📚قصص||روايات||منوعة📚

سارة : دكتور شوي و برجع ..

مشيت خطوتين وشفتها اختفت من قدامي ..

رجعت لعند ليث و وقفت على الباب

سارة : عفواً دكتور كنت مستعجلة شوي ..

د.ليث : شو في خير ؟

فتت وقعدت عالكرسي : عنود شكلها حكت للمدير عني ، في شي غريب عم يصير بالمستشفى .. وفي حدا عم يلاحقني ما بعرف مين هو .. و كمان

قبل ما كمل حكيي قاطعني

د.ليث : روقي روقي .. لا ما بظن لان بالاجتماع دكتور عبدالله قلنا انو هاد اجراء روتيني للحفاظ على امان المستشفى ما اكتر

سارة : ما بعرف .. صايرة عم شك بكل شي ..

د.ليث : قلتلك ما تدخلي بموضوع لين

سارة : ياريتني سمعت حكيك .. ياريت

د.ليث : بسيطة ان شاء الله رح ريحك على بكير

سارة : عفواً دكتور ما سمعت ؟

د.ليث : اه ؟ لا ما مهم .. ما قلتيلي ايمت فيني زوركن ؟

سارة : ايمت ما بتحب

د.ليث : اليوم الأثنين .. بصير الأربعاء ؟ يعني بعد بكرا

سارة : ياريت تخليها الأحد لان بدنا نجهز حالنا لاستقبالكن

د.ليث : لا لا ما بدي تكركبو حالكن .. الموضوع رح يكون بسيط جداً

سارة : ممم طيب متل ما بتحب

طلعت من عندو ورجعت دور على عنود وما لقيتها .. سألت بيسان عنها

بيسان : شو بعرفني انا ؟ بعدين النا فترة طويله ما منحكي هلأ بس بدك مصلحة جيتي تسأليني ؟

سارة : بيسان خلص مو متحمله حالي ها ..

بيسان : انتي عملتي بحالك هيك ، انتي ما عدتي سارة الي منعرفها مو هيك زهرة ؟

زهرة : مزبوط .. تغيرتي كتير يا سارة

سارة : لك شو عم تخبصو انا ما عم اعمل شي غلط الدكتور ليث بدو يخطبني بشكل رسمي

بيسان : والله حلو ريتو الف مبروك بس لو تنازلتي وخبرتينا بس

سارة : خلص ولو جننتوني الي فيني مكفيني ..

قمت وطلعت وتركتهن ولحقتني زهرة

زهرة : سارة استني بدي احكيلك شي بعتقد انو بيهمك كتير

سارة : ما بدي اسمع شي اتركوني بحالي

زهرة : لك سارة .. مجنووونة

ضليت كل الدوام و طول المناوبة قاعده لحالي .. وكل شوي اتصل على البيت اتأكد انو سوسن بالبيت وما طلعت لان بالنهاية هي مراهقة ممكن ما تسمع كلمتي منيح

خطرلي روح شوف الدكتور ليث .. حسيت حالي بحاجة احكي معو .. عملت كاستين قهوة و رحت على مكتبو .. لقيتو مسكر الباب ..

حطيت الكاستين من ايدي و دقيت الباب وما حدا رد

سارة : ممم يمكن نايم .. خليني افتح الباب ..

حاولت افتح الباب ولقيتو مقفول من جوا .. غريبه !! مع انو ما مسموح تنقفل المكاتب والغرف ابداً تحت اي ظرف
تطلعت حوالي لشوف ازا حدا انتبه علي انو حاولت افتح الباب وكان مقفول

سارة : ليش الباب مقفول !! ازا حدا عرف رح يعملولو مشكلة .. يمكن كان تعبان ونام .. خليني اتأكد ازا المدير مشغول رح اتركو نايم
وازا صاحي و رح يعمل جولة مفاجئة رح ارجع وصحيه

مشيت وانا عم اتلفت حوالي وعامله حالي عم اتمشى ..

و صار مكتب الدكتور عبدالله قدام عيوني .. كنت بدي قرب اكتر ..
بس ما شفتو الا فتح باب المكتب وطالع منو وهو عم يحكي على التليفون .. انرعبت كتير و فتت بالممر الي كان جنبي مشان ما يشوفني وسمعتو وهو عم يحكي

د.عبدالله : انا قلتلكن ما بدي دم .. اتفاقنا كان نحل الموضوع بدون قتل ... لا لا .. استنا انا طالعلك .. خليك مكانك

كان مستعجل وضلو ماشي .. وانا بس سمعت حكيو طار عئلي .. ما قدرت امنع حالي الا اركض وراه والحقو

طلع من المستشفى .. وما راح على سيارتو ..

لف من الجهة اليسار بهي الجهة في جنينة صغيرة تابعه للمستشفى فيها شجر و ورد .. كانت الدنيا عتمه كتير

لحقتو .. و كنت رح موت من الرعبه .. و وقفت بعيد شوي ..

فات هو على الجنينة .. و وقف وكان في شخص تاني عم يستناه .. وعرفتو من صوتو ..

فادي: رحت كذا مرة عالمول ما شفتك
سارة :انا معطلة هالشهر عم قدم امتحانات
فادي: ايوا ببالي مرضانة او في شي , الله ينجحك
سارة : الله يسلمك شكرا على اتصالك
فادي:......
سارة : كيفك انت؟
فادي: انا لحمدلله
سارة : و كيفا نتالي و الاولاد؟
فادي: لحمدلله بخير
سارة :امم طيب ماشي بشوفك , دير بالك على حالك
فادي: و انت كمان, الله معك
سكرت الخط و ابتسمت
سارة : ولله و علقت الصنارة اسرع من المتوقع
قدمت امتحاناتي و رجعت داوم بالمول بعد باسبوع انا و عم بيع زبون , لمحت حسام فايت و معو وحدة , وقفت جمدت بارضي لنكشني سعيد
سعيد: شبك ..الزبون ناطر
سارة : ايه ايه
مشيت الزبون و حسيت راسي فتل , دورت عليه بعيوني ما لقيتو , بعد ربع ساعة شفتو جاي باتجاهي و معو الصبية نفسا , كانت طويلة و ضخمة شوي , و شعرا اسود و لون بشرتا حنطية , ما كانت حلوة كتير بالنسبة لحسام , وصل لعندي و انا قلبي وقع و خفت يبين الارتباك علي حتى سعيد انتبه علي و قلي شبك
سارة : ولاشي تعا اوقف محلي و مشي هدول
خفت يرجفوا ايدي انا و عم ضبلن الاغراض قعدت على الكرسي ورا سعيد انا و عم نقل نظري بين حسام و الصبية يلي كانت معو و توقعت انها خطيبتو بس وقت شفت المحابس بايدين اليسار عرفت انو متزوجين , اطلع علي نظرة حسام و ما عرفني يمكن بعد ما غيرت لون شعري ,كنت عم خبي حالي ما بعرف ليش , حسيت حالي جبانة و ضعيفة كتير لواجهو , بس في شي جواتي رفض هالشعور , قمت وقفت و قربت لجنب سعيد انا و عم اتصنع الابتسامة بجدارة
سارة : بدك سعيد مساعدة ؟
اطلع فيني حسام مصدوم كانو شاف شبح قدامو ,ساعدتو لسعيد بضب الاغراض و ناولتو اياهن لمرتو
سارة : تفضلي مدام اهلا و سهلا
تناولت الاكياس من ايدي و حسام واقف متلبك و طلع من المول و هو عم يتلفت علي , حسيت بارتياح داخلي بعد ما بينتلو اني قوية و ما تلبكت من شوفتو هو و مرتو و لا كانو فرقت معي بس من جوا كان قلبي عم يعتصر من القهر و الوجع و زاد حقدي عليه و على السبب بيلي حرمني السعادة و حرمني كون محلا لمرتو ,كنت ناطرة طلة فادي بفارغ الصبر , و اول ما شفتو رحت لعندو بحجة انو بدي ساعدو
فادي: كيف قدمتي؟
سارة : منيح ماشي الحال , شكلي رح احمل مواد كتير هالسنة
فادي: شغلك بالمول اثر على دراستك
سارة : أي ولله كتير بس شو بدي اعمل مضطرة
فادي: اذا بدك بشفلك شغل تاني بدوام اقل و مريح اكتر
سارة : لا مرتاحة هون بكفي شوفتك
فادي(مبتسم):....
سارة : احذر مين اجا من يومين لهون ؟
فادي: مين ؟
سارة : حسام و مرتو
فادي: بالله , صح قالو من يومين انو بدن يمرو يشترو كام غرض و يشوفوا لمول الجديد
سارة : بس ما تفهم كلامي غلط , ما صدقت انو يلي جنبو بتكون مرتو
فادي: سمر؟ ليش شبا؟
سارة : ما مناسبة ابدا , اضخم منو , كنت متوقعتلو ياخد وحدة غير هيك و خاصة انو هو ذوقو صعب و ما بيعجبو شو ما كان , بتقربلو يعني ؟
فادي: لا سمر بتكون رفيقة مرتي
حطيت ايدي على تمي لاداري ضحكتي , انتبه علي
فادي: ليش عم تضحكي؟
سارة : ما بقدر احكي
فادي: عادي احكي
سارة : هلا المرة الحلوة مضرة بالصحة بس ولله حرام , مرتك ما بتحب تشوف حدا احلى منا , بتغار كتير
فادي: ......
سارة : ولله بعتذر ما قصدي اغلط عليا عن اذنك
تركتو و رجعت لمحلي , انا و عم لاحقو بنظراتي و هو كان يطلع علي كل شوي , حسيت حالي رميت فاتوشة رح تولع بين فادي و نتالي او يروح يقول لحسام انا شو قلت عن مرتو ,اجا فادي حط السلة عنا
فادي: مازن هون ؟
سارة : ما بعرف , شفتو شي سعيد انت اليوم ؟
سعيد : لا شوفو اذا بمكتبو
فادي: طيب رح اطلع و اترك الاكياس هون
سارة : رح خلي سعيد يحطلك اياهن بالسيارة
فادي: طيب
طلع فادي و نزل بعد شوي , ما كان مازن فوق , شكرنا و هو طالع , نطرتو ليطلع بسيارتو و طلعت وراه انا و حاملة كيس معي كنت قايمتو على جنب
سارة : فادي .فادي
.............................

