#ملاك_الرحمة
#واقعية_بقلم_فيلوفوبيا
#الجزء_الاول
@rwayate
المجتمع حولنا....هو الحاكم الظالم...هو الدائرة السوداء الي بتحيط فينا....هو حفرة من النار...اذا وقعت بألسنتها
..مستحيل تطلع سليم...لازم تطلع مكسور...مشوه من جوا قبل برا...و تعبان كأنك خايض حرب عن سنين
قصتي انا....عن بنت...ظلمها مجتمعها كتير...و داس عليها متل ماداس على كتير قبلها...
انا ميس....عمري 21 سنة...وهي قصتي:
ام ميس:زلغوطة للعروس ياصبايا...تؤبريني مأحلاكي طالعة تؤبريني...مو هيك سلفتي
ميس:شكرا ماما
ام فادي(ام العريس)دخيل الله.لكن لك سلفتي....تسلملي كنتي الغالية و الحلوة
ميس:يخليلي ياكي مرت عمي
ام فادي:تؤبريني ياميس..بدا تجي سعاد تباركلك....
ميس:كرمالك بس يامرت عمي
ام فادي:تؤبريني بتعرفي انو الموضوع مو بايدي و عمك كان رح يعمل مصيبة لو عارضنا جيتها عالعرس
ميس:معلش مرت عمي...كلو بيهون كرمال خاطرك
_اجت سعاد....ضرة حماتي...كانت ست قوية كتير و كلمتها ماشية عالكبير قبل الصغير ببيت حمايي
هيه الزوجة التانية لعمي و حماتي الزوجة الاولى الي رب العالمين مارزقها غير بفادي زوجي و ابن عمي...وكرمال هيك عمي كان يفضل سعاد ام الصبيان على حماتي و كان يمشي كلمتها و ينفذ اوامرها.....قعدت جنبي و لفت رجل على رجل وبقيت قاعدة حتى اجا العريس و رحنا عالبيت سوا....لاني سكنت بغرفة عند بيت عمي_
فادي:مبروك ياعروس
ميس:يبارك فيك حبيبي
فادي:انا ربي رضيان عليي حتى بعتلي ياكي
ميس(ابتسمت بخجل)
فادي:سبحان الي خلقلك هالعيون شو حلوين
ميس:حاج تحكي معي هالحكي والله بخجل
فادي:لاتخجلي...انتي حلالي...وبيحقلي اتغزل فيكي براحتي
_كان عمري بوقتها 16 سنة تزوجنا انا و فادي و عشنا مع اهلو ببيتهن الكبير...هو كان منيح معي...و كان يحبني و يدللني...بس لما يوصل الموضوع لخالتو سعاد مايقدر يحكي شي لانو اذا حكا ابوه رح يوقف بوجهو
و سعاد حبت تلعب دور الخالة مرت الاب و الحمايةمعي انا....و صارت تشغلني اكتر من بناتها...و تبهدلني عالطالعة و النازلة...وفرضت شخصيتها عليي و على زوجي_
ميس:انا ماعاد اقدر يافادي...ماعاد اقدر تعبت
فادي:ياميس بدك تتحملي...مو بايدنا هي خالتي و كلمتها ماشية علينا
ميس:بس والله عم تهلكني بالشغل و بناتها عم ياخدو من تيابي وغراضي بدون اذني
فادي:معلش حبيبتي....طولي بالك الا ما الله يفرجها
ميس:ايه...الا ما الله يفرجها
فادي:طيب ضحكي...هي انا بحبك..و جنبك
ميس:اي انت بتحبني و جنبي بس مابتقدر تدافع عني بكلمة
فادي:بدك ياها تخلي ابي يغضب عليي!
ميس:لا خليها ظالمتنا احسن
فادي:خلصنا ولوو..غيري هالسيرة و.فرديها بقا
ميس:(ابتسمت)
فادي:اي هيك ها....دخيل الحلو شو بحبو
_مع انو فادي كان منيح وكان ينسيني تعبي اخر النهار....بس ماكان يقدر يرفع شي من الظلم عني....و اهلي كل ماشتكيت الهن بيسكتوني و بيقولو كل البنات هيك و تحملي وهاد نصيبك
يعني كنت مجبورة اتحمل غصب عني
بلشت الاوضاع بالبلد تتركركب...و ماعادت امان متل اول
ماعاد حدا سترجا يتأخر على بيتو و المحلات تسكر من بكير...الاوضاع من سيء لاسوأ
و رغم كل هالخوف سعاد ماكفت بلاها عني
لحد ما اجا اليوم الي......
ميس:يامرت عمي فادي لهلأ مارجع
سعاد:نشالله مابيرجع
ام فادي:سعاد ضبي لسانك....وينك يا بنيي وين رحت
ميس:صرلو من الصبح طالع..غلي قلبي عليه كتير
ابوفادي:اتصلو ع جوالو
ميس:اتصلت مسكر من الضهر
ابوفادي:وين بدي يكون هالولد
سعاد:قلنالو لا تطلع مابيرد...قلنالو انضب بهالبيت مابيرد
ام فادي:هلأ بيرجع نشالله
سعاد:اييه...نشااالله يرجع
ميس:انتي ليش هيك عم تحكي!!مابدك ياه يرجع!مابدك ياني افرح فيه....ليش عم تتمني مايرجع فهميني...نشالله ولادك الي بيروحو ومابيرجعو
سعاد:شو عم تقولي وليه!!
_ماشفتها غير قامت و نزلت فيني ضرب....و ماحدا قدر يشيلها عني....هربت من تحت ايديها و ركدت لغرفتي قفلت على حالي الباب و بكيييت كتير...صار نص الليل و طلع الضو و فادي مارجع كان النا 4 شهور متزوجين
ومن يومها انفقد و ماعاد شفتو
وبعد شهرين اجانا خبر انو انقتل...وقتها حماتي انهارت
و ركدنا فيها عالمشفى و اجاها القلب على اثر هالمصيبة
سعاد كفت بلاها عني و عن حماتي فترة صغيرة لما شافتنا اديش مكسورين....
انا كنت طفلة...مالحقت فتح عيوني على فادي الا اخدت الدنيا مني...
