#نقطه. #وثلاث_فواصل،،،
#الجزء_الثاني
#بقلمي #امل_احمد_سلوم (◕‿◕✿)
Telegram:@rwayate
*╚══════ღღ══════╝

حسام : انتي منيحه امي
امنيه : اي
حبيبه : الله يرحم تيته عتاب هاد نصيبها امي
امنيه : 😔
ياقوت : مابدي شوف هالدموع بعيونك بنتي عتاب ماتت بس انا عايشه
حطت راسها على اجرين ياقوت وبكيت بحرقه… كان نفسها تعيش متل اي بنت بكنف امها وابوها ليش لحتى تتحمل غلطهم ليش تحمل وصمة عار ب انها بنت حرام بسبب ام مراهقه واب طايش 😔
ياقوت : ازا بدك مارح كمل كلامي
رفعت امنيه راسها ومسحت دمعتها بكم بلوزتها : لا امي كملي
ياقوت بشك : متأكده ؟
امنيه : اي امي متأكده
ياقوت : كل يلي خبرتكم ياه كان مجرد مقدمة لمأساه حقيقيه عشتها
حبيبه : شو صار اكتر من هيك
ياقوت : رح خبركم

*╚══════ღღ══════╝
Telegram:@rwayate
كان يومها المتمم ل اربعين عتاب…
🍃سنوات تخطت من عمر اقداري .. سريعة ومتشابهه اشعر انها كذلك ؟ 🍃

كل شيئ كان متل ماهو لحتى اجا اليوم اللي قسم عمري لقسمين كما الطوب القاسي حينما ينصرم ويبدو اشتاتا

اخدنا ابي بسيارة جارنا ابو فهد وطلع فينا عالبحر… كان اول مشوار النا من بعد وفاة اختي عتاب… بقيت ازاحم براسي الصغير لحتى وصلت عند الشباك ومديت راسي منه لاسمح لهبات الهوا تمسح فؤادي العليل
كنا فوق بعض وكأنا محشوين بشي علبة سردين .. كان برفقتنا فهد ابن الجيران يلي بيكبرني ب خمس اعوام .. طلع معنا بعد الحاح من ابي لحتى يعتني بالمدلل محمد ولان السياره لابوه
وصلنا للشاطئ .. مشيت ببطئ ب اتجاه البحر كان شعور عظيم بينتابني وقتها .. طفلة صغيرة وثريه بالاحلام تحمل الدهشه والفرح والصراخ والامل والصمت والخوف
كيف لقلبي ان يتحمل كل هالمشاعر المتناقضه
حملت كندرتي وضمتيها لصدري لاني كنت خايفه اتضيع مني ولو ضاعت مارح لاقي شي انتعله بقدمي وقت روح عالمدرسه بنهار الغد
كانت رمال الشاطئ بارده رطبه بعكس حرارة الشمس الملتهبه كانت رماله بداعب ارجلي وكأنها بتدعوني ل اللعب معها
لعبت… لعبت… وضحكت بصوت عالي وكأني بعمري ما ضحكت… نسيت حالي نسيت عتاب !!!!
Telegram:@rwayate
كنت عم ابني قصري مع فهد
بنيتله غرفة نوم كبيره وهو بنالي غرفه كبيره توسع لكل شي… كان نفسي قله ابنيلي غرفه صغيره الي لحالي لاهرب من شخير عمتي جهينه بس مو مهم المهم اني فرحانه وانا قاعده مع فهد عم نبني قصرنا الرملي واشعة الشمس مسلطه فوق جماجمنا… من فرحتنا ماحسينا بلهبها وبقينا مشغولين بقصرنا يلي هدمه محمد وركض تخبى بحضن ابي
فهد : لاتبكي ياقوت هلأ بعملك غيرو
ياقوت : هو اتعمد يدوس عليه ليش هيك عمل
فهد : هاد ولد صغير وانتي الكبيره ما بيصير عروس متلك تتصرف متل الاطفال وتبكي

عروس متلي ؟؟ هالكلمه حفرت خندق جوات قلبي كنت حب يكون موجود معي واتأمل تفاصيل وجهو الحنطي وشعرو الناعم وكفيه الكبار
كان بالنسبه الي الرجل الوحيد على وجه هالارض لاني ماكنت شوف غيرو… وكل سنه كنت اكبر كان يكبر حبو معي

