📚قصص||روايات||منوعة📚

#الشرفة_ومابعدها الجزء 4

اخدتني ماما من عمارة الشب ومن الشقة اللي دخلت فيها تحديداً على بيتنا.. وأنا ماعدت عارفه شو لازم احكيلها لأني عارفة انها مش رح تصدقني بس هددتني لو قررت اطلع من البيت رح تحكي لبابا عن كل شي.. ورح تقله اني بعرف شب.. أنا حلفتلتها وقلتلها اني مابعرف شب ولا شي.. بس ماقدرت أفهمها اني عم بشوف أموات.. أنا تأكدت أني عم بشوف أموات من وقت ماطلبت مني المره اني ادخل ايدي براسها.. دخلت ايدي براسها وطلعت من جهة تانية.. هاد الشي أكدلي أني داخلة لغز كبير.. وأنا بالذات.. ليه هيك مابعرف.. بالوقت اللي كنت فيه مع ماما بالبيت.. حسيت بصوت البنت اللي شفتها آخر مرة تحت البيت عم تبكي.. وكان صوت بكاها قريب من البيت كتير.. كنت عم بكنس الغرفه ووقفت وسرحت وصرت أدور على الصوت بكل مكان.. ماما كانت بهاللحظة عم تتطلع عليه من بعيد بس مش مخليتني اشوفها.. وفجأة حكتلي عشو بتدوري.. قلتلها ولا شي.. وسألتها انتي مش سامعه صوت قريب؟ حكتلي صوت شو؟ قلتلها صوت بنت عم تبكي أو شي متل هيك.. قالت بنت صغيرة؟ حكيت لأ بنت كبيرة بعمري هيك مش سامعه شي متل هيك؟ حكتلي لأ مافي صوت.. بس الصوت كان قريب كتير وأنا كنت سامعه.. طلعت على البرنده وصرت ادور على الصوت.. وماكنت اشوفها.. الشي اللي رماه الشب ضل معها وانا كان بدي أخده بس لولا ماما ما لحقتني كان شفتها واخدته بس هيه حكتلي أنا رح أطلع بحياتك مرة تانية ومانسيت هالجمله.. ماما صارت تلاحظ التصرفات الغريبة اللي بتصرفها وبلشت تقلق وتخاف عليه .. وانا بلشت اخفف من تصرفاتي حتى اكسبها وحتى أشوف شو بده يصير.. تصرفت عادي.. وباللحظة هاي كنت عارفه ومتأكده انه ماما مارح تسكت على الشي اللي صار.. ورح تحكي لبابا.. برغم ظلمه وقسوته وبخله علينا.. الا انها على طول صافه معه ضدي.. وبتحكيله كل شي.. بداعي الخوف وانه هوه بقسوته هاي وشدته بكون خايف علينا.. اول ما اجو خواني من المدرسه.. اخدت اخي سفيان على غرفتي.. وحكيتله بدي اقلك شي بس ماتحكي لماما.. اعطيته مصاري اله .. واعطيته مفتاح البي

#أيام_الفزع_4 #أيام_الفزع
الحلقة الرابعة
@rwayate
طلعنا برا البيت وحاولنا ندوّر على الجثة بس ماكنا نلاقيها.. البيت كان بوحي بالخوف والرهبة وأنه في شي عم بصير مش طبيعي.. حكيت لأمك خلينا نطلع من البيت بسرعة قبل ليصير شي.. فتحنا الباب التاني اللي فوق وقررنا نطلع ونترك كل شي متل ما هوه بس في شي منعنا.. الصوت اللي سمعناه جوا البيت كان بقلنا ارجعوا.. رجعنا فتحنا الباب ودخلنا.. كان في صوت بنت صغيرة عم تبكي.. وعم تقول طلعوني.. حكيتلها في صوت بنت.. دورنا بكل الطابق اللي فوق بس مالقينا شي.. حكتلي الصوت جاي من تحت لازم ننزل نشوف.. قلتلها البيت أكيد مسكون يا هاله واذا فعلاً حننزل ممكن يصيرلنا شي.. يمكن هاد الصوت رجعنا لنرجع ننزل مرة تانية.. أنا حاسس انه مافي خير من نزلتنا مرة تانية خلينا نطلع من البيت.. قالتلي مارح أطلع من هون.. انا سامعه في صوت بنت عم تنادي.. بجوز دخلت من الباب اللي تحت وبعدين علقت بالغرفة.. خلينا ننزل نجيبها.. حكيتلها هاله بس أنا لما حاولت ادخل البيت من ورا الطابق السفلي.. كان الباب مسكّر.. وطلعت على السطح لأدخل من الشباك لانزل لتحت.. حكتلي شو يعني ؟! قلتلها اللي عم بنادي تحت مش بنت ! هيه بلشت تخاف.. بس الصوت كان عم بحرك مشاعرها أكتر وبخليها تقلي بدي أنزل وأنا ماكان بأيدي اني أمنعها ماتنزل لأنه اخفاء الجثة خلاني أشك انه في طرف تالت هون بالبيت سحبها واخفاها.. أو الجثة فعلاً فيها شي مش طبيعي !.. تركت ايدي وبلشت تنزل عن الدرج وهيه نازلة وقعت لآخر الدرج.. وصارت تصرخ.. تفركشت رجلها وصار ينزل منها دم.. وفجأة لقينا على الحيط اللي جنب الغرفة بصمات إيد لولد صغير مطبوعة بالدم..مع صوت ضحكة خفيفه.. حكيتلها حاسس انه في شي رح يصير.. خلينا نطلع من هون.. الضربة اللي وقعتها عن الدرج خلتها ماتقدر تقوم أبداً.. وبصعوبة لتمشي.. وكل ماكنت اخليها تقوم تشد على بطنها وتتألم مع أنه الضربة برجلها.. وتحكيلي في ألم ببطني بقتلني.. حاول أكسر الباب اللي تحت.. بس ماقدرت.. وللحظة حسينا أنه أيد الباب بالغرفة الصغيرة بلش ينزل لتحت وكأنه في حد عم بحاول يفتحه.. أنا خايف وأمك عم تبكي وبترتعش.. وبلش يطلع صوت البنت مرة تانية بالبيت وهالمرة من فوق.. حكتلها طلعني من هون.. بس أنا كل ماكنت أحاول أمسك إيدها وأمشيها تتوجع وماتقدر.. قلتلها بتنطريني أروح أجيب أسعاف واجي.. حكتلي مارح بقدر أضل هون لحالي.. مستحيل!! وقعت بحيرة وماعرفت شو بدي أعمل وبس خلصنا الحكي باب الغرفة فتح.. كانت جثة زوجها بين الجثث مرمية أنا نجنيت من المنظر اللي شفته.. نحنا رميناها فوق.. شو اللي خلاها تنزل لتحت ! وبنص الغرفة ويتسكّر عليها !!.. أمك صارت تصرخ وبزيادة تبكي.. وتحاول تزحف برجلها لفوق الدرج بس الألم عم بوقفها.. عيونه كانت فاتحه بشكل مخيف وعم بتطلع علينا وكأنه عايش وشايفنا.. وصوت البنت فوق مرة عم تبكي ومرة عم تضحك.. شو فينا نعمل! أنا فقدت أعصابي ودخلت على الغرفة وصرت أضرب بجثته برجلي.. وأمسك السكاكين والقطاعات اللي جوا عنده بالغرفه وأشرّح فيه بدون وعي ومن عصبيتي وجنوني بدي أخلص منه.. خليته عشرين شقفه.. مسكته وشديته لفوق الدرج.. وأمك لسه عم تتألم وتبكي.. طلعت وأخيراً ورميته لفوق.. وبعصوبة طلعت أمك وراه.. قدرنا نهرب لبرا.. وسيارتي برا.. طلعت أمك وحطيت الجثة من ورا.. كانت سيارتي قديمه ومفتوحه من ورا متل الشاحنه.. وأنا مغطي الجثة.. والقرية مافيها ناس كتير.. رحنا للبحر ورميت الجثة فيها.. وبعد هالشي رحت على المستشفى.. واللي اكتشفناه أنه أمك كانت حامل فيكي بهالوقت.. بس الدكتور قال انه في خطورة عليها ولازم تنزل الجنين.. هيه رفضت وقالت مستحيل ولو بدي اموت مارح أنزله.. مرت الأيام وبعدنا عن القرية.. تزوجت أنا وأمك وانتي اجيتي على الدنيا.. عشنا أيام رعب صعبة وكلها خوف وفزع ماكنا ندوق طعم الراحة.. والخيالات والهواجس تلاحقنا.. ومن هداك اليوم لليوم ونحنا عايشين بالمدينة واللي خلصنا من كل شي كنا نشوفه أنا وأمك هيه مرة أسمها أم الرمادي.. هاي خلصتنا من كل سيء كنا نشوفه.. انتي مو بنتي يا مايا.. انتي بنته لهاد الزلمه السيء.. خلص كلامه وأنا وصاحباتي بنتطلع بصدمة كبيرة من اللي سمعته.. ليش خبى عليه .. ليش ماقال من الأول انه انا مو بنته ! كان ممكن يقلي هالشي وانا صغيرة ويريحيني بس ليش لحتى يقول هلأ.. كنت حاسه انه في حلقة ناقصة.. واللي شفته بالحلم كان عم بتفسر من كلامه.. بس شو القصد من كلامه ومن اللي شفته أني رح أموت.. واني شفت صاحباتي بنفس الحلم.. وصوت الزلمه وبابا اللي بالقبر.. في شي مش مفهوم.. انا محوره وصاحباتي الهم علاقة فيه ! انا متأكده ولو كان هالشي مجرد حلم بس .. كان ماقدرت أشوف الدينار اللي قلي عليه الزلمه بالحلم وببتنا !! قلت لبابا عأحلامي.. حكيتله بدي أرتاح أنا مو مرتاحه.. وجبت صاحباتي لأعرف انت شو عامل وشو علاقتك بالحلم ! حكالي هاد كل شي قلتلك ياه أنا مابعرف أكتر من هيك..

