قصة اليوم: #لغز_الحياة
.............
قراءة ممتعة🦋💙"
#ⴅÂÐЄĦÂ

💜 #لغز_الحياة 💜

#الجزء_الأول 😘
@rwayate
بالقهوة متجمعين الشباب عم يلعبوا طاولة. ..فات أدم
_السلام عليكم
_أهليين أدم تعا شوف ابن حماك كيف رح ينحشر بخان اليك
أدم :تيم في موضوع لازم احكي معك فيه
تيم قام مع أدم لطاولة تانية
أدم :أنا بدي روح معك عل البيت وبدي رجع سمر وولادي على بيتهن
تيم :هلاء اتذكرتهن ولا خلص شهر العسل تبعك
أدم :تيم الله يخليك مابدنا نرجع لنفس الحكي القديم انا ماعملت شي غلط أنا اتجوزت بالحلال وهاد شرع الله
تيم :لك تركت أختي منهارة وهي وحامل ورحت اتجوزت غيرها
فهمني اختي بشو قصرت معك ..لك شو عملتلك حتى هيك تجازيها
أدم :انا وياك رفقة من قبل مااتجوز اختك وانا مابدي هل الشي يخليني اخسرك
واختك ماقصرت معي بشي الله يشهد هي مرة مافي منها بالدنيا كلها ورغم انها حامل وتعبانة ماقصرت معي وببيتها ومع ابنا بس .. خلص هاد الحكي مالو داعي
أنا حبيت وحدة واتجوزتها بشرع الله وانا قادر افتح بيتين واختك حتكون ببيتها معززة مكرمة
تيم :لو القرار إلي مابخليك تشوف ضفرها
ادم :تيم ....بدي شوفها اليوم
انا رحت عل المشفى قالولي طلعت
تيم : مابعرف هلاء هي ولدانة جديد وتعبانة
أدم :صدقني مارح دايقها أنا بس بدي اتطمن عليها وعلى الببية الجديدة وبدي شوف ابني أمجد اشتقتله كتير
رن موبايل تيم
تيم :طيب اسبقني عل السيارة لاحقك بس رد عل المكالمة
_ألو اهليين ...بس هي المنطقة بعيدة ...طيب حخبر الشباب ومن بكرا منطلع عليها ..سلام ...الله معك
قرب تيم من طاولة رفقاته
يلا قوموا كل واحد على بيته
استلمنا مشروع جديد بكرا الصبح
محمد :ووين
تيم :بمنطقة (...)
محمد :بس هي المنطقة مقطوعة وبعيدة
تيم :في مشروع بدنا نستلم تمديدات الكهربا اله كاملة ويمكن تروح معنا كم شهر
محمد :ياحبيبي
تيم :يلا قوموا بدنا نطلع بكير بكرى
سمر كانت تعبانة دمعتها عم تخونها كل ماتطلع بولادها هو جرحها جرح ماعم يبرد
كشفتوا عم يحكي مع غيرها وتركها عند أهلها واتجوز غيرها
سمعت صوت أخوها على باب البيت وصل سلم على أمه وابوه وقلهن معي أدم
اتلبكت وصارت لا اراديا تمسح دموعها بأيديها وتلمس على شعرها شدت شرشفها ومسدتو بأيدها
فتح باب الغرفة وهو حامل ابنه أمجد
كان واقف وعيونه عم تلمع وهو عم يطلع فيها وهي على تختها قاعدة شاحبة ملامحها حزن وعتب
