#اختفاء_طفلة
#الجزء_الاول
نورا وعلي اثنين تزوجو زواج تقليدي حبو بعض بعد الزواج
ولهلأ بعد 15 سنة زواج الله رزقهم بولد
نورا:حبيبي حبيبي هات البشارة
علي :شو في حياتي
نورا:انا 😌
علي :انتي شو ..مالك اشي حبيبتي فيكي اشي
نورا :لالا حبيبي ما في اشي بس حبيت اقلك تفكر باسم ولد لابننا المستقبلي
علي :شوووو انتي حامل ... يا الله واخيرا رح اصير اب الحمد والشكر الك يا رب
وحمل نورا وحطها على تختها
علي :من اليوم ما بتعملي اشي بالبيت رح اجيب اختي تعمل كل اشي
نورا :بس حبيبي انا...
علي:انتي هلأ مسؤولة عن ابني بدك تسمعي الكلمة
نورا:حاضر حبيبي
علي اهلو توفو وعندو بس اخت وحدة
نورا كان عندها اخت واخ واهلها عايشين
اخت علي (زمردة) كانت تكره نورا كتير وتحاول دايما تعمل مشاكل بينها وبين علي وولا مرة نجحت
علي :زمردة حبيبتي من بكرة بتيجي بتنامي عنا وبتساعدي نورا
زمردة :وليش شمالها ست نورا
علي:حامل🙈
زمردة :الف مبروك اخي فرحتلك وخلص ان شاء الله بكرة بكون من الصبح(زمردة في عقلها :الله يقطعها من اول ما حملت وبلشت تتحكم فيه والاقطع انو بدها اياني انا اروح اشتغللها اي والله لاورجيها الويل )
تاني يوم راحت زمردة وكلها حقد لبيت علي
زمردة :صباح الخير
علي :صباح النور حبيبتي
نورا:صباح النور والله انا اسفة بديش اتعبك معي بس بتعرفي اخوكي
زمردة :لا ولو حبيبتي اذا انا ما ساعدتك مين رح يساعدك بعدين احنا زي الخوات
نورا ما كانت تحس انو بينهم اشي وكانت تعاملها معاملة كتير منيحة
#يتبع

#اختفاء_طفلة
#الجزء_التاني
زمردة بلشت تساعد نورا عشان تكسب ثقتها بس كانت بتخطط لتنتقم من نورا عشان الذنب الي ارتكبته وهو انها تزوجت اخوها الوحيد
زمردة :اصحي ست نورا اصحي
نورا:خير زمردة في اشي
زمردة :اه في
نورا :ان شاء الله خير
زمردة :من وين الخير وانا من الصبح بشتغل وبنظف وحضرتك نايمة.
نورا : حبيبتي والله بعرف انك بتتعبي خلص اليوم بحكي لعلي انو يجيب خدامة تعمل كل اشي
زمردة:لأ طبعا ما رح اخليكي .. عشان اخوي يحقد علي اصلا هاد الي بدك اياه
نورا:لا والله بس عشان اريحك
زمردة : اذا بدك تريحيني عنجد هلأ بتروحي بتعمليلي فنجان قهوة
نورا :والله ما بقدر تعبانة كتير
زمردة : شغل الحوامل ما دخلني في يلا روحي بسرعة
نورا :ماشي
راحت نورا بدها تعمل قهوة وهي بتنزل على الدرج داخت ووقعت واغمى عليها
زمردة :يي علينا هلا وقتك
..............
على الهاتف
علي :شووو كيف صار هيك مش قلتلك انا ما تخليها تتحرك
زمردة:والله ما دخلتي ما ردت علي بدها تعمل قهوة قلتلها انا بعملها بس ما رضيت
علي:اتصلي على الاسعاف اني هيني جاي
زمردة :ماشي
اجت الاسعاف واخدت نورا
في المستشفى
علي :دكتوور طمنني
الدكتور :المريضة حالتها منيحة هاد الشي طبيعي في فترة الحمل بس لازم ما تخلوها تتحرك
علي:طب الولد صار في اشي
الدكتور :لا الحمد لله اقدرنا ننقذ حياة الام والبنت
علي : بس الجنين ولد
الدكتور :كانو تؤام ولد وبنت بس خسرنا الولد
علي :ماشي دكتور بس ممكن اطلب منك طلب
الدكتور :تفضل
علي : دكتور نورا ما كانت تعرف انو تؤام ممكن ما نخبرها
الدكتور :احنا بحالات زي هيك منخلي القرار للزوج
علي:اكك دكتور شكرا غلبتك
دخل علي على نورا وشاف زمردة جنبها
علي :انتي لسا الك عين تقعدي هون
زمردة:هدي يا اخي انا ما دخلني هي ما ردت علي
علي:انا ليش جايبك ؟عشان هي تنزل تعمل قهوة 😠😠😠
زمردة :اسفة اخي بس انا ما قدرت امنعها
فتحت نورا عيونها
علي :واخيرا نورا فتحتي عيونك كيفك حبيبتي
نورا :الجنين منيح
علي :الجنين بافضل صحة وانا قررت الاسم شو رح يكون
نورا:شو
علي :غزل
نورا:بس الجنين ولد
علي :لا بنت هلأ الدكتور فحصك وخبرني
نورا:الي من عند الله يا محلاه
طلعو من المستشفى وزمردة زاد حقدها على نورا وشرارة الانتقام زادت
بالبيت
علي :هلا ست نورا من اليوم ورايح ما بتقومي من التخت فهمتي
نورا :ماشي حبيبي بس انا ما
علي :ما بدي بسبسة بدي تردي علي بس
نورا :حاضر حبيبي
علي :زمردة ما بدك تهنيها بسلامتها
ن
زمردة :طبعا اخي ... الحمد لله على سلامتك مرت اخي
نورا :الله يسلمك
مرت الايام وولدت نورا بنتوتة بتجنن وسموها غزل
بس زمردة لسا ما نسيت انها تنتقم
وخططت انها تروح على المستشفى
#يتبع