بقينا على هالحال انا وفهد لحتى نسيت نفسي ونسيت اني لازم اهتم ب اختي حنان ولاعب امنيه… كنت حاسه حالي اميره واميري قاعد قبالي عم يبنيلي بقصرنا الخاص فينا… سرحت بخيالي الطفولي لبعيد وماصحاني الا صوت اقدام اخي محمد عم يدوس ب اجريه عالقصر ليهدمه من جديد
ركضت لعند امي ودموعي بعرض وجهي مدت كفيها لتوصل ريحة حناها لاعماقي وبلشت تمسح على وجهي وشعري وتنفضني من التراب
صوت خفي متعب جواتي عم ينادي لامي…
يا امي انا بحبك… . يا امي انا تعبانه

#نقطه. #وثلاث_فواصل،،،
#الجزء_الثالث
#بقلمي_امل_احمد_سلوم (◕‿◕✿)
Telegram:@rwayate
*╚══════ღღ══════╝

ما عدت استنى جيت حنان تقعد بحدي وتمسك ايدي لدلني على عتبات البيت ولا عدت اهتميت لاوقات جواهر الشحيحه… كنت بستنى بزوغ الشمس والنور يلي غاب من سنين
كنت ابكي كتير وما احس بدمعتي… اوقف بالساعات على الشباك اخبط على قزازه الهش واتوسل الشمس ان تشرق
تركت المدرسه فلا مكان للكفيفه هناك
كنت اسأل حالي شو الفرق بيني وبين حنان مدام امي صارت توليني الاهتمام والعطف نفسه سرت مسكينه متل حنان
وعمتي جهينه ما عادت مسؤوله عني متل زمان يمكن هاد احسن شي صار معي عم حس بالراحه وهي بعيده عني ..
كنت حس بوجودها حدي واستدل عليها من ريحة الريحان يلي كانت عادتها بكل يوم تقطف ريحانه وادسها بصدرها
بعدني متزكره اصابعها السمره المنتفخه وعم حس فيها بترفعهم لوجهها لتمسح دمعها المتهدل من عينها .. كنت حس بوجعها المزمن وخيبتها الكبيره عم يطوقوها ويلي كان ابطالها ابي والزمن !
كتير من الليالي سمعتها بتهمس ب اسمه وكنت اكتم هالشي جواتي لاني كنت بخاف منها ولاني بعرف عمتي مابتنحني ابدا
وبليله ظلماء كما عيني بعد ما خلصت من صلاتها نامت قريبه مني مع انها بتكره تنام وحدا منا قريب منها وبتكره المكان اللي بيقربنا منها عنوه وبتحسب المسافه بالاصبع بين فراشنا وفراشها ..
تنهدت بعمق و حسيت ب انفاسها !!!
ياقوت : عمه
جهينه : نامي
ياقوت : مين يوسف ؟
جهينه :……
اطبقت بصمت دون جواب سحبت انفاسي لارجع عيد السؤال واستوقفني صوت بكاها مخنوق بمخدتها … بلعت سؤالي وتظاهرت بالنوم
Telegram:@rwayate
🌿 احتاج انا ايضا ان ادفن وجهي بالوساده ياعمتي… . انتي ضحية ابي كما انا وعتاب… .. وامي… ..لننم جميعا وليشهد الله على مافي قلوبنا💔 🌿

*╚══════ღღ══════╝

امنيه : العمه جهينه كانت عشقانه ؟؟؟
ياقوت : وليش مستغربه بنتي جهينه انسانه من دم ولحم وبين ضلوعها في قلب نابض .. رغم انها بتحاول تبين عكس اللي داخلها بس العمى خلاني ابصر روحها الدفينه… يلي ماحسنت حسها وانا مفتحه
امنيه : وليش ما تزوجت الشخص اللي بتحبو
ياقوت : عمه جهنيه كانت ضحية العنصريه ب اختلاف الالوان
امنيه : الوان ؟؟؟
ياقوت : اي الالوان… . يمكن بعضنا مسلمين بالفطره ومابيعرفوا عن الاسلام الا الشهادتين… . ولولا هيك كان ابي عرف انه لافرق بين عربيا ولا اعجميا الا بالتقوى وحالة عمه جهينه خلاني فكر بشي ليطالعني من مأساتي واقدر انساها
حبيبه : بشو فكرتي تيته
ياقوت : رح تعرفي بنتي كلشي
امنيه : احكيلي اكتر عن قصة عمه جهينه تشوقت لاعرف
هزت ياقوت راسها وتابعت سرد قصتها

