مت نورا لبست وطلعت ع المطبخ لتعمل القهوة دخلت لعندا حماتا وقفت عند الباب وحطت ايديا ع خواصرا ورفعت حاجب ونزلت حاجب: شو شايفتك اخدتي ابني من اول يوم

اتنهدت نورا وفتلت راسا: اهلين مرة عمو لا يوه هاد ابنك قبل ما يكون جوزي وانت متل امي ورح حطك على عيني وراسي

ام خالد: اي منيح انت اعملي شي غلط وشوفي كيف رح زتك بالشارع او ليش في شي احلى هاهاهاها

فتحت نورا عيونا ورفعت حواجبا واتطلعت فيها ب استغراب
ام خالد: اي اوعك تغطلي معي
ومشيت..

رجعت كملت تحريك القهوة بعشوائية وهيي عم تردد بقلبا (ياربي بدا تبلش الحرب.. الحرب الكونية بين الحماية والكنة شو عملتلا من اول يوم بدا تفرض سيطرتا.. ياربي قويني وساعدني كلن قالو امو قوية بس مافكرت هالقد ومن اول يوووم)
اخدت صنية القهوة وعيون خالد عليا والام ماعاجبا
#مروةآغا
ومشيت الايام يوم ورا يوم والام عم تحاول تعمل مشاكل بس نورا كانت صغيرة ومافهمانة بكيد الحموات كانت تسمع فيه من المسلسلات وحكي النسوان بس هلق عم تعيشو
تركت امتحانات البكلورية واختارت الزواج متل ما كانت تحلم بيت دافي زوج حنون يحبا وتحبو
*

دخلت ع غرفتا معصبة وعم تحاكي حالا كأن عم تحكي شخص قداما ( بشتغل كل شغل البيت والتنظيف وهيي بتجي بتنظِّر وبالاخير بتطلع هيي عاملة كل شي اي ماحااااج بنظف من وراها كركبتا )

كانت دائما هيك تفش قلبا لقت هالحل احس من جوزا يلي مابرد وبقلا طولي بالك هاي امي ما الا غيري.. بقيت ساكتة وتحاول تكتم غضبا او تخرب بيتا....

#بصيص_أمل


الجزء #الثاني (2) :

بقيت قاعدة بغرفتا وما طلعت منا ل اجا جوزا
خالد: شبك مزعوجة من شي؟

نورا: مافيني شي.. مانك جوعان؟

خالد: لا اكلت برا

نورا: اي لكن انت وامك كلو برا وانا للبلة ماحط شي بتمي

خالد: شلون يعني امي بتاكل برا !

نورا: اي والله راحت ورجعت دخلت ع الهسة ع غرفتا وطلعت بعد ساعة معا كيس كبتو بالزبالة اتحرقصت رحت شفتو ولا طلع عظم جاج

_خالد سكت وماحكى ولا حرف لان بيعرف امو وما اتوقع توصل لهون

نورا: انا عم قول هالمخلوقة كيف عايشة بلا اكل طلعت متل الحرامية

خالد: نورا ما تغلطي

نورا: ماغلطت بس كيف بدي شوف بخلكن وضل ساكتة..

خالد: بخل!! شو بخل ليش بشو قصرت عليكي

نورا: يعني الي شهر عندكن وماشفتكن عملتو شي ومقضيتا حواضر انا والله ماحبيت احكي بهالموضوع الحمد لله شبعانه ببيت اهلي بس بكرا بقولو هالبنت هيي اتزوجت صارت تضعف ولازم يصير العكس بيحكو عليكن انتو

خالد: طيب كلي انت لحالك شو بدك فيا

نورا: لحالي !! ليش نحنا ماعيلة ما بتحب نقعد ناكل سوا اظبخلك واحتفل فيك.. وبعدين ما ليكون في شي يتاكل روح شوف المطبخ عم يصَفر

_مشي خالد وهوي مستغرب وصار يحكي حالو معقول نسي هالشي معقول عندو بخل وهوي ماعرفان.. من لما وعي ع الدنيا واهلو البخل عامين ولما كبر صار ياكل برا ومايسأل

تاني يوم فتحت عيونا وحماتا كالعادة مانا بالبيت وقافلة باب غرفتا
دخلت ع المطبخ شافت الطاولة عليا شوية كياس
رتبت البيت وحطت فطور واكلت وحماتا ما اجت بعدين فكرت تطبخلو طبخة لجوزا
دخلت ع المطبخ وهيي عم تفكر
نورا: معكروونة اي والله طيبة..
ضحكت وقالت: ليش اصلا انا شو بعرف اعمل غيرا
بلشت تحضير وتحط وتشيل تروح وتجي وتدوقا بدا هيك وبدا هيك صارت دايقتا قريب العشر مرات
(لا خلص هلق صارت تماام بتشهي اكيد رح تعجبو)
دخلت حماتا وهيي معصبة: شو هاد طبخ!!!

