#لحمة_الفقراء
#الجزء_الاول
#بقلم_امل_احمد_سلوم

*╚══════ღღ══════╝

بهي الايام الفضيله كتير مننا اتمنوا ينظموا لطائفة الحجاج .. عم يراقبوا حجاج بيت الله الحرام بفرحه وغصه فرحة التهليل والتكبير وشوفة الحجاج بلباس الاحرام مرصوصين كالبنيان ورجائنا انه ماننحرم من هالشعور والتقرب الى الله واداء فريضة الحج الركن الخامس من اركان الاسلام

*╚══════ღღ══════

بضيعه صغيره بيتصفوا اهلها بالبساطه والطيبه كان في عيله مستوره مكونه من اب وام وبنت وصبي
هالعيله رغم فقرها واحتياجها لكن كانت عزة نفس مالها حد بيتصفوا بالكرامه والاباء قدام اي شخص بيحاول يمس كرامتهم او يخدش كبريائهم
مياسه : علي ياعلي عم تسمع التكبيرات
حكت مياسه جملتها وهي عم تدفع الباب المتهاوي ب ايديها الناعمه وابتسامتها الصافيه معبيه وجهها ليرد عليها اخوها بنفس اللهفه
علي : الله اكبر الله اكبر سامع اختي سامع
مياسه : يا الله شو بحب صوت التكبيرات بحس براحه نفسيه
علي : اكيد اختي مافي احلا من صوت الاذان والتكبيرات… يالله تعي لنفطر مع امي وابي
زمت مياسه شفايفها الورديه وهزت كتافها بحركه طفوليه وتمسكت بحديد الشباك اكتر … مابدي .. بدي ابقى اسمع صوت التكبيرات
علي : يلي بيسمعك بيحكي مارح تسمعيها اختي .. بيتنا صغير واي صوت بنسمعه .. بعدين احلا شي تكوني قاعده عالسفره وصوت التكبيرات بيصدح حواليكي
اقتنعت مياسه بكلام اخوها ورسمت ابتسامه عريضه وحللت ايديها عن سياج الشباك ومشت معه للغرفه التانيه
كان عبدالله (والدهم) قاعد عالفرشه عم يسبح وباين على معالم وجهوا الهدوء والسكينه .. كل شي فيه عم يبتسم
مياسه : يسعد مساك ابي
رفع عبدالله بصره وهتف بحب .. مسا الورد ابي يالله ساعدي امك بتجهيز الفطور
مياسه : حتى ونحنا صايمين لازم ناكل عدس مشتهيه اكل لحمه وخضره
تغيرت معالم الاب ومالت للعبوس بينما نكش علي اخته لتنتبه على غلطها
مياسه (بحرج) اسفه ابي ماقصدت
عبدالله : اعتزري لرب العالمين مو الي ابي .. العدس نعمه من نعم الله وسبحانه اللي وهب للفقراء لحمه بسعر رخيص .. يمكن تختلف بالطعم لكنها بتحتوي على نفس الفايده والعناصر المكمله بس الفرق انه العدس افيد من اللحمه
مياسه : كيف هيك مافي وجه مقارنه بين اللحمه والعدس
نزل عبدالله المسحبه من ايدو وتربع وهو بينده لمرته لتجي تسعفه من اسألة بنته اللي مابتنتهي
عبدالله : دانا يادانا .. تعي يا ام علي الحقيني من السان بنتك
مياسه : هيك ابي يعني انا الساني طويل
علي : طويل وبدو قص
مياسه : لا مو طويل
علي : لا طويل
فاتت دانا وهي حامله صينية الاكل وهتفت بجديه
حاج مناقره انت وياها مو سامعين اذان المغرب تعوا كلو لقمه قبل مايبرد الاكل
مياسه : ع اساس رح تفوتنا وليمه كل يوم مناكل عدس
دانا : بنت !!
مياسه : كلكم عليي 😭😭
عبدالله : قربي وسمي بسم •اللّـہ̣̥ بنتي وبعد الفطور منحكي

