📚قصص||روايات||منوعة📚

rwayate

رواية: #الجحيم

......
قراءة ممتعة🦋💙"
|•| @rwayate

📚قصص||روايات||منوعة📚

rwayate

رواية: #شهر_عسل_مر

......
قراءة ممتعة🦋💙"
|•| @rwayate

📚قصص||روايات||منوعة📚

rwayate

كتاب..
• الكون_الأنيق
• برايان غرين
......
طلب احد الأعضاء💙🌸"
|•| @rwayate

📚قصص||روايات||منوعة📚

rwayate

📚قصص||روايات||منوعة📚

rwayate

قصة اليوم: #حمامة_الجنة
.....
قراءة ممتعة🌸💙"
#ⴅმძ3Һค

📚قصص||روايات||منوعة📚

rwayate

#حمامة_الجنة
#الجزء_الأول

بابا تزوج ماما زواج تقليدي بس مع العشرة صار بيناتن حب كبيير وكان البيت كله دفا وهدوء وراحة بال وتفاهم من الطرفين
نتيجة هالحب كانت هديه من هدايا الرحمن والي هي أنا...... بس بمشوار العمر لازم يكون في الضحية ويكون القاضي والجلاد مصدر التعاسة لأحكامن الصارمة بدون رحمة ولا حتى دليل @
أنا نور عمري 20 سنة بدرس جامعة سنة ثانية تخصص إقتصاد جمالي عادي شكلي مقبول قلبي طيب لكني متسرعة ومندفعة نوعا ما $
ماما : صباح الخير حبيبي
بابا : صباح الورد القهوة جاهزه
ماما : اي طبعا تفضل
بابا : يسلمو ايديكي
ماما : سليم بعد ازنك بدي زور اهلي اليوم
بابا : اي ماشي بس متل ما اتفقنا إنك تروحي بس ما يكون جمال بالبيت
ماما : متل ما بدك أنا رح فهم امي بهالشي
بابا : والمسا بتكوني بالبيت
ماما : حاضر
بابا : اي لكان أنا طالع على شغلي بدك شي قبل ما روح أنا حطيتلك مصاري عالتواليت ازا لزمك شي بتشتريه
ماما : لا حبيبي ما بدي شي سلامتك ويسلمو ايديك الله يخليلنا إياك
بابا طلع على شغله وماما حكت مع ستي وقالتلا : امي كيفك
ستي : الحمد لله يا بنتي بخير
ماما : أنا بدي اجي لعندكم بس دخيلك امي قولي لجمال ما يضل بالبيت
ستي : لك يا بنتي لأيمت بده يستمر هالحال إنتوا اخوات وما بصير تضلوا هيك
ماما : والله يا امي بعرف بس شو طالع بإيدي والله مو هاين علي ما احكي مع اخي
والله قلبي عم يتقطع بس شو ساوي
ستي : لا حول ولا قوة إلا بالله العظيم خلص امي تعي وأنا بقله لجمال يطلع من البيت
ماما : الله يخليلنا اياكي يا ست الكل
الخلاف الي بين بابا وخالي كان بسبب عمتي طبعا بابا فهم الموضوع غلط وما أعطى مجال للتفاهم وبعصبيته منع ماما تحكي مع خالي ومنع خالي يزور ماما
ماما احترمت قرار بابا وما ناقشت بشي مو ضعف منا بس لأنه الموضوع لا يحتمل النقاش .....
