#الجزء_الثاني_عشر (12) :
Telegram:@rwayate
#خفـــايـــا

لما بكي الولد انتبهولو الناس يلي كانو موجودين بقربو
بلعت ريقها لما شافت مرة كبيرة بالعمر قربت وشالت ابنها وصارت تهديه وتسكتو

لحظات قليلة بلشت تتخيل حياة أبنها قدام عيونها … شريط طوييل بيمشي وهي بتشوفو بيكبر وبيكبر لحتى صار رجال بعيد عن عيونها … بعيد عن قلبها يلي اتخلق بقربو … كيف رح تقدر تشوفو من بعيد لبعيد والله بيعلم كيف رح يعاملوه.

فكرة صغيرة خطرت ببالا خلتا تصير بهاللحظة أقوى خلق الله
ومن دون تردد ركضت وأخدت الولد من ايدها وهي بتصرخ فيهن: أبني يا حراميي مين أخدو مني مييييين

خطفتو من بين أيديها ومتل البرق طلعت من السوق لتتوجه للمكان يلي بتفكر فيه...

ساعتين أخد مشوار الطريق منها لوصلت للبلد يلي هربت منو ووقفت عند باب لمخفر الشرطة … دخلت لعند الحارس وهي بتقول: بدي شوف المسؤول هون

_ ليش

امان: بس شوفو بتعرف

_ استني شوي

خلال دقيقة كانت واقفة قدامه
الشرطي: اتفضلي

امان: أنا زوجة توفيق بيك الثانية أكيد بتعرفو !؟

رفع راسو وهو بيدقق فيها من فوق لتحت: ومين ما بيعرف توفيق بيك الله يرحمو ومين هاد يلي حاملتيه ؟؟

امان: ابني

الشرطي: وين كنتي مختفية كل هالوقت كرم بيك داخ عليكي

أمان: خفت على ابني منن هربت لحتى أولد واجي لعندك لأن ضرتي أكيد كانت رح تأذيه

الشرطي: يعني بدك مننا نحميكن

أمان: أي من مرتو وولادو

الشرطي: تمام

أمان: بدي تروحو معي على الفيلا ويكتبو محضر ما حدا يتقرب مني

الشرطي: طيب ليش هربتي ؟

أمان: قلتلك مشان حملي … هلق لما عرفت حالي حامل خفت من ضرتي لان كانت بتتوعدلي اذا حبلت رح تقتلني وتقتل يلي ببطني
كملت بكذبتا وهي بتقول: هربت بس بمعرفة توفيق لبين ما اولد وصار يلي صار ومات توفيق وكتير خفت ارجع
Telegram:@rwayate
الشرطي: كنتي بالبيت لما انقتل

أمان: هربني قبل ما يجو لان خاف يشوفوني

الشرطي: يعني كان عرفان انو رح يموت

رفعت راسا وهي بتقول: يمكن ما كنت اسألو المهم بوقتها كنت بدي حافظ على ابني

الشرطي: ووين كنتي كل هالوقت

امان: اشتغلت بمطعم لحتى ولدت وقلت بجي لعندكن بتساعدوني

وقف الشرطي وهو بيحمل اغراضو وقلا: استني هون لأخد اذن النيابة

هزت راسها وقعدت ترضع ابنا يلي صار يبكي

بعد ساعة كاملة رجع الشرطي وهو بقول: اتفضلي معي

مشيت وراه وقلبا عم يدق جوا ضلوعا طبول من خوفا … رغم معرفتا أنو هالولد رح يكون ابن توفيق الوحيد بس خوفا من سناء رح يكون كبير
وشو رح تقول لكرم بس يشوفا ويشوف هالولد بحضنا !!!!

بلعت ريقا وهي بتفكر (كرم يلي تركني مرتين بالنار !!! ليش بدي فكر فيه وليش حتى برر … هلق أبني المهم وبسسس)

طلعت بسيارة الشرطة ونزلت عند الفيلا … حست اجريها اتيبسو من الرعبة … وقفو شوي لحتى يجي كبير البيت
وبهاللحظة شافتو !!! أي شافتو
يا الله ما عم تصدق أبداً معقول هاد هوي يمكن ضعفان شوي ووجهو متغير … دقنو طولانة وحتى شعرو.