عمي خلاني امسك العدة ببيتو....وبعد العدة ماسمحلي اطلع اسكن ببيت اهلي...لانو منطقة اهلي الاوضاع فيها اسوأ من مطقتنا بكتير
و اصوات الرصاص ماعم تهدا هنيك...لهيك اضطريت ابقى ببيت عمي بينما تهدى الاوضاع بمنطقة اهلي و ارجع لعندهن
كان اغلب شغل البيت عليي و ماعدا الحكي الطالع والنازل الي اسمعو و البهدلة على اقل غلطة
بس سعاد ماقدرت تشوفني اعدة بغرفة لحالي.....
سعاد:اي ابن عمي
ابوفادي:خير
سعاد:بدي جوز ابني كامل
ابوفادي:اي جوزي مين ماسكك...شايفتيلو شي بنت؟
سعاد:بنت اخي مروة عين الله عليها
📚قصص||روايات||منوعة📚
rwayate📚قصص||روايات||منوعة📚
rwayate📚قصص||روايات||منوعة📚
rwayate#ملاك_الرحمة
#بقلم_فيلوفوبيا_واقعية
#الجزء_الثاني
@rwayate
_صارت سعاد تشغلني اكتر و ترص عليي اكتر
مرات كانت تمد ايدها عليي....وماعاد حدا دافع عني متل اول
صارت تتحجج بالقلة و تحرمني من الاكل
و كتير ليالي نمت فيهن جوعانة و عطشانة بسببها
حتى حماتي ماسلمت منها واوقات كانت تحرمها معي
و هالشي سبب ضعفها بزيادة و خلاها تمرض اكتر وماعاد الها قوة للاخد و العطا
بس رغم هالشي كلو....ماتراجعت عن فكرة دراستي و سجلت بمعهد تمريض
لانو لازم اتعلم اساسيات التمريض بسبب الحرب و الاوضاع السيئة بمنطقتنا
صرت كل يوم روح عالمعهد و اتعلم كل شي بيصحلي اتعلمو....اقطع مسافة طويلة بالباصات لاوصل
الله بيعلم كيف كنت جيب اجرة الباص
يا كنت اعطي ابرة لجارتنا او اعطي درس لولاد الجارة التانية و مرات قليلة الي قدرو اهلي يبعتولي مصاري
كنت اصرفهن بتقتير
حتى اقدر روح و اجي عالمعهد....ماكان بجيبتي الا اجرة الباص
واغلب الايام كنت روح بلا اكل و ارجع بلا اكل
بس كنت قاوم كتير و عزيمتي تقوا اكتر
لاني فرحانة بدراستي و فرحانة لاني رح صير ممرضة
كنت اكل بالسرقة....وخبي انينة المي بين تيايي حتى اقدر اشرب...ومرقت الايام بسرعة
و تخرجت من المعهد....وبعد التخرج كان عنا تدريب عشر ايام بمشفى حكومي حتى يتأكدو من كفاءتنا و قدرتنا على ممارسة التمريض
كملت فرحتي بهالخبر وماصدقت ايمتا اجا وقت التدريب....حتى مارس احلا مهنة بنظري
ميس:بتعرفي صفا انا كتير خايفة و متوترة
صفا:لاتخافي...خليكي طبيعية صرلنا سنتين عم نتعلم كل شي مومشان هلأ تخافي
ميس:يا الله عنجد كتير فرحانة....يعني صرنا ممرضات عنجد!!
صفا:يافهمانة افرحي وقت تتوظفي بشي مشفى مو وقت تدربي بس تدريب
ميس:اي خطوة خطوة الواحد بيمشي مو بينط نط
صفا:اي ماشي....شو شلون لقيتي العيشة عند اهلك اريح مو هيك
ميس:ايييييه اريح بكتير عالقليلة خلصت من سعاد
صفا:الحمدلله و الله فرحتلك
ميس:اي والله....عالاقل صرت بقدر اكل وماحدا يبهدلني
صفا:اي والله شوفي وشك شو شاحب من قلة الاكل
ميس:اييي...بيتحسن مع الوقت
صفا:بس لساتك حلوة وعين الله عليكي
ميس(ابتسمت)تسلمي
_كنا عم نحكي انا وصفا و باقي البنات ملتهيين بالحكي وقت دخل الدكتور المشرف على تدريبنا_
سعد:مرحبا ياصبايا
الممرضات:اهلا دكتور
سعد:انا الدكتور سعد...الطبيب المشرف على تدريبكن
بتمنى تكونو على قد المسؤولية و بتمنى تكون اذهانكن متفتحة
من اليوم ولمدة 10 ايام رح نكون كل يوم سوا
الدكتورة امل رح تستلم قسم منكن و انا رح استلم القسم التاني....وهلأ تفضلو معي لغرفة الدكتورة امل لنقسمكن لقسمين
_تفاجئت بالدكتور سعد....ماكان كبير بالعمر ويادوب عمرو 28 سنة....بس كانت شخصيتو قوية وعندو كاريزما كتير عالية...كان اسمر بشعر اسود ولحية خفيفة و جاذبية كبيرة و ابتسامة بتاخد العقل
بشكل لا ارادي حسيت حالي عم انجذب الو
وقلبي فرفح وقت طلعت انا بمجموعة الدكتور سعد
شي مابيتصدق عنجد_
سعد:هون في عنكن 5 غرف ل5 مرضى كل تنتين يدخلو سوا و يعملو كشف عالمريض و انا رح امرق عالغرف لشوف شو طلع معكن بالكشف
الممرضات:حاضر دكتور
_فتنا انا و صفا....لقينا مريض كبير بالعمر...فورا قسنا ضغطو و معدل ضربات قلبو....تفقدنا كيس السيروم المعلق و غيرنا عالجرح الي بايدو_
سعد:مرحبا ياصبايا
ميس:اهلا دكتور
سعد:شو طلع معكن بالفحص
ميس:تفضل دكتور سجلت ملاحظاتي هون
سعد:هاتي لشوف.....امممم....كتير منيح....الضغط مرتفع شوي
ميس:اي دكتور سجلت الدوا الي هو بحاجتو
سعد:بدلتو ضماد الجرح؟
ميس:اكيد دكتور
سعد:ههه شايفك اكتر وحدة متحمسة يا انسة.....؟؟
ميس:ميس دكتور
سعد:شايفك كتير متحمسة ياميس
ميس(ابتسمت بخجل و نزلت راسي)انا....بحب التمريض دكتور
سعد:هيك بدي ياكي على طول بكامل نشاطك
ميس:ان شاء الله
صفا:و انا ساعدتا دكتور!!!!