*╚══════ღღ══════╝
Telegram:@rwayate
صوت الراديو واغنية فيروز .. نسم علينا الهوى من مفرق الوادي… كان يعلن ان الصبح حل والشمس اشرقت عند الكل عداي… كان هو اللي بيخبرني بوقت الصباح والشمس
صوت فيروز كان بيغني كل صباح لعمتي جهينه ويتكرر بنفس الجمال ليبقى وانا انصت واسترسل مع الالحان وادايق وقت اسمع صوت اصبعها الكبير ضغط على زر الايقاف لتسكت فيروز واسمع صوتها
بعد ماسمعت صوت اقدامها عم تبعد عني اتوكأت على عصاي وتحسست المسجله لاضغط زر التشغيل وعيش مع صدى صوت فيروز وفجأه خطرتلي فكره
ليش ما استعير هالجهاز الصغير من عمتي وسجل عليه رسائل بصوتي اهديها لنفسي بعد سنه… قبل مايبلع القدر صوتي متل ماابتلع بصري وشغلات كتيره مني… .. حسيت للحظه بالفرح واني رح حاكي نفسي اخيرا وبصوتي لكن المشكله كيف استعير شي بيخص عمتي جهينه ؟؟
كيف ممكن تقبل تحكي معي وهي بتكرهنا كلنا لدرجة انها كانت تمضي معظم وقتها مشغوله ب ولا شي .. تخلق من فراغها شغل لتشتغل فيه وتشغل نفسها عنا وعن ذاكرتها اللي بتخليها تضعف وتبكي… ..
كان لازم اعقد معها صفقه وبما اني مابملك شي اعطيها ياه قررت انها تكون صديقتي… ف انا وهيه كنا متشابهات بالخيبات الا ان خيباتها بتفوقني بالعمر……

*╚══════ღღ══════╝
Telegram:@rwayate
امنيه : وقبلت عمه جهينه تصادقك ؟؟
ياقوت ; صداقتنا كانت متل عشاق بيحبو بعض بالسر… يعني قدام اهلي هيه عمه جهينه القويه الصارمه وبينا كانت تفضفض واوقات تبكي
حسام : كل هالشي قدرتي تعمليه وانتي كفيفه ؟
ياقوت : العمى الحقيقي هون يا ابني… واشارت لقلبها……
حبيبه : وشو كانت الصفقه ياتيته وكيف نجحتي فيها
ياقوت : بالصبر والايمان ولاني حدثت قلبها قبل ما يوصل كلامي لاذانها………

*╚══════ღღ══════╝

#نقطة . #وثلاث_فواصل،،،
#الجزء_الخامس
#بقلمي_امل_احمد_سلوم
(◕‿◕✿)
Telegram:@rwayate
*╚══════ღღ══════╝

امنيه : بعدني متزكره تفاصيل هداك اليوم وكأنه كان بالامس
ياقوت : بعض الذكريات لا تشيخ وبتبقى حاضره بخيالنا بكل تفاصيلها
امنيه : كنتي الاجمل بروحك وقلبك ووجهك البشوش
ياقوت ب ابتسامه دافيه : يمكن كنت الاجمل ببصيرتي بنتي
حسام : فعلا انتي جباره ياتيته قدرتي بصبرك وايمانك ترجعي للحياه من جديد
ياقوت : قلت مره في الحياه… . نولد مره واحده ونموت كتيرا… . فعرفت ان بكل موت نحيا من جديد نعود لنرمم بقايانا ونركض ب اتجاه الحياه… وعرفت ايضا ان في كل مره اموت بها اشهد ولادتي من جديد بكل وجعها وبكل التوسلات لله وحده ان يخلصني من الظلام الذي طوقني واماتني حتى حييت بالنور من جديد… لا اقول لك جرب الموت… ولكن جرب الا تموت من اجل شئ فشل ان يحيا بك
حسام : قصدك فهد ماهيك
ياقوت : فهد كان صفحه وطويتها من حياتي وقت شفت بعيوني اللي ابصرت انه ماعاد نفسه هداك الصبي يلي كان يبنيلي قصر وكأني اميره… ادركت بعد سنوات اني بنيت قصري فوق رمال متحركة… التهمتني والتهمت حلم طفولتي
حبيبه : معقول مات الحب بهالبساطه
ياقوت : بعمر الحب مابيموت حتى لو مات ابطال قصة الحب ببقى ارواحهم عالقه بذاكرتنا ومكانتهم بقلوبنا مابيمحها الزمن
حبيبه : حيرتيني ياتيته
حسام : كيف كان لقائك الاول مع فهد بعد كل هالسنين
ياقوت : كان وكأنه ماكان…………… .

