#رفيقة_الدرب
#الجزء_الثالث_عشر_الأخير
#بقلم_فتاة_من_ورق

شريف : كيفك ، طولت عليكي ؟
فاتِنة : اي طولت .
شريف : شو بدي اعمل هي ظروفي .
فاتِنة : شريف .
شريف : نعم .
فاتِنة : ايمتا بدك تحس فيني ؟
شريف : بشو ؟
فاتِنة : لك شريف انا بحبك والله بحبك .
شريف : فاتِنة انتي بتعرفي اني رجال متزوج و بتعرفي انو رح يصير عندي بيبي بعد كم شهر .
فاتِنة : والله بعرف ومو طالبة منك شي غير انك تبادلني نفس المشاعر .
شريف : انا بحبك فاتِنة ولو ما بحبك ما كنت بجي لعندك ايمتا ما طلبتيني .
فاتِنة : انا بعشقك شريف بعشقك من زمان ، خليك قريب مني لا تتركني .
شريف : بأمر عيونك انا .

_________________________________________#بقلم_فتاة_من_ورق

*سهرت انطر شريف وصرت دقلو ما يرد ... رحت على غرفتي ونمت ...

الساعة 4 الفجر حسيت على شريف دخل عالغرفة ...

نهال : الساعة 4 منيح تذكرت انو عندك بيت .
شريف : نعسان كتير يا ريت تخليني نام وما تسمعيني صوتك .

*استغربت من رد شريف و حسيت بقهر ... شغلت الضو و التفتت عليه ...

نهال : لا مافي تنام ، تركتني طول اليوم مع الخدامة ورجعت وجه الصبح مشان تقلي نعسان .
شريف : وطي صوتك .
نهال : وطيت صوتي بس هلأ بدي اعرف وينك لهلأ ؟
شريف : بالشغل .
نهال : في شغل لوجه الصبح ؟
شريف : ليكي نهال اذا انتقلتي تعيشي ببيت لحالك وصرتي ست البيت ما تفكري اني بسمحلك تحكي معي بهي الطريقة ، انا انتشلتك من الفقر و انا برجعك عليه ايمتا ما بدي ، مفهوم يا حلوة ؟
نهال : مو انت شريف يلي بعرفو .

*اخدت مخدتي و رحت نمت عالكنبة بعد ما دموعي عبو المخدة ...

_________________________________________#بقلم_فتاة_من_ورق

(بصباح اليوم التاني)

وداد : نهال خانم .
نهال : اي ، صباح الخير .
وداد : صباح النور ، ليش نايمة هون ؟
نهال : اديش الساعة ؟
وداد : الساعة 12 .
نهال : راح شريف ؟
وداد : اي طلع من الصبح .
نهال : الله يحميه و يرزقو ، اعمليلي كاسة عصير .
وداد : امرك .

*غسلت وجهي ، اخدت كاسة العصير وطلعت عالبرندا ...
نهال : شو صاير معك يا شريف ليش هيك متغير ؟! معقول صاير معك شي بالشغل و زاعجك ، الله يهدي سرك حبيبي .

*بعد نص ساعة شفت شريف صف السيارة و نزل وحامل باقة ورد ... من فرحتي دخلت ركض على غرفتي تعطرت و تمكيجت ...

شريف : نهال حبيبتي .
نهال : الله يعطيك العافية .
شريف : شو هالجمال يا عمري ، جبتلك باقة ورد و خاتم دهب ان شاء الله يعجبك .
نهال : الله يرزقك حبيبي .
شريف : زعلانة مني بخصوص مبارح ؟
نهال : لا ابدا ، اللي راح راح نحنا ولاد اليوم .

_________________________________________#بقلم_فتاة_من_ورق

*بعد مرور كم شهر ... ولدت جُهينة ورحنا انا وشريف لنباركلها ...

