#سكرك_مر
#بقلم_فيلوفوبيا
#الجزء_الثاني

التقي بك حلما بعيدا
اعيش فيه سعادة لم اعهدها من قبل
ثوان قليلة...كفيلة بأن تجعلني أصحو مذهولة من أمري
عالقة بين الحلم و الواقع
بين الخيال و الحقيقة
بين الامنية و كسرها!!
لكنني....
أنفض عن رأسي ترهات الامنيات وأقول:
(أضغاث أحلام و مانحن بتأويل الأحلام بعالمين)
أستمر بإقناعي بهذة الكلمات...أضغاث أحلام!
ولكن شتات ذهني يغلبني ذات لحظة
لأظن أنك تفكر بي
أن أفكارك قفزت بطريقة ما إلى أحلامي
أن اسمي في لحظة تردد على شفاهك
مالكل هذه الافكار اليائسة من فائدة!
رغم كثرة خطاباتي لك و كثرة رسائلي المدفونة
إلا أن بعدي عن قلبك
كبعد المشرق عن المغرب
وقربك من قلبي
أدنى من حبل الوريد!
(بقلمي)

_متل العادة....صحيت من نومي و انا عم احلم بحب حياتي...حاسة كأني ماكنت عم احلم....كأن اللحظات الي شفتها بالحلم....هي جزء من حياة تانية عشناها سوا من قبل
او عاشتها ارواحنا لما التقت بالملكوت
رغم حلاوة الحلم....الا انه بيصير مر كتير...لما اصحى منو ولاقي حالي بواقعي...و حياتي و مكاني المفروض عليي
شديت حالي و قمت من تختي....عملت فنجان النسكافيه و طلعت عالبلكون.....اليوم جمعة...و وائل مو معي...متل كل ايام الجمعة...طلعت على بلكون ندى و لقيتها عم تحط الفطور عطاولة برا....و مبينة مبسوطة....سلمت عليها...و كملت شرب فنجاني....قبل ما ادخل لجوا...خطفت نظرة عليهن كيف عم يفطرو سوا و مدموجين....للمرة التانية بشوف جارنا وبشوف بس ضهرو...بس كان عم ياكل بإيد و ماسك ايدها بالتانية
ماحسدتهن اكيد...ما وائل بيعشقني...بيعشقني و تاركني عيش نص عمري لحالي....نص حياة...نص عمر...نص قلب...ونص رجل...مابيكفو امرأة...كان قلبها على ذمة عشق كبير...وفجأة لقت حالها على ذمة رجل تاني
هاد اليوم ماكنت بعرف انو رح يكون استثنائي...اجاني اتصال من اخي من امي....الي قليل كتير ما يحكي معي او نتواصل حتى مع معرفتو انو اخواتي من ابي قاطعيني_

ايمن:كيفك شغف

شغف:اهلين ايمن....انت كيفك!

ايمن:انا منيح.....ليكي شغف بدي منك خدمة

شغف:من عيوني تفضل....بدك مصاري اخي؟

ايمن:لا مو شغلة مصاري....بدي...بصراحة ماني عرفان احكي

شغف:احكي اخي لا تخجل

ايمن:شغف بدي ابعتلك.....بدي ابعتلك ولد!

شغف:(فتحت عيوني بصدمة)ولد!!!!!!!!!....مافهمت عليك

ايمن:لك ولد صغير....بيكون ابني

شغف:ولد صغير!!!!!وابنك!!!!....ليش انت ايمتا تزوجت اخي!

ايمن:مامهم ايمتا تزوجت...المهم انو بدي ابعتلك ابني...وبدي منك تنتبهي عليه كتير منيح ماشي....فترة صغيرة نشالله مابيطول عندك و بجي انا باخده او برجع عالشام و بستقر

شغف:ايمن....ماني عم افهم شي!

ايمن:اختي....هاد الولد امانة عندك....ديري بالك عليه كتير منيح....انتبهي عليه من اقرب الناس الك عم تفهمي....مابدي اي حدا يئذيه...لوكاس اغلى من عمري
رح ابعتلك مصروفو بحوالة مابدي شي ينقصو تمام؟

شغف:حاضر اخي....بس مافهمتني ليش!

ايمن:اذا شفتك بحكيلك....واذا لا لوكاس امانة برقبتك
طيارتو بعد بكرا...الطيارة الي جاية من البرازيل الساعة 2 الضهر..رح يجي مع مربيتو الخاصة...رح توصلو و تروح...ومن بعدها انتي بتنتبهي عليه بينما انا ارجع عالشام

شغف:طيب...حاضر اخي...بعد بكرا بكون بالمطار عم استناه

ايمن:متل ماقلتلك....لوكاس امانة برقبتك....سلام

_سكر ايمن وتركني عم حاول استوعب الصدمة...اخي من ايمت عندو ولاد!!!!....وامي بتعرف ولا لا!وليش حطو عندي مو عند امي مثلا....ليش انا!!!!
بقي مشغول بالي وماقدرت نام و انا عم فكر...تاني يوم وصلت حوالة ضخمة باسمي...طبعا ماخبرت وائل عنها....الي انصدم متلي بطلب اخي...بس مامانع اني حط ابنو عندي هالفترة
اخيرا اجا اليوم المنتظر....رحت عالمطار و الطيارة وصلت بموعدها.....الساعة 2 وربع كان طالع لوكاس من بوابة الواصلين...حاملتو المربية تبعو
انصدمت بأبن اخي.....يمكن احلا طفل شفتو بحياتي
كنت حاملة لافتة باسم لوكاس.....قربت مني المربية و ناولتني ياه....شعور غريب حسيتو لما حملتو....شعور بالالفة....بالمحبة و الامان...كان هادي كتير و ما مانع اني احملو....بالعكس عانق رقبتي بايدو و حط راسو على كتفي....يادوب عمرو سنة ونص...صغير كتير و بياخد العقل....شعرو الاسود و عيونو الزرق...ملامحو الصغيرة و الجذابة و البريئة ....شبهو الغريب فيني...الي لاحظو وائل فورا...حبيتو من اول لحظة....اخدتو و رحت عالبيت...وانا طايرة من الفرح...يمكن لاول مرة بحياتي بفرح هيك....من يوم ماتزوجت وائل
لوكاس ماكان بيحكي لسا....يادوب ماما و بابا و كم كلمة موكتير مفهومين....رتبت تيابو بغرفة الاولاد الي كانت مجهزة من زمان...لأطفالي الي ما اجو .و لا رح يجو عالدنيا....بس لوكاس عبا هالمكان الفاضي من زمان....من اول يوم تعودنا على بعض....ونام بحضني متل الملاك

الكتب والمواضيع والآراء فيها لا تعبر عن رأي الموقع
تنبيه: جميع المحتويات والكتب في هذا الموقع جمعت من القنوات والمجموعات بواسطة بوتات في تطبيق تلغرام (برنامج Telegram) تلقائيا، فإذا شاهدت مادة مخالفة للعرف أو لقوانين النشر وحقوق المؤلفين فالرجاء إرسال المادة عبر هذا الإيميل حتى يحذف فورا:
alkhazanah.com@gmail.com

الرئیسيه

المجموعات و القنوات

Disclaimer

All contents and books on this website are collected from Telegram channels and groups by bots automatically. if you detect a post that is culturally inappropriate or violates publishing law or copyright, please send the permanent link of the post to the email below so the message will be deleted immediately:
alkhazanah.com@gmail.com