#حب_قادم_من_بعيد..
نرمين:ياااااربي شو اعمل انا ليش الكل بلومني لالي انا شو ذنبي اذا مافي الي حظ في هالدنيا متل هالبنات الكل بتجوز وانا لا طب انا شو اعمل اذا نصيبي مااجا
مها:حبيبتي خلص ماتفكري كتير بكلامهم انتي مش عارفة الناس بدها شي وتحكي فيه خلص سبيكي منهم
نرمين:اااااخ يامها كتير بجرحوني بكلامهم 😢😢
مها:ماتبكي حبيبتي وكلي امرك لربك واكيد حتبقي احلى عروسة واحلى جوازة حتكون الك وبكرة بتقولي مها قالت😉
نرمين:الله مايحرمني منك انتي دايما اللي بتهوني عليا همي...
نسيت عرفكم عن حالي انا نرمين عمري 25سنة بس الكل بلووومني مع اني مش كبيرة كتير بس كل البنات اللي بعيلتنا واللي بعمري اتجوزو بدري وصار عندهم اولاد وانا كدة صرت بنظرهم عانس لاني لهلأ ماتجوزت..طبعا طولي مناسب وجسمي حلو وقمحية عيوني وساع لونهم اسود رموشي طوال شكلي كان كلو منيح ومقبول وبتقدرو تقولو حلوة😁😁 ودارسة ادارة اعمال بس مابشتغل حظي جاااي عكسي لا بالوظيفة ولا بالجوازة زابط معي وعايشة انا وامي وابي واخي وحالتنا ميسورة والحمد لله..ومها بتكون صحبيتي وهي متجوزة بس لسة الله مارزقها بيبي وبتتعالج وانشاءالله الله برزقها..
مها:يلا حبيبتي انا صار لازم روح هلأ احمد بعصب علي😘😘
نرمين:😘الله معك حبيبتي ديري بالك على حالك.
راحت مها من عندي وانا بقيت بغرفتي مارضيت اطلع لبرا لاني عارفة هلأ امي وابي زعلانين كتير ومابدي شوفهم وزيد همي بسبب حزنهم عليا لانه كل ماحد يشوف اهلي بضلهم يطقو وينقو وليش لهلأ ماتجوزت وليش ماتوظفت وبقيت بغرفتي افكر بحالي وادعي لربي يبعتلي ابن الحلال اللي يسعدني ويهنيني او لاقي شي وظيفة تكون منيحة تسكتهم عني شوية... ونمت وانا بفكر بحالي وماصحيت الا على صوت الباب عم يندق عليا وصوت امي بتقولي: قومي يانرمين عشان تفطري معنا ومع ابوكي قبل ماينزل على شغلو بدو يشوفك
نرمين:اي امي جاي بس لحظة غسل وجهي وبكون عندك
امي:اي يلا ماطولي
نرمين:صباح الخير
احمد اخي وبابا وماما:صباح النور
قعدت على السفرة وافطرنا قومت ارفع مكان ماافطرنا ابي سيبي من ايدك يابنتي وتعالي بدي احكي معك بموضوع
نرمين:حاضر بابا
رحت على البرندة انا وبابا وقالي اقعدي بنتي وكان عم يطلع فيا وعيونو كلها مليانة حب وحنان لما كنت اطلع بعيون ابي انسى همي والقى فيهم الدفى والحنان
بابا:اسمعي يابنتي انا بعرف انك زعلانة من كلام الناس واسألتهم اللي مابتخلص ما تفكري فيهم وانسيهم وشوفي حالك انتي لساتك صغيرة وماتسمعي لحد وانا وامك لوتقعدي العمر كلو عنا مابنزهقك انتي قطعة منا واللي بزعلك بزعلنا واحنا مابنزعل الا على زعلك مابنزعل من كلام الناس وماتفكري انه انتي تقيلة علينا او شي انتي نور عنينا انتي واخوكي والله يخليلي اياكم ومايحرمني منكم
نرمين:😢😢
ابي:شو بنتي انا بحكيلك هالكلام عشان تقعدي تبكي وتزعليني ولا عشان شوف ضحكتك الحلوة
نرمين:☺الله مايحرمني منك يارب
ابي:تعي بنتي تعي بحضني
حضنت ابي وبوسته من خدوده😘😘
ابي:يلا يابنتي روحي ساعدي امك انا هلأ لازم روح على الشغل
نرمين:حاضر بابا الله يسهل عليك
#يتبع...
#الجزء_التاني..
رحت انا على المطبخ لعند ماما لحتى ساعدها بالبيت وبابا راح لعند الباب ليروح على شغلو لحقتو امي وقعدت تحكي معه
ام احمد:شو ابو أحمد حكيت معها
ابو أحمد:اي حكيت معها وهي هلأ ارتاحت شوي خليها تطلع تغير جو عند حدا من رفقاتها
ام أحمد:ماشي رح حاكيها انا هلأ واقولها تطلع شي مكان تغير جو
ابو أحمد:اي ماشي لكان انا هلأ لازم روح على الشغل سلام
ام أحمد:الله معك
وسكرت الباب امي ورا ابي واجت على المطبخ
ام أحمد:شو بنتي كيف صرتي هلأ انشاءالله احسن
نرمين:الحمد لله امي انا بخير ماتاكلي همي
والله ياامي انا مابزعل من كلام الناس لالي انا بزعل عليكم انتي وابي لما يقعدو يحكو واكون انا السبب بهادا الحزن اللي بصيبكم
ام احمد:له يابنتي اوعي تحكي كدة احنا مابنزعل منك واحنا مابهمنا كلامهم احنا بهمنا نشوفك مبسوطة ودايما ضحكتك ماتفارقك
نرمين:😢😢الله مايحرمني منكم ياامي انتي وابي واخي احمد
ام احمد:ماتبكي ياقلبي انتي تعي بحضي الله مايحرمنا احنا منك ولا من قلبك الطيب اللي ماحد بعرف قيمته
نرمين:😢😢
حضنت امي وحطيت راسي على صدرها وصرت ابكي لحتى طلع كل الحزن اللي جواتي
ام احمد:ابكي حبيبتي ابكي واتخلي شي بقلبك
احمد:شوووو ام احمد انتي بدل ما تخففي عن البنت وتقوليلها ماتبكي بتقوليلها ابكي😂
ام احمد:انا بخليها تبكي انا بس بخليها تفضفض وماتحمل بقلبها
احمد:شو نرمين خانم عم تدللي واخدتي كل الدلال الك وانا نسيوني
نرمين:👃👃في ريحة شي شايطة امي
ام احمد:لا مافي شي بنتي على النار
نرمين:😂لك هادا احمد امي شاط من الغير

ة😜😜
ام احمد واحمد ونرمين:😂😂😂😂
احمد:اي كدة بدي شوف ضحكتك الحلوة ومابدي شوف هاد الوجه مكشر والعيون الحلوة عم تبكي
نرمين:حاضر اخي وانا مارح ابكي بعد هلأ ولا رح يهمني كلام الناس من يوم وطالع
ام احمد:اي كدة بدي اياكي يلا هلا اطلعولي