مسك بنته بسم الله عن جد متل القمر بتشبه أمها
أمجد : بابا الببية بتحط حفوضة
أدم :ههههه
سمر ابتسمت
مسك ايدها الحمد لله على سلامتك
سمر سحبتها منو وبلشت دموعها تنزل
أدم :رح جيب وحدة تنضف البيت وترتبه ومن هون لأسبوع زمن بتجهزي حالك انتي والولاد لترجعوا على بيتكن
اتطلعت فيه بنظرة تساؤول كيف ؟؟؟؟؟
أدم : لا تحكي شي بيتك ماحدا فاتوا بغيابك
وانتي رح ترجعي على بيتك ولا تفكري ترفضي فكري بولادنا
تركها ومشي من غير ماتحكي ولا كلمة بس دموعها يلي حكوا
سلم عل الكل وركب سيارته وكل واحد فيهن صار يتذكر يلي صار
كان أول يوم لابنهن أمجد بالروضة
يلي كان مبسوط كتير وكان أدم يلي يوصله ويرجعه
أمجد كان يحكي عن الأنسات وعن الدروس
تاني نهار وقت رجع ياخده كان وجه عليه علامات روج احمر ومبسوط وعم يضحك كتير
وقت سأله قال هي الميس نايا
كانت عم تلعبني ...بس انا بعرف انو مو هي ميس صفكن ، ايه بابا هي ميس الولاد الصغار كتير بس هي بتحبني
أدم مسح وجه ابنه وطلب منه مايحكي لامه حتى ماتتدايق
وصارت هل القصة تتكرر كل يوم وضلت الأحاديث عن الميس وشكلها ويقول حلوة كتير وبحبها كتير
ليوم بيعطي أبوه ورقة فيها رقم موبايل ...شو هي .....امجد:الميس نايا عطتني ياه
ادم :اخد الرقم وخباه ورجع عل البيت وبعد الغدا قلب بالورقة وفكر شو بدها ولشو هل الرقم اتصل رد عليه صوت أنثوي صارخ ....عفوا مين معي .....انت المتصل ....أنا أبو أمجد من روضة الأماني ......أه اهلا وسهلا انا بحب كتير أمجد هو ولد كتير حلو ومرتب
......شكرا بس ليش طلبتي اتصل فيكي ....لا بس كنت حابة اعرف عن امه لأمجد لاني ماشفتها ولامرة ....امه حامل وتعبانة من الحمل هل الفترة.......اااه سلامتها
استاذ....
انا ادم .
اتشرفنا استاذ ادم .انا نايا واذا بتحب اي شي أنا جاهزة
_شكرا .....
اتصالوا فيهاوصوتها وطريقة كلامها خربطه
فتح عل الواتس شاف صورتها الشخصية كانت بنت بتطير العقل
بعتتلوا رسالة فيها
امجد عليه حفظ هي الكلمات وبأخر الرسالة 💋
بعتلها ...هي صورتك
_اممم ....عجبتك
_مو هيك مجرد سؤال
_بكرا وصل امجد لجوا المدرسة بتتأكد
_ماشي بكرا بنشوف
وبالفعل تاني نهار كانت ناطرتهن على باب الصف
كانت جميلة ومهتمه بحالها كتير مسكت أمجد من ايده وصارت تبوسه وتصبح عليه وسلمت عليه ....اتشرفنا بمعرفتك استاذ ادم ...
وأول ماطلعت من الروضة
بعتتلوا رسالة اتأكدت
_ايه اتأكدت
_وشو رأيك
_عل ا

