#ما_وراء_الجريمة
الحلقة الثانية
@rwayate
بقلم : #زينب_كوجار 💜
..
..
..
لحد ماا ادهم نادا لشيرازز
- ادهم : شيراز تعي شو
- شيراز : تفضل ادهم بيك
- ادهم : جهزيلي غرفة الاجتماع
- شيراز : بس حسب الجدول يلي عطاني ياه قاسم ما عندك اجتماع اليوم
- ادهم : اي بس جاي شخص بعرفو ولازم نجتمع واوعك تخلي حدا يزعجنا
- شيراز : حاضر
- ادهم : خبري قاسم يكون حاضر
- شيراز : تمام هلأ بخبرو
- ادهم: وانتي كمان احضري مشان تتعلمي بسرعة اكتر
- شيراز : طيب
#بعد_ساعة
#صار وقت الاجتماع كانو ادهم وشيراز وقاسم بغرفة الاجتماع واجى رجال بعمر ال ٣٥ ومعو صبية
- ادهم : يا اهلا وسهلا
- زيد : فيك
- ادهم : تفضل
- زيد : كأنو الصبية جديدة
- ادهم : شيراز . السكرتيرة الجديدة
- زيد : تشرفنا
- شيراز : الشرف الي
- ادهم : شيراز هاد زيد من اهم الاشخاص يلي ممكن نتعامل معن وغير هيك هو رفيق عمري والصبية ناديا ..
#هو كمل كلامو بس انا من بعد اسم ناديا ما عاد سمعت شي تطلعت بالبنت وتذكرت يلي قالتلي ياه نارين وقعدت فكر عنجد عم يخططو ليقتلوها ؟ طيب لي شو ممكن تكون عاملتلن هالبنت
- ادهم : شيراز
- شيراز : نعم
- ادهم : وين صفنتي
- شيراز: لا ولا شي
#خلص الاجتماع والعقد وراح ادهم ع غرفتو وقعد ورا مكتبو
- ادهم : يا ترا ليش صفنت شيراز لما عرفت اسم ناديا .. معقول هي يلي سمعتنا مبارحة بس نارين كانت شاردة ومبين عليها مكركبة ومو ع بعضا .. معقول هنن التنتين .. معقول اتخلص منن سوا .. لا تستعجل ادهم لا تستعجل هنن معي بالبيت واكيد رح لاحظ علين اذا صار شي
_________
- شيراز : مدام
- ناديا : انسة لو سمحتي
- شيراز : ههه انسة ما تواخذيني ما كنت بعرف
- ناديا : عادي ولا يهمك حبيبتي .. خير شو في ؟
- شيراز : انا كنت عم قول لو اخد رقم جوالك يعني انا جديدة ع الشغل مشان اذا عندي شي بدي استفسر عنو بالعقد ما ضل ازعج ادهم بيك .. اكيد حضرتك قديمة وعندك خبرة
- ناديا : طبعا حبيبتي عندي خبرة هاتي موبايلك اسجلك الرقم
- شيراز : تفضلي
- ناديا : اسمك شيراز صح
- شيراز : صح
- ناديا : اممم تشرفنا مرة تانية
- شيراز : انا اكتر
_____________
#المسا
- شيراز : كيف كان اول يوم بالجامعة
@rwayate
- نارين : بششششسل .. عفكرة كلية الاعلام بتشل يا شيراز لو تشوفياااا
- شيراز : ان شاء الله عطول شوفك مبسوطة هيك
- نارين : ما عم صدق اني عم حقق حلمي وادرس اعلام يعني كل هاد بفضلك انتي .. انتي عم تضيعي مستقبلك كرمال مستقبلي
- شيراز : انا يلي بهمني تدرسي انتي وتبني مستقبلك
- نارين : يخليلي ياكي
- شيراز : نارين بتعرفي شوو
- نارين : شو في ؟؟
- شيراز: ناديا يلي قلتيلي عم يخططو ليقتلوها
- نارين : شبها
- شيراز : اليوم شفتا بالشركة
- نارين : عنجد طيب وما نصحتيها
- شيراز : شو بدي قلا ليكي هدول عم يخططو ليقتلوكي ديري بالك شو هبلة انا بكون جنيت عليها وعليي
- نارين : طيب شو بدنا نعمل معقول نتركها تموت ونحن ساكتين!!!