اجتمعت العيله على سفرة الاكل وبلشوا ياكلوا ويتحاذبوا اطراف الحديث .. كانت لمتهم كفيله تنسيهم اي تعب وعنا وبحبهم لبعض بيقدرو يتخطوا اي حاجز مهما كان صعب

عبدالله : الحمد للہ اللهم دمها نعمه واحفظها من الزوال يارب
الكل : آمييين
انشال الفطور وفاتت ولاء مع امها ترتب معها المطبخ وتساعدها ب اعداد الشاي
دانا : يالله تعوا اشطفوا تمكم بهالدمعه
عبدالله : اي والله مافي اطيب من كاسة الشاي بعد فطور دسم
مياسه: 😶
التفت الاب الحكيم ناح بنته واشرلا تجي تقعد حده
عبدالله : بتعرفي انه العدس اسمه لحمة الفقراء
مياسه : طبعا بعرف
عبدالله : وياترى ليش سموه هيك
مياسه : لانه ماحدا بياكله الا الفقراء
ضحك عبدالله وعليت قهقهاته وبعدا مسك حفنة عدس بقبضته
عبدالله : العدس يابي بيحتوي على بروتينات ومعادن موجوده باللحمه بس الفرق بين اللحمه والعدس انه العدس مابيعمل امراض متل اللحمه
مياسه : امبلا بيتفخ
عبدالله : وياترى مين ارخص كاسة كمون ولا ادويه للنقرص والكليسترول
مياسه : شو يعني نقرص !!
عبدالله : النقرص مرص بيصيب الناس يلي بيتناولوا لحمه بكميات كبيره ..طبعا مو بوجبه وحده انا بقصد عالمدى البعيد… وهالمرض متعارف عليه طبيا بأسم داء الملوك
مياسه : يعني مابيصيب الا الملوك
عبدالله : المرض متل الموت ابي مابيعرف كبير وصغير غني او فقير بس سموه بهالاسم لانه المعترين مافيهم ياكلو لحمه كتير وانتسب للملوك
مياسه : ماكنت بعرف انه اكل اللحمه مضر
عبدالله : ابدا مو مضر انما الاكثار منها مضر لانها بتحتوي على نسبه كبيره من الدهنيات والالياف اللي مابتنهضم فبتبقى الدهنيات متكدسه بجسم الانسان بينما الالياف بــ…
قاطعه علي وهو فايت بسرعه
علي : ابي ابو معاذ عالباب بدو ياك ضروري
عبدالله : يالله ابي جاي

قام عبدالله وبقيت مياسه تلعب بخصلة شعرها وتفكر بكلام ابوها
مياسه : اي كيف يعني اللحمه بتعمل امراض ليكو الاغا صحته متل البغل وكرشو قدامه مترين وكل يوم بياكل لحمه… الضاهر ابي حكى هالمقدمه ليفهمني انه بالعيد مافي لحمه 😭 اوووف ليش

#قصة_ميادة
أنا إسمي ميادة عادل ، طبيبة ناجية من الختان بفضل إصرار أمي ضد إلحاح من جدتي ، أول مرة أسمع فيها عن الختان كان مبكرا بسن 8 أو 9 سنين ، و لم أكن أعيره أي إهتمام نظرا لأنني لم أختن ، و لكن عند دخولي المرحلة الجامعية إستطعت أن أعرف عن ختان الإناث أكثر و خصوص بدراستي للطب ، فاكتشفت أن له أضرار أكثر من فوائد .

أتذكر في تلك المرة التي شاركنا في كورس يختص بالنساء و التوليد ، و كان هنالك إمرأة مختونة جاءت لتولد ، ذلك الموقف أفهمني جيدا أن الختان يؤذي المرأة جدا ، حيث أن تلك المرأة كانت تعاني جدا ، و بعد ولادتها أصرت الجدة أن تتم لها عملية العدلة ( إعادة ختانها مرة أخرى بعد الولادة ) ، فكانت هذه أول مرة أرى فيها الختان في أسوأ وجه له .