💜 #لغز_الحياة 💜

#الجزء_الثاني 💛
@rwayate

شافتها أختها ولاء يلي أصغر منها
_شبك شوفي ليش هيك عم ترجفي
تعي فوتك على غرفتك
تالا :وصلت أمي
ولاء :لسه بس انتي مو كنتي لاحقتيها
فاتو على غرفتهن وقعدت تالا على تختها
_لحقتها ووصلنا لأرنة مقطوعة طلعت هي على بناية وماقدرت الحقها كنت خايفة
ولاء :يعني ماعرفتي لوين فاتت
تالا :كنت واقفة عم استناها تطلع وشوف مين معها بس شافني شب وصار يسألني شبك هربت منه واجيت لهون
ولاء :يعني مااستفدنا هل المرة شي
خلص انتي نامي هلاء وبس يجهز الغدا بفيقك
رجع ابو رمزي على بيته تعبان
ركضت مرته تستقبله باحلى كلام
ام رمزي :اهليين بروحي ..بعيوني ...بحياتي ....بتاج راسي
كيفك ....تعبان ....جوعان حطلك أكل
ابو رمزي :ايه الله يخليكي
ام رمزي :من عيوني
_وينكن يابنات تعو ساعدوني بالعشا
ولاء :قومي شوفي بلشت أمك تمثيلتها
تالا :جلست حالا ياريتها كانت صادقة بكل هل الدلال
ولاء :نحنا لهلاء مااتأكدنا
تالا :لك وتصرفاتها الماضية
ولاء :بس هل المرة غير وان شاء الله نكون غلطانين
تالا :ان شاء الله
قومي انساعدها مشان أبوكي
عل العشا وهنن متجمعين عل السفرة
أم رمزي :شوف حبيبي فستاني شو رأيك فيه لابقلي مو والله يلي بشوفني فيه مابيعطني عمر بالعشرينات
تالا :بس عمرك بالاربعينات امي وبناتك صاروا صبايا
ام رمزي :شو يعني مو مبين علي
ولاء :امي مو هاد الفستان يلي اشترتيه من المصاري يلي عطاكي ياهن ابي لحتى تجيبلنا كسوة الشتا
حق فستانك قد تلت ارباع المصاري كيف هلاء بدنا نشتري النا اواعي انا وتالا ناقصنا كتير شغلات
ام رمزي : شو هل الحكي انا ماشفت بحياتي هيك بنات بدل ماتقولوا مبروك عليكي ياامي ...تتهني فيه ..جايين تحاسبوني
ولاء :مبروك بس انتي كل مرة بتعملي هيك بتجيبي لحالك وبتنسينا وبنصفى نحنا عل الفضلة ويلي بشوفك وبشوفنا بقول انتي الست ونحنا الجواري
ام رمزي :انت صح معت فيكي حيا وصار بدك ترباية مو هيك ابو رمزي
ابو رمزي :احم احم الحمد لله
انا فايت نام
أم رمزي روح حبيبي غسل ولاحقتك
تضربي انتي وياها هيك نزعتوا مراق ابوكن ماشي حسابكن معي
قوموا ضبوا الاكل واجلو ...
............
اجى أدم ياخد مرته وولاده على بيته
الدنيا كانت ليل
سمر كانت قبلانة ترجع بس كانت صامتة كل الطريق
طلعوا سوا على بيتهن وكانوا الصغار نايمين
أدم قعد هو وسمر بالصالون
_طمنيني عنك كيفك انتي منيحة
سمر :كتير بهمك
أدم :سمر أنا بحبك وصدقيني مارح ينقص عليكي شي
سمر :وهي عم تبلع بكوتها لك كيف عم تحكي بهل البرود وكأنوا شي عادي
وحدة حتشاركني جوزي وبيتي
لك قلي لييش ....ليش
احلى مني ...ارتب مني ....لك رغم تعبي مااهملتك نهار ودائما كنت انت وطلباتك الاول بحياتي
أدم :.......
سمر :لك كون صادق وجاوبني أنا بشو غلطتت بشو قصرت فهمني
هي أحلى مني ....
أدم :حاجة تعيطي مشان الولاد نايمين وانت مابينفعلك التعب
سمر :احكييي بشو هي أحسن مني لحتى فضلتها ..احكييي
أدم :بدك تعرفي
انت صح ماقصرتي بنوب
انتي همك البيت مايتوسخ ابنك يضل نضيف الشرشف ماينتزع
كل شي عندك محسوب مافي مجال للعفوية
سمر انتي مابتعرفي المتعة
معك كنت حس حالي مراقب محاصر
هي مو أحلى منك ولا أحسن
بالعكس هي بتختلف عنك بكل شي مابهمها البيت ولا الطبخ ولا......
بس معها حسيت باحساس حلو كتير بوصلك للسما وبيتركك سعيدة عم تفكري فيه وتبتسمي وقت تتذكريه وتعدي اللحظات لترجعي تعيشيه .......
لك أنا وعدتك اتركها ويمكن كنت تركتها بس انتي لا عشتي الدور وكبرتي القصة لأنقلبت عليكي
سمر :انت هيك قتلتني
تركها أدم منهارة عم تبكي وطلع من البيت
ورجع لعند نايا
فتح الباب بمفتاحه
نايا اتلبكت وخبت جوالها قدامها
شو اجيت حبيبي قلتلي حتنام عند ولادك اليوم
_ايه غي

