي غير الشقيق ايمن...صح؟

شغف:صح..وين لوكاس؟؟

المحقق:لوكاس بالحفظ والصون...من ايمتا بتتواصلي مع ايمن؟

شغف:مابتواصل ابدا....من فترة اتصل فيني وقلي رح ابعتلك ابني...ماكنت بعرف انو عندو ولد...بعد كم يوم بعتلي لوكاس....هو عندي من يومها...يعني 3 شهور تقريبا

المحقق:ومالاحظتي شي غريب بهالمدة؟

شغف:ابدا...انا مابتعاطى مع حدا و لابقرب على حدا و كل وقتي بالبيت...اذا طلعت لمكان باخد لوكاس عالحديقة المواجه بيتي و برجع

المحقق:مدام شغف نحنا مراقبينك ومنعرف كل تحركاتك...رح انصحك انك تعترفي بكل شي من الاول

شغف:والله العظيم مابعرف عن شو عم تسألني!!!!!!

المحقق:خلينا نبلش من الاول....ليش اخوكي فجأة بدون سابق انذار صار عندو ولد و هاد الولد لازم يجي لعندك؟

شغف:مابعرف....حاولت افهم منو ماقدرت

المحقق:طيب...ليش ياشغف...في مبالغ مالية ضخمة اتحولت لحسابك بالبنك؟وعلى كذا دفعة مو دفعة وحدة
ومو بس هيك....المبالغ هي...قبل ماتوصل لعندك...لافة لاكتر من دولة لحتى وصلت لحسابك...وكلو بالعملة الصعبة...شو تبريرك لهالشي؟

شغف:(مصدومة)مابعرف....قلي ايمن انو رح يحولي مصروف للوكاس

المحقق:مصرووووف؟؟؟؟؟؟....كل هالقد طفل صغير بيستهلك مصاريف...والله عال

شغف:بعرف مارح تصدقني بس انا ماخطرلي اتفقد حسابي بالبنك من يومها...ومابعرف اديش فيه

المحقق:طيب...رح امشي معك...هي الشيكات....الي عليها توقيعك...بصرف مبالغ من حسابك...شو تبريريها!!!!

شغف:عن اي شيكات عم تحكي!!!!!!

_مدلي مصنف شفاف...موجود فيه 3 شيكات و كل واحد بتاريخ مختلف...عليهن توقيعي...و المبالغ المكتوبة خيالية...انصدمت و بلعت ريقي وماعرفت شو احكي من الصدمة_

المحقق:ماتوقعتي تنمسكي صح؟

شغف:(بنبرة خوف)أاانا...بشوو متورطة؟؟؟!!!

كانت المصاري تفوت عالحساب وتطلع منو و ماحدا ينتبه....الشيكات الموقعة بتوقيعك و كانت ريتا تروح تصرفهن بكلللل سهولة ولامين شاف ولامين دري
هون بقا.....صار لازم تنبعت الدفعة الكبيرة والدسمة...و يمكن خافو تروحي تتفقدي الحساب شي يوم
وبلش الجزء التاني للخطة....وهو جية لوكاس لعندك...... ابن اخوكي......خلفو اخوكي من صديقته البرازيلية ....بعلاقة غير شرعية...يعني بدون زواج .....رتب لعملية اختطافه المزيفة....و بعته لعندك بليلة مافيها ضو قمر و وقتها...بعتلك اخر واكبر دفعة....على كذا مرحلة....و ريتا تجبلك الاشعارات انو حسابك وصله مبلغ كذا...والدنيا ماشية متل الحلاوة و انتي غرقانة مع لوكاس

شغف(انربط لساني من الصدمة و من هول الحكي اللي سمعته ماعاد اعرف شو احكي ولا شو رد)

جواد:اكل القط لسانك؟

شغف:ممممما......(تبكي)مم ممابعرف شو احكي

جواد:مافي داعي تحكي شي

شغف:طيب ليش انا؟...مو قلت عنده معارف هون؟؟ليش انا دون عن الدنيا كلها ليش؟؟؟

جواد:لأن كل ظروفك مهيئة وممتازة...وحيدة و معزولة و في ريتا الي من طرفو و فوق راسك كل الوقت..شو ماصار معك كانت ريتا توصلو بالحرف!
انتي كنتي كرت مضمون وموممكن تلعبي معو لانك ماااابتعرفي شو عم يحيك من وراكي
و بكل بساطة استغل حاجتك لطفل يعبي حياتك حتى يكمل لعبته الوسخة

flash back//////////

ريتا:اليوم شغف حطت لوكاس عندي و نزلت تخانقت مع وائل و ضربها الحقير!

ايمن:اكيد طولت لسانها لوماهيك مارح يضربها!

ريتا:دخلك ام لوكاس شو صاير فيها؟

ايمن:عم ندورلا عليه!

ريتا:ههههههه.....يخرب عقلك لك ايمن من وين بتجيب هالافكار!

ايمن:لك حبيبتي اولا واخيرا ابني بدي اخدو من كايلا....انا بدي أمن بوحدة اجنبية تربي ابني؟.....وطالما هيك هيك رح اخدو خليني استغل هالشي لمصلحتي وين الغلط؟

ريتا(بامتعاض)يعني....انا بدي ربيلك ابنك؟

ايمن:لا حبيبييي....شغف شو عم تعمل؟....هي بتربيه هي ماعندها ولاد!

ريتا:لك والله كتير معلقة فيه!...وهو كتير بيحبها!

ايمن:هو المطلوب حبي.....انا بدي ام لابني....ام حقيقية مو كايلا الي دايرة على حالها و بسطها و تاركتو للمربيات!