#الجزء_التاني
#فوضى_الحياة
3/5 2018
ادهم : حكيلي عنك وعن مهاب واهلك قبل الحادثة وشلون كنت تتعاملي معو
زهرة : مهاب كان ادي بالعمر وكنا ندرس سوا بس بسبب حالتو المادية والجيش ترك الجامعة من السنة الاولى لان يادوب معاشو كان يكفي مصروفو ومصروف الجامعة والجيش ورغم كل هاد انا ماهمني لان كنت شوف بمهاب الشخص يلي عنجد بلاقي حالي فيه وبكملني ومتأكدة حعيش بسعادة معو لانو مستعد يضحي بروحو كرمال كون فرحانة مهاب كان يحبني حب كبير ومو ممكن وصفو عالورق وهاد الشي خلاني اتعلئ فيه عدا انو المصاري بنسبة الي مو كلشي بالدنيا السعادة الروحية وراحة البال والاحتواء من الشخص الاخر هو الاساس صح كلامي خيالي وكتير من الاشخاص حينتقدوني عليه لان الواقع اصعب من كلمة حب بس انا بشوف الصح بمبادئي وجاهزة لاتحمل اعباء الحياة مقابل كون مع الشخص يلي برتاح معو .
وللاسف اهلي مابآمنوا بهالكلام و بيطمحولي للاحسن ومارح يقبلوا وهالشي مخوفني انا ومهاب بس آملنا بالله وحبنا القوي مصبرنا لنتحمل كل الظروف ونواجها
ادهم : طيب حكيلي عن حياتك انت
زهرة : حياتي كانت عادية جامعة الصبح برجع عالبيت بساعد امي شوي وبدرس وبدرس اخواتي وبحط راسي وبنام كنت دائما اتمنى لو بصير تغيير بحياتي واخلص من الروتين الممل يلي عايشة فيه بس متلي متل كتار حياتنا عبارة عن خط زمني ومراحل عم تتكرر من شخص لتاني حتى الموت وماكنت متوقعة انو نقطة التحول بحياتي تكون بهالشكل البشع يلي لما بتذكر هفوات منا بتمنى موت وارتاح
ادهم : طيب حكيلي عن مهاب اكتر يعني الجانب العاطفي يلي بيربطكم
زهرة : كان احلى شي بحياتي حبي لمهاب وحبو الي حب ولا بالاحلام طلعاتنا فوتاتنا ذكرياتنا واسمينا المحفورة على كل شارع وكل شجرة وكل حيط عم احكيلك وانا عم اتخيل كل شريط حياتنا سوا
ادهم : هاد الشي كتير حلو وواضح انو ذكراه بتفرحك كتير
زهرة : اي كتير
ادهم : بهمني كتير اني ضل احكي معك بالاشياء الحلوة ويلي انت بتحبيها لنقدر نتواصل اكتر
زهرة : شكرا الك دكتور
--------------
يتبع

#بقلم_رند_محمد
@rwayate
#الجزء_التاني #انتقام_ازرق

- مع مين كنت عم تحكي مبارح وقلتلا حيوانة ؟

- حمزة " رفع راسو بسرعة وترك الاكل " : ليكي رانيا ازا بتتسمعي ع تلفوناتي وبتتنسطي عليي ، رح يصير شي مايعجبك ..

- رانيا : لا ابداً بالصدفة سمعت وصار عندي فضول اعرف ..

اتطلع فيني بطرف عينو وهز راسو .. ترك سندويشتو وقام عن الاكل ..

ئمت كاسات المي ورحت عل مطبخ ..
اجاني تلفون من امي

- رانيا ؛ امي شتقتلك كتير

- امي : و انا كمان حبيبتي ، اتصلت لاخبرك انو عرسي انا وعمك ابو حمزة رح يكون بكرا

- رانيا ؛ كيف بكرا ! مو عأساس الاسبوع الجاية ..

- امي : اي شوبدنا نساوي تيسرت امورنا ..

- رانيا ؛ اممم نشالله التمام لخير .. يلا باي ..

سكرت و انا مقهورة .. ماعم بئدر اتقبل فكرة انو رجال تاني يجي محل ابي ..

قضيت اول اسبوع من حياتي مع حمزة وبالبيت البعيد و كان كلو تمام ، كل يوم رتب بيتي وضل اعدة حضر اكلة واستنا حمزة متل حياة اي تنين ..

لحد مابيوم من الايام انقلب كلشي رأساً على عقب ..
بعد اول اسبوع حمزة اتغير كتير ..
صار يرجع ع البيت متأخر ومعصب و الحيطان عم تسندو ..

بيوم من الايام كنت سهرانة لحالي ، خايفة كتير من العتمة وصوت الكلاب حولين بيتي عما يرن رن ..

مافي ولاصوت هدوء قاتل ، اعدة ع ضو الشمعة حاسة حالي ضابعة مافي حدا حوليي لا امي و لا زوجي ولا حدا ..

فجأة برن تلفون البيت .. ركدت بسرعة لرد ..

- رانيا : الوو

- مدام رانيا ؟

- رانيا : اي تفضلي مين معي

- السيد حمزة عنا بقسم العناية المشددة ، عامل حادث بسيارتو ياريت يجي بسرعة ..

مبعرف كيف رميت التلفون من ايدي و انا عم اقتل بحالي ، الدنيا ليل ومابعرف كيف بدي اوصل للمشفى ، لبست و اخدت جزداني وطلعت بسرعث من البيت ..

وقفت تكسي وبوجهي ع المشفى ..
فتت و انا مو شايفة بعيوني من البكا ..

- رانيا : كيفو حمزة ؟ طمنيني ببوس ايديكي

- الممرضة : الحمدلله الشب كتير منيح واتحسن .. بس الصبية يلي معو حالتا مو مستقرة ..

(( صدمتني وقت حكت هيك .. ))

- رانيا : مين عن اي صبية عم تحكي ؟

- الممرضة : مرتو

- رانيا ؛ انا مرتوو !! مين البنت يلي معو

- الممرضة : مدام هاد العقد كان بجيبتو وهو عقد زواج

- رانيا : لاااا مستحيل ، لك شو عم تحكي انا مرتو والله

اعدت ع طرف الغرفة يلي هو فيها وصرت ابكي ، حاسة بالضعف مافي حدا حوليي .. في كذب كتير ماعم بعرف اكشفو .. جوزي مين هو !! شو عم يعمل ؟

فتت لعندو ع الغرفة و انا جمدانة و مو طايئة احكي معو

- رانيا : كيف صرت ؟

- حمزة : اخخخ الحمدلله ، بس راسي عم يوجعني ..

- رانيا : يلي اسما سعاد صارت احسن

- حمزة " تلبك كتير " : مين سعاد !؟

- رانيا : مرتك سعاد شبك ..

- حمزة : انتي مرتي شو انجدبتي

- رانيا ؛ اممممم وهاد العقد شووو ؟ رح ورجيه لابوك وهو بيتفاهم معك ..

صار يترجاني ما احكي لحدا ويقلي يلي بدك ياه بصير من ايدك هي لإيدك هي مستحيل زعلك وشو ماطلبتي بيحضر بش لاتحكي لأبي الله يوفقك والله اذا حكيتيلو بتدمر انا ..

انا كنت مستعدة انو خليه يحترئ و اتفرج عليه بدي ياه يموت قهر ينذل يصير معو كلشي بشع .. لانو خان وبدون سبب ..
تركتو عم يحكي مع حالو و درت ضهري ، طلعت وسكرت الباب ورايي ..

