#ضحية_الحب_ليولاندالشام
#الجزء_الثالث

محمد:الله يخليلي اياك يا عمي❤
عمي:شو كم محمد انا عندي...


محمد:مروة مروة😍
مروة:اي محمد
محمد:باركيلي باركيلي
مروة:ان شاء الله الف مبروك بس على شو
محمد:رحت حكيت عمي ليخطبلي فاطمة من عمي ابو احمد..
مروة: ايوا يعني عمك ابو احمد قبل يصاهرك مشان هيك قبلان😍
محمد: لا بس عمك بكرا رح ياخد باقي العيلة ويخطبولي اياها
مروة:😳😳اذا هالفرحة كلها وما قبلو ليقبلو شو بتعمل
محمد:ههههه يمكن اوقف بالحارة وارقص😂
مروة:الله يثبت علينا العقل والدين
محمد:😑😑😑بتعرفي ما الحق عليكي الحق عليي انا يلي عم حكيكي لروح حكي صفاء
مروة: اي اي روح خلي صفاء تنفعك
محمد:ع الاقل ما بتنكدي متلك...

****

وقعدت انطر بالدقايق والثواني ليجي اليوم التاني يمكن يومها ما نمت وانا عم انطر ومع ادان العشا كنت عند اعمامي ورحت معهم... نطرتهم عند الباب ليطلعو وكنت على احر من الجمر...
لحتى انفتح الباب وطلعو اعمامي وركض لعندن بكل امل...
محمد:شو يا جماعة طمنوني
عمي:كل خير ولك عمي
محمد:شو يعني؟؟؟
عمي:من الاخر يا عمي مافي نصيب
محمد:شوووو كيف يعني
عمي التاني:روء لك عمي شو بدك فيها تعال انا بزوجك بنتي
محمد:لك انا مابدي الا فاطمة... ليش لييييش بس رفضوني!!!!
الكل:لا حول ولا قوة الا بالله...
*
تركتن ورجعت ع البيت حبست حالي بغرفتي انصعقت انصدمت بعد ما كنت بسابع سما انزلت ع سابع ارض!ليش هيك ياربي ليش هيك صار معي... والله اذا بتكون لغيري بجن بموت... لك انا بحباااااااااا لي ما حدا عم يفهمني😭😭😭
بس ما يأست..
فاطمة:شو ناوي تعمل؟
محمد:رح ارجع اطلبك..
فاطمة:وبتتوقع يرضى بابا؟
رجعت رحت طلبتا..
محمد:عمي انا هالمرة اجيت لحالي..عمي انا بدي اطلب ايد فاطمة..
عمي:ياعمي ليش ماعم تفهم..اجيتني اول مرة ورفضت..متوقع المرة التانية اقبل؟..
محمد:عمي منشان الله بس سمع..
عمي:انا قلت لاء..عمي مافي نصيب..
من يوميتا طلعت ولاعاد حكيت مخلوق..حبست حالي بالغرفة ٣ ايام بدون لا اكل ولا شرب..بس قاعد..واخواتي وامي بدقوا عليي الباب مابفتح لحدا..
____________
حيدر...
انا ماعاد اتحمل وضع اخي اكتر من هيك..رحت حكيت عمي ابو احمد..
حيدر:عمي مشان الله تلاقي حل مع محمد الو ٣ ايام ما عم ياكل ولا عم يشرب ولا عم يشوف حدا..
عمي:شو بعملو ياا عمي..
(دمعوا عيوني):لك عمي اخي حالتو عم تتدهور..لك عم يروح من بين ايدينا منشان الله لاقي حل والله مالنا غيركن من بعد المرحوم ابي..
عمي:خلص عمي شو وبلحقك..
__________
محمد..
بعد نص ساعة اندق باب غرفتي..ودخل عمي لعندي..اجا وقعد جنبي..وكان حامل صحن فيو فواكه..
عمي:كيفك محمد..
مارديت ولا حكيت ولا كلمة..
عمي:شوف جبتلك فواكه معي..ورح طعميك ياهن بايدي..
محمد:شكرا عمي مابدي اكل شي..
عمي:والله يا ابني مابصير كرمال صحتك..
محمد:عمي صحتي هي فاطمة..واذا كتير بتهمك صحتي زوجني ياها..
عمي:لا حول ولا قوة الا بالله..خلص سكر عالموضوع شي ٦ شهور وانشالله بصير خير..وهلا كول هدول من بين ايديي ولا تعاند يلا..
محمد:الله يخليلي ياك ياعمي..من عيوني مستعد اكل الصحن كمان..

كلام عمي فائلني وفرحني وطمني كتير..رجعت لصحتي..ورجعت آكل..واشرب واهم شي شوف حبيبة البي فاطمة..بس بعد فترة كان موعدي لطالع دفتر الجيش..رحت طلعتو والامور كلا كانت تمام..وبعد كم يوم بيجوا اخواتي صفاء ومروة لعنا😍..
_______
صفاء..
فتت لعند اخي عالغرفة منشان ناديلو ياكل..وشفت دفتر الجيش بايدو وكان وجهو منور..رحت قعدت جنبو عالتخت..
صفاء:شو اخي..طلعت دفتر الجيش؟
محمد:اي والله يا اختي متل مانك شايفي الحمدلله طلعتو..
صفاء:اخي الله يرضى عليك اجل شوي مانك شايف الوضع كيف..مظاهرات ومشاكل والله الوضع بخوف..
محمد:اي والله معك حق ياروحي وانا عم فكر اجل..
صفاء:اي منيح..الله ييسرلك يا البي..

