📚قصص||روايات||منوعة📚

كلام أحمد ريحني.. وقت قال انو رح نسافر حسيت عندي امل..رغم الوجع و الغصة يلي بقلبي انو ما قدرت رحت حق اختي حنين..بس الإصرار يلي شفتو بعيون أحمد خلاني ارجع فكر شوي..قررت انا و يا نسافر و نهرب بأسرع وقت و نترك كلشي..
الشي الوحيد يلي كان محيرني هو اختفاء مراد فجأة..وين راح و ليش..ليش مرام حكت عنو شي مو مفهوم قبل ما نهرب..
ضليت أسبوع بالمشفى...أحمد ضل عندي كمان و اجوا الشرطة و ضلوا كمان بالمشفى ليحموني بعد ما قلتلن انو في عصابة عم تلاحقني بس طبعا ما خبرتون مين.. بعدين قالوا الدكاترة انو فيني اطلع من المشفى.. و أحمد حكالي انو رح نسافر بعد يومين...و رحت معو ع بيتو..الساعة 12 بالليل دق الباب بقوة..طلب أحمد مني فوت أنا و أمو ع غرفة و اقفل الباب ع حالي و ما قدرت عارضو..هالمرة اخدو أحمد..الشي الوحيد يلي كنت خايفة منو انو ضر أحمد..الشي الوحيد يلي كنت خايفة منو شوف الدمعة بعين أمو و هاد يلي صار فعلا..ما كان عندون وقت يفوتوا ع الغرفة لأنو الجيران طلعت ع صواتن و طلبوا الشرطة اخدوا أحمد و راحوا...طبعا ما رضيت سافر بدون أحمد..ضلت أمو ببيت الجيران و أنا حاولت دور ع مخبأ لالي لأنو كنت عرفانة تماما انو بعد أحمد رح يجي دوري..قررت روح ع المخفر و احكي كلشي عندي..ما كان عندي اي دليل بس هاد الشي الوحيد يلي كنت بقدر أعملو لحتى ساعد أحمد و أنقذ حياتو..كان المخفر قريب من بيت مراد..و انا ماشية شفت مراد..اندهشت كتير..وين كان مختفي كل هالفترة..شو كان عم يعمل... فات ع بيتو مستعجل و طلع بسرعة و ركب تكسي و راح.. كان بدي الحقو بس ما صدف و اجت تكسي بعدو..ما بعرف ليش رجعت بخطواتي لورا..ما رحت ع المخفر..رحت ع المقبرة لعند قبر حنين..صرلي زمان ما زرتها.. اكيد بتكون زعلانة مني..قعدت حاكيها و اشكيلها همي..
حنين زعلانة مني اختي؟؟...بتعرفي..ولله كان بدي اجي زورك من زمان.. بس كنت عم حاول انتقملك..كنت عم حاول عاقب يلي قتلوكي..بس اختك طلعت غبية..غبية كتير..لو سمعت كلام أحمد..ما كان صار شي..هي مرام ماتت كمان بسببي..و هلأ أحمد...بعرف رح تزعلي بس لازم تعرفي..أحمد كمان ما بعرف شو صار في..بجوز..بجوز يكون صار عندك اختي..اذا كان عندك سلمي عليه و خليه يسامحني..قليلة اني رح دير بالي ع أمو منيح لا يخاف..رح حطها بعيوني..
بتعرفي كنت رح أعرف مين هو...ولله.. البيت يلي كنتي حاكية عنو عرفتو بس ما لحقت كمل شي مسكوني دغري..مع انو حاولت أعرف شي..شفت غراض و شغلات كتير مالها أهمية.. ما عرفت شي..ما قدرت استدل عليه من غراضو..حتى ساعتو.... ساعتو...حنين..اي... لك هي الساعة...
طلعت من المقبرة دغري...كنت عم اركض بسرعة...لا كنت عم طير عم طير من السرعة..ما عم الحق آخد نفسي..رحت ع بيتو دغري..فتت ع الحديقة...معقوول كل هالوقت كان قدامي و انا مو حاسة..لك كيف ما حسيت...كيف صدقت..لكك كيف... اديشني غبية..اديش طلعت غبية...فتت ع الصالون..متل ما توقعت كان هنيك..واقف و عاطينو ضهرو.. اول ما فتت رفع ايدو و تطلع ع الساعة..ساعتو نفسها يلي لقيتها.. تحت الكنباية...بس شفتو حسيت قلبي رح يوقف...ضليت عم الهت و هو لسا ع وقفتو و عم يتطلع بالساعة و مو فارقة معو ابداا..: متل ما توقعت رح تجي..تأخرتي بس... استيعابك بطيئ..فكرتك أذكى من هيك..اختك ماتت بسبب عنادها و انتي رح تموتي هلأ بسبب غبائك

