الجزء التاسع #تمت
قيس : لا ما في شي
وقفت لميس وتيابها كلهن طين
لميس : اننننننننس ... وينك ؟
قيس : عم يلعب بالمرجوحة ورا البيت ..
رجعت لميس ومرقت من جنب قيس و دفشتو : بعد عني هيك واقف بطريقي
وفاتت عالبيت وطلعت من الباب الخلفي
لميس : انس
انس : ليموووووونة
لميس : تعا لهون
انس : ليش معصبه ؟
لميس : عم ئلك تعا لهون
لحقها قيس و وقف يتفرج عليهن
لميس اشرتلو على قيس : شايف هداك الرجال ؟ ما تحكي معو فهمان ؟
انس : ليش؟ انا حبيتو
لميس : هو مو منيح بس بيعمل حالو منيح
قيس : انس .. ما ترد عليها ونصيحة مني تقطع علاقتك فيها لان هي البنت مجنونة وهبلة
لميس : انس.. انت بتسمع كلمتي انا مو كلمتو .. هاد الزلمه طالعه من مستشفى المجانين
وبدو يخطفك
قيس : انس حبيبي تعال لهون
مشي انس لعندو ولميس عم تبحلق فيه وصارت تعيط : لك تعا لهون شو الي ساعه بقلك
قرب قيس من انس وهمسلو شي بأدنو و بعدين ضحكو التنين
قيس : اتفقنا ؟
انس : اتفقناااااااااا .. انا بحبك كتيييييييييييييير
لميس : شووووووووو ؟ وانااااااااا
انس : مممممممم وانتي بحبك بس شوي
لميس : طيب يا انس ... ازا بترجع بتدئلي وبتئلي اشتئتلك يا ليمونة بدي اعصر ليمونة بتمك
يلا باي
انس : باي
قيس : باي ليمونة
فتحت لميس عيونها على وسعهن ... بعديهن قعدت بالأرض وصارت تبكي
لميس : يا الله والله جننتوني
انس قرب من قيس وقلو كأنها زعلت ؟
قيس قلو معقول ؟
قربو التنين منها وهن مستغربين منها كيف عم تبكي متل الصغار
انس : زعلتي ؟
قيس: عنجد من عئلك عم تبكي ؟
لميس : ايييييييييه لانك طلئتني و تركتني لحالي وتخليت عني بكرهك بكرهك
قرب انس منها وباسها على خدها : لا تزعلي انا بحبك
قرب قيس وباسها على خدها من الجهة التانية : وانا كمان بحبك لا تزعلي
حطت لميس ايدها على خدها : ياااااااخ
قيس و انس : هههههههههههه
لميس : سامحتني ؟
انس : انا ؟
لميس : لا مو انته .. قيس
قيس : ايه سامحتك حبيبتي وانتي سامحتيني ؟
لميس : ايه .. سامحتك بس امانة بعمرك لا تشك فيني .. حطلي الف عذر ولا تشك فيني
قيس : حاضر .. بوعدك... و انتي اوعديني ما تعودي تشتغلي شي من ورا ضهري..موبايل بالسر و شريحة ومابعرف شو
لميس: حاضر... بوعدك
قيس: شطورة
لميس : يلا بوسني
قيس انبسط : انا ؟؟؟؟؟؟؟
لميس : ههههههههههههه لا مو انته .. انس
قيس: و انااا!!
لميس: والله انته ياحبيبي لازم ترجع تزبط امورك و تعملي عرس جديد مشان يطلعلك بوسة
قيس: عرس جديد!!
لميس غمزت انس : ايه... مو هيك انوسه؟
انس: ايه هيك ليمونة
قيس: ياحبيبي... كملت معي
#تمت