#الجزء_الثالث
#فوضى_الحياة
ادهم : بعرف هاليوم صعب عليكي بس صار لازم نحكي فيه 2/2 /2017
زهرة : انا كنت خايفة توصل لهالنقطة واتذكر كلشي
ادهم : انا لازم ساعدك لحتى تطلعي من كل هاد
زهرة : صعب كتير صعب حاولت كتير انسى وبلش من جديد لدرجة اني خسرت اعز الناس عالبي
ادهم : اصدك مهاب
زهرة : اي مهاب انا ماعاد قدرت فكر بالزواج نهائيا صار معي متل الفوبيا
ادهم : بس انت بتحبي لمهاب
زهرة : لاني بحبو فضلت بعد وبعدو عن حالتي لان تحولت لشخص تاني كليا"
ادهم : طيب خلينا نرجع وحكيلي شو صار بهاليوم
زهرة : كنت عم دور على مواصلات والشارع فاضي ومافي باصات ومهاب كان بالدوام اتصل فيني وواساني لانو كنت معصبة كتير دائما بحالاتي السيئة مهاب بفرحني وبيقلبلي مزاجي للاحسن
ادهم : وبعدا شو صار
زهرة : ستنفزت كل املي اني لائي باصات وطلعت بتكسي هي اول مرة بحياتي بطلع بتكسي بتسدء
ادهم : عنجد طيب ماترددتي قبل هالخطوة
زهرة : شوي بس ماعندي حل تاني
ادهم : وبعدين
زهرة : بدايتا" كان عادي الوضع وماحسيت باي شي غريب حتى لف وغير لمكان سالتو ليش ....
---------
زهرة : عفوا بس ليش غيرت طريقك
التكسي : لانو هداك الطريق عجئة وبدنا ساعة لنئطع الاتستراد
------
زهرة : انا هون خفت يمكن يكون شي طبيعي ومافي شي بس لانو اول مرة خفت
ادهم : ماحاولتي تبعتي مسج لمهاب او شي
زهرة : لا ماحبيت بالغ واطلع صغيرة ادامو
المهم وصلنا عطريق مقطوع مافيو حدا وصف عجنب نزل من السيارة وصرخ علي حاولت قاوموا ماقدرت ربطني وربط عيوني تفاجئت انو مافي حدا بطريق لا سيارات ولا ناس واول مرة بشوفو وبعدين مشي بعدها نزل و فكلي الربطة من عيوني بس خلا تمي واديي ورجلي مربطين
ادهم : وبعدين
زهرة : ( عم تبكي ) البيت كان عبارة عن غرفة نوم وسخة ومقرفة وجنبها حمام حملني وفوتني عليها
واعتدى علي بكل اشكال الاعتداء العنيف كنت صرخ وابكي وهو يقلي ماحدا حيسمعك
------------
زهرة : مشان الله تركني لا تقرب علي
التكسي : شوفي انا مهمتي جيبك وبيعك لواحد بيسلخ جلدك عن عضمك ويتاجر باعضائك بس لاني شفتك ضرب حبيت غزي حالي فيكي واعطيهن ياكي فلهيك ياشاطرة كوني ادمية لخليكي هون
زهرة : انت شووو لك شوو مفكر حالك عم ترحمني لك تركني بعد عني ياحقير ياكلب
التكسي : لك تعي لهوون لالك
--------------------
يتبع

#الجزء_الرابع
#فوضى_الحياة
زهرة : مابتتخيل كمية الوجع يلي دئتو فوء الاغتصاب تعذيب جسدي حرئني بسيخ النار وضربني بشريط الكهربا وقصلي شعري تلت ايام على هالحالة اغتصاب وضرب وذل
ادهم : طيب شلون قدرتي تطلعي من هنيك
زهرة : مرة فات يتحمم وترك موبايلو عطاولة فكرني اني مابقدر قوم لان كان وضعي مزري تمالكت حالي وتصلت بمهاب الوحيد يلي تذكرت رقمو ويادوب خبرتو اني مخطوفة وسكرت ومحيت الرقم
ادهم : واكيد مهاب خبر الشرطة وحددو مكانك عن طريق الاتصال
زهرة : بس اجو متأخرين اجو متأخرين كتير بعد تلت ايام عذاب وجحيم وبعدها بشي ساعة الي انو هو رايح
------------
التكسي : انا رايح ياحلوة وراجعلك ليشوفوكي ونتفئ عسعرك
زهرة : يا كلب ياحقير طلعني من هون مشان الله
التكسي : كلب وحقير وبدك ياني خلصك اي مو على عيني
زهرة : وراح ...