نورا: اي قلت لجهز لخالد شي هلق بيجي جوعان

قربت وفتحت الطنجرة: اف لشو كل هالقد

نورا اتلبكت: يعني مشانا كلنا

اكلت لقمة ومشيت وهيي عم تحكي: نحنا هون ما منطبخ فهمانة

نورا عم تحكي حالا: اي لكن بتاكلو متل الحرامية

رجعت خطوتين لعندا وحطت ايديا ع خواصرا شو قلتي

نورا: لا قلت اسكبلك صحن

ام خالد: لا ما جوعاني

نورا بصوت خافت: اي بلا
مسكت جوالا وبقيت تدق لجوزا لتقلو لا يتغدا هيي طبختلو بس ما رد ولا اجا مرق ساعتين وثلاثة داق خلقا عبت صحن كبير معكرونة وقعدت قدام التلفزيون وصارت تاكل بشراهة من عصبيتا
دخلت حماتا ع الغرفة: شو كل هاد الصحن اكلتيه !
اتشردئت وصارت تسعل: لا بس حطيت في شوي جبتو كبير مشان ما كب ع تيابي

قعدت قداما وبلشت تعطيا مواعظ ( انت الك زمان عنا وانا لازم اعطيكي شروط لتمشي عليا بهالبيت)..
شبكت ايديا ببعض ورفعت حاجب ونزلت حاجب :
اول الشي لازم ندير بالنا ع مصروف البيت ما دائما طبخ واكل من شو بيشكو الحواضر والزيت والزعتر مصاريف زيادة بطعمة وبلا طعمة مابدنا على شوكولا وموكولا ايواااه
وثاني شي الباب مالازم تسكروه

نورا : بس انا بحب اخد راحتي بغرفتي وبعدين...

ام خالد: ما تقاطعيني وردي ع نصايحي مابدي شوف الباب مسكر

نورا: بس نحنا متجوزين جديد يعني عرسان وانت بتعرفي...

ام خالد: مصرة تناقشيني.. ليكيني اتزوجت ومشيت ع عهالنصايح وعين الله عليي

نورا: اي مشان هيك جبتي ولد واحد بس

رفعت حواجبا واتطلعت فيا: شو قصدك

نورا:

╭─┅═ঊخَيرُ جَليسঈ═┅─╮
📕الكتاب: الشرح الممتع على زاد المستقنع
🔎الشارح: الشيخ #ابن_عثيمين
🗂المجلد #الثاني.عشر2⃣1⃣
#خَيرُ_جَليسٍ_في_الزَمانِ_كتاب
╭─┅═ @al_maktabh ═┅─╮
╰─┅─═ঊঊঈ═─┅─╯