المشكلة صارت بسبب إنه خالي أعجب بعمتي وكان بده يتقدملها بس هو حب بالأول ياخد رايها قبل ما ياخد أي قرار فكانت هي مروحة من مدرستا وهو كان عم يستناها فلما شافا وقفا وصار يحكي معا
خالي : مرحبا انسه عبير
عمتي : اهلين أستاذ جمال
خالي : انسه عبير بدي أسألك سؤال ازا ممكن
عمتي : تفضل
خالي : أنا معجب بشخصيتك وحاب إني اتقدملك شو قلتي
وقبل ما عمتي ترد جواب بابا شافن واقفين مع بعض وطار عقله واجا مسك عمتي من شعرا وضربا وصرخ على خالي وبهدله وسمعه كلام جارح من غير ما يفهم الموضوع
خالي حاول يشرح الموضوع لبابا بس بابا قله لا تحكي ولا كلمه لأني ما رح صدقك بشي
وبعدين بابا جر عمتي عالبيت وصراخه عبا الدنيا اجت ستي وماما على صوتوا ليفهموا شو صار
بابا : امي عبير من يوم ورايح ممنوع تطلع من البيت ومدرستا بدا تتركا
ستي : لك ابني شو في فهمني الموضوع
بابا : بنتك المحترمة وطت راسي بالأرض عم تقابل جمال من ورانا
ستي : مين جمال يا ابني
بابا : اخوها لجنان
ستي : إنت شو عم تقول ولي عبير مزبوط هاد الحكي
عبير : وهي عم تبكي وخايفةوالله يا امي ما عم قابله بس هي أول مره وهو كان عم يسألني ازا بوافق عليه لأنه كان بده يتقدملي بس حب ياخد رأيي اول شي
بابا : بدون ما تكزبي لو فعلا كان بده يتقدملك كان حاكى اخته بالأول أو حاكاني
الي بده بنات الناس بدخل من الباب مو يقعد يلف ويدور ..... ليكي امي اول عريس بتقدم لعبير أنا فورا رح وافق الموضوع انتهى وما بدي نقاش فيه وانتي جنان ممنوع اخوكي يدخل بيتي وممنوع إنك تحاكيه هادا قراري وشوفي انتي المناسب
ماما ما حكت ولا كلمة غير إنه قلبا احترق من قرار بابا لأنه اخوها الوحيد والي بتحبه متل روحا وكان حنون عليها كتير
طبعا ستي كرهت ماما بسبب عملة خالي مع إنه ما إلا ذنب وتعاقبت على شي ما دخلا فيه إلا إنه بكون اخوها وزاد كره ستي لماما بعد ما اجا عريس لعمتي أكبر منا ب15 سنة وعمتي ما كانت موافقة بس انجبرت إنا توافق ...
العريس إسمه نبيل وكان بيشتغل حداد وكان ساكن مع امه وابوه واخواته التنتين وكان عمره 33 سنة كأن طيب القلب بس عمتي ما حبته ولا حاولت تتقبله لهيك كبرت المشاكل بيناتن وبعد سنه زواج نبيل زهق من عمتي وطلقا وكانت وسببت حقد وغل بقلب ستي تجاه ماما وصارت تعامل ماما بأسوأ معامله بس ماما كان قلبا كبير وتتحمل كتيير كرمال ما ينخرب بيتا
—---------------------------------------------------—