في موقفي لتوعية الآخرين بمضار الختان عملت بمنظمة الصحة العالمية ، و كنت مسؤولة عن أرشفة أبحاث الختان في السودان ، مما سمح لي بالتنور أكثر عن مضار و أنواع الختان ، فتحدثت مع القابلات ، و كنت أسألهن ، لماذا أنتن تختن البنات؟ فكانت معظم الأسباب إما مادية أو بسبب ضغط الجدة على الأب و بالتالي يضغط الأب على الأم لختن البنات ، و أجد أن كل الأطراف مسؤولة عن الختان .

دوري كبنت غير مختونة هو التوعية ، هنالك قصة و هي أني ذهبت في مهمة لمدينة القضارف ، توجد قرية إسمها الشيخ البصير و هي قرية مشهور عنها أنه و منذ 100 عام لم تختن بنت في تلك القرية ، فهذه قصة تعبر عن الأمل ، و دائما أروى هذه القصة عند الحديث عن ختان البنات ، و تكون ردود أفعال الناس بالتفاجؤ ، و دائما ما أعتبرها قصة تقوم بتحفيز الآخرين .

كل البنات المختونات في دائرة معارفي ، إستطعن الوصول لدرجة التقبل للذي حدث لهن ، أذكر من مواقفي ضد الختان أنني تحدثت مع المرأة التي تعمل لدينا و كان لديها 3 بنات و كان هنالك ضغط من جانب الجدة ، و المفارقة أن ذات المرأة كانت تحدثني بمشاكلها مع الختان فاستطعت في النهاية أن اقنعها بعد ختن بناتها.

أنا بنت سودانية ناجية من الختان أتعهد بأني لن أختن إبنتي أو أمس أو أضر بحق من حقوقها في جسدها أو في الحياة بشكل عام ،
انا لن. اختن ابنتي .

وانا بضم صوتي الك اخت مياده
#لا_لختان_البنات
#ارحموا_انين_ارواحهن

#تمت_بكل_ود
#بقلم_امل_احمد_سلوم

راث الاغا كتعويض عالجريمه الشنعاء يلي اقترفها الاغا بحقهم

*╚══════ღღ══════╝

تزينت الحاره ي اجمل زينه وادلت الاضويه من كل بيت ابتهاجا بعرس مياسه وعمران

كانت مياسه ماسكه ايد ابوها بفخر وراسها مرفوع بالعالي لحتى وصلت لعند عريسها
عبدالله : اليوم انا زوجتك بنتي درة بيتي المصونه… صونها ودير بالك عليها
عمران : مياسه بعيوني عمي
عبدالله : وانتي بنتي من اليوم صرتي على ذمة عمران صونيه واحفظيه وبري اهله وكأنهم اهلك
نزلت مياسه وباست ايد ابوها وعيونها بتقطر منهم الدموع
مياسه : ارضى عليي ابي
عبدالله ( حط ايدو علـّۓ راسها ) ربي يرضى عنك وعن اخوكي ياضي عيني يالله بنتي روحي مع زوجك

فلتت مياسه ايد ابوها ومكست ايد زوجها ومشيت معه لمكان العرسان وهنه بيحيوا كل الموجودين

دانا : اااخ يابنتي والله فراقك مو سهل عليي ربي يسعدك ويبعتلك ايام حلوه
عبدالله : عرفتي تربي يادانا الله يعزك ويكرمك بالدارين
دانا : نحنا كلنا من بعدك ياتاج راسي

وعند مياسه وعمران

عمران. : مو مصدق حالي اخيرا صرتي الي
مياسه (بخجل) اي اخيرا
عمران : ممكن اسألك سؤال
مياسه : اكيد
عمران : شو نفسك تعملي لاعملك جيبلك لبن العصفور انتي بس اطلبي واتمني
ابتمست مياسه بدفا واطلعت ب ابوها وهمست … . نفسي احج لبيت الله الحرام انا وامي وابي واخي