ريتا:طيب ليش ماتزوجتها لكايلا؟

ايمن:لك انا غلطت معها غلطة و حملت بهالولد و انجبرت فيها!....فكرك بحبها....اعوذ بالله....انا غير بنت بلدي مابتخرط مشطي!.....عندي ضفرك فيها ياعمري!

ريتا:ايواااا.....هيك بدي ياك!

ايمن:بلا كايلا بلا بطيخ....بتسوي كل بنات البرازيل انتي!

ريتا:يخليلي ياك!

back////////////

شغف:طيب وائل؟شو دخله؟؟؟

جواد:وائل كان لازم يحطوه بالصورة....ولازم يعرف كل شي بحال اكتشف بالصدفة موضوع الحساب
ببساطة حكى معه ايمن....وبقرشين حلوين اشترى سكوته....يعني وائل شريك بتهمة التستر مو اكتر
كان بيعرف انهم عم يحفرولك و ساكت كل هالوقت
و اكيد انتي لاحظتي انه احواله المادية تحسنت كتير بهدول ال3 سنين...والدليل بيتك الفخم و الفيلا المعيش فيها زوجته التانية واطفاله

flash back/////////////

وائل:شو ست ريتا......بدي دفعة هالشهر انا!!

ريتا:لك وطي صوتك بلا ماتحس شغف!

وائل:لاتخافي....شغف نايمة شربانة ظرف دوا كامل و مارح تحس على شي!

ريتا:الله لا يوفقك.......بدك تموتها للمخلوقة مابيكفي ضربتها!!!كمان عم تخليها تشرب مضادات اكتئاب!

وائل:لك سكتي....عاساس انتي انظم مو هيك!...حبيبتي الي انتي عم تعمليه ماحدا سبقك عليه!

ريتا:انا مارح اترك شغف و اكيد رح تسامحني!

وائل:اي لانو شغف غبية لتسامحك!

ريتا:سكر الموضوع.....اليوم بحاكي ايمن و بكرا بيكونو المصاري بيكونو عندك

وائل:قوليلو يكترهن شوي!

ريتا:طبعا!....بيلقبلك....بسيطة يا وائل الا مايجي يوم ونتحاسب!

وائل:روحي حاسبي حالك روحي...عاملتلي فيها الصديقة الوفية و انتي انجس من حية تحت تبن!

ريتا:حفاظ الفاظك و الزم حدودك....بكلمة مني بخلي ايمن يخرب بيتك!

وائل:اصلا لولا ايمن مابسكتلك...انتبهي عالولد بينما تصحى شغف.....سلام!

ريتا:ميسرة!!!!

back//////////

شغف:مزبوط....بس كان يقول انو عم يشتغل بشركة كبيرة و انه راتبه كتير عالي

جواد:(بتهكم)ومارح يخطر لوحدة متلك تفتش وراه

شغف:متلي؟؟؟؟ليش انا شو بني؟؟؟؟

جواد(بانفعال)ضعيفة و ساذجة....هشة و بكلمة بينضحك عليكي...غبية....انتي كل هدول!!!!

شغف:يمكن كون كل هدول بنظرك(تبكي)بس بنظري.....انا وحدة اندعس عليها.....وبدها سلتها بلا عنب...انا وقعت تحت ايدين اخبث 3 بهالدنيا!!!!

جواد:لاتبكي....البكا ماعاد ينفعك

شغف:طيب ولوكاس...شوصار فيه هلأ؟؟

جواد:لوكاس هو الثغرة الي اخوكي ماحسبلها مزبوط
بالوقت اللي كان عم يمثل على صديقته البرازيلية اللي هيه ام لوكاس انه قلقان وعم يدور عليه بكل مكان

شغف:لاتحكي هيك....هاد واجبي

ندى:جواد شغف انقذت حياتي وحياة بنتي....ماشفتها كيف ركدت فيني...وكل الطريق وهيه عم تخفف عني
عنجد شغف ملاكي الحارس

جواد:(مسح على شعر ندى)اكيد حبيبتي

_اندق الباب وفاتت الممرضة حاملة الصغيرة....اعطتها لندى اللي طار عقلها فيها ودمعو عيونها.......قرب جواد منهن......حاوط ندى بايده و حطها على كتفها.. ...ومسح على وجه الصغيرة بأصبعه.....ابتسم من قلبه
فرحتهن و ضحكاتهن كانت مابتنوصف....كل هاد و انا واقفة عم راقب من بعيد!.......حسيت حالي مالي مكان بيناتهن....هنه صارو عيلة...ام و اب و طفلة...و انا دخيلة على هالعيلة....كنت رح اطلع...بس ندى فيقتني من شرودي و استوقفتني_

ندى:مابدك تشوفيها؟

شغف:(بخجل و ارتباك)لا.....خلص شايفتها من هون

ندى:مابيصير....تعالي احمليها....قربي

شغف:والله مافي داعي....انااااا......انا مابعرف احمل اولاد صغار...بخاف وقعها....خليها معك!

ندى:شوبدها الشغلة....قربي....جواد حبيبي حميل الصغيرة اعطيها لشغف تشوفها

جواد:انا بدي اعطيها ياها!!!!