بعد كم ساعة الدكاترة اتطمنو انو حالتو صارت مستقرة ومافي اي خطر ع حياتو
طلع حمزة من المشفى لان ماكان فيه شي وبقيت سعاد هنيك ، اتكلف حمزة بمصاريف المشفى و. العلاج و الادوية ، حتى هي ماكان فيها شي خطير مجرد كسرين بأيدا و رض برجلا وشوية جروح سطحية بس للاطمئنان بقيت هنيك ..

رجعنا ع البيت وماني طايقة احكي معو ، كل الوقت كنت مشمئزة حاسستو شخص غريب عني عم يحكي معي ومارد عليه ، طول ابوقت وهو عم يحاول يقنعني انه ما احكي لحدا

بعد كم ساعة وصلو امي و عمي ابو حمزة كانو خايفين كتير ومتوترين ..
بس خوف حمزة والارتباك يلي بوجهو كان اكتر من خوف ابوه عليه ، حتى خوفو كان اكتر من وجعو !!
اول ماشاف ابوه وجهو صار اصفر ..

وماعد عرف يحكي ، بلش بتطلع فيني وهو متلبك ..
، مابعرف شو السبب يلي خلاه يخاف كل هالئد ؟؟

بس بوقتا قررت اعرف شو يلي خلاه يخاف وليش مابدو ابوه يعرف بالزواج هاد ، خبيت العقد بمكان مايقدر يعرفو .. تحت سجادة التخت

بلشت اسحبو بالحكي بس ماكان عم ينطق بحرف ..
مع هيك ما يئست وضليت عم حاول ..

مرئ اول اسبوع و انا وحمزة ماعم نحكي مع بعض ..
تقريباً متل الرفقات عم اخدمو و دير بالي عليه كرمال ابوه و امي مايحسو بشي غريب ، لان كنت ناوية جرو بالحكي و افهم القصة ..

" بنت طفلة عمرا 14 سنة شو ممكن تتصرف بهيك موقف ، في كتير شغلات عم تخطر ببالا ومابتعرف الصح "

عمي و امي كانو بدن يضلو عنا اسبوع منو بيطمنو ع حمزة ومنو بيغيرو جو ..

#زواج_مـدبر #الجزء_التاني
#بقلمـي_سـيلار
Telegram:@rwayate
سيلا : مجنون انت كيف اهرب معك ? بدك احط سمعه اهلي بالارض !
يزن : طيب انا بحبك ومافي بدونك
سيلا : يزن انت بتعرف قديش بحبك انا مستعده موت ولا اتزوج حدا غيرك انا مارح خليهم يكملو هاد الزواج
يزن : كيف ???
سيلا : بعدين بتعرف
يزن مسك ايد سيلا وحكا : سيلا احكي
سيلا : يزن خلص تركني انا ماعاد بدي عيش مافيني ابعد عنك
يزن : سيلا ازا اهلك ماسئلو عنك وزوجوكي انتي ليش لتسئلي ع سمعتهم هربي معي
سيلا : يزن خلص بربك
يزن : لك بحرق الدنيا ازا كنتي لغيري فهمانه !
سيلا : يزن خلص انت كفي حياتك بعيد عني ونساني
يزن : لك نورس هاد قتلو رح يكون ع ايدي ولا يلمسك لمسه
سيلا : يزن ازا بغلاتي بعد عني وماعاد تقرب مني !
خلص كلشي انتهى ! بحبك يزن 💔
يزن : سيلا فهميني مابقدر بعد عنك !!!!!
سيلا : يزن ازا بتحبني وعدني ماعاد تقرب ناحي
يزن : . . .
سيلا : اوعدني !!
يزن عصب وضرب ايدو بالشجره حتى صار ينزل منها الدم : بوعدك بوعدك خلصصص روحي من وجهييي كلكم هيك خاينات
سيلا راحت تركض وتبكي
وهيك انتهى حب 5 سنين بلحظه
وبس وصلت سيلا ع البيت لقت امها قاعده مع نسوان تنتين
مسحت دموعها وزبطت شعرها وفاتت سلمت
ام سيلا : فوتي بنتي سيلا
سيلا : مرحبا
Telegram:@rwayate
ام سيلا : حبيبتي هاي ام نورس حماتك وهاي بنتها سلمى
ام نورس :اهلين يابنتي
سلمى : اهلين سيلا
سيلا : اهلين فيكم 😊
عن اذنكم بدي اطلع غيير ( :
ام سيلا بصوت همس : سيلا حاولي ماتخجلينا قدام الجماعه بسرعه غيري ونزلي
ام نورس وبنتها حسو من انزعاج من تصرف سيلا وانتبهو ع عيون سيلا المنفخه
قامت سيلا ع غرفتها وهي عم تبكي بحرقه
رمت حالها ع التخت وصارت تفكر بيزن وتبكي
وفجأه دخلت امها لعندها ع الغرفه وحكت :
سيلا ماما بيرضاي عليكي قومي لبسي وغسلي وجهك ونزلي سلمي عليهم بعرف انك مغصوبه ع هالشي بس مستقبلنا بايدك يا امي الله يرضا عليكي قومي
سيلا : ماشي ماما سبقيني
وقامت سيلا غسلت وجهها وحطت مكياج خفيف يخفي ملامحها الحزينه ونفخه عيونها
ولبست فستان اسود قصير لعند الركبه وفردت شعرها الطويل ونزلت قعدت معهم
ام نورس : اللهم صل على سيدنا محمد الله يحميكي يابنتي
ام سيلا : حبيبتي تعي قعدي جنبي
طبعا سيلا صافنه بعالم تاني وبالها ابدا مو عندهم
وضلت شارده هيك حتى قطع شردتها صوت ام نورس وهي بتحكي : خلص لكن اتفقنا بكرا موعدنا
ام سيلا : انشالله حبيبتي بتنورونا
قامت سيلا تسلم عليهم وبعدها نزلت سيلا ع الحديقه الخارجيه تركض حتى وصلت وقعدت تبكي وتبكي حتى اجا عليها اخوها عامر
Telegram:@rwayate
عامر : اختي قومي دخيلك حاج تبكي بعرف صعبه عليكي . . .الله يهديه ابوكي 💔
سيلا : والله ياعامر مو قدرانه اتقبل الموضوع رح موت مافيني ابعد عن يزن مافيني 💔
وضمها اخوها وصارت تبكي بحضنو وتشهق
واخوها قلبو بيتقطع عليها
سيلا : بس انا مافيني خليهم يربحو مارح كملها معهم
عامر : كيف
سيلا : بعدين بتعرف عامر بس بدي ياك تسامحني
عامر : سيلا شو عم تخبصي
سيلا : ولاشي عامر . . وبعدت عن اخوها وطلعت ع غرفتها فتحت اللابتوب ع صورها مع يزن وصارت تقلب فيهم وتبكي وتتزكر ايامها مع يزن وقديش قضو اوقات سوا
(ذكريات)
يزن : سيلا يمجنونه لا وك حاج يهبله
سيلا : مابدي بدي عبيك مي لازم تروح ع البيت محمم من راسك لرجلك ههههههه
يزن : هيك لكن معناها عطيني البربيش وها . .
سيلا : يحح لااا يزن يا الله تعبيت مي
يزن : لكن بس انا اتحمم ههههههه
سيلا مسكت سطل طين وحطتو ع وجه يزن
سيلا : وها يلا هههههههههه
يزن : العمى شوهاد سيلا وسختيني !
سيلا : يحرام هههههههههه شوف شكلك
يزن : اي تعي لهون وها
هلا تعادلنا ههههههههه
سيلا : اوف منك هههههههههههه كيف بدي روح ع البيت بهل المنظر😭
يزن : هههههههههه
سيلا : ههههههههههه
Telegram:@rwayate

