قناة

📚قصص||روايات||منوعة📚

@rwayate
📚قصص||روايات||منوعة📚
23.9k
عددالاعضاء
218
Links
2,827
Files
17
Videos
767
Photo
وصف القناة
قصص و كتب pdf 💚📚 محبي القراءة في نعيم لا يدركه غيرهم... لا تشيخ أرواحهم وعقولهم ولو شاخت أجسادهم.💚 فهرس القصص👇🏻💗 @rwayattt للتواصل @Rwayate_BOT بإدارة💙✨ ⴅÂÐЄĦÂ حسابي الانستغرام💚🌿👇🏻 https://instagram.com/madeha_alyan?igshid=YmMyMTA2M2Y=
ومازلنا ننتظر ليوصل التصويت للـ 200 😐😂 بربي عيب
بـدايـة الـقـصـة..🌸
Link
0
7.9k
18:182018/02/23
Link
0
7.3k
16:162018/02/25
وهي القصة واخيراً☹️👏🏻
انشالله تكون حلوة بعد هالأنتظار 😂💚

القصة بعنوان : #الاسيرة

قراءة ممتعة💙🌸"
#ⴅმძ3Һค
Link
0
8.1k
16:162018/02/25
تنويه : القصة حدثت في زمان العصور الوسطى حيث الهمجية والعنف السائد بدم بارد .....عدا عن الأنانية التي تحوم الكبار ويأكل في بعضهم الصغار ......فلا يوجد رحيم ..ولا شخص عطوف كريم ...سوى من فعلا كان في دمه صفة تظل على أخلاقياته النبيلة
القصة خيالية بإمتياز فلك حرية الخيال أخي القارئ من مجريات الأحداث في زمن ذهب وعبر .....زمن العصور الوسطى
الحلقة الأولى
#الأسيرة_بقلم_كنانة_غميان
@rwayate
في كوخ صغير ...موجود بطرف الغابة ...حيث الشجر يحوف المكان...فلا ضوء سوى القمر عند الليل .ومافي ولا صوت غير حفيف القمح والشجر اللي عم يلعب بالمكان.......والشموع مليان هون وهنيك بقلب الكوخ الصغير جوا ...بس من برا في قنديلين على باب الدار مبين تأهب جوا ....والكل عم يستنو شي كبير يصير .....وصوت صراخ قوي طلع من جوا عم يستنجد:
وليييييييي ...وليييييي يا أمي ...لحقوووني
لك شبك ...شبك.قمر ..شوفي ؟؟؟؟
قمر: مابعرف ...مابعرف ...وليييي ...شكلها مية الراس طقت .....يا اميييي ....
وليييي ولييي ....خلص لا ترتعبي مافي شي بيرعب ماهيك قمر ؟؟؟؟
قمر : لك ليش هيك عم تحوص ...روح نادي لدايه اللي قريبة من هون خليها تجي لك بسرعة آييييييييي ...
يعني رح تولدي مو هيك؟؟؟
لاااا شو اولد ...رح ارقص ....اكيد رح اولد ...لك اركوض .....رح موووووووت @rwayate
لا ...لا ...لاتقولي هيك ... رايح ناديلها ....بس حاج تصرخي بترجاكي
راح (صقر) ليجيب الداية لمرتو( قمر )ومعو قنديل صغير .....ركب حصانو ...واخد سيفو ....وراح لعندها بسرعة متل الريح ...وخبط الباب عليها
الداية: لك اييي شو في عند هالمسا ....مين ع الباب
انا...انا ...صقر .....تعالي الله يوفقك .....مرتي قمر شكلها عم تولد
شو هالحكي ؟؟؟؟ماحللها ......ما خلصت الشهر لسى؟؟،؟
والله ما بعرف قالتلي اجي وجيبك ........فتحركيلك شوي ....خلصيني تاركها لحالها وطقت مية الراس ....