*╚══════ღღ══════╝

بعد مرور فتره من الزمن

محمد : ادعيلي امي
ام محمد : مهونه ياروحي الله يردكم الي بالسلامه
منال : وصاتك روان مرت عمي
ام محمد : لاتخافي على روان هي حبيبة ستها
محمد : جاهزه منال
منال : اي
محمد : لكن خلينا نتحرك ونلتحق مع افواج الحجاج على بركة الله

نزلت مياسه وركضت لعند منال وحضنتها
مياسه : الله يتقبل منكم تروحوا وترجعوا بالسلامه يارب
منال : حبيبة قلبي… تسلمي وعقبالك
مياسه : ان شاء الله… يالله اتسهلو مابدي عطلكم

شو مياسه مابدك تودعي امك وابوكي واخوكي

تلفتت مياسه وشافت اهلها بلباس الاحرام ومستعدين للسفر
مياسه ( بصدمه ) طالعين عالحج !!!
دانا : اي امي
مياسه ( دمعوا عيونها) وليش ماخبرتوني

انا طلبت منهم مايخبروكي لاعملك ياها مفاجأه

مالت براسها وابتسمت لكلمات زوجها رغم الدموع يلي تجمعت يعيونها
مياسه : هيك لكن ابن عمي اقل مافيها خبرني قبل بيوم لاودعهم. واشبع منهن
عمران : وليش تشبعي منهم وانتي رح تروحي معهم
مياسه : شو !!! انا رح روح عالحج !!!

اشر عمران للخادمه تنزل الشناتي وحول عيونو ناح مياسه وغمر وجهها بين ايديه
عمران : قلتلك ياروحي مارح خلي شي بنفسك واول هديه مني حج لبيت الله الحرام لحتى ربنا يباركلنا بهالزواج
مياسه : مو عارفه شو قلك انت بتجنن ابن عمي ربي مايحرمني منك
عمران : ولا منك يا اميرتي… يالله طلعي اغتسلي والبسي تيابك كلشي جاهز بغرفتنا

بقلب طفله ركضت مياسه اغتسلت واطيبت وعقدت النيه للحج

كانت تحلم انها تحج من لما كانت طفله واليوم تحول حلمها حقيقه لتمتزج دموع الفرح ب ابتسامتها العريضه وهي بتردد بقلب خاشع… لبيك اللهم لبيك

اللهم لاتحرمنا زيارة بيتك الحرام انا ومن قال امين

#تمت_بحمد_الله
وكل عام وانتم الى الله اقرب
#بقلم_امل_احمد_سلوم

#اقبليني_كما_انا
#الجزء_الثاني
#بقلم_امل_احمد_سلوم

🖤*┄┉❈❥🎶♡🎶❥❈┉┄*🖤

الساعه سبعه المسا وصلوا اهل العريس ولقيوا احلا ترحيب م̷ـــِْن فاديه وبديع

فاديه: يامية اهلا وسهلا زارتنا البركه
زهرة: اهلين فيكي تقبريني، ،، انا زهرة وهاد ابني معاذ وهي بنتي اميره
فاديه: اهلا وسهلا يخزي العين حولهم •اللّـہ̣̥ يخليلك ياههم
زهرة: تسلميلي يارب
بديع: كيفك ابني
معاذ. : الْحٍمَدٍ للـّہ
بديع. : شبك ابني قاعد ومتلبك خود راحتك البيت بيتك
معاذ: شكرا مرتاح

كانت كَلَّمَـےـاتِـ معاذ قليله شحيحه ويادوب يرد علـّۓ. قد السؤال وهالشي لاحظوه بديع وفاديه لكنهم بقيوا مبتسمين وعم يرحبوا فيهم بحفاوة

