قصة اليوم: #كيف_انسى!
.............
قراءة ممتعة🦋💙"
#ⴅÂÐЄĦÂ

#كيف_انسى
#حنين_أبو_صلاح
الجزء الاول
الجزء الثاني.
الجزء الثالث
بداية وقبل ما احكي اي شي عن حالي.
المفروض فيكِ أو فيك تشعر فيني شوي!
انا ما بدافع عن حالي أبدًا وعارف انه ما رح تصدقني! او يمكن تصدق وتقول بعقلك بتصير وانت مو مقتنع تمامًا.
كل يلي بطلبه منك انه تحط حالك مطرحي على الأقل بهالقصة، طلبي مو خيالي وطالما انه انا بطل القصة فبتوقع انه انت بدون ما تشعر رح تتعاطف معي، هلأ انا مو طالب تعاطف اطلاقًا انا طالب شي واحد ووحيد تحط حالك مطرحي!
اذا ما بتقدر على طلبي لا تسبني ولا تشتمني وهذا اضعف الايمان.
_______
انا مراد حبيت ليلى بس مو ليلى ذات الرداء الأحمر، ولا ليلى المدللة يلي من شدة دلالها قدر ذيب يحتال عليها وبسهولة!
انا مراد يلي عشق ليلى الي بحياتها ما تدللت ولا تذوقت شو يعني دلال، انا مراد يلي لعبت دور الذيب وكنت محتال محترف!
عملت هالشي لأنه عشقت..كنت مضطر اخدع واحتال حتى تستمر هالعلاقة!
لكن مع الاسف تجري الرياح بما لا تشتهي السفن!
_________

حياتي بسطرها بجملة وحدة" انتِ ملاكي. وما بقدر عيش بلاكِ"
بحكوا انه المرأة عاطفية واذا حبت بتحب باخلاص، اما الرجل عادةٌ عواطفه بتكون محصورة بغريزته وقليل جدًا من الرجال الي بحبوا بكل جوارحهن!
ما كنت متوقع بشي يوم عواطفي تتغلب على حياتي. حبك بجنون، نام..اصحى..وفكر فيكِ..اشتغل وارجع من شغلي ملهوف اسمع صوتك. وقت تكوني مريضة بتمنى كون طبيبك، ووقت تكوني فرحانة بفرح لفرحك، وبس تزعلي بزعل على زعلك.
من وقت شفتك نسيت كلشي وتركت الدنيا وحبيتك، بس والله انا ما الي علاقة بشي...
كلشي تدمر بلحظة..انت بتعرفي انه بلاكِ يعني هلاكي..اتصليلي ليلى بترجاكِ.
__________

دمار شامل بكل غرفتي، شرشف سريري تلون بلاحمر بعد الضرب يلي اكلته..
"يا بنت الكلب، هاد الحيوان ابن الكلاب عرف يضحك عليكِ، لك تفو عليكِ، لك شو ناقصك حتى تركضي ورا ابن فواز، ينعن ابوك يا بنت لكلاب. اقسم بالله غير ارميك رمية لكلاب يا وسخة! تفي عليكِ..
بصق بوجهي ومن خوفي ما قدرت امسح آثار الرذاذ!
وانتِ؟ مباشرة وجه كلامه لامي، كانت عيونه عم تقدح شرار. بشرته البيضة تحولت لحمرا من كتر ما ارتفع الضغط عنده..عيونه كانت مركزة على امي ..وايديه كانت بارزة العروق منها، ما بتذكر شفت بهيك من قبل.
"بس شاطرة هات وهات، منك ما شفت يوم متل الخلق بدل ما تركضي يوم يوم على المول شوفي بناتك، ربيهن..اقسم بالله اذا بسمع وبدري انه بنتك حكت مع هالكلب غير اعدمها عمرها"
طلع من الغرفة وكان القشاط بايديه..
(بشووو احلفلك انه ما كنت اعرف، والله العظيم ما كنت اعرف.)
اطلعت فيني وكانت عم تبكي ما حكت شي ولا حتى عاتبتني..عم الصمت اجواء الغرفة.
صوت نفسي قوي وبلش يشتد، واضح انه مشكلتي مع النفس والازمة تدهورت من شدة الضرب على ظهري.