سعد:انتو الاتنين الله يعطيكن العافية
_الشغل مع الدكتور سعد كان كتير حلو و تعلمت منو كتير شغلات مع انو هو كمان كان طبيب متدرب.....احلا عشر ايام بحياتي هنه هدول الايام الي مرو متل لم البصر....و بآخر يوم وقبل ما نطلع من المشفى طلبني سعد لعندو على غرفتو بالمشفى_
سعد:تفضلي انسة ميس
ميس:شكرا
سعد:بعرف انو اليوم اخر يوم الك عنا
ميس:اي دكتور استفدت و انبسطت كتير بهالعشر ايام
سعد:امممم.....اذا بتحبي ممكن حاول امنلك وظيفة ثابتة عنا هون
ميس:عنجد عم تحكي دكتور!!!!!
سعد:اي لكن مزح
ميس:بتكون فضلت على راسي يا دكتور
سعد:الله يسامحك الفضل لرب للعالمين
ميس:شكرا
سعد:طيب.....عطيني رقم موبايلك خليني اتواصل معك بحال قدرت امنلك الشغل
ميس:اه؟؟اي موبايلي.....طيب انت عطيني رقمك و انا بس وصل عالبيت بتصل فيك لان موبايلي تاركتو بالبيت و مالي حافظة رقمي
سعد:ايوا....طيب رح سجلك الرقم و اتصلي فيني
ميس:ان شاء الله
#بقلم_فيلوفوبيا_واقعية
#الجزء_الثاني
@rwayate
_صارت سعاد تشغلني اكتر و ترص عليي اكتر
مرات كانت تمد ايدها عليي....وماعاد حدا دافع عني متل اول
صارت تتحجج بالقلة و تحرمني من الاكل
و كتير ليالي نمت فيهن جوعانة و عطشانة بسببها
حتى حماتي ماسلمت منها واوقات كانت تحرمها معي
و هالشي سبب ضعفها بزيادة و خلاها تمرض اكتر وماعاد الها قوة للاخد و العطا
بس رغم هالشي كلو....ماتراجعت عن فكرة دراستي و سجلت بمعهد تمريض
لانو لازم اتعلم اساسيات التمريض بسبب الحرب و الاوضاع السيئة بمنطقتنا
صرت كل يوم روح عالمعهد و اتعلم كل شي بيصحلي اتعلمو....اقطع مسافة طويلة بالباصات لاوصل
الله بيعلم كيف كنت جيب اجرة الباص
يا كنت اعطي ابرة لجارتنا او اعطي درس لولاد الجارة التانية و مرات قليلة الي قدرو اهلي يبعتولي مصاري
كنت اصرفهن بتقتير
حتى اقدر روح و اجي عالمعهد....ماكان بجيبتي الا اجرة الباص
واغلب الايام كنت روح بلا اكل و ارجع بلا اكل
بس كنت قاوم كتير و عزيمتي تقوا اكتر
لاني فرحانة بدراستي و فرحانة لاني رح صير ممرضة
كنت اكل بالسرقة....وخبي انينة المي بين تيايي حتى اقدر اشرب...ومرقت الايام بسرعة
و تخرجت من المعهد....وبعد التخرج كان عنا تدريب عشر ايام بمشفى حكومي حتى يتأكدو من كفاءتنا و قدرتنا على ممارسة التمريض
كملت فرحتي بهالخبر وماصدقت ايمتا اجا وقت التدريب....حتى مارس احلا مهنة بنظري
ميس:بتعرفي صفا انا كتير خايفة و متوترة
صفا:لاتخافي...خليكي طبيعية صرلنا سنتين عم نتعلم كل شي مومشان هلأ تخافي
ميس:يا الله عنجد كتير فرحانة....يعني صرنا ممرضات عنجد!!
صفا:يافهمانة افرحي وقت تتوظفي بشي مشفى مو وقت تدربي بس تدريب
ميس:اي خطوة خطوة الواحد بيمشي مو بينط نط
صفا:اي ماشي....شو شلون لقيتي العيشة عند اهلك اريح مو هيك
ميس:ايييييه اريح بكتير عالقليلة خلصت من سعاد
صفا:الحمدلله و الله فرحتلك
ميس:اي والله....عالاقل صرت بقدر اكل وماحدا يبهدلني
صفا:اي والله شوفي وشك شو شاحب من قلة الاكل
ميس:اييي...بيتحسن مع الوقت
صفا:بس لساتك حلوة وعين الله عليكي
ميس(ابتسمت)تسلمي
_كنا عم نحكي انا وصفا و باقي البنات ملتهيين بالحكي وقت دخل الدكتور المشرف على تدريبنا_
سعد:مرحبا ياصبايا
الممرضات:اهلا دكتور
سعد:انا الدكتور سعد...الطبيب المشرف على تدريبكن
بتمنى تكونو على قد المسؤولية و بتمنى تكون اذهانكن متفتحة
من اليوم ولمدة 10 ايام رح نكون كل يوم سوا
الدكتورة امل رح تستلم قسم منكن و انا رح استلم القسم التاني....وهلأ تفضلو معي لغرفة الدكتورة امل لنقسمكن لقسمين
_تفاجئت بالدكتور سعد....ماكان كبير بالعمر ويادوب عمرو 28 سنة....بس كانت شخصيتو قوية وعندو كاريزما كتير عالية...كان اسمر بشعر اسود ولحية خفيفة و جاذبية كبيرة و ابتسامة بتاخد العقل
بشكل لا ارادي حسيت حالي عم انجذب الو
وقلبي فرفح وقت طلعت انا بمجموعة الدكتور سعد
شي مابيتصدق عنجد_
سعد:هون في عنكن 5 غرف ل5 مرضى كل تنتين يدخلو سوا و يعملو كشف عالمريض و انا رح امرق عالغرف لشوف شو طلع معكن بالكشف
الممرضات:حاضر دكتور
_فتنا انا و صفا....لقينا مريض كبير بالعمر...فورا قسنا ضغطو و معدل ضربات قلبو....تفقدنا كيس السيروم المعلق و غيرنا عالجرح الي بايدو_
سعد:مرحبا ياصبايا
ميس:اهلا دكتور
سعد:شو طلع معكن بالفحص
ميس:تفضل دكتور سجلت ملاحظاتي هون
سعد:هاتي لشوف.....امممم....كتير منيح....الضغط مرتفع شوي
ميس:اي دكتور سجلت الدوا الي هو بحاجتو
سعد:بدلتو ضماد الجرح؟
ميس:اكيد دكتور
سعد:ههه شايفك اكتر وحدة متحمسة يا انسة.....؟؟
ميس:ميس دكتور
سعد:شايفك كتير متحمسة ياميس
ميس(ابتسمت بخجل و نزلت راسي)انا....بحب التمريض دكتور
سعد:هيك بدي ياكي على طول بكامل نشاطك
ميس:ان شاء الله
صفا:و انا ساعدتا دكتور!!!!