💜 #لغز_الحياة 💜

#الجزء_الثالث 💞
@rwayate

محمد وتيم بالورشة :ناقصنا شوية غراض ومعدات
تيم :بكرا بوصي أبو رمزي يجبلنا ياهن
تاني انهار راح على محل أبو رمزي وسلم عليه
أبو رمزي :كيفك عمي وكيف أبوك
تيم :الحمد لله بخير وبسلم عليك بدي هدول بتقدر تأمنلي ياهن
ابو رمزي :تكرم عيونك عمي بكرا بيكونوا جاهزين
تاني يوم بيرجع رمزي (أخو تالا وولاء كان وقتها ب 23 سنةهو الاكبر فيهن وتالا اصغر منه بسنتين ) عل البيت بغير وقته قريب الضهريات
كانو أخواته بغرفتهن
رمزي وين أمي
_بالسوق
قعد وهو ساكت
انتو حاسيين على أمي شي الها تصرفات غريبة
تالا :متل شو
رمزي :هلاء ابوكي بعتني جيب غراض ومرقت من السوق
وشفت أمك هنيك ماسك ايدها رجال وعم يضحكوا وكأنوا رفيقها
تالا :عن جد عم تحكي
كيف كان شكله
رمزي :سمين واسمر ومبين بالتلاتينات
ولاء :هاد غير يلي شفناه مبارح
ياربي معناها أمك مطبقة أكتر من واحد
تالا :كانت ساكتة بس ضايعة
رمزي :صار يسأل مين هاد وكيف
ولاء :انفجرت بالبكى
رمزي :كان مصدوم كتير
أنا ماحكيت بحياتي مع بنت حتى ماربي يعاقبني فيكن بتجي أمي هيك بتعمل
ولاء أمك ضيعتنا ...ضيعتنا
تالا :لازم أبوك يعرف
رمزي :لاء ابوكي مريض وبتعرفي هل السنتين الماضيين قديه تعب فيهن خلينا نحاول نحل الموضوع نحنا
ويومها اتفقنا نراقب جوالها وتحركاتها
...............
تيم بيرجع لعند أبو رمزي ليستلم الغراض
ابو رمزي :بعتت ابني يجيبهن واتأخر
خلص قوم نتغدا عندي بالبيت بيكون رجع
تيم :لا مافي داعي خلص بستناه
ابو رمزي :بس أنا مصر
وصل تيم وابو رمزي على بيتهن واتغدا هو وابو رمزي بغرفة الضيوف
وكانت ام رمزي هي يلي عم تفوتلهن الغدا
......................
ببيت ابو رمزي
بيوم بترجع تالا من معهدها على بكير
وبتفوت عل الغرفة بتكون ولاء بغرفتها عم تحكي مع حدا وتقلوا
بس بكير ......هههه بس تخطبني .....
لاء واثقة فيك ....خلص ماشي وافقت
فتحت تالا الباب بقوة
سكرت ولاء اللاب توب بسرعة
تالا :انتي مع مين عم تحكي
ولاء :مو حدا
_احكيلي أنا اختك
_هاد شب اتعرفت عليه من الفيس هو مسافر برا البلد
ووعدني يخطبني
_كيف ومن ايمتى هاد الكلام
_من اليوم وما حدا أحسن من حدا
_لك انتي بوعيك هاد غلط انتي صغيرة كل يلي عمرك 18 سنة
بكرا بيجي ابن الحلال بس بالطريق الصح
_لك عم تضحكي على حالك ولا علي
كم مرة اجانا خطابين يشوفوكي ويكونوا مبسوطيين وبس يسألوا عنا مايرجعوا
لا تفكري الناس عميان ومو شايفين وعرفانين بمراهقة امك
ونحنا بناتها ورح نتاخد بذنبها حتى لو ماغلطنا
اتركيني كل واحد مسؤول عن حياته
...................................
تالا كانت عم تنهار وحست كل الدنيا عليها
عرفت انو امها عم تهد هل البيت طوبة طوبة بمراهقتها وهي

