الجزء الحادي عشر..
@rwayate
(( الشباب على ما اسمعت في ماليزيا وبنت باوروبا والثانية بامريكا هيك كان يحكي

الحجي ابو جبر..اللي هو ابوهم..تركوه بعز كبرتوا للزمن لولا اولاد الخير كان ماتو من الجوع .من شي سنة او اتنين هيك شي كانو على طول يقعد هو مرتوا عندي ومرتي ام صالح كانت على طول تفقدهن بالاكل ...يحكيلي عن اولادو وطمعهم بالمال شو ساوى فيهم..يتصل على ابنو يقلو ابعتلي حق الدوا مايقبل ..ولا مرة اسمعت انو بناتو بحكو معو ..ومات الرجال ومرتوا واتكفلو بعزاهم الجيران واولادهم ماعندهم خبر. شي فترة قصيرة ورا مماتهم اجت بنتهم ..سكنت مكانهم انا اول ماشفتها والله ما ارتحت لالها ..مرتي ام صالح قالت بدها تروح تاخد بخاطرها واجب جيران..

#ام صالح :-تعرف يا ابو صالح هالمرة مانها ادمية الله وكيلك اندمت اني رحت ..

#ابو صالح :-له له شو هالحكي عيب يا حريمة ..

#ام صالح :-اي والله متل مابحكي لالك ..فتت قلت هلاء المرا حزينة على ابوها وامهم لابسة استغفر الله قصير وبتحكي على التلفون من السرة وتحت لاخلت رب ولا دين ولا غلط الا سبتو على جوزها انخنقت ماسدقت ارجع ..

#ابو صالح :- لا حول ولا قوة الا بالله يعني انتي ست بتخافي الله ووقورة حرام تحكي هيك...

((ماسدقتها لمرتي والله ..ولا اعطيتها اعتبار لشي..بس الامر صار ينكشف يوم عن يوم..وهالشي ازعج الحارة دايما واقفة على الشباك بتياب نص جسمها استغفر الله باين...في كتير من نسوان الحارة حاولو يمنعوها خوف على ازواجهن بس ماطلع منهم فايدة..والمشكلة انها مابتقبل رجال يعني ان خليت خربت في رجال حاولو يتقربوا منها بس اللي يشوف رفضها يقول شريفة .الا من فترة اشهر ..نزلوا 3 نسوان مكمامين ومغطى وجهم من سيارة معهم عصا..وطلعوا لعندها وجروها بالشارع وبلشو يضربوا فيها يضربوا فيها ..اتجمعنا نفصلهم عن بعض اسمعت وحدة بتقلها ..

#تفي عليكي ياوسخة اذا بترجعي تقربي من بناتنا وبتهديدهم بمية النار على وجهك..

((سدقي وامني بالله يابنتي كانو تيابها مقطعين ونص جسمها باين خجلو الرجال حد يغطيها طلعت ام صالح رمت عليها شرشف وحكتلها استري حالك..ومرقت الايام وانا ما اخدت بكلام المرا يلي ضربتها اساسا هيك موضوع ماكان يمر على راس عاقل....لوقت ماصاروا البنات يتناوبو لعندها وصرت انا محطة سؤالهم يوقفوا عندي وتنزل تاخدهم ..اتاري بنت الحرام بتستغل البنات بالدعارة هيك حسيت لان هاي يلي نزلت والحقتيها ...شايفة قعدتي هون..زي يلي صار قدامي اسمعت صوت صراخ من شباك بيتها ..قلت يا ابن الحلال اطلع شووف ..قمت وطلعت من مكاني لعندها الا وبتضرب بهالبنت..

#رجاء :- اذا ماجبتي المصاري والله صورك بكل مكان لتصير دبري حالك..

#جمانة :- لحظة لحظة ماعدت استوعب هاي البنت يلي لحقتها انا هي نفسها يلي كانت رجاء تضربها وتقلها تجيب مصاري وتنشر صورها..عمو ابو صالح انت بتحكي جد..الله يخليك حكيك صح..

#ابو صالح :-بدي كذب عليكي يابنتي ليش...

#جمانة :-بتعرف هاي البنت مين بتكون..

#ابو صالح :-والله ياعمي مابهمني الله يهديها ويصلحها..

#جمانة :-هاي اخت جوزي او بالاحرى يلي كان جوزي اللي اتهمني بسرقة مصاري شغلو . وكبني .وراح اتزوج علي ..انا ماني قادرة اسدق حالي جاي لمصيبة لقيت حالي بمصيبة تانية..اختي واخت تيسير بنفس المشكلة..

#ابو صالح :-مافهمت عليكي يابنتي شو دخل اختك بالنص..

#جمانة :-عمي ابو صالح مابعرف شغل دعارة ومادعارة بس الموضوع غير هيك ..هاي المخلوقة افعالها اكبر من هيك شي..هاي مابعرف شلون قلك اياها وحدة شاذة عيب احكي هالحكي بس والله مابعرف شو هالزمن يلي نحنا فيه الله يجيرنا هاي بتستغل البنات مثل قوم لوط...

#ابو صالح :-استغفر الله استغفر الله ..يارب لطفك من هالزمن شو هالحكي يابنتي..