#قصة_جديدة #واقعية
#بقلمي : #مفيدة_بيطار
#اليتيمة
Telegram@rwayate
#الجزء_الاول #الثاني #الثالث #الرابع #الخامس #السادس #السابع#الثامن
#التاسع_والاخير
بلغت بحزني أعالي القمم== واخجلت بالصبركل الهمم
يحاصرني الخوف من كل صوب== ويعزفني الفقرأشجى نغم
يتيم فهل أدركوامن أكون== وكيف تجرعت كأس المنون
إذاضحك الناس أبكي دماً== ألملم جرحي وهم يضحكون
جريح وذنبي لعمري أليم== فذنبي أني غريب يتيم
فيا أمي أينك هل تسمعين== نحيب جراحي بصوت السنين
(قبل سبعة عشرة سنة)
-عمو ياعمو بدي اسألك شفت ماما و بابا كانو هون معي
-مين انتي عمو
-انا لين
-وين اهلك
-عمو مابعرف انا ضيعتن من زمان صرلي كتير عم استناهن بس لهلأ ما اجو
- شئد الك ضايعة
مابعرف يمكن بس هدول 👐
- وين بيتكن
-......
-طيب شو اسم ابوكي
-بابا اسم علي و ماما اسما فاطمة
- بتعرفي اسمن الکامل
_هئ
- طيب انتي وين عم تنامي
-شايف عمو هديك الشجرة انا هون بنام
-اي بس هون في مقبرة
-اي عمو بعرف قالتلي ستي انو بابا و ماما هون و دلتني ع بيتن بس انا ماعرفت كيف افتحو.. ساعدني عمو الله يخليك
- انتي شو عم تحكي يعني ابوكي و امك متوفيين
-لا عمو انا كل يوم بحكي معن و هنن بيسمعوني.. هنن راحو رحلة ع الجنة بس قالتلي ستي الجنة بيروحو عليها بس الكبيرين قالتي انو انا بكير روح عليها
-طيب وينها ستك
-مابعرف عمو كانت معي و فجأة وقعت ع الارض و ماعادت رد عليي هيي جنب الشجرة
- امشي معي لأشوف
Telegram@rwayate
( سحبت البنت من ايدها يلي مابيتجاوز عمرها خمس سنين لجنب الشجرة.. مسكت ايدي بقوة و قالتلي بتعرف عمو انت ايدك كبيرة متل ايد بابا كان هيك ياخدني يشتريلي بوظة و يلعبني بالالعاب بس ما اخدني معو عالجنة انا كل يوم ياعمو بعاتبو بس مابرد عليي دائما)
قلبي كان عم يتقطع ع هالطفلة الصغيرة طريقة حكيا كلاما عيونا كانت حلوة بريئة برغم الحزن يلي بعيونا و قت وصلنا لجنب الشجرة كان في جثة لأمرأة كبيرة بالعمر و للاسف ميتة من ساعات فجأة تركت ايدي لين و ركضت لعند ستها
حطت راسها ع اجرها و سحبت ايدا ع راسها و قالتلا يلا ستي احكيلي عن بابا و ماما بدي نام انا.. خديني معك و غمضت عيونا و عم الهدوء
المنظر يلي شفتو و الحكي يلي سمعتوا صدمني... ما اقدرت اتحرك جمدت بأرضي كلام بيقطع مشهد حزين بيبيكي الحجر.......
قربت لعندا لقيتا نايمة و الجدة ميتة للاسف..
اتصلت بالشرطة و خبرتهن عن الجدة بس ما قلتلن عن البنت مابعرف في شي منعني من جوا....يمكن لاني متأكد انو رح ياخدوها ع دار ايتام و معظم هالمدارس عنا مو منيحة و في منهن بيبيعو الولاد لمنظمات مو منيحة بنوب...رحت عالمخفر مع الضابط مشان ياخدو افادتي و طبعا مابيعرفو شي عن الجدة..نزلوا صورها بالجرايد حتى يوصلوا لأولادا و لتاريخ هاللحظة مافي اي حدا سأل عنها
اخدت لين ع بيتي و كنت كل الطريق عم اتوقع شو رح تكون ردة فعل رغد
-لين : عمو وين رح تاخدني
-زياد : ع بيتي يا عمو..انتي من هلأ و رايح رح تبقي عندي..هيك حتى نلاقي حدا بيعرف عيلتكن
- لين : ستي وصتني ما روح مع حدا...رجعني عند بابا و ماما
رح يشتاقولي و ينشغل بالن عليي كتيير
-زياد : كل يوم رح نروح لعندن و تحكيلهن شو مابدك و انا رح آخدك ب ايدي
( وصلنا عالبيت و كل وقتي عم ادعي انو يمرق هالنهار ع خير لان رغد و بعرفها بتشك حتى بأبوها)
-زياد : دخلي لين
Telegram@rwayate
رغد :....
لين : مرحبا خالة
رغد :....
زياد : هيي البنت اليوم لقيتها.
رغد : لقيتا قلتلي
زياد : هلأ جيت من المخفر كنت عم قدم افادتي
-رغد :المخفر :
-زياد :اي لما كنت راجع من شغلي شفتها بالشارع واجت لعندي و حكتلي قصتا..اهلها متوفيين و ستها متوفية كانت ستها متوفية جنب الشجرة رحت عالمخفر بلغت ع حالة و الوفاة.و جيت
رغد : وليش جبتها معك..شو نحن فاتحيين بيتنا دار ايتام
بظن في ناس الهن اهتماماتهن و نحن مو مسؤوليين..يا دوب شغلك يكفينا لسه جايبلي عالم ما معروفة مين هنن
،زياد: يلي عندي قلتو و لين سعرها ب سعر ابنا عمر
رغد : انا مالي مجبورة بحدا و كمان يلي عندى قلتو
( تركتهن عم يتخانقوا و سحبت حالي و طلعت من البيت بدو ما ينتبهوا و صرت اركض...حاولت ابعد قد مافيني عن البيت...مابعرف وين بدي روح...المنطقة مابعرفها .........................
-زياد : فوتي لين ليش بعدك واقفة برا
( التفتت حتى شوفها بس للاسف ما لقيتها..طلعت من المجنون صرت دور عليها...هي طفلة ما تقع ب ايدين ولاد حرام ابصر شو ممكن يعملوا فيها...صرت اسأل العالم بالشارع..في منهن يقولولي راحت من هون ومن هون وانا متل الضايع...اذا مالقيتها مارح سامح حالي ابدا...انا اذا مالي قد المسؤولية ليه لجيبها. الله يسامحك و يصلحك و يهديكي يا رب.
#يتبع