ندى:لك اي شبك....امسك...حط ايد من فوقها وايد من تحت....ايوا هيك

_حملها وهو خايف....كان طاير عقله فيها....مبين عليه الفرح و الارتباك....فرحة كبيرة...حاسسة فيه اديش طاير من الفرح!
قرب مني....عطاني ياها وايدينا تلامسو....احساس غريب...كأنه الواحد حامل ملاك بين ايديه....صغيرة وناعمة كتير.....نزلو دموعي غصب عني وضحكت....بس هالمرة ماكانو دموع حزن...اول مرة بعيش هيك احساس وبحمل مولود صغير خفيفة كأنها ريشة....وجها بياخد العقل....ايديها متكورين و مستغرقة بنوم عميق....مسحت بطرف اصبعي على خدها و انفها و مسكت ايدها الصغيرة_

شغف:ياعمري مأحلاها!!!

جواد:حلوة موهيك

_قرب مني و حط ايدو فوق ايدي الي حاملتها و باسها و انا عم اتأمل حبه لبنته_

شغف:بتجنن.....ياعمري.....بتشبهك كتير!

_رفع راسه و طلع فيني وهو مبتسم....التقو عيوننا...و حسيت كأني عايشة نفس احساسه....كانت نظراته مختلفة عن نظراتو الي بالسجن والمحكمة....نظرات فيها دفى......كنت رح انسى حالي....رح انسى للحظة انها مو بنتي....طلعت بعيونه وكنت رح انسى كل شي وعيش احساسي بس......بس صوت ندى سبقني وطالعني من اوهامي و خلا الضحكة الي على وجهو تمنسح_

ندى:شغف.....رح سمي بنتي شغف

جواد:(التفت بصدمة لندى)نعم!!؟....بدك تسميها شغف؟

ندى:اي عمري.....على اسم شغف

جواد:بس يعني في كتير اسماء!

ندى:لا....انا قررت...رح سميها شغف وبس....بلكي بتطلع متل شغف حنونة و طيوبة

جواد:ايه ......متل مابدك

شغف:تفضلي خديها....انا بدي روح

ندى:ليش؟!خليكي

شغف:عندي......عندي شغل والله.....ببقى بتطمن عليكي....يلا بالاذن

ندى:الله معك حبيبتي
_شافها جواد و هيه طالعة من المشفى و عم تمسح دموعها بايدها.....انكسر قلبه مع قلبها....طلع بندى وشاف انها رح تنام ...حمل حالو و طلع من الغرفة بسرعة و لحق بشغف قبل ما تطلع_

جواد(صرخ)شغف!!!!!

شغف:(التفتت و الدموع بعيونها)اي....في شي!

_قرب منها و هو عم يلهث و البخار عم يتكاثف من حرارة انفاسو و برودة الجو_

جواد:_

شغف:في شي جواد؟!

جواد:ااااه.....بدك توصيلة؟!...بقصد يعني...بتعرفي تروحي لحالك؟!

شغف:الي بيسأل ما بيتوه....خليك مع عيلتك احسن!

_انرسمت ابتسامة خفيفة على وجهو ألفت سحر مع بياض خدودو المشبع بشوية حمرة على راسهن....طلع فيها بتمعن و ماحكى ولا كلمة!_

شغف:فيك شي؟

جواد:رح وصلك عالبيت!

شغف:و مرتك؟!

جواد:جينا على وصول....بعدين ندى و الصغيرة نامو مانهن بحاجتي هلأ!

شغف:مابدي كون عبء عليك خليني روح لحالي احسن!

جواد:(بصوت حنون)انتي عبء!!!!!!

شغف:يعني...بقصد!

جواد:لا يعني ولا شي تفضلي لوصلك عالبيت!

_مابعرف شو تغير فيه لسا من شوي كان ماقادر يطلع فيني....بمجرد طلعتنا بالسيارة اتصلت فيه جينا_

جواد:اي اختي....انا طلعت جيب اكل لندى....رقم غرفتها 212 يلا مارح اتأخر انتبهي عليهن...سلام!

شغف:انا والله مابدي لبكك كنت باخد تكسي و برجع لحالي!

جواد(طلع فيني بجدية)مانك ملبكتيني!...انا حابب وصلك!

شغف:طيب

_لاحظت انو غير طريق البيت و سلك طريق تاني بس ماحكيت شي.....مشي فينا لشارع فاضي و كانت الدنيا بلشت تعتم....وقف السيارة و نزل اشترالنا نسكافيه و شغل الضو و قدملي كاسة_

جواد:لساتك بتحبي النسكافيه؟

شغف:(ابتسمت)متذكر؟

جواد:هههه...شوي

شغف:لساتني بحبها

جواد:اي....ماصار الوقت تحكيلي ؟

شغف(بارتباك)عن شو؟

جواد:بتعرفي عن شو...لاتغشمي حالك!

شغف:(شفيت من النسكافيه وتنهدت)

جواد:مابدك تحكي؟

شغف:يعني الي صار صار مارح يفيد الحكي!

جواد:لا بيفيد!

شغف:بشو بدو يفيد جواد!!!لا انت انت و لا انا انا
اليوم انت اب و عندك زوجة و بيت و حياة تانية
و انا صرت خريجة حبوس و عندي مشاكل و عقد كتير
ف شو رح يفيد الحكي!!!
...
جواد:هيك هلأ؟؟!!!....يعني بنظرك انا مابستاهل تبرير!!!!
مابستاهل اعرف!!!مابستاهل اعتذار مابستاهل شي منك!!!!

شغف(طلعت فيه بعيون دامعة)انت.....انت بتستاهل كل شي!.....بس صار في حواجز مافيني اتخطاها....صار عندك طفلة!!!!.....مافيني كون جزء من سبب يحزن هالطفلة!

