قصة اليوم: #مجنونة_فيك
.............
قراءة ممتعة🦋💙"
#ⴅÂÐЄĦÂ

#مجنونة_فيك
#بقلم_أمل_الحياة
Telegram:@rwayate
#الجزء_الأول
أوقات الحياة بتكون صعبة. لدرجة انو اقرب الناس بيقسو علينا. واوقات بتدق السعادة بابنا بلحظة ضعف وبصير بحياتنا بصيص امل بيقدر يجلب سعادة لقلوبنا.
منى : لك والله حبيتو... اي حبيتو كتير لدرجة صار اغلى من حياتي. صار الكلام معو من روتيني اليومي. كان صادق بحبو الي. وبعد عذاب سنين طلبني للزواج لكون زوجته ونصه التاني. بس صدمتي كانت وقت اهلي رفضوه. رفضوه يازهراء. ومو عارفة شو اعمل بعد رفضهم التام للزواج منه. وهلق صرلي شهر كامل ماحكيت معه ولا بعرف شي عنه.
زهراء : طولي بالك حبيبتي... والله ما في شي مستاهل زعلك. خلي املك بربك كبير وادعي بالليل وبنهار وعملي استخارة وربك بيخترلك الخير من عنده. وان شاء الله أمك واخوكي بيغيرو رأيهم وبيقبلو تتزوجيه.
ماسة : بعتذر عالتدخل. بس حبيت اعطيكي نصيحة عن تجربة. وان شاء الله رح تفيدك.
منى بإستغراب : تفضلي عم اسمعك.
ماسة : هدديهم انو أذا ماسمحولك تتزوجيه رح تقتلي حالك. يعني تنتحري. صدقيني رح يصدقو ويخافو تعملي شي بحالك ورح يوافقو عالعريس.
منى وهي شبه مقتعة : اممم فكرة حلوة رح جرب وان شاء الله بيمشي الحال. شكرا الك.
Telegram:@rwayate
ماسة : العفو حبيبتي ولو نحنا بالخدمة.
منى : يلا بالإذن انا خلصو محاضراتي ولازم ارجع عالبيت.
زهراء : تمام يا قلبي انتبهي على حالك. ولاتنسي تحكي معي وطمنيني شو بصير معك .
منى : تمام بحكي معك المسا.
راحت منى على بيتها وبقيت زهراء مع رفيقتها ماسة بالكفتريا عم ينتظرو محاضرتهم الجاي.
ماسة : ياحرام باين أبوها ظالمها برفضه للعريس. وخصوصا انو بتحبه وبحبها لازم يوافق لانو بالآخر هاد اختيارها.
زهراء : أبوها مستشهد من لما كان عمرها 6 سنوات. وعاشت يتيمة مع امها واخوها. واللي بتحبه بكون ابن جيرانهم بس امها واخوها رافضينه.
ماسة بإستغراب : الله يرحمه بس كيف استشهد. وليش اهلها رافضين الشب
زهراء : قصة طويلة كتير.
ماسة : مو مشكلة بسمعك. لسا في وقت كتير عالمحاضرة.
زهراء : طيب رح احكيلك القصة من البداية.
ماسة بإصغاء : تمام تفضلي .
امها وأبوها ل منى تزوجو بعد قصة حب. جدها ابو امها بالبداية كان رافض فكرة الزواج لانو أبوها من غير منطقة. بس الحب كان اقوى منه وتم النصيب وتزوجو.
امها ل منى حملت بعد زواجها بفترة قصيرة وجابت منى. وبعدها بسنتين حملت وجابت أخوها مصطفى.
متل ما بتعرفي بهداك الوقت كان في حرب هون بفلسطين بين الثوار والإسرائيلية. وكان أبوها لمنى الله يرحمه من الثوار. وكان مطلوب من الجيش الإسرائيلي. وبعد فتره نزل اعلان في إسرائيل انو هاد الشخص مطلوب واي حدا بيعرف عنو شي الو جائزه ...
