تركتها و انا عم ابكي و روحت عالبيت ما بعرف ليش بوقتها حسدتها لأم اشرف عالحب اللي حصلت عليه من زوجها رغم انو هاي الأشياء ما بتهمني ما بعرف بوقتها شو صرلي و نمت و انا عم فكر بقصتها صحيت من النوم و رحت عالجامعه لقيت عمر عم يستناني على باب المحاضرة قرب مني و صبح علي
عمر:صباح الخير سارة
سارة:اهلين صباح النور
عمر:اسمعي سارة انا بوعدك من اليوم ما عاد لاحقك أو أسأل عنك و رح أحاول اني خليكي ما تشوفيني و انا اسف اذا ازعجتك مع السلامه
ما بعرف ليش بوقتها حسيت حالي عم بخسر شي مهم بحياتي شي انا بحتجله بس لأ انا ما بحتاج لعمر و ما بحتاج للحب مرقوا باقي الأيام و ما كنت عم شوف عمر أو حتى المحوا بأي مكان ما بعرف ليش حسيت حالي عم اشتقلوا بدي شوفو يالله شو اللي عم يصير معي ما بعرف ما بعرف و أجى يوم الخميس و رحت على المركز كان بغرفتها لام أشرف بنت و عم بتضبلها بغراضها بوقتها رحت لعند أم أشرف و سألتها شو عم تعمل قالتلي هاي بنتي اللي قلتلك عنها لما عرفت اني هون اجت لتوخدني عندها على دبي و بوقتها حضنتها لام اشرف
سارة:رح اشتقلك كتير
أم اشرف:و انا كمان ديري بالك على حالك حبيبتي و شكرا على كل اللي قدمتيلي اياه
سارة:ما تقولي هيك هاد كان واجبي
أم اشرف:و هلأ انا لازم روح مع السلامه و شكرا مرة تانيه
سارة:ما رح توصيني على شي قبل ما تروحي
أم اشرف:اسمعي يا بنتي نصيحتي لا ادوري على الحب هو اللي رح يجي لعندك و إذا اجا لعندك لا تخسريه
و مشت أم أشرف و تركتني لحالي عم فكر بكل كلمه قالتها و بوقتها حسيت حالي قديش انا محتاجه لعمر و محتاج للحب اللي قدملي اياه بدون مقابل و بوقتها رنيت عليه و بأقل من 10 ثواني رد علي متل الملهوف
عمر:سارة انا عمر متأكدة انك مو غلطانه
سارة:عمر اسمعني مو قلتلي انك مستعد تيجي تطلبني بالوقت اللي بناسبني و انا بدي إياك تيجي تطلبني بكرة
عمر:سارة انت شو بتقولي انت اكيد عم تمزحي
سارة:لا انا ما عم أمزح و يلا وافق قبل ما غير رأيي
عمر:لك طبعا موافق ما صدقت متى اسمع هالخبر الحلو بس ما بدك نتعرف على بعض بالاول
سارة:لا ما بدي بدي تبقى علاقتنا طاهرة و نقيه متل ندى و حسام و كل شي يتم بالحلال و منتعرف على بعض بالخطبه إن شاء الله
عمر:و انا موافق و انا هلأ اتاكدت اني اخترت البنت الصح بس مين ندى و حسام
سارة:رح قلك بكرة تصبح على خير
عمر:سارة انا بحببببك
سارة:خلص عمر بكرة بتقلي كل شي بدك اياه
عمر:اوك مع السلامه
ما بعرف ليش سكرت مع عمر و السعاده عم بترفرف بقلبي و عم استنى بكرة ليجي ادعولنا كل شي يتم على خير...
#انتهت