#جمانة:-اي والله ياعمو ....

#ابو صالح :-اسمعي يابنتي الستر الله قال الستر اذا الك حدا واقع بهيك مصيبة استروا عليها وهاي الا تاخد جزاتها...

#جمانة :-اذا الامر على قد هيك والله ما اجيت..بس هي عندها صور وعم تستغل مقابل مصاري ..

#ابو صالح :-بلغو الشرطة يابي ما اضلكم على هيك اذا عندكم ادلة روحو للشرطة..

(( حقيقة رجاء واخت تيسير بانت قدامي مثل عين الشمس..وفكرة ابلغ الشرطة شو بدي روح اقول لالهن انو اختي هيك صار معها ويسألو وين الادلة اورجيهن صورة اختي بالمنظر هاد..رجعت على البيت وقفلت على حالي باب الغرفة.واتذكرت الموبايل يلي شغلتو بدون ما اشوف شي عليه ..فتحتو وبلشت اقرا بمسجات رجاء والتهديدات ارسلت كل الصور يلي كانت باوضاع مقززة مابتتحملها عين..ولا بتخطر على عقل..وماقدرت ارد عليها ..بس حقيقة كشف سرقة تيسير بانت قدامي..وعرفت مين يلي ورا هالشي..لو قلت احكي لتيسير هو مارح يسدقني اساسا مارح يحكي معي..ولو خبرت امها وسدقتني وراحت تقابل رجاء ولو انقول هني كشفو الموقف وخبروا الشرطة اكيد بالاخر اختى رح تروح بالرجلين ..ويشوفوا صورها ورح تصير فضيحتنا اكبر..

الجزء الثالث عشر..
@rwayate
#منال:- هلاء شو دخلك بالعالم انت مو اتجوزت والله حيو ومبسوط وعايش حياتك اتركلي بنتي تعيش حياتها ..

#تيسير :-وليش ماتحكي هي ولا لسانها اكلو القط..وبعدين انا مين قال بدي طلق انا بدي خليها

على ذمتي ..

#منال:-ومرتك الجديدة ..

#تيسير :-اها شو عرفكن انتو..

#رفيف :-مابدها معرفة صهري ..مافي شي بضل مخبى كل شي ببان..

#تيسير :-مرت عمي ..

#رفيف :-ماشاء الله عندك اتنين حماوات ..بس وحدة غشيمة والتانية مابتعرف شي عن كذبتك..

#تيسير :-مرت عمي سدقيني انا كنت بدي طلقها بس..

#رفيف :-بس شو ..يعني شو ذنبها هالبنت لتعمل فيها هيك وشو ذنبها بنتي لتكذب كذبتك عليها..اسمع هلاء هي مع ابوها وانا خبرت ابوها بكل شي..يا اما بطلق بنتي . يا اما بطلق بنت الناس..لان لابنتي بتقبل تخرب بيوت ولابنت الناس قبلاني تعيش هالعيشة..

#تيسير :-انا ما عملت هيك في جمانة الا بسببها لو صانت بيتها بدون ماتسرق جوزها ماتصرف هالتصرف...

#منال:-مافشرت تكون بنتي هيك..

#رفيف :-اهدي شوي ام جمانة شو رح انضل واقفين بالشارع ..انلم علينا العالم..

#تيسير :-اعوذ بالله فوتو ...ياامو تعي ..

#رفيف :-وياريت اختك رهف كمان..

#تيسير :-شو دخل اختي رهف..

#رفيف :-هلاء بتعرف ..

#ام تيسير :-هاا اهلين بنسيبتنا دكتورة رفيف..

#رفيف :-اهلين ام تيسير نسيبتك التانية مابدك ترحبي فيها ولا شايفتيها مو قد المقام..

#ام تيسير :-اها اهلا وسهلا ..اتفضلو..

#منال:-اهلين على قولك رفيف يمكن خافت تقلك نسيبتها وتخجل من النسب او لهلاء مافكرت انك صرتي تعرفي كذبتهن على العموم .وينها رهف

#ام تيسير :-شو دخلها رهف..

#رفيف :- ياريت تجي هلاء ..

#تيسير :-وينها امي اختي..

#ام تيسير :-هلاء بتجي راحت لعند رفيقتها ليكها اجت..افتحلا الباب..

#جمانة :-لحظة انا بفتح لالها..

#رفيف :-روحي بنتي..

#رهف :-انتي شو جابك لهون عم تطلعي لالي بكل مكان ..

#رفيف :-فوتي رهف ..وين كنتي بنتي..

#رهف :وشو دخلك تسأليني..

#ام تيسير :-عيب امي ..شو ابني شو السيرة فهمني..

#منال :- بنتك يا ست ام تيسير هي يلي كانت تسرق اخوها ..

#رهف :-شو هالافتراء احترمي حالك جاي تتهميني بسرقة اخي في بيتنا..

#منال :-لا ست رهف بس بنتي بريئة من القرف يلي كنتي تعمليه..احنا عرفنا حقيقتك من رجاااء ذاكرتيها..

#ام تيسير :-شو هالحكي مين رجااء..

#منال:-رجاااء عيد ام تيسير ..