#اختفاء_طفلة
#الجزء_الثالث
زمردة ما نسيت انها تنتقم وخططت انها تروح على المستشفى
راحت عند المسؤول عن الخروج واقنعتو بطريقة انو هي جاي تاخد البنت وامها تعبانة بالبيت عشان هيك ما اجت وفعلا قدرت تاخد الطفلة وتروح
علي :يا الله يا زمردة ليش ما بتردي
نورا :بتكون بالطريق وما بتقدر ترد .. روح جيب غزل خليني اشوفها مرة تانية والله اشتقتلها
علي :لسا هلأ اخدوها خليها تنام شوي
نورا :طب خلينا نروح ونتفرج عليها وهي نايمة
علي :طيب ماشي يلا
...............
نورا :علي وين البنت
علي :لحظة اسال .... دكتور بدي اسالك كانت هون بنتي اسمها غزل وين نقلتوها
الدكتور :غزل علي اخرجوها قبل شوي
علي :لحظة دكتور انت اكيد مخربط بنتي ما حدا اخرجها
الدكتور :لا ابل شوي اجت عمة البمت واخدتها بهويتك وحكتلنا انو انت ما بتقدر تيجي
علي :كيف يعني اي حدا بيجي بياخد البنت وبروح
الدكتور :استاذ علي روق احنا ما منطلع الا على هوية الاب او الام
نورا:يعني وين بنتي هلا
علي :حبيبتي هدي اكيد رح ترجع
رن التلفون وكانت زمردة
علي :الو زمردة وينك ووين البنت وليش اخدتيها
#يتبع

#اختفاء_طفلة
#الجزء_الرابع

زمردة :انا بمكان بعيد اذا بدك ترجعلك بنتك سالمة لازم تنفذ شرطي
علي :زمردة شو مالك انا اخوكي الي بيحبك وبتحبي ليش هيك بتعملي
زمردة :من وقت ماجت هالحية وانت مبعّد عني وهلا صار وقت اني انتقم منها
علي :طب شو شرطك
زمردة :انك تطلقها ونسافر مع بعض برا البلد وما نرجع ابدا
علي :بس كيف هيك يعني نورا شو عملتلك
.....بهالوقت كانت الشرطة بتحدد وين مكان المكالمة
نورا:الله ينتقم منك بس هالطفلة ما عملتلك اشي لسا ما وعيت على الدنيا
علي :اسمعيني منيح اذا بصير ببنتي اشي والله لادفعك الثمن غالي
الشرطي :استاذ علي اقدرنا نحدد المكن وهلأ متجهين الو
نورا:شكرا الك يا رب
وراحو الشرطة على مكان زمردة
الشرطي :وقفي مكانك انتي محاصرة سلمي حالك احسنلك
علي :زمردة اذا سلمتي حالك بسامحك وبتركك تروحي
زمردة : لا يا اخي انا بدي مصلحتك صدقني هاي الحية ما رح تجيبلك الا وجع الراس
نورا:ولك الله لا يسامحك انا عمري ما غلطت معك وعاملتك زي اختي واحسن
...الشرطة غافلوها واخدو منها البنت
علي : استنو شوي بدي احكي معها
زمردة:انا ما بدي احكي معك اكيد هاي ساحريتك لتعاملني هيك
علي:ولك انتي خطفتي طفلة ما الها ذنب وبتسالي ليش بعاملك هيك
رجعت غزل لحضن امها وابوها وهي باحسن حال وزمردة اخدت عقابها بالحبس لمدة 10 سنيت لتهمة الخطف و5 سنين بتهمة التهديد بالقتل
وعاشو كلهم حياة حلوة بس بخوف من انهم يامنو على اي حدا حتى لو كان اقرب شخص
#انتهت