*╚══════ღღ══════╝
Telegram:@rwayate
اعلن التلفاز ان غدا هو اول يوم بشوال انه يوم العيد

قمت من فراشي متناسيه كاحلي الملتوي وضلوعي المألمه وقفت عالشباك لاتنفس بعمق وانا عم شوف الالعاب النارية واسمع التصفيق والزغاريد…..
حسيت انه الكل محتفلين فيي وبرجوع بصري من جديد… . خفت غمض عيوني مليت من الظلام ضميت ايدي لصدري وعشت عيدي الاول ب امنيات جديده وامل جديد والكثير من دموع الفرح وتراتيل الشكر لله
ببتسم وبضحك بصوت متقطع بضحك بدمع عم يفور من عيني بضحك ملئ روحي وملئ الحمد

ركضت ولبست منديلي من زمان ماركضت بدون خوف من اني اعانق الجدران او الارض بعد سقوطا او اصطداما مؤلم
كان كل غايتي بهداك الوقت اني ارجع لبيتي القديم لاحضن ذكرياتي الدفينه وصحيها بنشوة امل
نسيت اني بالعشرين من عمري ولازم اتصرف تصرفات بنت ناضجه… . ممنوع عليها الركض بالطرقات والازقه بين الناس متل الاطفال… بس انا فعلا كنت طفله لسه عمري 11 سنه او 12 ما بعرف المهم اني بقلب طفله محتاجة تركض وتضحك وتلعب محتاجة ترفع ايدها لبياع شعر البنات ليتناول القرش اللي ماسكيته بقوه بين كفيها الناعمين لحتى مايفاجأها ولد مشاغب ويسرقه منها
وصلت بخطوات سريعة للمكان اللي انولدت فيه للمكان اللي شهد معي اجمل واقسى ايام حياتي
دفعت الباب بقلب مرتجف… زمان ماحدا زيت الباب عم يصدر صرير لكنه بدا كلحن موسيقي جميل… . تحسست كابل الكهربا لينتشر النور بكل البيت ماعاد بدي ظلام مليت من الظلام
انحبست انفاسي وجرت مني دمعات حاره وانا عم شوف كل ركن وكل زاوايه بالبيت
هون توسدت كفي لاحمي خدي من قسوة ارض اسمنتيه بعد فشلي بدس راسي بين خواتي السته على اربع مخدات
وتحت هالصنبور ياما بكيت من برودة المي وقت كانت عمتي جهينه تثبتني وتسلخ جلدي وهي بتليفني وماتتركني الا قبل ما الفظ انفاسي الاخيره
طاولة امي بعدها بنفس الزاويه بغرفتنا ويلي كانت محرمة علينا دوليا وكتير تمنيت اتناول قلم الحمره ولون شفايفي
ياما عتاب سرقت كحلتها لتبين اكثر جمال بعيون يوسف
وهي الصحون ياما تعبت ب اكل مابنشتهيه ولابنحبه وعمتي جهينه ادسه ب افواهنا الصغيره غصبا عنا
مكان ابي المفضل ليشرب كاسة الشاي بعد نهار متعب وامي تجي تقعد حدو تمسحله عرقه وتغطس اجريه بالمي والملح وعقله عند زوجته التانيه والذكور اللي رح يخلفهم منها
عتبات الدرج بتشهد كم مره طلعت عتاب بموعد غرامي مع ابن الجيران وبعدها حنان واقفه بنفس المكان بتحرسلها رغم انه ماكان منها فايده
هون انولدت امنيه…… وهون ماتت عتاب 💔
هون ضحكت وهون بكيت وهون على حضن الامنيات غفيت… . هون على كتف امي لعبت لعب الاطفال… هون بقايا من بقايا ذكرياتي
( مالي قلبت كاظم الساهر 😂)
Telegram:@rwayate
جلت بنظري بكل البيت لحتى وقع على نص المرايه المثبته عالحيط من سنين… . وقتها اتزكت اني نسيت اهم شي… نسيت شوف ياقوت كيف صارت بعد هالعمر
تقدمت بخوف مستعده لشوف وحده مابعرفها وحده انتقلت من الطفولة للنضوج بدون ما تحس او تشعر بنفسها كيف كبرت
وقفت قدام المراي رجعت لورى وحطيت ايدي على تمي وشهقت… . مين هي 😲 مين انتي ؟؟!!
ماكانت نفس الطفله يلي تركتها من تسع سنوات
عيوني بس هنه يلي بيشبهو حالهم لانهم متل عيوني جدتي عفيفه لولا انهم صارو اكبر وبرمش اطول… انفي محدد وكأنه منحوت بدقه شفايفي النحليه صارت مليانه ولونهم مايل للزهري
كتافي اكبر وبمنطقة الصدر صرت بشبه امي… صرت انثى دفعه وحده… .