نهال : الله يحميه شو حلو .
جُهينة : صلي عالنبي مرت اخي لا تحسديه .
نهال : عليه الصلاة و السلام بس انا ما بحسد .
شريف : يربى بعزكن و دلالكن .
طلال : الله يحفظك ونفرح بشوفة عيالك .
شريف : شو قررتو تسموه ؟
جُهينة : أمير .
شريف : شو صهر النية انك ابو فؤاد .
طلال : هههه والله هيك النية بس حكم القوي .
شريف : ههههه الله يعينك .
جُهينة : استلمتوني انت وياه ، ابني امير وما رح سميه غير امير ، صحيح نهال صورتي ؟
نهال : اي .
جُهينة : شو طلع معك ؟
نهال : بنت .
جُهينة : بنت !!! الله يعينك اخي .
شريف : ليش شبها البنت اختي اهم شي الخلقة التامة .

_________________________________________#بقلم_فتاة_من_ورق

*بعد فترة ولدت و جبت صبي ...

الدكتورة : مبروك سيد شريف اجاك صبي .
شريف : صبي ؟!
الدكتورة : اي صبي و بصحة جيدة .
شريف : سبحان الله

*دخلت عالغرفة لعند نهال ... كانت عم تتأمل ابننا و تبتسم ...

شريف : الحمدلله على سلامتك حبيبتي .
نهال : الله يسلمك يا عمري ، شوف ما احلاه بيشبهك .
*اخد شريف الولد و قربو منو ...
شريف : الله يحميه ، الله اكبر الله اكبر اشهد ان لا اله الا الله واشهد ان محمد رسول الله ، سميتك عبدالله .
نهال : الله يطول عمرك ويخليك فوق راسو .
ام حمزة : يربى بعزك و دلالك .
ام شريف : الحمدلله الله كذب الدكتورة و طلع صبي .
نهال : منيح اشترينا غرفة البيبي لونها ابيض مو زهري .
ام شريف : اي طبعا ابيض شو هي زهري وشو هالتفاهة .
شريف : تفضلو يا جماعة خلونا نطلع لبرا مشان ترتاح نهال .

(بعد مرور اسبوعين)

ام حمزة : بعد اذنك صهري انا بدي اخد نهال لعندي مشان يباركولها قرايبها .
شريف : خديها مرت عمي ولا يهمك .

_________________________________________#بقلم_فتاة_من_ورق

فاتِنة : هلأ ماعاد الك حجة بدك تضل معي بما انو مرتك نايمة عند اهلك .
شريف : امرك .
فاتِنة : شريف .
شريف : عيون شريف .
فاتِنة : لايمتا بدنا نضل عايشين هيك ؟
شريف : كيف هيك يعني ؟
فاتِنة : نضل خايفين من مرتك و من العالم .
شريف : شو بدك فاتِنة ؟ احكي من الاخر .
فاتِنة : بدي نتزوج .
شريف : نتزوج !! جنيتي انتي ؟
فاتِنة :

#إمسك_يدي
#الجزء_الثالث_عشر_الأخير
#بقلم_فتاة_من_ورق_بسمه_السباعي

بعد مرور خمس سنوات

*خلال السنين يلي مضت .. قررت ارجع كمل حياتي و اتناسى كلشي صار معي .. نطرت لحتى صارت رنيم صف تاسع و قدمناه سوا و نجحنا و بعد سنتين قدمنا البكلوريا سوا و كانت الفرحة الكبيرة لما نجحنا سوا و دخلت كل وحدة فينا التخصص يلي بتتمناه...

هلأ عمري 21 سنة .. صرت سنة تانية بتخصص البصريات .. تناسيت ماضيي تماما وما خبرت حدا من رفقاتي عنو .. عشت حياتي بشكل طبيعي و لحسن حظي ما قابلت شادي ولا مرة خلال هالسنين يلي مضت...

اختي رنيم صار عمرها 19 سنة .. عم تدرس بمعهد تصميم ازياء كان هاد حلمها و تحقق ...

*ضحكتلنا الحياة من جديد بعد كلشي صعب مرينا فيه .. كل مرة كنا نحس فيها وصلنا للنهاية رب العالمين بنتشلنا من نص العذاب و يعطينا الأمل لنكمل حياتنا و نستمر ....