وبالمطبخ كانت روخاش واقفه عند المجلى وعم تفرك ايديها ببعض بتوتر

هدى: شبك روخاش افردي وجهك شوي
روخاش : كرمال •اللّـہ̣̥ تركيني بحالي هدى مابيكفيني اخرة صبري عريس معاق
هدى: حرام تحكي عنه هيك وبعدين هو ماخلق حاله شبك بعرفك انسانه مؤمنه
روخاش: اي لاتبلشي مواعظ متل امي اساسا لْـۆ العريس جاي الك ماكنتي حكيتي هيك ولاكنتي وافقتي اصلا
هدى: بالعكس ازا كان محترم وادمي لشو حتى ماوافق وبعدين انتي بعدك ماشفتيه لتحكمي عليه
روخاش: هففففف الليله يمضي هالليله علـّۓ. خير

،،،،، بابا روخاش جيبي القهوه وتعي حبيبتي

هدى: هه ليكو عمو بديع عم يندهلك يالله افردي خلقتك وفوتي لعندهم
روخاش « حملت الصينيه » •اللّـہ̣̥ يستر م̷ـــِْن هالليله

طلعت روخاش لبرا بمشاعر مخربطه كانت حاسه بخوف واحراج وخجل وملل وتردد، ،،
بقيت ماشيه وعيونها بالارض لحتى وصلت عند العريس

روخاش: اتفضل
معاذ: شكرا

اول ماوصل صوت معاذ لمسامع روخاش ماقدرت تكبح فضولها اكتر ورفعت راسها واطعلت فِيَھ واول ماعينها اجت بعينه انصدمت بشب متل الورده ڱڵـه. هيبه ووقار وماكان معاذ اقل منها صدمه بجمالها

بقيو لحظات محدقين بعيون بعض وفجأه نزلت روخاش بصرها ناح ايدو المعاقه

معاذ: حكيتلك شكرا فيكي تمشي

انصدمت روخاش وحست اديشوا مغرور وبقي محتفظ بملامح وجهو لجامده بدون حتى مايبتسم ،،، كانت نظراته حاده لدرجة انها شعرت بالخوف منه وزاحت عيونها عنه وتقدمت م̷ـــِْن والدته اللي كانت بعكسه ،،، بشوشه وماحسست عيلة بديع انهم م̷ـــِْن مستوى راقي وسلمت عليها بحراره

زهره": ماشاءالله تبارك الله شو هالقمر يلي هل علينا ؟!
روخاش « بخجل » شكرا خاله
اميره: كيفك روخاش
روخاش: الحمدلله
زهره: تعي حبيبتي اقعدي مشقيتي لشوف وجهك منيح

فاديه: اتحركي امي اقعدي بحد مرت عمك «وغمزتها»
روخاش «بقلبها» عملتيها مرت عمي
قعدت روخاش بحد زهره وبلشوا يحكوا بتفاصيل الخطوبه وزهره كل شوي تطري علـّۓ. جمال روخاش وادبها واميره مابطلت حكي عن معاذ ومغامراتهم سوا
كل هاد ومعاذ ساكت معظم الوقت وكأنه جاي غصب عنه وهالشي حسته روخاش م̷ـــِْن اول نظره

اخيرا عدت هالمقابله علـّۓ. خير وروحوا اهل العريس وبقيت روخاش محتاره وخايفه وابوها وامها فرحانين وعم يزنوا عليها ويغروها بالمستوى المادي اللي رح توصله لما اتم هالجيزه ,,,,,,,,

🖤*┄┉❈❥🎶♡🎶❥❈┉┄*🖤

بهالوقت كان فواز قاعد ببيتو.. عم ينفث دخان سيجارتو بشراهة.. شارد وعم يفكر...

فواز: هيك لَـگِنْ يامعاذ الكلب طولان دنبك وعم تطاول عليي ازا مابخليك تشحد الملح مابيكون اسمي فواز العايد

وقفت عند باب الصالون،، اتطلعت فيه لثواني بعدا حركت رجليها وقربت منو... وحطت ايدها علي كتفو...
بيسان : كيفك اخي

انتفض فواز م̷ـــِْن مكانه والتفت بسرعه وبس بيسان هديت ملامحه

فواز: هاد انتي، ، كنتي دستري قبل ماتفوتي
بيسان «رفعت حواجبها» شو اعملك ازا انت شادر وماحسيت عليي، ،، حاصله بدك تتعشا
فواز: مابدي اتسمم روحي م̷ـــِْن وجهي
بيسان: اي تسطفل انا فايته نام تصبح علـّۓ. خير