الداية : يلا يلا ....رح جيب غراضي واجي معك
حملت الداية غراضها ......وركبت مع صقر على هالحصان وبأقصى طاقتو ...... ورجع لعند قمر
فاتت الداية لعند قمر وبلشت تفحصها وهي موجوعة بين أديها .. عصصت على عيونها الداية مبين في شي غلط : هي مرتك عم تولد ....روح سخنلي مي بشي واعة كبيرة وجبلي ياها ....روح بسرعة ....ولادتها الأولى هي ...ما هيك ......؟؟؟
صقر : اي ...الأولى
الداية : اي منيح فيها تتحمل لسى ....روح جبلي اللي قلتلك عليه لشوف شغلي .....يلا طلاع لبرا
طلع صقر لبرا ......وجبلها المي السخنة ..ومرتو جوا عم تصرخ كل شوي وشوي من الوجع ...قلبو صار متل النار وهو عم يسمع الحكي لبرا ...صوت الظاية عم تحاكيها ....: يلاااا ايواااا يلااااا دفعي كمان ....دفشي ... برابو ....برابو ... وانسمع هداك الصوت
وااااااااع ....واااااااع ...... فرح كتير واطمأن قلبو
.....وماعاد يعرف وين بدو يروح بحالو .......بعد شوي بتفتح الداية الباب بس شكلها زعلانة: مبروك اجاك بيبي بيطير العقل ..فوت سلم على مرتك .. بدها ياك .......
لاحظ عليها الزعل ؟؟؟....خير شو في ...؟؟؟شبك ؟؟؟صاير شي ع الطفل؟
ما بعرف شو بدي قللك بس مرتك حالتها مخطرة ومعها نزيف حاد عم حاول وقفلها ياه بس ما قدرت ......وبلشت تتعب من كتر ما خسرت دم .... @rwayate
ارتعب صقر : شو هالحكي ؟؟؟؟شو يعني ؟؟؟؟بدها تموت؟؟؟
الداية ملبكة: مابعرف ...بس فوت حاكيها بدها ياك
فات صقر لجوا مرعوب ....ولقى مرتو تعبانة وعرقانة كتير ....ودموعها على عيونها من الوجع ...
قرب لعندها بأيدو الشمعة زعلان ورح يبكي ....لقاها بنوب فارطة وجنبها البيبي ......فتحت عيونها قمر عرقانة وبالزور عم يطلع صوتها: حبيبي ...صقر (تلهث)
مسك أيدها وعم يطلع فيها وهي بالفرشة وقعد جنبها : نعم ...نعم انا معك أأمريني يا حبيبتي .....
شفت البيبي يا عمري ؟؟
اي شفتو
اي خدوا وحملوا؟؟؟؟كان جنبها باللفة ...حمل البيبي .....واطلع في وبسمتو صارت لأدانو لما مسك أصبعتو بأيدو ....:.يا عيني شو حلو
قمر: هههههه حلوة يا قلبي ...حلوة
عنجد ...يعني بنت ؟؟؟مو معقول شو .بتشبهك كتير .....بيضا وشعرها أحمر ناري.(ابتسمت مرتو ابتسامة حلوة ومرة).....فتحت البيبي عيونها ....صقر ملتهج والدمعة بعينو: ...الله ....عيونها زرق متل المي .....خدي شوفي....
اي والله ...آخدة لون عيونك
بس انتي جمالك كللو فيها ...ذكرتني بوقت شفتك اول مرة
ههه لسعتك متذكر
اكيد ...كيف ممكن انسى هيك شي ... .بس ما بدك تقليلي شو بدك تسميها ؟؟؟؟
بدي سميها نارماء...لشعرها الأحمر وعيونها الزرق وبشرتها البيضا
مسكت أيدو @rwayate فجأة بصوتها التعبان : وعدني يا صقر تدير بالك عليها .....وعدني كح كحححح
Link
0
7.3k
16:162018/02/25
صقر عم يكز على ايدها خايف : بوعدك ...بوعدك بكل حرف بقلبي ...وبوعدك اني رح(واطلع بالطفلة) علمها كل شي بعرفوا .....من ضرب السيف ....لرماية ....وركوب الخيل .....حتى رح علمها القراءة والكتابة .......شو رأيك ....قمر .....وانادر على قمر اللي ماعاد انسمع .. صوتها ....صار يهزها وينادي ويصرخ ..قمممممممممااااااااااار.......لااااااا لاااااا لا تتروحييي يا قمر .....قمر بحبك انا وهالصغيرة ..وطب على حضنها وهو عم يصرخ من قهروا ......والداية عم عم تسمع من ورا الباب شو صاير وزعلانة بس مو طالع باليد شي لااااالا...لااااااااا...والصغيرة بين أديه عم تبكي
((((وااااااع واعععععع.......))))..
بعد خمس سنين .
..كبرت (نارماء) وابوها صقر معها عايشين بنفس الكوخ عم يحاول يعوضها عن حنان الأم ...ويعلمها كل شي بيعرفوا ........وبينما هو عم يمرجحها بارض الدار برا .......بيجي اخوه من بعيد: .مرحبا صقررررر
صقر عم يلولحلو: اهلا اخي ....تعال فوت
لا مو مشكلة خلينا برا ....ماشاء الله ..بنتك نارماء طالعة بتاخد العقل ....