يلي بحبو ب محمد انو بيسمع مني كتير..وبنفذ كلامي..بس ب تاريخ ٢/٥/٢٠١٢ رن تلفوني..وكانت امي عالتلفون..
صفاء:اهلين ماما..
ماما:صفااااء😭😭..
صفاء:اي ماما شوفي؟؟!
ماما:منشان الله تعي هلا ضروري ضروري..
صفاء:بس فهميني..
بلشت تعيطت:عم قلك تعييي..

بسرعة البرق لبست ولعند اهلي وكل الطريق ابكي وادعي يارب تجيب العواقب سليمة..وشوي خفف عن حالي وقول انشالله مافي شي وكل لخير..وصلت على بيت اهلي وصرت دق متل المجنونة..فتحتلي اختي مروة وركضت عند امي..
صفاء:امي خييير؟؟فهميني شو صاير؟؟
امي:اااااه يا صفاء لك تعي سمعي اخوكي جن وماضل عندو عقل..
صفاء:بسم الله ليش اخي شو عمل؟؟
امي:اسمعي شو بدو.....
#يتبع

#ضحية_الحب_ليولاندالشام.
#الجزء_الأول.

(في البداية انوه انو القصة واقعية واسماء الاشخاص نفسها ولكن طرأ بعض التعديلات في القصة لاسباب الكتابة🤣وشكرا❤)

****

رنا:شبك صفاء ليه عم تبكي
صفاء:اخخخخ يارنا والله قلبي محروق على اخوكي محمد
رنا:الله يرحمو والله كسر قلوبنا بس يعني لايمت رح تضلي عم تبكي خلص يلي صار صار شو بدنا نساوي قدر الله وماشاء فعل
صفاء:والله لي صار كأن صار هلأ مو من خمس سنين الله لايسامح لي كان السبب وحسبي الله ونعم الوكيل على كل واحد ظلم اخي وحبيبي وقطعة من روحي
رنا:امين يارب خلص طولي بالك وحاج تبكي
صفاء:بتعرفي رنا انا لهلأ متذكرة كل شي صار حتى التواريخ متذكرتها
رنا:والله ذاكرتك قوية والله انا نسيت كل شي وما بدي اتذكر شي مشان قلبي مايحترق
صفاء:نيالك ياريت فيني انسى.... اخ بس ليش الاسى بينتسى؟
(الماضي )
امي:يارب ترحم ضعفي وقلة حيلتي وترزقني فرحة عمري ابن يفرح ابوه ويكون سند لااخواتو البنات يارب استجب
صفاء:امي ليه عم تبكي
امي:ادعي يابنتي اكون حامل بولد ادعي
صفاء:يارب يارب
وفعلا اجى محمد وكانت السعادة كبيرة بعيون ابي وتصرفاتو لدرجه ذبح ثلاث خواريف واعطى العالم وامي كانت كتير فرحانة بأن صار عنا اخ وسند وخصوصي لان كل اعمامي عندن اولاد الا ابي كان عندو ٣بنات وعلى رغم من هيك ما كان يحسسنا انو بيكرهنا او متمني صبي بس يعني مشان هيك الفرحة كانت كبيرة بمحمد الغالي كبر محمد وكان مدلل كنا نخاف عليه من الهوا حتى اذا حدا ضربو من اولاد الحارة كنت انا انزل واضرب لي ضربو وكنا انا ورنا نخبي مصروفنا لنشتريلو العاب واكلات طيبة كان كتير قريب مني ومن مروة كنا متل الرفقة بس رنا تزوجت وهو كان صغير لهيك كنا نحن اقرب الو كان الهوا يلي بتنفسو والحمد لله حملت امي وجابت حيدر يعني صار عنا محمد وحيدر احلى شي بحياتنا كبر محمد وصار شب بجنن متل الوردة المفتحة بينا بس مكتوب علينا الحزن والالم الانسان الغالي والجميل والحنون والطيب ابي اخخخخ ياابي مات وتركنا مات في عام 7/2/2010 وهون كانت بداية قصة محمد وبداية حزنا
