قناة

📚قصص||روايات||منوعة📚

@rwayate
📚قصص||روايات||منوعة📚
23.9k
عددالاعضاء
218
Links
2,827
Files
17
Videos
767
Photo
وصف القناة
قصص و كتب pdf 💚📚 محبي القراءة في نعيم لا يدركه غيرهم... لا تشيخ أرواحهم وعقولهم ولو شاخت أجسادهم.💚 فهرس القصص👇🏻💗 @rwayattt للتواصل @Rwayate_BOT بإدارة💙✨ ⴅÂÐЄĦÂ حسابي الانستغرام💚🌿👇🏻 https://instagram.com/madeha_alyan?igshid=YmMyMTA2M2Y=
لـ صديقتي💙"
@frindy 👭
Link
0
4.5k
14:142017/11/24
Link
0
4.3k
13:132017/11/25
قصة اليوم: #امرأة_من_حديد
.....
قراءة ممـتعه💙🎶"
#ⴅმძ3Һค
Link
0
4.5k
13:132017/11/25
((((#امرأة_من_حديد))))
#بقلمي ✏️ 📖
#نـــورايـــة
قصة واقعية
@rwayate
اسمي جُلَنّار اسم غريب نوعا ما....رح تعرفوا معناه وسبب التسمية من خلال قصتي...
...عايشة مع أهلي عائلتي وضعهم متوسط الحال ..عندي ثلاث خوات وثلاث إخوة
ترتيبي في العيله وسط
حياتي عادية انا الاصغر بين خواتي لكن الأكبر بين إخوتي الذكور
الوحيدة بين إخوتي اسمي غريب أسماؤهم بالترتيب
لمياء...سماء...سجى...محمد...سليم....ليث
الناس كانوا لما ينادوني يختصروا اسمي من جلنار إلى منار...وطبعا في فرق ف المعنى بين الاسمين
المهم قصتي بهالحياة إني بعيش بين عائلتي وحيدة
وسبب في ها الاشي إني كنت البنت الرابعة ف العيلة وما كانو أهلي حابيني..بعدين جابوا اهلي إخوتي الذكور اللي انصب كل اهتمامهم فيهم
.
.
أنا: ماما شو معنى اسمي ...كل البنات ف المدرسة بتخوثوا عليه
إمي: معنى اسمك زهرة الرمان
أنا: يااي حلو كتير
إمي: عرفتِ خلص شو معناه المهم حلي عن وجهي
*كانت عنا في الحديقة اللي بمنزلنا شجرة رمان بس ما كان حدا يعتني فيها كان معلق عليها مرجوحة...قررت من وقتها أعتني فيها وكانت مكاني وملجأي دايما
لما كنت ف الصف الخامس...كنت بمدرسة مختلفة عن مدارس خواتي لأنهن اكبر مني
طلبت المديرة من جميع الطالبات حضور أولياء الأمور للبحث في شؤون الطالبات
وللصدفة كانت مديرة خواتي طالبة هاد الطلب
أنا: بابا المديرة طالبة منك تحضر ع المدرسة
لمياء: بابا ما تروح مع جلنار بدك تيجي ع مدرستنا نحنا لأنه المديرة طلبتك
أبي: إي بابا لمياء أكير رح آجي ع مدرستكم
أنا: ونا يا بابا
أبي: خواتك ثلاث وبمدرسة وحدة...اما انتِ لحالك ....فهني أهم
.
.
وهيك ع هاد المنوال
في نهاية العام الدراسي
أنا:ماما بدهم يكرموني ف المدرسة لأني الأولى ..بدك تيجي صح
إمي: لأ ما رح أقدر آجي...
أنا: ليش يا ماما
إمي: ما بقدر أدشر البيت...وخلص
.
.
ف البيت قعدة مسائية
أبي: بدنا نروح يا أولاد نهاية الأسبوع سيران..آه يا لمياء سماء سجى ومحمد وسليم وليث وين بتحبوا تروحوا
*حسيت حالي ولا اشي في البيت ولا كأني موجودة ...طيب شو السبب كل هاد الاشي مشان ما بدكم بنات ..أنا شو ذنبي ...هاد الاشي كله حكمة من ربنا
.
ما كان اللي محل بهالبيت غير فرشتي وشجرة الرمان اللي بشكيلها كل أحزاني
.
.
كنت ف الأول ألاقي إلهم عذر....بس بعدين بطلت ألاقي إلهم عذر ...فضلت الوحدة والاعتزال
اتخذت زاويتي الخاصة بالبيت ...كنت كل ليلة أنام وحيدة على فرشتي تمتلئ مخدتي بالدموع ...