صقر: اي ....حلوة متل امها
الله يرحمها .......لك ليش انت هيك عامل بحالك .....تعال سكون معي انت وهالصغيرة
ههههع اي وصلت ...اصلا انا ماعم زورك بس منشان مرتك ما اجتمع فيها ......من زمان لا بتحب مرتي وبتكره تسمع بسيرتها فما بالك ببنتي ؟؟
لا ...بس ... @rwayate
خلص اخي انا هيك مرتاح ومبسوط ....تركني بحالي
طيب متل مابدك ...حبيت بس ساعدك منشان هالصغيرة بدها حنان أم .....ليش ما رجعت تجوزت ؟؟؟
مستحيل فكر اني اتجوز بعد قمر ...اصلا مافي متلها ومافي حدا رح يعوضني انا ونارماء بدالها
يييي شو عنيد ...تصطفل ...مع اني نصحتك ...لا تقول ما قلتلك .....
كتر خيرك يا سيدي ......
بدياك ما تنسى انو مرتك كانت من النبلاء ...وجوازتك منها كانت غلط بغاط
لا مو غلط نحنا حبينا بعض ....وهي هربت من أهلها لأن ما بطيق معاملتهم .......وقوة حبي وحبها أقوى كان من كل شي ........وهي جبنا نارماء ...كلما بشوفها بنسى همي
اي بصدقك ...
لك شبك ...خلص روق ...بكرة مرتك بتحبل وبتجبلك ولاد انا متأكد ...بس صبور عليها
رح اصبر ...شو بدي اعمل غير هيك ...بالع النار بجمروا
يلا بسيطة ....انا قايم شوف نارماء عم تناديلي حتى هزها
يلا روح ...الله معك
وبعد 10 سنة ..(بقلب الغابة ....والمنظر خريفي والأرض مغطيها الخشب الصغير والحشيش المجردن والناعم)......يلا بابا ..ايوا ضربي بأقوى ماعندك ...بس لا تخلي اللعبة تلف فيك ..ايوااااا ....لاااااا لا مو هيك ....
طجججججج
..ههههه....هي وقعتي ...تعي هاتي إيدك وقومي لشوف ورجعي حاولي بالسيف اللي معك ....بدك تضربي بالنص ...بقلب الهدف @rwayate
نارماء: بابا ..ماعم أقدر أضرب الللعبة القش . ...كلما بقرب ..بيدايقني القش وبيفوت بعيوني ....وبتدور متل المرجوحة وبتغدر فيني ؟؟؟؟
نارماء سمعي....انتي بدي ياك تكوني أقوى من هالقش ...وأقوى من الصخر حتى ...لا تخلي الشغلات الصغيرة تأثر فيك بنوب .....ولهلأ حضرتك بتوقعي من الخيل اذا نط ..صار عمرك 15 سنة .مالازم تخافي .....ما بيصير أصلا ...ما بتحبي الخيل...؟؟؟
امبلا ...بحبو خاصة صهيل هههههه
المعناتها لا تخافي من صهيل انتي وياه صحبة من وقت ما كنتي صغيرة ....خليه هو يحبك ويخاف منك بنفس الوقت ......يلا قومي ...وهي الحصان (صهيل) وراك ..رجعي ركبيه .......وركضي فيه ومعك السيف .......وحاولي تصيدي اللعبة القش ....يلا ......يا شاطرة ....قواااام
Link
0
3.6k
16:162018/02/25
قامت نارماء بقوة ...ومسكت هالسيف ....وركبت هالحصان ...رجعت فيه لورا ......وخبطتو برجليها وعيونها
للأمام متحدية نفسها ...وأبوها ...متكتف عم يتفرج ع اللحظة الحاسمة اللي هية بدها تعملها .........وركضت ...وركضت فيه بقوة ..ودججججج....