لما نزلت من السيارة وشاف بين ايديها الولد انصدم صدمة حياتو فتح عيونو على وسعن وهو بشوف ولد صغير بين ايديها

مشيت ورا الشرطي يلي شرحلو ليش اجا معها ومن دون ما ترفع راسها باتجاهو قطعتو بسرعة ودخلت لجوا الفيلا والشرطة ماشين وراها

وقفت بصالون الفيلا الكبير والولد بين ايديها من بعيد شافت الطباخة نجاح والشغالة ليال يلي ابتسمولا وحييوها براسن

جوا الصالون كانت سناء ممدة على كنباية كبيرة وبقربا اختا يلي شافتا أمان مرة وحدة بس يوم عرسا
قربت اختا وهي بتقول: انت شو رجعك

اتحصنت أمان بابنا وقوت حالا وشالت قناع الخوف وهي بتقول: كنت عم احمي ابني منكن
Telegram:@rwayate
اخت سناء: بس يلي بعرفو أنوووو

التفتت لعند اختا يلي كانت مشلولة ما بتقدر تتحرك أبدا من يوم ما عرفت بموت توفيق
ما اتحملت أبدا وانجلطت وهلق ما بقي فيها شي يتحرك ولا حتى بتقدر تحكي
كانت بس عم ترفع عيونها لفوق

ماحاولت أبدا أمان ترفع عيونا لتشوف ملامح كرم لأن بتعرفو رح يكون كتلة من النار
الشرطي: نحنا جايين لنحمي الام والولد لأن قالت انو سناء هددتا

اخت سناء: كذابة كذابة توفيق ما كااااان...

سكتا كرم وهو بقول: خلص ولا حرف

هلق التفتت من دون ما تحس لتشوف وجهو كيف لونو أحمر وعروق رقبتو واضحين كتير
رجعت التفتت لعند ابنا وهي بتسمع اخت سناء بتقول: توفيق ما قرب عليها وما لمسا هيك كانت تقول سناء

رفعت راسا وهي بتقول: ليش كنتو أنتو معنا كل الوقت
بلعت ريقا وقوت حالا لتقول أخر جملة: انتو أصلا بتعرفو ليش أنا هربت

هلق لفت راسا لجهة كرم لما سمعت صوت شهقتو
رمشت عدة مرات وهيي بتكمل: توفيق هربني ليحميني ويحمي أبني منكن
من بعيد تشنج سناء كان واضح وهي بتحرك بس عيونها ووجها صار لونو احمر متل الدم

الشرطي: اذا بدكن اعملو تحليل نسب

امان ما خافت أبدا من هيك تحليل لأن ببساطة مافي مين يطلبو منو تحليل الأب ميت ومافي ولا اخ ولا حتى اهل لتوفيق لانن ميتين من سنين

التفتت لعند كرم وهي بتقلو: اي اذا بدك اعميل أنا جاهزة

#الجزء_الرابع (4) :
Telegram:@rwayate
#خفـــايـــا
#بقلم_مروةآغا

ابتسم هوي ومرتو من دون ما يجاوبو … قربت ست سناء لعند أمان وحطت ايدها على كتفها وهي بتقول: لا كلو تمام بس عندك شوية فقر دم بدك غذا منيح

برقو عيونها بفرحة وراحة كبيرة دخلت لجوا قلبها … كل الأيام قبل كانت خايفة من هالموضوع لان أبدا ما ناقصهن بلاوي جديدة من بعد مرضة أخوها وأبوها يلي دائما مريض وأجرو بتوجعو وأمها مريضة السكري يلي هدها هد … بلفعل ما كان ناقصهن مرض جديد أبداً