سعد:انتو الاتنين الله يعطيكن العافية
_الشغل مع الدكتور سعد كان كتير حلو و تعلمت منو كتير شغلات مع انو هو كمان كان طبيب متدرب.....احلا عشر ايام بحياتي هنه هدول الايام الي مرو متل لم البصر....و بآخر يوم وقبل ما نطلع من المشفى طلبني سعد لعندو على غرفتو بالمشفى_
سعد:تفضلي انسة ميس
ميس:شكرا
سعد:بعرف انو اليوم اخر يوم الك عنا
ميس:اي دكتور استفدت و انبسطت كتير بهالعشر ايام
سعد:امممم.....اذا بتحبي ممكن حاول امنلك وظيفة ثابتة عنا هون
ميس:عنجد عم تحكي دكتور!!!!!
سعد:اي لكن مزح
ميس:بتكون فضلت على راسي يا دكتور
سعد:الله يسامحك الفضل لرب للعالمين
ميس:شكرا
سعد:طيب.....عطيني رقم موبايلك خليني اتواصل معك بحال قدرت امنلك الشغل
ميس:اه؟؟اي موبايلي.....طيب انت عطيني رقمك و انا بس وصل عالبيت بتصل فيك لان موبايلي تاركتو بالبيت و مالي حافظة رقمي
سعد:ايوا....طيب رح سجلك الرقم و اتصلي فيني
ميس:ان شاء الله
📚قصص||روايات||منوعة📚
rwayate#ملاك_الرحمة
#بقلم_فيلوفوبيا_واقعية
#الجزء_الثالث
@rwayate
صرنا نحكي انا و سعد على طول...كل مانكون فاضيين نحكي و بالليل ياخدنا الحديث لساعات طويلة....حكالي عن حالو كل شي....وحكيتلو قصتي و تعاطف معي كتير وماكان عندو اي مشكلة بأني ارملة
بالعكس كان متعاطف معي اكتر بسبب هالشي
و بعد شهرين طلب يشوفني لاول مرة بعد مااعترفلي بمشاعرو_
سعد:و اخيرا تكرمتي عليي بهالموعد
ميس(بخجل)الله يسامحك
سعد:لك اي دخيلو الخجلان...ماتخجلي حبيبتي عم امزح معك
ميس:طيب
سعد(مسك ايدي وهمس)بحبك
_سحبت ايدي من ايدو و انا خجلانة و قلبي عم يرجف_
ميس:سعد!!!!
سعد:ياروح سعد انتي....دخيل الله اسمي شو طالع حلو من تمك
ميس:حاج تتغزل فيني
سعد:مافيني ما اتغزل بهالجمال هاد...عيونك الي متل قرص العسل....و خدودك الي متل التفاح...و شفايفك الي متل الكرز...و بشرتك الي متل القشطة
ميس:هههههه....عملني سلطة فواكي
سعد:اطيب سلطة فواكي انتي
ميس:مجنون
سعد:فيكي
ميس_____
سعد:مابدك تقولي انك بتحبيني
ميس:بس انا مابحبك
سعد:لا تكزبي...انتي بتحبيني
ميس:صدقني مابحبك عم سايرك مسايرة
سعد:بس عيونك عم يحكو كلام حب و عشق
ميس:عيوني!!
سعد:اي نعم عيونك...
ميس:اي عيوني كزابين
سعد:العيون مابتكزب....قوليها...فرحي قلبي و قوليها
ميس:طيب.....اناااا
سعد:اي
ميس:اناااا.....مابحبك
سعد:بزعل منك ها
ميس:لا لاتزعل
سعد:خلص قوليها....رح غمض عيوني حتى ماتخجلي...ها
ميس(همست)بحبك
سعد:دخيل الله....كمان مرة
ميس:بحبك
سعد:لك انا الي بحبك...(صرخ باعلى صوتو)ولك بحببببببببك
_عيشني احلا ايام و شفت معو الحب على اصولو....
احلا فترة بحياتي هيه فترة علاقتي بسعد
كانت الابتسامة ماتغيب عن وجهي....و اسمو...حتى و انا نايمة كنت قولو...حبينا بعض كتير....حب مو بالعقل
فتحت عيوني عالدنيا معو....و صرت شوف العالم بعيونو
و شوف سعادتي بوجودو....راحتي جنبو
بعد 6 شهور و نحنا عم نحكي مع بعض و عايشين احلا ايام....فتح معي موضوع الخطبة_
سعد:انتي بتعرفي اني بحبك موهيك
ميس:لامابعرف
سعد:سمعيني لكن...انا بحبك...وبعشقك و بموت عالارض الي بتمشي عليها انتي
ميس:اي؟؟
سعد:بدي اتقدملك...و بدي اتزوجك لان ماعاد اقدر حس انك بعيدة عني...بدي امسك ايديكي براحتي..و احضنك براحتي و شم ريحتك و اشبع منها...بدي حس انك ملكي الي لحالي
ميس:يا الله كلامك شو حلو....حلمي...حلم عمري يجمعنا سقف واحد
سعد:رح يجمعنا ماتخافي....رح احكي مع اهلي و افتح معهن الموضوع و ان شاء الله كم يوم و بتلاقيني عم اطلب ايدك من ابوكي
ميس:ياااارب
سعد:وحياتك مارح تكوني غير الي
ميس:بحبك كتيييير
سعد:انا يلي بحبك
_ماكل مايتمناه المرء يدركه....تأتي الرياح بما لاتشتهي السفن_
_تاني يوم فتح سعد الموضوع مع اهلو و خبرهن انو بيحب بنت و بدو يخطبها و اللي صار.......