ضلت قاعدة وانا عم ابكي واتوجع..ما تعاطفت معي. يمكن كانت مصدومة.
بعد ما طلعت وكان نفسي مقطوع..
شايفة طريق الغلط لوين بوصل؟
مبسوطة هلأ؟ انبسطي امي..من كل خلق الله ما عرفتي تحبي غيره؟ اخ يا الله صبرني على لسان ابوك..حسبي الله ونعم الوكيل فيكِ انت وابوكِ..هلأ لا طلعة ولا نزلة رح يعملي حصر تجول حتى ربيكِ..صبرني يا الله!!
طلعت من الغرفة وتركتني.
كنت حابة تعطف عليّ بس امي بطبيعتها عواطفها باردة ما بتذكر مرة مرضت واهتمت فيني الحياة شغلتها عنا، لدرجة نسيتنا وكبرنا بهالبيت لوحدنا. المصاري والجاه والسيارات شغلولها عن أهم شي ممكن الام تقلق فيهِ..شغلوها عن بناتها الخمسة.
كانت انفاسي عم تضيق أكثر تركتني وما اهتمت بوجعي...
انا ما كنت بعرف أنه مراد بكون ابن فواز العامر.. مراد خدعني!
ما كشفلي عن هويته، ما كنت بعرف انه عم حب شب بكون ابن عدو أبي...
ما كنت بعرف انه هالشب ابوه المنافس الأكبر لأبي..
كنت متخيلة اطلع من عيشة الحرام لبيت أحسن بس مع الأسف خاب ظني!
رح اطلع من بيت دخله كله حرام بس ما رح اقبل ارجع للحرام برجليه.
مع الأسف ابي ما بكون افضل من ابو مراد، حتى لو ابي كان متخبي بريش الطاووس ومبين للناس انه شخص محترم!
بكفي انه انا بعرف الحقيقة وكل اهل البيت عارفة وطالما عالشي ما في ضرر وعم يجيب مصاري فالكل مبسوط..
مع الاسف علقت مع عيلتين بشتغلوا بالسوق السودة والعيلتين بضاربوا على بعض والعيلتين بكرهوا بعض!
وانا ضحية حب ملعون!
_____________

اعصابي متوترة، كلشي انكشف، بس انا ما رح اتخلى، ما بقدر اتخلى...
شو عم يصير معك يا ليلى...
___

عم اتعرق كثير، ركضت حتى فتش على جهاز النفس الخاص فيني، اخواتي ولا وحدة فيهم اهتمت بوجعي، انا عم موووت..
مع الاسف ما كان عندي دوا...

#حاليًا توكلي على الله يا بنتي، الي صار صار بدنا نستنى. خليكِ هون رح اعمل لفة ببلدكم اطمن على الوضع وارجع..
ديري بالك تفكري تطلعي.
________
كان بيت اهلي مقلوب. امي عم تصرخ وتبكي..
#لك شووو عامل انت..اخدووووا بنتك امي..بنتك اخدوها..شوووو المصيبة يلي جبتها يا امي..
صرت اضرب على جبيني. الا البنت. بنتي يا الله رح جنن. شو اعمل هلأ..
ما توقعت هالشي.
كان ابي عم يتواصل مع الشرطة وكنت واثق تمامًا انه بنتي ما رح ترجعي بهالسهولة.
ليلى وانا وليان وقعنا بأوسخ فخ.
شو اعمل يا رب. شو اعمل
.رن تلفوني..وسمعت صوته.
بنتك مقابل بنتي!
والفيديوهات وكلشي كلشي، كاشي ك ل ش ي بتعلق فيني. بينحذف من حياتك ومخيلتك وتلغونك.
واذا ما رجعت بنتي شوف من الله حق.
حكيتلك اللعب معي اصعب من ما كنت تتصور.
سكر الخط بوجهي..
#لك انت شو عامل، هالكلبة ما رح تنساها. بنتك شو ذنبا بخطفوها منشان وحدة كلبة يا نجس يااااا وسخ.
بلشت كسر كلشي عم شوفه قدامي..بلحظة قدر يدمر حياتي.
بنتي او ليلى.
صار لازم اختار.
تعقدت الامور اكثر ما كنت متخيل.
رجعت بتلفون.
#بدك تقتل بنتي؟
ما بصير عليها شي بس بحالة لعبت بذيلك اقسم بالله رح تدفنها وبعد دفنها رح يغسلولك.
سكر الخط بوجهي وبعدا بعتلي فيديو واتس اب..بنتي عم تاكل بوظة ومبسوطة.
_____
ما تحملت شوف ابني ضايع. وحيدي وما عندي غيره.
بنته صارت جزء من لعبتك يا وسخ يا مروان.
بعثت رجالي واطلقوا النار على الفيلا تبعه.
يا بتموت يا بتموت.
__
اجا العم ابو علي وحكالي شو صاير، ما قدرت ما احكي معه..اتصلتله .
كان صوته مبحوح. مخنوق..حماس مبارح تحول لقهر اليوم.
وما اصعب قهر الرجال!