سمعت صوت أمها من وراها بتدعي وتحمد ربها
وابتسامة ست سناء الدافية حركتلا قلبها … وفاجأتها لما قربت لعندها بسرعة وضمتا من ورا كتفها شافت توفيق بيك واقف وعيونو مركزة عليها
أمان: كتر خيرك عمو الله يعطيك على قد نيتك

ابتسامتن فوراً جمدت وملامح وجههن اتغيرت وهالشي خلاها تقلق بس بسرعة رجعو ضحكو وأمها لسا عم تشكرهن

قربت سناء أكتر وصارت تلبعلها بخدودها الوردية المدورة وهي بتقول: دخيل جماك الله يحميكي يارب

من وراها شافت ندى وهدى عم يضحكو عليها لان كتير خجلت … تركتن وطلعت لبرا وبنات خالتها لحقوها
قربت هدى وصارت تلعبلا بخدودها وتقلد سناء بطريقة سينمائية: ياسلااام يا سلاااام ما أحلاكي

بعدتلا ايديها وهي بتضحك معهن لأن ندى فرطت ضحك

أمان: خلص أنت وياها لا حدا يشوفكن

ندى: بقص ايدي اذا ما بدا تخطبك لأبنا

أمان: لا شو عم تحكي … شو جاب لجاب … أنا من مجتمع وهني من مجتمع

ندى : لكن ليش خلونا هون واخوكي طاب فكري فيها

هدى: لك أي أي وانا بقول عملوا التحاليل ليتطمنو عليكي يمكن خافو من شي مرض
Telegram:@rwayate
أمان بانزعاج: وليش حتى يخافو يعني شو مفكرين حالن أحسن مننا

هدى: لك ما هيك بس هني قالو لما حللولك المرة الماضية شافو شي غريب عم يتطمنو بس

أمان: أمممم أي ما عاد بدي اتجوز

هدى: لك جدبة شو بدك أحسن من هيك

أمان: وأنا عم قول هيك كمان

ندى: أي وانتي مين بدك من ولادها

أمان: هههههه قال يعني هني بدن يخيروني

هدى: أنا بقول بدن بخطبوكي للكبير

ندى: أي معناها خلولي الصغير ألي

ضحكت أمان وهي بتدفشا من كتفها وبتقول: تتهني فيه … نسيتي كيف شفناه عم يتعاطى مخدرات

ندى: لا ما نسيت وشوفيها اكيد رح يسعدني

وكأنه حس انو الحكي موجه عليه … اول ما مشيو خطوتين تانيات كان واقف قدامهم
التفتت أمان لعند ندى وشافتا كيف بتبتسم ووجها لونو أحمر

نكشتا من كتفا وهي بتقول: اوعك ولي لك هاد حشاش

ندى: تركيني بحالي هلق

قرب ليث أكتر لحتى وقف قدامهم وهو بقول: ياهلا بالصبايا الحلوة

قربت ندى وهي بتقول: اهلين فيك

رفع ايدو ليحطها عليها وبسرعة قربت امان وبعدتها لوراها وهي بتنبهو: ليك نحنا سكتنا ع يلي شفناه كرمال اهلك لان كانو اكابر معنا بس اوعك تتعدى الحدود والله بحكيلن ع كل شي

ليث: شووووفووو عم تحكي وتهدد وتتوعد

أمان: انا بس بدي ما حدا ينأذى

ليث: أي لا تخافو مارح أأذيكن

مسكت التنين من ايديهن وكملو مشي بعيد عنو لوصلو لمشغل الخياطة الموجود بقرب البيت … مكان متل بيت صغر فيه ورشة خياطة لبنات ما الهن اي حدا وتوفيق بيك ساعدهن ليلاقو مكان ينامو فيه ويشتغلو بنفس الوقت.
Telegram:@rwayate
دخلو من باب حديدي كبير ووقفو بكوريدور طويل على يمينه في عدة غرف نوم بقلبا تخوت خشبية وخزاين خاصة لكل بنت … وبيسار الكوريدور كان في غرفة كبيرة كتير فيها عدة الخياطة وفي مسؤولة على كل هالبنات وورا هالمكان الكبير كان في حديقة وأحمد وقع من الطابق الثاني في ببت بيتعمر جديد لجوا حديقة المشغل.
البنات كانو كتار قريب العشرين بنت وكلهن من دون أهل كانو بسيطيين وطبيعيين كل يومن بشغلن وأمان وهدى وندى صارو صحبة معهن بهالكام يوم يلي قعدو فيه بهالبيت.

