- نور : قتلتيا بدم بارد حتى انو ما اذتك بشي
- جليلة : نور بنتي ..
- نور : اوعك تقليلي بنتي .. لك كنت عم ناديلك امي امييييي ما وجعك قلبك بشو حسيتي انا عم ناديلك امي والحقيقة انتي قاتلة امي وابي والعيلة كلااااا قتلتين لمصالحك قتلتين بدم بارررددد لكككك انتي شووووووو
#مسكت المسدس اللي كان ع الطاولة ووجهتو عليها
- يوسف : نووور
- نور : لا تدخل .. بدك اقتل ابنك لتحسي باللي حسيتو
#قرب يوسف منا لياخد المسدس بس اطلقت عليها ...
__________________________________
#بعد_مرور_5_اعوام
- فتون : لككك صحتين وهنا يا روحييي .. بابااا انا رح اطلع ع العيادة
- خالد : تمام بنتي
#وقفت جنب الباب تزبط حالها واندق الباب
- فتون : الواحد بيتأخر ع العيادة دقيقة ببلشو يدقو ع البيت .. فتحت الباب وبقيت واقفة وساكتة ومصدومة ما عم تصدق عيونها .. واقف قدامها وحاسة انو خيال مستحيل يكون حقيقة
- خالد : مين هاد لك بنت..
#وقف مصدوم اول ما شاف يمان ع الباب
- خالد : يمان !!
#بهالوقت طلعت من الغرفة
- انا خلصت الاكلات كلن كلن رح نروح نلعب مو هيك جدو
#طلعت فتوون عليها ورجعت تطلعت بيمان اللي ناطرها تفسر
____
#قاعدين بالغرفة وقاعدة البنت بحضن خالد
- يمان : فتون انا ناطرك تحكي
- فتون : كيف وصلتلي
- يمان : هاد المهم ! هاددد ؟؟؟ سنين وانا عم دور عليكي وانتي ما الك اثر ولما لقيتك بلاقي معك بنت كيف ؟؟
- فتون : لا تصرخ.. بابا
- خالد : تمام .. ايليف شو رأيك نروح ع الحديقة نلعب يلا جدو يلااا

- يمان : ايي !!
- فتون : هي بنتك تمام بس هي كمان بنت ريم
- يمان : بنت ريم ؟؟؟؟
- فتون: رح احكيلك
#قبل_5_سنوات
- فتون : اوووه شو هاد يا شيف ارحمنا
- خالد : عم تتمسخري مو هيك لولاي كنتي ضليتي بلا اكل
- فتون : يخليلي ياك
#اندق الباب
- فتون : انا رح شوف مين
#راحت وفتحت الباب
- فتون : انتي ؟؟
- ريم : ما رح تقليلي تفضلي ؟
- فتون : شو جابك .. لك تركت كل شي وبعدت ولحقتيني
- ريم : خلينا نحكي فتون
#دخلت وقعدو
- ريم : انا اسفة .. انا عملت كتير اشيا سيئة بحقك
- فتون : كيف عرفتي عنوان البيت
- ريم : بتصدقي اذا قلتلك راقبتك لحتى اقتلك واخلص منك
- فتون : ما بستبعد شي منك
- ريم : فتون انا غلطت وكتير بس ما الي حدا غيرك انا عنجد ما عرفت لوين اروح
- فتون : ليش يمان وينو ما شاء الله عنك كنتو رح تبنو عيلة مثالية انتي ويمان وابنك
- ريم : من زمان انا رحت وخبرت جليلة اني حامل وجليلة وقتا قالتلي رح تعيشي معنا ورح اهتم فيكي وحفيدي وهي القصص كلها وكل هاد كنت عم خططلو لانتقم منك بس اللي صار انو بعد ما رحتي بفترة يمان عرف اني مو حامل وانو كذابة ورماني برا البيت وما عاد قبل يشوفني ابدا
- فتون : وهاد
#اشرت ع بطنها
- ريم : بس الكذبة تحولت لحقيقة وعرفت اني حامل عنجد .. حاولت كتير انوو اوصل ليمان بس عبث رافض يشوفني ومشدد الحراسة وممنوع ادخل او احكي او اي شي كل هي الشهور وانا عم حاول بعدين خبروني انو يمان ترك البلد وسافر وما كنت بعرف وين نور او يوسف او جليلة وقررت روح وكمل لحالي وربي بنتي لحالي بس
- فتون : بس ؟
- ريم : الدكتور خبرني انو يا انا يا البيبي اذا قررت جيب البيبي قلبي ما رح يتحمل ورح يوقف .. بالبداية قلت رح نزلها بس ما قدرت بعد ما شفتا وحسيت بحركتها وسمعت دقات قلبها ما قدرت
- فتون : انتي..