كانت منى بهداك الوقت عمرها 6 سنوات. وعدت بأيام قاسية كتير. أوقات بتحكيلي كيف كانو الجيش الاسرائيلي يجو بالليل يفتشو الدار ويدورو على ابوها وغير المضايقات اللي كانت توصللهم. أبوها كان بالاصل محاسب كانت هاي الشغله مغطيه عليه انو مناضل
بيوم من الايام كان الدنيا ليل سمعو صوت أطلاق نار وقذائف بالمدينة اللي كانو عايشين فيها. بعد لحظات اجا عمها لعندهم وكان متوتر وباين عليه الخوف.
مجد : يا ام مصطفى. البسي ولبسي الاولاد بسرعة. لازم نمشي بأسرع وقت.
ام مصطفى : خير شو في والله خوفتني.
مجد : مامعنا وقت جهزي حالك انتي والاولاد وعالطريق بحكيلك كلشي.
ام مصطفى : يلا خمس دقايق ومنكون جاهزين.
مجد : تمام عم أنتظركم برى بالسيارة.
بعد خمس دقايق طلعو من البيت وركبو بالسياره مع مجد وبنص الطريق حكالهم انو أبوها لمنى متصاوب.
ام مصطفى بخوف : خير شو صار. كيف تصاوب.
مجد : في اشتباك بين الاسرائيلة والشباب ادعولهم.
ام مصطفى : الله ينصرهم يارب.
وصلهم مجد عند بيت جدهم ابو ابوهم وراح يشوف شو الاخبار ويساعد المتصاوبين.
كان الجو عندهم متوتر. الكل قاعد على اعصابه. وماحدى قدر ينام بهداك اليوم. تاني يوم الصبح اجا عمها الكبير وقال زغردي يمااااا صار عندك عريسين بالجنة. كان يوم كتير بشع الكل صار يصيح وامها لمنى اغمي عليها من الصدمة.
ووقت صحيت ام مصطفى سألتهم كيف استشهد
حكالها ابن حماها الكبير القصة بالتفصيل : كان ابو مصطفى ومعو شباب مشتبكين مع اليهود وأبو مصطفى خلص الرصاص اللي معو رن على مجد حكالو جبلي رصاص بسرعه طلع مجد لعنده لانو المنطقه كتير قريبه عليه ولما وصل استهدفوهم ب3 قذائف الكل هرب وابو مصطفى ومجد استشهدو وكل اللي هربو تصاوبو. بالاول محدا قرب لانو اجت طياره تابعه للجيش كان فيها شخص مسؤول وتاكد انو ابو مصطفى مات وراح ...
بعدها اجت الاسعاف وكل شباب المنطقه راحو يشوفو شو في وينقلو الاصابات ونحنا كنا معهم عم نساعدهن ينقلو الاصابات بس الدنيا ليل ومش عارفين نحنا منساعد في مين ... واليوم عرفنا انو الي ساعدنا فيهم من ضمنهم ابو مصطفى ومجد.
زعلت كتير ام مصطفى. وحاولت كتير انها تبقى قوية لانو ابو مصطفى مات شهيد. وهو بالجنة عم ينتظرها.
وهاي هي قصة استشهاد ابوها لمنى الله يرحمه.

#مجنونة_فيك
#بقلم_أمل_الحياة
#الجزء_الثالث
Telegram:@rwayate
زهراء : وائل شب كل بنت بتحلم فيه معاملتو لمنى بتجننن... كتير تنبسط لما تحكي معو وبلشت تتعلق فيه بزياده وصارت كل يوم تشوفو ومايقطعها من الهدايا والمفاجأت. ولما امو تعمل شي زاكي يبعتلها صحن. لانو جيران متل مابتعرفي.
وصارو يحكو مكالمات وتطورت علاقتهم واعترفتلو منى انها بتحبه وكتير انبسط حكالها ما رح تندمي رح عيش حياتي مشان تكوني مبسوطه...
منى وثقت فيه وحبتو بس كانت خايفة من شي واحد وهو انو امها واخوها يعرفو بالموضوع وأنها خانت ثقتهم فيها.