خبطت اللعبة بكل احترافية وماوقعت عن الحصان ....صفق صقر فرحان فيها ...لأنها هيك بتكون ختمت كل شي علمها ياه على صغر .......وإذ صقر بيتعب على غفلة: ...كح ...كح...كحححححححح.كح .......بيوقع ع الأرض
بتنزل نارماء من الحصان وبتركض لعند أبوها خايفة كتير : بابا ...بابا ...شبك بابا
كححححححح كحححححح .....مافيني شي @rwayate
شافت إيدو : دم .....بابا ...عم تسعل دم .......هي كذا مرة بيصير معك هيك وأنت ما بتدير بالك على حالك ...قوم .......قوم قوم .......بابا قوم لعند دكتور القرية بيعالجك
خلص بابا قلتلك مافيني شي ..كحححححح.كح.....نارماء سمعيني منيح
شو بابا ؟؟؟؟
فوت ايدو على طيبتو وطلع : بدياكي تاخدي هالخاتم (خاتم عقيق شكللو مبوز ونافر شوي )
شو هاد الخاتم بابا ؟؟؟شو اعمل فيه
هاد خاتم أمك ....رح يحميكي ...انا متأكد خدي البسيه ...واصحك تعطيه لحدا او تفرطي فيه سمعتيني
حاضر ...بس بابا......: حط الخاتم بأيدها @rwayate وشد عليها بقبضة أيدو : لا تفرطي فيه يا بنتي ...هالخاتم رح ينجيكي ......قام صقر بدو يوقف ...بس رد رجع وقع بالأرض ......ماتت من رعبتها نارماء وركضت ع الكوخ اللي ساكن فيه أخوه حتى تنادي عمها ...
اجى عمها ...واخد اخوه صقر ع بيتو .(.بيت صخر ) بس حالتو بالويل ....والدم عن يزيد من تمو .......ولما اجى الطبيب شاف حالة صقر التعبان : في شي بعيونوا عم يحكي مو شكلو فرح بنوب
نارماء قدام ابوها اطلعت بالدكتور: قللي شبو .....قللي يا دكتور ....شبو ابي ........راح الدكتور وماحكا معها شي ..ونادى للعم وطلع وياه برات الكوخ .....وصار يحكي معو .....حملت حالها وطلعت لتسمع شو القصة؟؟؟
العم: خير ...شبو أخي؟؟؟؟احكي ليش ساكت عم تخوفني
الدكتور : اخوك مو مطول.... .لأن معو مرض السل ...والمرض منتشر بجسمو اكتر من هديك المرة .....ليش ما جبتلوا الدوا اللي خبرتك عنو
هو ما رضي خاصة لما عرف انو غالي ....وانت شايف كيف وضعنا على قدنا
شو يعني ؟؟شو بفهم من هالحكي ؟؟؟يعني مارح تعطيني أجرتي ؟؟؟؟
ماعندو اخي غير هالحصان....تاخدو ...
هون ركضت نارماء لعند ابوها عم تبكي .....: بابا قووم رح ياخدوا صهيل . ...بابا لا تروح وتتركني ....بابا ...؟؟؟؟؟.بس ابوها صقر ماعاد طلع حس نفسو وهي عم تناديللو ..
الدكتور: اي باخدو ........لكن كيف بدك تدفعلي .....شو عم اشتغل ببلاش انا؟؟؟؟؟..؟؟ ...وانسمع صريخ من جوا ... باااااااباااااااا لا تموووووووت .....بابااااأاااااا لااااااااااااا فات العم ليشوف اخوه ميت ونارماء عم تبكي جنبو .. .....واخد الدكتور الحصان ...وراح بكل قلب بارد
باع العم كوخ اخوه حتى يقدر @rwayate يصرف على نارماء اللي سكنت مع عمها ومرت عمها اللئيمة اللي لقتها فرصة وأجت على رجليها وفي مصاري أجت على البارد المستريح......حتى صارت تشغلها متل الخدامة بدون ما تعمل حساب انها مخلوقة يتيمة ومالها حدا .........ومرت عمها عندها صار ولد صغير ....ونارماء قاعدة غصب عنها ومرر .3 سنين ......والعم مامعو كتير مصاري ........وبلشت مرت العم تدايق كتير من الوضع اللي صاير ....وهي بدها تصير من طبقات العز المخملية ....ولو انو تجاري جيرانها اللي كل وحدة كوخها احلى من كوخ التاني وبيروحوا حفلات وولايم مع كبار وعظماء الدولة
بهل 3 السنين نارماء كل يوم بتفيق من بكير على هالغابة وبالمكان اللي كانت تدرب فيه مع أبوها . تحط العاب من الخشب والقش وتبلش تدريباتها عليهم ....وعلى السيف والرماية ...تروح تفجر كل طاقتها بكل هالشغلات واحيانا تصرخ ومرات تبكي ...وكل مرة تزيد مهاراتها أكتر من المرات اللي قبلها .......وترجع ع البيت متل ما تركتو ......الكل نايمين
...الا هداك اليوم ..اجت ...ولقت مرت عمها واقفة مع رجاال كبير بالعمر ...ومعو شب ...شكللو ابنو .....منظرهم ما بيريح ...ضغري تخبت وىا الشجر من بعيد ......