#ام تيسير :- رجاء بنت ابو جبر ماغيرها..

#جمانة :-اي هي نفسها يلي كنتي تعزميها على اعراس ابنك تيسير..

#ام تيسير :-شو مالها هاي..

#رهف :-بترجاكي خلص خلص لاتحكي شي..

#تيسير :-شو في بدي افهم..

#رهف :-اخوي انا يلي سرقت المصاري خلص سامحني بترجااك..

#تيسير :-مصاري يلي تهمت جمانة فيهن..

#رهف :-اي هني خلص بترجاكو روحو ليكني اعترفت..

#منال:-اها شفتو ليكها اعترفت انو بنتي مالها ذنب بس فيكن تسألوها لمين سرقتهن وليش خايفة كل هالقد..

#تيسير :- رهف اللي بحكوه صح

#رهف :-اي اخي والله اي ..جمانة مالها ذنب..خلص روحي جمانة روحي منار خلص ليكني اعترفت..

#ام تيسير :- يا مصيبة وشو دخل بنت جبر بالموضوع..

#جمانة :-اسألو بنتكن هي بتعرفها منيح..

#رهف :- كنت اعمل معها جمعية مشان مشروع بس هي خسرت المشروع ..

((تيسير من اللي سمعو ماوقف ضرب في رهف مثل المجنون صار يضرب فيها همست لالي امي وقالت خلينا نطلع ..

#منال :-امي خلينا نروح احنا عملنا اللي علينا مادخلنا بالباقي الله يستر عليها ويستر على اختك ..اذا هي اعترفت بلسانها تصطفل ..المهم براءتك..

#جمانة :-لحظة امي..تيسير لو سمحت طلقني هون قبل لنطلع..

#تيسير :- اسمعي جمانة انا ماكنت بعرف بالشي هاد لو بعرف ماعملت فيكي هيك..

#جمانة :-فاتك القطار سواء كنت انا مذنبة او بريئة هالامر مارح يفيدني اذا كنت تحب ياسمين وانت مجوز ..لهيك الطلاق لالنا احسن شي..

#تيسير :-بس انا مابدي طلقك..

#رفيف :-يبقى طلق بنتي تيسير ..

#تيسير :-شوووو..

#رفيف :-مثل ماسمعت خلينا نمشي منال..معك يومين يا اما بتصل منال ورقة طلاق بنتها يا اما بتصلني لالي ورقة طلاق بنتي..

((مثل جبل ومن قلبي وانزاح اول مرة اشوف امي من بعد يلي صار معنا اخر شي بتضحك ..ويافرحة ماتمت..اول ماوصلنا البيت اتذكرنا انو نسينا اختي بالمدرسة 😢😢 ..وانو رح علينا موعد اخذها..طلعنا بالسيارة مع هيثم دغري على المدرسة يلي لقيناها مقفلة ..نط هيثم من فوق السور وشاف بواب المدرسة وبلشو يدوروا بالصفوف مالقو حد..هالشي كان صدمة اكبر..نطرنا للمسا واختي مارجعت ..

#منال:-البسي بسرعة..

#جمانة :-لوين امي..

#منال:-لعند هاي الوسخة رجاء..

((ماكان بإيدينا غير هالشي اطلعنا لعند رجاء ودقينا الباب ..

#رجاء :-مين انتو ..

((دفشتها امي بإيدها ودخلنا انفتش بالبيت مالقينا اختي..

#رجاء :-تعوو هون هي سايبة هيك مين انتو وشو دخلكن على بيتي ..

الجزء الرابع عشر..
@rwayate
#منال:-نزلي ايدك من عليه ..النجاسة عم تشر منك شر..

#رجاء:-لااا هيك زودتيها كتير..

#منال:-هههه ضحتيني بعدك ماشفتي شي مني..عارفة ليش لهلاء ساكتة عليكي..

#رجاء:- ياعيني وبتهدد في بيتي قولي يا ستي ليش لهلاء ساكتة..

#منال:- لأني اطهر من اني احكي مع وح

دة مثلك ..

#رجاء :-لااا انتي بدك ضرب بجد...

#منال:-مافشرت ايدك تترفع عليه. مفهوم..

#رجاء:-اووف شو قوية قدرتي تنزلي ايدي ...

#جمانة :-اختي وين ست رجااء...

#رجاء:-بعبي تعي خديها اخت شو هاي يلي جاي تفتشو عنها في بيتي شو شايفتيني خطافة خوات..ههااااي ضحتيني..

#منال:-شوفي خنزيرة ..ياويلك من الله على القرف يلي بتعمليه ..لك شو ماحصلتي على عقاب بالدنيا مارح يتجاوز عقاب ربك..اسمعي بنتي اذا ماطلعت من هون ورب الكون لافضحك بكل الشوارع ..

#رجاء:-هههههه اي وحدة بنتك بدي اعرف لان البنات يلي بحبوني كتير..

#منال:- مرام بنتي مرام...

#رجاء:-هههههه يعني جايين تدفعو اللي عليها مقابل الصور ماهيك..

#منال:- شوفي بمحادثاتك يلي عملتيها والصور هاي برسلك للمريخ لجهنم الحمرا..