وبمناسة شفاء أمان التمو البنات بغرفة الخياطة وهنوها ومن بعدها بلشو يحكولن على عاداتن بالمنطقة

سحر: نحنا هون كل البنات منلتم ومنطلع يوم بالسنة منتحمم بمية النهر الكبريتيه كتير كتير مفيدة للجسم وللشعر

هدى باستغراب: وكيف بتشلحو تيابكن قدام الناس

صباح: لك لاااا منكون لابسين بس منقعد سوا وبعدين منقعد ع الحجر وتيابنا بتنشف بالشمس ومنرجع ع البيت

ندى: أممم نحنا عنا بالمدينة مافي هيك عادات انقرضت من زمان نحنا لما منلتم منرقص ههههههه

سحر: بالله وكيف بترقصو … عنا عيب البنت ترقص بس لما بتتزوج

ندى: ييييه اذا البنت ما رقصت مين بيرقص
Telegram:@rwayate
سحر: نحنا هيك عنا البنات عيب ترقص وتعمل أي شي كلو للمتزوجات ههههه

صباح: فرجونا كيف بترقصو؟؟

التفتت ندى لعند أمان وقالتلها: قومي أمان فرجين رقصاتك

فتحت عيونها وقالتلا وهي عم تكز ع شفايفها: أنا بفرجيكي عم تقلك المخلوقة عيب الرقص بدك تفضحينا

هدى: لك يلااا مين شايفك هون دائما هيك بتتدللي

قربو كل البنات وسحبوها وهدى قربت لتربط الشال على خصرها

وقفت بيناتن وهي ما عرفانة شو تعمل بلشو يصقفو ويغنو وهي لساها واقفة قلقانة رغم انها بتعرف ترقص نظامي بس خافت لان ما هيك عاداتن يمكن ينزعجو

تك تاك تك تاك … كان قلبها عم يدق متل الساعة ناطرة ليجي ينقذها متل ما وعدها أو يمكن تمووووت......
الخوف وصل عندها لاخر درجة … فجأة حست شي خفيف بيحملها فوق الغيوم عم يرفعها شوي شوي لتطير فوق الافق.
أكيد هاد هو خط النهاية !!!!!!!!!!!

بهاللحظة حست التراب بلش ينزل على وجهها
ومن بعدها دخلت نسمة وهوا قوية … فتحت تما وبلشت تاخد نفس ورا نفس بسرعة كبيرة وكأنها كانت بدها تاخد كل أوكسيجين الكرة الأرضية
ومن بعدها شافت وجه كرم
قرب منها وهو بيضربها كفوف على وجهها لتصحصح
كرم: أمان .. أنا كرم جيت لأخدك

طالعت تنهيدة صغيرة لتعطيه اشارة انها صحيانة

ضما لقلبو وهو بقول: الحمد لله الك ياربي الحمد لله

بعد عنها وطلع كمل شغلو .. بنفس العدة يلي انحفر فيها القبر رجع كرم اشتغل فيهن ليبعد التراب يلي كدسو عن جسمها
شوي شوي بلش يبان بياض الشرشف يلي مكفنة فيه.
#خفـــايـــا
نط لجوا الحفرة وحملا بين ايديه وهو عم يمسحلا التراب عن وجهها وحاول يشوف نبضها اذا لسا منيح حط ايدو تحت راسها ورفعو لعندو وهو بحاول يشوف اذا لسا نفسها الدافي رح يلفحلو وجهو
بس ماكان في ولا ذرة نفس
فتح عيونه بقوة وهو بيتنفس بسرعة … حس بقلبو رح ينفجر من قوة نبضو المجنون للحظات بس وبعدين رجع لوعيو وطالع ابرة من جيبتو وحقنها فيها لترجع تتنشط ويرجع نفسها من جديد
Telegram:@rwayate
شدا اكتر لعندو وهو بيهمسلا بحنان: أنا معك مستحيل خلي حدا يأذيكي