.واقفة مرت عمها عم تحكي معهم وعم تضحك بطريقة مبينة غليظة ..حتى الرجال والشب متحملينها بالزور .....
.وبعدين ...مد الرجال إيدو على جيبتو .. وعطاها مصاري ... ...حاولت تسمع شو عم يحكو ...بس ما قدرت ....رح تجن على ماتعرف مين هدول ...وليش عطاها مصاري .وشو بدهم ؟؟؟؟.....شكللو عمها نايم ...ونوموا تقيل مارح يحس على اللي صاير برا ......
...وعند المسا والكل نايمين ....والوقت متأخر ...فات العم متل الحرمية على بيتو ولقى مرتو ماسكة هالعصاية ...واقفة متل العسكر ......نأز منها
مرت العم: شوووو شايفتك خفت ؟؟؟؟؟ليش مالي شايفة شي معك ؟؟؟وين الخضرا اللي قلتلي انك رح تجيبها .......؟؟؟؟ليش مالي شايفة بأيدك شي ؟؟؟؟ليششششش
(((يمكن صار معك العمى )))
شو قلت ؟؟؟؟؟ عللللي صوتك @rwayate
Link
0
2.8k
16:162018/02/25
العم: مامعي حقها يا مرا ....منين بدي جبلك اذا مامعي حقهم ؟؟؟؟
مابعرف هي مو مشكلتي .....بدك تجبلي ياهم .. رح يموت ابنك من الجوع ....وليش متأخر لهلأ؟؟؟؟ ...وين كنت .اعترف ؟؟؟...
هون فاقت نارماء من الصوت العالي اللي كانت نايمة جنب ابن عمها الصغير ابن عمر 3 سنين الا شوي ... واطلعت من شق الباب لتشوف شو اللي صاير ؟؟؟؟؟
العم: ليش بدي أتأخر يعني ؟؟؟؟؟شوفة عينك هربان منك
مرت العم: وليش حتى تهرب مني شايفتي ضب ولا بعبع ؟؟؟؟
هلأ انا جاية تعبان .....تركيني فوت ارتاح وبدي نام
لااااا مارح خليك تنام قبل ماتلاقي حل ....خاصة لبنت أخوك هي اللي شايفة حالها
نارماء ليش شبها ؟؟؟؟
بنت اخوك ..هي عم تعمل مشاكل ....يعني طالما انت ماعم تقدر تتحمل مصروفها ...على اي أساس بدك تتركها معنا ...نحنا دوبك عم نلحق لقمتنا
لا تحكي هيك عم بشتغل عتال من الصبح للمسا وبعيد من هون بالمدينة ...حتى عم برجع فطسان من تعبي وانتي ما بتقدري ولا بتقولي كلمة تنسيني وجعي كل هممك حالك وبس .. .بتحبي ذكرك كيف حضرتك اخدتي حق البيت (بيت اخي)على اساس بدك تداريها للبنت @rwayate وتكسيها ...بس انتي طماعة رحت اشتريتي الك ولبيتك وملذاتك الشخصية وابنك .....حتى رحت احتفلتي بيوم ولادتو وكللو من مصاري هالبنت .....
مرت العم : ايييييي حقي طالما عم بعتني فيها واغسلها تيابها وساويلها شعراتها
(نارماء بقلبها: شو كذابة طول الوقت انا بشطف وبغسل وبنشر وهي قاعدة ماعلملة شي )...
.بس اذا مابدك تدفع عليها وتلاقي حل ....روح خلوص منها يا اما انا بلاقيلها شي تدبيرة وبخليها تنصرف عني
لك شبك ...معقولة انتي ..؟؟؟صبية صغيرة عمرها 18 سنة مالها حدى غيري كيف بدك مني اخلص منها ....شو هالحكي هاد ....مستحيل انا وافق على هيك شي
وافقت ولا ماوافقت أنا تصرفت
تصرفتي؟؟؟؟شو يعني ...احكي .... @rwayate
هادا يا زوجي الحبيب....((؟؟؟؟؟)
قلب نارماء بلش يخفق خفق على اللي عم تسمعو .... مالقت غير حدا عم ينكش رجلها منشان ترد ترجع تنام فاق الصغير من النوم....مسكت ايدو وقرفصت لعند ...وحملتو ...ورجعت حتى تنام هي وياه ...وقلبها وعقلها عم يحكي اشكال والوان على ما تعرف شو مخططة مرت عمها وعلى شو ناوية ....ولا شو حكت ....بس ما تلعب بعقل عمها لان هو درويش وبيندار الها بكتير شغلات ...ورح تكون مصيبة وحللت على راس نارماء
.ما قدرت تكمل الحديث من ورا هالصغير وما تنفضح كمان لأنها كانت عم تتنصت عليهم والا رح تاكول قتل من مرت عمها الظالمة ....... ..وبعد شوي بالليل .. بتسمع خبط باب قوي ... .ياترى مين راح؟؟؟؟؟؟؟
وتاني يوم ....... فاقت نارماء حتى تروح مشوارها بكير متل العادة لعند تدريباتها بالغابات .... بس اللي صار شئ صادم ...وكتير مالها متوقعتو.......