جواد:(ضرب الدركسيون بعصبية)هلأ طفلة عمرها كم ساعة اهم منيييي!!!!!!!

شغف:(خفت من صراخو و رجفت و شديت على كاسة القهوة)

جواد:احكي ماتردي!

شغف:(بنبرة هادية )شوبدك ياني قول؟!

_التفت لعندي و سحب الكاسة من ايديي و مسكهن و شد عليهن و طلع فيني برجاء _

جواد:عقلي ماعم يهدا!!!!!!بدي اعرف شو بعدك عني هيك!!
بدي اعرف كيف مرقو عليكي هالسنين!!!!

شغف:نسيت كيف جرحتني بالكلام!!!.....نسيت طريقة حكيك معي! ودموعي الي عملت حالك مو شايفهن!

جواد:لك انا اكبر كذاااااااب.....قدري مشاعري...قدري موقفي!

شغف:انا مقدرة كل شي و بعرف انك مجروح مني
بس...سامحني مارح اقدر اخطي اي خطوة تجاهك!
لو كان مجرد اعتذار!

جواد(يصرخ بعصبية)لييييششش بدي افهم ليش!!!

شغف(تصرخ و تبكي)لك لأنو الي صار مارح ينحل بكلمة انا اسفة!!!!مارح ينتسى باعتذار!!!
الي صار بدو حكي كتيييير و كلام كتييير.....و .....و(تنهدت)مشاعر كتير....انا....مابدي شي يحرك مشاعرك تجاهي!!!!قلت انك نسيتني ...خليييك نسيان و عيش لعيلتك و مرتك و بنتك!

جواد:(بخيبة)هلأ هيك صار الحكي!

شغف:هيك احسن للكل!

جواد:(بصوت مخنوق)يعني الكل بيستاهل يعيش مبسوط الا نحنا!!!!.....الكل لازم تكوون حياتهن تمااام التمام الا انا و انتي!....ماشي...ماشي متل مابدك لشوف اخرتنا بس!!!
انا الحق عليي الي ماهانو عليي دموعك!انا الحق عليي لما فكرت اني حاسس فيكي و بوجعك!

_شغل السيارة و مشي بسرعة كبيرة لدرجة خلال عشر دقايق كنا واصلين....نزلت من السيارة بهدوء و طلعت لبيتي بدون ماطلع عليه و قلبي عم ينعصر من الالم و الخنقة!....كابرت على كل شي جواتي و قررت اختار سعادة هالطفلة!
وهو شحط الفرام و مشي بسرعة.....اشترى اكل و وقف جنب المشفى يدخن....سيكارة و تنين و تلاتة و النار لسا قايدة بصدرو....طلع جنبو لقا كاسة النسكافية تبع شغف
دور على محل ماكانت عم تشرب....و شرب من نفس المكان الي شربت منو....غمض عيونو و تنهد بحرقة كبيرة على حالو و عليها!_
الشي الوحيد المنيح هو انه ندى قررت تسمي بينته على اسم حبيبته....يمكن هي فرصة اله حتى يلفظ اسمها بسبب و بدون سبب...مرق فترة بعدها....و ندى عم تجرب تتأقلم مع الامومة....جينا عم تساعدها بكل طاقتها....بس ندى غشيمة وبدها وقت طويل لتتعلم و هي مانها من الامهات الجديرات...لانها هي بحد ذاتها لسا محتفظة بطفولتها و شايفة حالها صغيرة عالامومة!
كان اغلب الاتكال على جواد بتربية شغف.....من تنييم و حمل و تحضير رضعات الحليب لانو ندى اصلا ماعرفت ترضع بنتها و انفطمت على بكير....كل هاد و انا متجاهلة جواد و مبعدة عنو قدر الامكان لانو مابدي اتواجه معو بعد ماتهربت منو!
ندى حاولت ترجع تتقرب مني بس كمان هي تجاهلتها لانو مابدي شوف العائلة السعيدة و حس اني مجرد دخيلة او حدا مابيمت الهن بصلة!
وبعد فترة بمرة كنت سهرانة على البلكون عم اشرب نسكافيه و دخن....اي عم دخن...مافي شي طالع قهري فيه غير الدخان....ولانه وائل كان مدخن من الطراز الرفيع....كان البيت مليان بواكيت دخان....مرة ورا مرة تعودت...وصرت دخن على طول
و مالقيت شغل لاني ببساطة مامعي غير بكالوريا فنون جميلة و ضليت عم بيع بهالدهب و اصرف على حالي شوي شوي
كان صوت شغف الصغيرة واصل لعندي....وصوت جواد وهو عم يتناقش مع ندى بصوت عالي....بقي شي ساعة عم يحاول ينيم الصغيرة حتى هديت واستسلمت للنوم...كل هاد و انا مسنودة على حرف البلكون وعم اسمع كل شي...كان لابقتلو الابوة كتير و حنيتو على بنتو فايضة كتير....بستغرب كيف ندى مو قدرانة تتفاهم معو مع انو سهل المعشر و قلبو طيب بشكل!
طبعا بغار منها و كتير....هي الي اخدة مكاني و عايشة حلمي الي ماتحقق!
بعد بشوي طلع هو كمان على البلكون تبعه....كان حامل كاسة قهوة...قعد نفس قعدتي.....طالع سيكارة وشغلها....وبعده انا شغلت وحدة....قام سمع صوت الولاعة و انتبه لوجودي وطلع فيني....كانت الدنيا عتمة...و الاضاءة خفيفة كتير ويادوب عم نشوف بعض_

جواد:انتي هون!

شغف:لا هنيك

جواد:شوووو...عم تدخني كمان!!