تو
ئبل العرس بيومين أتصلت سوزان ب فادي
سوزان :مرحبا فادي
فادي:سوزي حياتي اشتئتلك كتير
سوزان:وانا كمان؛مر اليوم خدني ع البيت بس تخلص شغل
فادي :هلئ جهزي حالك رح مر أخدك
بس أخد فادي سوزان كانت علاقة بيناتهن مشحونة كتير.
نايا كانت عم تجهز وأبوها وأمها زعلانين لان رح تتركهن بنتهن الوحيدة
بالليلة العرس بعد ما خلصت نايا لبس ومكياج طلعت حلوة بتشبه القمر
وحتى العرس كان متل الخطبة من جهة فادي يلي ترك سوزان عم تبكي وراح ع عرسو !!
بس خلص العرس وراحت نايا وفادي ع البيت دخلت هي ع الغرفة وأعدت تنطرو وما كان يجي لحتى دخلت الشغالة (رغد)عم تسألها أذا بدها شي
نايا :لوسمحتي بتعرفي وين فادي هلئ صرلي ساعتين ناطرتو
رغد :ايه بكون عند مدام سوزي
نايا :مين مدام سوزي
رغد:مرت أستاذ فادي
نايا:بس هو ما خبرني أنو متزوج
رغد :هة متزوج من ٥سنين
طلعت رغد من الغرفة وضلت نايا عم تبكي ع حظها ع فرحتها يلي ما كملت شلحت فستانها ونامت وهي عم تبكي!!
تاني يوم نزلت ع الفطور متل ما طلبت منها حماتها نزلت وأعدت وصارت تتطلع بفادي يلي عم ياكل ويحاكي الكل من عدها هي أكلت لئمتين وطلعت ع غرفتها .
ومن هون بلش مشوار الاستفزاز من سوزان ورهف بسبب التشوه يلي بوجه نايا .
كانت رغد ونايا صارو رفئات بياكلو سوا وبيأعدو سوا .
مر شهر وكان فادي ماعم يحاكيها وهي حتى ماعم تحكيه
لحد يوم فائت لئت البيت كلو معجوئ ريحة طبخ أصناف حلو ع الطاولة وعرفت من رغد أنو هادي رجع من بريطانيا .
وع الغدا فات شب طويل أسمر عيونو خضر ع البيت أول ما شافت أم فادي ضمتو وهو ضمها وبلش الكل يسلم عليه ويرحب فيه ماعدا نايا لأن ما بتعرفو ضلت وائفة بعد ما خلصو الكل أجى هادي لعند نايا ومد أيدو ليسلم عليه ئلها أنا هادي ئالتلو أنا نايا مرت فادي ما سلمت عليك لان مابعرفك وخجلت
هادي :ولا يهمك بسيطة
راحو تغدو والكل كان عم يسمع من هادي شو يلي صار معو خلال سفرتو ببريطانيا .
المسا كانت نايا بغرفتها والكل كان تحت اندئ باب غرفتها وفات هادي
هادي :ليش ما شفتك تحت ؟
نايا:أنا أسفة بس بفضل ضل بغرفتي
هادي :طيب هلئ نزلي أعدي معنا
نايا:طيب لاحئتك
نزلت وأعدت تحت وضلت كل الوئت تسمع سوزان ورهف عم يتطلعو فيها ويضحكو .
وهيك مضي شهر بوجود هادي يلي كان يأعد مع نايا ويحكو سوا كتير وأخيراً نايا لئت حدا تتسلى معو .
بيوم كانو سهرانين سوا
هادي :نايا ليش أنت وفادي هيك علاقتكن متوترة لا هو بيحكي معك ولا أنت .
نايا :بيوم العرس أعدت بغرفتي ولا شفتو أجى لعندي ولا حتى حكاني وفهمت من رغد هو مجبور ع زواجو مني لأن أمك بدها تكسر رأس سوزان فيني أنا شو ذنبي ؟
هادي:أنا عندي حل !!بتمنى بعجبك
نايا :شو الحل ؟
هادي :أنا رح دبر موعد الك مع فادي تطلعو لبرا وتتفهامو ع كلشي
نايا:بلكي ما رضي ؟
هادي :رح يقبل أنا بقنعو
نايا:طيب
بعد ٣ أيام راح هادي ع غرفة نايا
نايا :أهلين هادي ؛أحكيلي شو صار معك
هادي :فادي وافئ رح يشوفك ع ساعة ٦ أنا بوصلك ع المكان يلي اتفقنا عليه أنا وفادي
نايا :ماشي .
راحت نايا مع هادي ع المكان يلي اتفقو عليه وشافت فادي أعد وناطرها .
نايا:مرحبا ان شاءالله ما كون تأخرت
فادي:لا ولا يهمك أنا بدي احكيلك كلمتين وأمشي
نايا :تفضل
فادي:أنا يا نايا بحب سوزان حبيتها من الجامعة كان صعب عليي كتير انو نتزوج بس قنعت أهلي وتزوجتها ؛أنا مجبور كنت أتزوجك أنا ما بكسر كلمة أمي ؛ولو بتضلي عنا بالبيت ١٠٠سنة ما رح اعتبرك زوجة الي أنت متل اختي رهف.
نايا كانت متفاجأة .
نايا :طيب ؛شو الحل ؟
فادي:الحل أني طلقك أني بتعيشي حياتك متل مابدك وأنا بعيش حياتي متل ما بدي .
نايا :موافقة !
فادي :من هون للمسا بتكوني ضبيتي تيابك وأنا ع العشا بطلقك ئدام الكل .
نايا :موافقة .
رجعت نايا لعند هادي ع سيارة وحكتلو كل شي صار
هادي :نايا هاد أنسب حل ألك ولأخي
نايا :بعرف
رجعت نايا ع البيت وضبت كل شي بخصها مشان الاتفاق يلي صار بينها وبين فادي
المسا ع العشا وبس كان الكل موجود فادي بلش يحكي
فادي:يا جماعة كلنا منعرف يلي بصير بالغصب ما بضل ؛وأنا في موضوع حابب أنهيه مع نايا .
أم فادي :نايا شو الئصة
نايا:أنا وفادي وصلنا لحل وهو أنو ننفصل
أم فادي:هاد الحل اقتراحك؟
فادي :ماما هاد أنسب حل وخلال يومين رح بلش بمعاملة الطلاق
نايا:ممتاز
فادي :نايا بتمنالك حياة حلوة أنت طالق طالق طالق
وسط ذهول من الكل تركت نايا الكل وطلعت ع غرفتها تتصل بأهلها يأخدوها .
رجعت ع بيت أهلها وحاولت ماتضعف لفكرة أنها صارت مطلقة صارت تحاول تشغل حالها بأي شي كان لحتى تخلص فترة العدة
كان الشخص الوحيد يلي ماعم ينسى نايا هو هادي هو أتأكد أنو حبها شو رح يعمل ؟
بعد ٣أشهر
هادي كان أعد بغرفتو عم يفكر كيف يحكي معو
نزل لعندها ع الجنينة شافها عم تشرب ئهوة أعد جنبها
أم فادي :هادي وضعك مو عاجبني فيك شي؟
هادي:ماما بدي احكيكي بموضوع بتمنى تتفهميني
أم فادي:تغضل أحكي .
هادي:أنا بحب نايا وبدي اتزوجها
أم فادي:شو ئلت

سارة : بس صعب كتير , انت متزوج و انا كنت رح كون خطيبة اخوك و رح توقع بمشاكل كتير مع اهلك و فوق كل هيدا اانا ما بناسبك , صح , هيدا يلي بدك تقولو
فادي: لا لا ما هيدا يلي كنت بدي قولو مع انو فكرت فيه بس ما اخد من تفكيري كتير انا كبير و واعي و بعرف شو بدي و كيف اخد يلي بدي اياه بدون ما اسال على راي حدا , بس كنت بدي قول انو كان يلي موقفني عن أي خطوة هو انت و انو ما تكوني عم تبادليني نفس الشعور
سارة : .........
فادي : ما عندك تعليق على هالحكي ؟
سارة : عندي ايه تزوجني
.........................................