ضما لصدرو اكتر ومشي وهو حاملها بين ايديه لوصلو لمكان فيه أمان ومابيقدر حدا يوصلا كانت متل ماتركها فاقدة وعيها كليا بس هلق بلشت تتنفس ببطئ

قلبو صار يدق طبول وهو بحس بقلبها بينبض متل الساعة حط راسها على صدرو وثبت جسمها عليه وبقيو ناطرين ليث ليرجع

شال عنها الشاشية البيضة ومددها بحضنو وهو بيهمسلها: اذا حاسة عليي ردي … كيف حاسة تنفسك منيح

طالعت همهمات خفيفة من دون ما تحكي شي

ضما لصدرو وهو بيكتم دموعو وبقلها: كل شي انتهى كل شي انتهى

*****

بعد عشر دقايق وصلو توفيق وليث للفيلا … كانت سناء قاعدة عند الباب عم تستناهن
سناء: طمنوني

توفيق: قبرناها

مشي ليث ودخل لجوا البيت اخد قنينة مي وطلع

سناء: لوين

ليث: رايح حشش خلصت مهمتي

سناء: الله يهديك

قربت سناء من توفيق وسندتو ليدخل البيت
توفيق: الحقيرة بقيت سنتين حاويها عندي وبالاخر ما استفدت منا

سناء: مضيت ع خير بكرا منلاقي بديل

توفيق: ايمات ايمات هاي صرلي عمر ناطر

سناء: حاج تتوتر لا تتعب

توفيق: كيف ما بدي اتعب بعد كل هالمصايب … هلق لازم نجهز خطة لاختفاء أمان من البيت … ونشوف شو بدنا نبرر ونقول للناس ولأهلها

سناء: بكرا رح يكون يوم صعب
Telegram:@rwayate
*****

طلع ليث من الفيلا ركيض وركب بالسيارة ورجع للغابة شاف كرم قاعد مكانو عطاه قنينة المي وحاول يشربها شوي شوي وراح ليث ليغطي القبر منيح حتى ما يبين انو مافيه جثة
لما كملو شغلهن حملها كرم وطلع بالسيارة ليروحو للمكان المحدد

بعد نص ساعة كانت السيارة صافة عند باب البيت
بيت حجري صغير بسيط كتير موجود على قمة جبل وحواليه مليان شجر وعشب … نزل من السيارة وحملها بين ايديه وهي عم تتنفس بصعوبة.

أول ما دخل ع البيت مددها على كنبة طويلة وجاب بخاخ الربو وبلش يبخلا لحتى تستعيد نفسها شوي شوي

ولما ارتاحت أخدها معو ع الحمام ليغسلها من أثار التراب
بصعوبة مشيت معو لحتى وصلو للمغسلة … قرب منها وساعدها ليشلحها جاكيتها

رفعت ايدها وقالتلو: لأ

كرم: بس الجاكيت فيه كتير تراب

أمان: قلتلك لأ

كرم: طيب رح غسلك بس وجهك

قرب منها وبلش يمسحلا وجهها ورقبتها وايديها المكان المكشوف بس
رجع سندها واخدها لجوا الغرفة ممدها على الكنبة