#الواقع_المر
#الجزء_الاول
بليلة من ليالي شهر كانو التاني الباردة ، كانت الدنيا عم تشتي بغزارة
و ازا بتلفو بين بيوت حارتنا العتيقة
ما رح تسمعو غير صوت المطر الغزير او صوت ضحكات الاطفال المتجمعين حوالين المدفأة
بياكلو كستنا هن و اهلن و بيتسايرو
بس ازا بتمشو لراس الحارة في هونيك بيت صغير بوابتو خشب مهرهرة
اي هاد بيتنا ، رح تسمعو صوت صراخنا المعتاد متل كل ليلة
…… : وين رحت بالمصاري لك فهمنا ، رح نموت من البرد و الجوع هون
…… : لك تعي حاسبيني ما بكفي انو صابر عليكن و تاركن تعيشو بهالبيت
و عم احميكن تحت سقفو ، جاحدين و ناكرين للمعروف انتو
سارة : عنجد كتير خيرك يا ابي
ابو جاهد (ابو سارة) : لك صاير لسانك طويل و بدو قص و من زمان ما اكلتي قتلة و ها 👋و ها 👊و خدي هاي👋👊 الله لا يقيمك ،بنت عاق
و بكل بساطة بعد ما ضربني راح و تسطح بتختو ليرتاح لانو تعب من ضربي
و امي لمن شافتو راح من عندي اجت تركض عليي و هي و اخي الصغير جاهد
ام جاهد: يا بنتي يا عمري انتي ، و صارت تبكي و تقول خلص لا تحكي معو ولا تقليلو شي بلا ما يضربك تجاهليه و ما تستفزيه بخاف يازيكي كتير 😢
سارة : امي انتي ليش بتخافي منو كتير ، ليكي جاهد كمان مرعوب منو

ابي لك حتى بخجل قول انو ابي انسان سيء كتير و مشهور بسمعتو العاطلة بين الناس حرامي و نصاب و سكير و عواطلي بشغل امي و اخي الصغير يبيعو محارم و علكة بين السيارات و الشوارع و انا بيبعتني نضف و امسح دراج عمارات و بنايات بالمدينة و بياخد منا كل المصاري و ما بفرجينا شي نهائياً و ازا رفضنا انو نعطيه بكون نصيبنا ليل طويل من الضرب و العقاب

ما بعرف كيف نمت هديك الليلة بس فقت موجوعة كتير و حاسة انو جسمي مكسر
ابو جاهد: صحصحي يا بنت في عندك كتير شغل اليوم سمية خانوم طالبتك لحتى تنضفي بيتها
سارة : حاضر
ما كان فيي حيل حتى جادلو قمت لبست و رحت ع بيت الخانوم
كانت ست مانزعة كتير و ما بيعجبها العجب بس بتقبض منيح
سمية خانوم : بدي تزيحي هاي الخزانة و تنضفي وراها
و لمعي الفناجين اللي جواتها و استعجلي عندي مشوار
عملت كل اشي قالت عنو الخانوم من تم ساكت و لمن خلصت شغلي نادتني و اعطتني المصاري بايدي
سمية خانوم : عندي مشوار ما بقدر انطر ابوكي ليجي لهيك خدي المصاري و تسهلي
بالعادة الي بشتغل عندن بيعطو المصاري لابي لهيك انا استغربت و المبلغ اللي عم اخدو تاري كبير
رجعت ع البيت مشي و طول الطريق عم فكر شو بيعمل ابي بالمصاري ما بندفع اجار بيت ولا مندفع فواتير دايما المي و الكهربا عنا مقطوعين و الاكل اللي بجيبو مانو اكل حتى اكل الحيوانات احسن منو صرت امشي و اطلع بالناس و حسيت انو كل الناس عايشين حياة منيحة الا انا و تجمعت الدموع بعيوني و صرت ابكي بالشارع و الناس كلها عم تطلع فيي و تسالني شو بك يا بنت ليش عم تبكي شو صاير معك
قمت و قفت على حيلي و ركضت لوصلت البيت ما بحب شوف نظرات الشفقة تجاهي بتدبحني اكتر من وضعي اللي عايشتو
لمن وصلت البيت شفت امي عم تبكي و حاضنة جاهد بين ايديها و جاهد نايم
خفت كتير لمن شفت المنظر و ارتعبت
بس امي اشرتلي انو ما احكي شي
فهمت انها نيمتو بصعوبة
ام جاهد : اليوم شافو رفقاتو اللي بالحارة عم يبيع محارم بالشارع و صارو يتمسخرو عليه
و قالولو انو ما عادو يلعب معو بعد و انو شحاد
و جاهد من وقتها عم يبكي و نام بصعوبة ، ليكي عيونو شو منفخين
سارة : امي و احنا لايمتى رح نرضى بهالعيشة و نبقى عايشين بالذل ليكي نحنا التنتين بنشتغل
و فينا ندبر حالنا
ام جاهد: و الناس شو رح تحكي عنا انو ما النا رجال و دايرين على هوانا
سارة : ليش دخيلك هاد حاسبتيه رجال اصلا احنا ما النا رجال و مانا بحاجتهم
امي خلينا نهرب
ام جاهد : و وين بدنا نروح بحالنا وين بدنا نعيش ع الاقل هون احنا مستورين تحت سقف هالبيت
سارة : امي بترجاكي الله ما كل يوم بيبعتلنا هيك فرصة و بيتاخر ابي ع البيت دخيلك خلينا نعيش
ابو جاهد : شو هاد يا فلتانة بدك تهربي و عم تحرضي امك كمان
سارة : ااا ان. انا
ابو جاهد : انتي شو انتي بدك ترباية تعي لهون
كان سكران كتير كتير هديك الليلة و ما قدران يتوازن لهيك قدرت انو ادفشو وقع من طولو
و انا دفشت الباب و هربت
و هون بلشت حياتي الجديدة حياة التشرد و الحرية
#الواقع_المر
#الجزء_التاني
طلعت هديك الليلة و هربت من هداك البيت للابد
كانت الدنيا عتم كتير و صوت الكلاب بالشارع مخيف
فهمت وقتا شو السبب اللي كان يمنع امي من انو تترك هداك البيت المهرهر ع الاقل كان يؤينا
من عيون العالم و يسترنا تحتو
او يمكن لانو امي جبانة اي امي جبانة و انا كنت جبانة لمدة 17 سنة بس اليوم عاهدت
حالي انو ما ارجع ابدا لحياة الذل و القرف اللي كنت عايشتا حتى لو بدي اعمل المستحيل
صح كانت ليلة مخيفة بس لاول مرة بدوق طعم الحرية
تزكرت انو المصاري اللي اعطتني اياها سمية خانم بقيت بجيبتي دغري ركضت لاول بسطة
بتبيع فلافل بالشارع
كانت اطيب