📚قصص||روايات||منوعة📚

rwayate

📚قصص||روايات||منوعة📚

rwayate

#الجزء_الثاني
ومرت السنين وكبرت أنا وصار عمري 9 سنين لحد ما اجا يوم كان عيد ميلاد بابا وماما حبت تعمله مفاجأة كبيرة لينبسط فيها ... الوضع الما
دي عند أهل ماما كان كتيير مريح يعني أثرياء لكن متواضعين وأهل ماما ما كانوا يرفضولا طلب لانا انسانه حبابه وما بتزعل حدا وقلبا رقيق وحساس
ماما اتصلت على إما وبالصدفة رد عليها خالي جمال كانت بدا تسكر الخط بوشه بس هو فورا قلا ....
خالي : اختي استني الله يخليكي اسمعيني قبل ما تسكري
ماما : ____
خالي : بترجاكي اختي اعطيني فرصه دافع عن حالي وخليني احكي وبعدا اعملي شو ما بدك
ماما : شو بدك تحكي أخي
خالي : والله يا اختي انا مو متل ما انتي مفكره انا يمكن أسأت التصرف بس والله نيتي كانت سليمه
ماما : لكان ليه ما أجيت وخبرتني بالأول كان ما صار الي صار
خالي : يا اختي ما كنت بدي سببلك أي إحراج وكنت بدي خليكي برات الموضوع وما كنت بعرف إنه هيك رح يصير ...
اختي انا بدي صلح غلطي اعطيني فرصة الله يخليكي اختي والل انا عم موت ألف موته لأنك ما بتحاكيني
ماما لقتها فرصة لتزيل الخلاف بين بابا وخالي وإنه هاد الوقت المناسب للصلح
فكرت شوي وقالت لخالي. .
ماما : إنت بدك تصلح كل شي ما
خالي : اي والله يا اختي وأسرع وقت
ماما : ماشي اسمع لكان انا بدي منك طلب
خالي : طار من الفرح وانا جاهز لأي شي بتطلبيه اختي انا خدامك
ماما : انا بدي اعمل حفلة عيد ميلاد لسليم وبدي اعمله إياها مفاجأة
خالي : اي اختي وانا شو المطلوب مني
ماما : بدي تحجز فندق وتعمل كل الترتيبات والتجهيزات المطلوبه
خالي : من عيوني اختي بس متى بدك هاد الشي ينعمل
وفجأة دخل بابا عالبيت بس ماما ما حست بفوته وكملت كلاما مع خالي وقالتله
ماما :بس بدي كل هالشي يصير بدون علم حدا وما بدي سليم يحس بشي
خالي : ولا يهمك اختي من عيوني
بابا انصدم من الي سمعه وتضايق كتيير وصارت الأفكار تاخده وتيجيبه شو هو الشي الي ما بدا حدا يعرفه وما بدا ياني حس على شي ومع مين كانت عم تحكي
بابا قرر ما يسأل ماما ويراقبا من بعيد لحتى يعرف لشو عم تخطط بس كان التوتر واضح عليه
ماما : انت اجيت حبيبي ما حسيت عليك
بابا : اي دخلت وكنتي عم تحكي عالموبايل مع مين كنتي مشغوله
ماما : تلبكت صار قلبا يدق والخوف بين على وشا وخافت بابا يعرف إنا حكت مع خالي ويزعل منا لانا كسرت كلمته قالتله بتوتر اااااااانا اي كنت عم بحكي مع ماما زمان ما حاكيتا
بابا : ايوا
ماما : حطلك تاكل
بابا : لا مو جايني نفس بدي روح نام
بابا دخل غرفته وعم يدور براسه الف سؤال
وتاتي يوم الصبح فاق وشرب قهوته وقال لماما انا طالع بدك شي
ماما : لا حبيبي سلامتك
بابا ما طلع من البيت بس اوهم ماما إنه طلع ودخل غرفة تانيه من غير ما تحس عليه
كانت تصرفات ماما كلا طبيعيه وما في أي شي لحد ما خلصت كل شغلا وقعدت ومسكت الموبايل واتصلت على خالي
ماما : الو كيفك
خالي : بخير
ماما : بدي شوفك اليوم لحتى فهمك شو تعمل
خالي : اي ماشي اختي وين بدك تشوفيني
ماما : بمطعم ست النجمات اليوم الساعة 4 بس ما بدي اتأخر لحتى سليم ما يشك بشي
دخل بابا واخد الموبايل من بابا وسمع صوت رجال ومن عصبيته ما ميز إنه هاد هو نفسه خاله ولأنه زمان ما سمع صوته
سمع خالي وعم يقول ماشي رح استناكي
بابا كسر الموبايل وصراخه علي وصار يهاجم امي بالكلام يا خاينة يا حقيرة يا واطيه عم تخونيني وصار يضربا ويقلا إنتوا كلكن عليه بلا شرف كلكن بتطعنوا غيركن بظهره لمين بدك تطلعي غير لاخوكي الناقص ستي ركضت على صراخ ابي وتقله شو في ليه صوتك عم يعلا
بابا : تعي امي وشوفي الخانوم عم تحكي مع رجال وبدا تقابله من وراي
شوفي كنتك يا امي طلعت خاينه وما عندا شرف شوفي ولي انتي ما لازم تضلي على زمتي روحي وانتي .....
ماما : بأعلى صوتا بكفي إهانات وتجريح أنا ما بسمحلك تطعن بشرفي وتقول عني خاينه أنا مو هيك أنا بس كنت بدي
بابا : قبل ما تكمل ماما كلاما اخرسي ولي والك عين تحكي اطلعي من وشي اطلعي برااااااااااااااااا
وبعدين بابا اجته نوبه قلبيه ما تحمل الصدمة ومات على طول
انا بوقتا ما بعرف شو عم يصير وستي طالعتني من البيت وبعتتني عند اختا لتهدا الأمور وكانت هي بداية نقطة تحول بحياتي
ستي انهارت بسبب وفاة بابا واقسمت لتأخذ بتارا من ماما وتحرق قلبا متل ما انحرق قلبا على بابا ..........
—---------------------------------------------------—