كانت الي فرشه ومخدة وحرام ...ف زاوية صغيرة بالغرفة...إخوتي وخواتي كانو كل واحد منهم إلهم سرير ومكتب خاص فيهم
كنت أحس حالي مشردة...ما ألاقي الحنان ولا من أي طرف ف البيت
كان جسمي نحيل جدا ..من عدم الاهتمام...ما كان يبين علي معالم الأنوثة الجميله بسبب ضعفي وصفار وشحوب وجهي الدائم
حياتي صارت من المدرسة للبيت لفرشتي اللي هي بعتبرها مملكتي ..كنت بنام وبوكل وبدرس عليها ...اعتزلت اهلي ...فكرت ما دام ما بدهم يحكوا معي وانا بدي اريحهم مني ..يمكن كان هاد غلطي لازم كنت اضلني أحاول معهم...لكن مشاعر الطفولة بتختلف ...كنت بحاجة حنان أم وأب وإخوة ما كنت ألاقي
بعد ما قررت الوحدة ..اتوقعت أهلي يسألوني ويصيروا يهتموا فيني ..لكن عبثا...كأنهم كانوا ينتظروا مني هاد القرار
كبرت وكبر معاي كُرهي لأهلي .....اتجوزت أختي لمياء وكمان أختي سماء ...اتجوزوا من عائلات غنية
أختي سجى كانت سنة أخيرة صيدلة..وكانت خاطبة
أنا كنت ثانوية عامة علمي ...برغم إهمال أهلي إلي إلا إني كنت بحب الدراسه دائما كنت الأولى
اجتهدت وحصدت جبت معدل بأهلني أدخل طب...لكن أهلي عارضوا دراستي للطب بحجة التكاليف ...ودخلت كلية الحقوق بالرغم من معارضتهم نوعا ما
أختي سجى اتخرجت من الجامعه والكل فرحلها...ما شفت هاي الفرحة من أهلي وقت طلعت نتيجة في الثانويه العامه
واتجوزت
بدأت حياتي الثانية الحياة الجامعية ...
كل إهمال أهلي كنت احفروا بقلبي
خلصت سنة أولى ف الجامعه والحمدلله كنت متفوقة
إجت سنة ثانية وأخي محمد دخل الجامعه لأنه كان أصغر مني سنة ..ودخلوا أهلي طب بالرغم انه معدلوا ما كان بأهلوا بشكل كافي
بيوم من أيام الأسبوع...كنت جالسة ف المكتبة عم بدرس كالعاده
إجى عليّ شب من قسمي وطلب مني
خالد: جلنار ممكن أقعد معك ع الطاولة
أنا:.......(مارديت)
(احنا عائله ملتزمه دينيا وانا بنت محجبه)....
خالد: لو سمحت بدي أسألك أكم سؤال عن المواد اذا في مجال
أنا: إيه إيه تفضل
خالد: شكرا الك
** قعد يسألني وأجاوبه
اسمعت صوت من خلفي
مجهول: عال العال ..ما شاء الله عنك العين تحرسك
أنا:(لفيت وجهي) محمد!!! شبك شو في؟
محمد: وبتسألي كمان ..قومي معي ع البيت
خالد: لو سمحت ما بصير تحكي هاد الحكي نحنا بمكان محترم
محمد: شو جلنار وعم يدافع عنك..والله لربيك ف البيت
**وشحطني شحط ع البيت منظري كان مزري أمام الطلبة
Link
0
4.4k
13:132017/11/25
فتح باب البيت ورماني ع الارض مثل الشحاطة..وبلش يضربني من كل منطقه ...وما كان هاد وبس إجوا أخوتي وامي وابي وخبرهم اني كنت قاعده مع شب بلشوا الجميع يضربني ويهين فيي
انا(بحاول ادافع عن نفسي): هاد زميلي بالكليه كان عم يسألني اسأله ..شو كفرت يعني
محمد: وإلك عين تحكي وخودي طاااااخ(الكف ع وجهي)
**بعد ما أشبعوني ضرب رموني بغرفتي ..ومنعوا عليّ الروحه ع الجامعة
اليوم الثاني نزلت عند شجرة الرمان وقعدت ع المرجوحه...وشكيتلها شو صار معي
انا(مع نفسي): آخ يا شجرتي يا ريتني متلك شجرة ما كان ما صار فيي هاد الاشي...أخي محمد اتهمني إني بحب...بالرغم إني كل يوم بشوفوا مع بنت شكل ف الجامعه وكنت اضلني ساكتة
*ضليت أبكي
كل يوم انزل عند شجرتي اسقيها بالمي واحكي معها
مر اسبوع وما رحت ع الجامعه
قررت افاتح اهلي انو بدي ارجع ع الجامعه
انا:أبي مشان الله خليني اروح ع الجامعه واكفي دراستي
ابي: حتى اتضلك تلاقي شباب وتحبيهم وتفضحينا
انا: والله يابي ما بلاقي شباب..هداك الشب كان يسألني أساله .وبس...وكيف بدي احبك ومين بدو يحبني ..هاد منظر وحده حدا يحبها ..اتطلع فيني شوف ما ابشعني
*بعد نقاش طويل عريض قرر يرجعني ع الجامعه لكن بشرط انو اذا اكتشفه حكيت مع خالد مره ثانيه رح يفصلوني نهائي من الجامعه
وافقت على هاد الاشي
.
.