امي:اخخخخ ياسندي وين رحت وتركتني يارب حاسة ضهري انكسر صبرني يارب صبرني
صفاء:وكلي الله امي لاتعملي هيك حرام مابجوز 😭😭😭😭
محمد:طولو بالكون والله حاسس حالي رح موت بعدك ياابي
امي:مشان الله لاتقول هيك انت شمعة البيت والهوا الموجود فيه
صفاء:ياعمري عليك يااخي الله يحميك ويبارك فيك
كان موت ابي صدمة كبيرة بنسبة للكل وخاصة انو مات فجأة عملنا عزا النسوان عنا بلبيت وعزا الرجال بصالة كان لاابي سبع اخوة وكلنا ساكنين جنب بعض
محمد:امي جدي عم يقترح انو نعمل العزا ببيت عمي ابو احمد
امي:شو السبب ليه مو هون ببيتنا
صفاء:والله غريب نحن بحياتنا ما احتكينا بعمومي صحيح عايشين جنب بعض بس معاملتنا رسمية مع بعض
محمد:مابعرف جدي بدو هيك وعمي وافق وماعندو مشكلة
امي:طيب مو مشكلة خلي العزا عند عمك بلا مشاكل وشو هون ولا هنيك نفس الشي
وفعلا نقلنا العزا وعمي وعيلتو عملوا الواجب وزيادة وبعد ما خلص العزا رجعنا على بيتنا وهون بلشت معاناة تانية...
**********
محمد...
كان موت ابي صدمة الي وحسيت كأنو جبال انحطو ع اكتافي مسؤولية اخواتي والبيت ياربي والله ماني جاهز... ما بصير يا محمد انت رجال البيت... الله يقدرني كون قد المسؤولية وما خلي حدا من العيلة يعوز شي....
بعد العزا كنت طالع من البيت ومقرر انتبه ع شغل ابي... وانا مارر قدام بيت عمي... ندهتلي بنت عمي...
فاطمة:محمد محمد
محمد:اي بنت عمي قوليلي
فاطمة:تعال فوت اشرب قهوة
محمد:لا معلي بوقت تاني
فاطمة:الله يخليك والله جهزتا
محمد:والله مابدي خجلك بس عندي شغل شربيا لعمي كأني شربتا... يلا بالاذن...
وما عطيتها مجال لترد ومشيت
(فاطمة بنت عمي ابو احمد يلي عملنا العزا ببيتن... ما كانت علاقتنا فين قوية على الرغم اننا بنفس الحارة والشارع بينا بيت بس... اختلاف التفكير بين ابي وعمي كان الو دور كبير لانو كل واحد يضل حالو بذاتو... عمي كان كتييييير متشدد ومتمسك بالعادات والتقاليد... بينما ابي عكسو.. بس كلنا استغربنا من هالتغيير المفاجئ.. فاطمة صبية قدي بالعمر حلوة الله يستر عليها...)
وبنفس اليوم المسا..برجع عالبيت بلاقيا واقفة عم تستناني..
محمد:اهلين فاطمة..قوليلي في شي؟..لازمك شي؟
فاطمة:لاا بس اشتهيتلك..اظدي اشتهيتلكن هالأكلة..انا يلي عملتا..
محمد:يسلم ايديكي ليش عزبتي حالك..
فاطمة:ولو عذابك راحة..
(وهي عم تعطيني الصحن دقرت ايدي بإيدا..قمت انا من الخجل شلت ايدي فوراً ووقع الصحن وانكسر..)
محمد:انا آسف ماكان قصدي..بعدي للمن..
فاطمة:لا لا لاتعذب حالك..انا بلمن..ما مشكلة انكسر الشر..
(وتركتا وفتت عالبيت..كان وجهي احمر متل البندورة من الخجل..وصارو بيت عمي يجوا يجوا لعنا..نحن استغربنا..وبعدين صرت لاحظ نظرات فاطمة عليي هي قدي تماماً كانت..انا كنت كتير اتجاهل نظراتا بحكم اني خجول الصراحة..
بس كتر محاولاتا خلتني بلش انعج