Telegram:@rwayate
ماسة : طيب ليش ماحكت لامها ؟!.
زهراء : لانو اذا حكت لامها رح تقلها لو بحبك عنجد كان خطبك رسمي. ومنى بتعرف وضع وائل وانو مافي مجال يخطبها لحتى يخلص جامعة.
ماسة : يعني ماعندو بيت ؟
زهراء : لاء عندو بيت بس بدو تجهيز. وهو كان عم يشتغل بالعطلة مشان يجهز البيت مشان يخطب منى.
ماسة : اممم طيب كملي ...

منى دايما كانت تشوفو من الشباك او عن السطح... بتحكيلي انو حلو شعور الوحده تحب جارهم بضل قدام عينها دايما ...
بعدها صارت منى توجيهي ووائل صار سنه تالته
وهون حكى لاهلو عن منى. وامو كتير انبسطت.
ووعدها لمنى انو بس يخلص دراسه رح يخطبها فورا ...
بالنسبه لدراسة منى صارت مكثفه لانو هاي اخر سنه الها ولازم تجيب معدل ترفع راس امها فيه...
ووائل كان يشجعها كتير ودايما واقف معها ..
بيوم كانت عم تدرس بالليل شاف ضو غرفتها عرف انها صاحيه... بعتلها مسج ...
وائل : شو بتعمل حبيبتي ...
منى : عم بدرس.
وائل : حبيبك جوعان.
منى : احكي لامك تعملك عشا ...
وائل : أمي نايمة عند اختي. لانو ولدانة جديد متل مابتعرفي. اعمليلي سندويشه بترضيها لحبيبك ينام جوعان ؟!
منى : ازا عملتلك مين رح ياخدها ؟! والوقت متاخر...
وائل : حطيها ع الباب وانا بجي باخدها ..
*Telegram:@rwayate
زهراء : بيت منى كان عباره عن طابق واحد وروف وبرا ساحه مو مكشوفه. وبوابه كبيره لمدخل الدار منى عاساس تحطهم هناك .. ومنى لما صارت توجيهي نقلت كل اغراضها ع الروف مشان تدرس وما حدا يزعجها.
ماسة : ام فهمت عليكي كملي ...
***
زهراء : نزلت منى لتحت لقيت امها واخوها نايمين. كانت كتير خايفه بس مستحيل ترفضلو طلب لوائل.
راحت عالمطبخ وعملتلو سندويشتين وحده مرتديلا ووحده جبنه كشكوان وامها كانت عامله كيك حطتلو قطعتين ورنتلو ييجي ياخدهم.
حكالها وائل :طيب تعالي عند الباب.
راحت وقفت عند الباب وهي تستنى فيه وما اجى
كانت بدها ترنلو حست حدا ضمها من ورا مع بوسه ع خدها.. اتفاجئت فيه وبعدته عنها.
منى : خلص روح قبل ما ييجي حدا.
وائل : بحبك منوشتي انا بعشقك ديري بالك عحالك مشاني.
وكمل كلامه : غمضي عيونك...
غمضت منى عيونها ووقت فتحت تفاجئت انو برقبتها سلسال فضة عليه حرف اسمو بجننن. وعطاها كيس وحكالهاTelegram:@rwayate
وائل : بس تدخلي عالبيت افتحيه. يلا تصبحي على خير حبي.
منى : وأنت بخير.
كانت منى مبسوطة كتير الشعور بالحب شي كتير حلو. دخلت عالبيت واتاكدت أنو اهلها لسا نايمين وطلعت ع غرفتها. فتحت الكيس كان كلو من الشوكلاته اللي بتحبها بعلبه بتجنن وعلبه عطر وصوره لوائل.. اخدت دوش وبعدها رنلها وائل وحكو شوي ونامت.
مرت الايام وكان دايما يتبادلو الهدايا ويحكو مع بعض.
بيوم من الايام اجت مرت خالها لمنى زيارة لعندهم وحكت لام مصطفى انها بدها تخطب منى لابنها عصام.
منى انجنت وقالتلها بدها تكمل دراستها. هي بتعرف انو بحبها من نظراتو بس ماتخيلت انو يطلبها من اهلها.