رحت ثاني يوم ع الجامعه مثل ما قررت العزله بالبيت قررت العزله بالجامعه حتى ما انحرم من حقي ف دراسه
شافني خالد وإجى لعندي
خالد: جلنار انا آسف اذا سببتلك مشاكل
انا: ولا يهمك عادي ..بس لو سمحت ما عاد تحكي معي..سلام
خالد:...... 😮
كفيت سننين دراستي وبحاول اتهرب من أي حدا بحكي معاي وخصوصا الشباب الذكور
بالرغم اني كنت بدرس محاميه الا اني كنت اضعيفه امام اهلي وما كنت اقدر ادافع عن نفسي بأي اشي
خلصت سنين دراستي ...وسجلت بحفله التخرج طبعا كالعاده ما حدا من اهلي حضر
كنت اشوف اهالي الطلاب فرحانين بأولادهم...وزاد كرهي لأهلي....شفت كيف اهل خالد فرحانين في
كنت جالسه لحالي وعم انتظر اسمي حتى احصل ع الشهادة
خالد(معاه بوكيه ورد): جلنار مبارك تخرجك
انا:الله يبارك فيك ..ومبارك الك كمان
خالد: اتفضلي هاد البوكيه
انا: (والدمعه ف عيني):شكرا بس انا ما بقبله
خالد:بس الهديه لا ترد صحيح كلامي
انا: اممم طيب شكرا الك كثير..تسلم ربنا يوفقك
.
.
اخدت البوكيه وهاي اول هديه حدا بيعطيني اياها
خفت اروحها ع البيت لأنه اهلي رح يعملولي طنة وزفه
حطيتها عند شجره الرمان ...لأنه ما حدا من اهلي بقرب عند هاي الشجره
.
.
صرت احاول ادور ع وظيفه ...دورت كثير ما لقيت بمجال دراستي ..لقيت عمل بمحل لبيع الملابس المختلفه
حكيت مع اهلي وافقوا حتى يرتاحوا من مصروفي في البيت
*بالرغم إنه ما كنت مكلفهم الاشي الكثير كنت ف الجامعه متفوقه وكنت بوخذ منحه
المهم انهم وافقوا...بدأت الشغل
حصلت ع راتب مو بزياده المهم اغير جو البيت
....
بيوم من الايام المسا كنا قاعدين عم نتعشا
أبي:اسمعوا بكره في جماعه بدهم يجوا يطلبوا ايد البنت
امي:الحمدلله حدا اطلع فيها
محمد:اخيرا رح نخلص منك
*ما حدا استشارني ولا اشي
فكرت ف الامر قلت يمكن احسن بخلص من هم اهلي بكره بشوف مين سعيد الحظ اللي بدو اياني
اجي اليوم الميمون...
دخلوا الجماعه بعد شي نص ساعه طلبوا مني ادخل اتعرف ع الشب
دخلت وفضلت القهوه وقعدت ..استغربت ما في شب ف القعده كلهم عواجيز..
انا:(ف عقلي):معقول ما إجى معهم
نط ابي وقلي
ابي:اسمعي يا بنتي شايفه هداك القاعد بالوسط هو عريسك ان شاء الله
انا:(التفتت عليه طلع عجوز كبير في السن اكبر من ابي ومبين علي القوه والجبروت ..انصدمت ..خرجت طواله من القعده بدون ما احكي حرف)
طبعا ابي فسرلهم اللي صار انه خجل مني...
حاولت اقنع اهلي كيف بدي اوخذ واحد اكبر من ابي ..حاولت اأنبلهم ضميرهم بس عبث ما اقتنعوا
لما تحدد موعد الخطبه ..الشيخ طلب انه يسمع موافقتي
ابي:يا ابني يا محمد جيب اختك وخليها توقف ورا الباب خلي الشيخ يسمع موافقتها
محمد:ماشي
...شحطني اخي شحط وهددني اذا قلت مو موافقه
Link
0
1.6k
13:132017/11/25
من الخوف لما سألني الشيخ وافقت
ما تعدت فتره الخطبه اسبوع وتم العرس الميمون
طبعا عريسي كان بدو يعملي حفله ف صاله كبيره ..طبعا اهلي رفضوا وحكولي ليش هاي التكاليف اللي مالها طعمة...
حتى يوم حلم كل بنت ما خلوني افرح فيي...بالرغم انه كان مو يوم فرح ...كيف اهل بقبلوا ع بنتهم تتجوز واحد بعمر جدها ...كله طمع بالمال والمهر اللي قبضوا
تم العرس...كان عريسي غني كثير وانا زوجتوا الثانيه بس لانها مريضه قرر يتزوجني...اسمه رياض
كان يدللني وكل اشي بدي اياه وما يحرمني من اشي...حتى نفسيتي ارتاحت واعتنيت بحالي..
..
نصحت شوي وبين هاد ع شكلي اكتشفت انو اللي جمال وعيوني الواسعه..كنت بحس حالي مثل الجاحظ من نحافه وجهي..لكن لما تملى صرت اشي ثاني
كان اولاد زوجي يحبوني عندو ولدين وبنت وحده..وبنتوا اكبر من بسنتين
واولادوا من جيلي
بالرغم كل هاد الا انهم حبوني...كنت اعاملهم بطيبه وماقصرت عليهم بإشي ...وما كنت أتعالا عليهم
*أهلي ما صدقوا وخلصوا مني ما عاد زاروني او سألوا عني...بس انا كنت اروح عندهم بصراحه مش حب فيهم وانما حب بشجرتي
بصراحه ما كنت حابة احمل من هاد الزلمه ..ومو حابه اظلم طفل ..شو بدو يشوف من والده اللي اكبر منه
لكن مشيئة الله فوق كل اشي...حملت من رياض
وكنت حامل بولد...هون تقريبا اشتعلت نار الغيره بولاد جوزي ..مابدهم حدا يشاركهم بالورثه...بطلت معاملتهم اللي مثل اول
حاولوا يقلبوا جوزي عليّ الا انه كان شايفني ومو مصدق
بالرغم كل معاملته الحسنه الا اني ما كنت اشعر بالمحبه الصادقة الو...كنت احاول ما احسسوا بهاد الاشي..حتى ما ازعلوا كان معي حنون كثير
.