ة صارت خرابة والتراب انتشر بكل مكان .. واخييييرا لقاها وقع ع الارض لما مسكا ب ايدو قطعة صغيرة كتير ملفوفة بكيس اسود عدة لفات .. قعد ع الارض وهوي عم ينظم نفسو والناطور واقف وراه ركض جبلو كاسة مي لما شافو شهق عدة شهقات ورا بعض .. شربا كلا شفة وحدة بلش يفتحا ب ايدين عم ترجف لحتى بالاخر انفتحت
دقق نظرو منيح وبعدين بلشت تتوسع نظرة عيونو همس من وراه الناطور (شوهاد!!!)

الجزء #الثاني (2) :

(شو هااااد!!)

(شوكولا.!!!)

( شو يعني يا بيك)

(مابعرف .. مابعرف والله ل ادفنو ب ارضو بس القطو)

(يا بيك خلينا نخبر الشرطة)

(لاااا شو شرطة انا سمعتي بتهمني كتيير وحياة بنتي مهمة كمان لك هالانسان شيطان ما شايف كيف عم يلعب ب اعصابي اكيد رح يعمل شي ب نغم اذا ما نفذت كل طلباتو .. انا قلعت كل الخدم مشان ما يخبرو الشرطة او لي حدا وما بقيت الا انتي لان بوثق فيك بس رح اوصلو بتشوف)

(بس يا بيك انا خيفان تكون نغم يعني...)

التفت عليه وقلو بخوف (يعني شو)

بلع ريقو وكمل (يعني بعيد الشر يكون عامل فيا شي)

كز ع سنانو والفكرة خلت قلبو يوقع بين اجريه .. وقف وعصر حبة الشوكولا بين ايديه سكت لثواني كأن عم يفكر ومشي
قعد ع طرف سريرو وهوي مهموم صورة مرتو وبنتو بقرب السرير مسكا وضما ب اول ايد وبالايد التانية بلش يتلمس وجوهن وهمس ( الله يرحمك يا كوثر منيح ما كنتي معي بهيك وقت والا كنتي انفلجتي)

رجع مسح ع وجه بنتو وهمس ( انا وعدتك احميكي طول عمري وكون الاب والام يلي خسرتيا من سنين بس سامحيني شغلي اخدني منك)
طالعو من شرودو رنة الجوال فتح الخط لما شاف رقم خاص واول ما سمع صوت بنتو ابتسامتو بلشت تتوسع( بابا .. بابا)
رد بلهفة اكبر من لهفتا ( نغم ياروح بابا كيفك عم يوجعك شي عملك شي هالحقير)

(لاء لا تخاف مافيني شي حباب بدي اطلع من هون انا قاعدة بحبس..)

سحب منا التلفون وقلو (انتظر اللعبة الجديدة)

(ما بكفي قول شقد بدك مصاري ولا بدك اسحب ترشيحي من الحزب والله بعمل كل شي بدك اياه)

ما رد ع كلامو سكر الخط اول ما قلو (ليلة سعيدة)

*

"بعد مرور شهر"

مدت جسما وهيي قاعدة ع ارضية الغرفة الخشبية وحاولت تزحف ع بطنا لوصلت للثقب الصغير يلي بتشوف منو النور بهالغرفة المعتمة .. رفعت جسما شوي وقعدت وركنت ظهرا ع صندوق خشبي قديم كل يوم بتقعد هالقعدة بعد ما تسمع صوتو نفسو المنتظم برا .. غمضت عين وفتحت عين وهيي عم تحاول تشوف شو عم يعمل برا.