#ضحية_الحب_ليولاندالشام
#الجزء_الثاني

فاطمة:لا ما خجلانة بنوب😊🙈
محمد:اي واضح ما شاءالله عليكي
فاطمة:اي مبلا😌لشو لاخجل انت ابن عمي
محمد:بس ابن عمك🙈
فاطمة:خلص يلا بنحكي بدي روح
محمد:ههههه اي وانا كمان تصبحي على خير

(رجعت على البيت وفرحان قد الدنيا كلها... يمكن يلي خلاني اتعلق فيها من اول لقاء هو اني وعيت بس على اخواتي وبحياتي ما تعرفت على بنت.. او يمكن ما بعرف السبب الحقيقي بس حبيتها كتييييير وبس هاد المهم... كنت كتير انبسط لما نلتقى بالليل بسر ولما تعملي اكلات طيبة)
وبيوم من الايام....
محمد:اطلعي هلأ هلأ
فاطمة:لك مافيي يا مجنون وين اطلع
محمد:بدي ورجيكي شي ضروري كتيييير
فاطمة:طيب رح اخد اذن من امي عاساس مشان شوف مروة وبجي
محمد:اي كتير منيح ناطرك....
(وبعد فترة من الزمن...)
فاطمة:اي بقا قلي شوفي
محمد:غمضي عيونك
فاطمة:اوووف طيب غمضت🙈
محمد:فتحي هلأ
فاطمة:ياااااه مجنون داقق اسمي على ايدك؟؟؟؟
محمد:اي مجنون فيكي😍بعدين ما فرحتي فيه😑😒
فاطمة:مبلا كتير انبسطت بس مصدومة ما توقعت
محمد:فاطمة انا بحبك كتير ولاني بحبك فتوقعي مني كلشي💜
فاطمة:ليك انا بدي ارجع على البيت
محمد:اي ارجعي بس اول قوليلي بحبك
فاطمة:بحبك
محمد:وانا بحبك يلا روحي عمري😍💜
***********
محمد:مروة مروة
مروة:اي اخي
محمد:لك مبسوط اد الدني
مروة:ان شاء الله دوم الفرحة ما تفارقك
محمد:بتعرفي انك انتي احلى واحن واهضم اخت... بحسك رفيقتي واختي وشريكتي
مروة:بعرف بعرف😂😎قصدي انو تسلملي يا عمري
محمد:ليك ليك شافت حالها علينا😂😂😂😂
مروة:بزعل ها
محمد:لك يؤبشني انا اختي😍
مروة:بعيدو يا بو احلى ضحكة
محمد:تعي احكيلك شو صار معي اليوم
مروة: قصدك مع الحب😉قصدي مع بنت عمنا فاطمة
محمد:😒المهم اسمعي يلي صار....
مروة:اخي متأكد انو انت بدك اياها؟
محمد:ننننن لكن عم اتسلى؟؟؟؟
مروة:بس يا اخي امي ورنا وصفاء كلهم عم يقولو انها ما من توبنا الله يرضى عليك...
محمد:اختي الله يخليكي لشو هالحكي انا بحبها لفاطمة واصلا هي بنت عمي..
مروة:والله مابعرف يا اخي الله يوفقكن💜
محمد:الله يخليلي اياكي..
ومرت الايام وضلينا نتحاكى..لحد ما بيوم بطلت ترد على مسجاتي.. وضلت ٥ ايام تطنش مسجاتي وما عاد شفتا ضاقت فيني الدنية واختنقت ومالقيت غير صفاء اختي ومأمني اتصلت فيها وانا عم ابكي متل الولد الصغير... بتعرفو شو يعني شب يبكي مشان بنت؟؟؟ يعني بيعشقا لحد الموت...
صفاء:اهلين بأخي حبيبي كيف خطرت على بالك
محمد:صفاء😭😭😭😭
صفاء: مشان الله يا محمد يا عمري ليش عم تبكي فهمني
محمد:فاطمة😭😭😭
صفاء: شبهاااا خييير شوفيها💔
محمد:مابعرف يا صفاء قلبي عم يتقطع عليها الها ٥ ايام ما عم ترد على مسجاتي رح جن يا صفاء بترجاكي قوليلي شو اعمل.. خايف يكون فيها شي...
صفاء:طول بالك لك اخي بس ساعتين وبخليها تحكيك بس حاج تبكي انت رجال والرجال ما بيبكو
محمد:ناطرك اختي ناطرك...
*
صفاء...
سكرت الخط وركضت لبست وعلى بيت عمي يلي استغربو من زيارتي المفاجأة الا فاطمة يلي كأنها عرفت اني جاية كرمال محمد فضلت تتهرب من نظراتي لحقتها على المطبخ وحكيتا...بدون اي مقدمات
صفاء:شبك لي ما عم تشوفي محمد
فاطمة: بس تعبانة شوي
صفاء:سلامتك..
فاطمة:الله يسلمك
صفاء:بدو يشوفك اليوم وجانن جنانو عليكي الله يخليكي دقيلو واطلعي شوفيه..
فاطمة:خلص ماشي
صفاء:بتوعديني
فاطمة:اي خلص وعد لحكيه
صفاء:طيب شكرا الك انا رح روح هلأ...
وبعد ما طلعت من عندهم ما رجعت على بيتي رحت على بيت اهلي وخبرت محمد انو فاطمة ناطرتو وقعدت عند اهلي ناطرة محمد ليرجع وشوفو... رجع والدنية ما واسعتو من الفرحة... فرحت كتيييير لفرحتو...عانقتو وصرت ابكي...
محمد:اختي شكرا كتيييير.. بس كرمال الله لا تبكي دموعك غاليين عليي...
(مسحلي دموعي وبسلي ايدي وقلي انتي امي التانية...) وفرحت كتير انو رجعت الامور لمجاريها... وصارت علاقتهم متل السمنة على العسل وضل يشوفها وتشوفو...
***
محمد...
بعد ما تركتني فاطمة ٥ ايام اكتشفت انو أنا تعلقت فيا كتير لفاطمة..وقلت علاقتي معها هيك غلط واخدت وقت لاعرف انا شو بدي منها وهيك قررت اخطبا..
محمد:كيفك عمري..
فاطمة:اهلين حياتي..
محمد:خلص انا جاهز..
فاطمة:بشو؟؟..
محمد:منشان اجي اخطبك..
فاطمة:كيف يعني تخطبني😳
محمد:شو كيف يعني😂بدك نضل عم نحكي هيك واخر علاقتنا بدي اياكي تكوني معي وانا اجي من الشغل لاقي شعرك واقف وماسكة العصاية وعم تصيحي ولييييي ولادك جننوني
فاطمة:هه بس ما كأنو بكير
محمد:مابكير ولاشي مابدك نتزوج😍
فاطمة:اي بس كيف بدك تخطبني
محمد:اليوم رح حكي اعمامي وقلهن يحكو ابوكي
فاطمة:الله يقدم يلي فيه الخير💜
**********
سكرت التليفون وركضت لعند امي
محمد:ماما انا بدي اخطب فاطمة
امي:خلص امي قررت
محمد:اي امي انا بحبها وبدي اياها
امي:وانا مارح اوقف عقبة بطريقكن..
محمد:شو يعني
امي:يعني روح حكي اعمامك وقلن يخطبولك اياها
محمد:الله يخليل