#الظلام_في_الخارج_قصص
#الظلام_في_الخارج_3 #الظلام_في_الخارج
@rwayate
الحلقة الثالثة
ضليت لحالي بغرفة الإدارة وما معي غير الخوف والرعبة من اللي صار.. ماكنت فاهمة ليه هيك صار وكل شي متل الحلم.. قمت وصرت أطبل على الباب حتى يطلعوني لأنه مارضيت بالظلم ومابحب أنظلم من حدا أبداً ..ضليتني أخبّط وأطبل عالباب سمعتني الخدامة وداد وصارت تحكي معي من ورا الباب .. بحكيلها وداد افتحيلي لو سمحتي.. حكتلي مابقدر المديرة واشراق نبهوا عليه ما ادخل حتى لو بدي انضف.. صرت ابكي بحقرقة حسيتها تعاطفت معي وكان كلامها معي كأنها حاسه اني مظلومه وصاير شي مش طبيعي.. وتحكيلي اهدي يابنتي رح تنحل الأمور ماتزعلي حالك ان شاء الله كل واحد بوخد جزاته.. حكيتلها وداد شو قصدك بهالحكي؟ مش فاهمة انتي عارفة شي عن اللي صار خبريني.. بلشت تخربط بالحكي وفجأة سمعت صوت إشراق بتبهدل فيها وبتصرخ عشان حكت معي من ورا الباب وطردتها ونزلتها لطابق المطبخ وفتحت عليه .. حكيتلها بدي اطلع انا مرهقه لو بدكم تحاسبوني على شي جيبوا ادله للي صار .. الملابس مش كافية ومش ضروري تكون لإلي لأنك عارفة منيح انه كلنا هون بنلبس متل بعض.. صارت تسب عيه وتحكيلي الك عين تحكي يا واطية تعالي معي.. اخدتني لغرفتها وخلتني أمسحلها البلاط وانضفلها غصب عني وحرضت كل المعلمات عليه وشوهت سمعتي بين كل المعلمات ..في منهم صدقوا وفي منهم حكوا كارولين مستحيل تعمل هيك ومابنصدق.. رنت على امي وخوفتها بطريقتها وحكتلها لازم تيجي تشوفي عملة بنتك.. معك أربعة وعشرين ساعه بتكوني هون ولا رح نخلص عليها.. ماما حكت معي وحكتلي ما اخاف وكل شي رح ينحل ورح تنتقم منهم في حال عملو معي شي.. نزلتني على غرفة الطالبات وماخلتني احضر ولا درس.. نمت على تختي ببكي وفجأة دخلو على الغرفة نيروز وهويده كانو مضروبات ومكسرات وتعاليم الضرب واضحه على وجههم.. حكيتلهم فهموني شو حكيتو عني؟ انا هيك عملت ؟ هيك بتحكو عني؟ صارت تحكي نيروز حبيبتي احنا ماحكينا شي احنا بنحبك ومستحيل نصدق انه انتي عملتي هيك فينا.. حكيتلهم بس اشراق حكتلي انكم اعترفوا اني عملت فيكم هالشي.. وفجأة دخلت اشراق حاملة عصايتها وصارت تبهدل فيه وقعدت نيروز وهويده وفجأة بس شافوهم تغيرو معي وصارت تحكي هويده ليش لأ ممكن تكوني عملتي هيك فينا عشان موضوع العلامات اذا مش عشان نجدت .. انا نصدمت وصرت احكي مستحيل تكونو صاحباتي انتو بتحكو هيك.. احنا متل الاخوات كيف فيكم تتهموني بعدين انا نزلت وراكم ونيروز هيه اللي نزلت أول شي ووراها هويده يعني مش انا اللي نزلت أول وحدة والبنات كلهم شاهدات هون عليه.. وصرت احكيلهم احكي انتي وياها احكوا !! .. مش أنا حكيتلكم ماتنزلو وراي عشان المشاكل وعشان ماتدرى مس اشراق.. ليه ساكتين.. فجأة البنات انكروا اللي صار ومعظمهم حكوا انه انا نزلت اول وحدة .. ومنهم بنت اسمها نيفين صارت تكذب فيه وتحكي عليه حكي ماصار وتقول هيه اللي نزلت بالليل وفتحت الباب وبعدين البنات فقدوها ونزلو وراها .. ماصدقت اللي صار وضليتني استنى ماما لأجت .. وصلت ماما وفهمتني انه بابا مسافر عشان شغل وهيه رح تحل الموضوع .. ماما مابتسكت عالظلم وبرغم انها روسية بس بتحكي عربي احسن من الكل.. دخلت عالمديرة واشراق وراها.. انا كنت احكيلها كتير عن اشراق ولما بلشت اشراق تحكي معها حكتلها ماما معلش مابدي اسمع منك .. أنا بدي افهم من المديرة ورئيسة المكان هون.. المديرة غفران فهمتها كل شي وحكتلها شو اللي صار وانه انا الوحيدة اللي ما تأذيت وانهم مسكوني بغرفة الأكل وكان نجدت عالباب واجا نجدت اعترف انه نزلت عنده وصار اللي صار.. ماما ماصدقت ووقفت معي وحكت بنتي مستحيل تعمل هيك شي انا بعرف شو بنتي.. ومس اشراق تحكي شو بعرفك ما انتي راميه بنتك عنا من وكانت صغيرة هلأ جاي تحكي انك بتعرفيها.. هددتها ماما ترفع قضية عليهم لأنه مافي أدلة كافية وانها شوهت سمعتي وفي حال طلعت من المدرسة رح تثبت الفضيحه عليه لهيك حكتلي لازم تضلي بالمدرسة وخوفت المديرة ومس اشراق لأنهم حسو اكتر انه ماما واصله وخصوصاً لما عرفوا بعلاقات بابا تغيرو كتير معي وخافو تخرب المدرسة وقرروا يخلوني ونبهتني ماما في حال صار اشي احكي معها فوراً.. ورح تيجي تزورني بعد يومين هيه وبابا لحتى يشوفو شو صار تغييرات.. بعد التهديدات اللي حكتها ماما وتراجعهم كان نفسي اعرف ليه هيك صار .. فقررت اغير معاملتي مع الكل واقلب من طيبة لأنسانة حقيرة تماماً حتى اكشف كل واحد على حقيقته لأنه ما نفع معهم ولا مع نفسي أكون منيحه.. قلبت على الوجه التاني وصرت شريرة حتى مع نيروز وهويده ويادوب أحكي معهم وأي حدا بجرب يحكي معي كنت اصده بوجهه وأبهدله.. والغريب أنه كان المفروض أول واحد يطلع برا المدرسة هوه نجدت بس ماطلعوه وهاد خلاني أشك أكتر أنه في شي مخبى.. صرت اعمل حالي نايمة حتى اشوف البنات شو بعملوا .. بأول ليلة ماكنت شايفة شي.. وتاني يوم الصبح نزلت على الصف وحضرنا أول محاضرة وكانت مع المس أشراق ..