.
إجى موعد ولادتي وولدت ولد وسميناه عمرو ...فرحت في كثير
عمروا صار سنتين ....إلا إنه مرض رياض وتراجعت صحته
أولاده أهملوا كان يضل عندي ..اهتميت في كثير...
إلا انه المنية أصابته..وتوفى
وهاد اللي كنت خايفه منه وما كنت حابه اجيب ولد ويعيش يتيم الأب لكن كله حكمه من ربنا
بعد اسبوع من وفاته قرروا ولادته يفتحوا الوصية
المهم كان تاركلي الي وابني البيت اللي عايشه فيي وكمان مبلغ كبير من المال وجزء من ارباح الشركه
وتقريبا لكل ولد من اولادو نفس الاشي
.
.
.
حاولوا اهلي يقنعوني ارجع عندهم مو حب فيي وانما حب ف اللي بمتلكه..رفضت هاد الاشي...وقاطعوني وما عاد حكيوا معي
وكمان ولاد جوزي ما عاد سألوا عني
كنت دائما اسأل حالي كل هاد الكره من البنات
اعتنيت بابني كثير وكنت احاول ما اقصر عليي باشي
عمروا صار اربع سنين دخلته الروضة
قررت افتح مكتب للمحاماة
فتحت مكتب ..كان شغلي بالبدايه صغير الا انه مع الايام بلش يكبر شوي شوي
بتعرفوا الناس ما بقتنعه انه أنثى تكون محاميتهم
الا اني فرضت شخصيتي ..وصار الي اسم بين الناس
ابني عمرو دخل الصف الرابع الابتدائي
وبلش شغلي يزداد .....كنت بحاول ما اقصر بابني مابدي يشعر بالوحدة اللي عشتها طول حياتي
علمته جميع القيم والصفات الحسنه وكيف يتعامل مع اللي امامه وما يخجل من قول الحقيقه
عمرو كان ذكي كثير
*طلبني عدت أشخاص طبعا كمان مو لسواد عيني انما للمصاري اللي معي...رفضت كل عروضهم..وقررت انها تكون حياتي كلها لابني
*كنت زارعه جنب البيت شجره رمان...كنا قاعدين انا وابني بالحديقه..وكان يشوف اهتمامي فيها كثير
عمرو:ماما انت ليش بتحبي هاي الشجره كتير
انا: رح احكليلك بس بالاول انا شو اسمي لازم تحكي صح حتى احكيلك ليش بحبوا
عمرو: جل...جمنار...لأ لأ..جنار
انا:خطأ...رح ازعل منك ..ما بدك تحكي صح
عمرو:خلص ماما هلأ بدي احاول احكي
انا: يلا سمعني
عمرو:جلل..جلنار
انا: برافو برافو يا امي
عمرو: يلا يا ماما احكيلي
انا:اسمعني يا حبيب امك...هلأ معنى اسمي زهرة الرمان...وكانت ببيت اهلي شجره ما حدا يهتم فيها غيري وكان معلق عليها مرجوحة..كان هداك احب مكان الي..فبحاول انها تكون هاي الشجره مثل هذيك
عمرو: ماما ليش كان عليها مرجوحه
انا: (بصراحه سألني سؤال ..عمري ما سألته لنفسي ) اي ما بعرف با امي
عمرو: طيب ماما حطيلي مرجوحه على هاي الشجره
انا : ليش يا امي هي في عندك مرجوحه كبيره
عمرو:بدي تكون هاي الشجره مكاني المفضل مثلك
انا: يا عمري انت تكرم تعال لحضني
.
.