سارة : كنت اشتغل عندو بالشركة و تركت الشغل
ام سارة : ليش تركتي ؟
سارة : هيك ما ارتحت , اذا رجع سال قليلو.....قليلو ...انو سارة توظفت بمحل البسة
ام سارة : طيب بس انا حسيتو محترم فات قعد و شرب قهوة و سالني اذا عم تنامي هون الا بالسكن
سارة : و انت اكيد اخدتي و اعطيتي معو , تاني مرة ما بتفوتيه
ام سارة : طيب طيب
انا و عم احكي مع امي رن موبايلي , كان رقم فادي , ما رديت عليه , انتبهت علي امي تغيرت ملامحي تركتني و طلعت حتى رد بس انا ما كنت حابة رد , بعتلي مسج
فادي: ردي اذا بتريدي
رن كذا مرة , ما رديت عليه , قفلت الموبايل و شلحتو تحت المخدة , على الساعة 100 بالليل رن جرس بيتنا ما قمت فتحت لانو توقعت من ضيوف امي , بعد دقيقتين انفتح باب الغرفة و شفت امي و وراها فادي
ام سارة : تفضل
فادي : شكرا الك
فات و سكر الباب وراه , انا كنت بعدني قاعدة على التخت مصدومة بوجودو
فادي : كيفك ؟
سارة : كنت كتير منيحة قبل بخمس دقايق
فادي : ليش ما عم تردي , ما حلو هالتصرف ابدا كتير مولدن , و غيرتي رقمك و اختفيتي او بالاحرى هربتي من المواجهة بدون ما تتركيلي فرصة لاحكي و لانت تسمعي
سارة : تفضل عم اسمع
فادي :ما انا يلي بعتت نتالي لعندك على المول , بسمة شافتك بالصدفة و خبرت كل العيلة اما حسام انا فعلا بعتو بس ما توقعت تحتكي انت و اياه و يحكي معك بهالطريقة , انا بعتذر نيابة عنو بس انت ما بصير تتركي الشغل بهالطريقة , طلعتي حتى بدون ما تخبري لؤي
سارة : ما كان فيني ضل بعد ما اخوك هاني
فادي : كنت خبريني و انا بتصرف
سارة : ما في مشكلة انا تعودت انو ما بيجي من طرفكن الا الاهانة
سحب الكرسي و قعد قبالي على التخت
فادي : طرفنا ؟ شملتي الكل بكلامك , نكرتي وجودي جنبك اول مرة و تاني مرة و هلا جيتي لهون كرمالك
سارة : فادي انا صرت بعرف اسلوبك جاي تقنعني ارجع على الشغل كرمال ارجع اتبهدل مرة تانية
فادي: لا ما جاي قلك ارجعي على الشغل انا جاي لقلك الشي يلي ما قبلتي تسمعيه و فهمتيه غلط
سارة : كلك ذوق ....
سكتت وقت فاتت امي و حامل صنية القهوة , ضيفتو لفادي
فادي : يسلمو
طلعت و سكرت الباب و انا كنت بعرف انو عم تتسمع على الحكي
سارة هاي سمعتك و عذرتك , شكرا الك ما كان في داعي تغلب حالك و تجي لهون
فادي : عادي , بكرا بتاخد رجلي اذا كل ما دقتلك و ما رديتي
سارة : ما عاد في اتصالات بيني و بينك , لانو ما عاد في شغل و ما فاضية هالفترة خطبتي بعد اسبوع
فادي : ولله لمين انخطبتي؟ ما تقليلي لسعيد يلي كان يشتغل معك بالمول
سارة : صح هو نفسو
فادي : لهل الولد !
سارة : اخوك هو الولد اما هيدا يلي ما عاجبك بيعرف كل شي عني و رغم هيك ما بيخجل او بيستحي و ما عندو مشكلة
فادي: و هلا انا لازم صدق هيك حكي يلي طلع فجاة بهاللحظة , يعني لو تاخرتي شوي كنت جيت لقيتك متزوجة و عندك اولاد
سارة : على راحتك , ما مطلوب منك تصدق , المطلوب انو تبعد انت و أي حدا من عيلة الادهم من طريقي
فادي :انا يلي اتصلت فيكي ولا انتي ؟ مين يلي طلع بطرق التاني ؟
سارة : انا , انا يلي قصدك لتساعدني و انا توددلك و كانت نيتي عاطلة اتجاهك و كنت بدي اقهر مرتك و اخوك بنفس الوقت و انت كنت الطعم متل ما قلت بس بعدين حسيت حالي عم استهلك طاقة و مجهود ما بمحل .......او قلك شي .....ما بقا بدي كذب و لف و دور ......انا فعلا كانت نيتي اتجاهك هيك بالاول بس بعدين انت .....انت فعلا عجبتني و ما بقا فكرت لا باخوك و لا بمرتك بس برافو عليك قتلت كل شعوري اتجاهك ب لعبك باعصابي , بالاخير انت متزوج و عندك اولاد و انا من حقي يكون هيك شعور اتجاهي و ما رضيت فيني لاخوك حتى ترضاني الك
حط الفنجان على الطاولة , و مسح وجهو بايدو بتوتر بعدين حك دقنو , انا وقفت حكيي لانو حسيت حالي بلشت تعفيس بالحكي و بلش صوتي يرجف
فادي: ايه؟
سارة :......
فادي : شبك سكتي, كملي
سارة : خلصت
ضل قاعد ساكت و عم يطلع فيني و انا حطيت عيوني بالارض و عم ارجع عيد شو حكيت بيني و بين حالي
فادي: طيب بما انك كنت صريحة معي انا رح كون صريح اكتر, انا فعلا بعتت حسام على المول اول مرة مع مرتو عن قصد و بعتو تاني مرة على المعمل لتشوفيه و تحتكي معو و اعرف مشاعرك اتجاهو اذا بعدك بتحبيه و رح تتاثري او لا
سارة : وشو .....
فادي : بعرف شو رح تقولي
زاد توترو اكتر
فادي : انا خفت تكوني بعدك بتحبيه و عم تلعبي فيني....كنت بدي اتاكد بس
سارة : و شو طلع معك ؟
فادي : ما طلع معي شي
سارة و ليش بدك تتاكد؟
فادي :..انت هيك عم تحاصريني اكتر , انا ما رح انكر سارة انو انا صرت عم فكر فيكي كتير بالنهار بالشغل و بالليل قبل ما نام و بشتاق لشوفك و برتاح وقت شوفك و عم حس معك ي بحياتي ما اختبرتو من قبل , حتى حاسس حالي متل المراهقين ..شغلتيلي تفكيري و عجبتيني و حبيت للحظة انو تكوني الي بس .....

سارة : بس صعب كتير , انت متزوج و انا كنت رح كون خطيبة اخوك و رح توقع بمشاكل كتير مع اهلك و فوق كل هيدا اانا ما بناسبك , صح , هيدا يلي بدك تقولو
فادي: لا لا ما هيدا يلي كنت بدي قولو مع انو فكرت فيه بس ما اخد من تفكيري كتير انا كبير و واعي و بعرف شو بدي و كيف اخد يلي بدي اياه بدون ما اسال على راي حدا , بس كنت بدي قول انو كان يلي موقفني عن أي خطوة هو انت و انو ما تكوني عم تبادليني نفس الشعور
سارة : .........
فادي : ما عندك تعليق على هالحكي ؟
سارة : عندي ايه تزوجني
.........................................

جمال :رح قلك مين اسوا منك , يلي من شاب لشاب و ماضيها وسخ بس بالاخير بتتزوج و بتكمل حياتا طبيعي ولا من شاف و لا من دري و انت ما عندك ماضي , انت نظيفة هيدا اهم شي
سارة :لكن ليش حسام ما قبل فيني ؟
جمال : يصطفل هو ما قبل بس غيرو بيقبل متل ما فادي قبل مثلا بس انت اساتي الاختيار ,و انا وقت حكيت لنتالي ما توقعت تروح تحكي لزوجا و زوجا يحكي لاخوه و تصير كل هالقصة , وقت حكيت ما كان عندي نية ابدا انو خرب خطبتك من حسام لانو قلت انت بجوز غير امك و ندمت ليش حكيت , كان المفروض ضل ساكت , عم حس حالي انا السبب المباشر ورا كل هالقصة و انت بنت مسكينة و ما بتستاهلي هالشي
سارة : ...........
جمال : طيب انا رح روح هلا , ارجعي على جامعتك و على دراستك و خليكي هالفترة هون و اقبلي مني انو ساعدك بس لبين ما تلاقي شغل و تعتمدي على حالك
سارة : شكرا كتير ما في داعي انا بدبر حالي
جمال : معلش اعتبرين تعويض عن الاذى النفسي يلي عملتلك اياه
طلع من عندي جمال و انا رحت غسلت وجهي و شربت مي بعد هالرعبة , و قعدت فكر بحكيو و شو لازم اعمل اقبل مساعدتو الا لا ,رجعت داوم الفصل التاني سنة تالتة و ما عاد رجعت شفت جمال ابدا بس كان ببداية كل شهر يبعتلي ظرف فيه مصاري اكتر من احتياجاتي و شي قسمو لدراسة و شي مصروف بيت و مواصلات و يلي بزيد كنت انزل اتسوق لانو كانت متعتي السوق و اللبس , اما فادي ما بقا رجعت شفتو بهديك الفترة , قلي سعيد انو شافو كذا مرة بالمول هو و مرتو و اولادو عم يتسوقو , ما بعرف شو حسيت , فرحت و زعلت بنفس الوقت , فرحت لانو رجع لعيلتو و حياتو الطبيعية و زعلت لانو حسيتو نسيني و انا بعدني عم فكر فيه و اتذكر ايامي معو ,قدمت الفصل التاني و رفعت كل موادو بس بقيت بالسنة نفسا تراكم مواد فصل اول و سنة تانية ,ضبيت تيابي و قررت ارجع على بيتي يلي تركتو شهور ,اتصلت بجمال لاعطيه خبر
سارة : انا رح فضيلك البيت بكرا
جمال : ليش؟ في شي ؟
سارة : لا بس خلص حاجة , فادي رجع لعيلتو و انا صار لازم ارجع على بيتي
جمال :طيب ماشي متل ما بدك , اعملي يلي بريحك , كيف دراستك ؟
سارة : منيحة
جمال : صرتي رابعة ؟
سارة :لا بعدني تالتة
جمال : يلا شدي حالك
سارة : اكيد شكرا كتير الك على البيت و المصاري
جمال : الظرف رح يصير يصلك على بيتك
سارة : لا , هلا بلشت الصيفية و رح اعمل جهدي لاقي شغل
جمال : طيب بس اذا رجع فادي لعندك شي خبريني
سارة : ماشي شكرا مرة تانية بيباي
رجعت على بيتي و عزلتو و استقريت فيه و نزلت دور على شغل , لقيت شغل بشركة البان و اجبان , كان بدن محاسبة , كان الراتب ما كتير مقارنة بكل شي رواتب اخدتن من قبل لهيك كنت اقتصد كتير بالصرف , بعتلي جمال اول شهر ظرف مصاري بس ما قبلتو و رجعتو مع الشاب نفسو و قلتلو خبرو انو سارة لقت شغل , بعد شهر كنت داخلة على مكتبي الساعة 8 الصبح , شفت جمال واقف مع رجال و عم يحكي و ياشر بايديه برا معمل اجبان و البان و كانو باقي العمال عم يحملو شحنة كبيرة , تفاجات بوجودو هون ,ما عرفت روح سلم عليه او اعمل حالي ما شايفتو حتى انتبه علي , دقق فيني شوي كانو عم يتذكرني , نزلت راسي و فتت فورا,بعد ساعتين عالعشرة, فات هو و صاحب المعمل ابو فؤاد
جمال: هاي انت , ما عرفتك اول ما شفتك