ريما : وينك لهلأ تأخرتي كتير .
تمارة : صحيت متأخرة .
ريما : والله رح تجننيني صارت الساعة وحدة لهلأ نايمة ؟ اصلا شو جابك عالجامعة باقي بس محاضرتين و بيخلص الدوام .
تمارة : اي اجيت احضرهن احسن من ولا شي ، المهم اخدتو شي مهم بالمحاضرات ؟
ريما : اي اخدنا .
تمارة : بما انك رفيقتي الشاطرة المجتهدة خليني صورهن منك .
ريما : تفضلي ، الله يصبرني عليكي .
________________________________________
#بقلم_فتاة_من_ورق_بسمه_السباعي

عفاف : شو رنيم راجعة عالبيت ؟؟
رنيم : اي طبعا وين بدي روح .
عفاف : شو رأيك تروحي معي على معهد الموسيقا .
رنيم : لا شو بدو ياخدني .
عفاف : الله يخليكي روحي معي كتير قريب المعهد من هون بس بدي شوف الاستاذ اسألو أي ساعة الدوام بكرا و منطلع .
رنيم : اكيد ما منتأخر ؟
عفاف : اي اكيد .

*مشيت مع عفاف لحتى وصلنا...دخلنا سوا على المعهد و وقفنا قبال الصف...شفت استاذ عم يعلم العزف على الكمان كان حاطط نضارات شمسية سود استغربت منو...

رنيم : هاد هو استاذك ؟
عفاف : أي .
رنيم : هههه ليش حاطط نضارات بقلب الصف .
عفاف : ما تضحكي الاستاذ كفيف .
رنيم : كفيف ؟!!
عفاف : اي والله .
رنيم : مستحيل اكيد عم يمزح معكن ، مو شايفتيه استاذ و عزفو بيجنن .
عفاف : ليش انتي هيك تفكيرك ؟ هاد احسن استاذ ممكن يعلم العزف على الكمان ، الله عاطيه موهبة كبيرة الكل بيتمناها .

*سكتت و بقيت واقفة عم اتأملو و اسمع عزفو الحنون .. لحتى خلص دخلنا لعندو انا و عفاف ....

عفاف : مرحبا استاذ .
أوس : اهلا يا عفاف .
عفاف : ممكن تخبرني بكرا أي ساعة رح تكون فترة تدريبي ؟
أوس : الساعة 12 الضهر ، مناسب ؟
عفاف : اي كتير مناسب .
أوس : مين معك ؟؟
رنيم : بسم الله كيف عرفت انو في حدا معها ؟
أوس : هههههه
عفاف : هي رفيقتي معي بمعهد التصميم .
رنيم : اسمي رنيم عمري 19 .
أوس : اهلا و سهلا فيكي رنيم و انا أوس عمري 21 .
رنيم : تشرفت بمعرفتك استاذ .
أوس : الي الشرف .
عفاف : عن اذنك استاذ .
أوس : الله معكن .

*طلعنا انا و عفاف من المعهد و صرت فكر بهالاستاذ .. سبحان الله كيف رب العالمين بياخد من الانسان شي بس بيعوضو بشي احسن....
________________________________________
#بقلم_فتاة_من_ورق_بسمه_السباعي

*رجعت على بكير من شغلي .. سلمت على امي و قعدت...

سناء : شبك ابني حاسة بتمك في حكي .
شادي : بصراحة اي .
سناء : احكي عم اسمعك .
شادي : من فترة تعرفت على صبية دارسة ادب انجليزي .
سناء : اي .
شادي : ضلينا نحكي ٣ شهور و خبرتها اني مطلق يعني حكيتلها كل قصتي و هي خبرتني انها كانت مخطوبة و فسخت خطبتها لانها ما تفاهمت مع خطيبها ، الاسبوع الماضي عرضت عليها الزواج وهي قبلت و هلأ اذا بتقبلي امي اخطبيلي ياها .
سناء : يا عمري انت طبعا بقبل ، انا صدقت انك ترجع تفكر بالزواج .
شادي : معناها اليوم المسا باخدك تتعرفي عليها و على اهلها .
سناء : الله يقدم يلي فيه الخير .
________________________________________
#بقلم_فتاة_من_ورق_بسمه_السباعي

الساعة 3 العصر ... كالعادة رجعنا كلنا عالبيت لنجتمع حوالي سفرة الغدا....