كرم: رجاع ع البيت راقب توفيق احسن ماينتبه على شي

ليث: ماشي

طلع ليث وأمان سألت كرم: شو عطيتوني دوا حاسة جسمي تعبان كتير
Telegram:@rwayate
كرم: بالأول مخدر لترتخي وتنامي ما كترنا العيار بس مجرد انك تنامي ساعتين لبين ما ينتهي كل شي … ومن بعدها عطيناكي أبرة مرخي عضلي عيار تقيل لترتخي وما تحسي على شي حتى يتاكدو من موتك هالابرة بترخي جسمك وبتخفف نبض القلب لحتى ماحدا يقدر يحس فيه بس خلال دقايق بيرجع كل شي لطبيعتو … بس توفيق وسناء فكرو الأبرة لتموتلك دماغك متل ما شرحتلك … وبعدين رجعت عطيتك ابرة بشكل صدمة لما حسيت نبضك خف لحتى يرجع القلب ينبض بقوة

أمان: ما خفتو يصرلي شي

كرم: لا أنا دارس كل شي منيح وعطيتك نفس المعايير

أمان: وأنت شو فهمك بهالموضوع

كرم: انا دكتور

أمان بصدمة: كيف !؟

كرم: هالشي كلو بالسر … كنت من الأوائل اهتم فيي وعلمني لصرت دكتور لساعدو بهاليوم بالذات

أمان: طيب ليش أنا !!

#يتبع 👇👇

#الجزء_الثامن (8) :
Telegram:@rwayate
#خفـــايـــا

مشي باتجاهها بسرعة وبعدة خطوات بتهدر على الأرض هدر كان وصل لعندها وهو بشدها من جدولة شعرا الطويلة ليسحبا لعند البنات ويرميها بالارض

توفيق بصوت عالي: شو عم تعملي هون

جاوبتو بصوت بيرجف: أناااا ... أنااااا بس كنت عم اتمشى هون

قرب وضربا كف وهو بقول: كذابة كنت عم تراقبيني … لك مالك خبر انك عم تلعبي بالناااار

سحبا من جدولتا بقوة اكبر ومشي باتجاه الفيلا وهو بقول للفسفوسة: كلكن على تخوتكن … ولا بنت بتطلع من المشغل فهمانة المسا الي معهن حديث تاني

جرها جر قدام عيون الكل وقدام الحرس كمان … دخلها للفيلا ورماها ع الأرض وهي بتصرخ من الوجع

على صوتهن طلعو سناء وليال ونجاح

سناء: شو صاير
Telegram:@rwayate
مشي على مكتبو ورجع خلال ثواني والكل لسا على حالن مصدومين
قرب منها وقصلا جدايل شعراتها الطوال يلي ربتن كل شبر بندر ليهرو قدام عيونها متل الشلالات … وهالشي خلا بكاها يزيد واتحول لنحيب

التفت توفيق وقال للخدم: أنتو ع المطبخ وسكرو الباب وراكن

نظرة الخوف لأمان كانت واضحة بعيونن وهن بينسحبو ليدخلو المطبخ ويسكرو الباب

سناء: لك احكيلي شو عملت البنت

توفيق: الحقيرة لحقتني وعم تراقبني … لك شافتني وأناااا بالمشغل مع البنات

سناء: أكيد رح تشوفك قلتلك ما لازم كنا نعمل هيك قلتلك من البداية فينا نخلي عينا عليها بغير طريقة

عيون أمان كانت على شعراتها بس وحتى يمكن ما سمعت شو قالوا

توفيق: الحق عليي انا يلي وثقت فيكي ودخلتك بيتي … أنا بورجيكي

منين طلع الكرباج مابتعرف ما شافتو الا حامله بايده وسلخا اول سلخة على ظهرها

صرخت بصوت عالي: أأأأأأأأأأه

سحبا وطالعها على غرفتها جر ورجع يضربها ويضربها وسناء من وراه عم تهديه

سناء: لك لا تموتا اهدا توفيق الله يوفقك

رجع توفيق وهو عم يتنفس متل الثور ومن بعدها طلع برا الغرفة

قربت سناء من أمان وساعدتها لتتمدد على سريرها غطتا وطلعت لعند جوزا

نزلت على الدرج بسرعة وهي بتلحق جوزا خيفانة يصرلو شي بعد نوبة العصبية يلي اجتو
دخلت على غرفة نومن شافتو حاطط ايدو على صدرر وهو بيرجف

سناء: يا الله يا توفيق شو عملت بحالك

توفيق: هلق برتاح بس جيبيلي الدوا

بسرعة البرق ركضت جابت الدوا وعطتو اياه وهو ارتاح فورا

سناء: نحنا جبنا هالبنت لعنا لحتى ترجع حياتنا طبيعية مابدي اخسرك بعد هالعمر طول بالك ببوس ايدك … شهرين بس باقي شهرين

هزلا راسو وهو بقول: اذا بتعمل شي تاني مارح انتظر أبدا.......