- ريم ؛ انا رح موت اول عن اخر بس بنتي ما شافت شي من هالحياة
#مسكت ايدي
- ريم : انا يتيمة ما الي اهل ولا اقارب وكل اللي بعرفن تخلو عني انا جاية اليوم وبدي حط روحي بين ايديكي
- فتون : ريم انا .. يعني..
- ريم : بترجاكي لا ترفضي انا ما الي غيرك ما بدي بنتي تربى بلا عيلة وتكون ضعيفة ومذلولة متل امها بترجاكي فتون ببوس ايدك اقبلي
- فتون : اكيد بحطا بعيوني بس وانتي
- ريم ؛ ما عليكي مني انا رح امن ع بنتي معك وروح وانا مرتاحة .. وعديني تعيش حياة طبيعية .. وتكوني سند الها وتوقفي جنبها دائما وتعلميها كيف تكون قوية وتواجه الكل
#نزلت دموعي وبكيت معها لا اراديا
- ريم : و .. سميها ايليف كنت دائما بحلم يكون عندي بنت وسميها ايليف ماشي
________________
#الحاضر
- فتون : ريم بقيت عايشة عندي لوقت الولادة وبالفعل قلبها ما تحمل ماتت قبل ما تشوف بنتا قبل ما تشم ريحتا قبل ما تسمع صوتا وهي عم تبكي
#مسحت دموعي اللي نزلت
- يمان : ليش ما خبرتيني
- فتون : لانو كان عندي انو ايليف تعيش حياة طبيعية اهم من كل شي
- يمان ؛ ما كانت رح تعيشا معيي
- فتون : لااا معك ومع المافيا
- يمان : مافي مافيااا
- فتون : كييف؟
- يمان : انا تركت كل هاد وراي.. سنين وانا عم دور عليكي لحتى نعيش مع بعض الحياة الهادية اللي بتحلمي فيها .. تركت كل شي وراي لانو بعرف ما ح ترجعيلي اذا ما تركت

#فجأة في حدا حاول يفتح الباب بس كان مقفول و اندق الباب
- فتون : ولييي تاري عنجد اذكر القط بيجي نط ..ميين
- خالد : هاد انا
#فتحت الباب وهي مبتسمة
- خالد : شو طالعة حلوة
- فتون : عنجد
- خالد : اممم
- فتون : لو امي ما ماتت كانت حكت نفس الحكي .. كانت رح تسرحلي شعري بايديها وتحطلي التاج هي
#مسكها وقعدو ع طرف التخت
- خالد : هي يلي اختارت ترجع لماضيها بعدين لشو هالحكي هلأ
- فتوون : ما بعرف كنت دائما قول ما بدي اتزوج لانه انا وحيدة
- خالد : انتي مو وحيدة انا معك .. بعدين جليلة خانم مبينة بتحبك ورح تحطك بعيونها
- فتون : تخيل انو اليوم برجلي عم برجع ادخل ع عالمن ومو قادرة قول لا مو قادرة اعمل اي شي
- خالد : شششش .. ليش رجعتي للماضي هلأ .. انا ما بسمحلك تعملي هاد الشي كل شي رح يكون ع ورق لفترة وبعدين رح ترجعي لحياتك الطبيعية
- فتون : ع ورق !! لفترة !! باب.. بابا انت
- خالد : بعرف بنتي بعرف كل شي ومن البداية
- فتون : وليش ما خبرتني !! بعدين كيف بتعرف من ويننن
- خالد : يمان حكالي كل شي من وقت شفتو اول مرة
- فتون ؛ بابا شبك صاير بير اسرار .. كيف ما بتحكيليييي
- خالد : اجى لعندي وانا بالشغل
_ #قبل_ايام
- يمان : يا عم .