ابني صار في الصف الثامن...صار شب بيعتمد عليه
طول هاي السنين أهلي ولا حاولوا يسألوا عني متت بحاجه مساعدة...كان دايما يراودني ليش لهدرجة بكرهوني
...في امرأه اجت عندي ع المكتب وبدها ترفع قضيه طلاق ع جوزها ..لأنه جوزها مانو راضي يطلقها
استفسرت عن السبب بسبب معاملته السيئه من اهانه وضرب وكان سيء لدرجة كبيرة ...كان محول بيته لبيت أشبه ببيت دعارة ...وكان مبين عليها آثار الضرب والتعذيب ...واهلها ما بدهم تطلق كانوا موقفين ضدها
كان بدو يطلقها بشرط تتنازل عن جميع حقوقها وافقت..الا انه كان عندو شرط ثاني عندهم ابن بعمر سنتين كان بدو منها تتنازل عن الحضانه الا انه رفض
قررت اساعدها ...وحزنت عليها وحمدت ربنا ع النعمة اللي عايش فيها
Link
0
1.3k
13:132017/11/25
حاولت اجمع ادله تساعدني انها تكون القضية لصالحي وبتدينه على ارتكاب وسائل التعذيب ضدها
من خلال تقرير طبي يدل على تعذيبه لالها
*بصراحه كانت اطول قضية بتقعد معي
لأنه زوجها كمان حرر تقرير طبي باستخدام مرته اساليب التعذيب
كان يتهرب حتى من جلسات المحكمة وجلسات التوجيه الاسري، وجعلتها ترفع عليه دعوه عاجلة بنفقة مؤقته لمدة شهر حتى تنتهي القضية إلا انه ما دفعها وماطل وعمل تظلم على مبلغ النفقة
كان زوج جشع بكل ما تحمله الكلمه من معنى
ما كان معها منى(موكلتي) مصاري كفاية تدفعها اللي ...قررت اساعدها بكل استطاعتي وبدون أجر
*بصراحة بهاي القضيه انشغلت عن ابني بس الحمدلله ابني كان متفهم وواعي كتير كأنه اكبر من سنوا
**مرت سنة كامله على رفع القضية...وما في نتيجة تذكر...لا نفقة ولا راضي يطلق
**كان موكل محامي ..كان كل مرافعه يكون معاه محامي شكل...كأنه كل محامي كان يتركه ....
**بيوم كنا ف المحكمه وكان موعد جلستنا..وبصراحه كانت هاي آخر محاولاتي وقلت لمنى هاي آخر محاوله
بدأت المرافعة...
انا: سيادة القاضي.. انا المحامية جلنار...موكلتي منى تعاني اشد العذاب من هذا الرجل فهو يريد إبقاءها معلقة لتفتدي منه بإرجاع المهر وباقي الحقوق فهي معصية وجريمة كبرى كانت معروفة في الجاهلية قبل الإسلام، وقد جاء الإسلام بإبطالها والأمر بمعاشرة النساء بالمعروف والإحسان إليهن وعدم ظلمهن، قال الله تعالى: وَلاَ تَعْضُلُوهُنَّ لِتَذْهَبُواْ بِبَعْضِ مَا آتَيْتُمُوهُنَّ إِلاَّ أَن يَأْتِينَ بِفَاحِشَةٍ مُّبَيِّنَةٍ وَعَاشِرُوهُنَّ بِالْمَعْرُوفِ فَإِن كَرِهْتُمُوهُنَّ فَعَسَى أَن تَكْرَهُواْ شَيْئًا وَيَجْعَلَ اللّهُ فِيهِ خَيْرًا كَثِيرًا {النساء:19}
وبناء على ذلك موكلتي يا سيادة القاضي حاولت أن يكون انفصالها بالمعروف لكن من الواضح أن من يتزوج بشخص متعب اثناء الزواج سيكون كذلك متعبا ومؤذيا حتى عند الطلاق وبعد الطلاق.
وكلمتي الأخيرة يا سيادة القاضي من تعمد اذلال زوجته لأنها طلبت الطلاق لاستحالة العشرة فصمم على ايذائها ومحاربتها أقول له: (ولا تمسكوهن ضرارا لتعتدوا) أتظن أن الحياة تستقيم وهي تكره العشرة أم هي مسألة اذلال فقط؟ وهل يجوز لك إجبارها على التنازل عن حقها في حضانة الأبناء؟إنها أم يحتاج الصغار لرعايتها فلا تجعل العناد والبخل سيوف انتقام لأن اولادك هم الضحية وهم من سيدفعون الثمن.
وشكرا لك..
*كان هاد كلامي
محامي زوج موكلتي ماعرف شو يحكي ...بصراحة اول ما شفته ما توقعت يكون هو خالد نفسه زميلي بالدراسة...لكن بصراحه اشمئزيت منه لما شفته واقف مع واحد مثل هيك
خالد: سيادة القاضي...انا المحامي خالد...موكلي زاهر( زوج منى)..انا اتنازل عن هذه القضيه واقف مع المحاميه جلنار على انصافها
زاهر: يا ابن ل (طوووط)..
القاضي: هدوووء..الرجاء الهدوء
*بصراحه استغربت هيك رد منه لخالد
Link
0
1.2k
13:132017/11/25
القاضي: بعد النظر في القضيه يتم الحكم لصالح السيده منى والإقرار بحقها ف الحضانه لابنها مع النفقه...
**وهيك كانت القضيه لصالحي ونجحت فيها ..فرحت كثير منى واتشكرتني كثير
*حاولت اشوف خالد بعد الجلسه الا انه اختفى
**مرت كمان نص سنه منى ما قطعتني من زياراتها وتشكرها الي .....
وما كنت اعرف اشي عن خالد
**اتوطدت علاقتي كثير بمنى حتى اسرارنا كلها كنا نتبادلها
بيوم حكيتلها قصتي مع أهلي...وسألتني مين ابي وامي
منى: جلنار بتعرفي شو
انا: ايش شو في
منى: قلتلك كنت عايشه مع اهلي بالامارات وكانت في وحده جارتنا ساكنه جنب شقتنا ومن بلدنا
انا: طيب شو علاقتها
منى: اسمها فاطمة ونفس اسم ابو امك ونفس العيلة
انا: معقول تكون
منى: ايه ممكن تكون اخت امك يعني خالتك
انا: كيف بس امي كانت تحكي ما عندها خوات بس اخوه ..يمكن تشابه بالأسماء مو اكثر
منى: لأ ما أظن...هاي المره كان الها قصه ..بس ما كانت تخبر او تحكي مع حدا...كانت تضل حزينة ..في إن
أنا: انا الفار لعب بعبي لازم اعرف شو قصتها...اكيد الها علاقة بتصرفات اهلي إلي
منى: وانا هيك بحكي
انا: طيب كيف بدنا نوصللها
منى: ممممممم..اسمعي في وحده هنيك لحد الآن بتواصل معها ..رح اسألها اذا ضلت ساكنه هنيك اوغيرت.