#شو مراد..انت كيف طمني عنك؟
صحيح هالحكي.
خطفوها، كسروا شوكتي وشوكتك بهالعملة.

#انا خايفة مراد. خلص انا رح ارجع على البيت.
بنتك لازم ترجعلك .انا اسفة انه وصلتك لهيك مكان..ما كنت متخيلة ابي يكون بهالشراسة.
ليلى منشان الله تحملي، اصبري هلأ لا ترجعي رح يقتلك. رح يتخلص منك. ومني.
#وبنتك؟
ما عارف بنتي كسرت ظهري..
#ليلى انا ماسك على ابوكِ شي. كنت عم فكر انه بهالطريقة ممكن امسكه من ايده يلي بتوجعه.
سكتتت وخفت..
شو هالشي ؟
#بعدين بتعرفي.حاليًا ديري بالك على حالك. ليلى اذا صار معي شي تأكدي أنه أنا باليوم يلي كذبت عليكِ كنت عم اعيش اكثر حالة صدق.
حكتيلي انسى..
وكنت ناوي انسى.
بس ما كنت عارف والله ما عرفت.حاولت وما قدرت..جربت وما عرفت.
انا ما عرفت.
انا ما عرفت كيف يلي بحبوا بعرفوا ينسوا!!
جربت اعمل متلهم.
بس ما عرفت.
ليلى انا ما عرفت #كيف_انسى!
اذا متت أنا، انت لا تنسي. خليك الي واملي تكوني الي بالجنة.
هالحكي دبحني..كان عم يحكي وكنت عم اشعر بذبحة بصدري. يا ريت متت ولا سمعته مهدوم ومكسور بهالطريقة.
ليلى انا متأكد انه أنا وانت ما بنفع نكون لبعض.
بس بدي حارب لأنه بحبك. بتعرفي شو يعني بحبك؟؟
عرفوا كيف يقتلوني..حطوك انت وبنتي كل وحدة بخانة وحكوالي اختار.
انا شو اختاااار..اختار روحي او روحي؟
اخدت نفس عميق..ومسحت دموعي.كنت مجبورة قويه رغم ضعفي وقلة حيلتي. كنت بدي كون سنده وكنت بعرف انه كتفي مايل.
#اغلى شي بحياتي انت..اتأكد وقت تموت ما رح استنى رح موت بعدك. بعيد الشر عنك.
مراد بحبك. رح تجتاز هالمرحلة.
انا بحكيلك اختار بنتك.
اختار بنتك.
كون حذر ودير بالك على حالك.
حضل حبك لحتى موت.
سكرت الخط. كنت متخذة قراري ارجع على البيت. بالحالتين رح موت.
لازم انقذ مراد وبنته.
____
بهالعالم في ظلم كبير وفي رب كبير.
الله مع كل شخص مظلوم بحاوطه وبحميه، وبعمل كل شي لصالحه..
واثقة انا بربي.
رح ارجع لبيت اهلي حتى انقذ بنت مراد.
اذا متت بكفيني شرف انه حاولت ولأنه احنا عايشين بغابة فأكيد الحصة بتكون من حظ يلي بكشر عن أنيابه، الضحية غالبًا بتكون الأضعف.
ضعيفة بحكم أبي وظلم محمود والتهم الباطلة يلي لبسني ياها محمود بدون علم مني.
وقوية أنا بحكم ربي وثقتي أنه محاوطني ورح يساعدني.
شو ما كانت النتيجة، الموت أو الحياة بكفيني أنه حاولت. وشرفي رح اظهره حتى لو كفنوني.
طلبت من العم أبو علي يتواصل مع ٥ دكاترة نسائية ويجوا معي لبيت أهلي.
____

أبي عم يعوث بلارض فساد.
مجرم بحكمه وطاغي بأفعاله.
كان سبب استسي لشو بصير معنا، ما بده يستسلم ولا بقبل واحد يكسر شوكته. بس هلأ أنا رح غير القاعدة.
اللعب ضد كل ظالم بكون حلال!
(ويقتَل الظالم بظلمهِ)
ركبت سيارتي ورحت لمحمود الراسي الكلب.
لما شافني عرف انه الي عنده حق وجاي اوخده..اطلع فيني وقبل ما احكي شي بادر بالحكي..
#انا ما الي علاقة بشي، ابوك..ابوك ورا هالشي!
قربت منه وسكرت المحل علينا نحن التنين. وشغلت التسجيل الصوتي بتلفوني.