يتبع
Link
0
2.6k
16:162018/02/25
Link
0
2.5k
16:162018/02/25
الحلقة الثانية
@rwayate
#الأسيرة_بقلم_كنانة_غميان
لسى ما طلعت من البييت إلا شافت قدامها مرت عمها ....والرجال اللي كانت معو مبارح وعطاها المصاري .... نظرات مرت عمها فيهم شي مو طبيعي نوع من الغدر والكيد .: تعي يا نارماء ......تعالي لهون ...
قربت نارماء لعندها ....: نعم مرت عمي ؟؟؟خير شو بدك شو في؟؟؟مالك بالعادة تكوني فايقة بهل الوقت ؟؟؟شو بدك ؟؟
ههه انا ما بدي شي بس ....في حدا بدو منك كل شي @rwayate
شو قلتي..؟؟؟؟...(لسى ما كملت جملتها ...حتى
اجى حدا من وراها مغافلها كاين متخبي ورا الباب وهي طالعة نارماء ومالها منتبهة : ولفلها ايدها و مسكها منيح ..(اخ ..اي ..مين ؟؟؟...تركلي ايدي ....مين انت ..مؤت عمي مين هدول وشو بدكم مني؟؟؟)اندارت وشافت : لك هاد الشب ؟؟؟؟اللي كان مع؟؟؟؟؟؟الرجال مبارح .....
ثارت تصرخ وتنطوط: لك فلتني ...مرت عمي قوليلو يتركني ...عم يوجعني اديي
..
الرجال: هههه ..لا كتير تعص على اديها (ورد) ...شكلها @rwayate ناعمة كتير ورح تهرر لبينما نصل لهنيك؟؟؟
نارماء مرعوبة ومستغربة : هنيك ..وين ؟؟؟ونصل ..: لك فللت اديي عم قللك .....مرت عمي ليش ماعم تحكي شي ..
.(نظرات مرت عمها بتخوف الشر بعينها وتمها زامتتو بكيد كبير وماعم تحكي شي بنوب معها لهلأ ...بس عم تحكي مع الرجال ومدت ايدها وصارت تشوبر فيهم بمعنى هات : وهي البنت صارت معك ....يلا كممللي لشوف ..هات الباقي
الشب مسكها وقرب لعند ادنها وهي عم تقاوم : : لك خلص ..حاج تحوصي ....اهدي بقى ....مافي قوة تخليك تبعدي ...خلص صرتي معنا هلأ ....
نارماء: معكم ..ليش مين انتو ...وليش حتى روح معكم ....؟؟؟
الرجال : بنظرات حدة : ههههههه هلأ هي هية البنت اللي وعدتيني فيها ..هههههه عنجد مو خسارة فيها المصاري كلها
مرت عم: خلصني وعطيني باقي المصاري اللي وعدتني فيها .....ولي شو بتحكي ....عطيني وتغزل فيها قد ما بدك بعدين
الرجال: خدي ......وزتلها كيسين قماش عم يرنوا بين اديها: هدول 500 دهبة ...منيح هيك ....
اي ممتاز ....
حلو وهلأ طلعنا خالصين ...وقرب لعند نار ماء شوي شوي .......يا الهي ....عنجد حلوة ......شو تسمها قلتيلي ....؟؟؟؟
نارماء
هههه حلو كتير يا نار ماء ..قربها لعندي ياورد لشوف @rwayate
قرب يا (ورد) لعندو اكتر وهو لافف أيدو على ايدها لنارماء وهي عم تصرخ: تركلي اديي يا (؟؟؟)تركني عم.قللك ؟؟؟يا عمييييي عميييييييي ...لك وينو عمي....؟؟؟
مرت عمها: عمك باعك يا حبيبتي باعك وخلص منك اخيرا ..وسمع كلمتي.