.
.
وهاد اللي صار اتصلت منى وعرفت انها فاطمة ضلت مكانها
منى: شو بدك تعملي
انا: بدي اعمل فيزة واسافر ع دبي
منى: ء ء وابنك
انا: باخذوا معي
منى: شو رأيك آجي معك
أنا: ياريت ..بتمنى وبتسليني وبتدليني بهديك البلاد ما بعرف اشي
.
.
وهاد اللي صار عملنا فيز...وسافرنا.....وقعدنا بفندق
رحنا عند فاطمة...
منى:مرحبا ست فاطمة...بدنا نحكي معك بموضوع
فاطمة:ء ء اتفضلوا
*دخلنا بيتها وعملتلنا قهوة
منى: بصراحة ست فاطمة عندنا بعض الأسئلة وبدك اتجاوبينا عليهن بصراحه
انا:خالة فاطمة بتعرفي وحدة اسمها سميرة توفيق
فاطمة: (علامات الارتباك ع وجهها) ء آ لأاا لأاا ما بعرف حدا بهاد الاسم
منى:بس يا ست فاطمه في تشابه بالأسماء
فاطمة: اي عادي بتصير
أنا: خالة مشان الله ما تخبي علينا اذا بتعرفيها
فاطمة:انا مابعرفها..ولو سمحته يا جماعه شوي وبروح جوزي ..وجوزي ما بحب يشوف حدا عندي
منى:(وقفت)عم تقلعينا 😡
فاطمه:انا آسفة بس هاد اللي عندي
أنا: منى قومي...خالة فاطمة اذا حبيتي تحكيلنا اشي ثاني هي رقمي خلي معك
فاطمة:بس سؤال واحد قبل ما تمشوا
انا: تفضلي
فاطمة:انتوا ليش بتسألوا عن هاي سميرة
انا: سميرة بتكون إمي...يلا يعطيك العافيه بتأسف لازعاجك...
.
.
خرجنا من البيت
منى: اكيد يا جلنار هاي بتكون خالتك انا متأكده شفتيها كيف ارتبكت بس سألتيها عن امك
انا: اها
منى: بس إنتِ لازم اصيرتي عليها
انا: ما بقدر اضغط عليها...بلكي تتراجع عن رأيها وتتصل فينا
منى: اي إن شاء الله
.
.
مر يومين وما اتصلت فاطمة...
اليوم الثالث
موبايلي رن
انا: ألو السلام عليكم
فاطمة: وعليكم السلام..انا فاطمة بدي احكي معك تعالي عندي
انا:اي اي حالا
.
.
بسرعه لبست وإجت عي منى ورحنا ع بيت فاطمة
دخلنا عندها
فاطمة: بالأول قبل ما أحكي أي اشي بدك تحكيلي قصتك
انا: ايه ماشي...رح اخبرك
**وخرفتها قصتي جميعها ...ولاحظت عليها كانت تسمع وتبكي وتخفي دموعها
فاطمة:هلأ إنت جلنار ما غيرها
انا: ايه جلنار
فاطمة: يا حبيبة قلبي ...كل هاد الاشي عانتيه
منى: شايفة يا ست فاطمة...مانها عارفة لحد الآن السر اللي مخلي أهلها يكرهونها....فبنتأمل نلاقي عندك الجواب
فاطمة: رح أحكيلكم كل اشي
انا: اي اتفضلي
فاطمة: أنا أخت سميرة صحيح. وانا اصغر منها بخمس سنين....سميره اتزوجت و جابت خواتك الثلاث وابوكي كره البنات وبدو ولد كان عصبي كتير لدرجه لا توصف ....ابوكي طبعا ضلوا ورا امك لحد ما حملت
انا: وكنت انا
فاطمة:لأ مو إنت....امك حملت بولد وابوكي طار من الفرحة..بعد انتظار تسعه شهور امك ولدت اخوكي يامن
اتغير ابوكي كثير معاملته للجميع صارت احسن....صار عمر اخوكي سنتين ...وإمك حملت فيك وكانت بشهرها الأخير وتعبانه كثير
وكنت آجي بساعدها كثير
بيوم نزلت اخوكي يامن ع حديقه منزلكم وكانت شجره الرمان عليها مرجوحه...قعدته عليها وصرت العبه...ما أسمع إلا إمك بتصرخ كأنه أجالها الطلق ركدت عندها ومن غباوتي نسيت يامن ع المرجوحه....جبنا الداية ما لحقنا نوخذ امك ع المشفى ولدت بالبيت
وجابتك إنتِ...