*****
Telegram:@rwayate
بقيت أمان ربع ساعة وهي على تسطيحتها عيونها معلقين بالشباك وما قادرة تستوعب شو يلي صار … كمية الوجع كانت كبيرة بس كمية وجع قلبها أكبر بكتير

دخلو نجاح وليال لعندها وسكرو الباب وراهن وهني بيسألوها بلهفة: صرلك شي

لما ما ردت عليهن رفعو الغطى عنها وصارو يقلبو جسمها ليشوفو شو عملها
كان جسمها فيه كام خط احمر من علام الكرباج
ليال: هالحقير شو عمل فيها مهما كنتي عاملة بتبقي انت مرتو

نجاح: خلص اسكتي لا يسمعوكي ساعديني لنبدلا تيابا

بدلولا تيابا وداوولها جروحها ولما خلصو قالت بس كلمتين: جيبولي شعري

نجاح: كيف بدنا نجيبو

ليال: هو لسا بالارض أنا بجيبو ع أساس نظفت

ركضت بسرعة لملمت كل الخصل ونظفت الأرض من بعدها رجعت لعندها وحطتو على التخت وأول ما شافتو رجعت تبكي
خصل شعر شقرا فيها خصل عسلية وخصل ذهبية وفي كام خصلة غامقة … طويل طويل كتير بيوصل لتحت وركها

فردتو نجاح على السرير ورتبتو ورجعت جدلت الخصل كلا وصارو خصلة وحدة عريضة حطتلا اياه بايدها وهي بتقول: بضاعة مخلوفة بكرا بيرجع أحسن من قبل

هزة جسمها زادت من شهقتها العالية
ضمتا نجاح وهي بتطبطب عليها لتهديها: أنا نبهتك يا بنتي شو عملتي عرف أنك دخلتي لعند بنتو ؟؟

رفعت كتافها لفوق بلأ

ليال: لكن شو صار؟؟

أمان: شفتو عم يبيع بنات المشغل لرجال مابعرفو

نجاح وليال بصوت واحد: شوووووووووووووو
Telegram:@rwayate
أمان: ما تقولو لحدا أبدا
هزو التنتين راسن وأفكارن عم تاخدن وتجيبن

من بعد هداك اليوم #المشؤوم ما طلعت من غرفتها ابداً رضيت إنها تكون سجنها.
كام يوم مر عليها ما بتعرف ولا كان بتفرق معها أهلها من زمان ما حاكوها وهي ما اهتمت ماعاد يهمها شي لا الزمان ولا المكان بالنهاية كل شي واحد لأن لو شو ما عملت هي مرتو واشتراها بالغالي وهي طبعا لازم تتحمل
بس بقيو نجاح وليال يطلو عليها ينظفولها غرفتها ويجيبولها اكل ويرجع متل ما هو بس كانت تحاول تبلل شفايفها بشوية مي ما أكتر … أما أهل هالبيت قليل ليدخلو لعندها اجت سناء كام مرة بس لتطمن على حالتها يلي بتهمن !!!

شهرين كاملات مرو بهدوء وهي على حالها وحيدة وتعبانة … ضعفت كتير ووجها صار شاحب وحتى ملامحها اتغيرت

رفعت راسها ببطئ وهي بتتمعن الضو يلي اتسلل من شباك غرفتها الصغير … هو ونيسها بهالأيام الماضية وفجأة انفتح الباب
بتدخل سناء وبأيدها صينية أكل