#ضحية_الحب_ليولاندالشام
#الجزء_الخامس

فاطمة:الله يخليكي صفاء مابدها لا بس ولا شي بابا قرر وانا ما بيطلع بايدي شي

صفاء:طب جربي حكيه بينيلو انك معترضة

فاطمة:ليش لبينلو شي كذاب بالعكس انا معو محمد لازم يروح ع الجيش ليصير قد المسؤولية... ووالله ماني مجبورة وانا بعدني عروس يروك عسكري او والله كون حامل ويروح ومايرجع ويتيتم ابني قبل ما يخلق

صفاء:يعني بتعرفي انو ممكن مايرجع ومع هيك بدك يروح!!! انتي ما بتحبي عنجد انتي كذابة

فاطمة:اي انا كذابة شوبدك فيني بعتذر مارح ساعدك ... بدك شي بدي شوف امي

صفاء:ماشي... خاطركن..

********
صفاء..
رجعت لعند اهلي منهارة وعم ابكي سألتني امي شو صار وحكيتلا كلشي...

أمي:انا رايحة لعند اعمامك

صفاء:لااا لشو لتروحي الله يخليكي مارح يردو ويمكن يهينوكي

أمي:وممكن يرضو بدي جرب المهم اخوكي ما يروح شو ما كان التمن حتى لو عحساب كرماتي...

مروة:اي امي معها حق وانا رح حكي فاطمة

صفاء:مشان الله هدوا حكيتن وما حدا رضي

امي:بعديلي هيك انا رايحة

صفاء:بس

امي:لا تمنعيني بعدي من وشي...

"وراحت امي ومروة وانا بقيت على اعصابي حاولت ارجع حكي محمد بس عبث قعدنا انا وحيدر نقنعو بس كأنو عم نحكي حيط مارد علينا بنوب... وكل شوي يقول انا بحب فاطمة...وبعمل المستحيل مشانا.."

رجعت امي ومروة وملامحهم بتحكي عنهم... واضح انهم ما ردو ولا قبلو...

صفاء:معلي امي الله بعين...

امي:اغضب عليه اذا بروح

صفاء:لا امي الله يخليكي لااا...

امي:😭😭😭😭
ضميتا وقلتلا:معلش امي الله يهدي الله يهدي...

******
محمد...

قدام رفض اهلي وحكين المقنع... وقدام قلبي يلي ما بدو من الدنية غير فاطمة... شعور كتير صعب لما يكون في صراع بين عقلك وقلبك... عقلك يلي بقلك انو انت عم تعمل اكبر غلط بحياتك... وقلبك يلي عم يقلك فاطمة اهم من كلشي ... صارت تمر الايام ومروة وامي عم يحاولو يقنعوني غير رأيي ويشددوو عليي... وحكين مقنع ومعن حق... كل مكان وكل وقت نفس الكلام يلي خف شوي هو صفاء لانا كانت حامل وتعبانة ومع هيك حاولت بس ما متل ماما ومروة يلي كانو متمسكين فيي ومابدن اياني روح...
كتير كنت رح أضعف قدام امي بس ابي علمني انو الرجال ما بيتراجع عن كلمتو... وانا قلت لعمي انو رح روح ومارح اتراجع... سامحيني امي بس مارح اقدر رد عليكي.. رح اعصيكي لاول مرة بحياتي سامحيني..
اجا وقت روحتي عالجيش..وكنت ما متخيل ايمت وصل لهنيك..اول حدا ودعتو هي فطومتي..

محمد:ياروحي رح اشتقلك..بس لاتخافي مارح طول عليكي..هو كم شهر ومنخطب..

فاطمة:وانا رح اشتقلك..

ضميتا آخر ضمة..واتطلعت فيها باشتياق كبير..

محمد:لسا مارحت واشتقتلك

فاطمة:خلص بقا روح حاجتك دلع كلن كم شهر وبترجع..

محمد:اي برجع وبخبطك وبتصيري ملكي😍

مابعرف كيف حكيتلا هيك مع انو حكيا خلاني انصدم بدال ما انا قلها اياه بس ماكان في وقت فكر قرب الوقت.. يومها ما نمت وقبل بيوم عند العصريات رحت زرت قبر ابي..صرت ابكي..

محمد:اااااه يا ابي ياريتك موجود..ياريتك معنا..مابعرف اذا كنت زعلت ولا فرحت..رح ودعك..بس انا راجع لا تخاف..

حطيتلو ورد واس وسئيتلو قبرو..وقريت الفاتحة..

وقبل الانطلاق من بكير ودعت اعمامي ورفقاتي وكل احبابي و طبعا اخواتي .. نزلت صفاء لعندي وودعتني..كانوا اخواتي كلن واقفين..

محمد:ياماما منشان الله لا تبكي الله يوفقك والله مابهون عليي زعلك..

ماما:برضايي عليك لا تروح😭..

محمد:لا حول ولا قوة الا بالله..اهدي امي.. كلن كم شهر وبرجعلك

مروة:ياعمري انتي رح اشتقلك يادب (واجت ضمتني)..

محمد:يالله حتى انتي يا مرة عم تبكي..شبكن هلا..يه يه ليكوا رنا طقت البكي..
رحت لعندا ورفعتلا وجها..