#رجاء :-اي محادثات اللي باسم امراة نارية ولا نور الشمس..ولا امراة من ورق..ولا جواهر لبيع مواد التجميل ولا سحر لبيع الملابس الداخلية ههههه ماعرفاني اي حساب نسياني لان الزبائن كتار مافيني لحق عليهن ...

((امي وقتها ماحسنت تكمش حالها من كلام رجاء الاستفزازي انا مسكتها من شعرا وامي بلشت تضرب فيها رغم انو نحنا تنتين بس كانت قوية فوق ماتصوروا...كان صراخنا معبي العمارة لوقت ماندفش الباب ..

#تيسير :-حااجي خلص...فوتي ولي ...

((كانت تيسير ومعو اختو رهف ووجها كتير مبربق والنزيف من تمها عم يشر ...

#رهف :-هي هاااي

#تيسير :-شو جابك جمانة هون..

#رجااء :-اتركيني هيك..شو اجتمعو الحبايب هوون..

#تيسير :- اسمعي ولي رجااء..لانك من العيلة ماراح اقتلك واخلص عليكي بس رح اعلمك درس بعمرك ماتنسيه..

((ماشفنا الا تيسير كمش رجاء وصار يضربها مثل المجنون...

#منال:-امي بسرعة خدي موبايلها ..واللاب توب تبعها...

#جمانة :-امي عندك كمان موبايل هاتيه...

#رهف:-انتو السبب الله يلعنكم..

#تيسير :-شوووفي بضلك بنت خالة امي وكرمالها مابدي بلغ الشرطة بس شووفي صور اختي كلها بتطلع هلاء ...

#رجاء:-والله طيب خلص هلاء بطلعهن...

#الشرطة :- ماحد يتحرك من مكانو..

#منال:-العما امي اجت الشرطة رحنا فيها ..

#رجاء :-الحقني ياسيدي اتهجمو عليه وضربوني..

#منال:-نحنا مادخلنا كنا ماشيين بالشارع اسمعنا الصوت واطلعنا لفووق...

#الشرطي :- اطلعي من هون..

#منال:-وبنتي ..

#الشرطي:-خديها معك..

#منال:-مشي يامو..

((اطلعنا بفضل الله من البهدلة وحداقة امي ..ونزلنا نركض فتنا لعند عمو ابو صالح..وشوي ونزلت الشرطة ومعهن رجاء وتيسير ورهف ..كان منظهرهن بخجل قدام العالم...

#ابو صالح :-والله قلت مارح ادووم ..

#منال:-حسبي الله عليها ونعم الوكيل..امي اخدتي اللازم والموبايلات...

#جمانة :-اي امي بس ياخوفي يعرفوا ونتبهدل..

#ابو صالح :- مو انتي يابنتي يلي حكيتي معي..

#جمانة :-اي عمو انا ..الله يعطيك الصحة الحمدلله بفضل الله ومن ثم فضلك الله برأني وقدرنا نساعد اختي..

((اتشكرنا ابو صالح بس يلي كان اكل همنا فقدنا لاختي مرام مابنعرف وين راحت .

#هيثم :-الو اي خالتو ام جمانة والله سألت بالمخافر والمستشفيات مافي اسم هيك او حالة مرت عليهن..

#منال:-ياويلي وين راحت البنت..

#جمانة :-امي الموبايلات مافيهن صور ..واللاب توب مافيو اي صور ..😢..

#منال:-شو يعني..

#جمانة :-لا لاختي ولا لاي بنت ..كل الصور شغلات عادية حتى حسابات الفيس مافي ..

#منال:-اتاكدي امي..

#جمانة :-خدي شوفي..

#منال:-العما على هالحكي ..يعني حتى الصور ماقدرنا ناخدهن..يامصيبة لتكون عاطيتهن لحد.

#جمانة :-الله يستر ..امي خلينا نروح عند دار عمي نسأل عن مرام يمكن رايحة هونيك لان اتصلت على كل رفقاتها نفو وجودها.

#منال:-لاتقوليها امي الا هالشي اذا اختك عند دار عمها يعني راحت لمقتلها بإيدها.

#جمانة :-ليش امي شو في..

#منال:-هو ابوكي ماغيروا هو اخدها ليلعب معي لعبتو الوسخة.

#جمانة :- امي خلينا نروح ..

#منال:-شلون رح نروح هني عم ينطروا اللحظة اللي اوصل فيها عندهن انتي مابتعرفي شي امي..

#جمانة :-شو يلي مابعرفوا امي قليلي شو هو يلي مخبياه عني دخيلك احكي.

#منار :-هاي رفيف بتتصل..الوو اي رفيف..

#رفيف :-انكشفت رهف اسمعتي بالخبر..

#منار :-اي كنا هونيك نحنا .طمنيني عن صهرك.

#رفيف :-ليكو عندي طلع.. هو قلي عن يلي صار وحالتو بالويل وعم يبكي مثل الولاد الصغار مش مسدق انو اختو هيك..

#منار :-وهاديك الوسخة.

#رفيف :-طلعوها ..صهري دافع لالها مصاري كرمال تتنازل عن القضية بس رجاء رجعت عم تهددو بالصور بدها مبلغ محترم عليهن.