#المجهول #الجزء_التاني
@rwayate
وصلت ع الجامعة وكنت تعبانة ونعسانة كتير لان بعدني مو نايمة كل الليل .. لقيت صفوان ورفقاتو اعدين ع كرسي ببهو الكلية وعم يشربو قهوة .. اول ماشافني قرب لعندي : صباح الخير

دلع : صباح النور حبيبي .. كيفك؟

صفوان : انا منيح ، بس انتي ليش هيك وجهك تعبان و اصفر .. شكلك مو نايمة كتير اليوم

دلع : مانمت .. كنت تعبانة طول الليل وحرارتي مرتفعة .. يلا انا طالعة عندي محاضرة

تركتو وطلعت ع المدرج حضرت و بعد ماخلصت طلعت انا ورفيقتي نسرين .. ونحنا عم نمشي حكيتلا القصة يلي صارت معي بالليل وكيف أجاني اتصال من صفوان وصوتو يلي كان ع التلفون و بعدين طلع كلشي غلط و صفوان ما اتصل كلو .. مين متقصد يوترني بهالقصة هي!!

نسرين : روقي حالك.. انتي مزودة الأمور عن حدا يعني اكيد شي شب معجب وعم يتزانخ عليكي .. خطيبك بحبك و انتي بأدنك سمعتي صوت اهلو حوليه يعني مافي مجال يكذب ..

دلع : هيك قولتك ؟
@rwayate
نسرين : أكيد

دلع : انا راجعة ع البيت لساتني حاسة بدوخة ونعسانة كتير .. يلا بخاطرك حبيبتي

مشيت بجهة موقف الباص، رن تلفوني : الو .. اهلين صفوان

صفوان : انا اليوم رح اجي اسهر عندكن..
دلع : بس انا تعب.....
قاطعني : هسس ولا كلمة شتقتلك وبدي شوفك بلا اعذار
دلع : هههه طيب ناطرتك

وصلت ع البيت ، اتحممت و اكلت و فتت ع غرفتي شغلت المكيف ع أدنى شي .. نزلت البرادي و نمت بتختي ،
أول مابلشت أغرق بالنومة سمعت صوت حدا عم يصرخ من بعيد .. صوت غميق وكأنو تحت الأرض .. منطقتنا فاضية و صوت الصريخ غريب .. طلعت من غرفتي ع الصالة لاتأكد اذا الصوت من التلفزيون لقيتو مطفي و أمي نايمة .. رجعت ع غرفتي بس الصوت لسا موجود كأن حدا عم يصرخ من مكان عميق .. فتحت الشباك و اتطلعت ع بيت جارنا يلي مابرتحلو .. لقيتو واقف برا البيت عم بكسر حطب .. @rwayate
سكرت شباك غرفتي وكان طاير من عيوني النوم ..
قربت جية صفوان ، قمت لبست و زبطت حالي و أعدت انطرو.. كل شوي كنت عم نام ع الآعد وماني قادرة اسمع ولا صوت من شدة وجع راسي ..
@rwayate
أمي قاعدة فوق راسي ومبلشة حكي و زن عليي
« على لا تعملي هالحركة قدامو .. خليه يجي أبكر .. خليه يتغدا هون وبس مابصير يتغدا مرتين .. ارفعي شعرك عن وجهك .. تأخرتي بالسهرة رح ينزعلك نظام جسمك »

اتطلعت فيا و انا معصبة : امي خلص اختنقت ، حاسة في سكين عم تقطع خلايا دماغي بكفي مشان الله ..

اكتفت لنظرة حادة إالي مع كلمة : وقحة !!
@rwayate
تركتني وفاتت ع غرفتا .. و بهاللحظة وصل صفوان فتحتلو الباب وكان معو باقة ورد دخل أعد معي وحكينا و ضحكنا ..
بابا حب يتركنا شوي ويطلع يتمشا وماما عم تحضر ضيافة ..
صفوان طلب مني محاضرات من مادة عندي بس هو حاملة من السنة يلي قبل و بدو يدرس من محاضراتي لان كاملين ..

وقت رحت عالغرفة وكنت عم اجمعلو ياهن سمعت صوت حركة غريبة امي بالمطبخ وسامعة صوت الكاسات و الصحون بس في صوت تاني حركة تانية .. اخدت المحاضرات وطلعت بسرعة مالقيت صفوان بالصالة !! مشيت اكتر لقيت جلالة مكتب بابا عم تطير رفعتا .. لقيت صفوان واقف فوق المكتب وعم يحركش بالوراق : صفوان شو عم تعمل ؟؟
برم بسرعة وتغير لونو ..
صفوان : سمعت أبوكي بقول لأمك روايتي الجديدة رح تجهز و انا عندي فضول اقراها .. مافي طريقة بتعرفي تشديد ابوكي انو ماتروح بهجة الرواية قبل مايخلصا و انا كتير متحمس بترجاكي لا تحكيلو انو اخدتا ..

دلع : طيب بركي انتبه مجنون انت؟

صفوان : انا رح اطبعا بكرا و اخد نسخة و بعطيكي التانية بترجعيا

دلع : طيب ..
سهرنا بعدين راح صفوان و انا فتت ع غرفتي نمت ... كنت تعبانة كتير و نعسانة ومالي خلق روح بس مجبورة مشان رجّع الرواية قبل ما ينتبه بابا .. طلعت من غرفتي للصالون لقيت فنجانين قهوة سخنين كأن هلأ مغليين ع الطاولة ..
. عرفت انو حدا من أهلي عاملن .. أعدت شوي ماحدى اجا بعدين رحت افقدن اذا مشغولين بشي .. مالقيتن .. رحت لغرفة ماما لقيتن نايمين ؟؟

مين عمل القهوة لكن ؟ يالله شو عم يصير ..
فيقت ماما وسألتا اذا هيه يلي عملت القهوة بس جاوبتني لاء و انزعجت مني لان فيقتا وهي لسا مو مكملة نوم 8 ساعات متل ما بتقرأ بالصحف الطبية .. فيقت بابا و سألتو كمان جاوبني لاء.. هو ما قام من مكانو ولا تحرك لان تعبان ..