الجزء السادس
@rwayate
فادي:....
سارة : ههههههههههه
فادي: ليش عم تضحكي ؟ اخدة الامور لعب و مسخرة
سارة عم اضحك على ملامح وجهك يلي تغيرت فجاة , تفاجات مو هيك
قام وقف و فتح الباب و بدو يطلع
فادي: بكرا بمر عليكي الساعة 99 الصبح ضبي شنتاية صغيرة و خدي جواز السفر و هويتك اذا ما غيرتي رايك سلام
طلع و سكر الباب وراه و انا بعدني مصدومة بالحكي يلي قلي اياه , فكرت حالي تهيالي , رجعت اتصلت فيه , اول ما رد قلي بهالسرعة غيرتي رايك
سارة : انت جد عم تحكي ؟ بدك تتزوجني؟
فادي: أي انت يلي بدك تتزوجيني و انا وافقت
سارة : فادي عنجد عم احكي انا كنت عم امزح يعني
فادي: و انا ما عم امزح يلا بدي سكر عندي شغل كتير بكرا بشوفك باي
سكرت معو و طلعت من الغرفة لعند امي
سارة : امي .....امي فادي بدو يتزوجني
صارت تضحك وقت شافتني عم نط من فرحتي, تاني يوم الصبح فقت من الساعة 77 الصبح لجهز حالي و ضب اغراضي متل ما قلي فادي بس من جوا كنت خايفة و ما مصدقة , خفت يكون عم يلعب فيني بس كان احسيت بصدق بحكيو , على الساعة 9 اتصل فيني و قلي انا صرت بالحارة , طلعت و شفتو واقف برا السيارة و مستند على الباب, اطلع فيني و ابتسم
فادي: صباح الخير
سارة : صباح النور , لوين بدنا نروح؟
فادي: هاتي الشنتة و هلا بقلك على الطريق
سارة : لحظة قبل ما اطلع بدك توعدني انو ما تتركني ابدا لو شو ما صار مشاكل بسببي و انو انا ما مجرد نزوة بحياتك بتعبي وقتك شوي و بعدين بتتركني انا ما حمل كسرة قلب مرة تانية , و بدك توعدني كمان انو ما تجرحني ابدا او تهتني او تسمح لحدا ياذيني بكلمة و بدي تكون متاكد من مشاعرك اتجاهي و واثق من قرارك قبل ما نخطي هيك خطوة, اذا بعدك متردد احكي وبلف برجع و بعتبرك ما جيت مبارح و لا قلت يلي قلتو
فادي: و انت بشو بدك توعديني؟
سارة : رح اوعدك انو خليك اسعد انسان
فاديك طيب....وعد انو كون قد كلامي و ما اتركك ابدا لو شو ما صار و ما اجرحك ابدا و عاملك بما يرضى الله و احميكي و صونك , و كون الك الاب و الاخ و عيلتك كلا , شو بدك اكتر من هيك , اطلعي يلا خلينا نلحق
سارة : شو بدنا نلحق؟
طلعنا و رحنا كتبنا كتابنا عند يخ , و طلعنا على المحكمة لنكتبو بس ما قدرنا نكمل بكتب الكتاب لانو كان كان ناقص كام ورقة و بدن وقت ليطلعو , قلي فلدي لنرجع منثبتو و بعدين رحنا على المطار ,و حجز فادي على تركيا اسطنبول , حسيتو للحظة كانو بدو يتزوجني و يهرب من مواجهة اهلو و مرتو او ما بدو حدا يعرف , ما عجبني تصرفوا بدا , كنا قاعدين بالمطار عم نشرب عصير و ترددت كتير قبل ما اسالو
سارة : فادي ما رح تخبر اهلك , رح يعرفوا اكيد
لفني و هو عم يطلع فيني و يبتسم
فادي: اكيد رح خبرن قبل ما طير الطيارة رح ابعت رسالة ل لؤي و هو بقلن , اذا عرفو و نحن هون ما رح يهنونا ببعض و رح تقوم مشاكل كتير و خاصة نتالي مجنونة و ما رح تسكت ابدا ,هيك نحن منقضي اسبوع مروقين لبين ما نرجع بتكون خلصت هالعاصفة و هديو و تقبلو الموضوع
سارة : ولله خايفة كتير كون عم اعمل فتنة و حرب
فادي : ما تخافي انت صرتي مرتي هلا و انسي كل شي , لاحقين على المشاكل لنرجع
طلع صوت نداء على طيارتنا قمنا و انا لاففتو لفادي من خصرو , و انا قلقانة من ردة فعل نتالي و حسام و امو و ميرال , بس اول ما وصلنا نسينا كل شي , وصلنا المسا و انبهرنا باسطنبول و جمالا , اول ما فتنا على غرفتنا بالفندق
فادي: انا فايت اتحمم
سارة : طيب انا رح ضب تيابنا بالخزانة
فتحت شنتايتي , ما كان فيا ولا قطعة خرج تنلبس بهالمناسبة , تركتا و لحقتو لفادي على الحمام , دقيت دقتين
سارة : فادي
فتح الباب و سحبني لجوا, كان الاسبوع يلي قضيناه باسطنبول من احلى ايام حياتي , تاني يوم الصبح فقت و ما شفت فادي جنبي , فتت على الحمام ما شفتو , غسلت وجهي و لبست بنطلون جينز و بلوزة بيضا و خفافة و نزلت على بهو الفندق , صرت دور عليه بعيوني بكل مطرح ,حسيت بغصة بقلبي , خفت يكون تركني و راح , معقول جابني هون ليسخر مني , حاصرتني افكار كتير سلبية حتى حسيت بايديه عم تلفني من خصري
سارة : فادي وين رحت ؟
فادي: شبك رح تبكي على شوي تانية
لفني و نحن داخلين على الفندق
سارة ليش نزلت قبلي , كنا نزلنا سوا , عنجد ما بقا تعيدا خفت تكون تركتني
فادي: معقول اتركك , شبك ما واثقة فيني يعني
سارة : وين كنت؟
فادي: كنت عم شوف كيف بدنا نروح على جزر الاميرات
سارة : شو هاي جزر الاميرات ؟
فادي: هاي جزيرة ما بتفوتا الا الاميرات يلي متلك
سارة : هههههه بالله , عنجد شو هاي ؟
فادي: المسا منروح و منشوف شو هاي
نحن و عم نفطر , كنت خجلانة اطلب منو لفادي انو لازمني وية تياب
سارة : هلا في هون اسواق قريبة من الفندق ؟
فادي: أي
سارة نحن طلعنا على عجل و تزوجنا بسرعة و ما لحقت اشتري شي
فادي: صح معك حق ,هلا بس نفطر منروح

بس مالقيت شي ، الا صورة الي انا و طفلة عمري تقريبا شهور وحاملتني امي بس الصورة من كتر مو قديمة نصا مهتري ومو واضحة منيح ، اخدت الصورة ورجعت ع البيت ..
ضليت كل وقتي اعدة عم اتطلع بهالصورة وعم حاول اعرف شي ، بس هي مجرد صورة بتجمع بين بنت و امها ..
امي يلي مابعرف وينا هلئ .. حضنت الصورة وبكيت ..
رن موبايلي ..
نورس : سما بدي شوفك ضروري ..
سما : طيب تعا خدني من البيت يلله ..
لبست ونزلت بسرعة ..
نورس : انا عرفت شو المشكلة بين ابي و امك ..
سما : شو ؟
نورس : ابي عم يهدد امك بشي خطير مقابل انو تتنازلو عن كل املاكا و تتزوجو و تترك شغلا وهاد شي مستحيل امك تعملو لان انتي بتعرفي انو هي المالكة الاكبر بالشركة و ميزانية امك بتسوى ميزانية ابي بأضعاف كبيرة ..
سما : في شي مو زابط ..
انا سمعت ابوك وهو عم يقلا لأمي انو رح يحكيلي الحقيقة و امي صارت تترجاه وهاد بيعني انو الحقيقة مرتبطة فيني ..
نورس : في شي غريب بس بوعظك ضل معك و اتحدى كل المصاعب يلي رح تواجهك ..
سما : انت غرامي ..
نورس : و انتي كمان ..
----------------
رجعت ع البيت و دخلت ع مهلي متل عادتي طبعا ، سمعت صوت امي و المساعدة امل اعدين سوا عم يحكو ..
امل : نورس ازا عرف بحقيقة ابوه رح يتركو ويمشي
امي : وسما ازا بتعرف رح تروح وتتركني
امل : انتبهي يامدام ، ماحدى بيعرف بيلي صار غير انا و انت و ابو نورس
امي : اخخ حاولت هددو لابو نورس انو قول لنورس الحقيقة بس هو مابهمو قلي احكي مابهمني من الاصل هو مانو ابني ..
انا هون شهقت وصرت ابكي ..
تركت البيت وطلعت وسكرت الباب بقوة ..
نزلت ع الشارع ، اتصلت بنورس وقلتلو يجي بسرعة ..
حكيتلو كل يلي سمعتو ، كانت هي اول مرة حدى بينسند ع كتفي وبيبكي ، تعودت انو انا يلي انسد ع كتف الكل و ابكي ..
مسك ايديي ومسح دموعو فيهن وبصوت طالع من جوات صدرو ، قلي : والله لاكشف حقيقتون و تضلي الي و انا الك والباقي مابهمني