سارة :و هيك صار بس انت شبك , في شي , انا ما مرتاحة من اول ما طلعت , كانك لحقتا لرغد

سعيد: ايه و ياريت ما لحقتا

سارة : ليش شو صار؟

سعيد: طلعت رايحة تشوف واحد

سارة : عنجد رغد ؟طب بلكي رفيقا , هاي انا و انت رفقات

سعيد: سارة شفتا بعيني قرب باسا من خدا وقعد جنبا و لفا و وقت طبيت عليا بالمطعم,تغير لون وجهها و ما عرفت شو ترد حتى الشاب صار يطلع فيا كانو بدو توضيح عن هويتي

سارة : ايه؟

سعيد:علقت انا و اياها و الشاب انسحب فورا و بدل ما تقلي انو ما في شي بيناتنا قالتلي عم تتجسس علي و صارت تعيط علي و عملت الحق علي و تركتني و راحت , انا كان حاسسني قلبي من اتصالاتا الكتيرة و ساعة بتقلي امي و ساعة بتقلي بيي, حاسس عقلي رح يوقف , رغد تعمل فيني هيك , لك بحبا اكتر من حالي عم احرق حالي كرمالا

سارة : انا مصدومة متلك

فادي: مسالخير

دخل فادي و حامل بوكيه ورد و علبة شوكلا , قرب علي سعيد
سعيد:شو جابو هادا, ما خلصتي منو

سارة : ما عم اخلص

سعيد: اسمعي انا ولامرة بحياتي ادخلت بحياتك الخاصة لانو ما من حقي بس لهون و خلص , انت اضعف من انك تحطي حد لهل المهزلة و هلا رح صب كل غضبي عليه

قام وقف سعيد و اطلع بفادي

سعيد: الدكتور مانع الزيارات للمريضة كرمال حالتا النفسية

فادي: انا هلا حكيت مع الدكتور و ما قلي هيك شي ابدا

سعيد: انا عم قلك هالحكي مني لانو بعرف نفسيتا حساسة كتير و ما حابة تشوف حدا منكن لا انت و لا خال مرتك

فادي: مين نصبك

رفع الحرام عنو و قام فتح الباب
سعيد: ايه

ام سعيد: ابني وين تارك عروستك من اول ليلة , بقلك ابوك روح لعندا هلأ

سعيد: امي دخيل الله رح اقتل حالي منكن , اتركوني ارتاح

ام سعيد: سعيد الله يرضى عليك بس هالليلة , احسن ما يجي ابوك و يغصبك , بتعرف عقلو ،هاي بنت المرحوم عمك ماجد

قمت من عن التخت و رحت لعندن على الباب

سارة :روح

التفت علي سعيد باستغراب

سارة : خلص روح ما في مشكلة , ببقى لحالي الليلة احسن ما نام بالذريبة

سعيد: سارة !

سارة : انا واثقة فيك

طلع سعيد هو و امو و انا سكرت الباب و وقفت وراه ابكي , صح كنت واثقة بسعيد انو ما رح يقرب على بنت عمو بس كنت مقهورة من جوا انو صار في وحدة عم تشاركني اسم زوجي , انقهرت انو اخدت لقب الزوجة الاولى , ما نمت ابدا هديك الليلة انا و عم ابكي احيانا و اتقلب احيانا حتى طلع الصبح وما شفت سعيد جنبي , كان بعدو عند نظييرة , قمت غسلت وجهي و غيرت تيابي و طلعت من الغرفة , انا و عم سكر الباب , طلعت قبالي صبية تقريبا من عمري , قصيرة و نحيفة و عيونا صغار مكحلين و وجها ناعم و شعرا بني غامق متوسط الطول , اطلعت فيني نظرة غريبة و بعدين قربت لعندي

نظيرة : انت ضرتي ؟

سارة : انت يلي ضرتي

نظيرة : سعيد الي و كل ناس بتعرف انو الي بس انت دخلتي على الخط و اخدتي شي ما الك , احسن لكرامتك انو تنسحبي و ترجعي لمحل ما جيتي

سارة : وينو سعيد ؟

نظيرة : جوا عم يتحمم, من شوي لفقنا

شديت على اعصابي و جيت لاقطعا و فوت شوفو , مسكتني من ايدي و رجعتني لورا

نظيرة : لوين رايحة ؟ هاي غرفتي و ممنوع تفوتي عليا

سارة : بدي اتاكد اذا سعيد بالحمام متل ما عم تقولي بس انت وحدة كذابة و بدك توهميني انو قرب عليكي , سعيد ما بحبك و انجبر انو يتزوجك

نظيرة :هههههه صدقتي يا روحي ، ما في حدا بينجبر هالايام على شي و خاصة سعيد

رجعت لغرفتي و انا معصبة كتير و عم افرك بايدي , بقيت بغرفتي لاجا سعيد , اول ما فات صبيت كل غضبي عليه

سارة : صباح الخير يا عريس

سعيد: لا اله الا الله

سارة : نعيما كنت عم تتحمم

سعيد: اتحمم؟ سوفي شعري مي الا لا

طلعت على شعرو كان ناشف

سارة :سعيد انا اذا بضل هون رح جن , بدك تلاقيلي حل

سعيد: عم اسعى, خلينا ننزل نفطر

نزلت انا و سعيد على الفطور , كانو قاعدين على الطاولة ابو سعيد و ام سعيد و نظيرة قاعدة على كرسي من يمينا و يسارا فاضي

ابو سعيد : سعيد تعا اقعد هون

راح قعد سعيد جنب ابوه و جنب نظيرة و انا وقفت ما عارفة وين بدي اقعد

ام سعيد: سارة تعي اقعدي جنبي

رحت قعدت قبال نظيرة يلي كانت عم تطلع علي نظرات خبيثة و تتمايل متل الحية , حسيت منافستي كتير قوية و ما رح اطلع من هون بالامر السهل

ابو سعيد: طعميا لعروستك

سعيد: بتاكل لحالا

ابو سعيد: عمي نظيرة كلي ما تستحي هيدا بيتك

نظيرة : الله يطول بعمرك عمي و يخليلنا اياك

ابو سعيد : شدو الهمة بدنا نفرحلكن بولد عن قريب

لعيت نفسي و حطيت أيدي على تمي و قمت عن الطاولة بسرعة و ركضت على الحمام لاستفرغ , لحقني سعيد

سعيد:شبك

سارة : ما بعرف تعبانة ....

غسلت وجهي و حسيت حالي انو عم بلش افقد توازني

سارة : سعيد حاسة حالي رح اوقع

حملني سعيد و طلعني على الغرفة , بعد ما تسطحت , صرت احسن

سعيد: رح جبلك كاسة لبن

سارة : ما بدي شي , نفسي عم تلعي

قعد جنبي سعيد هو و عم يضحك

سعيد: دبدوبتي لتكوني حامل

سارة : حامل !....ما بعرف

سعيد: و كيف بدنا نعرف ؟

سارة : في اختبار بالصيدلية ببين فورا

سعيد: طيب رح ابعت جيبو, انت خليكي مرتاحة , رح جبلك كاسة عصير

قبل ما يطلع , وقف على الباب هو و عم يضحك

سعيد:رح يصير عنا كتكوت صغير

سارة /مبتسمة /:لسا لنتاكد

نزل سعيد و بعد ربع ساعة طلع هو و امو , كانت علامات الفرحة واضحة على ملامح ام سعيد بس عم تحاول تخفيا , اخدت الاختبار و طبقت التعاليم و طلعت من الحمام انا و ماسكتو بايدي و عم انتظر النتيجة , بعد اقل جزء من الثانية ظهر خط احمر تاني, كان واقف سعيد جنبي

سعيد:شو يعني هيك؟

سارة : يعني انا حامل

سعيد:يا عمري

لفيتو لسعيد انا و مبسوطة و عم اضحك , للحظة نسينا كل شي عم نمر فيه , نزلت ام سعيد فورا لتخبر ابو سعيد , حسيت ممكن هالولد يلي بدو يجي يغير من مجريات الواقع بس ما تغير شي و حتى ام سعيد يلي كانت فرحانة اختفت فرحتا فجاة ,كان كل يوم عن يوم عم يزيد الوحام علي و التعب و صرت نادرا لانزل لتحت او حتى التقي بنظيرة , بقيت بغرفتي و سعيد معظم الاحيان عندي , بعد اسبوع من حملي , كنت عم افطر لحالي على التخت , اندق الباب و فاتت عندي نظيرة ببرودة اعصاب هي و عم تضحك

الجزء الحادي عسر
@rwayate

راجت نظيرة و تركت الباب مقفل علي , اتصلت بسعيد كان خطو مقفل , رجعت على التخت و بقيت لحالي عم صارع الموت و عم نزل الولد يلي ما طبق االاربعين يوم و لا اكتملت فرحتي فيه , على الساعة 3 الضهر انفتح الباب , دخل سعيد

سعيد : سارة شبك قال بطنك عم يجعك

سارة : وين رحت و تركتني

سعيد: كنت مع ابي عم يفرجيني شقق سكنية بدو
سارة : الولد نزل /تبكي / نظيرة حطتلي شي بالاكل و قفلت علي الباب , توجعت و نزفت كتير انا و عم ناديلك و انت وين رحت

سعيد:.....