#الظلام_في_الخارج_قصص
@rwayate
الحلقة الخامسة
خوفت الخدامة وداد وحطيت بقلبها رعبة أني بلعب مع الشياطين وبس لحتى تعترف.. لأنه كلمتها ضلت براسي وكان بدي اعرف شو بتقصد.. حكتلي انا خايفة اشراق تشوفني معك وتعرف اني انا حكيتلك .. حكيتلها ماتخافي من اشي ومارح احكيلها شي بس احكيلي أنا بدي اعرف ليه عملت هيك معي وليه انا بالذات.. حكتلي خلص حبيبتي رح احكيلك بس مش هون بالساحه .. رحنا لمكان بعيد كان ضايل عالفسحه خمس دقايق وبتخلص وبتبلش حصة مس أشراق الرياضيات.. كان بدي اعرف بالخمس دقايق شو عم بصير واهرب من الشرطة اللي لاحقيتني بكل مكان.. اخدت الخدامة وداد لآخر مكان برا بالمدرسة واجا الشرطي حكالي لوين رايحه؟ حكيتله مش هاربه بدي احكي أنا وهاي المره.. خليك هون لتتطمن اني مش هاربه.. حكيتلها احكي بسرعه .. بلشت تحكي.. حكتلي الطباخ نجدت سمع في أصوات غريبة عم تطلع بالليل من الطابق اللي هوه فيه .. استغرب من الموضوع وحس انه في شي عم بصير كل يوم بالليل .. شغلات عم تتحرك وكراسي غرفة الأكل بالأخص.. وبحس انه غرفته بطلع منها اصوات وخيالات وهوه نايم.. راح حكا لمس اشراق وفكرته بتخيل وكذبته من خوفها على سمعة المدرسة.. بس قررت تنزل تتأكد بنفسها مع المديرة بيوم غير محدد.. واجتمعت مع نجدت قبل ماتنزل ومع المديرة بغرفة الإدارة حتى يعرفوا شو القصة.. بهاللحظة في بنت سمعت كل الكلام وراحت نقلته للبنات بغرفتهم.. وانتشر الموضوع بينهم.. إشراق نزلت فجأة مع المديرة على طابق المطبخ بالليل.. وشافت نفين طالعه من غرفة نجدت وخايفة.. مسكتها وحققت معها لإعترفت بكل شي.. وإشراق هددت نجدت وحكتله رح تفضحه هوه ونفين.. نجدت بطل عارف شو بده يعمل.. نفس هالليلة اللي كشفت فيها إشراق نجدت ونفين.. طلعت عليكم فجأة وشافتكم مولعين شمعه ومتجمعات حولين بعض ومش نايمات.. حست انكم بتحكوا عن نفس الموضوع وبهدلتكم .. وبعد مانزلت, انتوا نزلتوا للطابق لتشوفو شو اللي عم بصير.. انتي ونيروز وهويده.. وأكيد في شي غريب صار معكم بالطابق اللي تحت.. نيروز وهويده نضربو ونحبسو وانتي ماصار فيكي شي وارتميتي بغرفة الأكل.. سمعت إشراق صوت بالطابق ونزلت تشوف وانتي بهاللحظة كان مغمى عليكي وصاحباتك مضروبين.. أجت إشراق هددت نجدت بإنه يعترف انه هوه اللي كان معك وانك انت على علاقة معه وعشان مايكشفوكي صاحباتك ضربهم وفهمتهم إشراق رح تنقص علامات الهم وترسبهم بالفصل اذا ماحكوا انه نجدت ضربهم.. ولحتى مايخاف فهمته إنها رح تطلعه من القصة متل الشعرة من العجين ورح تنسى موضوعه ومارح تفصله ورح تخلي نفين بالمدرسة من شدة خوفها على سمعة المدرسة .. وأنا سمعتها بتحكيله فضيحه صغيرة أحسن من فضيحة كبيرة تخرب بيتي وبيتك وينقطع رزقنا كلنا وإذا عرفوا أهالي الطالبات مصيبة كبرى ورح يتزعزع الخوف إلهم.. يعني انتي كنتي كبش الفدا عشان ماتخرب سمعة المدرسة .. حكيتلها شكراً وبوستها عجبينها وحكيتلها انتي احسن واطيب وحدة هون شكراً عن جد.. حكتلي شو رح تعملي.. حكيتلها إحكي شو مارح اعمل؟ حكتلي ماتخوفيني .. فهمتها ماحدا رح يعرف شي.. بس بدي منها تسرقلي مفتاح باب الحديد المسكر .. حكتلي هاد صرله سبع سنين مقفول وماحدا بنزله والمفاتيح بجوز يكونوا بغرفة اشراق.. حكيتلها رح تساعديني.. حكتلي رح احاول بس لما انضف رح اشوف وينهم واحكيلك لتوخديهم بس أنا مارح اقدر اخدهم لأنه بخاف.. حكيتلها بكفيني اعرف وينهم وبس.. هربت بسرعه للحصة وكانت مبلشة.. مسكتني اشراق حكتلي وين كنتي قلتلها كان عندي تحقيق.. سبت عليه وكملت الحصة.. كان بدي اقوم امسح فيها بلاط الصف واضرب راسها بكل حيطانه واخلي كل الطالبات يدعسوا على وجهها بكنادرهم الوسخه.. حقدت عليها لحد ماوصل حقدي أني أفكر بموتها .. وسخت سمعتي بكل مكان وفهمت الكل اني وحدة حقيرة وانه انا كنت مع نجدت وأنا حرقتهم هوه ونفين.. بس الكل شك بالمدرسة انه شو ممكن تكون بتعمل نفين بالغرفة معاه.. وهاد اللي كنت ناوية اشتغل عليه انه اثبت برائتي .. بعد ماخلصنا حصص وطلعنا على غرفنا.. سمعت هويده بتحكي .. نجدت ونفين طلعو من المستشفى وهيهم نزلوهم.. كان نجدت على كرسي متحرك ونفين ماسكة عكازة.. انبسطت بس شفتهم هيك واشتفيت فيهم كتير برغم اني مش أنا اللي عملت فيهم هيك.. اجا الشرطي ناداني من الغرفة ونزلت معاه.. كانو عم بوخدو أقوالهم .. والبحث الجنائي عم بعاين المكان ويشوف شو اللي صار بالغرفة.. نزلت لغرفة الإدارة ولقيت نجدت ملفوف بالشاش وطرف وجهه مشوه ونفين نفس الشي مشوهين واشكالهم بتخوف.. كنت عم بسب عليهم جواتي وكان بدي يتعذبوا اكتر من هيك.. اخدو اقوالهم وكذبو بكل حرف حكوه .. رجع حكا نجدت انه انا وياه كنا على علاقة مع بعض ونفين كانت معه بالغرفة فأنا عرفت انهم جوا ونزلت حرقتهم .. وكانت اقوال نفين نفس الشي.. أقوالي أنا صارت معروفة.. بس الفرحة الغير متوقعه لما دخل الشرطي التاني وحكا انهم توصلوا للشي اللي صار بالغرفة..