- شيراز : جبت رقمها بس مو عرفانة شو اعمل او كيف بدي خبرها
- نارين: هاتي الرقم
- شيراز : شو بدك فيه
- نارين : معي رقم خاص ببعتلا منو وقد ما حاولت ما بتقدر تعرف لمين هالرقم
- شيراز : وانتي من وين جبتي هيك رقم
- نارين : ااا .. هلأ خلينا نبعت للبنت بعدين بحكيلك
- شيراز : خدي انقلي الرقم وبعتيلا
- نارين : يلاا
- كيندا : عفوا منكم بس العشا صار جاهز
- شيراز: يلا جاين .. اسمعي ابعتيلها ونزلي فورا لا تتأخري
- نارين : ماشييي
#نزلت شيراز عالعشا
@rwayate
- مروة : شو وين نارين
- شيراز : هلأ جاي بس عم ترتب كم غرض فوق
- مروة : تتركن كيندا بترتبن
- شيراز : لا مو مشكلة اساسا نحن كنا رح نخلص بس ضل كم غرض دقيقتين وبتجي
- نارين : اجيييت
- شيراز : ها ليكا شفتي ما طولت
- مروة : مو مشكلة اقعدوو
#تعشينا وقام كل واحد على غرفتوو تطلعت بنارين واشرت بعيوني بمعنى انو تلحقني عالغرفة
_____
#اندق باب مكتب ادهم يلي بالبيت
- ادهم : تفضل
- نارين : عمو ممكن احكي معك بموضوع صغير
- ادهم : اكيد بنتي تفضلي
- نارين : انا ما بدي عطلك عن شغلك بس بدي اطلب منك انو تقلا لشيراز انو مافي بيت جاهز حاليا
- ادهم : تكرمي الف طلب متل هالطلب بس ليش
- نارين : الصراحة نحن جداد ع المدينة ولسه ما تعودنا ع العيشة ومو حابة نعيش لوحدنا يعني انا عندي جامعة واختي عندا شغل ورح نلاقي صعوبة .. ف قلت اذا ما في ازعاج بنضل عنكن شغلة اسبوع او تنين
- ادهم : ههه اكيد متل ما بدك اصلا متل مو شايفة البيت كبير ومافي حدا
- نارين : شكرا الك .. يلا انا رح روح كرمال ما عطلك اكتر
- ادهم: مو مشكلة
_____________
- شيراز : وينك لهلأ وليي
@rwayate
- نارين: ايييي كنت قايمة الحقك فورا بس حرام كيندا كانت عم تضب السفرة لحالا وتعبانة قلت لساعدها شوي
- شيراز : يا ما شاء الله ومن ايمتى فيكي هالشطارة
- نارين : من زمان
- شيراز : المهم شو بعتي للبنت

- نور : قتلتيا بدم بارد حتى انو ما اذتك بشي
- جليلة : نور بنتي ..
- نور : اوعك تقليلي بنتي .. لك كنت عم ناديلك امي امييييي ما وجعك قلبك بشو حسيتي انا عم ناديلك امي والحقيقة انتي قاتلة امي وابي والعيلة كلااااا قتلتين لمصالحك قتلتين بدم بارررددد لكككك انتي شووووووو
#مسكت المسدس اللي كان ع الطاولة ووجهتو عليها
- يوسف : نووور
- نور : لا تدخل .. بدك اقتل ابنك لتحسي باللي حسيتو
#قرب يوسف منا لياخد المسدس بس اطلقت عليها ...
__________________________________
#بعد_مرور_5_اعوام
- فتون : لككك صحتين وهنا يا روحييي .. بابااا انا رح اطلع ع العيادة
- خالد : تمام بنتي
#وقفت جنب الباب تزبط حالها واندق الباب
- فتون : الواحد بيتأخر ع العيادة دقيقة ببلشو يدقو ع البيت .. فتحت الباب وبقيت واقفة وساكتة ومصدومة ما عم تصدق عيونها .. واقف قدامها وحاسة انو خيال مستحيل يكون حقيقة
- خالد : مين هاد لك بنت..