💜 #لغز_الحياة 💜

#الجزء_الرابع
@rwayate
وعدي رفيقتك وانا موجود
_خلص قوم حباب بس هل المرة
يلا بعدين صرلك زمان ماقعدت مع ولادك كل النهار
_هلاء انتي خايفة علي وعلى ولادي ....
_ايه ....يلا قوم بتكفي نومتك هنيك
مشيت ووقت وصلت عل البيت كان هادي كتير ومافي حدا
رنيت على جوال سمر ماردت
بعد شوي فاتت هي والولاد
_وين كنتي يامدام لسه رايحة جاية على كيفك وين كنتي وجاية وجه الصبح
سمر :فلت ايدي شو بدك مني
أدم :وين كنتي عم اسألك
سمر :الصغيرة كانت سخنانة كل الليل ومانزلت حرارتها واخدتها انا وتيم عل المشفى
أدم : لك بنتي سخنانة كل الليل ومابتقليلي لك مو أنا أبوها
سمر :لك ايدي فلتني
ايه أبوها الملتهي مع عشيقته
أدم :عشيقته...فشرتي هي مرتي متلك متلها
سمر :أبدا لاتقارني فيها
هي الوسخة خرابة البيوت مااصلا انت متلها ولو ماكنت بتشبها......
أدم ضربها كف
_عم تضربني وقدام ولادي طلقني ...طلقني أنا بكرهك
_انتي طالق

أدم ماكان بدو يطلقها ولا بيوم فكر يتركها

بس دائما الأيام إلها حكم تاني
الذنب على مين بطل يفرق
الاحترام يلي كان بينهن راح والحب انكسر
هييك كان عم يبرر لحاله
يمكن هيك اريح الها والي
والولاد .....سؤال مالو جواب

ضل كل النهار داير بالشوارع وعم يفكر
وكتير أحيان بيكونو بدك شي كتير وبتعمل عكسه من عنادك


نايا ورفيقتها بهل الوقت كانوا مبسوطيين عم يحكوا ويضحكوا
رفيقة نايا :كيف جوزك معك
نايا :خهههه كتير منيح وممشيته متل مابدي
_يعليكي ماأقواكي
والله ماكنت متوقعتك تتجوزي بهل السرعة ....

_أنا نايا وقت حط شي براسي بصله

_ بس كيف هيك انا لهلاء مافهمت مو كنتي انتي ويامن على علاقة

_الحقير تركني وسافر مفكرني حأترجاه يرجع

_وجوزك ماعرف انك مالك ....

_لا تخافي علي دبرت أموري
_اااه يعني عملتي العملية

_ههههه ايه قبل عرسنا بكم يوم
_ويامن شو عمل وقت دري انك اتجوزتي

_ كان حيجن.....ههههه
_انا وياه لهلاء بنحكي مع بعض
ورجع حبنا أقوى من الأول
😍😍

_ وجوزك مو حاسس
_هههه اتركيه بهمه فاتح بيتين ومو ملحق

هون نق وهنيك سق

_والله انك مالك هينة
_وبركي مرته راضته ورجعلها
_مابعتقد بس حتى لو
انا مالي مفكرة استمر معه
يامن وعدني ينزل بهل الفترة من السفر وبس نزبط امورنا بتركه وبهرب مع حبيبي

رفيقة نايا _اممم (الله لا يوفقك عامله كل احتياطاتها وبدل الواحد تنين وانا ماحدا لهلاء اتطلع بوجهي بس الله لايهنيني اذا بهنيكي يا نايا )

رجع بالليل ادم عل البيت معصب وكان منكوت والمطبخ ملان غراض وجلي
شووووهاد ....لييش هيك البيت
نايا :لا تعيط بس
بكرا الصبح بتجي الخدامة وبتساوي البيت
_لاء ماحزرتي هلاء بدو ينضب البيت وخدامة معت في

أدم وسمر يومها ما ناموا من قهرهن وتفكيرهن

وكل واحد فيهن عم يفكر أديه التاني غلط بحقه

بعد يوميين

اتصلت جارة سمر فيها
_ألو أهلين سهى
لا مو بالبيت عند أهلي .....ايه أدم طلقني

طيب حأعطيكي العنوان

بعد ساعة وصلت سهى وولادها على بيت أهلها لسمر استقبلتها

وقعدوا لحالهن يحكوا مع بعض
سهى :لك شو صاير وليش طلقك

سمر :خلص أدم معت إلي أنا يلي غلطتت وقت ارجعت كنت مفكرتها نزوة ورح يرجع بس هو تغير كتير