رحنا ورا المدرسة وضلت الشرطة عم تراقبني.. حكيتلهم أنا واقعه بقضية وانتوا كنتو متل اخواتي .. وماكنت متوقعه يصير فيوم هالشي ..بدي اعرف منكم شو اللي صار.. صارت نيروز تخربط بالكلام.. وهويدة مابدها تحكي بس انا حسيت وصرت ابكي واشفقهم عليه لحد ما حكت نيروز كل اشي.. حكت انه اشراق هيه اللي خلتهم يحكوا انه همه نضربوا من نجدت بسببي.. حكيتلهم ليش طيب؟ وانتوا كيف بتقبلوا.. حكوا هددتنا انه ترسبنا وتخلينا نعيد الفصل كامل.. نصدمت كيف انهم باعوني بلحظة وتخلوا عني عشان دراستهم برغم انهم عارفين منيح انه انا بريئة.. حكيتلهم ونجدت ليه ليعترف بشي ماعمله معي؟ حكولي مابنعرف وهاد بس اللي بنعرفه.. قطعت علاقتي فيهم بعد اللي سمعته وكان بدي اعرف نجدت ليه عمل هيك بس يجي عالمدرسة من المستشفى.. شفت الخدامة وداد بعد ماخلصت الفسحه عم تبكي.. حكيتلها ليه عم تبكي حكتلي مافي شي.. ضليتني وراها وصارت تصرخ بوجهي وتحكيلي روحي خلص هلأ اذا شافتنا اشراق رح تفصلني.. ضلت كلمتها اللي حكتها المرة الماضية براسي انه كل واحد رح يوخد جزاته وتوقعت انها بتعرف شي.. حكيتلها ارجوكي احكيلي شو اللي بتعرفيه صارت تتهرب مني.. بالآخر ضليتني لاحقيتها وخوفتها .. حكيتلها أنا مصاحبة جن وشياطين هون بالمدرسة ومآمنه فيهم وبحكي معهم كل يوم.. وممكن اخليهم يستلبسوكي ويخربوا عيشتك اذا ماحكيتي.. خافت ونصدمت من كلامي وحكتلي خلص رح احكيلك كل شي.. وبالوقت اللي كانت بدها تحكيلي شو اللي صار كنت بدي استغلها كمان لأخليها تسرقلي مفتاح الباب الحديد المسكر اللي بودي لآخر طابق بالمدرسة حتى أنزل واكشف شو اللي نكتب بالورقة اللي لقيتها.
يتبع..
Mahmoud Salloum
#الظلام_في_الخارج_قصص
#الظلام_في_الخارج_5 #الظلام_في_الخارج
الحلقة الخامسة
خوفت الخدامة وداد وحطيت بقلبها رعبة أني بلعب مع الشياطين وبس لحتى تعترف.. لأنه كلمتها ضلت براسي وكان بدي اعرف شو بتقصد.. حكتلي انا خايفة اشراق تشوفني معك وتعرف اني انا حكيتلك .. حكيتلها ماتخافي من اشي ومارح احكيلها شي بس احكيلي أنا بدي اعرف ليه عملت هيك معي وليه انا بالذات.. حكتلي خلص حبيبتي رح احكيلك بس مش هون بالساحه .. رحنا لمكان بعيد كان ضايل عالفسحه خمس دقايق وبتخلص وبتبلش حصة مس أشراق الرياضيات.. كان بدي اعرف بالخمس دقايق شو عم بصير واهرب من الشرطة اللي لاحقيتني بكل مكان.. اخدت الخدامة وداد لآخر مكان برا بالمدرسة واجا الشرطي حكالي لوين رايحه؟ حكيتله مش هاربه بدي احكي أنا وهاي المره.. خليك هون لتتطمن اني مش هاربه.. حكيتلها احكي بسرعه .. بلشت تحكي.. حكتلي الطباخ نجدت سمع في أصوات غريبة عم تطلع بالليل من الطابق اللي هوه فيه .. استغرب من الموضوع وحس انه في شي عم بصير كل يوم بالليل .. شغلات عم تتحرك وكراسي غرفة الأكل بالأخص.. وبحس انه غرفته بطلع منها اصوات وخيالات وهوه نايم.. راح حكا لمس اشراق وفكرته بتخيل وكذبته من خوفها على سمعة المدرسة.. بس قررت تنزل تتأكد بنفسها مع المديرة بيوم غير محدد.. واجتمعت مع نجدت قبل ماتنزل ومع المديرة بغرفة الإدارة حتى يعرفوا شو القصة.. بهاللحظة في بنت سمعت كل الكلام وراحت نقلته للبنات بغرفتهم.. وانتشر الموضوع بينهم.. إشراق نزلت فجأة مع المديرة على طابق المطبخ بالليل.. وشافت نفين طالعه من غرفة نجدت وخايفة.. مسكتها وحققت معها لإعترفت بكل شي.. وإشراق هددت نجدت وحكتله رح تفضحه هوه ونفين.. نجدت بطل عارف شو بده يعمل.. نفس هالليلة اللي كشفت فيها إشراق نجدت ونفين.. طلعت عليكم فجأة وشافتكم مولعين شمعه ومتجمعات حولين بعض ومش نايمات.. حست انكم بتحكوا عن نفس الموضوع وبهدلتكم .. وبعد مانزلت, انتوا نزلتوا للطابق لتشوفو شو اللي عم بصير.. انتي ونيروز وهويده.. وأكيد في شي غريب صار معكم بالطابق اللي تحت.. نيروز وهويده نضربو ونحبسو وانتي ماصار فيكي شي وارتميتي بغرفة الأكل.. سمعت إشراق صوت بالطابق ونزلت تشوف وانتي بهاللحظة كان مغمى عليكي وصاحباتك مضروبين.. أجت إشراق هددت نجدت بإنه يعترف انه هوه اللي كان معك وانك انت على علاقة معه وعشان مايكشفوكي صاحباتك ضربهم وفهمتهم إشراق رح تنقص علامات الهم وترسبهم بالفصل اذا ماحكوا انه نجدت ضربهم.. ولحتى مايخاف فهمته إنها رح تطلعه من القصة متل الشعرة من العجين ورح تنسى موضوعه ومارح تفصله ورح تخلي نفين بالمدرسة من شدة خوفها على سمعة المدرسة .. وأنا سمعتها بتحكيله فضيحه صغيرة أحسن من فضيحة كبيرة تخرب بيتي وبيتك وينقطع رزقنا كلنا وإذا عرفوا أهالي الطالبات مصيبة كبرى ورح يتزعزع الخوف إلهم.. يعني انتي كنتي كبش الفدا عشان ماتخرب سمعة المدرسة .. حكيتلها شكراً وبوستها عجبينها وحكيتلها انتي احسن واطيب وحدة هون شكراً عن جد.. حكتلي شو رح تعملي.. حكيتلها إحكي شو مارح اعمل؟ حكتلي ماتخوفيني .. فهمتها ماحدا رح يعرف شي.. بس بدي منها تسرقلي مفتاح باب الحديد المسكر .. حكتلي هاد صرله سبع سنين مقفول وماحدا بنزله والمفاتيح بجوز يكونوا بغرفة اشراق..