سارة : انا بكرهن و بكرهك الك تركتن يستفردو فيني , انت تركتن يعملو فيني هيك

سعيد: سارة شو عم تحكي معقول انا خلين يعملو هيك ارتاحي راجع

نزل سعيد و اتمشكل مع اهلو , طلع ابوه لعندي و وراه ام سعيد و معن نظيرة

ابو سعيد: عم تفتري مرتك علينا

سارة : لااا انت خططتو لهل الشي , حطتولي شي بالاكل و قفلتو الباب علي حتى ما انزل و اطلب مساعدة مع حدا و بعدت سعيد عن البيت حتى ما يسمع صوتي, انتو ناس ظالمين و ما بتشبهو البشر
ابو سعيد: هاي مرتك قليلة ادب و بدا تاديب , بلشت تطاول علينا

سارة : سعيد انا بدي اطلع من هون

اطلعت بابوه

سارة : و اول ما اطلع رح ارفع عليكن دعوى بانكن قتلتلولي ابني و انت نظيرة اول وحدة رح اكر اسمك

نظيرة : ها ها ها

سعيد: سارة قومي ضبي اغراضك رح نطلع من هون و هلا

ابو سعيد: ما الك طلعة هون , هي اا بدا تروح , بس انت هون رح تبقي هون جنب مرتك

سعيد: مين مرتي ؟ نظيرة !نظيرة انت طالق

صارت نظيرة تبكي و تولول , ضربو ابوه كف

ابو سعيد: الله يلعن تربايتك , اطلعو لبرا خدا و اطلع لبرا بس رح ترجع متل الكلب تبوس ايدي و رجلي لارضى عليك بعد ما سود الدنيا بوجهك

التفت على نظيرة

ابو سعيد: عمي ما تبكي انت رح بضلي مرة ابني و رح اضلي هون ليرجع هالمجنون لعقلو و يرجع يطلب السماح منك

ضبينا اغراضنا بلمح البصر و طلعنا من بيت اهلو و ام سعيد عم تنوح و تبكي و نظيرة انعزلت بغرفتا , رجعنا على بيتنا بعد اسبوعين من تعب الاعصاب كانو متل الكابوس , كان سعيد عم يخفف عني الاكتئاب يلي فتت فيه بعد ما خسرت يلي ببطني , رجع سعيد على غلو و انا بقيت بالبيت لارتاح , تاني يوم من رجعتنا على البلد , رجع سعيد من غلو بعد ساعة من طلعتو , فات هو و وجهو احمر و غاصص , حسيت صاير معو شي

سارة : من اول ما فتت و انت ما على بعضك و ما لحقت تروح حتى رجعت ؟ سو في؟

حط ايديه على وجهو

سعيد: رفدوني من السغل

سارة : ليش؟

سعيد: ماا بعرف و حاولت ما اعرف بس ما سمحولي قابل المدير ابدا

سارة : طيب ...بسيطة بدور على غل تاني

قعدت جنبو و مسكت ايدو

سارة : المهم نحن مع بعض

تاني يوم نزل سعيد يدور على شغل و بقي ما يقارب الاسبوع حتى لقى شغل مندوب مبيعات , رجع مبسوط و يبشرني انو لقى سغل , تاني يوم نزل ليبلس بالشغل الجديد , رد رجع بعد ساعتين , فات و هو مدايق

سعيد: الدنيا كلها مسكرة بوجهي

سارة : ما مشي حال الشغل الجديد

سعيد: لا عندي احساس ابي الو ايد بالموضوع

سارة : انا حاسة حالي احسن و رح انزل من بكرا على سغلي و انت اقعد هالفترة ليحل غضبو لابوك عننا

نزلت على الشغل و اول ما فتت على المكتب شفت وحدة قاعدة محلي ,رحت شفت ابو فؤاد

ابو فؤاد: سارة انت تاخرتي كتير و كان مضطر لجيب وحدة تمشي الشغل عنك

سارة : طيب انا هلا رجعت , ما فيك تصرفا

ابو فؤاد: لا ما بقدر , ابوا صاحبي و ما الي عين سرحا

سارة : طيب

رجعت على البيت انا و مكتئبة , اول ما شافني سعيد ما سالني لانو عرف لحالو انو انا انرفدت من شغلي , ابوه لسعيد سكر كل الابواب بوجهنا و ترك باب بيتو مفتوح لابنو بس , وصلنا لمرحلة ما معنا ولا ليرة و براد بيتنا فاضي , كنت ابكي بعيد عن عيون سعيد من القهر و الزعل بس ما كنت بينلو اني مقهورة

سارة : انا عم فكر اتصل بجمال الباشا كرمال ...

سعيد: لا , جمال الباشا و غيرو خلص , طلعو من حياتك من غير رجعة و ليش لهلا رقمو بعدو معك ؟

سارة : ما بعرف

سعيد: احذفيه

سارة : طيب , لازمني كام غرض للبيت و انا ما ضل معي مصاري , رح اتصل بامي و اطلب منا

سعيد: لا

سارة : لا كل شي لا , شو الحل لكن ؟بدنا نضل قاعدين هيك

سعيد: رح ادين من رفيقي

سارة : طيب بس هاي حالة طويلة يا سعيد

سعيد: ماتخافي بتعاود تنحل

ادين سعيد من رفيقو الاول و التاني وما ضل حدا من رفقاتو الا و ادين حتى صارو رفقاتو يتهربو منو , لبعد فترة دخل عللى البيت

سعيد: انا لقيت شغل و اخيرا

سارة :عنجد

سعيد: بس متردد اقبل

سارة : ليش؟

سعيد: لانو فيه سفر

سارة : شو الشغل ؟

سعيد:شوفير سواحن بضائع بين المحافظات , يعني بدي اضطر غيب عن البيت يومين و يمكن اكتر حسب الظرف , و رايك؟

سارة : ما بعرف

سعيد: بس الراتب ممتاز رح يكفينا و زيادة و ما رح يحيجك للشغل و رح تتفرغي لتخلصي جامعتك

سارة : اممم ما بعرف , يعني رح ابقى لحالي نهار و ليل

الجزء الثالث عشر:
@rwayate

صرت خبط على الباب و نادي نظيرة و الخدامة ام وفيق

سارة : افتحولي الباب

فاق ليث على اصواتي و صار يبكي , بقيت 3 ساعات محبوسة جوا بالحمام , حاولت كسر الباب بس ما قدرت , صرت نادي ام وفيق من طاقة الشباك بس ما سمعتني او يمكن عملت حالي ما سامعتني ,فرطتت اعصابي من تاني ساعة و بكيت على بكا ليث يلي فحم قلبو من البكا و الجوع ,تعبت و قعدت بارض الحمام انا و عم ابكي و ادعي على نظيرة و ليث برا عم يبكي لراح صوتو , لسمعت صوت حدا برا حملو ل ليث

سعيد:يا روحو لبابا ليش عم تبكي ... سارة وينك انت

قمت وقفت و خبطت على الباب

سارة : انا جوا افتحلي الباب

فتح الباب و طلعت

سعيد: شبك

سارة : بعد هيك

طلعت من غرفتي و رحت بسرعة على غرفة نظيرة و انا حاطة الشر بعيوني , فتحت الباب , كانت عم اطعمي ابنا

سارة:تعي لهون , بدي عرفك مع مين علقانة

هجمت عليا و مسكتا من شعرا و اضاربت انا و اياها , صارت تصرخ و تعمل حالا مظلومة , حاول سعيد يفصل بيناتنا بدون ما يفهم القصة ,بس كان ماسك ليث بايدو عم يبكي , حطو على التخت و صار يبعدنا عن بعض اجت اميررةو حماتي من زيارتن و طلعو لفوق فورا على اصواتنا و فصلو بيناتنا , وقعت منشفتي على الارض , لقطتا من الارض و لفيت حالي فيا

ام سعيد: شو و القصة ؟

سارة /تبكي/:ولله اذا بتقربي علي ولا على ابني لاكلك باسناني لاقتلك

نظيرة: ولله ليجي عمي لقلو و حدة مجنونة , ما عملتلك شي

سارة : قفلت علي باب الحمام 3 ساعات و ابني فحم قلبو من البكا

نظيرة : كذابة ما تصدقوا و اسالو ام وفيق ما طلعت من غرفتي من وقت ما طلعتو لهلا

سارة : ما انت شااريتيا لام وفيق

اخدت ليث من سعيد و رجعت على غرفتي و قفلت الباب و قعدت رضع ابني , اجا سعيد و صار يفتح بالباب

سعيد: سارة افتحي الباب

سارة : ما رح افتح و انت السبب , انت يلي جبتني لهون انا و ابنك , ادا بصير علي ولا على ابني شي رح بقتلك يا سعيد , سارة الضعيفة الهبلة دفنتا قبل ما اجي لهون

سعيد: ماشي يا سارة اعملي و كتري

ما نزلت لتحت الا المسا اكلت بالمطبخ و طلعت على غرفتي , نام سعيد هديك الليلة عند نظيرة , بعد يومين كانت حماتي بدا تروح زيارة عند مرة شريكو لعمي , خيرتني يا انا يا نظيرة بروح معا حتى ما نعلق سوا اذا بقينا بالبيت متل هديك المرةو قلتلا انا بروح معك , طلعت لبست و نزلت و رحت انا و اياها و اميرة يلي بتاخدا معا حماتي وين ما راحت متل رفيقتا لانو وحدانية و ما عندا اولاد , كان بيتا لام حسن فيلا افخم بكتير من بيت حمايي ,اول ما فتنا و قعدنا , سالت ام حسن حماتي عنا

ام سعيد: هاي مرتو لسعيد

ام حسن : ليش سعيد ما اخد بنت عمو ؟

ام سعيد: أي ,بس سارة مرتو الاولى

ام حسن : اهلا و سهلا فيكي حبيبتي , ولله انا ما طقتا لضرتك

سارة : ولا انا طقتا هههههه

ام حسن :هههههه

من ضمن الحديث يلي دار بين ام سسعيد و ام حسن

ام حسن : سمعتي يا حرام ماتت مرتو لجمال الباشا بهداك المرض كش برا و بعيد , مع اني يا حرام صغيرة بالعمر

ام سعيد: الله يرحما

ام حسن : قلي ابو حسن بدك تروحي تاخدي بالخاطر , قلت بقلك لتروحي معي , ما بحب روح لحالي
ام سعيد: أي برروح

ام حسن : منروح بكرا الصبح شو رايك ؟

سارة : مرة عمي انا كمان بدي روح معكن

اطلعت ام سعيد و ام حسن فيني

ام حسن : ليش انت بعرفيا لمرتو لجمال الباشا ؟

سارة : لا بس انا كنت اشتغل بشركة جمال الباشا بس انت خالتو ام حسن من وين بتعرفي مرتو ؟

ام حسن : انا ما بعرفا بس عمك ابو حسن صحبة مع جمال و كان بيناتن شغل لهيك بدو يبعتني قوم بالواجب ما حلوة

سارة : وين فاتحين التعزية ؟

ام حسن :عندو بالفيلا

رجعنا المسا من عند ام حسن , كان سعيد و ابوه و زوج اميرة قاعدين بحديقة االبيت , قعدو معن حماتي و اميرة و انا طلعت على غرفتي لنيم ليث بتختو , حطيت ليث على تختو , و فتت على الحمام لغسل وجهي من المكياج , انا طالعة و عم اشلح بلوزتي لمحت شي طويل و رفيع عم يتحرك جنب باب الغرفة و كانت افعى كبيرة طولا بحدود المتر و نص ,صرخت صوت قوي بلمقلوب من منظرا