شهقت لما شافتو حامل صخرة كبيرة وعم يرفعا عن جسمو ويرجع ينزلا وهوي عم يعد الارقام بانتظام اول مرة بيتدرب بهالقوة .. رجع حطا بالارض وعمل عدة حركات تمرين الضغط .. اتمدد بعد ما تعب وايديه وجعوه من حمل الصخرة رجع انتفض ووقف وهوي عم يركض من مكان لمكان ب انتظام وبالاخر شلح كنزتو ورما حالو بالبحيرة الصغيرة الموجودة عند البيت سبح لدقايق بعرض البحيرة روحة ورجعة .. وطلع نفض جسمو وشبك اصابيعو بخصل شعرو المطعجة ليبعد عنن قطرات المي وقعد عند البحيرة بهدوء هالجو بحبو كتير هاد عالمو الخاص الو وبس ولحظات الهدوء هاي بتسوى عندو كل الدنيا .. ربع اجريه وربط ايديه ببعض هاي رياضة اليوغا يلي اتعلما من رفيقو قعدة هادية .. نفس منتظم .. واستجمام بريحة الهوا النقية.

حزنت ع حالا اول ما شافتو هيك حر بيعمل كل شي بدو اياه وبروح وين ما بدو وهيي هون وحيدة بهالمكان ما بتعرف ليش هيي هون وكيف وصلت ووين هالمكان الساحر الغريب .. خضار مملي المكان من سهول وجبال ووديان وفوق هيك في بركة نهر راكدة بتتحرك بعدة مواسم بس او بعد زوبان الثلوج .. بحيرة خلابة ما بتشبه ابدا اي شي شافتو كل حياتا بركة متوسطة المكان وحواليها ورد وزرع من كل الالوان والانواع .. مرسومة ع شكل غيمة كبيرة بتشك انو بداخلا اسماك منوعة متل البحيرة القريبة من بيتا

بس يلي عم يثير اعجابا اكتر كل نهار بيلعب بطريقة جديدة عضلاتو عم تنبنى بقوة وضخامة اكبر وهالشي مخوفا جسمو يوم عن يوم عم يكبر اكتر واكتر معقول عم يتدرب مشان يعمل فيا شي ولا بس ليحافظ ع جسمو..

اول ما سمعت صوت باب البيت اتسكر صحيت من شرودا وبسرعة البرق رجعت مكانا واتكومت ع الاض بقرب سريرا الخشي سحبت اجريها وزمتن ع بعض ودخلت راسا بقلبن ونزلت شعرا لتخفي ملامح وجها .. بعد دقايق دخل وبايدو صنية اكل عبارة عن صحن رز مسلوق وبقربا صلصة حمرا ما بتعرف شوفي بقلبا ومزينة بعدة قطع من اللحم وكاسة مي
رماها بقربا ع الارض وسكر الباب
بعد نص ساعة رجع شافا لساتا متل ما هيي قاعدة وصحن الاكل بقربا .. دخل وقعد ع الكرسي الوحيد الموجود بالغرفة ولف اجر ع اجر وبلش يهز فين بسرعة ما اتحركت ابدا بس هوي زاد سرعة الهزة لحتى الارض الخشبية بلشت تهز من تحتا .. وعرفت شو بدو منا لا اراديا
اول ما رفعت راسا ومن بين خصل شعرا المهملة شاف نظرة عيونا الجاحظة .. ما بينكر إنا خوفتو ولو لثواني هوي بيعرف إنا شيطان وشيطان كبير لهيك ما عاد اتأثر بشي وقف وحمل الصنية وحطا قداما مباشرة وقلا جملة وحدة ( انا جايبك

تلخيص منطق
#أرسطو
#ابن رشد
الجزء #الثاني

📌 إعلان للدارسين في الدفعة #الثالثة_عشرة

بعد أن وفقنا الله تعالى لإتمام مدارسة كتاب #أخصر_المختصرات

نبدأ غداً إن شاء الله :
🗓 السبت 5 رجب 1441

وحسب الخطة الدراسية للدفعة ؛ بمدراسة كتاب #عمدة_الطالب وهو المتن المقرر للمستوى #الثاني في هذه المبادرة.

مؤلف الكتاب: الإمام منصور البهوتي تـ ( 1050 هـ) رحمه الله تعالى.

👥 رابط المجموعة التفاعلية للمستوى #الثاني:
🕶 رجال : https://t.me/jrdmoton2m

💡بادر بالانتقال للمجموعة الجديدة للحصول على الخطة الدراسية

📍بالنسبة للنساء يرجى مراجعة المنشور على الرابط التالي :
https://t.me/jrd12345/1243

.

رواية: رياح بنفسج.
لـ منى لطيفي Mouna Latifi.

الجزء #الثاني من سلسلة "أزهار جار عليها الزمن".
759 صفحة مزدوجة. "فصحى".