#الظلام_في_الخارج_قصص
@rwayate
الحلقة السادسة
دخلت عغرفة إشراق بالفسحه وخلعت درجها برجلي لحد ماطلعت المفاتيح كلهم منه.. حاولت اهرب فوراً بس مالحقت لأنهم طلعوا بوجهي كلهم وشافوني.. ضليتني واقفة وخايفة وانا حاملة المفاتيح ومش عارفة وين اروح ودرج المكتب من وراي مخلوع .. كلهم صفنو فيه وبلشت إشراق تبهدل وكسبتها فرصه منيحه لتنتقم مني.. صارت تحكيلي شو بتعملي هون ياحقيرة وشو هاد اللي بإيدك.. حكيتلها مفاتيح .. قالت وبتجاوبي بكل ثقة يا سراقة يا حرامية .. إطلبو الشرطة بسرعه!.. حكتلها المديرة طولي بالك البنت لسه طالعه من قضية.. قالت مارح اتراجع عن شي وبدي اشتكي عليها هالملاك الطاهر اللي الكل مفكرنا ظلمناها شوفي اتطلعي خالعه الدرج وبدها تهرب بس الله كبير لحقتها قبل ما تهرب هالحقيرة.. حكيلتها احترمي حالك.. أنا اخدت مفاتيح الطابق المسكر اللي تحت عشان اكتشف شو فيه وافضحكم وافضح المدرسة المسكونة اللي متسترين عليها من خوفكم من لا حدا يعرف.. واحنا متل الغنم عندكم بتضحوا فينا وقت مابدكم !.. المديرة شفقت عليه واشراق حكتلي تكرم عينك ياروحي بدك تنزلي عالطابق المسكر اللي مانفتح من سبع سنين.؟ تعالي معي وغالي والطلب رخيص .. جرتني من ايدي وماقدرت اقاومها كنت أنا رفيعه كتير وهيه جهمة واديها متل لواح الخشب .. المديرة ماقدرت توقفها مابعرف شو حكتلها او شو عملتلها بس بجحرة منها سكتت المديرة فوراً.. والمعلمات التانين دافعو عني لأنهم عارفين اني شاطرة وبحالي من زمان بس ماقدرت اعمل شي .. نزلتني لتحت وضلت تجر فيه لحد ماوصلنا طابق المطبخ.. شافوني كل الطالبات ونيروز وهويده وشفتهم مستغربين وبدهم يعرفو إشراق لوين موديتني ؟ بس صارت متل المجنونة تصرخ وتبهدل بالكل ووجها احمر .. ومنعت حدا ينزل عالطابق وسكرت بوابه .. حاولت تفتح باب الطابق الأخير المسكر من سبع سنين عشان تحبسني فيه.. توقعت ردة هالفعل منها لأنه لو جابتلي الشرطة رح اكشفها واطلع حالي من القصة واكشف كل شي مخبينه علينا بالمدرسة .. ماكنت خايفة لأنه الفرصة اجتني على طبق من ذهب وهيه انه تنزلني بإيدها لجوا المكان اللي بدي ياه.. المفتاح مارضي يفتح الباب .. صارت تصرخ وتحكي جيبولي العامل.. اجا ابو هلال العامل وصار يحاول يفتحه وبعد محاولتين تلات فتح الباب.. كانت ريحة اول الدرج مقرفة ووسخه.. رمتني عأول الدرج وحكتلي يلا انبسطي .. وسكروا عليه الباب.. وطلعوا كلهم وأولهم المديرة.. حسيت انه تسكر عليه طابق المطبخ كمان كامل.. مارضيت اهددها فبابا او ماما قبل ما اكشف شو في تحت وليش كان هيك مكتوب بالورقة.. صرت اتطلع لتحت الدرج انزل ولا اضل.. ضليتني حايرة ساعه بين كلمة أنزل ولا أضل.. بطبعي بخاف من العتمة وكل شي فيه ظلام بخليني اتشائم ..حاولت اتناسى الوضع اللي أنا فيه وما أكمل الدرج .. مضى خمس ساعات وانا قاعدة عالدرج ومحتارة .. خفت بالآخر يرجعوا يفتحوا عليه الباب وما اكون شفت شي.. وبلشت أنزل درجة درجة .. الليل اجا وقررت انزل خلص.. نزلت لآخر درجة وشفت ممر متل اللي فوق بالزبط ومتل نفس ممرات الطوابق التانية بس كله عتمة وكان مبين بس أوله أما آخره مش ظاهر لعيني.. كيف بدي اشوف كل شي؟ هاد السؤال اللي كنت أسأله لحالي.. سمعت صوت الباب فوق بخرخش خفت كتير وقلت الأصوات نفسها ! .. الصوت من نفس الباب مش من المكان اللي انا فيه .. طلعت من جديد لفوق .. لقيت نيروز وهويده عالباب بحكولي احنا اجينا.. حكيتلهم شو بتعملوا هون ؟ قالولي اذا بدك بنحاول نطلعك حكيتلهم مابدي منكم شي بكفي انكم تخليتوا عني عشان علامات.. حكولي رح نصحح غلطتنا معك وهينا ضحينا بحالنا ونزلنا عشانك ..حكيتلهم أنا مابدي اطلع من هون هلأ.. بس لو بدكم تساعدوني عن جد جيبولي مصباح أو ضو عشان بدي انزل اشوف شو في تحت بوضوح .. وقلتلهم بعدين كيف نزلوا مش اشراق سكرت بواب الطابق كله .. حكولي ماسكرتهم بالمفاتيح بس منعت حدا ينزل عالطابق وهينا نزلنا.. نيروز حكت رح تطلع تجيبلي المصباح من غرفة البنات ومابتطول.. طلعت فوق وهويده ضلت تحكي معي ..أتناقشنا بموضوع كيف تخلوا عني صارت تحلف أنه ماكانت بتعرف انه اشراق مفكرة تعمل هيك وتتهمني هالإتهام الوسخ.. وبعد دقايق نيروز جابت المصباح واعطتني ياه من ورا حدايد الباب .. لأنه كان باب حديد مكشوف واله قضبان متل قضبان السجن بالزبط.. اخدته وحكيتلهم خلص اطلعو لا تنكشفوا .. طلعو وتركوني واقفة نزلت لآخر الطابق وشغلت المصباح .. كنت عم بشوف كل شي بوضوح .. الممرات واضحه بالنسبة إلي .. وريحة الغبرا رح تقتلني كمان شوي .. بس حكيت لازم اشوف اخر طابق شو فيه.. اتطلعت بالغرف كان فيهم دروج مخلعه وكراسي وكراكيب قديمة.. وفجأة بلشت نفس الأصوات تطلع .. ومتل كإنه حدا وراي وعم بمشي معي.. ضليتني الف متل المجنونة لأشوف وماكنت بشوف حدا.. حكيت مين هون ؟ ركضت بإتجاه باب ووقتها خلص الممر ومالقيت شي.. شفت خيال أسود عالباب وكان متل خيال بني آدم بس شفاف وظاهر الشي اللي وراه ..

#الظلام_في_الخارج_7 #الظلام_في_الخارج
الحلقة السابعة
هربت من المنظر اللي شفته وماكنت قادرة أتحمل الصدمة.. سكرت كل المنافذ اللي ممكن تودي للباب اللي انا عنده حتى ما تطلعلي الحيه.. وضل معي كيس الدهب ..كنت بسأل نفسي أنا شو بدي أعمل بهاد الدهب؟ وكيف ماحدا قدر يكشف هالكيس اللي جوا الحفرة واذا اجت اشراق رح توخده مني .. شو لازم أعمل..؟ كنت لابسه جكيت خميل شوي.. وبلشت أحط الدهب جوا جيوبي برغم انه القطع كبيرة وشكلها قديمة وأصلية بس كنت عم بدحشهم بكل مكان بملابسي.. قررت أطلع من المكان حتى أعرف شو الشي اللي مخبى وكان عندي فضول كبير أكشف شو الشغلات المخبية بالمدرسة واللي مابعرف عنها حدا .. وقفت عند باب الحديد وضليتني أستنى إشراق يحن قلبها عليه وتنزل تطلعني أو المديرة مثلاً.. بس كنت بعرف أنه المديرة متل ريموت الكنترول بتتحكم فيه إشراق بإيدها وكيف مابدها.. يأست وحكيت خلص ماحدا رح يفتحلي.. نمت عالدرج وطلع الصبح كان صوت إزعاج الطالبات واصل لطابق المطبخ وماكان في ولا طالبة تحت ..استغربت كتير وحكيت كيف ماحدا نازل يفطر؟ وليش مافي طالبات برغم اني سامعتهم منيح! .. فجأة سمعت صوت كعب كندرة.. اشراق!.. كان معها العامل أبو هلال وحكتلي شو ان شاء الله انبسطتي؟ افتحلها الباب وطلعها .. فتح ابو هلال الباب وطلعني .. حكتلي تعالي معي فوق.. وحكت لأبو هلال اعمل متل ماحكيتلك ماشي؟ حكالها ماشي تمام.. كنت ماشية وراها ومش عارفة لوين ماخديتني.. طلعتني فوق وشفت منظر الطالبات قاعدين متل النمل عالأرض وفارشين مفارش وعم بفطرو عالأرض.. كنت جوعانه كتير وغمزت نيروز وهويده وعملتلهم حركة بتمي وإيدي اني ميته جوع يعني خبولي أكل او جيبولي بالسرقة.. وهمه فهمو عليه بسرعه .. دخلتني على غرفتها وسكرت الباب.. حكتلي اسمعي عليه بدي احكيلك كلمتين .. اول كلمة أنا رح انسى كل شي عملتيه ورح ارفعلك علاماتك للسما وغير هيك رح تكوني افضل بنت عندي بالصف وانجحك بكل المواد.. حكيتلها أنا ناجحه وطول عمرهم علاماتي عالية بدون مساعدة حدا.. حكتلي اسمعيني وماتحكي لأخلص.. بدي تنسي موضوع الأشباح والأصوات ومش عارفة شو كمان.. وبدي تركزي بدراستك .. هاد الموضوع احنا بنحله.. حكيت براسي مستحيل انسى شي قبل ما انتقم منك واعرف شو مخبية علينا كمان.. وحكتلي.. طلبت من أبو هلال يسكر طابق المطبخ نهائياً ومارح نفتحه ورح يصير متل الطابق الأرضي اللي تحت طابق المطبخ يعني بس للكراكيب والوسخ .. حكيتلها والطالبات وين بدهم يوكلوا ؟! .. حكتلي رح نعمل ورشة خلال يومين ونوسع الطابق التالت ومستعدة انا استغني عن نص غرفتي عشانكم وعشان يصير عندكم غرفة أكل ومطبخ متل اللي تحت.. حكيتلها ونجدت ؟ حكتلي ماله ؟ قلتلها رح يرجع ؟ قالت هوه تعود علينا ورح يرجع ومابدي تتحسسي من نفين البنت تشوه نص وجهها وبدها تكمل السنة اللي ضايلة عليها متلك.. اتركيها بحالها وانسي اللي صار.. حكيتلها تكرم عيونك .. حكتلي يلا عغرفتك.. وأنا طالعه وقعت من جيبتي عملة ذهبية من اللي طلعتهم من الطابق الأرضي.. سمعت صوتها اشراق وماقدرت اطلعها من الأرض.. حكتلي وقع منك شي؟ حكيتلها لأ مافي شي وزحتها برجلي ناحية سلة الزبالة.. وطلعت بسرعه .. لقيت نيروز وهويده عالباب ومعهم أكل.. اخدت الأكل وبلشت اكول كأني مش ماكلة من سنة.. ماكان بدي اجيبلهم سيرة الدهب .. بس رجعت وثقت فيهم وحكيتلهم تعوا معي بسرعه.. رحنا لمكان بعيد عن ازعاج الطالبات وفرجيتهم عملة من اللي معي وقلتهم شوفو شو لقيت؟ انصدمو وحكولي كيف هيك؟ قلتلهم في كتير شغلات مرعبة صارت تحت! .. تذكرت كلام الأرواح " لا تحكي لحدا شي عن اللي صار وانه رح نستوطن المدرسة كاملة خلال أيام " سكتت ..! شكو انه في شي قلتلهم انسو الموضوع تافه اصلاً مافي شي وانا ماحسيت بشي.. حكتلي نيروز وين رح تروحي بالدهبات ؟ حكيتلها رح الاقيلهم مكان بالمدرسة.. هويده حكت .. شكلك مابدك نساعدك تلاقي المكان أو خايفة عليهم.. حكيتلها لا والله انتو متل خواتي صح الشي اللي عملتوه كان غصب عنكم بس رح ندفنهم هلأ قبل ماتخلص الفسحه الصباحيه.. رحنا عالمزرعه اللي ورا المدرسة .. وحددنا شجرة كنا دايماً نقعد تحتها احنا التلات .. وحفرنا مكان ودفنناهم وحطيها حجر لنعين المكان بالزبط.. وحكولي ماتخافي ماحدا رح يعرف اوثقي فينا.. طلعت على الصف وحضرنا حصة العربي لمس انتصار .. كنت عم بفكر كيف الأرواح حتستوطن المكان وليه وثقوا فيه وعرفو اني طيبة .. كيف هيك ؟ ومين هدول؟ جن أو شو بالزبط .. ماكنت مركزة بالحصة أبداً وكل أفكاري عم تدور بهالمواضيع.. صار شي غريب بالصف .. بلشت أحس انه في حدا من الأرواح معنا بالصف أجاني شعور وأنا أفكر أنه حيصير شي هلأ.. وفجأة مس أنتصار توقفت عن الكتابة على اللوح ولفت وجهها علينا وصارت تصرخ.. حكيت شو ممكن يكون صار معها.. هيه بلشت تصرخ وكل الطالبات صارو يصرخو معها.. وصارت تستفرغ بسلة الزبالة.. وتشلخ براسها ..

#الظلام_في_الخارج_قصص
#الظلام_في_الخارج_8 #الظلام_في_الخارج
الحلقة الثامنة

الشرطة أجت عالمدرسة تحقق بموت مس إنتصار .. كنت عم بتفرج عليهم ينهارو شوي شوي بدون ما اقرب أو احكي شي.. اخدو أقوال البنت اللي شافتها والمديرة وإشراق.. إتضح بالنهاية انها رمت حالها من سطح المدرسة ومافي دليل على موتها .. بس الطب الشرعي قال هالشي.. جابولنا معلمة عربي جديدة وأهالي الطالبات صارو كل يوم يتصلوا مع وحدة منهم بسبب موت المعلمة والخوف تزعزع بقلب كل وحدة وبكل مكان بالمدرسة.. خصوصاً انه نجدت بين الحيا والموت وطلع من المدرسة نهائياً.. بهالليلة ماكان حدا قادر ينام من الشي اللي صار.. كل المدرسة هاديه والجو رجع عاصف وشتوي.. بس ماحدا جاييه نوم والكل عم بفكر وأنا أولهم.. وفجأة سمعنا صوت شي وقع وتكسر بصوت عالي بالطابق اللي احنا فيه !.. صرخ نص الطالبات من الخوف وقمنا من تخوتنا لنشوف شو صاير .. ماكان عند وحدة الجرأة لتفتح الباب واستنينا حدا يجي يفتح علينا بس كان بدنا نعرف شو اللي وقع ونكسر.. سمعنا صوت المديرة وإشراق والمعلمات بممرات الطابق وفتحنا الباب بس اطمنا انهم اجو.. اتطلعنا لقينا كل الأضوية متكسره والعتمة بكل مكان .. بطبيعتي بخاف من العتمة والظلمة بس تغلبت شوي على خوفي لما نزلت للطابق الأرضي ..كل الطالبات كانو خايفين ومنهم اغمى عليهم وزاد الإرتباك بهاللحظة وما كان حدا عارف شو بصير.. بلشت اشراق تصرخ اخرسوا انتي وياها وترتوني.. والمديرة تطمن فينا وتحكيلنا ماتخافوا الكهارب طبيعي تخرب وتتكسر بسبب الأجواء العاصفة .. كان الجو بارد وهوا ومافي ولا كهربا مشغلة بالمدرسة .. كل شي تدمر بلحظة .. حسيت وقتها انه حيصير شي كانت ليلة مرعبة جداً.. جابت المعلمة شمع وصار الكل يمسك الشمع ويولعه ووقفنا كلنا بمكان واحد حتى مانخاف.. بواب الممرات صارت تفتح لحالها وتسكر لحالها .. زاد الخوف بقلوب الطالبات .. كنت بقرأ ادعية وبقول يارب مايصير شي.. وفجأة لقيت حالي بقول بعقلي.. يارب يكون تنبيه إنه رح تتأذى إشراق بعد شوي .. اللي صار ماكان حدا متخيله .. الأصوات المرعبة اللي كنا نسمعها تحت صارت تطلع بنفس المكان اللي احنا فيه.. ناس بتحكي وصوت بنت صغيرة بتبكي عمرها بحدود 8 سنوات أو أكتر بشوي.. صوتها واطي بس مسموع للكل والطالبات فقدوا اعصابهم.. أنا ماكنت عم بحكي شي وساكته خفت احكي شي يعرفوا اني بعرف .. إلتزمت الصدمة واكتفيت بالمشاهدة.. إشراق توترت والمديرة صارت تحكي الوضع مابطمن خلينا نطلع برا عالمزرعة لحد ماتهدى الأمور هون .. إشراق عصبت وصارت تحكي كيف بدك تطلعي ستين طالبه وأكتر من عشر معلمات عالمزرعة مابنقدر نتركهم برا والدنيا ليل.. نحنا بالصبح ما بنسيطر عليهم كيف بالليل.. البنات عم ببكوا وأنا صوت نفسي عم بزيد ومتوترة بس ساكته وكلامي مع الأرواح تحت طمني شوي بأنه أنا مش رح أنأذى.. نيروز وهويده ماسكين بإيدين بعض وعم برجفوا وبتطلعوا عليه انه ليه انتي مش خايفة متلنا !!؟ اصوات التسكير رجعت وصوت البنت عم بيجي وعم بتختفي فجأة .. بتبكي وبتصرخ .. صرت أركب هالحدث مع خيال البنت اللي كانت تحت وكان شكلها زعلانة ومقهورة وفي حيه جنبها.. حكيت معقول هيه روح ساكنه بالمدرسة؟ شو قصتها؟ ضليتني بتطلع بصمت.. في بنات طلبو يدخلو على الحمام بس ماكانو قادرين إشراق حكتلهم هاي الحمام اللي عندها الجرأة تدخل تفوت تدخل واللي مش قادرة تعملها على حالها!! من الآخر ..حسيناها توحشت وحتى بس كانت تحكي المديرة شي تسكتها .. عاشو البنات أصعب لحظة مرعبة بالمدرسة.. صوت البنت اختفى صارت هويده تحكي للمديرة .. انه المكان في شي غلط والأصوات هاي مؤذية للكل واذا مارح تنحل القصة رح نضطر نخبر أهالينا.. بهالوقت إشراق خلتنا نطلع على المزرعة وتغير رأيها بسرعه.. نزلنا كلنا واخدنا حراماتنا ومخداتنا ونزلنا نمنا تحت الشجر.. نمت أنا تحت الشجرة اللي خبيت تحتها الذهب.. وحكيت مارح أكشف هالشي وبكون استفدت من هالمدرسة اللي ما اجاني منها شي غير التعب والقهر والظلم.. نمنا بالمزرعه لحد ماطلع الصبح والأصوات ضلت بالطابق الأول عم نسمعها من بعيد.. صحينا وكان الوضع منيح ومافي خوف ومعظم الطالبات تحسنت نفسيتهم.. حكت هويده لازم أخبر أهلي على الشي اللي صار .. حكيتلها اصبري شوي بلا ماتحقد عليكي اشراق.. بعد ما افطرنا حسيت انه بده يصير شي.. وكان بدي أروح أجيب القطعه الذهبية اللي وقعت مني بغرفة إشراق بس ماعرفت أدخل عندها بسهولة.. اسنيت لحد مادخلو الطالبات نفطر ولحد مادخلت اشراق دخلت فوراً لغرفتها واستغليت الوقت.. سكرت باب غرفتها وصرت اتطلع على اغراضها الشخصية.. أي دليل ممكن يحسسني انه إشراق عاملة شي.. مالقيت شي وخفت تدخل فجأة .. قلت باخد الذهبه وبطلع بدون ماتحس أحسن ماتفكر انه في ذهب بالمدرسة وانا كنت بعرف انها لو حطت براسها شي رح تعمله.. وصلت سلة الزبالة جنب الباب محل مازحتها برجلي.. وسمعت صوت طقة كعب كندرة.. وصوتها من بعيد ..

#الظلام_في_الخارج_9 #الظلام_في_الخارج
الحلقة التاسعة

ما تمالكت نفسي من الصدمة بسبب الكلام اللي سمعته وعرفت كم إشراق بتكرهني وبدها تخلص مني.. بس الشي اللي ماعرفته شو ممكن تكون القصة اللي خايفة منها إشراق ومابدها تنزل على الطابق تحت عشانها.. لما نزلتني إشراق تحبسني تحت ودخلوني هربت بسرعه وقبلها المديرة لهيك استغربت.. وشكي اليوم زاد انه في شي !.. تركتهم خلصوا حوارهم وطلعوا من الغرفة وأنا طلعت من الخزانة وهربت بسرعه برا الغرفة.. خلصت الفسحه وبلشت الحصص.. كانت عليه حصة إشراق..كانت إشراق متوترة.. وبلشت تحكيلنا انه مانخاف والشغلات اللي بنشوفها هاي بسبب الجو والأصوات عادية.. وياريت مانكبر الأمور.. والإتصالات نقطعت بالمدرسة لأنه الجو كتير سيء وبدها وقت لتزبط.. حسيتها خايفة يصير شي اليوم ومتل كإنها متوترة وتعبانة.. وعملتلنا إمتحان مفاجئ بس اجت عندي وحكتلي علامتك رح تكون جاهزة ماتخافي .. هويده كانت بالمقعد جنبي وسمعت شو حكت إشراق.. اتطلعت عليه بحقد وصفنت وماحكت شي وكملت إمتحانها.. خلص الإمتحان عخير وكان المفروض نطلع على الغرفة نرتاح .. طلعت وكنت تعبانة وبدي أنام لأني ماقدرت أنام بالمزرعة.. شفت نيروز وهويده واقفين وبجحروني بالساحه .. رحت لعندهم ومشيو وماعبروني.. حكيت ليش هيك بعملوا شو صاير؟ طلعو للغرفة ولحقتهم.. وقفتهم عالدرج وصرت احكيلهم شو في؟ ليه هيك بتعملوا؟ حكتلي هويده .. علامتك رح تكون جاهزة مش هيك؟؟ شو بينك وبين إشراق لتحطلك علامة جاهزة بدون ما تكتبي إشي؟ قلبي كان بحكيلي انه في إشي مخبى ووضعك مش طبيعي خصوصاً بعد ماحسبتك تحت ..بس طلعتي تغيرت معك للأحسن وبطلت تبهدلك ولا تحكيلك شي يزعلك.. خبرينا شو تغير..؟ وشو قصة الذهب؟ لا يكون إشراق اعطتك الذهب عشان تسكتي عن شي عامليته ؟ حكيتلهم مادخلكم واعلى مابخليكم أركبوه وهاد شي بخصني وبعنيني .. وقت ماخنتو صحبتي ورديتو عإشراق عشان علامات سامحتكم ونسيت الموضوع بس هلأ مارح احكيلكم شي وطقوا وموتوا.. نجنو من كلامي وسحبت حالي وطلعت عالغرفة وفهمو انه اشراق تغيرت وصارت احسن معي منهم .. وحسوا بالحقد والغيرة تجاهي .. طلعت نمت ومن التعب بلشت تيجيني كوابيس.. حلمت بنفس البنت اللي شفتها تحت.. بتحكيلي أنا محبوسة تحت طلعيني .. حبسوني من زمان وعذبوني ومابدهم يطلعوني.. إنزلي طلعيني إنزلي طلعيني.. !! .. صحيت ببكي وكل وجهي عرق وصرخت.. صحيو عليه البنات وماعرفت شو بدي أعمل.. ضليتني أفكر وحكيت اكيد الموضوع كبير.. أنا لازم أنزل مرة تانية تحت بس كيف؟ شو ممكن احكي لأشراق شي اخليها تنزلني وماتسأل شو بدي من تحت .! .. والمشكلة هلأ هيه شاكة فيه انه اخدت الذهب ومارح اقدر انزل بعلمها.. حكيت ما إلي غير أبو هلال اللي نزلني هوه ينزلني مرة تانية.. كانت الدنيا ليل والجو هادي ومافي عواصف قلت لازم أصبر للصبح حتى اشوفه واقنعه انه الموضوع ضروري.. نفين كانت تبكي طول الوقت وماحدا عارف يهديها .. كل ماكنت اشوفها بتبكي احتقرها بزيادة .. والبنات يهدوها وزعلانة على وجهها اللي تشوه.. قمت من تختي وحاولت أطلع .. شافتني نيروز وهويده.. حكولي لوين رايحه.. حكيتلهم مش شغلكم.. حكولي اي شي رح تعمليه رح نحكي عنه لأشراق وحتى قصة الذهب هاي في الها موضوع لازم نعرفه.. وصحيح انتي ليش ماخفتي مبارح بس انقطعت الكهربا وصارت الأصوات !؟ فهمينا ليش ؟؟ كنتي متوترة وكل الطالبات كانو يصرخو ويبكو ؟! .. انتي شو صايرلك احكيلنا.. حكيتلهم أنا مابوثق فيكم ومستحيل احكيلكم شي.. نيروز بلشت تحكي معي بأسلوبها الرايق واللي بحسسني انها اختي اللي ماودلتها ماما .. حكيتلها نيروز سامحيني الموضوع كبير ومابقدر احكي.. حكتلي نيروز معناته اللي فكرت فيه صحيح!! حكيتلها شو اللي فكرتي فيه.. قالتلي انك تكوني انتي اللي بتعملي هيك.. وانتي الجن! حكيتلها مجنونة انتي !.. اسكتي اسكتي بسرعه.. بس حكت هيك هويده بعدت عني وصار وجهها احمر وخافت.. وفجأة سمعنا صوت البنات بصرخو بالغرفة هجمنا كلنا عليهم ولقينا نفين طاعنه حالها بسكينه !.. صرخنا واجت اشراق والمديرة والمعلمات كلهم وشافو نفين وبلشو يصرخو علينا نلتزم الهدوء ومانحكي شي.. بلشنا نبكي ونصرخ واشراق حكت من وين جابت الألة الحادة..؟ مش انا حكيت مافي تدخلو الات حادة عالغرف.. حكتلها طالبة انا بجبلها كل يوم أكل عالغرفة لأنها ماعم تنزل تاكول واليوم اكيد اخدت هاي السكينة من الصينية بس ليه لتقتل حالها ليه ؟؟ اشراق اتصلت بالإسعاف واجت الإسعاف اخدوها ومصايب المدرسة بلشت تنفضح وكل طالبة صارت بدها تحكي مع اهلها واشراق تمنعها .. بعد ساعات وصلنا خبر انها نفين توفت.. كانت صاعقة للكل.. موت المعلمة ونفين بنفس الأسبوع .. أنا عملت حالي خايفة حتى مايحكو اني بعرف شو صار.. لأنه نيروز وهويده صارو شاكين فيه بشكل قوي أنه أنا إلي إيد بالشي اللي عم بصير وممكن أكون روح شريرة .. حكتلي نيروز مرة تانية شو الموضوع فهميني اللي بصير هون مش طبيعي..

