#ابتلعت_جمراً #الحلقة_4#بقلم_رند_محمد@rwayate
بحر : اااااه لك امي خلص ببوس ايدك راسي رح ينفجر حاج تشدي شعري ااااه دخيلك يا امي
الام : الله لايوفقك حبي واحد مناسب ، لك والله لتخربي الدنيا والله العيلة لتقيم قيامتك .. الله ياخدك قبل ماتموتي ابوكي
—---------
تاني يوم رحت ع الجامعة لعند بحر وضليت استناها اكتر من تلت ساعات بس ما اجت ..
حملت حالي ورجعت ع البيت ، وبعد بيوم رجعت عملت نفس الشي رحت ستنيتا ناح الجامعة لحتى اجت و اخيراً ..
اخدتا ورحنا ع حديقة و اعدنا نحكي ..
وطت راسا وصارت تبكي وتقلي : رووح اختفي من ادامي .. مشان الله ماعد بدي انا رح موت والله
يزن : لا تبكي بحر لاتبكي خلص
بحر : لكك يالله شو اعمل حبيتك حبيتك ومن المستحيلات ائدر ضل
يزن : اخخخخخ و انا حبيتك كتير كتير
بحر : انت قبلان فيني و انا من غير دين ..
يزن : لك انا حبيتك مابهمني شو هويتك ولا بهمني مين عيلتك ولا بهمني دينك ، بتهمني نظرة التفائل يلي باخدا من البحر يلي بعيونك .. بتهمني شوفتك و انت مبسوطة والباقي مابهموني و انا مارح اتركك
بحر : بدي روح ع البيت تأخرت و عيوني صارو يوجعوني ..
يزن : بحر !! " بحبك "
بحر : و انا بحبك
—----------
فاطمة : شبك اخي صرلك من اول مافتت ع البيت و انت متسطح ماعم تحكي مع حدا
يزن : تركيني بهمومي
فاطمة : طوول بالك وكل الهموم بتنحل نشالله
—---------
بعد يومين رجعت شفتو ليزن بالحديقة نفسا اعدنا وصرنا نبكي سوا كنت موجوعة من قلبي حاطة راسي ع كتفو و ايدي بإيدو ..
فجأة بتلفت حوليي ئمت شفت فادي خطيب اختي ميلانا ..
قرب لعندي وهو كتير متفاجئ هون انا بعدت عن يزن ومسحت دموعي ، بعدين قرب لعندي فادي وقلي شبك ، شو صاير معك ...
دار وجهو لعند يزن وقلو كأني شايفك ، قام يزن قلو : الدنيا صغيرة بجوز ..
قاطعتون انا بسرعة و التلو لفادي : خلينا نروح ع البيت .. عنئذنك يزن
طلعت بالسيارة مع فادي و انا خايفة وعم ارجف كنت خايفة يكون شافو وعرفو ..
بعدين وصلني ع البيت وهو راح ..
—----------
ام بحر : يلله قومو انتي و اختك بدنا نروح ع الكنيسة عنا صلاة اليوم
بحر : انا مابدي روح
ميلانا : ليش مابدك شوعندك
بحر : خلصنااااا ايمة لاتبلشووو ..
لبسنا وطلعنا انا و امي و اختي كل الطريق كنت صافنة ومو طايئة احكي مع حدا فيهن
ونحنا ماشيين التفتت لورايي ئمت شفت يزن كان واقف عم يدخن ومسنود للحيط ، ما اتطلعت فيه درت وشي عنو بس امي شافتو تركتنا وقربت اتجاهو ..
بحر : امي وين رايحة !! تعي
ماردت عليي وضلت عم تمشي
بعدين لما وصلت لعندو اتطلعت فيه و التلو : سماع هالكلمتين يا بتنألع من حياة بنتي وبتختفي يا اما انا رح اخفيك و انهيك ، نحنا عيلة محافظة ومارح تجي تدمر عيلتنا انت ..
بحر : لكككك ماما شو عم تحكي امشي من هون يلله
سحبتا من ايدا واجيت بدي امشي ..
" يزن مسك ايد امي وقلا مارح اطلع من حياتا وبوعدك انو رح نكون لبعض اذا مو برضاكن بالغصب " ..
اخدتني امي من ايدي ورجعنا ع البيت ، سكرت الباب وصارت تضربني تضربني بئد ما الله عطاها قوة ..
بالعصاية ورمتلي جسمي وشدتني من شعري لحتى ماعد ادرت اتحرك .. كان بابا جاية من شغلو وفتح الباب قام سمع صوتنا عم نتخانئ ، ركد ع الغرفة بس قبل مايفوت سمع امي
وهي عم تقلي : لا بناسبك ولا بيزبط مع عيلتنا ولك حتى دينو غير دينك والله مايدرا ابوكي ليحرئك ..
هون بابا فتح الباب وقت شفتو فوراً غبت عن الوعي ، و امي تلبكت كتير ، ارب بابا لعندا وقلا شو القصة ..
قامت ماما حاولت تكزب عليه مشان مايدرا ، بس هو كان سمعان وعصب كتير ..
بابا : جانيييت رح تحكي ولا بقتلك انتي وبناتك شو صاير سمعت شو حكيتو
ماما : اي اي يلي سمعتو ، بحر بتحب واحد مسلم
انا كنت غايبة عن الوعي ، بس بابا صحاني اد ماضربني وكسرني لما عرف ..
حبسوني بغرفة لحالي ع العتمة بدون ضو وبدون موبايلي وحرموني من الجامعة ..
ماعد ادرت اعرف شي عنو ليزن
—------—
كنت طالع من الجامع بعد صلاة العشا فجأة التقيت بـ فادي خطيب اختا ل بحر كان طالع من محل الاكل يلي جنب الجامع اجا وجهي بوجهو كنت رح سلم عليه ..
وقت شافني طالع من الجامع انصدم ارب لعندي واتطلع فيني بعدين ركب سيارتو وهو معصب ومشي بسرعة ..
—---------
ميلانا : امي صرلي تلت ساعات عم اتصل بـ فادي وماعم يرد عليي والله خايفة يكون صاير معو شي
امي : لا بكون مشغول ، معلش لاتزعجيه
ميلانا : خليني فوت لعند بحر شوي حرام
امي : روحي شوفيا وطلعي بسرعة قبل مايجي ابوكي اوام بنتي ..
" اخدت مفتاح الغرفة ورحت لعند بحر فتحت الباب وفتت ، شفت بحر عل ارض وغايبة عن الوعي كأنها ميتة صرخت بصوت من صميم قلبي "
ميلانا : امييييييييييييييييي
—---
يتبع ..