حمادة: ما تخافي ما رح يعرف جماال بحال اخدتي ..

نرمين:لا ما بدي و بعدين اذا عرف يعني وين المشكلة

حمادة:انت بتعرفي بالفترة الاخيرة علاقتي بجمال توترت بعد ما عرف انا ليش انحبست و ما بعرف شو ردة فعلو اذا عرف انو انا عندك هلأ
نرمين:اممممم...جمال قلبو طيب ما تاكل هم

حمادة:طيب ماشي انا رح امشي هلأ و هاي رقمي بحال احتجتي شي او بدك تشوفيني حكيني

نرمين:ايه انشالله
@rwayate
طلع من البيت و انا اتنهدت بارتياح

____سيرين_____

رجعت دقتلي نرمين بس ما قدرت رد عليا بسبب وجود فادي ،كنا قاعدين عم نتغدى وقت اجاه مكالمة

فادي:قصدك على حمادة ...ايه بعرف طلع عفو ....منيح كتير..

قام من عن الطاولة و بعد عني للغرفة التانية حتى ما اسمع مكالمتو بس انا لحقتو بعد ما سمعت اسم حمادة

فادي :.. .ماشي شوفو و قلو يحكيني بس ما يجي لعندي ما بدي جيب شبهات علي

عرفت انو اخي حمادة هو يلي عم يحكي عنو بس ما عرفت شو الصلة يلي بتجمع فادي بحمادة ، بعد ما نهى مكالمتو و رجع عالطاولة ،ما قدرت ابقى ساكتة

سيرين:مين هيدا حمادة يلي طلع؟

فادي:شغل

ترك الملعقة من ايدو

فادي:و انت من ايمت بتدخلي و بتسألي بشغلي

سيرين:ابدا ،بس فضول

فادي:ايه خففيه لهل الفضول بشي ما بخصك

سيرين: اممم

التقيت بنرمين بعد الحاح مني اني بدي شوفا و شوف يزن ،قعدنا بحديقة عامة ،كل واحد فينا على الجهة المعاكسة للكرسي و انا لابسة نظارات و حاطة شال على راسي و يزن قبالنا عم يلعب ،كان نفسي روح لعندو و لفو و بوسو و شم ريحتو بس اكتفيت بالنظر عليه من بعيد و نرمين نبهتني من اني اتصرف اي تصرف طايش يخرب كل شي و يحط يزن بحيرة

سيرين:بدي تعرفيلي شو علاقة فادي بحمادة ؟

نرمين:فادي و حمادة ؟

سيرين:ايه ،في شغل بيناتن و حسب توقعاتي زوجك ما بشتغل نظامي

نرمين:كيف يعني؟

سيرين:حمادة اخي انحبس بتهمة تهريب مخدرات،معناها فادي كمان بيشتغل بهالشي و اصلا يمكن هو الراس الكبير و هيدا كل شغلو بالتجارة بالادوات المنزلية و الالعاب مجرد تغطية لشغلو الاساسي حتى انا استغربت من مدخولو العالي مقارنة بشغلو

نرمين:معقول !

سيرين:ايه معقول ،و انا شفت مسدس بخزنتو ...

نرمين:مسدس!

سيرين:كمان ما بتعرفي بالمسدس ...انت كيف لكن كنت عايشة معو كل هالسنين و كأنو ما عشتي ..

نرمين:فادي ما بخلي حدا يطلع على شغلو او اي شي بخصو

سيرين:بس هو مخبي شي كبير عنك و ما بدو اياكي تعرفيه ،ما قصدي عن شغلو ،قصدي شي تاني

نرمين:شي متل شو ؟

سيرين:ما بعرف هلأ بس اكيد رح اعرف مع الوقت ،كيفك انت و جمال ،لهلأ كل واحد فيكن بغرفة مو هيك

نرمين(بتوتر):طبعا طبعا ،انا وعدتك مستحيل يصير شي بيناتنا و بعدين جمال ما من النوع يلي بيعجبني

سيرين:ولا انا فادي من النوع يلي بيعجبني ،انسان متسلط و نمرود كتير و بضل معصب

نرمين: سيرين انا ..انا بدي شوية مصاري ،انت حكتيلي عن وضع جمال بس ما توقعت يعني هيك و انا متعودة ..

سيرين:ما معي مصاري ابدا لو معي كنت اعطيتك ،يا دوب قدرت اشتري كام لعبة ليزن ،فادي عم يعطيني عالقد و انت بتعرفي كل شي عندو مفوتر ،يلا انا لازم امشي ما بدي اتاخر ،ديري بالك على يزن كتير و على دراستو

______نرمين____

بعد ما مشيت سيرين بهداك اليوم ،اشرت بأيدي ليزن ليجي لعندي

نرمين:يلا حاج لعب ،صار لازم نرجع على البيت

يزن:راحت امي؟

اول ما حكى هالجملة؛نفض بدني

نرمين:شو حكيت؟

يزن: ولاشي ..ما حكيت شي

نرمين:احكي ما تخاف

يزن:عندي بالمدرسة اخين توأم بشبهو بعض كتير ما حدا بيقدر يميز بيناتن بس انا الوحيد يلي بقدر

نرمين:ايه؟شو مناسبة هالحكي؟

يزن:هيك طلع براسي احكي

كنت طول الطريق انا و عم فكر بحكي يزن و كنت خايفة اذا حس اني انا ما امو ،وصلت على البيت و التقيت بجمال على الباب

نرمين:اهلين حبيبي

جمال:وين كنتو؟

نرمين:بالحديقة

جمال:ايه منيح بتغيرو جو

فتحت الباب و فتت غيرت تيابي ،لحقني جمال و حسيتو متلبك

نرمين:فيه شي؟

جمال:اليوم كان عندي حمادة

نرمين:ايه؟

جماال: و عرض علي شغل جديد معو ،قلي شغل بدخل دهب

نرمين:شو الشغل؟

جمال:بالسمك كمان بس هالمرة سمك متلج منجيبو من تركيا و منبيعو هون و منربح فيه كتير

نرمين:بس حمادة ما بشتغل بالسمك ،يعني منعرف شو بشتغل

جمال:ايه بس هلأ تاب و معو شوية مصاري بدو يشغلن بشغلة حلال ترجع عليه بمردود منيح و اقترح علي هالمشروع

نرمين:انا حامل

اطلع فيني و فتح عيونو على الاخر كأنو قلتلو خبر مفجع

فادي:حامل ؟كيف يعني حامل ؟

نرمين:يعني حامل ،كأنك ما انبسطت اني طلعت حامل

رجع التفت علي و قرب علي بعصبية و مسكني من ايدي و لزقني بباب البرندا

فادي:فهميني كيف حامل فهميني

نرمين:يعني كل الدكاترة قالو انو انا مستحيل جيب ولد بس ما فيه شي مستحيل عالله

فادي:احكي من مين حامل؟

نرمين:شو من مين !