#منار :-يقصف عمرها اخدنا الموبايلات وكمبيوترها مالقينا شي..

الجزء الرابع..
@rwayate
#منال :- بنتي عملتها خلص خلص راحت من ايدي هاد يلي كنت خايفة منو..ساعديني دكتورة رفيف ..غيابي عن بنتي عم يضيعها فكي عني هالاجهزة...

#رفيف :- لاتقلقي هني اخدوها بالاسعاف..الله يلطف فيها...

#منال:- شو مااقلق انا لو عيني على طول عليها لكان ما عملت بحالها هالشي..كل ما اغيب عنها بتجيب لالي مصيبة..بربك تساعديني فكي هاد الجهاز عني..

#الممرضة :- دكتورة رفيف الحالة اللي سألتي عنها دخلت العناية المشددة ...

#منال :-شفتي بنتي ماتت..خلص ماتت مرام..كنت حاسة انها رح تموت ...

#رفيف :- اهدي اهدي..انسه ميس اعطيها مهدء بالوريد..

#منال :- لا لاتعطيني شي لا تغفليني بدي اطمن على بنتي بدي شوفا...

#جمانة :- امي الحقيني اختي مقطعة شرايين اديها الاتنين ..فقت من نومتي وياريتني ماغفيت قلت بطلع جبلا اكل واطمن عليها..فقدتها صرت نادي مالقيتها ..بالصدفة اسمعت صوت أنين بالحمام الارضي ركضت فتحتو لقيتها غرقانة بدمها...

#منال :- 😲 يارب يارب...شو يلي عملتيه يامرام شو يلي عملتيه...اااخ ياراسي ااااخ ...

#جمانة :- 😭😭 لو أبي عم يشوف حالنا كان ماتركنا هيك..

#منال:-اخرسي جمانة ..انتي عم تجلطيني بهالحكي ..هو اول شخص غدر فيني وبسببو صار كل هالشي..مابدي اسمعك تحكي شي...

#رفيف :- ارتاحي مدام منال..البنت وضعها مستقر والحمد لله لحقوها على اخر نفس الله كتب لالها عمر جديد ..بس محتاجة وحدات دم ..رح ارجع اطمن عليها وارجع حاكيكن...بدي منك تروقي...

#جمانة :- الحمد لله يعني بعد كل هالشي اختي كانت بدها تقتل حالها 😭😭..

#منال:-بدها اتقابل الله كافرة..

#جمانة :- امي ليش قلبك صاير قاسي هيك..

#منال:-طول عمري حنونة ..شو استفدت...ليكن عم اضيعو من ايدية...

((بعد مرور اسبوع على وضع الصحي لمرام...))

#رفيف :- ام جمانة عصبيتك الزيادة عم ادمر البنت بزيادة حاولي لا تحكي معها شي...هي لهلاء ماعم تحكي حرف وصافنة ..حتى دموع مابتنزل...

#منال:- شو السبب انا مارح احكي معها شي بس وضع بنتي سئ جنت شي ...

#رفيف:- شي طبيعي تفوت بهيك حالة لان شافت كل الوان العذاب...

#جمانة :- دكتورة رفيف فيني احكي معك شي..

#منال:-ليش ماتقوليه قدامي من متى في اسرار من بعدي ..

#جمانة :- اها ممممم لا امي بس مجرد سؤال...

#رفيف :-اتركيها للبنت تحكي يلي بخاطرها...تعي حبيبتي خبريني ..

#جمانة :-دخيلك مابدي امي تعرف ..اذا عرفت ممكن يصير معها شي تاني..

#رفيف :- حبيبتي خبريني امك مارح تعرف...

#جمانة :-

مابعرف بصراحة شو اخبرك..ومابعرف اذا انتي بتعرفي اللي صار مع اختي مرام..بس انا محتاجة مساعدتك..

#رفيف :- اطمني انا امك خبرت
ني بكل شي...قليلي شو ص

اير وانا رح ساعدك...

#جمانة :- من شي اسبوع من صار مع اختي يلي صار كان موبايلي مافيو دقايق اتصال .فطريت اخد جوال اختي مرام من خزانة امى لاحسن انقل دقايق ... كرمال اتصل على امي هون .واخبرها شو صار...ومن الضجة يلي صارت وقتها نسيت رجع الموبايل بقي معي بشنتتي..تقريبا شي الساعة 2 بالليل فقت على صوت مسجات على موبايل اختي...مخزنة باسم رجاء...

#رجاء :- اسمعي انا بعتلك رسائل رغم انك وصيتيني ما ابعت على رقمك الخاص ..بس فوتي فيس بسرعة بدي احكي معك...

((انا وقتها عرفت انها نور الشمس لان مرام قالت اسم..البنت يلي عملت كل هالشي ووصلتها للي هي فيه..اجيت افتح فيس اختي ماعرفت ماكنت حافظة الباسورد تبعها..او امي عاملة خروج..بس بالصدفة فتت من برنامج قوقل لقيت حسابها من هونيك مفتوح..لقيتها باعتة لاختي حكي من حساب جديد...((إمرأة نارية )) هيك كان اسمها...