#وقف مصدوم اول ما شاف يمان ع الباب
- خالد : يمان !!
#بهالوقت طلعت من الغرفة
- انا خلصت الاكلات كلن كلن رح نروح نلعب مو هيك جدو
#طلعت فتوون عليها ورجعت تطلعت بيمان اللي ناطرها تفسر
____
#قاعدين بالغرفة وقاعدة البنت بحضن خالد
- يمان : فتون انا ناطرك تحكي
- فتون : كيف وصلتلي
- يمان : هاد المهم ! هاددد ؟؟؟ سنين وانا عم دور عليكي وانتي ما الك اثر ولما لقيتك بلاقي معك بنت كيف ؟؟
- فتون : لا تصرخ.. بابا
- خالد : تمام .. ايليف شو رأيك نروح ع الحديقة نلعب يلا جدو يلااا

- يمان : ايي !!
- فتون : هي بنتك تمام بس هي كمان بنت ريم
- يمان : بنت ريم ؟؟؟؟
- فتون: رح احكيلك
#قبل_5_سنوات
- فتون : اوووه شو هاد يا شيف ارحمنا
- خالد : عم تتمسخري مو هيك لولاي كنتي ضليتي بلا اكل
- فتون : يخليلي ياك
#اندق الباب
- فتون : انا رح شوف مين
#راحت وفتحت الباب
- فتون : انتي ؟؟
- ريم : ما رح تقليلي تفضلي ؟
- فتون : شو جابك .. لك تركت كل شي وبعدت ولحقتيني
- ريم : خلينا نحكي فتون
#دخلت وقعدو
- ريم : انا اسفة .. انا عملت كتير اشيا سيئة بحقك
- فتون : كيف عرفتي عنوان البيت
- ريم : بتصدقي اذا قلتلك راقبتك لحتى اقتلك واخلص منك
- فتون : ما بستبعد شي منك
- ريم : فتون انا غلطت وكتير بس ما الي حدا غيرك انا عنجد ما عرفت لوين اروح
- فتون : ليش يمان وينو ما شاء الله عنك كنتو رح تبنو عيلة مثالية انتي ويمان وابنك
- ريم : من زمان انا رحت وخبرت جليلة اني حامل وجليلة وقتا قالتلي رح تعيشي معنا ورح اهتم فيكي وحفيدي وهي القصص كلها وكل هاد كنت عم خططلو لانتقم منك بس اللي صار انو بعد ما رحتي بفترة يمان عرف اني مو حامل وانو كذابة ورماني برا البيت وما عاد قبل يشوفني ابدا
- فتون : وهاد
#اشرت ع بطنها
- ريم : بس الكذبة تحولت لحقيقة وعرفت اني حامل عنجد .. حاولت كتير انوو اوصل ليمان بس عبث رافض يشوفني ومشدد الحراسة وممنوع ادخل او احكي او اي شي كل هي الشهور وانا عم حاول بعدين خبروني انو يمان ترك البلد وسافر وما كنت بعرف وين نور او يوسف او جليلة وقررت روح وكمل لحالي وربي بنتي لحالي بس
- فتون : بس ؟
- ريم : الدكتور خبرني انو يا انا يا البيبي اذا قررت جيب البيبي قلبي ما رح يتحمل ورح يوقف .. بالبداية قلت رح نزلها بس ما قدرت بعد ما شفتا وحسيت بحركتها وسمعت دقات قلبها ما قدرت
- فتون : انتي..
- ريم ؛ انا رح موت اول عن اخر بس بنتي ما شافت شي من هالحياة
#مسكت ايدي
- ريم : انا يتيمة ما الي اهل ولا اقارب وكل اللي بعرفن تخلو عني انا جاية اليوم وبدي حط روحي بين ايديكي
- فتون : ريم انا .. يعني..