شغف:لا....تنفيخة

جواد:مبين

شغف:نامت بنتك؟

جواد:اوووف....هلكتني لنامت!

شغف:(ابتسمت)نوم الهنا

جواد:(بلؤم)بالله شو!

شغف:شبك؟شو حكيت!

جواد:انا اللي ماعم اعرف طعم النوم!!

شغف:ههههه.....ضابط قد الدنيا صار مربية لبنتو!...صحي اديش صار عمرها!

جواد:عم تتمسخري!.....صارت اربع شهور

شغف:حبيبتي العمر كلو!!

جواد:لك خلص بقا!!

شغف:شبك شو حكيت!

جواد:لا سلامتك......بس كنت بشغف وحدة و صرت بتنتين

شغف(متفاجئة)انا شو دخلني

جواد:مادخلك بشي....بعدي لقلك!

شغف:شو رح تعمل....جواد صاير لعقلك شي!

_وقف على حرف البلكون و تمسك بالحيط و نط لعندي....بثواني صار واقف مواجهي ولسا كاسة القهوة بإيده_

شغف:انت فيك شي؟شربان شي؟

_و اخيرا من بعد فراق 6 سنين قدرت احضنه....غلغلت فيه متل الطفلة الصغيرة...ماكان بدي يبعد عني...ريحة عطره غمرت قلبي...رجعت حسيت بنفس الكهربا الي كنت حسها من زمان...كأني كنت ميتة و رجعت عشت من اول وجديد....بعد عني وطلع فيني....ابتسامته العذبة و عيونه اللي عم يلمعو فرح...كل شي خلا قلبي يدق مليون مرة_

جواد:عمري هالعيون الزرق.....اذا بموت فداهن مالي زعلان

شغف:بعيد الشر

جواد:اه يا شغفي....بدي اعترفلك....اني حاولت انساكي كتير

شغف:بالله!....واديش قطعت من رحلة النسيان؟

جواد:ااااه.....كلما جربت انسى....ريحة خصلات شعرك....و اغانيكي الحلوين....وطيفك...كانو يقطعو عليي الطريق...و ارجع حبك من اول وجديد...بس هلأ خلص
صرتي معي...هلأ صار الوقت اللي حبنا يعيش فيه ومانسمح لحدا يموته....هلأ بدك توعديني تقاتلي كرمالي
الحرب...اللي رح تنفتح علينا...بدنا نخوضها سوا...حتى ننتصر انا وانتي...مارح نسمح لحدا يوقف بوجهنا

شغف:صرلي 6 سنين عم اتدمر.....انا هلأ حطام انسان
يمكن مالي مستعدة خوض ولا حتى نقاش....بس انت بتعرف اديش انا متمنية ابقى معك على طول.....بدي منك تتروى بعلاقتك معي....لاتستعجل على شي
انا عنجد....اعصابي مستهلكين....ومعنوياتي ونفسيتي تحت الصفر...بدي منك ترممني...شوي شوي
وتروك الحروب لارجع وقف على رجليي
خلينا هالفترة بس انا و انت....خلي كل شي بيناتنا بالسر
وليصير الوقت المناسب...رح نواجههن انا وياك...بس هلأ انا مالي مستعدة ابدا

جود:وحياتك عندي رح نسيكي كل شي....انا ماسدقت لقيتك...ماسدقت رجعتلك...مارح خاطر بفقدك مرة تانية
الللي بدك ياه بيصير...بس ضلي معي ورح غيرلك رأيك وحببك بهالدنيا من اول وجديد

_الحب هو شخصان مدمران يتركان خراب العالم و يرممان بعضيهما_
_هاد اليوم كان بداية فصل جديد......فصل جواد بحياتي
كل يوم بالليل كان يهرب من بيته و يجي لعندي...ماكان سائل عن شي المهم عنده نبقى سوا...حكينا كتير...وضحكنا من قلبنا...عوضنا فراق السنين الي مضت...كان معي حنون كتير...يحتار كيف بده يسعدني و يضحكني....عطول يحسسني اني بنتمي اله.....انا بدونه ولا شي..

جواد:بكرا بدنا نطلع مشوار جهزي حالك

شغف:انا وانت!!!!!والناس؟

جواد:شوبدك بالناس ؟المهم هالعيون تضحك

شغف:طيب ومرتك؟

جواد:شو بدك بمرتي؟بعدين لاتقولي مرتك.....انتي بس بتلبقلك هالكلمة....اساسا انا تحسنت معها لانك طلبتي مني هالشي....لولاكي كنتي بتعرفي انو كل يوم منتخانق

شغف:يا الله شو عم حس حالي خرابة بيوت....انا مو هيك جواد!

جواد:تعي لقلك تعي

_قرب مني و حط راسي على كتفه و حضني بايده_

جواد:بعرف انك مو هيك....بس حبنا لبعض اكبر من هالكلمة بكتير لاتفكري فيها من الاساس

شغف:بس هيك انت عم تخونها! معي

جواد:(تنهد)ليكي....مستعد هلأ روح جيب شيخ و اكتب كتابي عليكي و فوتك لعندا و قلها هي مرتي متلها متلك
ولا تنلزق فيني كلمة خاين....انا مو خاين...تمام؟
والقرار عندك هلأ.....شوقلتي؟

شغف:شو قلت عن شو؟

جواد:نتزوج

شغف:هلأ؟بقصد بالوقت الحالي؟

جواد:اي ....شوفيها! الحب موجود و نحنا ال2 موافقين ليش لتبقى علاقتنا بالسر! بعدين هاد كان حلمنا المشترك
بقا شو قلتي!