مستحيل ...عمي ما بيعملها الا اذا انتي ضليتي تزني بأدنييه متل العادة ......مشكلتي ماعم صدق ...عمي بيحبني ...
لا صدقي ...ومبارح.قدرت اقنعوا انك تطلعي من البيت ومن حياتنا كلها .هههههه اخيرا ........
نارماء عم تبكي: مابصدق ..عمي بيحبني وما بيتركني .......بعدين ....ليش تبيعني...ومنشان شو ...لك شو غلطت معك ؟؟؟؟؟؟تركوني عيش بحالي ....كنت عم اعمل كل شي بدك ياه ....ليش حتى تخلصي مني بهل الطريقة الوحشية ولمين ....؟؟؟
هههه لأكبر نخاس بعتك هون @rwayate
جلفت عيون نارماء من الخوف : نخاس؟؟؟؟
مرت العم : اي ....وليكو قدامك وهي ابنو كمان ...رح ياخدوكي من وجهي للأبد وعيش انا بحر مالي هههههه عفوا مالك هههههه ..باي يا حلوة ......واخدت هالمصاري فرحانة فيهم ...وفاتت لجوات الكوخ وسكرت الباب وراها بكل قوتها مو سائلة عن حدا
نارماء خايفة وعم تبكي مو عرفانة شو بدو يصير لسى
: لاااا لاااا ...لوين ساحبيني ....تركني عم قللك ....؟؟؟العمى شو انكم بلا دم ....وبلا احساس لك فلتلي اديي
النخاس: ههههه شوف عم تحكي عن شي اسمو مشاعر واحساس ...يا حلوة هدول انا كبيتهم من زمان
ورد ابن النخاس: بابا روح جيبو ولا انت تجيبو ؟؟؟؟؟لأن صعب روح ووديها لهنيك ؟؟؟؟
النخاس : لا انا بجيبو ......استناني هون @rwayate
راح النخاس ورا الشجر ...وطلع عم يسحب بجنزير من الحديد .....قفص من حديد .....
هي شافت هالقفص وبلش قلبها يطرق ...وحست انها لازم تعمل شي حتى تنفد حالها :؟؟؟بدكم تحطوني هون ؟؟؟؟ما بقعد ..ولا بفوت ....
لك حاج تقاومي بقى عم قللك....يلا ابي فتاح الباب ....
فتح النخاس الباب لأبنو : انا رايح جيب الحصان اللي حاطو هون رابطوا بالشجرة الكبيرة ...ماشي ما بتأخر .....
ماشي عم استناك بابا .........ولما اجا بدو يفوتها الابن : مسك دقنها واطلع فيها : عنجد انك حلوة ...والله شكلك رح تجيبليلنا سعر مرتب ..
فشرت ...انا ما بسمح لحدا متلك ولا لغيرك يبيعوني ...انا ما بنباع فهمت ....((بففففففففف)) ....رفعت رجلها وخبطتو برجلو بكل عزمها وهربت ..وهو صرخ بالمقلوب ... : اخ ...اي ...رجلي ...لك وين رايحة ؟؟؟؟ههه لك لوين بدك تفلتي مني ....وركض وراها .... @rwayate
Link
0
2.5k
16:162018/02/25
وركضت وركضت بهل الغابة على امل تلاقي مساعدة ....ساعدوووني ...يا نااااس .......وهو وراها عم يركض .........ماكان يقدر يصلها ...لحتى نط وزت حالو ومسك توبها الطويل .......مالقت حالها نارماء غير انخبطت ووقعت ع الأرض .(قلتلك مالك مهرب ..حاج تقاومي).....قرب لعندها ....وهي عم تطلع حوليها لتلاقي شي تقدر تنفد حالها منو ....واذ بتشوف ......عصاية طويلة وضخمة شوي .....بسرعة شدت ايدها وسحبتها ...ولما قرب منها .....بسرعة خبطتو بالعصاية على كتفوا ووقع على جنب من عزم الضربة
ووقفت وبأيدها العصاية كأنها حاملة سيف مستعدة لأي هجمة : بدي قاوم لنهاية ...فهمت ولا مافهمت
ورد عم يحاول يقوم موجوع من الضربة ماسك كتفو : ههه اخ ...هي اول مرة بتمر عليي وحدة بتقاوم بهل القوة ..شو شايفك واقفة بحركة الاستعداد للهجوم؟؟؟ @rwayate بدك نتحارب ؟؟؟ماعندي مشكلة وهه وشلح جاكيتو ورد
نارماء بعيون قوية وحزم : اي منتحارب ...بس بشرط
ههههه كمان في شرط لا مالك.ملاحظة انك عم تبالغي شوي