اخدت غراضي و طلعت بسرعة من البيت و انا عم سكر الباب لقيت جارنا البشع ماسك بأيدو جنزير معلق فيه خزان وعم يجرو لجهة بيتو .. يمكن بدو يحط فيه مي و أخيراً قرر يعمل تجديد لبيتو وحياتو ..
اتطلع فيني نظرة قاسية و زورني .. خفت منو كتير بعدين تركتو ومشيت بسرعة

💝 #غبار_الذهب 💝

#الجزء_التاني
Telegram:@rwayate
بقيت احكي مع مراد خمس شهور قبل ما شوفه اول مرة على ارض الواقع ،وقت كنت نازلة على السوق و دقلي قلي وي

نك يا قطة كانو ما بالبيت ،قلتلو لا انا بالسوق عم اشتري تياب لكرم قلي معناتا بدي شوفك قلتلو لااا حكينا بهالموضوع من قبل، قلي ولله من بعيد ما بقرب ابدا عليكي ،نظرة وحدة بس قلتلو طيب ماشي ، و وقت وصل على الشارع يلي انا فيه دقلي و قلي ما توقعتك حلوة هالقد ما نصفتي حالك وقت وصفتي شكلك قلتلو ليش شفتني؟ اصلا كيف عرفتني من بين كل هالناس قلي قلبي دليلي ،ليكي انا واقف عند الزاوية تماما اذا بتفتلي راسك شوي بتشوفيني ، فتلت راسي و شفته و قلتله انت احلى من الصورة ،قلي سكري هلأ رح ارجع دقلك بعد شوي ،رجع دقلي و قلي ليكي فرح في محل قبالك عطورات فوتي لعندو تركتلك امانة هنيك بس قليلو للشب Telegram:@rwayate انا من طرف مراد و هو رح يعطيكي اياها ، قلتلو شو هالامانة ؟ و ايمت لحقت تتركلي اياها ؟؟! قلي ولو نحن بعصر السرعة يلا ما تعذبيني شايفك ها ،فتت لعند الشب و قلتلو انا من طرف مراد قلي اهلا و سهلا فيكي مراد صديق عزيز علينا و اعطاني كيس طلعت بقلبه لقيت علبة مغلفة شكرته للشب و طلعت دقتله لمراد قلتلو هيدا عطر ،قلي ايه هيدا عطر غبار الذهب المفضل عندي بس تستخدميه تزكريني و انا اشتريت الي علبة كمان حتى كل ما شما اتذكرك و ليكي فروحتي كل ما بتخلص علبة البارفان من عندك قليلي لوصيلك على وحدة تانية من نفس المحل ......

قضيت ايام حلوة كتير مع مراد يلي كان يهتم كتير فيني و بكل تفصيلة بتخصني و صرت كل ما انزل على السوق شوفو من بعيد و بكل نزلة كان يفاجئني بشي ،ومرة قلي في محل ايس كريم لقدام شوي انا رح اسبقك عليه و اطلبلك شي على ذوقي و رح اقعد على الطاولة يلي قبالك قلتلو عنجد انك مجنون قلي انا صرت مجنون فيكي بس لو بتردي علي و بطلقيه لهل الطبل يلي عندك لعيشك متل الملكة قلتلو Telegram:@rwayate ما تقول عنو هيك بضل زوجي و ابو اولادي يلا سبقني و انا لاحقتك و وقت كنا قاعدين عم ناكل ايس كريم راح لعند الشب و حكاه كلمتين و رجع لطاولته و بعدا بعتلي مسج قلي بهديكي هالغنية يلي بدو يحطا الشب هلأ (انا بعشقك ) و على فكرة اللون الزهر احلى لون عليكي ...

مع مراد حسيت باني مرة حلوة و مهمة ،مع مراد حسيت حالي متل الفراشة الطايرة بالعالي ، حتى خفت كتير من ايام تجي بلا ما يكون مراد فيها يلي عوضني عن اهمال زوجي و بعده عني ،بعد 10شهور من معرفتي فيه طلعت لشوفه و اقعد معه لاول مرة و هالشي كان بعد ما ترجاني كتير انو بس قعدي معي مرة وحدة بس لشم ريحتك و اطلع بعيونك و حس بنفسك و انا قبلت لانو كنت حابة جرب شعور جديد ،شعور جنون الحب ،و طلعت شفته لحالي و حطيت اولادي عند بنت حمايي بحجة انو رايحة عند الكوافيرة ،قعدت معه ساعتين و حسيتن كانو دقيقتين ،من زمان كتير ما قعدت مع رجال حسسني بانو انا موجود هون لاسمعك بس ،لاسمع قصصك و حكياتك و همومك و شو بتحبي و شو بتكرهي .....
Telegram:@rwayate
تعلقي بمراد و حبي اله باعد المسافة اكتر بيني و بين زوجي يلي انتبه انو انا تغيرت كتير و ما بقا عم اسال عليه ابدا او عم دقق على سهراته و حتى وقت بقعد معه بضل ساكتة و شاردة ،كان مفكرني اني اتاقلمت و تعودت على بعده عني و انا كنت مرتاحة انو عم يفكر هيك ما كنت حابة يعرف انو مرته خلص فتحت القفص و طارت لمطرح تاني من غير رجعة .....

#يتبع

#الحب_المُرعب
#الجزء_التاني
#بقلم_ward_handosh

نامت رنا من دون ماتحس وفاقت ع صوت امها
ام رنا: رنا قومي
رنا: اشفي
ام رنا: الساعة 8 ونص قومي هلئ يجو الجيران
رنا: يلا قايمة
(قامت رنا رتبت حالا واتصلت بجودي وع ال9 طلعو الجيران).

ام رنا: مية السلامة شرفتو
ام عمر: الله يسلمك(سكتت لتستنى تقول ام رنا اسما)
ام رنا: اسمي نورا
ام عمر: عاشت الاسامي
ام رنا:تسلمي روحي
يلا يا رنا وين القهوة
رنا: يلا امي ثواني
جودي: رنا كأنو الجيران حبابين وابنن بيشل
رنا: (بعدم مبالاة) اي وشو اعمل يعني
جودي: ولاشي بس انو عم نتناقش
رنا: اي يلا امشي
(دخلت رنا ومعها القهوة ووراها جودي)
رنا: مرحبا
ام عمر: اهلين بنتي
سنا(بنت ام عمر) :مراحب
(ضيفت رنا القهوة وهي مبتسمة
وقعدت جنب امها)
ام عمر :هدول بناتك نورا
ام رنا: رنا بنتي وجودي بنت جيرانا
ام عمر: ماشاءالله الله يحمين
سنا: اي صف انتو
رنا: بكلوريا
سنا: وانا كمان بكلوريا موفقين
رنا: وموفقة انتي كمان

(ضلو عم يحكو ويتناقشو لحد ماوصلو لآخر حدث صار بالبلد)
ام عمر: سمعتي يانورا عن بياع الاعضاء الله لايوفقو صايرة عم خاف ع اولادي كتيير
ام رنا: اي والله سمعت الله لايوفقن
(لما رنا سمعت الحديث دمعو عيونا وقامت من مكانا وراحت ع المطبخ وجودي ماحسنت تلحقا لان كانت عم تحكي مع سنا بعد ربع ساعة رجعت رنا ومعها فواكه)
ام عمر: لك ليش معذبين حالكن
رنا(مبتسمة) :ولو اهلا وسهلا نورتوا

(بعد ساعة راحو الجيران وراحت جودي بعد مااطمنت ع رنا ورنا لملمت البيت واتحممت وراحت طلعت ع السطوح وقعدت تتفرج ع النجوم وتتزكر)

_

رنا: انت واحد مجنون
يزن: هه وليش بقا
رنا: بلكي طلع هلئ حدا ع السطوح وشافونا
يزن: اي عادي عم نتفرج ع النجوم
رنا: لك جد ولو بعدين كيف بتجي هيك ع بيتي
يزن: هيك اجا ع بالي جن
رنا: مجنون
يزن: لك والله بحبك
رنا: اي وانا كمان
يزن: انتي شو
رنا: انا شو؟
يزن: عم اسالك انتي شو؟
رنا: انت يلي لازم تجاوب انا شو؟
يزن: ههه انتي حياتي وروحي وعيوني وكلشي بملكو
رنا(خجلانة) : انا بحبك