شغف:انت عم تاخد هالقرار بلحظة انفعال...هيك قرار بدو تفكير كتير!

جواد:(بانفعال)تفكير!!!!!!!!!!!ليش مثلا شو كانت خططك؟نبقى هيك كل العمر؟

_بعدت عنه و طلعت بعيونه_

شغف:ليش انفعلت!عم نتناقش

جواد:والله ولا شي.....بس كأنك مبسوطة بهالوضع ومالك حابة ترتبطي فيني؟

شغف:جواد شوعم تحكي....لك انا ماسدقت رجعتلك...انا كل قصدي انو بكير عفكرة الزواج

جواد:لا مو بكير....اذا بتحبيني عنجد...بتتزوجيني...شوقلتي؟

شغف:بتعرف اني بحبك اكتر من حالي....لاتحطني بموقف صعب...خلينا نأجل فكرة الزواج شوي...بس لبينما وقف على رجليي...اعرف شو بدي اعمل بحياتي

جواد:(بنبرة هادية)شغف.....انا مالي خاين....مابخون العشرة...صح انا مابحب ندى...بس بتضل محسوبة عليي انها ام بنتي....يمكن بكلامك فيقتيني لشي انا ما كنت منتبه الو....انتي شغفي...وعمري و كل حياتي....بس بصراحة....انا مارح كمل بهالعلاقة اذا ما اتثبت حبنا عالورق...رح اعطيكي يومين....فكري فيهن و رديلي خبر

شغف:صرلك ايام و ليالي فايت طالع لعندي....هلأ صحيت و فكرت بهالحكي!!!!!!!هلأ وعيت انك عم تخون مرتك معي!!!ليش!شو صار معك فجأة و بدون سابق انذار
قررت انو علاقة الحب مابتناسبك و بدك زواج ليش جواد فهمني!

جواد:اي هلأ وبهالدقيقة فقت لكل شي....انا مابدي اتسمى خاين....بدي اتزوجك بشرع الله و ساعتها ماحدا الو عندي...اما هيك....لا

شغف:انت قد انك تتزوجني...انت قد اهلي؟

جواد:انتي وافقي وماعليكي

شغف:ليك.....تكون اب خاين...ولا تكون اب ميت
اهلي هالمرة مارح يرحمونا....انا مارح فوتك بمعركة ممكن تموت فيها....انا اسفة مافيني...كمل حياتك مع عيلتك بدوني....احسن مايكملو هنه بدونك

جواد:رفضتي يعني!(صرخ)قلتلك مستعد افتح جبهة كرمالك!!!!والله بحارب الدنيا....بس خليني اتزوجك بالاول...خليني حارب بموقف قوي....حارب كرمال مرتي
مو كرمال عشيقتي

شغف:عشيقتك؟

جواد:اي.....بنظر الناس...بنظر اهلك....انتي شو...عشيقتي
بس صيري مرتي...وماحدا رح يطلعلو احكي

شغف:بنظرك انت شو؟

جواد:__

شغف:جاوب

جواد:بربك لاتعلقي عهالكلمة....زل لساني و طلعت معي

شغف:لو مابتفكر بينك و بين حالك اني هيك....لو مافي هيك افكار لو 1%ماكان زل لسانك....(غصيت بدموعي المكبوتين)......طلاع من بيتي

جواد:عم تقلعيني!!!!!!!!!

شغف:طلاع...انا مالي عشيقتك

جواد:طالع

_كلمة بتجر كلمة...فجأة بيجرحك اغلا انسان عقلبك
انا مالي عشيقة....صح بحبه...وفات على بيتي...بس ماصار بيننا شي غلط....يمكن غلطت وقت فتت بهالعلاقة ....بس انا كان بدي صدر حنون حط راسي عليه....بدي ضهر استند عليه و مايميل....مابعرف ليش هيك صار...مرق بعدها كم يوم...لاشفته و لا شافني
ومرة بنص الليل....صحيت من نومي على رنة التلفون
مين رح يتصل فيني بهالوقت!!!!_

*مساء الخير.....شغف؟

شغف:اي.....مين معي!

*أنا كايلا....من البرازيل

شغف:مين كايلا

كايلا:صديقة ايمن....والدة لوكاس

شغف:لوكاس!!!!!!!!

كايلا:نعم.....اريد منك خدمة شغف.......انا لم اعد استطيع العناية به....مصروفه كبير للغاية و انا وحيدة....اريد ان ابعث لوكاس اليك لتربيه وتسجليه على اسمك!

شغف:لحظة.....سجلو على اسمي!!

كايلا:نعم....ف انا انجبته بطريقة غير شرعية...ولم اعد استطيع تحمل مسؤوليته

شغف:تمام....يعني حسنا....ايمتا رح تبعتيه؟

كايلا:الخميس القادم ان كان يناسبك

شغف:يناسبني.....اكيد.....اكيد يناسبني

كايلا:حسنا.....ستجلبه الخادمة لك.....الى اللقاء

شغف:الى اللقاء!!!

_ماصدقت اللي سمعته....لوكاس رح يرجع
لحضني....و فوقها رح سجلو على اسمي!!!!
ياااااا الله...فرحتي وصلت للسما...توتر ممزوج بالفرح و الحماس..ضحكتي ماعاد وسعتني
حسيت اني لازم خبر حدا....لازم حدا يشاركني هالفرحة
جواد!!!!!
طلعت عالبلكون و نطرتو......شوي وكالعادة..
كان طالع مع سيكارتو وكاسة القهوة_

شغف:بسسسس....جواد

جواد:(تلفت لوراه ليتأكد انه ندى مو شايفته و قرب لناحيتي)نعم.....شوبدك!