ابوكي إجى ع البيت لما سمع انو أجالوا بنت عصب وما رضي يشوفك ...وصار يدور ع يامن وسألني وينو. وانا خفت كتير ورحت ركض ع المرجوحه ولقينا يامن واقع ع الأرض وميت
ابوكي وامك حقدوا عليّ وحملوني كافة المسؤولية...بس والله ما كان قصدي ....قاطعوني الجميع ...نبذوني الجميع حتى ابي وامي....اجى توفيق اللي هو زوجي طلبني وابي وافق مشان يخلص مني ....
وانت يا حبيبتي ضليتك شهرين وما إلك اسم...بالأخير ابوكي سماكي جلنار نسبه للشجرة اللي مات عليها اخوكي
انتي جيتي ع هالدنيا واخوكي يامن توفى بنفس اليوم
Link
0
1.3k
13:132017/11/25
بصراحة انا مابعرف شو صار معك طول هاي الفتره. لأنه توفيق لقي شغل هون ...وانا من بعد ما أجيت هون ما عدت رجعت ع البلاد
انا: 😢 😟 يا الله كل هاد صاير ..طيب انا شو ذنبي انو هيك يعاملوني
منى: حبيبتي اهدي
**وهيك عرفت حقيقة كره أهلي...علاقتي بخالتو فاطمة اتوطدت كثير حاولت قنعها تجي معي زيارة ع البلد الا انها رفضت
*رجعنا بلدنا ...ما كنت مقررة اعمل اشي ...كنت خايفة أرجع عند اهلي واحكيلهم عرفت ليش بتكرهوني....حسيت الحقد اللي بقلبي زاد عليهم لأنه ما الي سبب بإلي حصل لاخي يامن...كله حكمة من ربنا بالنهايه
*صرت بالثلاثينات وحالي كما هو ابني حبيبي دخل الجامعة دخل طب لأنها كانت أمنيتي
بيوم اتصل عليّ رقم غريب
مجهول: مرحبا مدام جلنار
انا:اهلين...مين معي
مجهول: بدي اشوفك بالحديقة بكرة الساعة ستة
انا: صوتك مألوف إلي. مين بحكي
مجهول: بكره بتعرفي مين انا...
انا:ما بقدر اقبل طلبك بدون ما اعرف مين حضرتك
مجهول: بتمنى ما ترفضي طلبي ...وياريت تيجي وحدك..وانا رح آجي عندك
انا: ......
مجهول: يلا مع السلامة ...بشوفك بكره
.
.
سكرت الخط قررت ما أروح ...باليوم الثاني إجت عندي منى وحكيتلها اللي صار
منى: وك الساعة خمسه يلا قومي البسي
انا: إنت من كل عقلك بتحكي
منى: ولك هاي يمكن فرصة عمرك يمكن حدا معجب فيكي
انا: ههههههه ضحكتيني ومين بدو يقبل فيي..وحتى لو واحد معجب عن صح مين قلك موافقة
منى: طيب طيب قومي يلا وحاج لعي ع الفاضي ..لسا ما بنعرف مين هاد الرجال يمكن طالبك بقضية
انا: قولتك يلا قايمة اروح
.
.
وصلت الحديقة وقعدت ع مقعد فاضي ...وصلت الساعه سته بالضبط
انا(قاعده لحالي وبطلع ع الساعه): يا الله قلة عقلي شو جابني..الله لا يوطرزلك يا منى ..قال بعد الكبره جبة حمرة
*طلع صوت من وراي
مجهول: هههههههههه ...لساتك صبية متل الوردة
انا: 😮
مجهول: انا وراك لفي وجهك
انا:خااااااالد 😵 😲
خالد: إيه خالد
انا: آ ء ش شو بدك مني ...
خالد: مالك ما في تفضل
انا: هيك قعدت بدون ما احكيلك
خالد: ههههههه شو أخبارك
انا: الحمدلله بخير
خالد: ع طول إن شاء الله
انا: وين كنت مختفي
خالد: كنت بتدوري عليّ هههههه
انا: 😕 😕 اناااا أدور عليك ..شو بدي فيك اصلا
خالد: ههههه ما تعصبي
انا: طيب المهم شو بدك ..ليش اتصلت فيني
خالد: إنت قلتِ قبل شوي بعد الكبرة جِبة حمرة
انا: آ ء آ شو بتقصد
خالد: بالأول خليني اخبرك قصتي بعدين بتعرفي شو بدي
انا: احكي عم اسمعك
خالد: بتتذكري القضية اللي شفتك فيها...كنت فيها قوية ...بصراحة حسيت حالي صغير كتير ..كنت حابب أحكي معك بس ما قدرت....قررت اكمل دراسه خارج البلد وهاد اللي صار ...