سعد:اي امي....ايمتا بدك تطلبيلي ايد ميس
ام سعد:طيب حكيلي عنها شوي...ماقلتلي غير انك بتحبها كتير و بدك ياها حكيلي شو مواصفاتا شو دارسة من وين
سعد:طيب....هيه عمرها20 سنة دارسة معهد تمريض وشتغلت ممرضة عنا بالمشفى فترة وهلأ عم تشتغل ممرضة بالهلال الاحمر...حللووووة....متل القمر اد مو حلوة...عيونها شهل و بيضا متل التلج و شعرا اسود و نحيفة و طويلة و مؤدبة و مرباية احسن ترباية
ام سعد:ياسلاام...طاير عقلو الولد
سعد:اي امي....بس في شغلة صغيرة ومالا بهالاهمية
ام سعد:واللي هيه؟؟؟
سعد:هيه كانت متزوجة من قبل
ام سعد:نعم نعم!!!و مطلقة ولا ارملة
سعد:لا ارملة...تزوجت صغيرة بنت 16 سنة وبعد 4شهور ترملت
ام سعد:ياسلام....معناها صروف نظر عنها هي مابتناسبنا
سعد:شو اصرف نظر عم قلك بحبا و بدي ياهااا
ام سعد:و انا مابيناسبني اخدلك ارملة
سعد:بس كلن 4 شهور الي تزوجتن
ام سعد:نشالله تكون متزوجة ساعة وحدة انا ماباخد لولادي ارامل و مطلقات...غير بنت بنوت مارح اخدلك
سعد:بس يا امي انا بحبا وهيه بتحبني
ام سعد:بتحبك؟؟؟شي حلو...يعني رضيت تحكي معك...شوبيضمنلي ماتكون فلتانة على حل شعرها؟؟؟ومامخلية شب مامحاكيتو
سعد:(بعصبية)شو هالحكي امي؟؟!!!البنت شتغلت تحت ايدي و ماشفت من ادبها و اخلاقها وجاية عم تقولي عنها فلتانة!!!
ام سعد:من الاخر نشالله تكون ملاك طاهر و ارملة ماباخدلك ياها
سعد:لكن انا رح اخطبها و اتزوجها بدونكن منيح هيك
ام سعد:(بصوت عالي)سعد!!!بغضب عليك غضب قلبي و غضب ربي اذا بتروح بتخطب هالمخلوقة لحالك عم تفهم
_دخل ابو سعد و سمع صوات سعد و امو طالعين و عم يتخانقو_
ابو سعد:لك شوفي؟ليش صواتكن طالعة هيك ؟
ام سعد(صارت تتباكى)تعال سماع يارجال...ابن قلبي..
بدو يغضبني و ياخد بنت غصبن عني
سعد:شوهالحكي لك امي!!
ابوسعد:صحيح الي عم تقولو امك ياولد!
سعد:والله مافي شي من هاد يابي
ام سعد:مبلا...مبلا...بدو ياخد وحدة ارملة و بتحبو و بيحبها
ابوسعد:ارملة!
سعد:لك ابي شو فيها واذا كانت ارملة انا بحبا للبنت
#بقلم_فيلوفوبيا_واقعية
#الجزء_الثالث
@rwayate
صرنا نحكي انا و سعد على طول...كل مانكون فاضيين نحكي و بالليل ياخدنا الحديث لساعات طويلة....حكالي عن حالو كل شي....وحكيتلو قصتي و تعاطف معي كتير وماكان عندو اي مشكلة بأني ارملة
بالعكس كان متعاطف معي اكتر بسبب هالشي
و بعد شهرين طلب يشوفني لاول مرة بعد مااعترفلي بمشاعرو_
سعد:و اخيرا تكرمتي عليي بهالموعد
ميس(بخجل)الله يسامحك
سعد:لك اي دخيلو الخجلان...ماتخجلي حبيبتي عم امزح معك
ميس:طيب
سعد(مسك ايدي وهمس)بحبك
_سحبت ايدي من ايدو و انا خجلانة و قلبي عم يرجف_
ميس:سعد!!!!
سعد:ياروح سعد انتي....دخيل الله اسمي شو طالع حلو من تمك
ميس:حاج تتغزل فيني
سعد:مافيني ما اتغزل بهالجمال هاد...عيونك الي متل قرص العسل....و خدودك الي متل التفاح...و شفايفك الي متل الكرز...و بشرتك الي متل القشطة
ميس:هههههه....عملني سلطة فواكي
سعد:اطيب سلطة فواكي انتي
ميس:مجنون
سعد:فيكي
ميس_____
سعد:مابدك تقولي انك بتحبيني
ميس:بس انا مابحبك
سعد:لا تكزبي...انتي بتحبيني
ميس:صدقني مابحبك عم سايرك مسايرة
سعد:بس عيونك عم يحكو كلام حب و عشق
ميس:عيوني!!
سعد:اي نعم عيونك...
ميس:اي عيوني كزابين
سعد:العيون مابتكزب....قوليها...فرحي قلبي و قوليها
ميس:طيب.....اناااا
سعد:اي
ميس:اناااا.....مابحبك
سعد:بزعل منك ها
ميس:لا لاتزعل
سعد:خلص قوليها....رح غمض عيوني حتى ماتخجلي...ها
ميس(همست)بحبك
سعد:دخيل الله....كمان مرة
ميس:بحبك
سعد:لك انا الي بحبك...(صرخ باعلى صوتو)ولك بحببببببببك
_عيشني احلا ايام و شفت معو الحب على اصولو....