سارة :سعيد ....سعيد ..الحقني

كان بدي اوصل لليث اخدو و اهرب من الغرفة , بس كانت على الباب , لا بقدر اطلع من الغرفة و لا بقدر اقطعا و اوصل لتخت ليث , وقفت صرخ و ابكي و ارجف و نادي سعيد حتى سمعت صوتو عم يطلع ركض على الدرج , فتح الباب بسرعة , و زحفت الافعى تحت تخت ليث

سعيد: شبك ليش عم تصرخي

سارة: هون ...تحت .....في افعى كبيرة ....تحت تختو ل ليث ...جيب الولد بسرعة

سعيد: خدي و اطلعي لبرا

سارة : الله ياخدك يا نظيرة

نزلت اانا و حاملة ليث و عم ارجف و خبرتن لبيت حمايي تحت , طلع عمي و زوجا لاميرة قاسم فورا على غرفتي و اخدو معن شبكة ليلقطو فيه الافعى و فأس, و نحن وقفنا برا الغرفة وقفت نظيرة عاملة حالا ما معا خبر بشي

نظيرة :شوفي مرة عمي شو هالاصوات

سارة : لسا الك عين تسالي , انت يلي حاطتيا بغرفتي , بدك تقتليني و تقتلي ابني

نظيرة : كل شي بصير معك بتحطيه بضهري , رحت و ما خلصنا منك

سارة /تبكي/: افهمي يا غبية ما بدي اياه , خديه الك , انا جيت لهون غصب عني و عايفتلك اياه , بس اتركيني عيش بسلام انا و ابني

طلع سعيد و حاملة للافعى ميتة بايدو ,اطلع بنظيرة

سعيد: هاي شو فوتا لهون ؟

نظيرة : شو دخلني؟ ليس عم تسالني الي؟/تبكي/ انا يلي حطيتا يعني , هديك المرة لقيت حردون كبير بغرفتي ليش ما اتهمت حدا يكون حاطتلي اياه , عم تتبلوني كذب

ابو سعيد: خلص عمي ما تبكي , ما حدا قال انو انت , عادي بتصير و انت ست سارة يبقى اقفلي باب غرفتك بعد ما تطلعي منا حتى ما تشكي بحدا مرة تانية

ما فتت على غرفتي الا لرجع سعيد و تفحص الغرفة منيح تحت التخت و بقلب الخزانات ادا نظيرة حاطتلي شي تاني

سارة : انا خايفة ابقى لحالي بالغرفة , نام عندي الليلة

سعيد: لانو انا على كيفك ,يوم بتفتحي الباب و يوم بتسكريه بوجهي , نامي لحالك

طلع من الغرفة هو ومعصب ,رجعت نكشت الغرفة حتى اطمن و ارتاح اكتر , وبقيت طول الليل عم احلم انو نظيرة ماسكة الافعى و عم تركض وراي تخوفني فيا وهي عم تضحك , فقت مرعوبة كدا مرة حتى طلع الصبح علي , تاني يوم جهزت حالي لروح مع حماتي و ام حسن , لبست بنطلون اسود و بلوزة بيضا و فوقا جاكيت اسود سبور ذيك و عملت تسريحة ناعمة لشعري و حطيت ليث عند اميرة و حطتلو كام حفوضة و ببرونة حليب و نزلنا بسيارة ام حسن , كنت متوترة انو شوف نتالي او فادي او حسام بس حسيت حالي انو لازم روح ,فتنا على الفيلا و كان عجاة كتير الصالون , نسوان كتير لابسة اسود و شي عم يقرا قران و شي عم يسبح , فتنا قعدنا باخر الصالون , ما كنت بعرف حدا من الموجودين حتى اجت مرة سلمت على ام حسن و حماتي و قربت على حماتي و سالتا من هاي

ام سعيد: هاي اختو لجمال

و هي عم تحكي معنا ,اجت نتالي لعند المرة و هي عم تناديلا ماما , اطلعت فيا كانت هيئة وحدة حامل و وجها مرتاح عن اخر مرة شفتا فيا

ام نتالي:هاي بنتي نتالي

ام حسن : اهلين خالتو

سلمت نتالي على ام حسن و على ام سعيد و وقت وصلت لعندي و مدت ايدا هي و عم ادقق فيني كانو ما متاكدة

سارة : كيفك نتالي؟

نتالي: سارة ..

سارة : البقية بحياتك

نتالي: و حياتك الباقية

ام نتالي: نتالي حبيبتي هديك الطاولة خلصت فيا القهوة المرة , قليلا لام عصام تجيب غيرا

نتالي: يلا

راحت نتالي هي و عقلا مشغول , بعد ربع ساعة رجعت قعدت جنبي

نتالي:ما توقعت ارجع شوفك مرة تانية

سارة : ولا انا و بس جيت اخد بالخاطر مع حماتي ,كيفك انت و فادي؟

نتالي: لحمدلله , حياتي معو انقلبت من فوق لتحت للافضل

سارة : كانك حامل ؟

نتالي: أي بالشهر السادس و معي بنوتة

سارة : الله يتمملك على خير

نتالي :شو اخبارك انت ؟

سارة : لحمدلله , انا تزوجت و صار عندي ولد

نتالي: مين تزوجتي؟

سارة: سعيد يلي كنت استغل معو بالمول قبل ما تقلعيني هههههه

نتالي:هههههه بس بتستاهلي

سارة : هاي انت ما رح تتغيري بس برافو عليكي و يا ريت فيني كون بقوتك , وينو خالك ؟

نتالي: فوق قاعد بمكتبو تركتو قاعد لحالو و عم يدخن

سارة : طيب فيكي تاخديني لعندو لاخد بخاطرو قبل ما روح

نتالي: قومي

استاذنت من حماتي و رحت مع نتالي

نتالي :فوتي هو جوا

سارة : ما بدك تفوتي معي

نتالي: لا انا بدي انزل اوقف جنب امي اا

دقيت الباب و فتت , كان قاعد على الكرسي و ماسك صور بايديه

سارة : صباح الخير انالله كون ما قاطعتك عن سي

رفع عيونو و اطلع فيني و حسيتو ما عرفني او يمكن نسيني

سارة : انا سارة ...تذكرتني

جمال :ايه

سارة : البقية بحياتك

جمال : و حياتك الباقية

بقيت واقفة و متلبكة , ما عرفت احكي لاول مرة او كيف بواسو حدا بهيك ظرف

جمال : تفضلي ارتاحي , شو اخبارك ؟

سارة : انا منيحة لحمدلله

جمال : ليس تركتي الشغل عند ابو فؤاد

سارة : انا ما تركتو , اخدت اجازة اكام يوم و صار معي ظرف و اضطريت مدد الاجازة و وقت رجعت كان مسلم محلي لبنت رفيقو

جمال : اممم ما خبرني هيك , كيف امورك ؟

سارة : منيحة لحمدلله ,مبارح سمعت بالصدفة انو مرتك ماتت الله يرحما

جمال : تعيشي

سارة : حسيت حالي انو لازم اجي

جمال :شكرا لزيارتك , التقيتي بنتالي تحت ؟

سارة : ايه , هي يلي طلعتني لهون بعد ما سالتا عنك

جمال : سمعت انك تزوجتي

سارة : أي صح , سعيد ما غيرو

جمال : اممم تدكرتو ,باينتو ساب كويس , انسالله تكوني مبسوطة معو

سارة : .......ما بعرف , هو كويس بس ظروفو ما كويسة

جمال : اذا احتجتي لاي شي , انا موجود , و فيكي ترجعي على شغلك

سارة : لا , المادية منيحة لحمدلله

جمال : ما تخرجتي لسا ؟

سارة : لسا ,حبلت بابني ليث ...

جمال : صار عندك ولد

سارة : ايه

جمال :الله يخليلك اياه و بس هالشي ما بيمنع انك تكفي دراستك

سارة: اكيد لتتحسني ظروفي رح تابع

اندق الباب و فاتت نتالي

نتالي: سارة حماتك و ام حسن بدن يروحو و عم يسالو عنك

سارة : يلا نازلة

جمال : جاي مع حدا ؟

سارة : أي , انت بتعرفو لزوجا لام حسن ...عندو مكتب تعهدات بضيعة الجوزة

جمال : اه عرفتو

سارة : أي بكونو جيران بيت عمي اهلو لسعيد و جيت مع مرتو انا و حماتي

جمال : ايوا بس هاي ما بقا ضيعة , صارت كلها منتجعات

سارة : أي صح بس انا بقلا ضيعة لانو السكان الاصلين بعدن محافظين على عاداتن و تقاليدن , يلا انا لازم امشي

قام وقف و وصلني على الباب

جمال : الله معك و ادا احتجتي أي شي ما ترددي تحكيني ابدا

سارة : اكيد

جمال :شكرا على زيارتك

سارة : بيباي

نزلت انا و نتالي لتحت , كانت ام حسن و حماتي ناطريني بالسيارة , طلعت معن و مشي السوفير فينا , مرت ام حسن اشترت كام غرض من المول لبيتا و رجعنا على الضيعة , مريت اخدت ليث من عند اميرة و رجعنا على البيت , كان سعيد عم يتغدى هو و ابوه و نظيرة , فتنا و قلنا السلام عليكم

سعيد: وين كاينين يا لطيف حتى لابسين هالاسود؟

ام سعيد: رحنا مع ام حسن اخدنا بالخاطر

سعيد: خاطر مين؟

ام سعيد: مرتو لجمال الباشا

ترك الملعقة من ايدو

سعيد:جمال الباسا ؟ما غيرو تبع الاستيراد و التصدير

ام سعيد: ما بعرف شو بشتغل انا رحت مع ام حسن و راحت سارة معنا طلعت بتعرف بنت اختو

اطلع فيني سعيد و انا كنت عم رضع ليث

سعيد:شو سارة , شو عم اسمع انا ؟

سارة : ايه

سعيد: شو اخدك لهنيك ؟ انا رجل كرسي هون , كيف بتروحي بدون ما تاخديني اذني

ابو سعيد: راحت مع امك , ما بدا كل هالقد عصبية

نظيرة : لا عمي ما بصير , بقولو عنا بالضيعة عن هيك مرة سش ة و زوجا ما معبي عينا

سارة : انت اسكتي و ما تدخلي ,و انا كيف بدي اخد ادنك و انت ساحب مني الموبايل

ام سارة : وين بدك تروحي هلا ؟

سارة : ما بعرف , بجوز اقعد بشي اوتيل

ام سارة : طب حكيني من موبايلك و خبريني وين انت
سارة : لا رح طفيه , بحكيكي من شي حصالة بالطريق

ام سارة : اوووف الله يحميكي , بس الهروب ما حل

سارة : امي انت طول حياتك كنت مقضيتيا هروب من محل لمحل سو نسيتي

ام سارة : لا ما نسيت و انت بدك تعيشي ابنك متل ما انا عيشتك

سارة : لا اكيد

ام سارة : انشالله يكون هيك

وقفت تكسي و اطلعت فيه , ما كنت عارفة لوين بدي روح , كان بدي اهرب بس ,اعطيتو للشوفير عنوان فندق بحي سعبي لروح و قضي فيه يومين لبلش اتفاوض مع سعيد على الطلاق , اول ما فتت على الغرفة و حطيت ليث على التخت و فتت غسل وجهي و اندق الباب , رحت فتحت فكرت موظف الخدمة بس طلع بوجهي سعيد , من رعبتي جيت لسكر الباب بوجهو فورا بس حط ايدو و دفشو و فات

سعيد: هون عنوانا للدكتورة النسائية ؟

سارة :......