-------------
بتذكر اخر لحظة قبل ماافقد الوعي انفتح الباب بقوة شفت الشرطة ومهاب وابي وماعاد اتذكر ذاكرتي مشوشة
بس بتذكر قبل ماحدا يشوفني بهالمنظر صرخ عالكل الهن يطلعوا وغطاني بالحرام وحملني . كنت بوقتها شبه عارية ساندة راسي عالحيط والدموع ملية وجهي كدمات عايديي ورجليي وعم انزف . اخدوني اسعاف عالمستشفى
ادهم : وصاحب التكسي شو صار فيه
زهرة : عملولو كمين هو ويلي بتاجر بالاعضاء وقدروا يمسكو اكبر شبكة تجارة اعضاء ودعارة بالبلد
بس للاسف كانت عايدي وهيك بتكون خلصت مأسآتي
ادهم : شوفي زهرة انت صح تعذبتي بس رح تتخطي كلشي انت قدرتي تنهي شبكة كانت حتخطف مئات الناس ويصير متل حالتك كتير طلعي دائما عشي الايجابي ولو كانت الخسارة كبيرة قوي حالك انك انقذتي كتير من لبنات ولاطفال ووو
زهرة : بس انا نتهيت بتذكر كلام الدكتور عالاشياء يلي صابتني تشوه بجسمي تبول لا ارادي وامراض والتهابات بالرحم خلت عندي عقم وكسور والاهم انهيار عصبي حاد
انا قضيت سنة كاملة بعد الحادثة لا طلعة لافوتة انطواء عذاتي ومااحكي مع حدا ولا اتقبل حدا يحكي معي
ادهم : ومهاب
زهرة : مهاب حاول كتير يتواصل معي اصلا تفاجئ من ردة فعلي اني انهي علاقتنا
بعد 5 شهور تقريبا من الحادثة اجت لعندي رفيئتي وعطتني رسالة منو وطلب فيها يشوفني
ادهم : وقبلتي
زهرة : قبلت بس لسبب واحد
لانهي العلاقة بيناتنا لاني انا ماعاد اقدر اتزوج جسديا ونفسيا اصلا اهلو مستحيل يقبلوا فيني وحكي العالم والناس وو كتير شغلات خلتني كب 5 سنين حب ورا ضهري
ادهم : انت رضيانة عن هالشي
زهرة : لا مالي رضيانة بس بالمقابل انا مالي ندامة لانو هاد الصح
ادهم : طيب شلون تقبل مهاب الفكرة
زهرة : مو بسهولة تركني وتخلى عني بس بنهاية مهاب بحب دائما كون مرتاحة وفرحانة مع اني انا نهيتو ودمرتو بتركي الو بس الا مايجي اليوم يلي يقدر يقدر وضعي ويفهمني ليش اخترت هيك
ادهم : طيب شو خلاكي تفكري تجي لعند طبيب نفسي بعد سنة من الحادثة
زهرة : انا بحاجة لاحكي لاحكي كلشي بقلبي وجع سنة كاملة انا من وقتا ماقلت لحدا يلي صار فيني وتفاصيل دمرتني ضليت عم غب غب لنفجرت وقررت احكي بصوت عالي وماخاف بركي بتخلص من هالكابوس
ادهم : زهرة انا بدي ياكي تفكري بايجابية وتكوني فعالة بالمجتمع تعملي بصمة من المك وقصتك تخليها تحفيز ونجاح لقصص كتير متل قصتك
خلي الاسود ابيض بانجازاتك وطموحاتك
-----------
يتبع

#الجزء_الخامس الاخير
#فوضى_الحياة
ادهم : وهلا خبريني عن علاقة اهلك بعد الحادثة
زهرة : بابا نهار وماعرف وين يودي وشو من الناس من لعيلة ولحكي يلي صار تصور رغم المصيبة يلي بتحل عالشخص العالم مابترحموا لهيك كان قاسي بكلشي مع اني بعرف من جواتو كان حزين كتير بس الوضع الخارجي لعب دورو معو
وامي كانت ضعيفة لوضعي وتحاول تكون جنبي وتواسيني بس كل هاد مافادني
ادهم : بدي ياكي تتغيري وتبلشي نقطة التحول عندك من هاليوم @rwayate
الماضي مضى والحاضر حتتخططي وبالمستقبل حتكوني زهرة القوية .