احلا فترة بحياتي هيه فترة علاقتي بسعد
كانت الابتسامة ماتغيب عن وجهي....و اسمو...حتى و انا نايمة كنت قولو...حبينا بعض كتير....حب مو بالعقل
فتحت عيوني عالدنيا معو....و صرت شوف العالم بعيونو
و شوف سعادتي بوجودو....راحتي جنبو
بعد 6 شهور و نحنا عم نحكي مع بعض و عايشين احلا ايام....فتح معي موضوع الخطبة_
سعد:انتي بتعرفي اني بحبك موهيك
ميس:لامابعرف
سعد:سمعيني لكن...انا بحبك...وبعشقك و بموت عالارض الي بتمشي عليها انتي
ميس:اي؟؟
سعد:بدي اتقدملك...و بدي اتزوجك لان ماعاد اقدر حس انك بعيدة عني...بدي امسك ايديكي براحتي..و احضنك براحتي و شم ريحتك و اشبع منها...بدي حس انك ملكي الي لحالي
ميس:يا الله كلامك شو حلو....حلمي...حلم عمري يجمعنا سقف واحد
سعد:رح يجمعنا ماتخافي....رح احكي مع اهلي و افتح معهن الموضوع و ان شاء الله كم يوم و بتلاقيني عم اطلب ايدك من ابوكي
ميس:ياااارب
سعد:وحياتك مارح تكوني غير الي
ميس:بحبك كتيييير
سعد:انا يلي بحبك
_ماكل مايتمناه المرء يدركه....تأتي الرياح بما لاتشتهي السفن_
_تاني يوم فتح سعد الموضوع مع اهلو و خبرهن انو بيحب بنت و بدو يخطبها و اللي صار.......
سعد:اي امي....ايمتا بدك تطلبيلي ايد ميس
ام سعد:طيب حكيلي عنها شوي...ماقلتلي غير انك بتحبها كتير و بدك ياها حكيلي شو مواصفاتا شو دارسة من وين
سعد:طيب....هيه عمرها20 سنة دارسة معهد تمريض وشتغلت ممرضة عنا بالمشفى فترة وهلأ عم تشتغل ممرضة بالهلال الاحمر...حللووووة....متل القمر اد مو حلوة...عيونها شهل و بيضا متل التلج و شعرا اسود و نحيفة و طويلة و مؤدبة و مرباية احسن ترباية
ام سعد:ياسلاام...طاير عقلو الولد
سعد:اي امي....بس في شغلة صغيرة ومالا بهالاهمية
ام سعد:واللي هيه؟؟؟
سعد:هيه كانت متزوجة من قبل
ام سعد:نعم نعم!!!و مطلقة ولا ارملة
سعد:لا ارملة...تزوجت صغيرة بنت 16 سنة وبعد 4شهور ترملت
ام سعد:ياسلام....معناها صروف نظر عنها هي مابتناسبنا
سعد:شو اصرف نظر عم قلك بحبا و بدي ياهااا
ام سعد:و انا مابيناسبني اخدلك ارملة
سعد:بس كلن 4 شهور الي تزوجتن
ام سعد:نشالله تكون متزوجة ساعة وحدة انا ماباخد لولادي ارامل و مطلقات...غير بنت بنوت مارح اخدلك
سعد:بس يا امي انا بحبا وهيه بتحبني
ام سعد:بتحبك؟؟؟شي حلو...يعني رضيت تحكي معك...شوبيضمنلي ماتكون فلتانة على حل شعرها؟؟؟ومامخلية شب مامحاكيتو
سعد:(بعصبية)شو هالحكي امي؟؟!!!البنت شتغلت تحت ايدي و ماشفت من ادبها و اخلاقها وجاية عم تقولي عنها فلتانة!!!
ام سعد:من الاخر نشالله تكون ملاك طاهر و ارملة ماباخدلك ياها
سعد:لكن انا رح اخطبها و اتزوجها بدونكن منيح هيك
ام سعد:(بصوت عالي)سعد!!!بغضب عليك غضب قلبي و غضب ربي اذا بتروح بتخطب هالمخلوقة لحالك عم تفهم
_دخل ابو سعد و سمع صوات سعد و امو طالعين و عم يتخانقو_
ابو سعد:لك شوفي؟ليش صواتكن طالعة هيك ؟
ام سعد(صارت تتباكى)تعال سماع يارجال...ابن قلبي..
بدو يغضبني و ياخد بنت غصبن عني
سعد:شوهالحكي لك امي!!
ابوسعد:صحيح الي عم تقولو امك ياولد!
سعد:والله مافي شي من هاد يابي
ام سعد:مبلا...مبلا...بدو ياخد وحدة ارملة و بتحبو و بيحبها
ابوسعد:ارملة!
سعد:لك ابي شو فيها واذا كانت ارملة انا بحبا للبنت
📚قصص||روايات||منوعة📚
rwayate#ملاك_الرحمة
#واقعية_بقلم_فيلوفوبيا
#الجزء_الرابع
#انتهت
@rwayate
_بعد فترة_
ام سعد:انت مامليت!...ماداق خلقك من هالموضوع
سعد:لك امي فهميني انا بحبا...ولك بحبااااا
ام سعد:بكرا بتتزوج و بتحب مرتك
سعد:شو هالحكي يا امي...مشان الله كرمال الله فهميني...ليش مابدك ياني اتزوجها
ام سعد:لانو مابصير اخد لابني العزابي ارملة...ابني عزابي و دكتور اد الدنيا و حلو وشخصية و بالاخر اخدلو ارملة
لك انا الي شايفة حالي فيك ورافعة انفي عالعالم بدك ياني شمت الناس فيني و اخدلك ارملة!!!
سعد:لك بس فهميني انتي رح تتزوجيها ولا انا!!!! اذا انا قبلان و ماعندي مشكلة
ام سعد:و الناس تاكل وجهي!!
سعد؛شو بدي بالناس!!!!لك مو انتي امي و بدك راحتي...انا راحتي مع ميس و بس مو مع حدا تاني
ام سعد:بيهمني حكي الناس قبل كل شي...قبل راحتي مستعدة نام على رجل وحدة ولاخلي بني ادم يحكي عليي
سعد:لك الحكي معك مامنو مافايدة...مااامنو فايدة ابدا!!!
ام سعد:يمين و عظيم مارح اخدلك ياها....والله يغضب عليك ياسعد اذا بترجع بتفتح هالموضوع معي!!