نزلت راسي

نرمين:من زوجي طبعا ،منك طبعا

فادي:كيف مني يعني و انا اصلا.... ،مفكرتيني غبي و بتضحكي علي بكلمتين

مسكني من ايدي و فوتني على الصالون و زتني على الكرسي

فادي:من مين حامل ؟احكي من مين حامل ؟

نرمين(تصرخ):منك ...منك

فادي:كذابة انت وحدة كذابة و خاينة

فات بنوبة غضب شديد ؛صار يسبني بابشع الالفاظ و خبط راسو بالحيط و بعدين دخلني على الغرفة و قفل الباب علي ،كان تصرف فادي غريب كتير ،هو يلي كان مستعد يطلقني كرمال احمل و بس حملت اتهمني بالخيانة ،تاني يوم الصبح فتح الباب و فات متل التور الهايج ،فيقني من النوم متل السجينة المعتقلة و هو حامل بايدو اوراق

فادي:قومي لشوف احكيلي من مين حامل انت

نرمين:فادي شبك ،انت يلي كنت بدك اطلقني كرمال احمل و بس حملت هيك عم تعمل

زت الاوراق بوجهي على التخت

فادي:افهمي يا غبية انا ما بجيب اولاد ،كل هدول تحاليل بتقول انا ما بجيب اولاد

مسك ورقة منن و قربا على وجهي
فادي :اقرأي .. رحت عند كذا دكتور ... عملت مية تحليل و الكل قلي مستحيل جيب ولد انا عقيم انا صفر ،قليلي من وين بدك تحبلي

نرمين:انت شو !و كل هالسنين مفهمني انو انا يلي ما بجيب اولاد و العطل مني و انت كامل و ما فيك شي و قضيت كل هالسنين عم حس حالي ناقصة لك حتى حسستني بعقدة الذنب اتجاهك انك اخدني و صابر علي ،طب شو هدول كل الدكاترة يلي كنت روح لعندن و يقلولي العطل مني ،هدول انت متفق معن و اشتريتن بالمصاري

فادي:انا كل شي بشتريه بالمصاري حتى انت اشتريتك بالمصاري ،ما تتهربي من سؤالي،مع مين خنتيني ،مين هو؟

نرمين:ما حدا ،ما حدا

فادي:انا اذا قتلتك ما حدا رح يسأل عنك ،لك فيني اقتلك بقضية شرف و ما حدا بحاسبني

طلع المسدس و حطو براسي

فادي:مين هو...احكي مين هو ...احكي قبل ما فرغ المخزن براسك

نرمين:طيب طيب رح احكي بس قيم هالمسدس و بعدو عن راسي

قام وقف و هو عم يلهت

فادي:احكي

نرمين:انا ما مرتك انا ما نرمين

فادي:نعم ،عم تبلشي تتخوتي علي،احكي مزبوط

نرمين:رح احكي

حكتلو كل القصة لفادي و احتفظت ببعض التفاصيل و بالحدث الاخير الي و بقيت مصرة انو انا سيرين و هديك نرمين ،كنت خايفة يقتلني اذا عرف انو انا نرمين و انا يلي عشت مع رجال تاني كل هالشهور و حبلت منو

نرمين:بعرف ما رح تصدقني الا لتشوف بعينك ،رح اعطيك هيدا العنوان و روح لهنيك و بتشوف مرتك مع صبي صغير ،هيدا الصبي بكون ابني يزن و المرة يلي معو شعرا بني بتكون مرتك نرمين

قفل الباب علي و طلع متل المجنون

______سيرين______
اول ما رجعت على حياتي القديمة ،كنت مشتاقتلو ليزن كتير ،قضيت اول كام ليلة انا و عم نام جنبو و احكيلو قصص و العب انا و اياه و عوض الايام يلي فاتتني انا و بعيدة عنو حتى اجا اليوم يلي فاجئني يزن و سألني سؤال ما توقعت يسألني اياه بحياتي

يزن :ماما ليش تركتيني و رحتي ؟

سيرين:يزن !حبيبي ما تركتك و ما رحت محل

يزن:امبلا هديك خالتو يلي بتشبهك كنت بعرف انو ما انت

سيرين:يزن ...(تبكي)يا روحي يعني كنت بتعرف

لفيتو لصدري

سيرين: يمكن هلأ اذا حكتلك ما رح تفهم ليش انا عملت هيك ،بس اكيد رح تفهمني بس تكبر ،انت اغلى شي بحياتي ،قوم يلا غسل وجهك مشان نفطر احلى فطور سوا..يلا بطل

قمت غسلت وجهي و غيرت تيابي و فتت اعمل قهوة و حط فطور ،وقت اندق الباب علي بهمجية ؛اول ما فتحتو

ربا:طيب رح اتركك انت و رفيقتك ترتاحي هلأ و ما تفتحو الباب لمين ما كان و بعدين رح نشوف كيف رح نحل الخلاف بينك و بين فادي ،البيت مليان ما ناقصو شي كنا على اساس نقعد فيه انا وعمك ابو فراس بس رح اقنعو نقعد بشي فندق

نرمين:شكرا عمتي ، شكرا لكل شي قدمتيلي اياه ،انت الوحيدة يلي بحسك بتحبيني بلا مصلحة

هي و طالعة قربت عمتي على سيرين و حضنتا بطريقة غريبة حتى سيرين تلبكت من معاملة عمتي اتجاها ،و انا كل شي كنت عم فكر فيه فادي و جمال و كل هالقصص نسيتا ،كل شي كنت عم فكر فيه هو سيرين و انو معقول تكون اختي ،بهديك الليلة اليتيمة و الوحيدة يلي بقينا فيا سوا ،كنت عم اطلع فيا ما على انو عدوة ،كنت عم شوفا متل اختي ،رجعت فتحت الحديث معي حتى نرجع نعلق على نفس القصة بس انا ما كان الي مزاج لاحكي بقصص ماضية

نرمين:سيرين ما بدي اعلق معك هلأ،ما الي نفس

سيرين:انت السبب ، انت يلي وصلتينا لهون ليش لتحكي لفادي،(تبكي) يا الله ابني ما بعرف وينو لهلأ و قلبي متل النار عليه