محمد:رورو ياعمري ليش كب هالقد محملتيا..روقي يا قلبي انتي..
اتطلعت فيني وشالتلي ايديي وراحت..حسيتا بعيونا عم تقلي لا تروح..بس اختي رنا
هي الوحيدي يلي ما أصرت عليي..بس ماقدرت تمسك حالا ادامي..

حيدر:رح اشتقلك اخي يا سندي❤..

محمد:تؤبر البي ياعيوني..الله يفرحني فيك شوفك عريس..

حيدر:ما بتزوج حتى تتزوج انتي اخي..انشالله قريباً بترجعلنا ومنشوفك مع فاطمة وكتاكيت ولاد حوليكن..

محمد:ههههههههه انشالله يااارب..

صفاء:هه هي اذا رجع...!
*********
صفاء......
اتطلعوا فيني الكل بعد ماحكيت هالكلمة وحسيتن انزعجوا..بس من عدا محمد..ابتسم واجا لعندي..

محمد:رح اشتقلك يا امي التانية❤

انا الوحيدة يلي مابكيت..مابعرف ليش..مع انو اخواتي وامي طقوا البكي..
ودعنا وراح... اخد قلوبنا وعقولنا معو راح وتركنا بقايا روح...
******

محمد....

طلعت وتارك روحي ودنيتي وعالمي رحت وخطوة لقدام وعشرة لورا... فكرت اترك وارجع.. بس الشغلة مالعبة خلص لازم روح... مافي مجال للتراجع..
#يتبع

#ضحية_الحب_ليولاندالشام
#الجزء_السادس

محمد...
بديت حياة جديدة بالتدريب رغم الصعوبات يلي كنت عم عيشها كنت مبسوط...!!
اي اي مبسوط لاني عم حقق طلب عمي..
مبسوط لانو عم اعمل كلشي لاوصل لحب حياتي..
مبسوط لاني قد كلمتي وما تراجعت..
ومع كل هالفرحة كان في كسرة بروحي وعم اقنع حالي انو مبسوط..
مكسور لانو فارقت عيلتي..
مكسور لانو ما عاد في غلاظة مروة وحيدر..
مكسور لانو ما عاد في نصائح صفاء وماما..
لانو ما عاد في خوف رنا عليي..
لانو ما عم شوف حبيبتي...
بحياتي ما عشت هيك شعورين متناقضين.. الفرحة والانكسار.. كأنك عايشة بنص قلب ... وبنص عقل.. وبنص روح...
اول 45 يوم تم فرزي فيهم على الرقة ليتم تدربي واستعد للعسكرية.. كانت العيشة شوي صعبة ...
تراجعت فيها صحتي لانو الاكل ما كان طيب ولا بيتاكل...
نت ما كان فيه ولا تغطية.. ضليت يومين ما قدران حاكي اهلي... بعدين قدرت اطلع بالسرقة شوي من المعسكر ع اقرب منطقة فيها تغطية واتصلت بفاطمة...

محمد:حبيبتي كيفك..

فاطمة:محمد!! اهلين حبيبي

محمد:ليكي الصوت عم يقطش بتتذكري الايميل يلي عملت لك اياه خلينا نتواصل عليه.. لان صعب هيك

فاطمة:اي طيب

محمد:يلا حبيبتي بدي حكي امي وطمنا عليي باي

فاطمة:الله معك...

سكرت مع فاطمة واتصلت بامي...

ماما:الو...

محمد:امي يا روحي كيفك

ماما:ممممح.. محممم.. محمد!!!

محمد:اي يا امي محمد

ماما:كيف يا روحي انت كيفك يا عمري😭😭😭جوعان بردان؟ عم يطعموك؟ عم يعذبوك؟ عم تتعب؟ عم ترتاح بالنومة؟

محمد: روئي روئي امي انا كتيييير منيح والعيشة منيحة عم نام ع تخت اريح من تختي(بيني وبين حالي اي كلو صراصير وحشرات) والاكل كتير طيب(في احجار وما طيب) وكلو كتير منيح(كنت بتمنى هيك)...

ماما:يا روحي انت الحمدلله يارب تؤبر قلبي ياامي متأكد ما عم تكذب عليي

مروة: مين مين محمد عطيني حكيه

ماما:اي ابني دير بالك ع حالك مروة بدا تحكيك...

مروة:اي امي هاتي حاجتك بدي حكيه... كيفك ابو الشباب..

محمد:هلا والله باختي انا منيح انتي كيفك..

مروة:والله انا اخر رواء ما ناقصني غير شوفتك..

محمد:يا حبيبتي الله يوفقك.. ليكي عمري مضطر سكر... كل كم يوم رح حاول حكيكن.. سلمي ع صفاء وحيدر وانتبهي على امي

مروة:اي اخي بيوصل.. الله معك..