- ريم : بترجاكي لا ترفضي انا ما الي غيرك ما بدي بنتي تربى بلا عيلة وتكون ضعيفة ومذلولة متل امها بترجاكي فتون ببوس ايدك اقبلي
- فتون : اكيد بحطا بعيوني بس وانتي
- ريم ؛ ما عليكي مني انا رح امن ع بنتي معك وروح وانا مرتاحة .. وعديني تعيش حياة طبيعية .. وتكوني سند الها وتوقفي جنبها دائما وتعلميها كيف تكون قوية وتواجه الكل
#نزلت دموعي وبكيت معها لا اراديا
- ريم : و .. سميها ايليف كنت دائما بحلم يكون عندي بنت وسميها ايليف ماشي
________________
#الحاضر
- فتون : ريم بقيت عايشة عندي لوقت الولادة وبالفعل قلبها ما تحمل ماتت قبل ما تشوف بنتا قبل ما تشم ريحتا قبل ما تسمع صوتا وهي عم تبكي
#مسحت دموعي اللي نزلت
- يمان : ليش ما خبرتيني
- فتون : لانو كان عندي انو ايليف تعيش حياة طبيعية اهم من كل شي
- يمان ؛ ما كانت رح تعيشا معيي
- فتون : لااا معك ومع المافيا
- يمان : مافي مافيااا
- فتون : كييف؟
- يمان : انا تركت كل هاد وراي.. سنين وانا عم دور عليكي لحتى نعيش مع بعض الحياة الهادية اللي بتحلمي فيها .. تركت كل شي وراي لانو بعرف ما ح ترجعيلي اذا ما تركت

________
#المسا
#دخل يمان ع الغرفة
- يمان : كيف كانت الزيارة
- فتون : ماشي الحال
#تطلع عليي وانتبه انو مو ع بعضي شلف الجاكيت ع طرف التخت وقعد
- يمان : شو صاير
- فتون : ولا شي
- يمان : انتي حدا فاشل كتير بالكذب احكي شو صاير
- فتون : ما بعرف هيك لما شفتها كيف خايفة عليه كيف مهتمة فيه كيف رح تموت بس لحتى يضل عايش حسيت بإحساس غريب
- يمان : حسيتي كيف ظلمتك وراحت واعطت امومتها كلها الو
- فتون : يعني هيك شي
- يمان : بس في جانب ايجابي متل ما بتقولي انتي
- فتون : جانب ايجابي ؟؟
- يمان : لو ما تركتك ولو ما كبرتي لحالك ما بتصيري بهالقوة هي
- فتون : عن اي قوة عم تحكي وانا ما قادرة اتخلص منك
- يمان : اللي بعيش نفس ظروفك بكون بيعرف كتير منيح نقاط ضعفك وقوتك .. تصرفاتك تفكيرك.. كل هاد بيفهمو
- فتون : فيني اسأل سؤال
- يمان : لا
- فتون : لييي
- يمان : لانو ما رح جاوبك ليش عصبت لما شفت صورة امك
- فتون : كيف عرفت انو رح اسأل عن هالموضوع
- يمان : انا بقرأ عقول الناس . خافي مني
- فتون : ننن .. طيب سؤال غيرو
- يمان : احكي فتوون احكي لان رح تضلي تنقي فوق راسي لحتى تحكي
- فتون : هلأ مو جليلة خانم هي يلي قررت انو ممنوع حدا ياكل بغرفتو والكل لازم يكون متواجد ع السفرة
- يمان : مين قلك
- فتون : هلأ شو دخلك مين قلي
- يمان : كملي
- فتون : انا اكتر من مرة شفتا حاملة صينية الاكل وطالعة فيها
- يمان: هي بتحب تاكل بغرفتا اوقات
#قام وراح باتجاه الشباك
- فتون : اممم
#حسيت انوو عم يخبي شي او بالاحرى اتأكدت انو كل العيلة عم تخبي شي
- فتون : بالمناسبة بابا ح يجي بكرى
- يمان : تمام
- فتون : وبدي روح طل ع بيتنا شوي نضفو وافتح الشبابيك وهيك
- يمان : مافي داعي منبعت حدا من الخدم
- فتون : انا حابة روح الله يخليك