كانت بدها تقوم لما حست علـّۓ. ايد فواز قابضه ع زندها بقوه التفتت عليه وميلت براسها

بيسان: في شي اخي

بقي فواز يطلع فيها بغموض وملامح جامدة وبعدا همس، ،، انتي ليه رافضة تتزوجي بعد ما اتطلقتي؟

صدمة احتلت ملامح بيسان بعد ما سمعت هالكلام.. خصوصي انو طلاقها صرلو سنين ومن زمان ما فاتحها بهالقصة،،، ولا حتى عندو علم بسبب طلاقها

بيسان :و لشو هالسؤال عم تسألني اياه بعد كل هالوقت

فواز،،« نزّل نظرو للارض وشد باصابعو علـّۓ. السيجارة اللي بإيدو»: جاوبي علـّۓ. سؤالي وبس....
بيسان: ابدا بس ماعاد بدي اتجوز
فواز « وهو مركز بعيونها » لسا بتحبيه لهداك المعاق

اتوسعت عيون بيسان م̷ـــِْن الصدمه ورجعت لورا خطوتين ... وبقيت صافنه بعيون فواز الداميه، ،، اتمنت يسألها هالسؤال قبل سنوات.. وقت تقدملها معاذ قدام أهلها بس هلأ ماعاد لسؤاله اي معني

بيسان.. « دمعوا عيونها »: هلأ... هلأ جاي تسألني هالسؤال لك بعد شووو.... قلّي بعد شو... بعد ما زوجتني شريكك بالشغل كرمال الصفقات والمصاري... ولا بعد ما طلقني وزتني علـّۓ. باب بيتو متل الكلبة.... لك بعد شووو

❤

همس وروز وادهم وحسام : مبروووووووووووووك

اتوسعت ضحكة. سمر وقت شافت صديقاتها حواليها وكانو عم يلاحقوها متل المخبرين

سمر : كنتو عم تمشوا ورانا

روز : طبعا نحنا ماعنا بنات يطلعوا مع شباب قبل الخطوبه

خالد : حسام وادهم كيف عرفتو

همس : احمممم البركه بلساني

الكل : ههههههههه

حسام: هيك اخي بدك تتجوز قبلي

ادهم : لا وقبلي انا كمان شكلها راحت علينا اخي

روز : لا شو راحت عليك 😍

خالد : عطيني ايدك سمر

لبسها الخاتم وباس ايدها وسط تصفيق وابتهاج الكل

همس : خلونا نروح عالقصر نفرح ماما جلنار

حسام : شو قلتي

همس : اي ماما جلنار عندك مانع

حسام اكيد لا

──────────────────🐙⊹⊹⊹⊹⊹⊹⊹🐙

اجتمع الكل حوالين جلنار خانوم وهي عم تحتضن همس وتباركلها بالنجاح

خالد : على فكره انا بكون ابنك ونجحت كمان

ضحكت جلنار بحب وفتحت ايديها ليجي خالد يضمها بحب ويبوس ايدها

جلنار : الف مبروك امي… مبروك ياصبايا والله فرحتو قلبي

خالد : الله يبارك فيكي امي

جلنار : دقات قلبك سريعه ونفسك عم يطلع وينزل بسرعه اكيد بدك تخبرني شي

استغربت روز وسمر من كلام جلنار خانوم كيف وحده كفيفه وقادره تميز شو بيحس يلي قدامها .. اما همس ابتسمت بحب لانها بتعرف انها بصيرة جلنار خانوم احد من بصرهم كلهم

خالد : تسلملي بصيرتك امي

جلنار : اكيد الموضوع بيتعلق بسمر

سمر : ولي 🙈

خالد : حزرتي امي انا طلبت سمر وسمر وافقت

جلنار : الف مبروك تعي بنتي قعدي حدي

قعدت سمر حد جلنار خانوم بخجل وعيونها بالارض

جلنار : من اليوم بتناديلي ماما جلنار انا ماعندي شي اسمه كنه وحمايه انتي من اللحظه متل بنتي