زهرة : بتشكرك دكتور انت كتير عطيتني طاقة ايجابية رغم كلشي صار معي ورح حاول كون متل مابدي انا
مو متل مابدو المجتمع وينظر علي نظرة المغتصبة يلي مالها اي حقوق واي قيمة بالمجتمع
ادهم : برافو عليكي بدي اطمن عنك كل فترة واسمع اخبار ايجابية وتقدم وتطور بزهرة كتير كبير
زهرة : اكيد دكتور ...
-----------------
بعد زيارتي للطبيب النفسي يلي دامت شهور انا قدرت من تارخ 2/2 2017 لتاريخ 2/2 /2019
اني رفع مواد التخرج يلي بقيتلي واني كون عضوة بمبادرة نسائية ضد الاغتصاب والطاقات الايجابية والدعم النفسي للبنت المغتصبة حتى اهلي تغيرت معاملتهم معي وشجعوني على كل خطوة عم اخطيها @rwayate
ومهاب ضل حبو بالبي مخبى ذكرياتو بتزور عئلي كل ليلة بعرف اني غلطت بقراري اني انهي علاقة 5 سنين هيك رغم كل المشاعر القوية بينا بس في شي جوا ما خلاني اتخيل حالي زوجة لالو او لغيرو ولاني بحبو وبدي ياه يعيش حياة طبيعية اخترت بعد عنو واقتنعت بحياتي البسيطة بدون ذكر يشاركني فيها هي الحياة وانا مبسوطة هيك متل ما انا
النهاية .
--------------

قصة جديدة: #فوضى_الحياة
............
قراءة ممتعة🦋💙"
#ⴅÂÐЄĦÂ

#الجزء_الاول
#فوضى_الحياة
2/2/2017
بتذكر اخر لحظة قبل ماافقد الوعي انفتح الباب بقوة شفت الشرطة و..... وماعاد اتذكر ذاكرتي مشوشة
بس بتذكر قبل ماحدا يشوفني بهالمنظر صرخ عالكل الهن يطلعوا وغطاني . كنت بوقتها شبه عارية ساندة راسي عالحيط والدموع ملية وجهي كدمات عايديي ورجليي وعم انزف .