ارتاحت كتير لما امها رفضت وقالت مابدها زواج اقارب.
ومنى ماحكت شي عن هالموضوع لوائل.
بس بعد فترة كانت عم تحكي مسجات مع وائل ...
وائل : شو قصت ابن خالك كتير عم شوفو بالحارة ؟!
منى : ما في شي ..
حس عليها وائل انها عم تكذب عليه واصر يعرف شو في.... حكتلو منى كل شي وهون عصب وائل كتير وجن جنانه. وقت حست انو معصب وعدتو انو ماتحكي مع عصام. وانو رح تبقى بغرفتها وقت بيجي زيارة لعندهم.
*
زهراء : نسيت احكيلك انو عصام بكون رفيق اخوه لوائل. ودايما بروح زيارات لعند اخو وائل. وبيقعدو كلهم مع بعض. وائل واخوه وأمه وعصام.
ماسة : تمام فهمت عليكي. كمليلي شو صار.
زهراء : هههه تكرمي.
*Telegram:@rwayate
بيوم كان عصام زيارة عند اخوه لوائل.
ام وائل : شو ياعصام مو ناوي تخطب ؟!
عصام بإبتسامة : اي قريبا ان شاء الله.
ام وائل : الله يسرلك. في حدى ببالك ؟
عصام : اي جارتكم بنت عمتي. بس لتخلص دراسة مو هلق.
وائل كان قاعد معهم عم يشرب شاي. وقت سمع هالكلام عصب ووقعت الكاسة من ايده وانكسرت ماهتم لشي وطلع فورا برى الغرفة.
عصام استغرب وحس انو في شي وصارو هالشخصين عقدة بحياته(منى&وائل)
خلصت الامتحانات وطلعو النتائج ونجحت منى وجابت معدل بتقدير جيد جدا بصراحة هيي اشطر من هيك بس التهت في الحب😂 ..
بنفس اليوم نزل وائل بوست عالفيس مبارك للناجحين ومبارك حبيبتي نجاحك وحط حرف

#مجنونة_فيك
#بقلم_أمل_الحياة
#الجزء_الرابع
Telegram:@rwayate
زهراء : والله تعبت من الحكي. خلص بكرة بكمل.
ماسة : لاء الله يوفقك احكيلي هلق. والله اذا ماحكيتيلي ما بقدر نام الليل. يلا زوزو بليز كملي.
زهراء : طيب طيب رح كمل. أخ منك شو بتلحي.
ماسة : هههههه خليلي ياكي شو طيوبة
زهراء : ويخليلي ياكي ياقلبي يلا رح كملك.
ماسة : اي
*****
بيوم من الايام اجى أخوها لمنى بدو الفلاشه مشان يجيب لعبه من صاحبو... Telegram:@rwayate
مصطفى : منى بدي فلاشتك المسا برجعلك ياها
منى : فلاشتي خربانة.
ام مصطفى : بعرفك عم تكذبي لانو مابتحبي حدى ياخدلك غراضك. بس عطيه الفلاشة لاخوكي والله مارح ياكلها.
منى : خربااانة ما عم تشتغل.
مصطفى : ماشي يا منى انا بفرجيكي.
بعد ماراحت منى عالجامعة راحت ام مصطفى على غرفتها واخدت الفلاشة عطتها لمصطفى. فرح وراح عالكمبيوتر فتحها وشاف المجلد. فتح المجلد ودخل الفيس وتصفحه.
***
ماسة : يييي اكيد شاف كلامها مع وائل.
زهراء : حمدي ربك كانت منى تمسح المحادثات اول بأول. بس كان في كم مسج مو محذوفات. قرأهم وعرف انو عم يحكو مع بعض.
ماسة : استني لجيب مي وارجع. والله عطشت.
زهراء : تمام عم انتظرك.
راحت ماسة تشرب وخلال ثواني كانت راجعة لمكانها.
ماسة : كملي حب كملي.
زهراء : ههههههه ماشاء الله شو سريعة.