لا ماعم بالغ ...هي حريتي ...هي انسانيتي ...بدي اذا فزت عليك تتركني بحالي (بس في حدا عم يراقب )
ورد بثقة: هههه ماشي لنشوف ي.....قرب ع الارض ورفع خشبة متل اللي حاملتها نارماء .....: يلا لشوف ورجيني شو رح يطلع منك
ركضت نارماء عم تصرخ ......وخبطت الخشبة اللي معو بكل قوتها ......وهو صدها ودقت عينها بعينو : ههههه هلأ هاد اللي طلع منك ....يا ...عيون البحر
ردت رجعت @rwayate تخبط مرة ع اليمين وع اليسار بكل غضب وقوة ..وهو عم يصدها .....: فاجأتنيني على فكرة ......مستحيل بنت بعمرك بتعرف تمسك خشبة ؟؟؟؟معقولة تكوني غير نيقة عن الخليقة ...شو سرك انتي؟؟؟
مالي سر ...بس انت خايف مني ومرعوب كمان
هههههه ...وركض بدو يضرب فيها وهي صدتو .. مد رجلو واخدها غدر ووقعها ع الأرض
وقفت نارماء وبدها تقرب حتى تكمل بس ...مالقت غير حللت العتمة فجأة وهي تصرخ ...هاد النخاس جايب كيس خيش كبير واخدها على غفلة منها
..ركض ورد ليساعد ابوه ..حطوها فيه وهي عم تقاوم .((.لك يا جبان طلعني وكمل مبارزتك معي ...طلعني) ).. ..بس خلص ...صارت جوات الكيس .....زحفوا فيها للقفص زحلل ولحشوها بالكيس لجوا .....قامت طلعت راسها من الكيس ..ركضت بدها تلحق ...بس تسكر باب القفص خبط ....مسكت درابزين القفص: طلعوني من هون طلعني ياورد...
ورد بعين قوية : هههههه شووووو شايفك حفظتي اسمي ......لسى بدي خليكي تحفظي طبعي كمان بعد اللي عملتيه فيني يخربيتك شو قوية
انا اذا كنت قوية انت واحد غدار ......
لا مالي غدار @rwayate
لا انبلى ...والغظر مو من صفات الرجال اذا مفكر حالك رجال
لا تستفزيني بكل الاحول ..لسى المبارزة ما خلصت بعتقد ههههههه
اي اعتقد لتشبع ........وخليك عم تضحك ...عنجد حرام ..انا ماعملت شي ....انتو اللي بلشتو انتو اللي بدكم تاخدوني . ....ومابعرف لوين اصلا ....طب قولولي لوين ...مو من حقي اعرف ؟؟؟؟
النخاس: خلاااااااص اسكتي بقى مابقدر انا كتير على الحكي ....بدك اضلي تحكي رح ربطتك وسكرلك تمك ...سكتي خليني اعرف شوف شغلي ......تعال لجنبي يا ورد ....يلاااااا ...وشد على هالحصان ...وبلشوا يمشوا بهل القفص اللي فيه نارماء ....قعدت بالزاوية ....وهي عم تبكي وطبت راسها عم تفكر لوين ممكن بكونوا آخدينها ...وليش عمها ما شافت وجهه ليش باعها ....عنجد باعها ؟؟؟؟؟؟؟؟؟وشو بدهم يعملوا فيها النخاس وابنو ؟؟؟
وبعد شوية وقت بهل الطريق
Link
0
2.5k
16:162018/02/25
مشاركات مشابهة

الكتب والمواضيع والآراء فيها لا تعبر عن رأي الموقع
تنبيه: جميع المحتويات والكتب في هذا الموقع جمعت من القنوات والمجموعات بواسطة بوتات في تطبيق تلغرام (برنامج Telegram) تلقائيا، فإذا شاهدت مادة مخالفة للعرف أو لقوانين النشر وحقوق المؤلفين فالرجاء إرسال المادة عبر هذا الإيميل حتى يحذف فورا:
alkhazanah.com@gmail.com

الرئیسيه
المجموعات و القنوات
Disclaimer

All contents and books on this website are collected from Telegram channels and groups by bots automatically. if you detect a post that is culturally inappropriate or violates publishing law or copyright, please send the permanent link of the post to the email below so the message will be deleted immediately:
alkhazanah.com@gmail.com