------------------------------------
1/3 2016
زهرة : حبييي انا بحبك كتير ومابدي عيش مع حدا غيرك
بس اهلي خايفة منهم كتير مستحيل يقبلوا بعلاقتنا كل مافكر باليوم يلي رح تجي انت واهلك البي بيجعني
مهاب : اذا التلك انا مو خايف بكون عم كذب عليكي بس مستحيل فكر انو اتخلى عنك او اسمح للظروف ولقدر يبعدني عنك رح اعمل المستحيل لتكوني الي
زهرة : يخليلي ياك يارب ومايحرمني منك
مهاب : ويخليلي ياكي ومايحرمني منك يا زهرتي لمفتحة بحياتي
زهرة : ييييي لك قوووم وصلني تاخرت كتير عالبيت مو ناقصني يشكو بشي
مهاب : يعلينا اي بربي ماشفتك منيح
زهرة : شو بدنا نعمل حبيبي معلش ستحمل
مهاب : طيب لشوف اخرتا ياروحي تفضلي
-------------------------------------
زهرة : مرحباا
ام سعيد : اهلين ماما
زهرة : كيفك ولي جوعانة كتير ( طبعا'' هالجملة اساسية لروح الشك من البها وماتعرف اني مع مهاب )
ام سعيد : فوتي عالمطبخ الاكل عالرخامة سخن
زهرة : يلا يلا وينو بابا
ام سعيد : نزل لعند عمتك
زهرة : وليييي شو طيب الاكل وليش مانزلتي معو
ام سعيد : مالي ادرانة ومو جعبالي بتخلصي اكل وبتجلي صحنك ها هلا خلصت شغل
زهرة : حاااااضر يعطيكي العافية
--------
رسالة من مهاب : الووو دبة وصلتي
زهرة : اي وصلت
مهاب : الحمد الله عسلامة ياروحي
زهرة : الله يسلمك حبي رايح عالشغل
مهاب : اي لكن حغير تيابي ونازل
زهرة : الله يسرلك ويرزئك يارب يلا مارح عطلك عمري
مهاب : يخليلي ياكي انا اول مايصحلي فرصة بحاكيكي ديري بالك عحالك بحببببك سلام
زهرة : ماشي ياروحي وانا بحبببك سلام
-------------------
يتبع

#الجزء_التاني
#فوضى_الحياة
3/5 2018
ادهم : حكيلي عنك وعن مهاب واهلك قبل الحادثة وشلون كنت تتعاملي معو
زهرة : مهاب كان ادي بالعمر وكنا ندرس سوا بس بسبب حالتو المادية والجيش ترك الجامعة من السنة الاولى لان يادوب معاشو كان يكفي مصروفو ومصروف الجامعة والجيش ورغم كل هاد انا ماهمني لان كنت شوف بمهاب الشخص يلي عنجد بلاقي حالي فيه وبكملني ومتأكدة حعيش بسعادة معو لانو مستعد يضحي بروحو كرمال كون فرحانة مهاب كان يحبني حب كبير ومو ممكن وصفو عالورق وهاد الشي خلاني اتعلئ فيه عدا انو المصاري بنسبة الي مو كلشي بالدنيا السعادة الروحية وراحة البال والاحتواء من الشخص الاخر هو الاساس صح كلامي خيالي وكتير من الاشخاص حينتقدوني عليه لان الواقع اصعب من كلمة حب بس انا بشوف الصح بمبادئي وجاهزة لاتحمل اعباء الحياة مقابل كون مع الشخص يلي برتاح معو .
وللاسف اهلي مابآمنوا بهالكلام و بيطمحولي للاحسن ومارح يقبلوا وهالشي مخوفني انا ومهاب بس آملنا بالله وحبنا القوي مصبرنا لنتحمل كل الظروف ونواجها
ادهم : طيب حكيلي عن حياتك انت
زهرة : حياتي كانت عادية جامعة الصبح برجع عالبيت بساعد امي شوي وبدرس وبدرس اخواتي وبحط راسي وبنام كنت دائما اتمنى لو بصير تغيير بحياتي واخلص من الروتين الممل يلي عايشة فيه بس متلي متل كتار حياتنا عبارة عن خط زمني ومراحل عم تتكرر من شخص لتاني حتى الموت وماكنت متوقعة انو نقطة التحول بحياتي تكون بهالشكل البشع يلي لما بتذكر هفوات منا بتمنى موت وارتاح
ادهم : طيب حكيلي عن مهاب اكتر يعني الجانب العاطفي يلي بيربطكم
زهرة : كان احلى شي بحياتي حبي لمهاب وحبو الي حب ولا بالاحلام طلعاتنا فوتاتنا ذكرياتنا واسمينا المحفورة على كل شارع وكل شجرة وكل حيط عم احكيلك وانا عم اتخيل كل شريط حياتنا سوا
ادهم : هاد الشي كتير حلو وواضح انو ذكراه بتفرحك كتير
زهرة : اي كتير
ادهم : بهمني كتير اني ضل احكي معك بالاشياء الحلوة ويلي انت بتحبيها لنقدر نتواصل اكتر
زهرة : شكرا الك دكتور
--------------
يتبع