#امرأة نارية :-وينك هاد حسابي الجديد ضفيني كتير اشتقتلك..((14_3 الساعة 4 صباحا..

#امرأة نارية :-ليش ماعم تردي عليه يابنت وين انتي ...

#امرأة نارية :- انا ناطرتك الصبح تعي لعندي على البيت 15_3 الساعة 12 :3 صباحا..

#امرأة نارية :-ليش ما اجيتي ..الصبح صاير معك شي جبتلك فستان ومشروب يجنن...لك ردي عليه انا جاي على بالي ......

((ماقدران اقرا هالحكي شوفي شو كاتبة...

#رفيف :- الله يقصف عمرها هالوسخة ...ليكون هاد رجال .مستحيل في بنت هيك تعمل...

#جمانة :- بالاول انا ماسدقت اختي وجد فكرتها رجال..بس من صار هاد الحكي اتاكد لالي انها بنت...

#امرأة نارية :- عم تشوفي الحكي ومابتردي يا .......ردي ولي لاجي اكسرلك سنانك...

#جمانة :- انا وقتها ماتحملت المسبات يلي عم تسبهن على اختي..مابعرف شو يلي خلاني رد عليها بإسم اختي...

#امرأة نارية :- ماشي انا بعرف شو اعمل فيكي يامرام..

#جمانة ((بأسم اختي مرام )):- شو بدك انقلعي من حياتي لاعاد تتصلي فيني هيك...

#امرأة نارية :-اوووه قويان حسك ياشطاطة...

#جمانة :-مافشرتي ..بعدي عني وعن حياتي...

#امراة نارية :-بتفكريها بسهولة هيك..هههه مافشرتي لحالك..صورك ياماما تحت ايدي..بتفكري هيك شغلات بتمر عليه بسهولة..

الجزء السادس..
@rwayate
#امراة نارية :-وين رحتي ولي...وين عم تغطي تعرفي برتاح انا معك كتير قصدي بالحكي معك...😂😂 ههههااااااااي..

#جمانة :-معك بس انا رح اجي لعندك بكرة بس انا نسيت اي عمارة...

#امرأة نارية :-معقول وانتي يلي رجلك انهرت من كتر مادعستي لبيتي...

#جمانة :-انا اذا غبت عن المكان ايام بنساه...

#امراة نارية :-رح مشيلك اياها تعي على 11 عند الخضرجي وانا بنزل اخدك للبيت...

#رفيف :-برافو عليكي رح انروح من بكير نقف حوالين هاداك المكان ..الا ماتنزل ونعرفها ..

#جمانة :-شلون رح نعرفها ونحنا شكلا بحياتنا ماشفناه...

#رفيف :-رح انجرب ...ومن يصير الوقت اكيد رح تتصل او بنتصل عليها ومن انشوف مين يلي رفع موبايلو .. خلينا نقوم انام ..عنا بكرة مشاوير مهمة ...هاي غرفة بنتي نامي فيها..هون في بجماتها حبيبة قلبي..ياعمري ليكها عم تتصل فايبر ...الو اي امي...

#ياسمينة :-ماما اشتقتلك...افتحي الكاميرا.

#رفيف :-شايفيني هيك الصورة مغبشة عندكم...

#ياسمينة :-حبيبتي امي...الانترنت عندك ضعيف....اهلين مرت عمي كيفك ....

((انا من اسمعت صوت الرجال قلبي لحظتها وقف هاد الصوت انا بعرفوا..اي بعرفوا...صوت تيسير...

#رفيف :- كيفك حبيبي كيف شغلك انطرني شوي بس لاطلع على غرفتي بنحكي.....

((اخدت التلفون وطلعت من الغرفة بسرعة ..وانا كنت بدي شووف مين يلي بحكي... حسيت شي جبل ووقع على قلبي...فتحت موبايلي لاشوف الواتس اب واخر ظهور لتيسير كان من شي شهر ونص ...حسيت بخنقة مابعرف شو يلي خلاني ضل فكر بالصوت...مجرد الفكرة لحالها كانت عم تقتلني..غفيت وانا بفكر شلون صلح حياتي وحياة امي واختي...لطلع وجه الصبح قمت اتوضيت وصليت الفجر وركعتين على نية انو الله يرفع عنا البلاء ...نطرت لصارت 10 وانطلقت انا ورفيف وانا قد مافيني حاول انتبه على موبايلها ..يمكن ترجع تتصل بنتها وتشيل الشك اللي صابني..والصدمة التانية من شفت اخت تيسير مارقة من نفس الشارع..نازلة من بناية عم تركض بالاتجاه التاني انا شفتها ومتاكدة من ملامحها لاني عشت معها...كان نفسي تمر من الاتجاه يلي نحنا واقفين فيه...كرمال تشوفها رفيف اذا بتعرفها مابعرف الشك موتني..معقول في محبة لتيسير بقلبي هيك ..طيب ليش تركتو انا...

بقيت اكثر من ساعتين بالمكان لصارت 12...
.....((رجاء تتصل بك))....

#جمانة :-عم تتصل...

#رفيف :-لاتردي عليها ابعتيلها رسالة...