******

مرت الايام وخف تواصلي مع فاطمة بسبب ظروف الحرب.. والنت القليل.. وعسكريتي..
صرت حس انها بلشت تتغير عليي...
ترد بنشافة...
هي اذا ردت... وكل ما ترد لازم نتخانق...
صارت علاقتنا فاترة وباردة وشبه ميتة مافيها روح وكنت عم اختنق بسبب هالشي... ضغوط ضغوط..
ما كانت تقدر انو كرمال حكيها كنت مجبور امشي ساعتين كاملات للاقي تغطية.. ما كانت تقدر انو بعدي عنا مشانا.. كنت حسا بس بدا تبعد... اوقات تكون فاتحة وما ترد عليي ولما أسالا مع مين عم تحكي تقلي رفيقتي.. وتتهمني انو عم شك فيها... بس انا بحبااااا بحبااااا وكتيييير..

********

مروة...
مر شهر واخي بالزور لنعرف اخبارو اوقات بالاسبوع ليحكينا مرة كنت قاعدة وزهقانة وقعدنا نحكي انا وامي...

ماما:الله يرضى عليكي يا مروة محمد الو اسبوع ما دق.. قلبي غلي عليه

مروة:يو شو هالحكي مبارح دقلي بس كنتي عم تتحممي ونسيت قلك

ماما: لا تكذبي عليي.. محمد اتصل؟؟

مروة:يو ليش اكذب اتصل اتصل مو حيدر😉

حيدر:اه اي اي اتصل

ماما:مع انو ما مصدقتكن.. بس ماشي..

مروة:عم قول امي ليش بيت عمي مشغلين اغاني شو المناسبة..

ماما:اي شو بعرفني شايفتيني ساكنة عندن .. بكون عادي لان لو في مناسبة كان عزومنا

مروة:قولتك اصلا دخيلك يا خبر بمصاري بكرا بيجيك ببلاش

ماما:الله يصلحك ويهديكي قومي اعملي شاي..

مروة:😒من عيوني

***

بعد يومين...

كنت عم احكي مع بنت عمي
مروة: ههههههه... فظيعة يحرق حريشك يا بنت العم شو مهضومة😂😂😂😂
بنت عمي:احم اصلا انا اصل الهضامة... خليل كوميدي بياخد دروس عندي😒😂

مروة:ههههههه مداح حالو شو بيقربك

بنت عمي: واحد طلب ايدي ورفضت...

مروة:هههههه لك حاج.. لك صحي شو سبب الاغاني من كم يوم عند عمك ابو احمد..

بنت عمي: ييييي ليش لهلأ ما دريتي

مروة: لا والله شوفي

بنت عمي:لك كانت خطبة فاطمة

مروة:لا عم تمزحي!!! كيف ولك شلون

بنت عمي: لاوالله هي الحقيقة..☹

مروة:روحي باي

بنت عمي:لك لوين شو صار...

مروة:لك بدي روح شوف هالخبر يا حرام محمد شو بدو يصير فيه.. اذا بكون صح لاخرب الدنية ع راسا

بنت عمي:يبعتلي حمى ان شاءالله كيف حكيتلك... صحي محمد

مروة:الك شي الله معك

سكرت وفورا اتصلت بصفاء...

مروة:صفاء دخيلك حكيتي محمد... لك انو دريتي

صفاء:لك بسم الله شبك العالم بسلمو..

مروة:لك هلأ ما وقت العتب

صفاء:شوفي شبك...

مروة:لك فاطمة

صفاء:يييي علينا شبا

مروة:لك انخطبت

صفاء: مبروك...

مروة:لك شو مبروك عم قلك بنت عمك فاطمة انخطبت

صفاء:نعم!!!! شو مين انخطب ما سمعت!!!

مروة:لك فاطمة

صفاء:لك كيف شلون محمد لساتو ب

#ضحية_الحب_ليولاندالشام
#الجزء_السابع

مروة...
مسكت التليفون وانا على اعصابي وبلشت اتصل على اخي رنلو رنلو وما يرد عليي وولا يعلق... حسيت حالي رح جن.. ضليت دق فوق ال100 مرة وما علق فقررت اكتبلو مسج...

مروة:محمد ليك اول ما يوصلك المسج تبعي دقلي ضروري في موضوع مهم كتير لازم حكيك فيه...

وبعتلو المسج وقعدت انتظر اول ما وصلو دقلي..

محمد:مروة خير شوفي..

مروة:لك اي خير يا اخي فاطمة...

محمد:شو شبا فاطمة صابا شي؟؟؟

مروة:كانت خطبتها من كم يوم من شوي بنت عمك قالتلي... الو.. الو... وين رحت...

سكر الخط بخلقتي وما حكا ولا كلمة... حسيتو انهار... حسيتو تعبان... لمت حالي لان حكيتلو... ما كان لازم قلو لي هيك عملت! الله يهدي بالك يا خيي الله يفرجها عليك.. والله قلبي موجوع عليكي...

*******
محمد...

لما سمعت هالخبر تمنيت موت.. كان نفسي كذب اختي.. بس اختفاء فاطمة وصعوبة تواصلي معن ولما قلا مع مين عم تحكي لما لاقيها نشط الان وتقول ما مع حدا... كل هالشغلات بتثبت الحكي.. ادمرت... ع شوي كنت رح ابكي.. بس مسحت دموعي وقلت لحالي خليك قوي ووكل امرك لله... فاطمة بتحبك واكيد رح تعمل المستحيل لتفسخ الخطبة... انا بعرفها هي بتحبني كتير... بس دموعي غدرتني وقعدت ابكي متل ولد ضيع امو بنص الزحمة ومرضت كتير وصابني مرض كتير صعب من قلة الاكل والبرد... وحدو الله يلي عافاني...
من بعد هالمكالمة انقطع تواصلي مع اهلي.. كنت عم احترق من جوا وتجرأت اعمل خطوة لانساها.. ومايكون عندي وقت فكر فيها... كانت مشاعري متلخبطة بدي انساها ومتأمل تفسخ وترجعلي بس لوقتا لازم اعمل هالشي...