نرمين:طولي بالك و بعدين حتى لو ما حكيت ،كان فادي رح يعرف كل شي بطريقتو و انا اختصرت الطريق ،المهم انت قلتي انو حمادة بكون اخوكي ؟

سيرين:ايه

نرمين:اخوكي من امك و ابوكي ؟

سيرين: لا ، حمادة اخي بالرضاعة

نرمين:كيف يعني؟

سيرين: انا اهلي ماتو بالحرب و اخدتني عيلة حمادة و ربوني عندن و بيني و بين حمادة كام شهر ، رضعت انا و اياه من امو لهيك طلعنا اخوات بالرضاعة

نرمين:عنجد يعني انت ما بتعرفي ابوكي و امك الحقيقين؟

سيرين:لا ماتو قبل ما اعرفن بس يلي ربوني كانو مناح كتير معي ،ما حسسوني ابدا انو هن ما اهلي ابدا و امو لحمادة لحسن حظي ما عاد رجعت حبلت بولد تاني بعد حمادة لهيك ما كنت حسا انو تميز بيناتنا

نرمين:طيب مين سماكي باسمك؟

سيرين:ما حدا ؛قالتلي امي ..يعني قصدي امو لحمادة انو وقت استلموني ،كان مكتوب على التياب يلي كنت لابستن اسمي و ضلو ينادوني فيه..يعني كنت بعرف كل شي ،ما عملو فيني متل الافلام بس كبرت تفاجأت انو هن ما اهلي الحقيقين،كانو صريحين زيادة معي و صدموني بالحقيقة اول ما وعيت ،اول شي استصعبت القصة بعدين تعودت

نرمين:عنجد سيرين ....انا ما خطرلي ابدا اسألك عن هيك تفاصيل ابدا....يعني متل ما قالت عمتي ربا

سيرين:شو قالت عمتك ربا؟

نرمين ؛انك .. انت.. بتكوني..

انفتح باب البرندا بالوقت يلي انا بدي خبر فيه سيرين انو هي بتكون اختي و طل فادي بجسمو الدفش و وجهو المكدر ،كنت لازم اعرف انو بهاللحظة لازم فادي يدخل و ينهي كل اللحظات الحلوة يلي ممكن عيشا بحياتي

فادي:كنتو مفكرين تهربو مني بهالبساطة ،العقاب من جنس العمل

____سيرين______

بدقايق قصيرة كان كل شي خالص ،نرمين على الارض و دما عم يسيل منا نهر و عم تلقط انفاسا الاخيرة ،ركضت لعندا انا و مفجوعة بالمنظر و عقلي طار من محلو

سيرين:نرمين ..نرمين

نرمين:انا ..كنت ...بدي ...قلك ..انك انت ..اختي ..سامحيني

سيرين(تبكي):نرمين ..لك حامل ...كيف الك قلب تقتلا

فادي:الشرطة جاي على الطريق

قرب لعندي و مسك ايدي و حط المسدس فيا

فادي:يزن رح يبقى معي بالحفظ و الصون لانو هلأ ما عاد الو لا اب و لا ام ،ابوه متورط بتهريب مخدرات و امو متورطة بجريمة قتل

سيرين:نرمين نرمين اصحي ....(تبكي) ..يالله

التفتت لعندو انا و عم ابكي

سيرين: انا ما قتلتا...انت يلي قتلتا

فادي:لا انت يلي قتلتيا بعد ما عرفتي خيانتا مع زوجك و حملا منو و اذا حكيتي غير هيك ،ابنك ما رح يبقى عايش ساعة وحدة ،و صرتي بتعرفيني هلأ منيح اذا بنفذ هالحكي الا لا ،رح يزورك محامي من طرفي و يفهمك شو تحكي بالضبط ...

سيرين:عم تمسكني من الايد يلي بتوجعني ...

فادي:انت بكل الاحوال ضحيتي بحالك كرمال ابنك ،كملي تضحيتك للاخر

سمع صوت سيارات الشرطة و هرب فورا و تركني مع جثة نرمين الهامدة و المسدس بايدي و ايديي دم انا و مصدومة من كل شي صار و من كل شي سمعتو من نرمين ، و باللحظة يلي عرفت فيا انو نرمين هي اختي و الشخص الوحيد من عيلتي خسرتا للابد ..

ما توقعت فادي يطلع مجرم و قاسي لهل الدرجة ،و ما توقعت لعبة و صفقة توصلنا لهون ،لانو ينحطو الكلبشات بايدي و انساق على السجن بجريمة انا ما ارتكبتا ،بصمات ايدي على المسدس و حمل نيرمين من جمال و تحاليل الDNA و ظهور فادي على انو هو الضحية و الرجال المسكين يلي بحب مرتو و تفاجئ بخيانتا و دلائل كتيرة اشتراها فادي ليثبت التهمة علي ،كل شي كان ضدي ،زارني المحامي ناصر يلي من طرف فادي بعد يومين
@rwayate
سيرين:انا ما قتلتا ،ما قتلتا

ناصر:انا لو بمحلو ،كنت رح اعمل نفس الشي ،الشي يلي عملتوه كتير كبير انت و اختك و برأيي هلأ لازم تدفعي التمن انت كمان ،انا قعدت انا و فادي و حكينا بكل شي و بكل التفاصيل ،يزن رح يبقى مع فادي ،رح يحطو بعيونو و يدير بالو عليه متل ابنو و اعز و خاصة انو فادي ما عندو اولاد ،يعني هاالشي من مصلحة ابنك ،هلأ منجي الك ،رح تعترفي بجريمتك ....

سيرين:مستحيل ...مستحيل اعترف بشي ما عملتو

ناصر:رح تعترفي ...رح تعترفي كالتالي :

اجت اختي و عرضت علي مبلغ كبير مقابل انو اخد محلا و احبل من زوجا لانو كانت خايفة انو يطلقا و هي بالمقابل كانت رح تعيش محلي بس كنت متفقة انا و اياها انو ما رح يصير شي بينا و بين زوجي جمال بس بعد كام شهر تفاجأت انو هي يلي طلعت حامل من زوجي و كذبت علي بأنو ما في شي بيناتن ،طلبت منا تنزل الولد و ترجع لحياتا بس هي رفضت و طلبت مني اني اتركا بحالا بس انا ما قدرت ضل ساكتة ،طلبت منا اني شوفا بأي مكان و تحججت اني كرمال شوف ابني يزن و بعتتلي عنوان بيت عمتا ،اخدت المسدس من خزنة فادي لهددا فيه بس ،ما كنت ناوية اقتلا ، و رحت لشوفا بس ما كانت جايبة يزن معا و طلبت مني اني اطلع من حياتا و حياة ابني يزن ،فتت على اثر كلاما بحالة هستيرية و طالعت المسدس و قتلتا بدون ما فكر بعواقب جريمتي ،فكرت اخفي الجثة او اتركا و اهرب بس كانت الشرطة واصلة و ما لحقت اعمل شي ...... @rwayate
لهون بينتهي اعترافك و بالنسبة للجار يلي بلغ عن الجريمة رح يشهد انو شافكن من شباك بيتو انكن عم تعلقو و انو طالعتي المسدس و قتلتيا و بلغ عن الجريمة فورا ..و اذا انسألتي عن ابنك يزن رح تنكري معرفتك بمكانو لانو نرمين هي اخر وحدة كانت معو و هي الوحيدة يلي بتعرف محلو و ماتت و مات سرا معا ،رح يبلشو الامن بعملية بحث عنو بس ما رح يعرفو محلو ابدا ،لا هلأ و لا بعدين لانو ما عاد اسمو يزن ،المهم بالنسبة لقضية زوجك هاي لحال و ما تدخلي فيا و انت ما بتعرفي شي عنا ابدا ،هلأ القرار بيرجع الك انت قرري؟