#نقطه. #وثلاث_فواصل،،،
#الجزء_السادس_والاخير
#بقلمي امل احمد (◕‿◕✿)

*╚══════ღღ══════╝
Telegram:@rwayate
كنت أحاول البقاء بجانبك بأي طريقه ، و لكنك لم تفهم ذلك بالشكل الصحيح ، كنت أقاتل من أجلك ، حتى وجدت أني من قتل 💔

رجعت عالبيت بس ما رجعت اجر خيبتي واحلامي وجروحي… كنت اقوى من عمتي جهينه ودفنتهم بعقر دار فهد وكملت طريقي وكأن شيئا لم يكن… .. كنت شايفه ابتسامه عالقه بثغر امي وماعرفت السبب… . يلي بعرفه اني بعشق ابتسامتها على وجهها الجليل
جواهر : شفتي خديجه ماكانت كتير حلوه
روان : عنجد ماتوقعت فهد يتزوج وحده هو احلا منها
جواهر : يمكن لانها غنيه وطمعان بفلوسها
روان : اللي بيسمعك بيحكي فهد بحاجه !! لك ابو فهد تركله ثروه كبيره غير البيوت والبساتين… . شكلك نسيتي انه العز اللي احنا فيه من ورثة حنان ؟؟
جواهر : لا مانسيت بس في ناس طماعه مابيشبعوا
روان : لا لا فهد مو من هالنوع… فهد متعلم ومتحضر… . ولا شو رأيك ياقوت
ياقوت : رأيي انكم تقوموا تغيرو تيابكم ودعوا الخلق للخالق
جواهر : اي شو حكينا اختي عم نتساير
ياقوت : تسايرو بشي تاني غير لحمة الناس
روان : معك حق اختي… انا رايحه شوف امي
نطت جواهر وقعدت قبالي عالتخت
جواهر : شو صار معك حكيتي مع ابي
ياقوت : اي وناطره منه رد
جواهر : المفروض انك تطلبي رأي حنان المال مالها
اطلعت بحنان يلي كانت قاعده عطرف تختها وعم تطلع فينا… . ياترى فاهمه شو عم نحكي… ياترى حالتها الها علاج ؟؟
ياقوت : حنان رح تكون معنا لاتنسي انها بتعرف تخيط وتشتغل عالماكينه و بالنسبه لابي متأكده رح يوافق
جواهر : الحمد لله اللي ردلك بصرك… . مو مصدقه انك شايفيتني وتحولتي من دميه كنا نحركها لشابه كلها طاقه وامل
هزيت راسي وحمدت الله ملئ الحمد وملئ الشكر وقمت من مكاني شلحت ثوبي الاصفر وعلقته مكانه ودخلت عالحمام ونزلت تحت المي البارده… ماكان ينقصني وقتها الا ايدين عمتي جهينه وتعذيبها بكل حمام