سعيد: شو جاوبي ؟عم تهربي مني

سارة : ايه عم اهرب , ما رح ضل عندك لتموتني نظيرة و انت ما عم تعمل شي /تبكي/ انا تعبت قاعدة فوق على اعصابي , كل ما بفوت و كل ما بطلع بقفل غرفتي و بفوت عليا متل الملمسة و بضل بتفقد ابني , عملت فيني العمايل و انت شو عملت ..شو عملت ...ولاشي...قلك ابوا رجعا رجعتا ماشي على كلام اهلك , خلص روح لعندن و اتركني بحالي ...طول عمري كنت وحيدة و رح ابقى وحيدة احسن ما تكون مسمي علي رجال و ما قادر تحميني

قعدت على التخت و صرت ابكي

سعيد: كل شي عملتو لاجلك نكرتيه , كنت رح اقتلا لو ما اولاد عموما و اخواتا هدوني

سارة : ما بدي تقتلا , خلص عيش معا و تركوني عيش انا و ابني و ما رح طالبك بنفقة

سعيد:عم تقهريني بهالكلام و انا ...ما بدك كون موجود بحياتك ..المهم انت و ابنك مع بعض و انا شايلتيني برا دائرتك

سارة : انت شلت حالك من زمان , بس لهلا انا بحبك و بدي نكون سوا بس بعيد عن وكر الافاعي , بدك اياني خلينا نبعد نهج نسافر غير هيك مستحيل كون معك يا سعيد

سعيد:........

سارة :سكتت , وقت يوصل الموضوع لهون بتسكت و على كل حال انا مستحيل ارجع معك لو بدك تشحطني متل هديك المرة ما رح روح

سعيد:طيب ...ما تروحي بس ارجعي على بيتك و بلا هالقعدة هون لحالك و بهيك منطقة

سارة : ايه و بعدين؟

سعيد: اتركيني فكر بس و اطلع بحل يرضي الكل

سارة : ما في حل يا معي يا معن و انت اختار , و اذا اخترت تكون معن طلقني و اذا اخترت تكون معي اعمل حسابك ما رح نبقى هون ،رح نسافر

سعيد:طيب

وصلني سعيد على البيت و راح ,نطرت منو خبر او اتصال و بعد يومين اتصل فيني سعيد

سعيد:ضبي اغراضك انت و ليث , رح نسافر على غير محافظة بكرا بمر باخدك من البيت و منطلع على المحطة

سارة : وين بدنا نروح؟

سعيد:انا مزبط الامور

مر تاني يوم سعيد علي ,اخد مني الشناتي و حطن الباكاج و طلعنا , كنا طول الطريق متوترين

سارة : حدا حس عليك

سعيد:لا

وصلنا على المحطة ,صف السيارة ونزلنا , بعد ما حجز سعيد تكتين , قعدنا ننظر القطار بصالة الاستقبال

سارة : سعيد انا فايتة على الحمام قبل ما نطلع , خلي ليث معك

سعيد: بس ما طولي

بعد ما طلعت من التواليت , كنت واقفة عم غسل ايدي , ضربت عيني على المراية , قبل ما صرخ , كانت حاطة ايدا على تتمي و السكينة على رقبتي

نظيرة : مفكرة بتقدري تاخديه مني بهالسهولة و تهربي ,انت شو , قطة بسبع ارواح , كل ما حاولت خلص عليكي و ابعدك من طريقي ,بترجعي بتطلعيلي و بتثبتي رجليكي اكتر من قبل ،بس هلا ما في الك مهرب مني

دفشتا بعيد عني , رجعت هجمت علي بدا تنحرني بالسكينة , خلصتا السكينة من ايدا و زتيتا لبعيد, توجهت على البااب لاطلع منو , رجعت شدتني من شعري

نظيرة : ما رح تهربي مني

رجعت فتلت لعندا و بكل قوتي و قهري و حقدي و كرهي دفشتا بايدي الاتنين , تزحلطت على الارض و خبط راسا بالمغسلة و وقعت لا من تما و لا من كما و بلش الدم ينزف من راسا على ارض الحمام , وقت شفت هالمنظر داق نفسي و صرت الهت ,حسيت حالي رح افقد عقلي ,انا قتلتا لنظيرة , ركضت لعندا
سارة : نظيرة .....نظيرة ...قومي ....دخيل الله

انفتح باب الحمام فجاة و وقع قلبي بس وقت طلع سعيد ارتحت

سارة /تبكي/: سعيد الحقني

سعيد: شو عملتي؟شو جابا هاي لهون؟

سارة :ولله ما انا يلي قتلتا , دفشتا بس و وقعت و خبط راسا

سعيد: خدي ليث و روحي من هون بسرعة

سارة : و انت ؟

سعيد: شو بدك فيني , انا بدبر حالي ,بسرعة القطار رح يمشي , اول ما تصلي رح تشوفي شاب اسمو عمر على اساس التقي فيه هنيك , رح اتصل فيه يلاقيلك و هو بيستقبلك و بيمشي امورك

سارة:لا مستحيل اتركك ،بلكي فكرو انت قتلتا ....بمين عم تتصل

سعيد: بالاسعاف

قام وقف و اجا لعندي و دفشني لبرا

سعيد:خلص روحي ....رح يفوتك القطار

طلعت من الحمام انا و عم ابكي و فاتو صبية و بنتا على الحمام و سمعتن عم يصرخو ، رحت اخدت الشناتي و طلعت بالقطار, كنت طول الطريق عم ابكي و خايفة حتى اتصل بسعيد و اسالو شو صار بنظيرة و شو صار بالحادثة , وصلت على المحافظة التانية و اول ما نزلت من القطار , اجا لعندي شاب

عمر : انت سارة مرتو لسعيد

سارة : انا ايه

عمر : تفضلي

اخد مني الشناتي و طلعني بتكسي و اخدني على بيت مفروش

عمر :تفضلي هيدا المفتاح

سارة : شكرا

عمر : و هيدا رقمي , أي شي بيلزمك دقيلي ؟

سارة : ايه ايه

فتت على البيت , حطيت ليث على التخت و اتصلت بسعيد فورا , ما رد علي , نمت بصعوبة هديك الليلة تاني يوم اتصلت فيه لسعيد, بعد عدة محاولات رد

سعيد: ماتت

سارة : ماتت/تبكي /....عنجد سعيد

سعيد: نحن بالدفن هلا , ما تتتصلي فيني هالفترة لبين ما تهدى الامور , انا بس يصحلي بلحقك

بعد فترة ما يقارب الاسبوعين ، اتصلت فيني اميرة

اميرة : سعيد بالحبس

سارة : يالله ليش؟

اميرة : سعيد حكالي كل شي , بس وقت حس انو رح ينكشف الموضوع قال للامن انو نظيرة لحقتكن على المحطة و علق هو واياها بالحمام ومسكت فيه حتى ما يروح , دفشاا لنظيرة و وقعت بغير قصد

سارة/تبكي/: .......انا ما كنت قاصدة اقتلا و اقتل يلي ببطنا

اميرة : نظيرة طلعت ما حامل

سارة:عنجد ،طب وينو رأفت ،رح يبقى عند اخواتو؟

اميرة :لا رح نعمل جهدنا نجيبو بعد ما يطلع سعيد ،انا حابة ربيه ...المهم اليوم كنا بزيارة عندو و قلي اتصل فيكي حتى خبرك و قلك خليكي بمحلك و اوعى ترجعي لانو وضع الضيعة عنا مكركب و اخواتا لنظيرة فاير دمن

سارة : و هو ؟ ايمت رح يطلع ؟

اميرة : ما مبين , حطلو البابا محامي بس عم يطمنا المحامي انو ما كتير رح يبقى بالسجن بس المشكلة يا سارة وقت يطلع , اخواتا لنظيرة حالفين ليقتلوه و ياخدو بتار اختن حتى رافت اخدو مننا و انا قاسم رجع طلقني

سارة : يالللهه يا اميرة ...يا ربي ...ولله كانت جايبة معا سكينة و بدا تقتلني انا كل شي عملتو انو دافعت عن حالي بس

اميرة : بعرف ....على كل حال انت ما تتتصلي فيني ابدا , انا بتصل فيكي و رح حولك مصاري على حساب عمر لتصرفي على حالك بالفترة الجاية , لازم ما حدا يعرف محلك حتى امك

سارة : ماشي

مرت ست سهور على هالحالة ,و ليث عم يكبر و صار يمشي , كاانت تتصل فيني اميرة كل فترة بعيدة تخبرني عن وضع سعيد , حتى اليوم يلي اتصلت فيه اميرة

اميرة : سارة معك جواز سفرك ؟

سارة: لا هو ببيتي

اميرة : اممم طيب , انا رح جيبو وين حاطتيه ؟

سارة : بمصنف ابيض فوق الخزانة بس ليش؟

اميرة : سعيد طالع من السجن بهاليومين و ما رح يبقى هون , ابي رح يطلعو برا البلد كرمال اولاد عمو ,المحامي زبطلو جواز سفر ل ليث لهيك عم اسالك

حسيت قلبي رح يطير من الفرحة

سارة : يا رب يا رب تزبط هالمرة , طب انا هلا شو لازم اعمل

اميرة :كوني جاهزة باي لحظة , ممكن يجي لعندك سعيد و تسافرو

ضبيت تيابي و تياب ليث انا و عم ادعي انو تم امورنا على خير , بعد يومين اتصلت فيني اميرة و طلبت مني انطرو لسعيد بالمطار

سارة : اميرة طب وينو سعيد , بدي اسمع صوتو

اميرة : ما طلع لسا ,بعدو عم يخلص اوراق طلعتو من السجن

شكيت للحظة باميرة و انو ممكن تكون عاملتلي كمين او طعم لاوقع فيه بس ما كان عندي حل غير اعمل يلي قلتلي عليه طلعت على المطار انا و ماسكة قلبي بايدي و رح انهار من شدة الخوف , بس اول ما شفتو لسعيد , نسيت كل شي, حتى نسيت كل شي عملوه معي قد ما كنت مشتاقتلو ،لفيتو و صرنا نبكي نحن الاتنين بحرقة

سعيد:و اخيرا يا سارة .....يلا

كان سعيد متغير و نحفان كتير , حمل ابنو و لفني و مشينا و اول ما صرنا على الطيارة , حطيت راسي و على صدرو و اخدت نفس متل يلي كان عم يركض لساعات بسباق و وصل و قطع الشريط و فاز و طوينا كل شي مرق بحياتنا انا و اياه و طرنا على حياة ومستقبل حلو بعيد عن كل الاسى يلي شفناها من اهلنا انا و سعيد يلي كنا منشبه بعض كتير و منشبه عالم كتير اهالين دمرو حياتن بدل ما يكونو السند و الداعم الن .