شغف:بدي احكي معك!

جواد:بشو

شغف:موضوع ضروري....مافيك تجي؟

جواد:لا

شغف:بس الموضوع مهم

جواد:هلأ مابقدر بعدين منحكي

شغف:انا فرحانة....حابة شاركك فرحتي

جواد:خير نشالله....شو مفرحك حتى جاية تناديلي بآخر الليل

شغف:انا......

_قاطعني صوت ندى وهيه جاية باتجاه جواد.....تخبيت ورا الحيط فورا....ومن حسن حظي انو الاضاءة مطفية_

ندى:حبيبي.....مابدك تجي!

جواد:(بارتباك)مبلا....بس طلعت دخن..ماحضرتك مانعتيني دخن جوا

ندى(بدلع):اي اليوم سماح......لانك صالحتني ودللتني

جواد:اذا هيك كل يوم بدللك و خليني دخن جوا....حاجتي طلعة عالبرندات

ندى:هههههههه.....انت وشطارتك ياعمري

جواد:اي فوتي ادامي فوتي

_حطيت ايدي على تمي و شهقت و دموعي كرجو.....هو قاصد يقهرني!....قاصد يخليني غار و لا شو!!!!!
قاصد يحرق قلبي....تمددت على المرجوحة بالبلوكن و بكيت...نسيت فرحتي ونسيت لوكاس...وتذكرت قلبي المكسور اللي حتى جواد حب يشارك بكسرو اكتر....بقيت فايقة لطلوع الفجر وانا عم ابكي.....وقبل شروق الشمس بشوي....مالقيتو الا صار مواجهي_

جواد:صوت بكاكي بأذنيي كل الليل

شغف:عادي....هالخد تعود عاللطم

_نزل لمستوايي وقعد على ركبو مواجهي_

جواد:شو كان بدك تقوليلي؟

شغف:نامت العروس؟

جواد:نامت....احكيلي

شغف:خلص....انسى مافي شي بيهمك

جواد:قلتيلي انك فرحانة لشي...حابب اعرف شومفرحك

شغف:كنت فرحانة....هلأ...انا مكسورة

جواد:انتي هيك بدك.....فيكي تكوني مكان ندى....بس انتي رفضتي

شغف:صح....انا رفضت....بدي فوت نام عن اذنك

_قمت و تركته...فتت على غرفتي و قبل ماسكر الباب كان لاحقني و دافشو....مسكني من كتافي و وقفني_

جواد:طلعي بعيوني...طلعي لشوف

شغف:شوبدك!!!!!!!

جواد:مابيهون عليي كون سبب هالدموع

(مسح دموعي وباسني من خدي)

جواد:انتي شغفي!!....بدونك بعيش بدون روح....بدون احساس....بعرف انو تصرفي ادامك هيك كان حقير
مابعرف بشو كنت عم فكر......بس صدقيني....اني كل الوقت متخيلك انتي معي
انا بحبك ياشغفي.....يا وردتي الحزينة.....موت و لا تحزني بسببي

شغف(تبكي)حرقت قلبي اكتر مو محروق

جواد:انا اسف....والله اسف...عمري انتي...تعي لقلبي

_حضنني و بكيت اكتر....حملني و طلع فيني عالصالون وقعد خلاني بحضنو كأني طفلة صغيرة بحضن ابوها_

جواد:شو بدك لتضحكي

شغف:بدي ياك

جواد:تزوجيني

شغف:مابقدر عرضك للخطر....بخاف عليك من اهلي

جواد:منروح انا و انتي منواجههن واللي بدو يصير يصير

شغف__

جواد:شوقلتي؟

شغف:وبلكي قتلونا

جواد:مارح يقتلونا لاتخافي.....لاتنسي اني ضابط و قتلي فيه خربان بيوت....و اهلك ولاد عشيرة ومارح يفكرو يعلقو مع الدولة

شغف:بجوز يقتلوني انا

جواد:انتي انا.....والله بقلب عاليها واطيها و اللي رح يلمس شعرة منك بيموت قبل مايعملها....بعدين ما منروح لوحدنا.....انتي وافقي وانا برتب كل شي وبخليلك اهلك غصب عنهم يوافقو

شغف:___

جواد:فكري بكلامي.....حسبيها انتي رح تكوني الطرف الاقوى بوعدك

شغف:طيب

جواد:وافقتي؟

شغف:اي

جواد:(ابتسم)هيك ها.....من الاول وبلا هالعذاب

شغف:بحبك جواد

جواد:و انا بموت عليكي

_قرب مني ببطئ.....مسح بكف ايده على خدي و التانية غلغلها بشعري....صارت انفاسنا وحدة....قلبي كان مسموع
طلعت بشرايين رقبته لشوف كيف قلبه عم ينبض بسرعة رهيبة.....هي اكتر مرة منقرب من بعض.....وقبل ما يقرب اكتر...حطيت ايدي على شفايفه و بعدتو_