سهى :وانتي شو عملتي لتثبتيله انها نزوة وغلطة منه

سمر :كيف ؟شو قصدك ؟
أنا يلي بدي اعمل ......هو يلي بدو يضل العمر كله يعتذرلي أنا ماغلطتت بشي

سهى :البيت مابضيع غير وقت كل واحد بيتمسك برأيه ويبطل يفكر بهل الأسرة ويفكر بحاله وكرامته على حسابها

سمر :مشان الله حاجة أنا مو متحملة
رجعت عل البيت مشان ولادي وضليت قايمة بواجبته وماقصرت رغم إني عم احترق وموت من جواتي وقت يجي الليل ومايفوت علينا وقت فيق الصبح وأعرف واتأكد انو معت بدو ياني
اتصوري وقت يجي متأخر ينام بغرفة أمجد ومايفوت لعندي

سهى :وأمجد وين ينام

سمر :من وقت ماارجعت وهو واخته بينامو عندي

سهى :هههههههه

سمر :عم تضحكي لأن يلي ايدو بالمي مو متل يلي ايدو بالنار

سهى :لك والله حاسة فيكي بس انتي من غضبك بطل تفكيرك سليم

هو كان عم يحاول يقرب منك بس خايف يجرحك
لأنك كنتي حساسة لأبعد حد وهو خايف تفهميه غلط

سمر :وكيف هيك طلع معك

سهى :لك لا تفكري الرجال قد ماادعو القوة بيضل أحساسيهن متلنا بس بتختلف طريقة التعبير

وقت كان يجي بكير لأن مشتقلكن لو تركتيلوا المجال يقعد مع ولاده ويلعبهن وانتي خليكي من بعيد اتأمليهن

اتركيه يطلع من بيتك متأمل يرجعله

نظرات العتب أقوى من الكلام والعياط للرجال بتدبحوا أكتر

سمر :ماكنت مفكرة هيك
بس أنا كنت منغاظة مقهورة ومو قدرانة اتقبله بس أنا مابدي اتطلق ولا بدي اتركه صدقيني أنا بحبه بحبه كتير ووقت ارجعت مشانو مو مشان ولادي

سهى: الله يهدي بالك وهلاء اذا رجع حاولي ترجعي وبالبيت بتحلي اموركن بذكاء

ادم أخد خطوة وقرر ينهي الامور بسلام قبل ماتكبر الامور أكتر

💜 #لغز_الحياة 💜

#الجزء_الاخير
@rwayate
هانت عليك العشرة)
أدم يلي الكل صار يلاحظ عليه عصبي ومهموم
وكترت خناقاته مع نايا
وبطل يحس بهاد الاحساس الحلو يلي كان يحكي عنه
صارت تصله رسائل على موبايله من أرقام غريبة
(روح شوف مرتك مع مين عم تحكي )
(اسأل مرتك عن حبيبها السابق )
ووقت سأل نايا نكرت كل شي وفتحت جوالها وشاف انها مابتحكي مع حدا (لأنها مجهزة امورها لهيك موقف )
نايا :هاد أكيد حدا بدو يخرب بينا
وللحظات كتير ادم شك بسمر انها هيك عم تنتقم منه

يمكن كان عم يفكر بهل الرسائل انها أمل على تمسك سمر فيه

وضلت هل الرسائل تجي وتتكرر
لأكتر من تلت اشهر
وأخر رسالة كانت
(انت لهلاء ماصدقت بس فيك تروح على بيتك بهل اللحظة وتشوف مرتك مع مين على تختك وهي عم ترجع الذكريات القديمه معه)

ادم ركب سيارته وكانت سرعته جنونية ومع انو بمنطقة بعيدة قدر يوصل عل البيت بظرف عشر دقايق فتح الباب بمفتاحه وشافها متل الوصف بالظبط