ماسة : جفاف عاطفي الله وكيلك 😂😂😂
زهراء : ههههه الله يبعتلك شب يحبك وتحبيه وتتزوجو.
ماسة : الله يسمع منك. شو مو ناوية تكمليلي؟!
زهراء : مبلا. يلا رح كمل لعيونك.
ماسة : اممم تفضلي ....
******
مصطفى جن جنانه لانو اعتبرو خان ثقتو ولانو علاقت بيت ام مصطفى مع بيت ام وائل قويه.
ومصطفى بروح عندهم. وهم كتير صحبه...
هون حكى لامو وكان اسوء يوم بحيات منى غير البهادل وسمة البدن اخدو منها الجوال بعد ما تعهدت انها ماتحكي معو. وطبعا امها منعتها تطلع من البيت... كان يوم مأساوي.
بس منى قدرت تراسله وتبعتله مسج انو ما يبعتلها شي وانو اهلها عرفو ولما يصير مجال رح تطمنو عنها...
بعد كم يوم امها سجلتها بجامعه تانيه مشان ماتلتقى فيه
حست منى انو حياتها انتهت.... حست حالها يائسة ما بتعرف تعمل شي بدونو... بس كانت تطمن عليه عن طريقي. بقصد كنت روح لعندها كل كم يوم وتاخد جوالي وتحكيه. ومر شهر تقريبا ما شافتو... بلشت الجامعه ورجعولها الجوال بس رقم تاني. ومع تعهدات انها ماتحكي معو... بس ما قدرت لانو كتير بتحبو....
اول ما وصلت منى عالجامعة رنت على وائل وطمنت عليه وحكالها بدو يشوفها. رحت معها وشافته بعد الدوام. كان كتير وجهو تعبان مع لحيه ونحفان كتير وعيونو دبلانين. ومنى حالتها مو احسن من حالتو. كانت نحفانة ومتغيرة لانو قبل بفترة كانت تبقى حابسة حالها بغرفتها وبطلت تاكل مزبوط. ودايما تبكي وهي حاضنة دبدوبها اللي جبلها ياه وائل على عيد ميلاها.
*****
ماسة : وشو عمل وائل وقت شافها بهالحالة.
زهراء : هو ما كان بقدر يعمل شي وضعو مو جاهز انو يطلبها وهيي كانت متفهمه وضعو...
ماسة : امممم كملي...
*****Telegram:@rwayate
خلص الفصل الأول وبلشنا بالتاني كان اخر فصل لوائل وبيتخرج وبيخطب منى ... كان هاد هو كل تفكيرها ...
طبعا جبلها جوال وشريحه مشان يحكي معها لانو امها كانت تفتش جوالها دايما. وكانت تتواصل معو دائما بالسر. ودايما تصلي وتدعي ربنا يهونها عليها ويسامحها ع كل شي عملتو... #الكاتبة_أمل_الحياة
بيوم رجعت من الجامعه كانت كتير تعبانه. سمعت صوت جوال برن بس مو جوالها. تزكرت الجوال التاني... بسرعه ركضت ع غرفتها وطفتو. بس لسوء الحظ اخوها لحقها واخد الجوال وشاف رقم وائل وضربها.
بس الحمد لله كان خالي عندهم هو خلصها منو وراح عند وائل وتقاتل مع اهلو واجت ام مصطفى لعند منى على بهادل وتسميع حكي...
منى ماحكت ولا كلمه بس كانت تبكي. لأنو هي تاني مره بتخون ثقتهم..
كانت اسوء ايام حياتها. تركت الجامعه وحملت ماده لانو ماقدمت الامتحان. واخدو منها الجوال وبقيت محبوسة بالبيت ..
بعد بفتره دخلت ام مصطفى عندها عالغرفة وقالتلها
ام مصطفى : هاي آخر مرة فهمانة. من بكرة بترجعي عالجامعة. بس يكون بعلمك مافي لاجوال ولا غيره. فاهمة ؟!.Telegram:@rwayate
منى : حاضر ماما.