شغف:خليها لبعد الزواج

جواد(ابتسم وباس ايدي)أمر عيونك

شغف:في شي لازم خبرك عنو

جواد:كلي سمع

شغف:رح قوم اعمل قهوة...لان الموضوع جدي شوي

جواد:ايواااا....معناها جدي كتير....يلا ناطرك هون

_عملت القهوةبسرعة و قلبي عم يدق اسرع....ماني عارفة كيف بدي فاتحو بالموضوع_

شغف:تفضل فنجانك

جواد:يسلمهن.....قعدي جنبي لنعرف نحكي

شغف:طيب......شغل سيكارة بالاول

جواد:ههههه.....ليش؟

شغف:احسن....مشان تضل ريلاكس

جواد:ياستي حاضر...وها...شغلنا وحدة....هاتي لشوف

شغف:احم.....لو(بلعت ريقي)لوكاس

جواد:(عقد حواجبه)لوكاس؟مين لوكاس؟

شغف:الولد البرازيلي

جواد:اييي اي....شبو؟

شغف:امه اتصلت فيني

جواد:من البرازيل؟

شغف:اي.....قال بدها تبعته لعندي ربيه انا لانو هيه ماعاد قادرة تتحمل مسؤوليته

جواد:نعم!!!!!!!!!امه رح تتخلى عنه و لمين الك

شغف:اي...مو بس هيك

جواد:اتحفيني لشوف

شغف:بدها ياني اتبناه

جواد:تتبنيه؟بهالبساطة!!!!!!!وكيف رح يجي لهون؟عبساط الريح؟

شغف:بالطيارة

جواد:لك ااااه منك.....بعرف انو قلبك طيب.....بس مابعرف انك غبية...
شغف:(بانفعال)جواااد......انا غبية

جواد:لكن شو بتحبي تسميه؟...رح اسألك سؤال....فرضا....طفل بعمر لوكاس بدو يجي عالبلد....مابدو موافقة ولي امرو؟معناها الولد الو سجل رسمي و مافيكي تتبنيه والاخت كزبت عليكي وقالت مو مسجل....معناها يا فهمانة هاد ملعوب من اخوكي كرمال يجرجرك عالمطار لهدف معين
يمكن بدو يتخلص منك.....يمكن في شي ببيتك بدهن منك تطلعي ليقدرو ياخدوه...في الف سبب وسبب

شغف:بس انا ماحسيتها عم تكذب

جواد:هههههههه

شغف:جواد..لاتضحك عليي....انا الفرحة ماساعتني لما سمعت انه رح يجي لعندي

جواد:مارح اسمحلك توقعي ضحيتهن مرة تانية....شغف هدول عصابة....مجرمين دوليين...مارح خليكي تروحي برجليكي لعندهن

شغف:و لوكاس؟

جواد:لوكاس طعم...لياخدوكي لمكان اللي بدهن

شغف:خليني روح جيبو بترجاك....ببوس ايدك(تبكي)هو فرصتي الوحيدة لكون ام.....لوكاس حلمي....خليني جيبو لعندي جواد بدي كون ام بترجاك

جواد:ليش عم تبكي!!!!قلتلك هاد فخ....يمكن لوكاس كلو مايجي...ياخدوكي عالمطار ليتخلصو منك و بس

شغف:وبلكي اجا.....بلكي اجا مالقاني....بلكي ماكان فخ متل مانك عم تحكي

جواد:(بانفعال)لك شغف!!!حكم الاعدام تبع اخوكي صدر....ورح يتنفذ اول الشهر يعني بعد 10 ايام
اخوكي هلأ عم ينفذ اخر عملياتو....اخوكي عم يختم مسيرته.....و بنظره انتي احد اسباب سجنه....وبدو ينتقم منك....حبيبتي كرمالي لاتنجري ورا عواطفك...واذا كان عالاولاد بكرا بس نتزوج رح اخدك لعند احسن الاطباء و عالجك....و تحملي وتجيبي ولد من رحمك انتي
بس بترجاكي لاتمشي ورا قلبك

شغف:__

جواد:ايمتا قالتلك رح تبعته؟

شغف:الخميس

جواد:بعد بكرا(هز براسو)ماشي الحال

شغف:شو رح تعمل؟

جواد:مارح اعمل شي.....رح لاقي طريقة لاثبتلك كلامي
ومن هلأ لوقتها ممنوع تطلعي من البيت

شغف:و اذا اجا لوكاس؟

جواد(بعصبية)لسا بتقول لوكاس!!!!!!!عم قلك هاد طعم

شغف:سايرني....خدني على قد عقلي..اذا اجا

جواد:ياستي.....رح احكيلك مع امن المطار و اعطيهن اوصافو اذا اجا بشي رحلة يتوقف هو و اللي جايبه منيه هيك؟......المهم انك تبقي هالكم يوم بالبيت لبين ما رتب اموري واعرف اخوكي على شو ناوي

شغف:طيب متل مابدك

جواد:رح خلص من ايمن و اتأكد انو مات و بعدين منفضا لحالنا و منتزوج....يعني شغلتنا بالكتير 10 ايام وبعدهن انتي ملكي

شغف:نشالله

جواد:انا رح روح عبيتي قبل ما يطلع النهار اكتر من هيك....والليلة بشوفك

شغف:نشالله

_مابعرف ليش ما اقتنعت بكلامه.....حاولت كل النهار اتناسى الموضوع....جربت ارسم اقرأ اطبخ...بس مافي شي قدر ينسيني لوكاس....لقيت حالي مطلعة غراضو وتيابو و عم اتأملهن....اكتشفت اديش انا مشتاقتلو و اديه بحاجة وجوده معي...قريب العصر...كان بابي عم يندق_

شغف:جينا!!!!!!!!

جينا:كيفك شغف؟

شغف:(بفرح)مشتاقتلك....فوتي تفضلي

جينا:انا جاية لنحكي كلمتين اذا بتريدي

شغف:فوتي منحكي جوا

جينا:طيب