__

(حست رنا ببرودة ف قررت تنزل ع البيت من شان ماتمرض وهي نازلة ع الدرج والضو خفيف وموبايلا مو معها فنزلت ع مهلا وبعيونا دموع من الشي يلي تزكرتوا وفجأة حست حدا مسكا من ايدا وسحبا لتحت وحاطط ايدو ع تما)
رنا(مرعوبة) :لك ااه مييين.…

#يتبع.... 👻

#الجزء_التاني
@rwayate

مريم(تبكي):طب ما طلقني ، تزوج علي ، الله يخليك انا ما بدي ارجع لهنيك ،بيت اهلي موت على الحياة ،اعتبرني خدامة عنكن

نضال:شو عم تحكي ؟

طلعت من غرفتي انا و عم ابكي و رحت لعند حماتي

مريم:نضال بدو يرجعني لبيت اهلي؟

ام يعرب:....خبرني من شهر و انا قلتلو طول بالك و اعطي حالك وقت ..الله يهديه يارب ...ولله ما عارفة شو بدي قول لاهلك عن السبب ،انت ما في منك و بتتقلي بالدهب بس كل ام بتحب تشوف ابنا مبسوط مع مرتو و ابني ما مبسوط معك

رحت قعدت جنبا و مسكتلا ايديا

مريم:انا حبيتك و اعتبرتك متل امي التانية ،الله يخليكي خليني عندك و انا بساعدك بكل شي ،بشغل البيت و الطبخ و استقبال الضيوف ،ما تعتبريني مرة ابنك و زوجيه لنضال

ام يعرب: ولله قلتلو حرام اطلقها ،تزوج عليا بس ما قبل ،قلي بلكي يلي بدي اخطبا ما قبلت تنزل على ضرة

مريم :طيب يطلقني بس خليني هون

ام يعرب :بنتي ما بيرضو اهلك

مريم :ما تخبرين انو نضال طلقني

ام يعرب :بس انت هيك عم تظلمي حالك ،بكرا بتتجوزي غير ابني و بتعيشي حياة طبيعية متل اي مرة متجوزة و هيدا حقك

مريم:ما بدي اتزوج ،انا مبسوطة هيك

قامت حماتي و راحت لعند ابنا نضال و قعدت معو نص ساعة:ما عرفت شو عم يحكو مع بعض ،بعدين رجعت لعندي

ام يعرب : ماشي ،رح تبقي هون بس قومي جيبي اغراضك من غرفة نضال و انقلين لعندي لانو رح تصيري تنامي بغرفتي

مريم: عنجد يعني وافق؟

ام يعرب:اي

هاي كانت اول مرة بحس حالي فيها فرحانة ،شعور الفرح بموقف بحزن كتير ،بس انا كنت مبسوطة كتير ،قمت على غرفة نضال و نقلت تيابي من خزانتي لخزانة حماتي ،كان نضال قاعد على التخت و عم يطلع فيني ،يمكن مستغرب من ردة فعلي و اعتبرها غبية و ساذجة كتير ،بعد ما خلصت نقل تيابي و اغراضي ،رجعت اخد مخدتي

مريم :نضال انا ما بعرف شو بيحكو ..يعني انا يلي بدي قلك اياه..انو شكرا كتير انك خليتني هون و ما رجعتتي لبيت اهلي

كان ساكت و ما رد بشي ،بس لمحت بعيونو شفقة علي ،بعد اسبوع اطلقت من نضال و صرنا متل الاخوات و كل اخواتو البنات و بناتن الصبايا عرفو بطلاقي و بانو اخون طلقني لانو ما بحبني و بقيت عندن شفقة علي ،نبهتني حماتي انو وقت بفوت نضال على البيت لازم اتغطى عليه لانو صار محرم علي ، صار وقت بيرجع على البيت حط شال على راسي و حتى احيانا كانت حماتي تتركنا لحالنا بالبيت لانو كانت مطمنة انو ابنا مستحيل يقرب علي و فعلا كان نضال يلتزم بغرفتو يحضر دروسو و انا اقعد فصفص بزر و اتفرج على التلفزيون على شي مسلسل او افتح اللابتوب و العب شي لعبة ، كانت هالحياة بالنسبة الي قمة الرفاهية ،لليوم يلي كانو عنا بنات حماي و بناتن متل كل نهار خميس

سميرة: امي وينو نضال ؟

ام يعرب:بالمدرسة شو بدك منو امي ؟

سميرة:بدي يعطي ميرال دروس تقوية عربي بالصيفية لانو عندا تاسع السنة الجاية

ام يعرب:اي هلأ ليجي قليلو بنتي

ميرال :يالله امي ،حتى بالصيفية ما في راحة

سميرة:اسكتي هالشي لمصلحتك

ميرال:مريم تعي قدمي تاسع معي ؟

مريم:انا؟

ميرال :اي لاي صف موصلة ؟

مريم:للتامن

ميرال:اي قدمي معي و بصير خالي يعطينا دروس تقوية

مريم :...ما بعرف

سكتت و اطلعت بحماتي و بنات حمايي ما علقو ابدا على الموضوع و كأنو هالشي بيرجع الي و لقراري ،رجع نضال من المدرسة و قعد مع اخواتو و حكتو اختو سميرة عن الدروس لميرال و رحب بالفكرة ،اما انا صرت فيق و نام على نفس الفكرة انو قدم تاسع مع ميرال ،تجرأت و سألت حماتي ام يعرب

مريم:خالة عندك مانع اذا قدمت تاسع مع ميرال؟

ام يعرب:لا بنتي هاي حياتك و انت حرة فيها

مريم:طيب معناتا رح دقلا لميرال و خبرا

ركضت عالتلفون انا و مبسوطة و دقيت لميرال و خبرتا انو رح قدم تاسع معا بس فاجئتني وقت قلتلي انو لازم انزل و سجل و في تكلفة رسوم للتسجيل و لازم اشتري كتب و انا ما كان معي مصاري و كنت بخجل اطلب من خالة ام يعرب بس ميرال ساعدتني بهالموضوع و دبرتلي كتب من رفقاتا و طلبت رسوم التسجيل من ستا و حماتي كانت احوالا منيحة لانو كان ابنا يعرب من دبي يبعتلا مصاري كل فترة شهرين ،رحت انا و ميرال و سجلنا و بعدين اجت عندي بعد اسبوع و جابتلي الكتب معا

ميرال:اسمعي انا في استاذ رياضيات و انكليزي بيجي لعنا عالبيت بيعطيني الي و لرفيقتي شو رايك تجي تحضري معنا ؟

مريم:اي بجي بس لاسال ستك بالاول

ميرال :طيب بكرا اول حصة الساعة 5العصر

رحت تاني يوم عند ميرال يلي صارت رفيقتي و بلشت احضر حصص معن ،و كانت تجي عنا يومين بالاسبوع ليعطيا خالا دروس عربي و انا كنت احضر معا ،كان يعاملني نضال متل ميرال ،يشرحلنا الدرس النا نحن الاتنين ،احيانا كنت اشرد من الدرس انا و عم اتذكر الايام يلي قضيتا معو

نضال:مريم مركزة معنا ؟

#الجزء_التاني:

وصل على الفرع و فوتوه لعند غرفة المحقق طاهر يلي التقى فيه بالمشفى

طاهر:تفضل ارتاح

قعد هو و عم يتنهد

طاهر:ايه اياد انت خبرتني انو كانو شابين يلي اعتدو على البنت صح ..متل ما مكتوب هون بالمحضر

اياد:ايه صح

طاهر:متأكد؟

اياد:حسب يلي قدرت شوفو على ضو البيل ايه

طاهر:بس البنت صحيت و قالت انو كانو 3 ما 2

اياد:ما بعرف ...بجوز كانو 3 بس انا يلي شفتن اتنين

طاهر: مين هن؟

اياد:ما بعرف

طاهر:انت التالت

اياد:شوووو!هلأ صرت انا متهم ...