*********
في المنزل...

ام محمد:ياربي محمد الو شهر ما حكاني بالي انشغل عليه

مروة:الله يكون معو امي بكون مافي تغطية..

ام محمد:ان شاءالله مع انو قلبي ما مطمن بنووووب

مروة:صلي على النبي.. ها ها ليكي عم يدق بعد زمان...

ام محمد:اي اي ردي ردي هاتي عطيني...
الو يا امي يا روحي محمدي وين انت يا عمري..

محمد:يا ست الكل يا عمري انتي اشتقتلك...

ام محمد:وانا يا كل دنيتي بردان شي عطشان... عم تاكل؟

محمد:ياامي كل مرة هالاسئلة انا منيح وكلو تمام...
ام محمد:تؤبر البي يا امي..(بلشت تبكي) والله اشتقتلك وحن قلبي عليك..
محمد:دخيل عينك يا امي..وانا كمان..بس ماتبكي الله يوفقك..والله دموعك غالية عليي يا نبض قلبي..

صفاء:امي عطيني محمد خليني حكيه ووقفي بكي كرمال الله..

صرت اضحك لما سمعت صوت اختي وامي التانية..

محمد:عطيني عطيني اختي الدبة اشتقتلا بدي اسمع صوتا..

ام محمد:بس ولا احترم حالك هي اختك الكبيرة..

محمد:هههههههههههههه اي من عيوني يا ست الكل..

*****
صفاء.....

لما حكيت اخي كان البي عم يدق كتيير..وفرحت كتير لما سمعت صوتو..بس حسيت صوتو متغير وتعبان..بلشت ابكي..

محمد:لك صفاء يا روحي ليش البكي؟..

صفاء:اشتقتلك يا اخي..

محمد:هلا هيك صرنا..كل ما حكي حدا منكن بدو يبكي..شو قلبت بصلة انا😂😂..

صفاء:هههههههههههههه انت وردةخلص مسحت دموعي..كيفك اخي؟

محمد:الحمدلله تمام والله..انتو كيفكن..وكيفا.....؟

صفاء:مين هي؟!..

محمد:اختي مين غيرا هلا لا تتجدبني..

صفاء:قصدك على فاطمة؟

محمد:ا.....اي..

صفاء:مابعرف ولا بدي اعرف..

محمد:يعني ماعاد سمعتوا عنها شي؟..

صفاء:لاء اخي..الله لا يسامحا على يلي عملتو فيك..

بلش يعيط ويبهدلني..
محمد:اذا بتريديي اختي انا مااابسمحلك..الله يخليكي روحي شوفيا وطمنيني عنها

صفاء:لا انت جنيت مستحيل فشرت وحدة متلا اسأل عليها

محمد:الك شغلة خلص شو بدك بالمخلوقة يه..يلا بدك شي؟

صفاء:محمد خليك عم تحكيني..

محمد:ان شاءالله اختي مارح اقطعكن..

سكرت من هون وبلشت ابكي من هون..

ام محمد:يا صفاء الله يرضى عليكي حاج تحرقيلي قلبي..

صفاء:والله يا امي ماعم اقدر ماعم اقدر..

ام محمد:لا حول ولا قوة الا بالله..حسبي الله ونعم الوكيل..

حقدت على فاطمة حقد ماطبيعي..بس بدي بينلا اني ماني مقهورة ومافينا شي..

صفاء:ماما..بدي روح اعمل زيارة انا ومروة..

مروة:مين شو؟ايمت صار هالحكي؟😂..

صفاء:اسكتي انتي..

ام محمد:يا امي وين بدكن تروحوا؟

صفاء:يه بنت عمنا انخطبت..ومابدك نروح نباركلا؟..

بحلقت عيونا مروة فيني..
مروة:صفاء بلا جنان..

صفاء:وشو الجنان بالموضوع؟

ام محمد:صفاء ما ناقصنا مشاكل الله يرضى عليكي..

ضليت مصرّة اني روح..وبالفعل رحت انا ومروة..فتت لعندا وكانت مبسوطة وعادي ولا كأنو عاملة شي!!..لما شفتا هيك حسيت حالي بدي اضربا وادبحا واقتلا على يلي عملتو بأخي..

صفاء:مبروووك فطوم..عقبال ما نفرح بعرسكن..

فاطمة:الله يبارك بعمرك يارب بنت العم😍..

مروة:مم..مب..مبرووك..

فاطمة:الله يبارك فيكي مرو....

قاطعتا:اي حكيلنا..كيف صار هالشي؟..

فاطمة:والله نصيب😊..

صفاء:ههههههه ايوااا.. دائما بنعمل يلي بدنا اياه وبنقول نصيب ههه

فاطمة:قلتي شي صفاء؟؟؟؟

صفاء:لا سلامتك ماحكيت شي بنوب