غسان : كيف المعهد أوس ؟
أوس : تمام ابي كتير منيح .
غسان : وانت جواد كيف جامعتك ؟
جواد : الحمدلله تمام .
غسان : جواد بدي ياك تشد حيلك ، انت رح تصير ايدي اليمين بالشغل لازم تكون فهمان كلشي بدراستك لتقدر تمشي معي .
جواد : حاضر بابا .
يسرى : الله يفرحني فيكن .
أوس : الحمدلله انا شبعت .
يسرى : بس ما اكلت منيح .
أوس : بدي اطلع شم شوية هوا برا كان عندي ضغط بالتدريب اليوم ، باكل بعدين .
غسان : على راحتك ابني .

*طلعت من الفيلا سمعت صوت المي .. عرفت انو العم تامر عم يسقي الشجر .. صرت الحق الصوت لحتى وصلت لعندو...

تامر : اهلا بالغالي .
أوس : كيفك عمي .
تامر : هلأ صرت منيح لما شفتك .
أوس : الله يطول عمرك .
تامر : خبرني كيف كان دوامك اليوم ؟
أوس : الحمدلله حلو و متعب بنفس الوقت .

#بقلم_فتاة_من_ورق_بسمه_السباعي

يسرى : عم يتقطع قلبي على أوس .
غسان : وانا

#أراكِ_وطني
#الجزء_الثالث_عشر_الأخير
#بقلم_فتاة_من_ورق

*وقفت قبال المراية مسحت مكياجي وقربت لحتى غطي زوجي ... تفاجأت من دم طالع من تمو وماعم يتنفس .. بلشت تختفي ابتسامتي و دقات قلبي صارت تتسارع ...

ام زيد : جمال ، جمال حبيبي رد عليي جمااااال .

*حضنت جمال وصرت صرخ و ابكي ....

#بقلم_فتاة_من_ورق

ابو محمد : هاد صوت مرت اخي .
ام محمد : اي صوت فادية ، خير ان شاءالله .
ابو محمد : اخي .

*نزلت من بيتي و صرت دق باب بيت اخي بقوة ...

ابو محمد : افتحي ام زيد .
*كنت عرفان انو هاليوم رح يجي بس يلي ما كنت عرفانو انو بيوجع هالقد ...
_________________________________________
#بقلم_فتاة_من_ورق

بصباح اليوم التاني

ام كنان : قوم ابني قوم صحي مرتك و خدها على بيت اهلها .
كنان : والله خايف عليها شو بدو يصير فيها لما تعرف ، لا حول ولا قوة الا بالله .
ام كنان : اول عن آخر رح تعرف قوم وديها من هلأ خليها تودع ابوها قبل ما يدفنوه .
كنان : حاضر .

*دخلت على الغرفة .. قربت من ديانا و صحيتها بهدوء ..

كنان : ديانا حبيبتي .
ديانا : اي كنان .
كنان : قومي اشربي قهوة معي قبل ما روح على شغلي .
ديانا : اديش الساعة ؟
كنان : الساعة 7 .
ديانا : عملت قهوة ؟
كنان : اي عملت بس قومي .
ديانا : الله لا يحرمني منك شو بحب يومي لما بتصبح فيك ، عنجد لا عاد تتركني نايمة و تروح عالشغل كل يوم صحيني معك .
كنان : تكرم عيونك .
_________________________________________
#بقلم_فتاة_من_ورق

وائل : يسعد صباحك يا عروس .
مايا : صباح الفل حبيبي .
وائل : حضرتلك الفطور .
مايا : الله يخليلي ياك .

*غسلت وجهي .. رفعت شعري بالملقط و قعدت عالسفرة ...