ورجعت منى عالجامعة من جديد. بس ماستسلمت. كان معها شريحة وقت تشوفني تحط شريحتها بجوالي وتحكي مع وائل.
ووائل وقت عرف انها رجعت للجامعة. ترك دوامه واجا على جامعت منى مشان يشوفها. واستناها بعد ماطلعت وقرب منها حكالها.
وائل : ميمو القوية وينها. ما بدي ياكي ضعيفة هيك. اصبري كم شهر وان شاء الله رح نكون مع بعض.
منى : انا مشانك مستعدة استنى طول حياتي.
اتمنى ان اضمك واشكو لك مايفعلون بي. اتمنى ان ابقى بقربك وإن قالو لي دعيه اقول لهم بأنك ملكٌ لي وحدي.....

خلص الفصل وتخرج وائل بس بقيلو مادتين ومنى اتحملت وصبرت وبقيت تستناه وثقتها بربها كبيره. انها رح تكون من نصيبو...
ليوم من الايام صدفت انو 3 شباب طلبوها بنفس ال

#مجنونة_فيك
#بقلم_أمل_الحياة
Telegram:@rwayate
#الجزء_الخامس_والأخير
بعد مرور خمس سنوات بكفتريا....
..... : اطلعي قدامك ياانسة... شو عميانة
زهراء بإستغراب : ماسة.. لك والله انتي ماسة. شو هالصدفة الحلوة.
ماسة : زهراء ... ماتوقعت ارجع شوفك بعد هداك اليوم.
زهراء : ليش شو صار معك. فجأة قطعتي الجامعة وماعد شفناكي.
ماسة : اخخخ اذا بحكيلك مارح تصدقي.
زهراء : لاء بصدق. اقعدي مقابيلي وحكيلي.
ماسة وهي تقعد : ماشي. بتتزكري هداك اليوم حكيتلك انو رح احكي مع الشب اللي معلق عليي.
زهراء : اي
ماسة : رحت عالبيت وفتحت مسنجر وبعتلو مسج. وبعد اسبوع كان معرفني عن حالو ومعرفتو عن حالي. طبعا عم احكي معو بإسم وهمي وبعتلي صورو وطلب مني ابعتلو صورتي. وحكالي انو بحبني ورح يشوفها ويحذفها فورا
زهراء : لاتقليلي بعتيلو ياها.
ماسة : لك ريتني متت قبل ما ابعتها
زهراء : ليش شو صار.
ماسة : طلع الشب هو اخي وداخل بإسم مزيف وصورة مزيفة.
زهراء بصدمة : اخوكي.
ماسة : لك اي اخي. كان أسوء يوم بحياتي قتلني ولولا امي كنت رحت فيها. ومن وقتها أخد مني الجوال ومنعني الطلعة برى البيت. لك حتى عالجامعة منعني روح.
زهراء : والله زعلتيني عليكي. طيب وهلق شو صار بأيامك وحياتك.
ماسة : ولا شي بس من فترة طلبني ابن عمي للزواج وانا وافقت مشان اخلص من اخي والحبس بالبيت. والحمد لله صرلي شهرين متزوجة ومبسوطة مع ابن عمي .
زهراء : اي الله يخليكم لبعض.
ماسة : تسلمي يارب. وانتي ماتزوجتي؟
زهراء : لا والله لسا.
ماسة : الله يبعتلك ابن الحلال يكون يحبك ويخاف عليكي. ماحكيتيلي شو صار ببنت خالك !!!
زهراء : قصدك بنت خالتي منى ؟!..
ماسة : اي هي ... شو صار بعد الانتحار😂
زهراء : ههههه يبعتلك الهنا مابتتغيري. طول عمرك هبلة.
ماسة : لاتتهربي يلا حكيلي شو صار
زهراء : طيب رح كملك القصة 😂😂😂
ماسة : بلا غلاظتك وحكيلي يلا.
Telegram:@rwayate
فلاش باااك
منى : بعدو عني. خلص هالحياة ماعد تهمني. انتو بعدتو اغلى انسان بحياتي. وانا مافيني عيش بدونو. خلص تركونييي مووووت....