*╚══════ღღ══════╝
Telegram:@rwayate
حبيبه : وبهيك دفنتي حب سنين !!
ياقوت : قلتلكم الحب مابيموت بس بوقتها كنت قدام تحدي مع ذاتي
حسام : فعلا قمة التحدي تحدي الذات … اكون او لا اكون
ياقوت : وهاد بالتحديد يلي كنت اسعى لاثبته لابي ولفهد ولكل العالم ومن قبلهم نفسي
امنيه : كان مشغل الخياطه كبير وكل خالاتي بيشتغلوا فيه
حبيبه : بس انتو يلي بالمشغل
ياقوت : بالبدايه كنت انا وخواتي مع امي والعمه جهينه وكان لاخواني محمد ومحمود دور كبير بتوصيل الطلبيات للمصانع اللي بالمدينة حتى ابي اشتغل معنا وكان المسؤول عن التعامل مع التجار رغم انه بيكره تجار الحرير
حبيبه : وبهيك صار عندكم دخل منيح
ياقوت : كله كان بفضل اللہ اولا وجهودنا الجماعية ثانيا واصراري اني كون شي مهم واثبت كياني واطلع من دائرة الظلام والتهميش…
امنيه : فعلا كنتي مثالي الاعلى
حبيبه : ومافكرتي بالزواج ؟؟؟؟؟؟
ياقوت : بعد عرس فهد اجاني خطاب وهاد كان سبب الابتسامه على وجه امي بس انا رفضت واللي تزوجت اختي جواهر وبعدها روان وفرطت مسبحة خواتي وكل وحده التهت ببيتها وزوجها وولادها
حسام : والمشغل ؟؟
ياقوت : كان المشغل بهالوقت بقمة انجازاته وبقيت معي امك وخالتك حنان وامي وعمه جهينه وبعد خمس سنوات من الشغل والثبات والانجازات… صار مشغلنا من اهم المشاغل واكبرها بالمنطقه… . وسرت شغل معي اكثر الخياطات كفائه
حبيبه : وبقيتو بالقريه ؟
ياقوت : لا انتقلنا للمدينه وهناك اسست مشغلي الخاص من حر مالي
حسام : والمشغل القديم
ياقوت : صار مستودع
حبيبه : وبهيك اثبتي نفسك
نزلت ياقوت راسها ونزلت منها دمعه : فعلا اثبت نفسي لكن بعد خمس سنوات تانيه من الشغل والكفاح حنت للقريه واصرت ترجع لبيتنا القديم وياريت ما رجعت 😔
حبيبه : ليش شو صار ؟؟؟

*╚══════ღღ══════╝
Telegram:@rwayate
عـــــــوده للماضـــــــــي

وقتها كان عمري 30 سنه… كان غبار الزمن عم يتجمع على وجه امي وابي وحتى العمه جهينه ومرضت امي كتير ورقدت بالفراش حاولت معها اخدها عالمشفى للتعالج رفضت ماكان ع السانها الا كلمه وحده

سعاد : بدي اموت ببيتي القديم
ياقوت : بعيد الشر عنك امي رح تتعالجي وتخفي وترجعي متل الاول
سعاد : استوى العدس يا امي
ياقوت : اي عدس ؟؟؟

#نقطه. #وثلاث_فواصل،،،
#الجزء_الاول
#بقلمي_امل_احمد_سلوم.(◕‿◕✿)

*╚══════ღღ══════╝
Telegram:@rwayate
ب امسيه صيفيه جميله كانت العيله عم تحتفل بعيد ميلاد جدتهم ياقوت يلي بلغت من العمر ستون خريفا ..
تزين البيت ب احلا زينه 🎀🎈🎀وتجملت السفره ب اشهى اصناف الحلويات🎂🍧🍨🍩🍯🍹🍨 ومابقي عليهم الا يطفوا الضو وينطرو الجده ياقوت لتفتح الباب ويفاجئوها
حسام : اجت تيته خلص هص ولا صوت
حبيبه وهي بتحاول تكتم ضحكتها : هههه مو قادره حاسه حالي رح انفجر من الضحك
حسام : مو وقت خفة دمك هلأ ست حبيبه اكتمي 😡
حبيبه : هه 🙊
امنيه (ام حسام). : يالله استعدو ياولاد… واحد… اتنين… تلاااات مفااااااااجأه 🎈🎊🎉
💫🥳✨✨🎊🎉🎇🎊🎉💮🥳🎊🎉🎀🌸🎊🎉🥳💫🌠🥳⭐️🎉🎊🌺🌟💫🎊✨🎀🥳🌠🥳🌸🎇🎊🎉