سمر : حاضر ماما جلنار

جلنار : همس

همس : نعم ماما

جلنار : خلي الفرحه تكبر بهالبيت بنتي انا مابدي ياكي تطلعي من هون ابدا

همس : ماما سبق وخبرتك انا رح زورك كل يوم بس اني اسكن هون هي صعبه

تقدم حسام ووقف قدام همس : لاول مره بحسك غبيه

همس : عفوا 😲

جلنار : هههههه

حسام : تقبلي تتجوزيني همس

همس بخجل : ا ا انا انا

ادخل ادهم ومسك ايد همس وايد حسام وشبكهم مع بعض وشد عليهم وكأنه بيشد على جرح قلبه

ادهم : من هالبيت ماعاد الك طلعه همس انتي من هاللحظه سرتي منا وفينا

حسام : شو همس موافقه

هزت راسها بالقبول واكتسى وجهها باللون الاحمر

صفق الكل بحراره وقامت سمر من مكانها وحضنت همس والدنيا مو سايعيتها من الفرحه

روز : مبروك همس

همس بخجل : الله يبارك فيكي عقبالك

روز : 😔

حسام : بتتزكري وقت حبستك بالقسم ياروز

روز : اي بتزكر 😒 شو جاي عبالك تعيدا 😒

حسام : هههههههه هيك شي

همس : شووووو

حسام : انتي ياروز سبب السعاده يلي انا فيها لولاكي ماكنت تعرفت على همس وحبيتا

روز : كلشي نصيب كابتن

حسام : اسمي الضابط حسااااام 😡

روز : ضابط على نفسك 😛

حسام : هيك لكان طيب مارح اطلبك لاخي وخليكي عانس اي

روز : 😳

ادهم : حاج تتغالز ع خطيبتي ولا

روز : خ خطيبتك 😳

ادهم : طبعا ازا وافقتي

اطلعت روز بهمس وسمر ونزلت عيونها بالارض 😔

روز : بصراحه انا عندي شي ولازم اعترف فيه

همس بقلق : خير

سمر : شو في

روز : ادهم هوي قيس بس وقت ماتزكرني عملت حالي مابعرفو 😭😭😭😭

همس : هههههههههههه لك تضربي

سمر : والله توقعت انه قيس،😂😂

ادهم : مين قيس ؟؟

الصبايا : انت 😂

♬♫♪◖(● o ●)

انتهت قصتنا بفرحه للجميع وبقيوا الصديقات مع بعضهم تحت سقف واحد تربطهم المحبه والاخوه
ضحكوا سوا بكيوا سوا عاشوا سوا

────────────░🌵🌵

الصداقة كلمة صغيرة في حجمها كبيرة في مدلولها وفي معناها ومضمونها ، هي اجمل شيء في الوجود وهي ايضا علاقة انسانية راقية ، وهي تعبير عن صلة بشرية رائعة وروعة من روائع التكامل والترابط بين البشر وهي ايضا جوهر الانسان ومصدقة
انها رابطة نفسية قوية بين شخصين ، وتعتبر صفقة تجارية تتم بين طرفين متفاهمين ، ويكون عربونها المحبة والتعاون والاخلاص والثقة المتبادلة بين الطرفين

ان الصداقة لاتقدر بثمن ولا تقاس باي مقياس ، ولا توزن باي مكيال انها اكبر من هذه الاشياء كلها ، ان المرء لايستطيع ان يعيش منفردا و في عزلة عن الاخرين بل يحتاج الى مساعدة الصديق ليقف الى جانبه ، شر اصناف الفقر فقر الصديق والانسان يتمهل عند اختيار صديقه وانما بالعقل السليم والمنطق والفهم الدقيق
♬♫♪◖(● o ●)◗♪♫♬

#تمت_بكل_الود
#بقلم_امل_احمد_سلوم

(◕‿◕✿)