انتهت.

زهرة_الحب  

 

تعودت دايما بحياتي احصل على كل الشغلات اللي بدي إياها بدون ما اطلبها حتى الحب دق بابي بدون ما استناه أو اطلب منو يجي لعندي من لما كنت صغيرة كنت استشعر انو في جواتي قوة كتير كبيرة و ماني محتاجه لأي حدا يوقف جنبي و يقوني كنت مأمنه بنفسي و انو فيني أحقق اللي بدي اياه و اتجاوز كل المشاكل بدون مساعدة حدا و انا ما كنت عم فكر بالزواج و عمري ما اتخيلت إني رح كفي حياتي مع رجال اشكيلو همي و اطلب منو يوقف جنبي كنت بشوف انو انا أقوى من هيك و اللي كان يهمني مستقبلي المهني و بس فتت عالجامعه و كان قدامي هدف واحد اني اتخرج و صير دكتورة و اطلع سافر برة أكمل دراسات عليا مرت اول سنه بالجامعة و كنت من المتفوقين و طبعا كنت مبسوطه بحالي كتير  و انو انا بلشت بالخطوة الأولى باتجاه أحلامي بس بالسنة التانيه بلشت لاحظ عمر زميلي بالجامعة عم يزيد اهتمامو فيني و عم يحاول يتقرب مني خفت كتير وقتها ما كنت بدي ياه يقرب مني و صرت أحاول اهرب منو للحظة ما اجا لعندي و طلب يحكي معي لحالنا وقتها ترددت بس بالنهاية وافقت عزمي وقتها على كافيه قريب من الجامعه

عمر: سارة شو بتحبي تشربي

سارة:لا شكرا لو سمحت ادخل بالموضوع عطول

عمر:شوفي سارة انت بتعرفي انو انا ما بقيلي إلا فصل و بتخرج و انا الي بعرفك سنه و نص و الحمدالله انا مرتاح ماديا لهيك انا حابب أتعرف عليكي اكتر بفصلي الأخير و ان شاء الله بعد التخرج منيجي انا و أهلي و منطلبك بشكل رسمي

بوقتها تلبكت كتير و ما عرفت شو لازم احكي و ما كان عندي قدرة لاجرحو و قلو انو انا ما بفكر بالزواج

سارة:اسمع عمر انت شب كتير منيح بس متل ما انت بتعرف انا لساتني سنه تانيه و ما بدي ألبك حالي بهيك قصص و التهي عن دراستي

وقتها حسيت بخيبة أمل على وشو و بوقتها حسيت انو فهمني غلط و انو انا رافضو لشخصو حاولت اني ابرر الموضوع اكتر بس كان مبين عليه انو بدو يختصر  لهيك اخد تلفونو و بكيت الدخان من على الطاولة و راح بعد ما قلي مع السلامه

ما بعرف بشو وقتها حسيت كان في كتير مشاعر متضاربه بقلبي ما قدرت فسرها رغم انو عمر ما كان أول حدا بيطلب مني هالشي من وقتها و انا كل ما عمر يشوفني كنت حس انو عم يتوتر و يكون بدو يقلي شي بس يتراجع بهديك الليله قعدت فكر بعمر هو شب كتير حلو اسمر عندو غمازتين ببانو كتير لما يضحك  شخصيته بحسها أحيانا  غامضة ومو مفهومه بس ما في أنكر انو عندو شخصيه كتير جذابه و انا سرحانه بافكاري سمعت صوت بابا عم بندهلي

سارة: ايوة بابا خير في شي

مجدي: خير حبيبتي انت مو قلتيلي انو بدك تشتغلي بالخدمة العامه و انا اليوم رحت و خبرتهن عنك و هن وافقو تشتغلي ببيت العجزة

سارة: عنجد شكرا كتير الك بابا

مجدي: و رح يكون دوامك من الساعه 2:30 لل 5 و رح يكون دوامك يومين بالأسبوع اتنين و خميس مشان ما تنشغلي عن دراستك

بوقتها انبسطت كتير و رحت لنام بكير و انا عم فكر كيف رح يكون يومي الأول ببيت العجزة و كيف رح يكونو الناس اللي رح قابلهن نمت و براسي اسئلة كتير

فقت بكير بهداك النهار لبست بسرعه و نزلت أفطرت مع عيلتي و رحت عالجامعه كنت بستنى المحاضرة الأخيرة تخلص بملل و بوقت لما صارت الساعه 2 و خلصت محاضرتي الممله طلعت من الجامعه و ركبت بسيارتي و رحت عبيت العجزة حسب العنوان اللي بابا قلي عنو

وصلت لهنيك و كلني حماس بالبدايه فتت لعند المديرة رحبت فيني و عرفتني على الشغل و الأشياء اللي لازم اعملها لخدمة العجزه و سالتني ازا حابب اسالها عن شي و قالتلي انو ازا بدي مساعده أجي لعندها و اسالها طلعت من عندا و رحت اتفتل بالغرف اجت المشرفه اللي هنيك لعندي و مشيت معها لحد ما وصلنا للغرفة 3 و قالتلي اني رح كون مسؤوله عن هاي الغرفه فتت عالغرفه كان فيها 2 عجايز وحده منهن كانت نايمة و التانيه عم تبكي و ضامه شي لصدرها استنتجت وقتها انو يمكن تكون صورة ولادها و كم تبكي عليهن بس شدني كتير الحزن اللي بعيونها و الدموع اللي ما فارقوها للحظة وحدة حتى الأكل اللي جبتلها اياه ما قبلت تأكل منو شي روحت عالبيت و كنت كتير تعبانه بس ما بعرف ليه صورتها ما فارقت بالي من لما شفتها حسيتها بتشبهني كتير رغم فرق السن اللي بيني و بينها و حسيت اني لما أكبر رح صير بشبها كتير كان شعرها لونو كستنائي و عيونها وساع متلي بس كان الفرق اللي بينا انو انا كان عيوني لونهن عسلي بس هي لونهن كان بني كتير غامق بس كانت حلوة حلوة كتير مرت ايامي بالجامعه كتير عادية بس كنت حس بنظرات الحب من عمر طول الوقت و كنت حس انو حبو لالي عم يعذبو كتير و عرفت من رفيقتي ليلى انو هو كتير بيسأل عني ليطمن علي و على دراستي بس انا قررت بانو انا لازم اتجاهلو لحدا ما أبعد عن الخطه اللي رسمتها لحياتي الجاي

و اجا يوم الخميس اللي كنت عم استناه لروح على المشرفه و اسالها عن قصه هديك الختيارة فتت لعندها و سالتها بس ما قدرت احصل منا الا على معلومات قليله لانها ما كانت تعرف شي عن قصتها في

 

-2-

 

المشرفه:

للي جابها شب الظاهر انو ابنها و دفع مقدم سنه و خبرنا انو اسمها أم اشرف

سارة: و ما قال أي شي تاني و أو رجع شافها

المشرفه: لا ابدا و من هداك اليوم و الدموع و الحزن ما فارقوها

طلعت من عندها و كلي فضول لأعرف شو قصتها فتت عالغرفه طلبت مني أم محمد ( الختيارة التانيه اللي بالغرفة) مي و أكل و رحت جبتلها و طعميتها بإيدي ترضت علي و نامت و انا اخدت صينية الأكل لاوديها عالمطبخ كانت أم أشرف نايمه لمحت صورة جنبها اخدتها لاشوفها كانت صورة لشب و بنت من يوم عرسهن قعدت اطلع بملامح البنت كانت بنت كتير حلوة و انتبهت انو هي البنت بتشبها لام أشرف كتير قعدت فكر بيني و بين حالي معقول تكون هاي الصورة صورة زواجها فجأة أم أشرف صحيت و سحبت الصورة من أيدي و لقيتها عم تطلع علي بعصبية اعتذرتلها و طلعت من الغرفه عطول قعدت طول الليل فكر بقصتها و شو اللي جابها لهون بس ما قدرت أوصل لشي بعد ما تعبت من التفكير نمت و انا عم استنى يوم الاتنين ليجي

كان عندي نهاية أسبوع استغليتها بالدراسة لانو كنت تاركه الدراسه لفترة و كتير مواد تراكمت علي و انا عم ادرس رنت علي رفيقتي ليلى

ليلى: مرحبا سارة كيفك وين الك غاطه ما منشوفك

سارة: مأنت عارفه ما عم لحق مركز و دراسه و محاضرات ما عم أفضى لشي  

ليلى: يوم الخميس أجى لعندي عمر و سأل عنك

سارة : أنا ما قلتلك ما عاد تجيبيلي سيرتو

ليلى: و الله حرام عليكي اللي عم تعملي بعمر هو كتير بحبك و قلي انو هو مستعد يتقدملك بالوقت اللي بنسابك و مستعد يستناك قد ما بدك  

سارة: لو سمحتي ليلى سكري الموضوع و ما عاد تجيبلي سيرة عمر مرة تانيه انا ما بدي اياه و ما بدي غيرو

ليلى:خلص على راحتك يلا بشوفك بكرة سلام

سارة: مع السلامه

فقت الصبح و لبست تيابي و رحت عالجامعه و أول حدا شفتو الصبح كان عمر كان حاطط سيجارتو بتمو و عم يشرب قهوة و لما شافني رمى السيجارة على الأرض كان بيعرف بأني بكره الدخان فتت عالمحاضرة و انا عم اضحك و عم قول لحالي لا و مصدق حالو كمان

مر بقية اليوم بشكل طبيعي و أجى يوم الاتنين و انا خلصت محاضرات و صار لازم روح عالمركز فتت عالغرفه و كنت جايبه أكل أعطيت لام محمد نص الأكل و النص التاني اعطيتو لام أشرف و كنت بدي اطلع من الغرفه لحد ما نادتني أم أشرف لاقعد جنبها

سارة:خير خالة في شي  

أم اشرف:انت حابه تعرفي قصتي مو هيك

سارة:لا الموضوع مو هيك خاله بس انا...