سعد:ماشي...ماشي...غضبي...غضبي عليي لاني بدي عيش مبسوط و اتزوج بنت بحبا....بخاطرك
ام سعد (لنفسها)يومين و بتروق و بترجع لحالك...ههه قال ارملة قال...ناقصني شمت اخواتي و الجيران فيني
_بنفس اليوم سعد طلب يشوفني ليخبرني بجواب اهلو لانو من اكتر من شهر هو فتح الموضوع معهن و ماعطاني جوابهن النهائي و انا ساروني الشك بهالفترة و حسيت انو اهلو معترضين عليي...._
سعد:انتي بتعرفي اني بحبك صح
ميس:و انا بحبك اكتر
سعد:(مسك ايدي)مشان الله سامحيني
ميس:اهلك ما وافقو موهيك
سعد:حبيبتي...والله موبايدي
ميس:انا كنت متوقعة....مافي اهل بياخدو لابنهن العزابي وحدة ارملة...عادي...هاد واقعي و هاد مجتمعي الي مافيني اهرب منو...هاد الحكم القاسي الي مضطرة اخضعلو
سعد:ميس كرمال الله لاتزيديها على قلبي انا من دون شي مخنوق
ميس:مارح زيدها.....دخيلك..ماهو شي متوقع
سعد:_____
ميس:اكيد امك الي اعترضت اكتر شي
سعد:مو بس هيك...غضبت عليي اذا برجع بفتح الموضوع مرة تانية
_غصيت بدموعي و حبستهن غصبن عني وتصنعت الابتسامة_
ميس:طيب....انا رح امشي هلأ
سعد:لوين!!
ميس:خلص سعد كل شي صار واضح...انا و انت صعب نكون لبعض...انت مافيك تخالف اهلك و انا مابقبل اتزوج واحد غصبن عن اهلو
سعد:صدقيني انا عملت جهدي...بس انتي بتعرفي انا مافيني اغضب اهلي...هنه مالهن غيري
ميس:طبعا مارح تغضب اهلك كرمالي....انا بتمنالك السعادة...و بتمنى انو تلاقي البنت الي بتستاهلك اكتر مني
سعد:ماحدا بيستاهلني غيرك
ميس:انا مابناسبك...انا ارملة...بخاطرك
_حملت حالي و مشيت و دموعي على عرض خدودي....بكيت و بكيت السما معي بقيت اكتر من ساعتين عم لف بالشوارع حتى فرغت عيوني من الدموع و حسيت قلبي رح يوقف من البكا
هي انا و هاد حظي....من اول حياتي انظلمت و الظلم ماعاد شي جديد عليي...رحت عالبيت طفيت موبايلي ونمت...و بقيت يومين ماروح على شغلي...حاولت اتأقلم مع الوضع بدون سعد...مرق علينا شهر كامل بدون مانحكي مع بعض....تعذبت كتير بغيابو...وحسيت بعدو عني رح يموتني...كنت محتفظة بكل محادثاتنا و كل يوم قبل مانام كنت اقرأهن و ابكي من قلبي
مالحقت افرح فيه...مالحقت اتهنى بحبي الو...اخدتو الدنيا مني....بعد شهر و انا عم اتأمل صور سعد...مالقيتو غير اتصل فيني_
سعد:مرحبا
ميس:اهلين...دكتور سعد
سعد:شو حطيتي حواجز بيناتنا!!
ميس:هيك احسن دكتور
سعد:ماشتقتيلي
ميس:اذا بتريد اذا عندك شي ضروري قولو و اذا لا خليني سكر
سعد:لهدرجة كرهتيني!!
ميس(تبكي)لك انا ماكرهتك!!...انا كرهت حالي...كرهت حظي...كرهت حياتي...كرهت عمري...كرهت كل شي الا انت...مافيني اكرهك...بس بترجاك...بترجاااااك...اذا مارح كون الك سمحلي كون لغيرك...لاتخليني معلقة بحبال الهوا و ناطرة شي معجزة تزوجنا لبعض...بترجاك اذا مارح تقدر توقف بوجه اهلك و تقلن هي حبيبتي
وبدي اتزوجها....بترجاك تبعد عني سعد...ابعد عني خليني ارجع ابني الي تدمر جواتي
سعد:انا مافيني وقف بوجه اهلي....بيتبرو مني...بيغضبو عليي...هدول اهلي
ميس:لكن ابعد عني ....خليني فكر بحالي...بحياتي مارح كون الك....لهيك تركني بحالي
سعد:بس انا بحبك
ميس:الحب لحالو مابيكفي.....ههه....الحب لا يصنع المعجزات ياسعد.....انا و انت ضحية المجتمع...ومتلنا كتير...ضحايا الناس و حكي الناس و حكم الناس
سعد:لك يلعن ابو الناس الي رح تفرقني عنك
ميس:ههه...مارح نقدر نهرب من هالشي...لهيك خلينا نبعد احسن...والله احسن
سعد:انا اسف لاني خذلتك...اسف لاني استسلمت ومادافعت عنك و عن حبنا
ميس:ماتعتذر...هالشي مو غلطك....بدك شي سعد انا لازم سكر
سعد:معلش اذا اتصلت فيكي كل فترة لاتطمن عنك؟كصديق مو اكتر
ميس:صديق!....طيب..مافي مشكلة...سلام
سعد:بح....
#واقعية_بقلم_فيلوفوبيا
#الجزء_الرابع
#انتهت
@rwayate
_بعد فترة_
ام سعد:انت مامليت!...ماداق خلقك من هالموضوع
سعد:لك امي فهميني انا بحبا...ولك بحبااااا
ام سعد:بكرا بتتزوج و بتحب مرتك
سعد:شو هالحكي يا امي...مشان الله كرمال الله فهميني...ليش مابدك ياني اتزوجها
ام سعد:لانو مابصير اخد لابني العزابي ارملة...ابني عزابي و دكتور اد الدنيا و حلو وشخصية و بالاخر اخدلو ارملة
لك انا الي شايفة حالي فيك ورافعة انفي عالعالم بدك ياني شمت الناس فيني و اخدلك ارملة!!!
سعد:لك بس فهميني انتي رح تتزوجيها ولا انا!!!! اذا انا قبلان و ماعندي مشكلة
ام سعد:و الناس تاكل وجهي!!
سعد؛شو بدي بالناس!!!!لك مو انتي امي و بدك راحتي...انا راحتي مع ميس و بس مو مع حدا تاني
ام سعد:بيهمني حكي الناس قبل كل شي...قبل راحتي مستعدة نام على رجل وحدة ولاخلي بني ادم يحكي عليي
سعد:لك الحكي معك مامنو مافايدة...مااامنو فايدة ابدا!!!
