@rwayate
عندما وصلت البنايه وكأنها أفاقت لتقول في سرها برهبه: شو بدي أعمل كيف بدي أدفع إيجار الشقه وادويه امي .. يا الله انا كيف ما فكرت بهالموضوع ..امي لازم ما تعرف اني تركت الشغل لازم امهدلها بالأول يارب عيني ومن بكرة ببلش ادور على شغل
...
دخلت المنزل فألقت التحيه على والدتها
فسألتها نداء باستغراب: مروحه بكير من الشركه
لين بكذب: شايفه اليوم زبطت معي عاطانا المدير إجازة وكمان اليوم ما في عندي شغل بالمطعم زابطه الأمور معي
نداء: الحمدلله يارب ..منيح مشان ترتاحي
لين بخفوت: اه
_
وليد: ليش حتى تضيع الفرصه من إيدك قوم الحقها واطلبها من أهلها
سيف: مفيش داعي
وليد: ليش
سيف: انت قلتها إنك شفتها مبسوطه وانا كذلك الأمر فليش حتى أقيد حريتها خليها تعيش حياتها
وليد بمعارضه: ليش إنت سلبي هيك بدك تنهي الاشي اللي بلش يبدا بداخلك
سيف ناهضا: ما في داعي لهالكلام انا مروح دير بالك ع الشغل
_
تخرج في الصباح الباكر لتبحث عن عمل تبحث كثيرا ولكن لم يحالفها الحظ يئست كثيرا وقد بدأ الندم يتسلل بداخلها
عادت إلى البيت وقد نسيت أمر عدم معرفة والدتها بالمطعم وتركه
نداء باستغراب: ما عندك دوام بالمطعم
لين اخفضت رأسها: امي بصراحه انا انطردت من المطعم مبارح بس خبيت عنك (ترقرقت الدموع في عينيها) آسفة والله بس ما حبيت أخبرك حتى ما تقلقي عليّ
نداء بحنان: الخيرة فيما اختاره الله .. لكل اشي حكمته ربنا هيك رايد (نظرت لها بدقه) وشو كمان خبيتي عني يا لين
لين ابتلت ريقها بصعوبه واطرقت رأسها بخجل
نداء باطمئنان: احكي يابنتي ما تخافي عليّ
لين في سرها: شو احكيلها تركت الشغل بتحكيلي بعدين لازم تصبري
لين: وكمان انطردت من الشركه
نداء باستغراب: انطردتي كمان من الشركه شو قصت طردك شو بتعملي
لين بأسف: المطعم دلقت القهوة على زبون فطردني المدير
نداء: والشركه
لين في سرها: يعني احكيلك كنت اضلني أوخذ بهادل بدون سبب وهسا نقحت عليّ كرامتي
لين بكذب: خربطت بكثير شغل استحملوني كثير بس بالآخر طردوني
نداء : ول يا لين ليش ما بتركزي
لين نظرت للأسفل بأسف : المشكله يا ماما من وين بدنا ندفع اجرة السكن
نداء: لا حول ولا قوة إلا بالله ربنا المستعان
لين ببكاء: انا آسفة يا ماما
نداء بحنيه تربت على كتفها: اسمعي يا لين بالرغم إنك بتحاولي تخبي عليّ لأنك خايفة عليّ بس هاد ما بِعني إني عارف إنك بتكذبي بكلامك
لين نظرت لها بصدمة
نداء: يابنتي انا امك وفاهمة كل حركه بتعمليها بس ما بدي إياكِ تحكي مش ضروري المهم إنك تضلك قويه وع قد حالك
لين بأسف: سامحيني يا ماما
نداء: ربنا يسامحك دنيا وآخره ويرضى عنك يارب
تمرّ الأيام وينتهي الشهر ولم تحصل على وظيفة ويأتي صاحب الشقة الذي يقبل بنصف المبلغ فهذا الذي توفر معهن على أمل أن تكملان المبلغ لنهايه الشهر
__
سلمى بغضب: وليد ليش ما بترد عليّ
وليد: يا سلمى كيف بدي أرد عليكِ وانا مسافر للشغل حرام عليكِ
سلمى بحده: اكيد بتبصبص شمال ويمين
وليد بنفاذ صبر: لا حول ولا قوة إلا بالله استهدي بالله يا سلمى وإذا حابة تتأكدي اسألي سيف طول الوقت معاه
سلمى: يا وليد والله انا بخاف بس بحبك ويعني إنت رايح بلد أجنبيه اكيد بتشوف أشكال وألوان فأكيد عينك رح تزوغ
وليد مطمئنا: انا في قلبي ومتربعه على عرشوا وحدة ومستحيل نظري يروح لوحده غيرها فيا حبيبتي اهدي وما تضلك تتصلي لما أفضى برنلك وبطمنك اوك
سلمى بارتياح قليل: ماشي.. دير بالك على حالك سلام
وليد: سلام
...
وليد : شو ها أختك موتتني
سيف بلامبالاه: اصطفلوا
وليد: ما تفكها مش إنت الحق عليك تركتها
سيف بضيق: ومين قلك إني بفكر فيها وما تضلك تجيب سيرة لين ماشي
وليد بمكر: إنت عن ايش بتحكي انا قصدي عن المناقصه مش إنت اللي رفضتها
سيف ينظر له بحدة ولا يتكلم
وليد بضحك: بس مش ملاحظ يا صاحبي إنو لين تعتبر اول وحدة مش مطروده طرد هي استقالت من نفسها ..الاشي هاد لازم يسجل
سيف لمعت عيناه لتذكرها ولكنه أشاح وجهه سريعا عن وليد الذي يحاول كشف اسراره دائما
______
مستلقيه على السرير وتنظر للسقف بشرود: اكيد عين سكرتيرة جديده معقول بصرخ عليها ولا بس عليّ ..هو انا هبله اتذكروا خلص انسيه ليش حتى يضل عالق بذهني ع طول (حكت رأسها) بس لحد الآن اللي محيرني لون عينيه الأزرق المناقض للون بشرته بس حلو ميزة حلوة ....هههههه شو يا لين عم تتغزلي فيه جد هبلة هو انا كنت ابين جنبوا
___
لين بتوتر وارتباك: والله آسفة مش قصدي
سيف بغضب: وقفي مكانك
لين تقف بخوف كبير
سيف بحدة: كيف بتروحي هيك بدون ما تسمعي
لين بتوتر: بدي أختصر للمشاكل
سيف بعصبيه: قصدك تفتعلي المشاكل وحدة ما بتفهمي
لين اخفضت رأسها
سيف: من بكرة بترجعي مفهوووم
لين بلجلجه: حاضر
سيف: روحي من وجهي
__
تفيق متصببه بعرقها وتقول: اعوذ بالله من الشيطان الرجيم ..حتى بدو يطلعلي بمنامي (تنهدت) اكيد لأني فكرت فيه قبل ما أنام
قامت توضأت وصلت قيام ليل
_____