📚قصص||روايات||منوعة📚

rwayate

📚قصص||روايات||منوعة📚

rwayate

-------------------------------------------------------
#الجزء_الثالث
ماما : يا جماعة صدقوني والله ما عملت شي غلط انا مو هيك
ستي : اخرسي واطلعي من بيتي وبنتك ما عاد تشوفيها والله لدوقك الطاق طاقين بس انتي انتظري وشوفي
ماما : لا كله إلا بنتي الله يخليكن لا تحرموني منا ما فيني عيش بدونا
ستي : انقلعي من هون قتلك ولا تحكي أي شي فهمانه ولي
وانفضحت ماما وصارت سمعتا مشوهة بكل مكان
ماما طلعت من البيت ودموعا على خدا ما بتعرف شو بدا تعمل حاولت تدافع عن حالا بس ما حدا صدقا
ومرت الأيام وماما تحاول تشوفني بس بدون فايده رفعت دعوه لحتى تقدر تاخدني بس بسبب سمعتا الي تشوهت المحكمة رفضت دعوتا بس ماما ضلت تحاول وتحاول وما طلع شي بايدا
ماما الظروف قهرتا والحياة ظلمتا والبشر بقسوتن زادوا اذيتا
ماما حب اندفن مع الماضي وقلب انجرح بحكم بلا قاضي
ماما ضحكه ماتت من سنين ودمعة انحبست جوا العين
ماما حسرة وقهر بغياب الغاليين .......
ستي منعت ماما تشوفني تحت أي ظرف كان وصارت تعبي راسي عليها وتقلي أمك تركتك من دون تسأل عليكي أو حتى تطمن عنك ؛ ضلت ستي تشحني على امي وتكرهني فيها بلا رحمة ...
أنا كنت بأمس الحاجة إلها .... لأني اخدت ضربتين بنفس الوقت وفاة بابا وحرماني من ماما ..... كنت محتاج لحضنا للمستا لحنيتا لكلشي فيا .. أنا ضعت وضاع الفرح معي انكسر كلشي فيني حتى معاملتي تحولت لوحش كاسر ......
أنا كبرت وكبر الحقد جواتي كرهي لماما كل يوم يزيد حتى اسما ما بحب اسمعه
11 سنة مضت وأنا بعيده عنا ما شفتا ولا مره مع إنا كانت قريبه مني موجوده معي بكل وقت وكل مكان كانت تراقبني وتابعني وأنا ما حس فيها ولا بوجودا. ........
اااااااااااااه يا ستي شو عملتي فيني
أصعب إحساس تكون بحاجة أعز الناس ويكون موجود معك بس مو قادر توصله
كنت كل لحظه تمر أتمنى لو كل هالشي يطلع حلم .... بنتك محتاجتك يا ماما
محتاجه ضمك وابكي على صدرك بس للاسف كله طلع أوهام ما كنت أعرف الحقيقة عشت حياتي بكذبه كبيره
كبرت وصرت بنت ناضجة واعتمد على حالي سجلت بالجامعة وعدت الأيام بشكل أقل من عادي في جامعتي تعرفت على شب اسمه فادي بدرس نفس تخصصي شب وسيم وأنيق وكلشي فيه بحكي عن جماله بس كان خبيث ومكار ومو بين عليه خبثه
تعرفنا على بعض وتعودنا على بعض مع مرور الأيام والأمور كلا تمام. ....
فادي : كيفك يا حلوه
نور : اهلين
فادي : اسمي فادي تخصص اقتصاد