انا: طيب وشو ذكرك فيني بعد هالسنين
خالد: انا بحبك
انا:ههههههههههه والله ضحكتني..بعد هالسنين جيت تحكيلي بحبك
خالد: بتتذكري الموقف اللي صار معنا ف المكتبة من هداك اليوم حبيتك بس
انا:بس شو ...وين هالحب كل هاي السنين ليش ما أظهرتلي اشي منو هلأ فطنت
خالد: جلنار أنا بس خلصنا جامعه رحت عند ابوك ع شغلوا وطلبتك منه هو رفض ..بسبب اخوكي محمد اعتبر انو في اشي بيني وبينك وما قبلوا فيني
بعد فتره سمعت انك اتجوزتِ واحد كبير بالعمر
استنيتك كتير بس امي غصبتني وجوزتني سناء ...اللي ما حبيتها ولا حبتني جبنا ولد سميناه معتز...بعد ما صار عمروا سنه قررت سناء تتخلى عني وطلقتها وتركت ابنها وما عاد سألت في ..وربيتوا امي
حاولت اعرف اخبارك ما عرفت لحد ما شفتك بالمحكمه ...قررت سافر واكمل دراستي لحتى اكون قادر اني اوقف قبالك وأطلبك للزواج
انا: لي ما صارحتني من ايام الجامعه بحبك
خالد: هاد هو خطأي ما بعرف ليش ما صارحتك
انا: كم عمروا ابنك
خالد: عمروا 16 سنة
انا: العمر كله يارب...وانا عمر ابني عمرو 20 سنة
وصعب كتير انه نرتبط ببعض...اول اشي ابنك ما رح يوافق
خالد: لأااا ابني موافق وبعرف بالقصة جميعها
انا: ايه وابني ما رح يوافق...وانا كرست حياتي اني اضل جنبوا .....فبتشكرك كتير في كتير بنات بتمنوك وما بيرفضوك
*رحت من عنده وطبعا كانت منى ناطرتني حتى تعرف شو صار
منى: عرفتي مين شو بدو منك
انا:حيلك عليّ هاد واحد بدو احللوا قضيته
منى: هاي القصه والله كنت متمنيه اشي ثاني
Link
0
2.2k
13:132017/11/25
ِ
ما حبيت احكي لحد السيرة
مرق اسبوعين ....كنت مروحة من المحكمه ..فتحت باب البيت كان كله مطفي
انا: عمرو وينك إنت بالبيت...يا الله ليش الكهربا قاطعه
*ما بشوف الا الاضويه اشتعلت ...واغنيه happy birthday شغلت
عمرو: كل سنه وانت اطيب واحن واغلا ام بالدنيا
منى: كل عام وإنت بخير يا أحن أخت بالدنيا
كرم(ابن منى ):كل عام وإنت خير خالتو
*بصراحه كنت ناسيه انو اليوم عيد ميلادي
خرج شب صغير وحكالي
...: كل عام وانت بخير امي
انا: امي؟!
....:ايه امي يا ريت تعتبريني ابنك متل عمرو
*خرج من الغرفه خالد
خالد: كل عام وإنت بخير جلنار...هاد ابني معتز
عمرو: امي مالك صافنه...بدون ما تحكي اشي انا موافق انه تتجوزي ابي خالد
منى: اهااا جلنار شو قلتِ
انا: متفقين عليّ
عمرو:ايه امي متفقين وياريت ما ترفضي
*كان خالد رايح عند ابني عمرو ومقنعه ومنى عارفه بالقصة...كانوا عاملينلي اياها مفاجئة
وافقت ع خالد وهيك تمت الخطبة....حاولت فتره الخطبة احكي مع اهلي الا انهم رفضوا رفض قاطع حتى اخوتي وخواتي
اتصلت بخالتو فاطمه تيجي تزوني وتساندني بزواجتي بعد إلحاح إجت خالتي وعملنا العرس
كان معتز متل ابني عمرو مرضي ما شاء الله عنه
وحاولت خالتو فاطمه تحكي مع اهلي الا انهم كمان رفضوا ...بعدها قررت ما احكي معهم
وهيك عدت الأيام حملت وكان حملي كتير صعب لأنو عمري بأواخر االثلاثين الا انه جبت بنوته سمينها ملك
ابني عمرو اتخرج واشتغل وزوجت بنت كان حاببها من ايام الدراسة.....اما معتز بيدرس بالجامعه محاماه
وخالد الله لا يحرمني منو ما في اطيب من قلبه
.
.
بعد عشر سنين كنت قاعده عند شجره الرمان واكتب مذكراتي وإجى حفيدي جود بيركض عليّ
جود:ستو ستو
انا: يا عيون ستو
جود:قعديني ع المرجوحة
انا : تعال يا حبيبي
انتهت
Link
0
3.9k
13:132017/11/25
مشاركات مشابهة

الكتب والمواضيع والآراء فيها لا تعبر عن رأي الموقع
تنبيه: جميع المحتويات والكتب في هذا الموقع جمعت من القنوات والمجموعات بواسطة بوتات في تطبيق تلغرام (برنامج Telegram) تلقائيا، فإذا شاهدت مادة مخالفة للعرف أو لقوانين النشر وحقوق المؤلفين فالرجاء إرسال المادة عبر هذا الإيميل حتى يحذف فورا:
alkhazanah.com@gmail.com

الرئیسيه
المجموعات و القنوات
Disclaimer

All contents and books on this website are collected from Telegram channels and groups by bots automatically. if you detect a post that is culturally inappropriate or violates publishing law or copyright, please send the permanent link of the post to the email below so the message will be deleted immediately:
alkhazanah.com@gmail.com