مسج#رجاء :-لك ماني شايفتك عند الخضرجي...

#جمانة :- انا واقفة هونيك بس انتي وين ماني شايفتك..

#مسج #رجاء :-على الشباك اللي مقابيل المحل يا غبية معقول نسيتي المكان..

((كانت على الشباك يلي فوقنا ولحسن ا

لحظ واقفين بمكان صعب انها تشوفنا فيه مدارى ببلكون فوقنا...عملنا حالنا ما بخصنا الامر ومشينا باتجاة الخضرجي فتنا المحل...وشفناها من جواتو...

#جمانة :-يالله وين شايفتا انا هاي..

#رفيف :-حتى انا شايفتا بشي مكان...بس وين ماني متذكرة...

#جمانة :-شو رح نعمل...

#رفيف :-اعطيني الموبايل...

#جمانة :-اتفضلي...

#رفيف :-احنا اهم شي عرفنا مكانها ...رح ابعتلا مسج...

(( امراة ناريةمافيني اجي.شفت عمي وهو اخذني معو رح ارجع بالوقت اللي ما احسن يراقبني حد...

#امراة نارية :-يقصف عمرك دايما نكدة وغبية ..حاولي اليوم تجي بأي طريقة...

#جمانة :- شو رح نعمل معها..

#رفيف :-رح نروح نطمن على امك واختك بالاول...

(( يمكن من التشتت اللي انا فيه صار عندي تشابه وجوه واصوات..اول شي صوت تيسير واخت تيسير...واللي كانت واقفة على الشباك انا شفتها اتذكرت بمناسبة لدار حماي...اي اي اتذكرت معقول هي..شو صرلي انا شو دخل تيسير بالنص صار متل الكابوس بحياتي...وصلت المشفى واطمنت على امي واختي كان وضعهن احسن....

#جمانة :- مرام امي راحت تاخد دوش جوا ...حبيبتي انا بعرف انك كاتمة بقلبك وساكتة كتير..وانا عرفت كل شي ومارح احكي لحد انا عم ساعدك...وبدي منك تساعديني لنطلع حالنا من هاي القصة...

#مرام :-صورتني..

#جمانة :-لاتبكي ولاتحكي شي عندي علم بالموضوع..لازم توقفي معك لنقدر ناخدهن منها...انا رح ابقى معك للمسا..بس عندي سؤال اتذكري منيح هاي اللي اسمها نور الشمس انتي شفتيها قبل هيك لمحتيها بشي مكان بشي مناسبة بنعرفها شي انا وانتي ...

#مرام :-ماني متذكرة..مافيني اتذكر شي 😭😭..

#منال :-شبك ليش بتبكي..

#جمانة:-شبعرفني امي...انا رح قوم اضب التياب الوسخين واجيب غيرهن نضاف من البيت....

في الليل ...
كالعادة ارجعت مع رفيف على بيتها...هي انشغلت بغرفتها وانا عم جمع يلي صار معي لحظتها ..

#رفيف:- جمانة شوفي هاي الصورة ...

#جمانة :-مانها واضحة ..

#رفيف :-ما انا صورتها من كاسيت فرح بنتي...

#جمانة :- ممممم هاي فيها شبه من يلي شفناها على الشباك..بس مانها واضحة كتير ..خليني شوف كاسيت تسجيل الفرح

#رفيف :-اها شو...لا لا هي بنتي بعتت الصورة اسفة رح قووم انشغل ....

الجزء العشرين..
@rwayate
((اختي مرام ورهف بعد العذاب وتأنيب الضمير والخوف والضرب يلي حصلو عليه ..من تيسير او من امي اعفى عنهن من الرجوع للضرب تاني بس يلي صار لحظتها ضرب بنات عم رجاء ..رغم اصابتها ونومها بالفراش الا انا حصلت على عقاب اخر..ووضعها بحجر تحت الرقابة ...

#منال:- تستاهلي هاد عقاب يلي بعمل هيك عند الله..انتي اتعاقبتي بالدنيا ..بس ياويلك من الله كم بنت اذتيها وابتزتيها بالمصاري..

#رجاء :-خدو كل شي بس اتركوني بحالي..

#الله يسود وجهك سودتي اسم عيلتنا ..لو اخواتك عرفو رح يقتلوكي..

#منال:-اسمعي يابنت عمها قليلها وين الصور ..

#تيسير :-معي ..

#رفيف :-الصور مع تيسير كانت مخزنتن على لوحات ذاكرة صغيرة ومخبياهن ..وانا فتحتن واتاكدت منن .وفتشو كل بيتها ماتركو شي ....وشفت صور مرام ..رح يحرقهن قدامك تيسير...

#منال:-بعد شو يارفيف ماهي حرقة ورقة بنتي..

#رفيف :-والله اعطاها عقابها رح تعيش عمرها مشوهة مارح تحسن تطلع بحالها بالمراي..