سيرين(تبكي):.....اديش رح انحكم؟

ناص:....سلامة و حياة ابنك مقابل اعترافك

كنت قدام خيارين و الاتنين متل العلقم و السم ،كنت محتارة بالقرار يلي لازم اخدو اعترف بجريمتي و عفن بالسجن او اقلب الطاولة على فادي و ضل مصرة انو هو يلي قتلا و اخسر ابني ،زارتني عمتي بالسجن هي و منهارة على خبر مقتل نرمين

ربا: رح حطلك اشطر محامي بالبلد ،انت بنت اخي ،انت اختا لنرمين و رح ناخد بحقا

سيرين:عمتي انا مقدرة كل شي ناوية تعمليه بس انا ما بدي شي ،انا خسرت اختي و زوجي و هلأ ما بدي اخسر ابني كمان ،فادي هو الطرف الاقوى هلأ ،كل الادلة لصالحو ،نحن خسرانين
@rwayate
ربا:رح تخليه ينفد بجريمتو ،هو يلي لازم يكون محلك و يدفع التمن و يتخ بالحبس

سيرين:عمتي بدي اطلب منك طلب اخير اعتبريه رجاء

ربا:اطلبي

سيرين:سافري ...ارجعي لمحل ما جيتي

ربا:سيرين!

سيرين:الله يخليكي سافري و انسيني و ما بقا ترجعي لهون ..خلص انا انتهيت

بعد شهراجاني زائر على السجن ،تفاجئت وقت شفتو و لا اراديا ،فتت بحالة هستيرية و هجمت عليه بدي اقتلو ،مسك ايدي و حاول يهديني ،كان هادي كتير و متوازن نفسيا و واثق من حالو

سيرين:انت يلي لازم تكون محلي ، وينو ابني وين اخدتو ،انا رح قول انك انت يلي خطفتو يوم الحادثة

فادي:روقي شوي ...يزن كتير منيح ،عايش احسن من لما كان معك انت و نرمين ، كنتو عم تضحكو عليه و تلعبو فيه للولد
@rwayate
سيرين:ما رح اسمح انو يعيش مع واحد مجرم و قاتل متلك

فادي:انا ما مجرم ،اي رجال بمحلي كان رح يتصرف نفس الشي اذا عرف مرتو عم تخونو و حامل من غيرو و حتى انت يمكن كان زوجك قتلك لو عرف الحقيقة بالوقت المناسب ،يعني فيكي تقولي انا خدمتك بهالشغلة و انت عايشة لهلأ بفضلي

سيرين:هاي ما عيشة ،و انا هون بسببك ، اسمع انا ما نرمين انا سيرين ،عشت معي كام شهر و صرت بتعرف شو يعني سيرين

فادي:شو يعني؟

ى كيف قلبي دقّ وقت اتطلّعت بعيونو ... حبيتو كتير و حبني كتير ... كان حب طاهر و نقي ... بس بليلة ما فيها ضوّ قمر ، غصبوني اهلي عالزواج من لطفي لي هو ابوكي ... ما بنسى كيف ضهرت من بيت اهلي لابسة ابيض و الدنيا سودا بعيوني ... و اسودّت اكتر وقت شفتو واقف من بعيد عم يتطلّع عليي ... كان قلبي عم يحترق ... و لليوم كل ما هاي النار عم تكبر جواتي ... ما بعرف ازا رح يجي يوم و احترق كلّني و موت ...

-قمر: سلامة قلبك امي ... ما كنت بتوقع بيوم من الايام اني اسمع هيك كلام منك ... ما كنت اتوقع كمان انك ممكن تكوني عشتي هيك شي ...

-امي: ما في انسان ما بيحبّ ... ما في انسان قلبو فاضي ... بكلّ قلب ، في قلب حدا تاني ساكن جوا قلبك ... حتى انا كنت متلك ... ما كنت بعرف شي عن الحب ... كنت اسمع كتيييير عنو ... كنت اسمع انو حب العيون عظيم كتييير ، بس حبي لعيونو كان اعظم ...

-قمر: معك حق ... انا كمان بقول متلك ... كنت بسمع انو الانسان بحب عيون حبيبو ... و هالشي عرفتو بس شفت زياد ... هلأ كل ما غمض عيوني بتخيّلن ... امّي ؟ يعني انا ما رح انسى زياد ؟

-امي: بكرا مع الوقت بتنسيه ... بس هو و ذكرياتو رح يبقوا مرافقينك للممات ... يمكن اوقات كتير ما اتفكري فيه و لا تتذكريه ... بس مجرد ما تسمعي بإسم ( زياد ) قلبك رح ينبض بالحب و كل ذكرياتك الحلوة معو رح تتذكريها ...

-قمر: بس في شي جواتي عم يقلّي انو بدي ياه ... مشتاقتلو كتير ... كيف هيك ؟؟؟ هيك الانسان بحب بهالسرعة ؟؟؟

-امي: اكتر من ما بتتخيلي ...

بقينا انا و امي سهرانين و عم نحكي لوقت مأخر كتير ... بعدين نمنا بدون ما نحسّ ع حالنا ....
بعد أذان الصبح بشوي ... اسمعنا حدا عم يدق بقوة و يخبط بإيديه التنتين ... فقت مرعوبة و اخواتي فايتين على غرفتي خايفين ... فاقت امي على اصواتنا و ابي من كتر ما متقّل شرب ما عم يفيق ....

-قمر: امي خليكي انتي و اخواتي هون و انا رح شوف مين عم يدق عالباب ...

-امي: طيب بس ما تفتحي قبل ما تعرفي مين .!!!!

قمت و لبست الروب عليي ... ضويت ضو واحد بأرض الديار و وقفت ورا الباب انا و خايفة ...

-قمر: مين ؟؟؟؟

-افتحوا الباب ....

-قمر: مين انتو و شو بدكن ؟

اسمعت وتوتة و كإنن عم يتهامسوا ....

-عم نقول افتحوا الباب و اذا ما فتحتوا الباب رح نخلعو و نفوت بطريقة ما بتعجبكن !!!!