نايا وشب بغرفته على تخته

كان عم يتقاتل معه وقت فاتت الجيران واتصلوا بالشرطة

اخدتهن كلهن عل المخفر
وبعد التحقيقات والاعترافات من يامن ونايا

عرف حقيقتها وحس بالغلط الكبير يلي عمله
ورجع على بيته
والندم والقهر عم ياكله
............
بس تالا يلي ضلت تراقب أمها وتلاحقها
وعرفت انها حترجع تقابل واحد بنفس المنطقة المقطوعة

بس الموعد هل المرة كان بالليل
أبوها كان تعبان وصرلوا بالمشفى فترة وهي استغلت انشغال الكل فيه ورايحة على موعدها )

لحقتها ورغم خوفها من الليل والطريق بس كان قهرها أكبر ودموعها يلي عم تنزل حسرة اقوى
وصلت واتخبت بأرنة تقدر تشوف فيها كل شي
وبعد شوي معت قدرت تكمل نزلت منهارة ومو شايفة قدامها
تيم كان بشغله اخر واحد ومتأخر نزل رجع شافها قدامه نفس الصبية بالليل وبهل المنطقة منهارة وعم تبكي وكل خطوتين عم توقع
قرب لعندها
_انتي شو رجعك لهون
_تالامخنوقة ببكوتها ومو قدرانة ترد
_قومي تعي معي وين اهلك وين بيتك
_طلع صوت وراهن التفتوا
تالا خدني من هون مابدي تشوفني
تيم :طيب ...... تالا استندت عليه ووقف هو وياها بمدخل بناية قريب
وقت مرقت المراة قدامهن تالا حطت ايدها على تمها وهي عم تحبس بكوتها
تيم :هي المراه انا بعرفها انتي شو بتقربيها
تالا :عم تطلع فيه (فكرته واحد من عشاقها )
ومر بعدها رجال وهو حاطط ايديه بجيبه
سكتووا هنن التنين
تالا :انت كيف بتعرف أمي
تيم :هي امك
طيب امشي هلاء وصلك على بيتك وبعدين منحكي
ركبت قدامه بالسيارة وهي مخنوقة ومعت فرق معها شي
كانت بلحظتها بلا احساس بأي شي بالزمن بالخوف
تيم :مين هاد يلي مع امك انتي بتعرفيه
تالا : يبدو امي بتعرف كتير ناس مابعرفهن
كيف بتعرف ابي هي حكتلك عنه
تيم :لك لاء انتي فهمتي غلط
انا زبون عند ابوكي وابي وابوكي معرفة من زمان
ومن فترة اتغديت عندكن بالبيت وامك يلي قدمتلنا الغدا
تالا : 😔😓😔
من عمرها بتكرهنا وبتعاملنا مو منيح ولا كأنا ولادها وابي كان عكسها تماما
تيم :وامك ليش هيك عم تعمل
تالا :مابعرف
حاولت فسر كتير تصرفاتها
امي وابي في فرق كبير بالعمر بينهن وابي تعب واجتوا الامراض على بكير وامي بالعكس كانت تنحف وتهتم بحالها أكتر
ووين مارحنا تحب تلفت نظر ومين مايشوفها يفكرها اختنا مو امنا واذا كنا بالسوق مع ابي يفكروها بنته
وهاد الشي زادها غرور
ومعت عرفت كيف ترضيه
بس هي ضيعتنا ...ضيعتنا
اخواتي عم يضيعوا بسببها ولاء ورمزي وابي يلي بالمشفى وخايفين انو يحس
تيم :حاولتي تنصحيها تقربي منها
تالا :عم قلك بتكرهنا مابتحب غير حالها وحتى وقت حاكيتها صارت تغضب علي وقلبت ابي ضدي
بس خلص هلاء معت تقدر تنكر
انا صورتها صور كتير ورح افضحها قدام الكل .....انت مابتعرف خوالي بيدبحوها ...بس معلش بتستاهل
تيم :شحط بالسيارة ووقفها
طولي بالك ولا تتصرفي بتهور وجنان
الصراحة انا لاحظت على امك وقت كنت عندكن متل هيك حركات بس انا.....
تالا :غريبة وليش ماالكل بيساير امي حدا بيصحلوا وبيقول لاء
تيم :اسمعي ياأنسة