#الجزء #الثاني (2):

شلح كندرتو ورماها لبعيد ولحقا بنظاراتو وهوي لسا عم يركض بالرمل بتعثر ليوصل ويساعدا بس فجأة شاف البنت يلي بدا تنتحر اتحولت لحورية .. صارت تسبح متل الفراشة تطلع وتنزل وهيي عم تحني جسما ب انسياب وبتناسق تاام
رجع بخطى عكسية وهوي لسا عم يراقبا بعيون مبطنة بلون كستنائي قاتم محددين بخطوط مطاولة بلون عسلي صافي بس بيبقى لونن واضح بهالشمس الصيفية الحارقة

سبحت لعدة دقايق طويلة وبالاخير طلعت من البحر عم تجر جسما المنهك وتصد موج البحر .. كانت واضحة منحنيات جسما بعد ما بللا البحر تيابا وخلا الروب يلزق بجسما
كانت عيونو عم تتوسع ع هالشوفة للحظة فكر ياخد جاكيتو ويرميه عليها بس هيي سبقتو ونفضت فستانا ليتوسع من جديد

رجعت قعدت ع الرملا وهالمرة وجها للسما .. كان واضح إنا عم تبكي
همس وهوي عم يحط نظاراتو ليرجع يتخفى وما تعرفو
( ياترى شقد الك بتبكي من لما صارت هديك الحادثة اكيد كانو نشفو دموعك .. بكفي تبكي ببوس ايدك .. حاج تعذبيني )
هيك كان عم يردد بقلبو بس ما طالع ب ايدو شي يلي صار صار..

رجعت على بيتا متل كل يوم عم تجر جسما غصب قلة اكلا زايدة عن قبل وهالشي عاملا مشاكل .. بيتا ببناية من اربع طوابق مقسمة لعدة شقق صغار مخصصة بس للطلاب غرفة نوم مع صالون صغير ومنافع اصغر .. لقت هالشقة منيحة لتقضي ليلا فيها احسن من النوم بالشوارع
طلعت على درجات البناية ووقفت عند الشباك المطل ع الشارع .. شافت سيارتو كيف مشت وصارت بعيدة
اتنهدت وهيي عم تردد ( متل كل يوم اتركني بحالي بدي عيش .. اتركني..)

كملت طلعتا ع درجات البيت بتعب فتحت الباب ومشيت ب اتجاه المطبخ فتحت البراد ما لقت اي شي تاكلو رجعت سكرت البراد ومعدتا عم تعتصر وتصفر من الجوع .. لازم تلاقي شغل والا رح تموت من الجو

سمعت صوت دقة الباب همست ( اكيد هاي سماح )
ومتل ما اتوقعت كانت سماح
امل: اهلين فوتي

دخلت سماح وب ايدا صحن عطتا اياه
امل: ليش هيك بتعرفيني ما رح اخدو
طيب مابدك تدوقي طبخي
امل : اممم طبخك اي بدوقو
ابتسمت سماح ومدتلا الصحن هيي بتعرفا مانا اكلة من عدة ايام بس ما كان في طريقة لتاكل الا انا تكذب عليا هالكذبة

كانت عم تاكل بنهم الجوع واضح عليا بس الكبيرياء بيمنعا

سماح: ما لقيتي شغل لسا
امل: لا ما حدا عم يقبل يشغلني وخصوصا لما عم يشوفو ايدي هيك
سماح: طيب شو رئيك لاقيلك انا شغل
امل: اي اذا شغل منيح ما عندي مانع
سماح: خلص رح حاول .. امل انتي من اي منطقة وين اهلك
امل: انا من هون واهلي هون كمان
سماح ب استغراب: لكن ليش عايشة وحيدة
امل: قصة طويلة
سماح: يعني اهلك بمنطقة بعيدة ما بشوفن بساعدوكي يا اما حالتكن ما كتير منيحة
امل: لا حالتنا منيحة واهلي بيتن بوسط البلد
سماح: لكن ليش هيك تاركينك
ضحكت بصوت عالي وهيي لسا عم تاكل: اتبرو مني
سماح: ليش شو عملتي
امل: عملت!! عملت يلي ما بينعمل
سماح: كيف يعني؟؟
انتبهت ع حالا كيف زلقت وعم تحكي كل شي ولبنت مالا عدة اسابيع متعرفة عليا
بلعت ريقا وصارت تسعل وقالتلا: رايحة جيب مي

*

نزل من سيارتو الجيب العالية واتوجه لمكتبو وعم ينتظرو رفيقو زيد اسقبلو ببشاشة وضحكة عريضة
زيد: اهليييين بعمووور وينك الي زمان عم استناك قالولي عم تترك شغلك كتير هالشي رح يفلسك ترا ها