الجزء الثاني || بقلم : ( رند محمد )
Telegram@rwayate
بعد ماحطيت فنجان القهوة .. اعدت ع الكنباية التانية ..
كان عم يتطلع فيني بشكل غريب .. نظرات عم تلامس قلبي بس برغم هالشي هاد انا مو طايقتو ..
تاني يوم رجعنا ع بيتنا .. كنت اعدة عك ادرس فجأة لقيت مسج منو ع موبايلي ..
كان عم يقلي فيها اليوم بدي شوفك ضروري ..
هلأ هو الو بالعادة هيك فصول و انا بالنهاية كافي شي يخليني اطلع شوفو .. اساسا مافي شي ضروري هو بيعرفو عني ..
لهيك قرأت المسج ومارديت عليها ..
قام اتصل ع تلفون الارضي ..
رديت و انا معصبة .. : شو بدك ليش عم تتصل
لؤي : روز تعي بسرعة انا ناطرك ناح جامعتك
روز : شوفي ليش ؟؟
لؤي : بس تنزلي بتعرفي ..
( رحت لهنيك .. طلع لؤي ناطرني هو و اختي ماريا .. و رعبوني ع الفاضي .. كل هالقصة هي طلعت بس مشان نتمشا سواا ) ..
انا عصبت كتير و انفعلت زيادة .. بس كل شي صار كان خير الي ..
بسبب طلعتي معهن كتشفت شي بوجع القلب ..
شفت 《 فادي 》 .. الشب يلي كنت حبو ..
Telegram@rwayate
شفتو كان واقف مع رفقاتو عم يضحك .. هو كان عم يضحك .. وقلبي كان عم يحترق ع ضحكتو ..
شعراتو كان الهوى عم يخليهن يطيرو ولمعة عيونو كانت بتوجع القلب ..
بدون ولا كلمة دمعو عيوني وصرن ابكي ..
لؤي سئلني شبك .. شووفي .. لهفتو كانت مابتنوصف ليعرف شبني انا ..
ماريا شافتو لفادي وعرفت شو يلي خلاني ابكي ..
اعدت ع طرف الرصيف و دموعي عم تنزل متل سيل ع خدودي ...
بعدين لؤي فهم القصة .. رجع لورا خطوتين ..و كأنو قلبو برد .. قلي قومي يلله ..
باللحظة يلي كنت متدمرة فيها من فادي ..
كانت لحظة قوة الي قدام الضعف والحزن يلي انرسم ع وجه لؤي ..
لملمت وجعي ورجعت ع البيت ..
حاولت انسا اللي صار .. و ارجع كأن بحياتي ماشفت شخص اسمو فادي ..
طلبت من امي تتصل ب ام لؤي وتعزما لعنا ..
كرمال اني غيير جو و اطلع من الكآبة يلي انا فيها ..
امي : والله غريبة .. انت عم تطلبي هالطلب
روز : اي امي والله منتسلا
امي : طيب هلئ بدقلن يجو يسهرو عنا ..
روز : اوك ..
Telegram@rwayate
لؤي ماتركني ابدا .. و رغم الحب اللي كان بقلبو لفادي و الدموع يلي شافا بعيوني بس ماتخلا عني .. ضل ساندني و عم يعاني معي ..
عم يتعزب مع حبو لوحدة بتحب غيرو ..
اجو لعنا المسا سهرنا و انا كنت غير قبل .. هي اول مرة بنفرد ومابكون انانية ..
قضينا وقت حلو ..
صرنا كل فترة انا و لؤي نطلع نتمشا و نتسلا ..
دائما كان يجبلي ورد احمر .. ويقلي الورد للورد ..
صار يتقرب مني بهدوء .. حسسني بالأمان ..
وبنفس الوقت حسسني بالكره لفادي ..
كمية الخوف والحنية من لؤي خلتني اكره فادي ..
بمرة من المرات بابا شافني انا ولؤي كنا عم نتمشى و معي ورد احمر ..
انا لما شفتو خفت كتير .. صح لؤي كان يجي لعنا ويشهر معنا ونطلع شوا بس ولامرة طلعت انا وياه لحالي .. دايما يكونو الكل معنا ..
رجع بابا عالبيت معصب .. و اول ماشافني صار يخانقني ويعييط عليي ..
بعدين توجه لعند ماما
و قلا : ليكي .. هالجماعة ماعد بفوتو بيتي نهائيا ..
امي : لك شوفي فهمني ليششش -؟
بابا : لانو لؤي مافيه ترباية .. فوتتو ع بيتي و عديتو بسعر محمد .. بس طلع مافي ناموس ..
فات ع بيتي و عم يطبق بنتي ويعشقا
روز : مو هيك القصة مو هيك .. كنا عم نتمشا وبسس مافي شي تاني من يلي ببالك ..
بابا : ماعد بدي اعرف انك عم تحاكي ابدا .. رقمو بتمسحيه و ازا بتشوفيه بالشارع مابتقليلو مرحبا الكن كلكن هالحكي فهمتووو لعمى !!
طلع من البيت وسكر الباب بصوت قوي ..
Telegram@rwayate
من بعد هاللحظة ماعد شفناهن ابدا ..
وكل كاتتصل ام لؤي بماما .. كانت امي تتهرب منها وماترد عليها .. لحتى انسحبت لحالا وماعد حكت ..
انا متعودة كتير ع لؤي .. ماقدرت بطل حاكييه
بس نحنا رفقات و اكتر ..
و علاقتي فيه كرفيق بابا فهما غلط ..
ومابقدر اتخلا عن رفيق وقف معي بالمصاعب والمتاعب ..
مر شي شهر ونحنا نحكي بالسرقة ..
كنا سهرانين .. وقتا كان الجو بارد .. و المطر عم يضرب ع شباك غرفتي .. برد بالجو وبرد بالمشاعر ..
بعدين خطرلي سؤال .. تجرأت وسألتو ياه ..
- لؤي ؟؟
- عيونو
- انت بتحبني ؟
[[ لؤي ضل شي خمس دقايق مايرد عليي .. بعدين اجا رد .. ]]
- آي .. بحبك
انتي عنجد عم تسألي هيك سؤال ..
حسيت بالفرحة يلي جواتو .. بس ماكان فيني قلو بحبك .. هو صح غالي عليي .. بس الوجع يلي بقلبي لسا ماطاب .. ومافيني اخدعوو
بعد شوي سألني و انتي بتحبيني ؟؟
كان متوقع قلو اي ..
بس قلتلو لاء .. نحنا رفقات وبسس ..
مابعرف ليش سألتو اذا بحبني .. ولا بعرف شو يلي صار ..
بعد هالقصة هي لؤي ماعد حاكاني وقف خطو ولغا الفيسبوك والواتساب ..
وضليت اربع تيام مابعرف عنو شي ..
رحت لعندو ع مكان شغلو ..
استقبلني وكأنو مو صاير معو شي ..
Telegram@rwayate
ابتسملي وقلي اهلين ..
و صار يضحك ويحكي عادي بس الدمعة يلي جواتو كانت باينة عليي .. ناطر كلمة ليبكي كتل الولد الصغير ..