- يمان : تمام بعد بكرى باخدك
#اندق الباب
- يوسف بيك قلي خبركن تنزلو ع المكتب
- يمان : جاي
- وفتون خانم معك
#تطلعت بيمان فعلا كنت خايفة انو يكون يوسف عرف بقصة امجد
- يمان : تمام روحي انتي
- فتون : انت خبرتووو صح
- يمان : لا وما بظن انو عرف
- فتون : انا ما رح روح قلو نايمة
#مسكها من ايدا
- يمان ؛ عم قلك ما عرف امشي
#نزلو ع المكتب كان يوسف ونور موجودين
- يمان : خير ان شاء لله
- يوسف ؛ تعال تعال شوف
#رمى ورقة ع المكتب وقرب يمان واخدها كانت دعوة ضدو واللي رافعها امجد
- يوسف : قرأيها فتون قرأيها
#تطلع فيني يمان نظرة خلتني ارجف من فوق لتحت
- يمان : كيف وصلت الدعوة
- يوسف : كنت متوقع هيك حركة منهن والضابط اتصل فيني قبل ما يسجل الدعوة
- يمان : والعمل
- يوسف : العمل انو فتون هلأ رح تخبرنا وين موجود امجد
- فتون : وانا شو بعرفني
- يوسف : طبعا طبعا ما بتعرفي
#فتح اللابتوب وحطو قدامي وقفنا انا ويمان ونور نشوف كان فيديو مأخود من كاميرة المراقبة وقت كنا قاعدين انا وامي
- يوسف ؛ مو ملاحظين شي غريب بالفيديو متلي
- نور : كنت من الاول حاسة انك وحدة خاينة وما بينوثق فيها
- فتون ؛ مزبوط قعدنا قلتلك اجت وطلبت مني عالج ابنها وانا رفضت
- يوسف : طب مو غريبة بعد ما حكيتو تاني يوم امجد اختفى
- نور : لمين عم تبيعيناا هاا ؟
- يمان : نووور
- يوسف ؛ شيلك من نور خلينا بفتون
- فتون : ما بعرف وين امجد بدك تصدق او ما تصدق انت حر
- يمان : لو فتون اللي عملتا مستحيل تبقى عايشة
#تطلعت فيه وانا مصدومة من اللي بحكيه .. ليش بخبي عن اخوه كرمالي .. اخوه اللي بعمرو ما خبى شي عليه ..
تطلع فيني وكمل حكيوو
- يمان : وبالنسبة للفيديو انا اللي رح اعرف شو قصتو
- يوسف : تمام
#حسيت يوسف اقتنع تماما انو ما الي علاقة بعد حكي يمان وهاد الشي ريحني وكتير
طلعنا انا ويمان من المكتب وقابلتنا جليلة
- جليلة : يا ولاد انتو هون
- يمان : خير امي ؟
- جليلة : مافي شي بس كنت بدي خبر فتون تجهز حالها بكرى
- فتون : لشو بدي جهز حالي
- جليلة : شوفي يا بنتي انتي بتعرفي حالنا .. وبتعرفي انوو امواتنا كتار ونحن صار عنا عادة انو لما يدخل حدا جديد ع العيلة كنة او اي شخص منروح ومنزور قبور العيلة
- فتون : امم يعني ضروري
- جليلة : بنتيي
- يمان : حتروح امي حتروح
- جليلة : تمام لكن انا رح خبر نور
- يمان : ماشي
#طلعنا ع الغرفة
- فتون : يااا مين قلك اني حروح
- يمان : اسكتي فتون اسكتي احسن .. اسمعيني كتير منيح فيكي تعملي اللي بدك ياه صرخي اضربي خوني وبيعي كمان بس انك تفكري تقربي ع امي وتقولي لا او تزعجيها وقتا صدقا ما رح اسكت
#بقيت ساكتة وهو طلع من الغرفة .. مسكت الجوال كان في مسج من بابا انو حل موضوع اغيد وطلع من عند عمي وجاي وبدو يومين ليوصل .. بلشت ارتاح انو في امور عم تنحل وما عم تتعقد بس من جهة تانية اوووه وين وقعتي حالك فتون والله عم توقعي ع ورق موتك ب ايدك .. اتصلت ب منار