ام سعد:يمين و عظيم مارح اخدلك ياها....والله يغضب عليك ياسعد اذا بترجع بتفتح هالموضوع معي!!
سعد:ماشي...ماشي...غضبي...غضبي عليي لاني بدي عيش مبسوط و اتزوج بنت بحبا....بخاطرك
ام سعد (لنفسها)يومين و بتروق و بترجع لحالك...ههه قال ارملة قال...ناقصني شمت اخواتي و الجيران فيني
_بنفس اليوم سعد طلب يشوفني ليخبرني بجواب اهلو لانو من اكتر من شهر هو فتح الموضوع معهن و ماعطاني جوابهن النهائي و انا ساروني الشك بهالفترة و حسيت انو اهلو معترضين عليي...._
سعد:انتي بتعرفي اني بحبك صح
ميس:و انا بحبك اكتر
سعد:(مسك ايدي)مشان الله سامحيني
ميس:اهلك ما وافقو موهيك
سعد:حبيبتي...والله موبايدي
ميس:انا كنت متوقعة....مافي اهل بياخدو لابنهن العزابي وحدة ارملة...عادي...هاد واقعي و هاد مجتمعي الي مافيني اهرب منو...هاد الحكم القاسي الي مضطرة اخضعلو
سعد:ميس كرمال الله لاتزيديها على قلبي انا من دون شي مخنوق
ميس:مارح زيدها.....دخيلك..ماهو شي متوقع
سعد:_____
ميس:اكيد امك الي اعترضت اكتر شي
سعد:مو بس هيك...غضبت عليي اذا برجع بفتح الموضوع مرة تانية
_غصيت بدموعي و حبستهن غصبن عني وتصنعت الابتسامة_
ميس:طيب....انا رح امشي هلأ
سعد:لوين!!
ميس:خلص سعد كل شي صار واضح...انا و انت صعب نكون لبعض...انت مافيك تخالف اهلك و انا مابقبل اتزوج واحد غصبن عن اهلو
سعد:صدقيني انا عملت جهدي...بس انتي بتعرفي انا مافيني اغضب اهلي...هنه مالهن غيري
ميس:طبعا مارح تغضب اهلك كرمالي....انا بتمنالك السعادة...و بتمنى انو تلاقي البنت الي بتستاهلك اكتر مني
سعد:ماحدا بيستاهلني غيرك
ميس:انا مابناسبك...انا ارملة...بخاطرك
_حملت حالي و مشيت و دموعي على عرض خدودي....بكيت و بكيت السما معي بقيت اكتر من ساعتين عم لف بالشوارع حتى فرغت عيوني من الدموع و حسيت قلبي رح يوقف من البكا
هي انا و هاد حظي....من اول حياتي انظلمت و الظلم ماعاد شي جديد عليي...رحت عالبيت طفيت موبايلي ونمت...و بقيت يومين ماروح على شغلي...حاولت اتأقلم مع الوضع بدون سعد...مرق علينا شهر كامل بدون مانحكي مع بعض....تعذبت كتير بغيابو...وحسيت بعدو عني رح يموتني...كنت محتفظة بكل محادثاتنا و كل يوم قبل مانام كنت اقرأهن و ابكي من قلبي
مالحقت افرح فيه...مالحقت اتهنى بحبي الو...اخدتو الدنيا مني....بعد شهر و انا عم اتأمل صور سعد...مالقيتو غير اتصل فيني_
سعد:مرحبا
ميس:اهلين...دكتور سعد
سعد:شو حطيتي حواجز بيناتنا!!
ميس:هيك احسن دكتور
سعد:ماشتقتيلي
ميس:اذا بتريد اذا عندك شي ضروري قولو و اذا لا خليني سكر
سعد:لهدرجة كرهتيني!!
ميس(تبكي)لك انا ماكرهتك!!...انا كرهت حالي...كرهت حظي...كرهت حياتي...كرهت عمري...كرهت كل شي الا انت...مافيني اكرهك...بس بترجاك...بترجاااااك...اذا مارح كون الك سمحلي كون لغيرك...لاتخليني معلقة بحبال الهوا و ناطرة شي معجزة تزوجنا لبعض...بترجاك اذا مارح تقدر توقف بوجه اهلك و تقلن هي حبيبتي
وبدي اتزوجها....بترجاك تبعد عني سعد...ابعد عني خليني ارجع ابني الي تدمر جواتي
سعد:انا مافيني وقف بوجه اهلي....بيتبرو مني...بيغضبو عليي...هدول اهلي
ميس:لكن ابعد عني ....خليني فكر بحالي...بحياتي مارح كون الك....لهيك تركني بحالي
سعد:بس انا بحبك
ميس:الحب لحالو مابيكفي.....ههه....الحب لا يصنع المعجزات ياسعد.....انا و انت ضحية المجتمع...ومتلنا كتير...ضحايا الناس و حكي الناس و حكم الناس
سعد:لك يلعن ابو الناس الي رح تفرقني عنك
ميس:ههه...مارح نقدر نهرب من هالشي...لهيك خلينا نبعد احسن...والله احسن
سعد:انا اسف لاني خذلتك...اسف لاني استسلمت ومادافعت عنك و عن حبنا
ميس:ماتعتذر...هالشي مو غلطك....بدك شي سعد انا لازم سكر
سعد:معلش اذا اتصلت فيكي كل فترة لاتطمن عنك؟كصديق مو اكتر
ميس:صديق!....طيب..مافي مشكلة...سلام
سعد:بح....
📚قصص||روايات||منوعة📚
rwayate
الكتب والمواضيع والآراء فيها لا تعبر عن رأي الموقع
تنبيه: جميع المحتويات والكتب في هذا الموقع جمعت من القنوات والمجموعات بواسطة بوتات في تطبيق تلغرام (برنامج Telegram) تلقائيا، فإذا شاهدت مادة مخالفة للعرف أو لقوانين النشر وحقوق المؤلفين فالرجاء إرسال المادة عبر هذا الإيميل حتى يحذف فورا:
alkhazanah.com@gmail.com
Disclaimer
All contents and books on this website are collected from Telegram channels and groups by bots automatically. if you detect a post that is culturally inappropriate or violates publishing law or copyright, please send the permanent link of the post to the email below so the message will be deleted immediately:
alkhazanah.com@gmail.com