و معتمة و كئيبة بس شكلو هالشتا بلش يسخن شوي
:
عفاف : الف مبروك عليكم انتو الاتنين
تستاهلو يا ولاد
ورد : يبارك فيكي خالة
تامر : ورد ، انتي بنت رائعة فعلاً ، انا اتبسط اوي بمعرفتك
جوزك انسان محظوظ انو عندو مرا متلك
ورد : كل العالم عم يقولولي نفس الجملة ، يعني زوجي الوحيد يلي مانو ملاحظ انو انا رائعة
تامر : ما فهمتش
ورد : ما تشغل بالك ، اييي
Telegram:@rwayate
بما انو انا هون لاربع ايام ، انصحوني بأماكن زورا
تامر : قبل ما انصحك تزوري ايه ، امسكي دول
ورد : شو هدول
تامر : انا كنت متفق معك على ربع الجايزة ، بس تستاهلي نصها ، لانو عملتي و شتغلتي زيي و اكتر
خجلت و ما كنت رح اخدن بس اصرو يعطوني اياهن
تامر : مبروك عليكي الالف دولار
ورد : كبير المبلغ
تامر : اعملي بيه سياحة الاربع ايام دول
حاجة تانية ، ممكن اخد رقم موبايلك ، اتطمن عليكي من فترة للتانية
ترددت شوي
تامر : متخافيش مش حاكلك
ورد : اي سجل عندك
ودعت تامر و الخالة عفاف ، ما عرفتن غير من ساعات بس حبيتن كتير
احيانا في ناس منعرفن لسنين طويلة و مع هيك وجودن او عدمو ما بشكل فارق بحياتنا
و في ناس منشوفا للحظات او ساعات بس بيتركو اثر و ذكرى حلوة بقلوبنا
بتخلينا نتبسم غصبن عنا كل ما تزكرناهن
كملت هداك اليوم اتفتل بشوارع البرازيل
و بما انو كان معي مصاري اشتريت هدايا لنيسان و يزن و كمان لاختي و ولادا
بس عتمت الدني اخدت تكسي و عطيتو عنوان الفندق وصلني لهنيك
بس فتت غرفتي ، قعدت استرجع كلشي صار معي اليوم ، متل الخيال
فتحت جوالي لقيت اتصال من اختي سوسن
رجعت تصلت فيها ، طمنتا عليي و خبرتا كلشي صار معي
ما صدقت من الصدمة
سوسن : بتعرفي شو يا ورد ، هالسفرة الغريبة ، ترتيب من القدر حتى ما تتأثر نفسيتك و تتعبي
ربنا بيعرف قديشك انسانة طيبة و قلبك ابيض و بعمرك ما ازيتي حدا
ورد : بعرف يا اختي ، بس ليش هيك حظي ما بعرف
سوسن : بعين الله
ما عم صدق و تجي تزوريني ، شتقتلك كتير
ورد : و انا اكتر ، بس بالاول بدي استكشف البرازيل
سوسن : ماشي ، حبيبتي جاسم اجا بدي سكر
برجع اتصل
ورد : الله معك
سكرت الخط مع اختي ، لقيت عشر مكالمات من عياش
خفت ليكون صاير شي للاولاد ، رجعت دقيتلو
ورد : الو عياش
عياش : ولك انتي شو يا *** عنجد طق عندك شرش الحيا *******
ورد : عياش ما بسمحلك تحاكيني بهاي اللهجة انتبه لكلامك
عياش : بالنهار بتنزلي صورك مع شب على الفيس
Telegram:@rwayate
و بالليل بلاقي فيديوهاتك معباية اليوتيوب انتي و شاب تاني عم تتسلمو جوايز
ورد : و انت شو خصك بكل هالخبرية ، غيران يعني
مو انت اللي قلتلي بدك تشوف خياتك و رحت صاحبت هديك الحية الشقرا عليي
بنت مراهقة من عمر بناتك
و انا كمان بدي عيش حياتي و صاحب و كون رفقة و انت ممنوع تتدخل
شو الك مسموح و الي ممنوع
عياش : لك ورد بجي ب*********
بتحملي حالك و بترجعي من الزفت بكرا
ورد : بصفتك شو عم تأمرني
عياش : اسمعي وليه بتحملي حالك و بترجعي بتنقبري هون حد ولادك
مو تاركتيهن و رايحة تفلتي على حل شعرك
ورد : مو انت يلي قلت بدك تربيهن ، و قلت انو زريبتي ما بتلبقلن
والا هديك المراهقة متقلة منن و ما بتعرف تربي ولاد
عياش: حاج تحكي عنا مراهقة ، هيي مانا صغيرة
ورد : اي معك حق لانو يلي بتتلاعب بأصابيعا بحيط تلاتيني متلك
هاي حرباية بتكون
عياش بلش يسب و يحكي حكي تقيل كتير و انا دغري فصلت بوشو
و عطيتو حظر
و صار عندي فضول لشوف شو نازل عني على اليوتيوب
فتشت كتير بس ما عرفت شو اكتب
و قلت لبكرا بقول لسوسن تدورلي على الفيديو ، هيي اشطر مني بهيك شغلات
عملت كاسة حليب سخنة و غفيت
و باقي ايامي بالبرازيل قضيتا اتفتل و اتسوح ، ما صار معي مغامرات متل أول يوم بس قضيت وقت
رائع و ممتع ، ما رح انسى هالمغامرة ابداً رح احكيها لولادي و حتى لاحفادي ازا الله عطاني عمر
خلصت فترة اقامتي بالبرازيل و ضبيت غراضي و استعديت لزيارة بلد تاني حتى عيش مغامرات تانية
انا الانسانة يلي كانت مقضية حياتها بين اربع حيطان و ولدين و زوج ، انا يلي عشت سنين شبابي و عمري عم ضحي و انزل انا يلي قدمت حياتا قربان حتى تمشي حياة اللي حواليها
انا اليوم عم شوف العالم بطريقة تانية ، بطريقة مختلفة ، اكتشفت مواهب و زوايا بشخصيتي ما كنت شايفتا من قبل ، مسلا ما كنت بعرف انو انا بنت مرحة و عندا حس دعابي عالي
من كم يوم بس كنت انسانة مهزوزة و ضعيفة ما عندا ثقة بحالا ولا بشخصيتا ، بس هالاربع ايام
كانو كفيلين بإنن يعرفوني على ذاتي على ورد الحقيقية يلي ندفت جوات شبح مرا لسنوات طويلة
قبل خمس ايام بس كان تفكيري محصور بالانتقام من الناس يلي دمرت حياتي ، بس هلأ حتى ما عم يخطرو على بالي ولا حتى بالغلط
اليوم ، الساعة 12 الضهر كنت واقفة بساحة المطار ، ناطرة طيارتي