الكل : كـــــــــــ♡ـــــــل ؏ــام وٲنتـــ♡ـــي بخـــــــ♡ـــــــــير

ياقوت بفرح وابتسامتها الدافيه على ثغرها الحنون : شو هاد ياولاد
امنيه : العمر كله امي ايدك
ياقوت : الله يرضى عليكي
حسام : عقبال مية سنة تيته
ياقوت : تسلملي حبيبي
حبيبه : هاااابي بيررررث دي تووو يووو العمررر كلوووووو تيته 💋
ياقوت : ههههههههه العمر كله الك يا روحي
امنيه : يالله تعي للتتمني امنيتك و تطفي الشموع
قربت ياقوت واطلعت بقالب الكيك يلي انغرس فيه ست شمعات وبالنص شمعه برقم 60 تبسمت وهي بتطلع ب امنيه بنت اختها يلي ربتها بعد وفاة امها ورهنت حياتها الها وبس
غمضت عيونها وحكت بقلبها : يارب ماتخلي ضحكة امنيه تغيب عن وشها وفرح قلبها بولادها واجعلهم فيها من البارين
Telegram:@rwayate
وبعدا فتحت عيونها ونفخت عالشمعات وسط تصفيق الكل وابتهاجهم
كانت حفله بسيطه وعلى قدهم بس الفرحه بعيونهم وقلوبهم كانت كبيره
واخيرا اجا وقت فتح الهدايا
تقدم حسام وباس ع ايدها وقدملا اول هديه… فتحتها بفرحة طفله بتستقبل هدية 🎁 ميلادها السادس لا الستون
اطالت النظر للهديه وهربت منها دمعه مسحتها بمنديلها الحريري… كانت الهديه عباره عن لوحة مرسومه بريشة ياقوت ابو حجر وهاللوحه كانت اول لوحه بتفوز فيها بالصف السادس الابتدائي واحتفظت فيها بالعليه لحتى طوى عليها الزمن
اما حبيبه كانت هديتها مسجله قديمه اغلب كبساتها تناثرو ومثبته بشريط بلاستيكي… ومجموعة اشرطة كاسيت قديمه مسجل فيهم صوت ياقوت وهي عم تبعت رسائل لنفسها وكانت بكل رساله تحكي… الي بعد عام
حطت ياقوت ايدها عقلبها وهالمره ماقدرت تمنع دموعها من الانهمار بكثرة
اخر شي اجا دور امنيه… . حضنتها بقوه ومسحت دمعتها الحاره يلي حرقت قلبها لانها كانت مابتحب تشوف دمعتها ابدا واردفت من بين شهقاتها : كل سنه وانتي معي ياامي 😭
ياقوت وهي عم تتحسس وجه امنيه وبتتزكر طفولتها : كل سنه وانتي شمعة حياتي وعكازي اللي بستند عليه بسنيني الباقيه
Telegram:@rwayate
امنيه : تفضلي امي
بكل اهتمام اطلعت ياقوت عالصندوق يلي قدمتلا ياه امنيه وبكل طفوله بلشت تحلحل ربطات الهديه لتعرف شو فيها وانصدمت وقت شافت عصاها يلي حفرتلا عليه اختها جواهر اول حرف من اسمها ومرايه مكسوره كانت بيوم تتوسط غرفتها وثوب اصفر لبنت بعمر سبع سنين
ابتسمت من وسط دموعها واطالت النظر بعيون امنيه
ياقوت : رحتي عالبيت القديم
امنيه : بصراحه ايه
ياقوت : وسمعتي التسجيلات
حسام : كلنا سمعناها تيته
حبيبه : بس ما عرفنا مين فهد 🙈
امنيه : عيب يابنت
حبيبه : شو حكيت يا امي
ياقوت : اتركيها امنيه يمكن صار الوقت لتعرفوا قصة تيته ياقوت
حسام بلهفه : اي والله ياتيته كتير عندي فضول لاعرف
ياقوت : لكن اقعدو لقص عليكم قصتي
امنيه بحزن : ازا بتدايقي بلاها امي 😔
ياقوت : كل شي صار معي اصبح من الماضي بنتي خليني احكي للاولاد قصتي لياخدو منها العبره
حسام : كيف يعني عبره ياتيته
ياقوت : يعني تعرف ايمت وكيف تحط لاحزانك #نقطه. #وثلاث_فواصل ،،،