حرك راسو بملل وانكب ع الكرسي الجلدي المقابل لمكتبو
زيد: هاد جابر ما عاد شفناه وانتي ما عاد بينت والله داق خلقنا بدنا نلعب لازم جابر يرجع متل اول وشو يعني مرتو تعمل هيك بس بيني وبينك صعبة صعبة كتير اصعب شعور ممكن يحسو الرجال

ما رد وقلبو عم يعتصر وبدو يحكي ويحكي بس بقي ساكت

زيد: شبك يا زلمي الهيئة بنت جديدة عصيت عليك
عمر: بنت ولا كل البنات
زيد: اففف و هالمرة رح تنقش؟؟
عمر بصوت هامس: ما هيي نقشت ومن زمان
زيد: شو قلت
عمر: لا ولا شي

زيد: انا والله مستحيل اتزوج او اعمل بيت وعيلة هاد اخر اهتماماتي وانتي كان هيك رأيك والزواج اخر همك شو يلي غيرك .. انا البنات ما بقدر عيش بلاهن ما بقدر اربط حالي بمرة وحدة بعتقد انتي متلي وتفكيرك من تفكيري

هز راسو وعيونو موجهة ع المباني العالية واضواء الشوارع الملونة بس فكرو مشغول بشي تاني

زيد: هلق لنجي للحقيقة انا بقدر عيش بلا مرة بس ما بقدر عيش بلا نسوااان ههههههه

شبك ايديه ببعض وهمس: بس انا ما فيي عيش بلا امل

ابتسم رفيقو من دون ما يفهم شوقصدو وقلو: اكيد كلنا محتاجين امل

ابتسم عمر وهز راسو من دون ما يرد عليه ولا يشرحلو اي شي كمان

*

صحيت متل كل يوم ونزلت من البيت وهيي ماسكة الجريد ب ايدا وعم تفتل من مكان لمكان ع العناوين المكتوبة لتلاقي شغل دخلت على حضانة اطفال طلعت بعد دقايق وهيي منكسة راسا والحزن واضح ع ملامحا وب ايدا شهادة البكالوريا وشهادتا الجامعية بالمحاسبة ما قدرت تتخرج وتركت الدراسة لان

#قصة_جديدة
#بقلمي: #مفيدة_بيطار
#هدوء_ماقبل_العاصفة
.......
#الجزء_الاول #الثاني #الثالث #الرابع #الخامس #السادس #السابع_والاخير

يا مرسال المراسيل ع الضيعة القريبة...خدلي بدربك هالمرسال و ديه لحبيبي
:ام سلام : شو امي بدك تقضيلي ياها عالموبايل من عند هالصبح لايمتى هالحالة هيي
هبه : صباح النور اميي
ام سلام :......
هبه : خلصنا امي لسه هلأ مسكتو و بعدين والله مليت
ام سلام.مابقي شي لامتحانك و السنة اذا ما بتنجحي ياويلك ها
هبه : خلصنا امي فهمت..شو لمين هالقهوة
ام سلام : يعني لمين الي و لأبوكي...بدو يشرب قهوة قبل مايسافر
هبه : شو هالحالة هيي لك امي لسه يا دوب يجي برجع يسافر..والله كترانين سفراتو
ام سلام : بنتي هاد شغلو بتعرفي مابيثق بحد
هبه : طيب و سلام
ام سلام : شو الله جابرو يتشنطط
ميار : امي انا رايح عالجامعة بدك شي
ام سلام :لا حبيبي سلامتك دير بالك ع حالك
.................
(اسمي هبه عمري ١٧ سنة بدرس بكالوريا عندي اخوة شباب٢ سلام و ميار و اخت اسمها مريم اصغر مني ...بابا محاسب ب شركة بالاضافة انو تاجر اقمشة معروف و امي ست بيت طيبة كتير..حياتنا دافيه طبيعية هادية...تعودنا ع سفر بابا المتكرر و غيابو عن البيت لان مافي مين يمسك شغلو برا البلد)