#الظلام_في_الخارج_قصص
#الظلام_في_الخارج_10 @rwayate
الحلقة الأخيرة

إشراق ماتت .. كانت هالكلمة إفتتاحية الصباح للجميع.. المعلمات بصرخوا والطالبات واقفين على البواب والممرات..سكروا باب غرفتها عليها ومنعوا حدا يدخل عندها وطردوا البنات اللي بالممرات .. دخلونا على الصف وسكروا علينا وضلينا كلنا عم نتصفن ونتسائل شو اللي صار .. كيف ماتت وليش ؟! بعد ربع ساعه أجت الشرطة والإسعاف مع بعض وأخدوها.. الشرطة أخلت المدرسة وطلعتنا كلنا لبراتها ..حكولنا إذا بدكم توخدوا اشي ضروري خدوه معكم لأنه رح يتم التحقيق مع الكل.. المدرسة صار فيها أكتر من جريمة غريبة ولازم نكشف السبب.. طلعنا كلنا طابور ورا بعض وحدة ورا التانية نازلين.. وصلنا جنب غرفة إشراق.. قلت لازم استرق النظر بسرعه عالغرفة.. إتطلعت لقيت بوت وردي لبنت صغيرة جنب تختها عالأرض.. هاد اللي شفته أول ما لمحت عيني على الغرفة وبابها مفتوح.. اخدونا على التحقيق وتم التحقيق مع كل الطالبات.. وكل وحدة حكت اللي عندها ..المديرة والمعلمات جميعهم.. طلبوا منا نروح ننام اليوم لآخر مرة بالمدرسة لأنه رح يتم الإتصال مع أهالينا ليجو يوخدونا وينقلونا لمدرسة تانية..وصلنا على المدرسة وكان باب إشراق متربس ومسكر لأنه خلص ماحيدخلها حدا ولسه فحصها ماخلص ليجي الطب الشرعي يحدد سبب الوفاة باليوم التاني وبالليل ضليتني متوترة وبسأل حالي كيف ماتت .. الأرواح أذتها وليش البوت اللي جنبها.. وشو خطية مس إنتصار! ..نزولي للطابق الأرضي كان لا بد منه بهاللحظة لأنه بكرا رح يتم ترحيلنا من المدرسة بشكل نهائي.. قمت من تختي وكان معظم البنات نايمين من التعب والإرهاق والخوف.. بس حسيت هويده ونيروز مش نايمين.. طلعت من الغرفة .. وقلت أبو هلال راح خلص وماضل حدا بالمدرسة غير كم معلمة والمديرة.. والمفتاح مش موجود غير بغرفة إشراق.. مشيت ناحية الغرفة ولقيتها مسكرة.. حاولت أفتحها بس ماقدرت.. حكيت لازم اتصرف وانزل بأي شكل من الأشكال.. كان الطابق التاني كمان مسكر ومابقدر انزل للأرضي بهالحالة.. قررت أرجع وانسى كل شي اتطلعت فجأة ! ..شفت البنت قبالي وعم تضحك .. حكيتلها كيف طلعتي لهون ؟ ضلت تضحك.. سألتها ليه ماعم تبكي؟ شو عم بضحكك؟ ماردت عليه .. قلتلها احكيلي .. حكت مبسوطة لأني انتقمت وصارت تركض لبعيد.. فجأة حدا مسكني من ظهري لفيت خايفة لقيت نيروز وهويده بحكولي لوين رايحه ومع مين بتحكي؟ حكيتلهم ماشفتو البنت اللي كانت واقفة معي.!؟ حكولي لأ ماكان معك حدا وكنتي عم تحكي مع حالك ؟! .. حكيتلهم مستحيل كيف ماشفتوها فهموني.. اخدوني للغرفة وكنت متدايقة كتير وبهاللحظة قررت احكيلهم كل شي.. قلتلهم على كل شي وانه نزلت وحكيت مع الأرواح وشفت البنت هاي مع حيه سودة على الحيط.. حكتلي نيروز لازم تحكي هالشي للشرطة بكرا.. وهويده نفس الشي.. قلتلهم خايفة احكي.. قالولي انتي عم تشوفي الشي الي مابنقدر نشوفه أحنا ولازم تحكي للكل انه المكان مسكون واللي بصير فيها سببه هالشي أحسن مايتناسوا الموضوع ويجي بنات من بعدنا يدرسوا فيها .. لازم تتسكر المدرسة خلص.. اخدوني على الغرفة ونمنا احنا التلاتة كلنا بتخت واحد وكانت آخر ليلة إلنا بالمدرسة.. طلع الصبح وطلعونا من المدرسة واجا بابا وماما مع بعض طلعوني.. فضيت المدرسة ولأول مرة بشوفها فاضية من كل شي .. مافيها روح ولا حياة.. اختفى صوت البنات وصوت اللعب والحيوية اللي كانت فيها.. أحلامنا مع بعض وذكرياتنا الحلوة راحت.. حملت شنتتي وحكيت لبابا انا عندي كلام لازم الشرطة تعرفه حكالي شو هوه؟؟ قلتله لازم أروح احكيلهم اللي عندي بسرعه.. وصلت الشرطة مع هويده ونيروز وبابا وماما.. وبلشت احكيلهم كيف حبستني إشراق تحت وكيف حكيت مع الأرواح وكيف شفت البنت وشفت الحيه وحتى عن الذهب.. وبهالوقت تفاجأت !!.. بلشت تحكي هويده انها هيه اللي اخدت الذهب من الحفرة عشان تذلني ومش عشان بدها ياه لأنه نقهرت بس سمعت إشراق بتساعدني وبتوقف معي وهيه بتكرهني ففكرتني بخدعهم معها.. حكيتلها وين حطيتي الذهب قالتلي انها دفنته بمكان تاني.. اخدونا مرة تانية على البيت وطلعنا الذهب والشرطة تحفظت عليه وعرفت انه هاد ذهب قديم وأثري كان مدفون من زمان بالمدرسة قبل ماتكون مدرسة لأنها كانت بيت فخم وقديم لأسرة غنية ومعروفة وبعدين تم إمتلاكها من قبل مستثمر وعملها مدرسة داخلية عريقة بإدراة غفران.. نزلت الشرطة على اخر طابق ومالقيوا ولا شي يثبت كلامي.. بس حلفتلهم اني ماكذبت بحرف واحد.. وصدقوني وبعد ما اجت نتيجة الطب الشرعي تبين انه إشراق توفت نتيجة لدغة حيه والتفت حولين رقبتها وخنقتها.. وقتها تم تصديق كلامي بإني شفت الحيه..!! قبل مانطلع من عند الشرطة.. رجعت تذكرت كلام المديرة مع إشراق لما كنت بالخزانة ووقفت اهلي وحكيتلهم تذكرت شي مهم .. حكيتلهم في كلام انا سمعته من المديرة وإشراق..