- خالد : تفضل
- يمان : حابب احكي معك كلمتين لحالنا اذا في مجال
- خالد : اكيد تفضل
- يمان : رح كون صريح معك لان انا ما بحب اللف والدوران ابدا
- خالد : خير ابني ؟ انا بعرفك شي
- يمان : لا يا عم بس بنتك فتون بتعرفني .. انا وبدون قصد دخلتا لفتون بمشكلة ومع عالم هي مو قدهن ابدا والقصة انو هالعالم فكروها بتخصني وصارو يراقبوها ويهددوني فيها وانا مشان احميها اخدتها لعندي ع البيت وبدي تصير ع اسمي ولو لفترة كم شهر ..
- خالد : مين هالجماعة وليش مو قدهن
- يمان : مو حابب دخلك انت كمان بيننا بس صدقني بمجرد ما تصير ع اسمي ما حدا رح يسترجي يقرب عليها
- خالد : بس
- يمان : لحماية فتون واذا بتحب فيك تضل مع فتون وهيك بتكون متطمن عليها وهي بتكون مرتاحة اكتر
- خالد : خدني لعند فتون
- يمان : اذا فتون عرفت رح تجاكر ورح تعمل حالها البنت القوية واول شي رح تقلك ياه انا مو خايفة منهن
- خالد : من ايمتى بتعرف فتون
- يمان : مو من زمان بس فيك تقول فهمت تركيبتها
- خالد : طيب خدني لعندها
- يمان : ورح يضل بينا
- خالد : بعد العرس انا رح احكي كل شي
- يمان : وانا موافق
___
- فتون : هاد اللي صار يعني
- خالد : هاد هو
- فتون : كيف بتوافق رغم انو انت بتعرف اني قوية وقادرة واجهن لحالي متل ما واجهت كتير شغلات قبلن
- خالد : والله يمان كان معو حق
- فتون : بابااا
- خالد : شووو انا كنت خايف عليكي ومستحيل اخسرك حتى لو كذبت عليكي
- فتون : بس انت هيك رح تخليتني اتزوج اكتر شخص بكرهو
- خالد : رح تطلقو ما رح تضلي متزوجتيه للابد هو قال فترة لبين ما ينسو موضوعك
- فتون : اليوم كتير مكركب صارت شغلات سيئة كتير واعصابي طول الوقت متوترة مو عرفانة شو ممكن يصير بس حكيك هاد طمني .. كابوس ورح يمضى متل ما مضيت الكوابيس السابقة
- خالد : اتطمني رح يمضى وهالمرة انا معك مستحيل اتركك
#ضمها لفتون وطبطب عليها .. دقت جليلة الباب
- جليلة ؛ ليش هيك عم تزعل عروستنا خالد بيك
- فتون : ماني زعلانة .. بتعرفي يمكن احسن شي صار بكل هالقصة انو صار عندي ام متلك
قامت من حضن ابوها وراحت وحضنت جليلة
- جليلة : انتي ونور بنااتي وضنا قلبي ..يلا لازم ننزل حتى نور صارت جاهزة
- خالد : انا سابقكن لكا
- جليلة : ماشي
#نزل خالد لتحت لقى يوسف ويمان واقفين ولابسن بدلاتن قرب من يمان وهمسلو خبرتا
- يمان : ليش هلأ
- خالد : اتطمن ما حتعمل شي
#بهالوقت نزلت جليلة ع الدرج وع يسارها نور وع يمينها فتون .. يمان ويوسف ما قدرو يشيلو عيونهن عنهم وصلو لتحت
- جليلة : وهي نحن صرنا جاهزين
#قرب يمان من فتون وحكالها
- يمان : طالعة حلوة
- فتون : هاا ؟
- يمان : اا ولا شي يلا خلونا نطلع يا جماعة
- جليلة : لحظة رح نطلع انا وخالد بيك باالاول وبعدين انتو و العرسان بتطلعوا
- يمان : برأي انا وفتون نطلع قبل ما بدنا نلفت الانظار قبل ما نعلن شي .. يلا فتون
#طلعت جليلة وخالد وفتون ويمان وبعد دقايق طلعو يوسف ونور .. والكل عم يصفق ..
تم كتب الكتاب وبلشت الاغاني والاحتفالات وبعدين حطولهم اغنية هادية عشان يرقصو سلووو ..
حاوط يوسف خصرها بايديه وهي لفت ايديها ع رقبتووو
- يوسف : طالعة كتير حلوة
- نور : ...
- يوسف : عيونك ... انفك .. شفايفك كل شي فيكي عن قرب احلى وبكتير
#خجلت نور ونزلت راسها
- يوسف : اتطلعي فيني
- نور : يوسف بسس