ام سلام : ايمتى مسافر
ابو سلام : شوية تانية و انشالله كم يوم برجع
ام سلام : توصل بالسلامة حبيبي
ابو سلام : خليلي ياكي
ابو سلام : شو بدي قلك..شدي شوية ع هبه عطول ع موبايلها مابقي شي للامتحانات
ام سلام : والله ماعم تسمع مني بنوب
ابو سلام.......
ام سلام : ليش فصلت مين عالموبايل
ابو سلام : ولاشي هاد رفيقي يلي بدي سافر معو
ام اسلام :......
ابو سلام : يلا انا صار لازم امشي...ديري بالك بغيابي
ام اسلام : ماشي
.............
( كيف يمكن للانسان ان يخدع من آمن به...هل ضميره مات..هل انسانيته انعدمت...كيف ينظر اليها دون ان يأنبه ضميره...الا يشعر بالخجل من افعاله ...اي انسان هو...ترى ما هو التقصير الذي ارتكبته تلك الإمرأة لتنال هذا المقابل بعد طول عناء و صبر هكذا..)
........
هبه : شو امي سافر بابا
ام سلام : اي سافر بنتي ليش هيك عم تسألي كتير ع السفر
هبه : لا امي مافي شي ابدا هيك سؤال يعني
ام سلام : كأنك لابسة..وين رايحة
هبه : رايحة عند رفيقتي بدي جيب وراق مهمة
ام سلام : ماشي امي ما طولي رجاء
( طلعت من البيت بسرعة...استنيت بابا حتى يمشي بالسيارة و اخدت تكسي)
هبه : لو سمحت عمو بدي الحق هالسيارة
_يابنتي مافيني
هبه : عمو هيي ٥٠٠٠ بس دوبنا نلحقها
- ماشي بنتي ليكها قدامنا
هبه : اي الله يخليك عمو
( كنت كل الطريق عم راقب السيارة...هاد الطريق مو طريق المطار و لا طريق الكراجات...وين مسافر يا بابا وين...كل الطريق و انا ادعي ربي ما يكون يلي عم فكر في صح...صف بابا السيارة و نزل...ركضوا عليه ولاد صغار..حمل واحد منهن و التاني سحبو من ايدو و مشي...كان بيت طابق واحد ارضي محاط ب جنينية..راح ب اتجاه الباب يلي واقفة فيه وحدة. ..الظاهر عم تستقبلو...الظاهر هي مرتو)
هبه : عمو فيك تمشي و صلني عالبيت
- ماشي بنتي
.........................
ابو سلام : كيفك حبيبتي
اية : اهلين حبيبي...شو كم يوم اجازتك
ابو سلام : ٣ ايام بس
ايه : طيب لايمتى هالحالة هيي..ليش هيك رح يبقى زواجنا بالسر..
ابو سلام : شيلينا من هالموضوع..
اية : دايما هيك..كل ما بجبلك سيرة بتتهرب..رح يصرلنا خمس سنين متزوجين
كل هالئد بتخاف من ام سلام
ابو سلام : ماتحكي هيك مابخاف منها....بخاف ع زعلها
اية : كنت لاتتزوجني.
ابو سلام : هلأ هيك بتستقبليني...قلتلگ بلاه هالموضوع و بس يجي وقتو الك عليي اخدك من ايدي و عرفهن عليكي
اية : انشالله ما تطول هالقصة.
ابو سلام : انشالله لا
............
( رجعت عالبيت مكسورة الخاطر...كيف بدي واجه امي بخيانة ابي...و اذا ما قلتلها بكون عم خونا . ليه لأتركها عم تمدح فيه و تضحك بوجهو و هوو كل الوقت عم يخونا بكل دم بارد..خيانة و كذب سوا ....)
-ام سلام : شبك امي ليش هيك لونك مخطوف
-هبه : لا امي مافي شي
-ام سلام : وين الاوراق يلي ع اساس تجيبهن
هبه : انا شفت رفيئتي بس لسه ما خلصت منهن
ام سلام :..........
هبه : اه شو بدي قلك حكيتي مع بابا.عجب وين صار
ام سلام : لا بنتي ماحكيت معو بتعرفي ابوكي ع الطريق بيقفل موبايلو
هبه : انا رايحة شوف مريم
...........
(رحت ع غرفتي و قعدت صرت فكر كيف بدي خبر امي..انا مالازم اسكت..لازم امي تعرف و اذا بدها تسامحو وقتها هيي حرة بس اتركها هيك المي ماشية من تحتها لا ابدا مارح اقبل...الله يسامحك يا بابا خربت بيتنا مشان وحدة قد بناتك والله قلبي كان حاسسني و خصوصي لما ما تخلي سلام يسافر عنك...تصلا يمكن شغل برا البلد ماعندك بس مشان تتزوج وحدة قد ولادك و هايش طبيعي ولا كأنو صاير شي)
-مريم : شبك اختي مع مين عم تحكي
-هبه : انا
-مريم : لا انا صرلي ساعة واقفة قدامك
-هبه : عم فكر