نور : وأنا نور نفس تخصصك
فادي : شي حلو معناتا متفقين
نور : متفقين على شي
فادي : بأفكارنا وتخصصنا وعمرنا واسلوبنا وكلشي
نور : بس نحنا لسه هلا تعرفنا على وصرنا متفقين
فادي : أي لأنه الشخص ببان من وشه طبيعة شخصيته واسلوبه
نور : ايوااا
فادي :فرصة سعيده إني تعرفت عليكي
نور :وأنا أسعد
وتركته ومشيت وكان لقاء عادي ......
ومع الأيام أصر يلاحقني ويطور علاقته معي لحتى يوقعني بشباكه
وفعلا مره عامره كنت اتقربله اكتر كنت مفكرته إنه صادق بمشاعره تجاهي يمكن كان السبب بأني صدقه الحنان الي انحرمته من سنين وافتكرت إني رح لاقيه فيه
فادي : نور بدي اعترفلك بشي
نور : تعترفلي بشو
فادي : ما بعرف كيف هيك انجذبتلك وانشديتلك ومشاعري تحركت تجاهك
نور :_____
فادي : نور انا بحبك
نور : مو مصدقه الي عم بسمعه الكلمه الي انطرا من زمان وأخيرا سمعتا بس رديت عليه بتعجب بتحبني !!
فادي : اي بحبك
نور : انت فاجئتني بكلامك
فادي : أنا رح سيبك هلأ تفكري بكلامي ورديلي خبر بكره
طبعا هو بخبثه كان عارف اني واقعه بحبه لأنه كان مبين على شكلي
أنا مشيت والسعادة غمريتني وصرت إبني احلام بالهوا وأخيرا الي تمنيته حبني واعترفلي بحبه أخيرا الحياه مددتلي ايديها وشالتني من الهم
تاني يوم فادي : صباح الورد يا أحلى ورده
نور :صباح الفل
فادي : انا من مبارح وأنا على نار طمنيني شو قررتي
نور : أي فادي أنا فكرت وشفت حالي أنا كمان بحبك
فادي : أنا مو مصدق انا فرحان أنا سعيد أنا بحبككككككككككككك
نور : حيلك حيلك فضحتنا
فادي : خلي كل الناس تعرف إنه القمر الي قدامي صار ملكي انا وحدي
نور : هههههههههههههههه
فادي : لك اضحكي اضحكي يا ست الصبايا يا بدر البدور يا أميرة كل النجمات يا ملكة قلبي وروحي ووجداني وفؤادي ومن اليوم ممنوع الإقتراب منك فهمتي إنتي إلي وبس
نور : شو فادي أفندي شو هالرومانسية هي كلا تاريك شاعر ومو دريانه
فادي : لسه ما شفتي شي أنا رح غرقك رومانسية يا جميل إنت
أنا كنت رح طير من الفرح من كلامه العسل
ماما كانت شايفه كلشي قداما وقررت تابع فادي وتعرف كلشي عنه .....
وبيوم من الأيام وبعد ما تعودت على فادي وحبيته من كل قلبي اجا لعندي وقلي
فادي : نور أنا بدي اتقدم لاطلب ايدك للزواج شو قلتي
نور : انت جد عم تحكي ولا عم تمزح معي
فادي : لك شو عم امزح شو قلتي
نور : والله ما بعرف بس فاجئتني بكلامك
فادي : أي وهلا شو رايك
نور : مواقفه
فادي : أنا رح اجي على بيتكن واطلب ايدك