ام مصطفى بخوف : ارمي السكينة من ايدك الله يرضى عليكي.
مصطفى : اختي هي سكينة مو لعبه.
منى : بعرف سكينه. بعددد ... لاتقرب مني والله بقتل حالي.
مصطفى وهو يبعد : خلص بعدت. بس كبري عقلك وارمي هالسكينة من ايدك. حرام الانتحار.
منى وهي تبكي : لكن ماحرام تبعدوني عن وائل بعد حب أكتر من 3 سنوات.
قربت السكينة من شرايين ايدها وبهالحظة صرخت ام مصطفى.
ام مصطفى : لاااااء لاتجرحي ايدك. خلص اللي بدك ياه بصير. ماعندي اغلى منكم. والله اذا بصرلك شي مابسامح حالي طول عمري.
رمت منى السكينة وركضت لحضن امها وهي عم تبكي.
منى : الله يخليلي ياكي ياغالية. ومايحرمني منك.
ام مصطفى : ولايحرمني منكم ياعيوني انتو.
وهيك نجحت خطت منى..... واخيرا بعد شهر من المعاناة قدرت تقنع اهلها مشان يوافقو على وائل. كان احلى يوم بحياتها. وبنفس اليوم اجا وائل هو وكل اهلو وقرايبينو مشان يخطب منى....
المسا تسطحت منى على تختها وهي فرحانه والدنيا مو سايعتها. واتصلت على زهراء تبشرها باللي صار.
منى : كيفك زوزو.
زهراء : مشتقتلك ياعروس.
منى بإبتسامة : هههههه ماشاء الله ومين حكالك.
زهراء : العيلة كلها عرفت بالخبر. ريتك تشوفي وجه عصام وقت عرف.
منى :شيلك من عصام. وخلينا بقصتي.
زهراء : شبك. ليش مو عبضك.
منى : الحمد لله قرينا اليوم الفاتحة. بس ماخلوني اقعد معه. قال شووووو... مافي داعي بتعرفو بعض😏
زهراء : يلا طولي بالك. هانت.
منى : اي الحمد لله بعد يومين كتب الكتاب.
زهراء : مبروك ياقلبي.
منى : الله يبارك فيكي ياقلبي. عقبالك.
زهراء : تسلميلي.
خلصت حكي مع زهراء ونامت....
(هالكلام علسان منى 👇💙)
تاني يوم توفت عمتها لامي وهيك إتأجل كتب الكتاب اسبوع كمان.
بعد اسبوع كتبنا كتابنا بحفلة صغيرة كتير.
Telegram:@rwayate
بعد كم ساعة راحو المعازيم وبقينا لحالنا ❤❤❤
3/4/2014 كان احلى يوم بحياتي كلها. حضني وائل وهو فرحان وباسني عراسي وحكالي واخيرا صرتي الي. بوعدك رح ابقى حبك وحافظ عليكي من كل شي.
انا سمعت هالكلمات وحضنتو بدون شعور.
باسني وحكالي ....
وائل : إيمتى رح نصير ببيت لحالنا.
منى : الله كريم يا روحي .....
والحمد لله ربنا استجاب لدعواتي وصرت حلالو وحددنا العرس بعد سنه 10/4/2015 كان يوم المنى احلى يوم بالحياه اليوم اللي رح كون اميرتو وهو أميري طلعت فعلا متل الاميرات بالأبيض... وأول ماشافني طار عقلو باسني من راسي ووعدني يضل يعشقني طول ما يتنفس ويحافظ عليه طول حياتو والحمد لله كمان 3 شهور بصير النا 4 سنوات متزوجين... وضل محافظ ع وعدو الي....
وائل كان الأب والأم والأخ والحبيب والصديق كان وما زال كل شي بحياتي.... والحمد لله الله رزقني منو ليث وميس هني احلا شي صار بحياتي بعد وائل. الله يخليلي ياهن ومايحرمني منهم.
وائل : ولايحرمنى منك ميمو. كل هالقد بتحبيني ؟😍
منى : ههههه لك انا م