أم اشرف:مو مشكله انا رح قلك قصتي انا ارتحتلك و حابه فضفضلك

و طالت الصورة اللي شوفتها معها هداك اليوم

أم أشرف:شوفي يا بنتي هاي انا و هداك عمك أبو أشرف الله يرحمو بيوم عرسنا

سارة:الله يرحمو شكلكن كنتو مبسوطين

ام أشرف: اكيد رح نكون مبسوطين منحن عانينا كتير لاخدنا بعض و رح قلك قصتي

سارة:تفضلي خاله انا عم اسمعك

أم اشرف:لما كنت صغيرة كنت بنت كتير حلوة و كان ابن عمي يحبني كتير بس انا ما كنت أحبه و حاول كتير ليتقرب مني و انا كنت صده كنت بنت كتير مغرورة و شايفه حالي بجمالي لحد ما اجا عمك أبو أشرف و غير كل شي كنت بهداك اليوم رايحه عالمدرسه و كان وقتها عمري 17 سنه انتبهت انو في دكانه جديدة فتحت جنب مدرستنا ما اهتميت و ضليت بطريقي للمدرسه يوم عن يوم كنت لاحظ الشب اللي بيشتغل بهديك الدكان عم يلحقني كل يوم لحد ما اروح عالبيت و الصبح كنت لاقيه واقف عباب الدكانه عم يستنى فيني و هيك يوم عن يوم بلشت حس بحب تجاهو و صرت عم اتعلق فيه لحد ما يوم أجى و وقفني و بيومها قلي:اسمعي انا ما بدي اياكي تكملي دراسه بدي أتزوج و عيش معك سوا ببيت واحد و راح و تركني واقفه بدون ما يسمع جوابي  يمكن بوقتها حس اني بحبو انا كمان روحت عالبيت لقيت أهلي و بيت عمي اللي ساكنين معنا بنفس العمارة عارفين اني وقفت اليوم مع عمك أبو أشرف و هيك بلشت التحقيقات مين هاد و ليش كنت واقفه معو و من هالاسئله و قتها قلتلهن كل شي و قلتلهن اني موافقه عليه بوقتها ابي ضربني كف و قلي من اليوم ما عاد في مدرسه و ما رح توخدني إلا ابن عمك و بوقتها صرت ابكي و قول بأني ما رح اوخد حدا إلا عمك أبو اشرف و ما حدا سمعني و بلشو بتحضيرات الخطبه و كانت امي عم بتزبطني بالغرفة لحد ما اسمعت صوت حبيبي حسام (أبو اشرف) كان جاي عنا عالبيت و عم يصرخ و يقول ندى الي ندى الي و بوقتها عمي و ابي طلعو لعندو و صار ابن عمي يضرب فيه لوقفو ابي و بوقتها سأل حسام شو جاي بدو

حسام:اسمع يا عمي انا بحبها لبنتك و رايدها بالحلال و يعلم ربنا بنيتي و انا ما حكيت معها الا لمرة  وحدة لحتى تعرف مشاعري تجاهها و تعرف بأني رايدها بالشرع و الحلال

أبو ندى:بس مثل ما بتعرف اليوم خطبتها على ابن عمها و هو أولى فيها

حسام:بس يا عمي ندى بدها اياني يعني بدك تزوجها غصبن عنها

أبو ندى: و مين قلك انو بنتي بدها اياك

حسام:اسالها و هي بتحكيلك

أبو ندى:ندى بنتي تعي لهون

ندى:نعم بابا خير شو في

 

 

 

-3-

 

أبو ندى:جوابيني بصراحة بدك ابن عمك و الا لأ

بوقتها تطلع

الجزء الاخير:
@rwayate
فادي:شبك...مع مين عم تحكي

سيرين:ما مع حدا ...ما مع حدا

مشيت لانسحب و اطلع من برا الغرفة،مسكني فادي من ايدي

سيرين(تبكي):اتركني ..ما ناقصتك انت التاني

فادي:انا التاني ...ليش مين الاولاني؟ !

سيرين:...انا تعبانة

فادي:بعلمي كنت عم تحكي مع عمتك ،علقتي معا

سيرين:ايه ايه ،كانت عمتي واعدتني تجي لعندي هالاسبوع و هلأ متصلة تعتذر انو ما رح تقدر تجي لهيك انزعجت و علقت معا و بس بعدين قالتلي خلص رح اجي يوم الاحد و انحلت المشكلة

فادي:القصة ما حرزانة كل هالقد

سيرين:لا حرذانة كتير ،انا بحاجة حدا جنبي ،تعبت من الوحدة ،حاسة حالي لحالي بهالدنيا ،انت طول نهارك بالشغل

فادي:طب روحي غيري جو عند اهلي

سيرين:خلص هديت ،ما فيني شي

تركتو و فتت على الحمام ،بكيت كتير ما كنت عارفة ليش عم ابكي بالضبط على خبر حمل نرمين من جمال او نقلتا على بيت جديد او لانو حسيت حالي خسرت كل شي بالوقت يلي هي ربحت كل شي فيه ،حسيت حالي مخنوقة و حيطان هالبيت عم تكبس على نفسي ،ما كنت مصدقة ايمت يطلع النهار حتى اتحرك و اتصرف فورا و لحق رجع شو خسرتو ، @rwayate تاني يوم رحت على بيتي و لقيتو فاضي و عرفت انو نرمين نقلت على البيت الجديد ،اتصلت فيا كتير و كان يعطيني خارج التغطية ؛قفلت موبايلا او كسرت الشريحة ما بعرف ،الشي الوحيد يلي بعرفو انو نرمين عم تهرب مني و ما عاد بهما شي ،اخر احتماال كنت بفكر اعملو اني صارح فادي او جماال بالحقيقة لانو بعرف اني رح ورط حالي كمان ،لهيك لجأت للشخص يلي حسيت انو ممكن يساعدني ليرجع كل واحد فينا لمكانو الحقيقي ،رحت لعند حمادة ،دقيت على باب بيتو ما حدا فتحلي الباب ،قعدت على الدرج ساعة حتى اجا ،اول ما شافني تفاجئ حتى قربت عليه و لفيتو

سيرين:لحمدلله على سلامتك

حمادة:....

سيرين:اانا سيرين ..انا اختك

حمادة:انا هلأ من شوي كنت عندك بس ما ك..

سيرين:بعرف ،هاي قصة طويلة فوت لاحكيلك اياها

حكتلو كل شي لحمادة بدون ما كذب بحرف واحد
@rwayate
حمادة:انت مجنونة

سيرين:بعرف بس كنت مضطرة بس انت كمان مجنون اكتر مني لانك رجعت تشتغل بنفس الشغلة يلي انحبست عشانا سنين

حمادة:مضطر كمان بس عنجد.ما عم صدق الشبه يلي بينك و بينا ،يعني مستحيل كان يخطر على بالي انو هاي المرة ما اختي ،بعدين انت كيف بتعملي هيك بتعيشي مع رجال بالحرام

سيرين:حمادة انت اخر واحد بتحكي عن الحرام ،انا هلأ بدي اياك تساعدني،انا بدي ارجع لزوجي و ابني و بيتي و طلع هالدخيلة السراقة من حياتي

حمادة:يعني هلأ نرمين بتكون مرتو لفادي ؟

سيرين:ايه و انا بعرف انو فيه شغل بينك و بينو

حمادة:كيف عرفتي ؟

سيرين:بالصدفة،المهم شو بدنا نعمل هلأ ؟
@rwayate
حمادة :انا بحكيا لنرمين بس لحظة انا شو بدو يأكدلي انك انت سيرين ،ولله ما عاد عرفت شي

سيرين:بعلامة القتلة يلي اكلناها انا و انت من امك يوم يلي قطفنا كل شجرة الحجة ابو احمد الجوافة و اكلناها كلها و بعدين اخدتنا امك بالليل عند الدكتور لانو صار معنا امساك

حمادة:صح صح ....

سيرين:نرمين خبرتني انو جمال بلش شغل جديد و نقل على بيت تاني بس ما عرفت العنوان و ما رح تعطيني اياه ابدا و قفلت خطا على الاخر حتى ما لاحقا ،لهيك جيت لعندك اذا بتقدر توصل لجمال و تعرف العنوان و تعملن زيارة و تخبرا انك عرفت كل شي

حمادة:اممم شغل شو ....ما خبرتك عنو؟

سيرين:لا ما قلتلي هالحيوانة ،ما حكينا كام كلمة و علقنا مع بعض

حمادة:طيب انا بتصرف
@rwayate
______نرمين _____
بيت جديد و رجال حنون و ابني جاي عالطريق و حياة جديدة و سعيدة كنت مستحيل اترك كل هالشي ببساطة و امشي و ارجع لحياة الذل و النكد مع فادي ،كنت شايفة انو هالحياة من حقي و كنت مستعدة صير شرسة و قوية لدافع عنا بس تفاجأت بزيارة حمادة لعندي و ما كان موجود جمال و لا حتى يزن ،مسكني من ايدي بقوة

حمادة:فيكي تضحكي على كل العالم بس علي لأ،انا عرفت من اللحظة الاولى انك ما سيرين،كيف استقبلتيني و تلبكتي و كأنك ما عرفتيني ، ما تروحي حالك على الهاوية اكتر و انسحبي بسلامتك احسنلك

نرمين:سيرين باعتك اكيد

حمادة:ما مهم،المهم تتركي و تمشي ،انت بتعرفيه لفادي اكتر مني و من اي حدا ؛لو شك مجرد الشك شو بيعمل ؛بيقتلك بدم بارد
@rwayate
نرمين:و بيقتل اختك كمان؟

حمادة:اختي ما مرتو و ما خانتو و ما عاشت مع رجال تاني و حبلت منو ،انت الخسرانة الوحيدة بهالصفقة

نرمين:و اختك خسرانة كمان ،وقت يعرف جمال بالحقيقة رح يقتلا كمان ،انا و اختك بنفس الهوى سوا

حمادة:جمال ما بيقدر يقتل عصفور حتى يقتل انسان ،اكتر شي بعملو هو انو بطلقا بس ،جمال ما متل فادي ،بعتقد عاشرتي الاتنين و صرتي بتعرفي منيح

نرمين (تبكي):بس انا حبيتو لجمال و ببطني ولد منو ،كيف بدك اياني اتركو ،ما بقدر