وائل : بس تخلصي اكل ضبي شنتة صغيرة مشان نروح نودع اهلي و نسافر .
مايا : لوين بدنا نسافر ؟
وائل : ما بدنا نبعد كتير على تركيا ، اسبوع زمان و منرجع .
مايا : اي تمام .
وائل : ليش هيك رافعة شعرك فرديه .
مايا : هههه حاضر .
_________________________________________
#بقلم_فتاة_من_ورق

كنان : ديانا قومي جهزي حالك .
ديانا : ليش ؟
ام كنان : اهلك بدهن ياكي .
ديانا : غريبة ليش ما خبروني مبارح !
كنان : يلا حبيبتي بسرعة جهزي حالك مشان ما اتأخر على شغلي .
ديانا : اوكي ثواني .

*دخلت على غرفتي لحتى بدل تيابي ...

ام كنان : ليش ما خبرتها ؟
كنان : مافيني خلص اهلها بيخبروها .
ام كنان : بدك تتركها و تروح عشغلك ؟
كنان : لا طبعا أيّا شغل هاد وعمي توفى .
ديانا : شو .. شو قلت كنان ؟
كنان : ولا شي .
ديانا : مين عمك يلي توفى ؟ ميييين ؟
ام كنان : ديانا اهدي بنتي .
ديانا : ليش عم تقوليلي اهدي مرت عمو .. بابا ؟ كنان بتقصد بابا ؟
كنان : لا حول ولا قوة الا بالله ، اهدي حبيبتي هي سنة الحياة الله يرحمو و يغفرلو .
ديانا : ولي على آمتي وليييي على آمتي .

*رحت على بيت اهلي .. لأول مرة بشوف هالبيت اسود رغم الإضاءة .. تمنيت لو اني متت قبل ما شوف هاليوم .. حسيت بالبرد عم ينخر عضامي .. حسيت قلبي احترق و صار رماد ...
_________________________________________
#بقلم_فتاة_من_ورق

*دخلنا على بيت حمايي .. استقبلتنا حماتي بكل برود و بدون ابتسامة ...
ام وائل : اهلا و سهلا .
وائل : كيفك امي .
مايا : طمنينا عنك مرت عمو .
ام وائل : الله يرضى عليكن .
وائل : وينو ابي ؟
ام وائل : طلع من الصبح .
وائل : كنا بدنا نودعو انا ومايا قبل ما نسافر .
ام وائل : ابني اجلو سفرتكن هلأ .
وائل : ليش ؟
ام وائل : ما بيصير تسافر لانو .. لانو
وائل : لانو شو ؟ احكي امي .
ام وائل : لانو اليوم الصبح وصلنا خبر وفاة ابو زيد عمها لمايا .
مايا : عميييييييي
وائل : شو ؟ كيف ؟؟؟

*فتحت الباب و نزلت عالشارع ركض ...

وائل : مايا استني مايا .
_________________________________________
#بقلم_فتاة_من_ورق

*بعد مرور عدة أشهر*

ام زيد : مرت عمو ولدت ديانا بدي روح عالمشفى بدك شي ؟
زهرية : سلامتك يا بنتي ، يا رب قلبي ماعاد يتحمل فقدان ابني .. يا رب خدني و ريحني .

#بقلم_فتاة_من_ورق

مايا : ما شاء الله شو ناعمة هالبنت ، كتير بتشبهك ديانا .
ديانا : حبيبتي ميوش الله يفرحنا بقيامك بالسلامة .
مايا : آمين .
ام كنان : صورتي مايا ؟
مايا : اي خالة .
ام كنان : شو طلع معك ؟
مايا : صبي ان شاء الله .
ام كنان : عقبال كنتي لما تجيب الصبي و تفرح قلب ابني .
مايا : الله كريم .
*توترت من جملة حماتي و حاولت غير الموضوع ...
ديانا : كنان خلينا نسميها مايا .
كنان : بعدين منحكي بهالموضوع .
مايا : عن اذنك دندون انا بدي روح عالجامعة المسا برجع بجي لعندك .
ديانا : الله معك حبيبتي .
_________________________________________
#بقلم_فتاة_من_ورق

وائل : كيف شفتيها للصغيرة ؟
مايا : الله يحميها بتجنن .
وائل : و ابني كيفو ؟
مايا : هههه منيح الحمدلله .
وائل : مو مصدق ايما يجي على هالدنيا و احملو بايديي و ي