((رهف ومرام ماتحركوا من مكانن على نفس وقفتهن والخوف مالي عيونهن ..حرقوا لوحات الذاكرة ورجاء وبنات عمها فلو مع الشيخ قريبهن . بقينا عند رفيف لساعة المغرب وهي بتحكي لاختي ورهف العواقب الصحية لهيك افعال..كنت قاعدة مستمعة صح رجاء انتهت..بس هي بذاكرتنا ما انتهت ورح تبقى لعنة ملاحقة اختي للمات لان يلي عملتو بحالها مارح يتنسى .ومابنعلم اذا حياتها بالمستقبل رح تمشي بطريقة طبيعية او لاء....اما تيسير اللي طول الوقت عم يحاول يطلع فيني بنظراتو وكأن يلي قدامو شي عشيقة او حبيبة نظرات ماكنت شوفها من كنت على ذمتو.. وشو ماعملت هو خسرني ..

#رفيف:-هاا هاد شكلها ياسمين ..

#ياسمين :-مامي ...وها تيسير حبي هون اشتقتلك ياعمري..

#تيسير :-اهلين ياسمينة..

((ردو كان فيه خجل او احراج بالنسبة لالو بس انا لحظتها اتبسمت ..مابنكر انو ياسمين جميلة كتير وطول اكثر ..بس حسيت انو جمانة البنت الطيبة مافي مثلها..

#رفيف :-مامي في ضيوف عنا مابدك تسلمي عليهن..

#ياسمين :-اوووه سوري ما شفتكن اهلا وسهلا ...

#رفيف :-ام جمانة رفيقتي وبناتها جمانة ومرام...

#ياسمين :-اتشرفت فيكن ☺️☺️..رهووف شلون حبي صرتي ب

عدو ايديكي بوجعوكي شو عملتو مع السواق يلي دهسا لرهف..

#تيسير :-ماعملنا شي نصيبها ..

#ياسمين :-حبيبي صرلي كم يوم ماشفتك تعا نفعد فووق ...يالا قووم...

((رفع راسو تيسير لعندي وبعيونوا حكي..كان مفكرني رح عاتبو او لومو ..بس بحمد الله اني طلعت من حياتو عملت حالي منشغلة بالحديث مع اختي مرام.. ومشان مايكشف حالو قدامها قام ولحقها ..

#منال:-ماشي حبيبتي رفيف والله انتي اعز رفيقة ومابعرف شلون اتشكرك..الحمد لله انو عقاب هالرجاء صار والله يعوضني في بنتي مرام..ديري بالك على حالك..

#رفيف :- حبيبتي لاتزعلي من تصرف بنتي ياسمين مشان جمانة

#منال:-الدنيا نصيب وبنتي من الناس الصابرين ..
انا رح روح على البيت بدي بلش ضب تيابنا ..

#رفيف :-ليش وين مسافرين..

#منال :-طلع حكم المحكمة انو عبد ياخد البيت منا ...

#رفيف :-شلون هالشي انتو مانكن مقدمين انو هو عذب البنت وقطع اصبعها وبعدين بعدها قاصر وما بيتاخد بكلامها..

#منال:-قدمنا هالشي متاخر عبد عندو واسطة الكلب ومسرعين بقرار المحكمة قبلنا ...يالا حبيباتي خلينا نتوكل نمشي..

#رهف :- خالتو فيني احكيلك شي..لحالنا..

#منال:-رهف في شي قولي..اي بصير تعي..

#رهف :- بدي تسامحيني ماكان قصدي باللي عملتو بجمانة انا بعترف انها كانت احسن مني بكل شي وكانت امي دايما تمدح فيها وانا احكي عنها بعطالة قدام امي وحمي قلبها لتحمي قلب اخي تيسير..وكان دايما يسمع منا لهدمنا بيتو..من غيرتي وحقدي ..مالقيت طريقة اتخلص من ابتزاز رجاء الا من اعطيها حساب مرام ..انا اسفة بترجاكي سامحيني انا يلي قلت لالها عن حساب الفيس تبع مرام بس والله ماتوقعت انها توقع بإيدها بسهولة ..كنت بدي لاقي طريقة تبعد عني فيها رجاء وماعاد ترجع تبتزني لهيك بعتلا حساب مرام..وحياتك وبغلاوة امي ماكنت بعرف انو مرام رح توقع بفخها مثلي ماكنت. 😢😢..

((كنت اطلع على ملامح امي ساكتة ورهف عم تشرحلا كان نفسي اعرف شو بيدور معهن .. كانت امي عم تبكي وحسيت انها خبرتها بمصيبة تانية ارجعنا على البيت وامي حرف واحد ماحكت...

((منال تحاكي نفسها ))

#منال:-معقول الحقد والغيرة يوصل فيهن بنات هاليوم تخرب بنات مالها ذنب حسبي الله ونعم الوكيل...بنتي جمانة وصارت مطلقة ..والناس بتعرف مطلقة ووين نصيبها بصير الله معها..بس مرام شو رح احكي للعالم وهي ماسبق اتزوجت ...

#جمانة :-امي جمعت يلي بغرفتنا وخلص اغراض المطبخ انا واختي مرام حطيتهن كلهن بكرتون ..امي انتي معي بشو سرحانة امي..هاللوو..

#منال:-هااا اي امي معك...لا بس اخدتني الدنيا ...

#مرام :-ماما ام هيثم برا ..

#منال :-خليها تفووت ..فوتي حبيبتي ام هيثم..