طاهر:كل يلي كان بنفس الشارع بلحظة الحادثة هو متهم حتى تثبت برائتو

اياد:لو انا واحد من هالكلاب ما كنت اسعفتا ،كنت تركتا و مشيت

طاهر:تمويه ..بتصير كتير ...عنا هون بيمرق على راسنا قصص كتير ،بتصير جرائم قتل كتير و القاتل بكون من المقربين كتير للضحية حتى بيمشي بجنازتو بس كرمال يبعد الشبهات عنو ...

اياد:انت قلت من المقربين و ليبعد الشبهات بس انا ما مضطر حط حالي بدائرة الشبهات

طاهر:شو كنت عم تعمل بنفس الشارع بلحظة الحادثة هديك الليلة؟

اياد:قلتلك كنت بمكان شغلي

طاهر:في حدا شافك عم تشتغل؟

اياد:لا ،كنت لحالي

طاهر:حسب ما عرفت انو هديك المنطقة كلها مستودعات و شبه مهجورة ،شو كنت عم تشتغل بالضبط ؟

توتر اياد من اسئلة المحقق طاهر حتى انتبه عليه المحقق و اعطاه كاسة مي ،شرب منا رشفة و حطا على الطاولة

اياد:كنت عم رتب بضاعة واصلة جديد و قيدا على الورق و فيك تتأكد من هالشي من الاوراق و تسأل صاحب الشغل ابو سليم

طاهر:سألناه طبعا بس قال انو بالعادة بتخلص شغلك عال 9 ما عال 10

اياد:ايه صح و تأخرت هداك اليوم لانو كانت البضاعة كتيرة

طاهر:و بالصدفة خلصت عال 10 و نزلت لقيت الشابين عم يزتو البنت بالطريق

اياد:ايه

طاهر:لنفرض كلامك مزبوط ،نزلت من مكان شغلك و اكيد رح تتوجه للشارع الرئيسي كرمال تاخد وسيلة نقل لترجع لبيتك صح

اياد:صح

طاهر:شو يلي خلاك تغير طريقك هالمرة و تفوت بطريق فرعي و ضيق

اياد: انا حكيت انو صوت الصراخ هو يلي خلاني فوت بهالطريق

طاهر:بس البنت وصلت عالمشفى غايبة عن الوعي متل ما خبرونا الممرضات ،كيف بقا كانت عم تصرخ

اياد: فعلا كانت عم تصرخ و بعدين غابت عن الوعي و هالشي طبيعي من كمية الدم يلي نزفتو

طاهر:اممم

فتح باكيتو الدخان و حط اول سيجارة بتمو

طاهر:وين قداحتي ...شكلي مضيعة ...ممكن

قرب لعندو هووو حاطط السيجارة بتمو ؛ مد اياد ايدو على جيبة بنطلونو و طالع قداحتو و شغلو السيجارة

طاهر:شكرا ...بتدخن؟

اياد:ايه

فتح درج مكتبو و طالع كيس شفاف فيه قداحة
طاهر: هاي الك ؟

حط الكيس قدامو

اياد:..ايه ...الي

طاهر:شو كانت عم تعمل بمكان الحادثة ..

اياد:بتكون وقعت مني بالغلط انا و عم اشلح جاكيتي للبسو للبنت

طاهر :ابوك ماهر الخياط ..ما هيك ؟

سند ضهرو المحقق للكرسي و هو عم يقلب بملف و ينفخ بالسيجارة

اياد:...ايه.. بكون ابي

طاهر:ابوك انحبس 25 سنة بتهم كتير و منن اعتداء على بنت صغيرة عمرا 7 سنين بالاضافة لمشاكلو مع اخوات البنت سامر و عامر و على اثر هالمشاكل ضرب اخون الصغير بسكينة بخاصرتو و بعدا هرب حتى لقطتو الشرطة متلبس بقضية مخدرات ،كمان صدفة هالشي انك تكون ابنو لهل الزلمة يلي حاول يقتل اخوا للبنت !

احمر وجهو و ضاق صدرو

اياد(بصوت يرجف):انا شو دخلني بأبي ...انا بعرف ابي واحد ما بيسوى و من وقت يلي انحبس نحن ما عاد عرفنا عنو شي و لا حتى عن مشاكلو او علاقاتو مع حدا و حتى هو و عايش انا ما كنت شوفو الا بالنوادر ؛كان يفوت احيانا سكران و يضرب امي و يلم الجيران علينا ...

طاهر:ليش انفعلت؟

اياد:لانو اذا ابي هيك ،ما يعني انا هيك كمان ،انا بختلف عنو كتير ،مابشبهو و ما بحياتي رح اشبهو و كون متلو

زت طاهر الملف على طاولتو بعصبية

اياد:اذا ما قدرتو توصلو ل يلي عملو بالبنت هيك ،ما تلفقو التهمة لأي حدا بس لتغطو على فشلكن و عجزكن

طاهر:انت واحد منن

اياد:لأ..

قرب عليه اكتر و هو عم يضيق عيونو محاولة منو ليضيق الخناق عليه و يخليه يعترف بجريمة هو ما عملا

طاهر:انت حبيت تنتقم لابوك من عيلة البنت و ما لقيت غير هالطريقة اتفقت انت و رفقاتك انو تاخدوا لشي محل و تغتصبو

اياد:لأ

طاهر:و بعد ما خلصتو ،جيتو بالسيارة و رميتوا بهالشارع كرمال تقول انك نزلت من شغلك بالصدفة و شفتا مرمية و اسعفتا و هيك بتطلع بمظهر فاعل خير و ما بقا منشك فيك

اياد:لا..لا لا ..

طاهر:كذاب

اياد(يصرخ): ما دخلني بشي

طاهر:بتعرف انو حكم جريمة اغتصاب قاصر سجن 10 سنين

اياد:انت ما عندك شي ضدي لهلأ حتى تتهمني بهالاتهام الباطل ،اذا اسعفت بنت مغتصبة و وقعت قداحتي بالصدفة و ابي كان الو سجل اجرامي و على مشاكل مع اهل البنت ما بفسر انو انا كنت شريك بهالوساخة

طفى سيجارتو بفنجان القهوة

طاهر:رح تبقى عنا على قيد التحقيق
اياد:عنكن!ما بقدر ،انا طالب سنة تخرج و عندي امتحان و لازم ادرس و قدم موادي لاتخرج هالسنة